نزلت وادي حنيفه قصدي اتمشى
صادفت جنية الوادي سمركندى
قالت تخير سمر وإلا اختها الصغرى
سأ لتها الزين فيك أو أختك الصغرى
ردة بعد تشرط عليه ياولد سلوى
زعلت وراحت وقلب شكلها حربى
قابلت زين الحسن الجوري الصغرى
قالت مشينا نروح المحكمه الكبرى
نعقد زواج الفرح في الليله السمرى
قلت يوه هذي عملها الجريمه الكبرى
ماذون الانكحه فالمحكمة الصغرى
يا بنت يا نسمة الريحان يابشرى
حاولت اهرب وخمتني برجلي اليسرى
ردة وقالت حياتك راح تكون عسرى
ياورطة الانس بالجنيه الغبرى
وش حد ني ربي انزل وادي الخلوى
هناأتفقنا وأخاف نعيش في بلوى
تم الفرح ثم بعدناوي على خلدى
انا اشهد اني لقيت الضيق والبلوى
تجملوا في ضيافتهم بكيس حلوى
هــــــــــــــــــــزليا ت وفرفشه وتوسعه صدر ليس كل الشعر حقيقي خلونا نقلبها خبيتي فرفشه ووناسه
ترونكم معزومين على الحفل والسكب 12 متكفل بكل شي
الذي من خارج مدينه الرياض تكاليف رحلة الطيران عليه يعني على بساط الريح نجيبه ونعيدكم الى اماكنكم في ثواني رجال ونساء
والبنات حق التمشخص من ميك اب وخلافه بعد فيه بنات من اصحاب
الحفل على اتم الاستعداد يقمن باللازم بدون مقابل وش بعد تبون
اكثرمن هذه المغريات أيه هين احلق شنبي اذا احدحضر
مافيه تنكس تنكس فيه على وزنها تنحش تنحش
موقع الحفل وادي حنيفه بالرياض الله مير يحييكم
مافيه مانع اصطحاب الاطفال والجوالات ابو كاميرا خلاف المعتاد عليه عند بعض العربان خخخخخخخخ احلق شنبي بعلبة بيبسي اذا احد حضر لاتصدقون ترون الدعوى هياط مثل المهايطيه في الحفلات المهايطيه لاتورطوني وتجون
حياكم الله من ملفاكم لملقاكم ارحبوا أرحبوا ارحبوا صب القهوه وهات القدوع يافليحان
اقول ياالسكب12 مالك إلا بنت عمك وضحى
الشباب لهم برستيج خاص حق رسمة سكسوكه فريده ومميزه اخاكم مكره لابطل لاتخافون بعطيكم نبذه عن التي بتسوي لكم السكسوكه على شان ماتخافون عيونها مستطيله ليس مثل بقية عرباننا لاتخافون خلوكم اسود وشجعان
واذا تبون اتوسط لكم ونخطب لكم اخت الجوي ترى مستعد اسعى لكم في الامر وان شاء الله يكون احدكم عديلي ونخلي الفرح فرحين انتم بس اشروا لي بعييونكم اليسرى رمشه بس ويجيك العلم لاتخاخفون لوتبون ثنتين ترى عندهم كساد
اخوكم
السكب 12
في انتظاركم