زرعت فرحه ..بس خذهـا غيابـك
وماتجتمع في قلب فرحه مع اغياب

كنت احسبك واحسب حساب لحسابك
الا الهجر ماكنت حاسبلـه حسـاب

اذا الحزن في يوم نحـس التوابـك
انا غزاني عقبك اسـراب واسـراب

كنت احسب اني تربةٍ مـن ترابـك
ولقيتني واحد من الناس الاغـراب

اخطيت او ما اخطيت يبقـى جنابـك
اكبر من أخطائي ..واكبر من عتاب

مااملك اسأل عن ذهابـك وأيابـك
بس اعرف انك اعظم الناس ترحاب

لو فيه سائل يسألـك عنـد بابـك
ابسألـك ..بالله بتسكـر الـبـاب