رواية الحب بعد فوات الاوان

20 - 1 - 2015, 07:53 AM

عبير وفوزيه في المطبخ يسوون الغداء
عبير:شكلهم جوو

فوزيه:اغرفه

عبير:لا انتظري الى يغيرون ويخلصون
عمران:قولي لي بالطيبه احسن من الغصب

زينب بارتباك:وش اقولك

عمران:مــيـن تكلمين

زينب بارتباك وخوف ورعب:اكلم انا اكلم ايه اكلم صديقاتي
يمسك شعرها بقوه ويضربها على الجدار حتى سال الدم من راسهها
عبير وابتسام سمعوا صوت عمران العاااااااااالي وصراخ زينب وركضوا للغرفة زينب شافوها غرقانه في الدم

عمران وهو واصل للاتش من العصبيه:اعترفي

زينب وهي تتكلم بصعوبه من الضرب:ايه اكلم واحد اسمه سالم بس ما ما ماطلعت معه
عبير تروح للعمران وهي تفرق يده من شعرها:حرام عليك ذبحت اختك فك شعرها
فك شعرها وعطى عبير كف باقوى ماعنده

زينب تناظر عمران وهي تبكي وتبي تبرر نفسها:ايه هي السبب انتي السبب لو ماجبتي لي الجوال كان ماعرفت سالم

زاد غضب عمران وحط الحره كلها بعبير وبدا بالضرب فيها من غير رحمه ولا شفقه شكل عبير يحزن وهو يضربها
كانها هي الي اخطت... وفوزيه تحاول تفكه وصار مثل المجنون يضرب كل الي حوله بس بزياده عبير يضربها من غير تركيز
عبير تمت طايحه في مكانها والدم مغطي وجهها وراسها وزينب بعد نفس الشئ(كيف لو عرف انها مرسله صورتها)بيذبحها

فوزيه تبكي لحال اختها ومرت اخوها
عادل:يمه ووووووووووووين الغداء ماصار ذا غداء ابمووووت

ام حسام:ووووووجع بسك اكل وبعدين اذا تبي شئ قل ليعقوب مو تقول لي
عادل ياكل في الصاله لحاله وهو مشتااااااق بالمرره لعبير وحسام يالله انا من زمان عن حسام تقريبا لي شهر وشوي
انا لازم اروح له اليوم
عادل راكب سيارته شغل اغنية عبدالله رويشد الخيانه وتذكر عبير لانها تحب عبدالله رويشد كثير

انا لازم اكلمها دق عليها

والغرفه هادئه من جميع الاصوات ماعدا شخير عمران ويدق جوال عبير انا مين عندي بعدك ازعجه الصوت لكنه ماقام
ودق مره ثانيه قام عمران وشاف الرقم اخوي الغالي

عرف انه عادل ورمى الجوال وطلع لقى فوزيه عند عبير الملطخه بالدم وزينب قايمه وخف الالام الضرب لكن المسكينه
النعومه الي ماتتحمل وضاربها ضرب فوق طاقتها
ناظر لهم زينب نزلت راسها وراحت وفوزيه :شيل زوجتك ودها للمستشفى تراها ماصحت من ضربك لها

عمران وهي كاسره خاااطره بالحيل بس مايبي يبين:طيب مارشيتي مويا عليها

فوزيه:الا بس ماصحت

عبير بصوت هادئ وبانين متقطع ويقطع القلب:لا مابي المستشفى خلاص قوميني يافوز ووديني غرفتي
تحاول فوزيه وهي سانده يدها عليها وتحاول وطاحت فوزيه لان فوزيه نحيفه وماتقدر
عمران:اتركيها انا ابشيلها

عبير:لا انت مابيك

20 - 1 - 2015, 07:54 AM

عمران شالها وودها لمغسله وحاول يغسل فمها المجروح لكن صرختها من الالام خلته يوقف
عبير وهي تشوف وجهها في المرايه المتشوهه من الالام وعينها الزرقاء من الضرب والا الصداع الي تحس فيه من البكاء
عبير:وش تبي فيني مو كافي الي سويته لي من غير ذنب حرام عليك اي غلط يصير يكون السبب انا حرام وهي تبكي حرام

عمران حزن عليها:ماكان قصدي والله انا صرت مثل المجنون يوم عرفت انها تكلم شباب انتي اذا بمكاني وش بتسوين

عبير:ابضرب الي مالهم ذنب

عمران حس بطعنه بقلبه من هالكلمه اخذها وودها للسرير حتى تنام فيه راح واخذ الغداء من فوزيه وحاول يوكلها

عبير:لا مابي

عمران:انا جوعان ومابي اكل الا اذا اكلتي
عبير:اباكل بس توعدني انك ماتضربني

عمران:وعد

عبير اكلت وابتسمت:تصدق اول واحد ضربني حسام لاني رفضت اتزوجك واخر واحد قبلك بعد حسام لاني رفضت اني
اتركك

عمران نزلت دمعه منه وباس على راسها:انا ماستاهلك ياعبير والله ماستاهل

الدكتور
حسام:اخبارك ياعادل وشلونك اخبار ابوي
عادل:والله الكل بخير وماتصدق البيت فاااضي بدونك
-حسام:تصدق بكره ابطلع من هالمستشفى بكره
عادل:الحمدلله ان ربي عافاك من هالمخدرات الي بليت نفسك فيه
حسام:ياشينك اذا بتنصح تراي ماقبل النصيحه من البزران
عادل:افا وش فيك قلبت على
حسام يضحك مبسوط:ههههههههههههههههههههههههه
عادل:انشالله دوم مو يوم ياخوي
حسام:تراي امزح معك مو تصدق كلامي
عادل:ادري هالمستشفى رباك
حسام:وانت الصادق هالسجن رباني
عادل:الحمدلله
حسام:تتوقع لو اجي لابوي بكره بيرضى على
عادل:حاول كم مره وشف اكيد بالبدايه بيرفض وبعدين اذا شافك استقمت بيرضى عليك
حسام يتنهد:اخ بس اعرف ابوي عنيد واكثر شئ يهمه هو كلام الناس
في المستشفى
الدكتور:لازم البنت اذا تبون ترجع لها الذاكره ودوها للاماكن الي تحبها وعطوها كل شئ تتمناه قبل الحادثه زين
ابو رامي:طيب اقدر اشوفها اللحين
الدكتور:طبعا تقدر لازم تشوف الي تعرفهم حتى ترجع لها الذاكره
ابو رامي وام رامي وابتسام دخلوا عند نوره الي جالسه على السرير وتناظر مكان وهي منسجمه فيه وتناظر له بتركيز وماتعرف أي واحد من اهلها
ابتسام خلاص ميته بكاء وهي تشوف حال اختها كذا
ابو رامي:انا السبب لو حققت لها اخر امنيه كان ماصار لها الي صار
ام رامي:انا امها ولا اهتميت لحالها اهملتها اه اه وهي تبكي
ابتسام تمسك كتف نوره وتهزه نوره نوره عرفتيني انا اختك ابتسام شوفيني
نوره تناظر بنظرات تعجبيه!!!شعور صعب اذا بنت ماتعرف اهلها شعور مرعب
حاولوا فيها لكن من دون جدوى

20 - 1 - 2015, 07:55 AM

وهم في البيت ولكل سرحان يفكر وتفكيرهم كلهم واحد هي نوره
ابتسام:يبه انت شف ولد جارنا اذا الى الان يبيها خلاص نتم الزواج
ام رامي:بجد انتي مو صاحيه
ابو رامي:ايوالله مو صاحيه كيف بيوافق والبنت صارت .......(سكت ماكمل)
ابتسام:انت يبه شف وماراح نخسر شئ الدكتور يقول سوو كل الي نفسها فيه
ام رامي اقتعت:ايو والله خلنا نحقق امنيتها الاخيره يمكن ترجع لها الذاكره
ابو رامي وكانه اقتنع:اشوف
تلفون نوره دق لكن لامجيب المكلمات التي لم يرد عليها53 مكالمه
عبدالله جن وش فيها نوره لايكون سوو فيها شئ

20 - 1 - 2015, 07:56 AM

حسام طلع من المستشفى بعد قضاء شهرين فيه وطلع يالله يازين الهواء والشمس والناس اشتقت للعالم اخ بس
لو بيدي كان فجرت هالمستشفى هههههههههههه بجد انا ناكر معروف عقب ماعالجوني ابفجره ههههههههههه
(حسام استخف يكلم روحه) بجد حرررررررريه اموت في الحريه انا
حسام اللحين بروح للشركه ابفاجئ ابوي بس عسى مايهزئني قدام الموظفين
راح للشركه والكل يضحك في ووجهه ويتكلم من وراه دخل مكتب ابوه
ابو حسام وهو لابس النظاره ومنهمك يقرا المعاملات رفع راسه للي داخل من غير اذن؟؟
شاف حسام
ابوحسام بعصبيه:وش تبي؟؟ تبي تكمل الناقص
حسام:يبه انا الحمدلله اتعالجت واللحين عافي متعافى
ابوحسام بحزم:اطلع برا برا
حسام:يبه الله يسامح عباده على الغلط ليش ماتسامح ولدك اذا غلط ليه يبه سامحني تكفى
ابوحسام:بتطلع ولا انادي السيكورتي يجرجرك من اذنك
حسام:يبه بطلع بس ابرجع وكل غرضي ونيتي هي رضاك
طلع حسام ومايدري وين يروح ايه مالي اروح الا للبيت ابوي طردني من الشركه مو من البيت
راح للبيت امه استقبلته بترحيب وسلام حار

في وقت المغرب/////
عبدالله شاف عبدالرحمن اخو نوره في الشارع لانه غايب
عبدالله:اخبارك دحومي
عبدالرحمن:انا طيب
عبدالله:وش فيكم اليوم(يبي يجره بالكلام علشان يعرف وش فيه)
عبدالرحمن:انا غايب لان مافيه احد يوديني والسواق امي راحت معه للمستشفى
عبدالله:ليه وش فيه بالمستشفى
عبدالرحمن:نوره تعبانه
عبدالله مشى وراح عنه من غير تفكير
عبدالرحمن وش فيه هذا بجد مجنون
عبدالله الي خايف منه صار اخ بس وش اسوي اللحين اوووف مسكينه حبيتي نوره شكل السبب هو انا
عمران صار موظف كبير ومهم في الشغل لانه اثبت جدارته وللواسطه دور بعد
وصار مايكلم زينب ابد وقطعها عن المدرسه الى الابد وكسر جوالها بس عقب وش ايه زين وصلت الى هنا بس وش بيسوي
عمران اذا شاف الصور الله العالم
عمران صارت له شله من الوظفين في الشغل وكل يوم يسهرون الى الساعه 2 الليل بس مايتاخر عن عمله لانه شاف العز من ذا العمل احتراااام
ورااااااحه وراتب عالي

عمران وهو داخل للبيت:السلام
الكل:وعليكم السلام الا زينب طلعت وراحت لغرفتها الكل متكبر في هالبيت مايعرفون يتاسفون ناس فيها تخلف
عبيروهي قايمه:ابروح اجيب لك الغداء

فوزيه:اخبار شغلك ياخوي

عمران:الحمدلله ماشي

كالعاده تغدى وراح ينام ويداوم في العصر ويروح مع اصدقائه الى وحده او ثنتين في نص الليل وعبير حست بملل من حالته

عبير مانسجمت كثير مع فوزيه لانها ماتتكلم كثير ومو راعية مكياج وسوالف الفساتين ومو ستايل
عبير راحت لزينب:اغرف لك غداء
زينب:اووووف مابي شئ اطلعي برا وصكي الباب
عبير تطلع اوووف مافي احترام ابد انا ناويه ارفع الرايه البيضاء لكنها هي الله يهديها بس

عادل وابو حسام وصلوا للبيت

وح

20 - 1 - 2015, 07:57 AM

وحسام جالس يتغدى لانه ميت جووع

عادل:حسام هنا ياهلاااااااا فيك ياخوي اخبارك ويسلم عليه بحراره مع انه امس شافه الا انهم اشتاقوا لبعض

ابوحسام:من غير مأسمع ولا كلمه اطلع برا ولا اشوفك بذا البيت

حسام نزل راسه وطلع
ام حسام:حرام عليك خلاص الولد تاب (ولحقت ولدها وعطته رقم حسابها في البنك ياخذ الي يبي منه
عادل:ييبه مايصير والله حرام عليك البيت ذا يضيع واحد ورا الثاني الاولى عبير وبعدها حسام والجاي انا
حسام مايدري وين يروح لان الابواب كلها مسكره بوجهه مافكر الا باخته عبير يروح لها بالقصيم
حسام جلس يومين بشقه مفروشه وبعدها سافر للقصيم بيروح لعبير لانه مشتاق لها

20 - 1 - 2015, 07:58 AM

الجزء السابع عشر
حسام وصل لمطار بريده وبيروح لعبير لانه بيجلس عندها كم يوم لانه مشتاق لها
في العصر
عبير وهي برا جالسه على الكرسي الخشبي
دموعها تنزل وهي حزينه طفشانه الحالها ومن اول ماتزوجت عمران ماطلعها ولا مره وهي متزوجه من ست اشهر ولا شهر عسل ولاغيره
وهي مشتاقه لأهلها واخوانها والاسواق لانها راعيه اسواق ومطاعم مو جلسة بيت ومن زمان ماغيرت لوكها ولاصبغت
وسوت حركات البنات إلي تعطيهم الطاقه ويحسون بالوناسه لان التغيير اهم شئ عند البنات

عمران جاء لها:وش فيك عبير محزنه وحالتك حاله
عبير بحزن:احس بملل وضيقة خلق انا مليت من الجلسه في البيت
عمران بتمهزئ:ووين بالله عليك تبيني اوديك
عبير:ودني لاي مكان احس بخنقه والله مليت من يوم ماتزوجتني ماطلعتني ولامره
عمران:شوفي فوزيه وزينب مثلك مانتي احسن منهم
عبير قامت معصبيه:زينب تشوف صديقاتها قبل بالمدرسه وتشوف ناس وفوزيه لاتقارني فيها
عمران:والله اشوف صارلك موال جديد وليش ماقارنك في خواتي الاخت مو قد المقام
عبير ودموعها تنزل وبرجاء:خواتك مو مثلي هم متعودين على جلسة البيت انا مايمر يومين الا اطلع في بيت اهلي
عمران:هذا ببيت اهلك مو هنا تعودي على الجلسه انا ماحب البنات الكثيرررره مشاويرهم
عبير:حرام عليك خذني لاي مكان ابي اروح لخوالي اشتقت لهم
عمران:انا متواعد انا وخوياي(اصدقائي)
عبير:طيب عطني يوم اكلمك فيه
عمران:بأي موضوع؟؟
عبير بملل:بموضوع الطلعه ابي اشم هواء لاني مليييييت
عمران:شوفي انشالله بكره اتمشى انا وياك في ذيك الجبال جبال قرية قطن
عبير:وشو قطن ؟؟
عمران:اسم القريه فيها جبال كبيره ذيك تشوفينها بكره اوديك لها انشالله استاذن من العمل ونروح الصبح انا وانتي وخواتي

عمران راح وعبير انقهرت يوم عرفت ان خواته بيروحون لان بذات زينب تدور الحبوب على الدروب(يعني مشكلجيه)
وهي ماتبيها

بعد صلاة العشاء طلع من المسجد ابو رامي وكان عبدالله يمشي قدامه وهو متحطم ومحزن كثير على حال نوره الي
مايدري وش فيها ابو رامي ينادي:عبدالله
عبدالله التفت بسرعه وكانه يبي يشوف ضالته الي ضايعه عنه من زمان شاف ابو نوره يناديه جاء له:هلا بغيتني
(لانه سلم عليه قبل الصلاه بس ابو رامي ماقال شئ بوقتها لأنه كان ممتردد)
ابو رامي:ايه اقولك نوره الي خطبتها مني قبل كم يوم ذكرتها هاه(وكانه ابو رامي مايدري شيقول من الصدمه الي حلت فيه)
عبدالله:وكيف تبيني انساها اكيد اتذكرها بس وش فيها
ابو رامي:كانت موافقه عليك وحنا رافضين وزعلت واضربت عن الاكل يومين وبعدين صار لها انهيار وصراخ وديناها للمستشفى
قالوا انها فقدت الذاكره
عبدالله وكانه مو مصدق:لالاااااااااااااااااااوانا السبب صح
ابو رامي:لا اهمالي هو السبب انت اذا الى الان شاريها نملك ع�

20 - 1 - 2015, 07:59 AM

ابو رامي:لا اهمالي هو السبب انت اذا الى الان شاريها نملك عليها وتاخذها واذا ماتبيها اعطيك ثروتي كلها بس حاول ان
تتخفف عنها يمكن ترجع لها الذاكره بسببك
عبدالله:كيف مابيها انا الى الان شاريها خلاص طيب اقدر ازورها هي بالبيت ولا بالمستشفى
ابو رامي:في المستشفى وتقدر تزورها بعد مانملك عليها
عبدالله:طيب خلاص اللحين املك تكفى ياعمي
ابو رامي:صار نملك اللحين

في بيت ابو حسام
ابو حسام:ابسافر لمصر اذا تبون تسافرون معي انا ماعندي مانع لان هالمره شغلي بسيط
ام حسام:ياعمري ياعبير تموت في مصر لو انها معنا كان رحت معك
عادل:طيب عادي يمه نقول لها واذا بتروح رحنا كلنا
ام حسام:خلاص نقولها قبل مانسافر بيومين اذا تاكدنا من هالروحه
عادل:بس يبه متى السفر
ابو حسام:الاسبوع الجاي
ام حسام:شفت اخر اخبار نوره واعلى عليها المسيكينه
عادل فز واستحى يقول وش فيها
ابو حسام:ايه عرفت الله يكون في عونها وفي عون اهلها
عادل احترق:طيب وش فيها تراكم خوفتوني
ام حسام:وانت وش دخلك
عادل:مو بنت عمي وو و
ابو حسام:ههههههههه لايكون تحبها تراها ماهي من نصيبك
عادل جن:طيب وش فيها انا مو فاهم شئ
ام حسام:ياطويل العمر بنت عمك فقدت الذاكره تدري ليه لان اهلها رفضوا اللي تقدم لها
عادل:فاقده الذاكره كيف وليه ومين الي خطبها

حسام استاجر له سياره ووصل بيت عبير وعمران وكانت عبير طفشاااااااااانه بششكل ومشتاقه للناس والعالم
طق الباب والكل استغرب لان ماهي من عوايد احد انه يجون لهالبيت الا زملاء عمران كل خميس وجمعه

عمران فتح الباب وشاف الفاجعه حسام مو معقول وتغيرت هيئته من مدمن الى انسان عادي
عمران بغضب:حسام وش جايبك ووش الي ذكرك فينا
حسام:السلام عليك
عمران:ووووووووش تبي
حسام:ابسلم على اختي عبير
عمران بصوت عالي:عـبـيــر عـبـيــر
عبير:نعم مين تشوف حسام تستانس حسام!! وبعد عناق بين اخوان مشتاقين لبعض
عمران بنظرة استحقار:اسمع يالمدمن تراي ماراح اسوي زيك واطردك على طول لك مع اختك نص ساعه وبعدها تنقلع
بالي مايحفضك
عبير بعصبيه:حــسـام احترم اخوي
عمران:اها المدمن وتفتخرين فيه انه اخوك كذا حياتكم يالاغنياء
حسام:على كل انا ماراح اطول بالبيت بس انا جيت ابسلم على اختي و (يناظر اخته ويشوف عيونها المورمه من الضرب والعنف
ويشوف جرح بفمها)حسام فتح فمه مو مصدق مين الي سوى كذا فيك ياعبير ويناظر عمران
اياالخسيس تحط قوتك على حرمه بجد نذل
عمران طلع وبصوت بعيد عالي:ترا بقى من الوقت ثلث ساعه يالــمدمـن (طبعا انحاش الخواف)
حسام:عمران صح
عبير:تناظر فوق وتحت مو مهم اخبارك الحمدلله على سلامتك والله طالع قمر مو زي اول اعوذ بالله
حسام بنظرات حزن لاخته وتعاطف معها:عبير لاتسكتين له
عبير بابتسامه مليئه بالحياه:ولا يهمك ابكسر راس

20 - 1 - 2015, 08:00 AM

عبير بابتسامه مليئه بالحياه:ولا يهمك ابكسر راسه
حسام: هههههههه ماتخلين هبالك
عبير باسف:معليش على كلامه امسحها بوجهي
حسام:عادي لعيونك تكرم مدينه يالغاليه
عبير:تسلم ياخوي اخبار ابوي عسى رضى عليك
حسام:لا للاسف وكل مره يزيد اصرار وعناده
عبير:حاول فيه بكل الطرق وصدقني ماراح يخليك وبيرضى عليك مهما كان هذا ابوك وماراح يتخلى عنك

عادل عرف السالفه جن انهبل لا كيف الي احبها تصير مجنونه وفاقده ذاكره لا مستحيل لا وبعد تنجن علشان عبدالله صديقي
ولد جارهم اكيد هي تعرفه ومتصادقه معه بس كيف؟؟خابرها تخاف من الرجال وماتثق باحد يالله بنات اليوم كل شئ يصير منهم
وطوول اليوم مقهور ومنشل تفكيره والاسئله كيف وليه ووش السبب؟؟؟؟ معقول تنتهي قصة حبنا قبل ماتبدا اخ اخ بس
والله ماتستاهليني يانوره اي كل البنات كذا عبير كانت تحب رامي وبعد ماعلقته فيها غيرت رأيها وحبت واحد ثاني
كأن البنات يتلذذون في تعذيب الواحد عادل كرهه حاله وكرهه كل البنات بسبة نوره

عبير تقوم:ابسوي لك قهوه
عمران بوقاحه يناظر ساعته الي في يده ويرفع حاجب:انتهى الوقت
عبير:عمران هذا ضيف عندك ولا نسيت العادات والتقاليد
عمران:لاطبعا مانسيتها بس الضيوف مو المدمنين
حسام بقهر وبعصبيه:ارتاح الله لايريحك ويوريك في خواتك انشالله انا رايح بس شف الي تسويه باختي بيصر اشد لخواتك
وترا دعوة المظلوم مستجابه
عمران سكت وتذكر سالفة زينب وكانه طعنه في قلبه وجدد جروحه وعذابه هالكلمه ((بس تذكر))ان السبب هي عبير وانجن
عمران:اقولك برا قاعد تدعي مثل العجايز برا يالمدمن
عبير تبكي من القهر وبجد قلبها ينزف منه دم كل ماعاير اخوها بالمدمن واهان كرامته ورجولته
طلع حسام وركضت وراه عبير وودعته بدموع وبحراره وباسف وعناق تركهها حسام وهي ماتبيه يبعد كانها تبيه يجلس عندها ولا ياخذها معه
حست بامان يوم شافته وحست بالغربه وهو يودعها وبسيارته رايح
تترقب تترقب الى اختفت السياره وصاحبها
وتمسح دموعها ويزيد نحيب البكاء وشهيمه وتجلس على الارض وهي تبكي وتمسك الرمال بيدها كانها تشكي لها تقوم وتروح

عبير رجعت لعمران وهي تبكي ونص كلامها مقطع من شهقات البكاء:عجبك كذا طلع
عمران ببرود:احسن بالي مايرده انشالله
عبير بحقد وببكاء:بحياتي ماكرهت احد قد ماكرهتك اليوم
عمران:وعمرك ماحبيتيني اصلا انا مو محتاج لحبك
عبير:انا احترمت خواتك مو حبا فيهن بس احتراما لك
عمران:وغصبن عليك تحترمينهم هذا واجبك
عبير:وواجبك انت تطرد اخواني وتناديه بالمدمن
عمران:انا ماكذبت وبعدين انا ضيفته نص ساعه مو زيه طردني على طول
عبير:ومتى تحسب للوقت اصدقائك يجلسون الى اخر الليل واضيفهم انا واسوي لهم العشاء لحالي مع اني مو متعوده الا اني
ماتضجرت علشان مابين لك ان ناقصني �

20 - 1 - 2015, 08:02 AM

ماتضجرت علشان مابين لك ان ناقصني شئ بس انت ماتستاهل الي يداريك
عمران بعصبيه بيمد يده يضربها وتوقفت يده فجئه لانه تذكر الوعد
عبير بابتسامة استهزاء:اضرب ترا تبلدت احاسيسي ماصار ضربك ياثر فيني اضرب ياشجاع
عمران وهو رايح ومعصب:خلني اروح مو ارتكب فيك جريمه

20 - 1 - 2015, 08:03 AM

صارت ملكة عبدالله ونوره من دون حفل ولا رقص ولا اغاني بالعكس في جو يغلبه الحزن
عبدالله اول ماكتب عليها الكتاب طلب من ابو رامي انه يشوفها وابو رامي قال رح لها باي وقت تبي
وخذها انت للبيت لكن ابتسام وعبدالله رفضوا لانهم يبون لها زواج قبل يعني حفله
عبدالله راح للمستشفى وياليته ماراح شاف نوره ووجهها الذبلان من المرض ولا نظراتها الموجه لمصدر واحد مو معروف
وفيه ممرضه قاعده توكلها
عبدالله:لو سمحتي انتي روحي انا بوكلها
الممرضه:حاضر
عبدالله اخذ الصحن ويوكلها نوره نوره ماعرفتيني انا عبدالله الي جيت لك وتعرفنا على بعض بالصبح وكنتي خايفه مني
نوره تناظر بعيد وماترد عليه وتنزل راسها وهي تناظر له وتأكل اضافرها
عبدالله:خطبتك قبل تقريبا اسبوع واهلك رفضوا وانتي تبيني لانك تحبيني وبعد حتى انا امووت فيك
نوره لاحياة لمن تنادي

عبدالله راح للدكتور
عبدالله:وش اسوي لها علشان ترجع لها الذاكره؟؟؟
الدكتور:اذا كانت لك ذكريات انت وياها عيدها علشان تتذكر وروحو للاماكن الي تحبها
عبدالله يفكر يوديها بيت اهلها ويعيد المشهد الي صار لاول لقاء بينهم
حسام وهو يسوق وما يدري وين يروح كل الابواب مسكره بوجهه وتنزل دمعه ويمسحها على طول خايف على رجولته
لاتنهز(باعتقاد الرجال اذا نزلت الدمعه تهز رجولتهم) اخخ ياعبير وين ابتسامتك وضحكتك الي ماتفارقك ووجهك الي احلى
من القمر شوهه عمران الله يشوهه عمره يألله غصبتك كثير تتزوجينه انا السبب انا وجودي بالحياه غلط انا خراب مجتمع
اه الله يعوضك ياعبير

اوووووووف اللحين وين اروح مافيه احد يبيني مالي الا اروح للشرقيه اشم لي هواء بس قبل ماروح ابمر ابوي يمكن يرضى
على يااااااااااااااااااااارب يرضى اخ مع اني متاكد انه مو راضي الا اني بشوفه
ومزيدا من التشويق في الاجزاء القادمه بعد الردود

المواضيع المتشابهه لموضوع: رواية الحب بعد فوات الاوان لموضوع: رواية الحب بعد فوات الاوان
الموضوع	كاتب الموضوع	المنتدى	مشاركات	آخر مشاركة
رواية وانتبه لك ترى روحي معك رواية سعوديه للكاتبه	الحب ياسمين	همس للقصص وحكايات وروايات	9	4 - 4 - 2019 10:13 AM
رواية باع الحب وتركني	سجات التهاويل	همس للقصص وحكايات وروايات	22	8 - 6 - 2018 12:58 PM
فورد فيجو 2016 الجديدة بثلاث فئات بثلاث فئات	همسه الشوق	همس للسيارات والدراجات الناريه	6	10 - 12 - 2015 02:43 PM
متى ستعرف حبيبى كم اهواك بعد رحيلى ام بعد فوات الاوان	جوهرة بغداد	همس عذب الكلام والخواطر المنقوله	12	16 - 1 - 2015 01:05 AM
تحذير عاجل لكل من يملك بريد على الياهو و الهوتميل ادخل بسرعة قبل فوات الاوان	الحب ياسمين	همس البرامج المشروحه هنا	14	20 - 2 - 2014 05:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

رواية الحب بعد فوات الاوان

همس للقصص وحكايات وروايات