شبكة همس الشوق - عرض مشاركة واحدة

31 - 1 - 2012, 01:07 AM

**********************
عشاق من احفاد الشيطان ... روايه رومنسيه ... خياليه
**************************

ام هواجس : ليه مستغربه انتي مو ناقصك شي والف من يتمناك

نور : انا انخطب لولد تاجر وشباب بعد ...

ام هوجس: ههه ليه مستغربه كذا ايوه انخطبتي لجواد على قولت امه – تقلد ام جواد بغرور – ولدي مليون يتمنوه ويدور رضاي علشان اخطب له لكن انا ماعجبتني ومادخلت لمزاجي الا بنتك ام الاحمر ..

نور كان نفسها تقول لامها (( وراكان ولد خالي كيف ..؟ وهو يبغاني صحيح اني ماحبه ومله مل اولاد اخوالي لكنه يحبني ودايم يسلم علي .. مستحيل اكون لغير راكان ..))

ام هواجس تبتسم : يابنتي روحي بنصيبك وارتاحي من نار ابوك والله بكره يجرك من شعرك ويزوجك لشايب مثل هواجس ..

نور: طيب انا صغيره على الزواج والمسئوليه .. وهذا جواد وش قصته قبل نسائل .. وبعدين كيف اعرس وندى مابعد تتزوج ...

حجة ندى سخيفه لكن هذا اللي طلع معها ماتتصور نفسها لغير ححبيبها اللي تستحي تنطق باسمه بصوت هالي راكان ..

ام هواجس : هؤؤؤ وش لك بندى ندى بيجي لها نصيبها وانتي اكبر منها .. وافقي يابنتي وخذي مثل بنت عمتك واختك تجار ودعوا هالفقر ..

نور : يمه مابغى لاتحاولي ..

ام هواجس: ليه اذا خايفه من الولد ...لا لاتخافي امه تقول دارس بامريكا وشهادته كبيره ...واذا وافقتي بيتزوجك قريب لانه مستعجل ..

نور بتفكير بدت تقتنع علشان ترتاح من الجوع ونار ابوها لكن تعوذت من الشيطان راكان هي حلمه وهو حلمها :لاااااااااا لا انسي يمه ... وبعدين هذا كم عمره ..؟

ام هواجس : مادري بس هي قالت بتزورنا بكره هي واختها يشوفك عدل ..

نور رفعت تلفون البيت : لاااااااااا لايتعبوا اعمارهم مابغى ....... وبعدين لااااااااااازم اكلم ندى ووعود ..

ام هواجس : تعالي خليني اخلص كلامي بعدين دقي عليهم ..

نور تاشر لامها بعدين : الو هلا نواف عطني ندوووووش بسرعه ...

**********************
عشاق من احفاد الشيطان ... روايه رومنسيه ... خياليه
**************************

وعود : وليه ان شاء الله معصبه ومطنقره ...

ندى تناظر التلفزيون : مالك دخل انتي الثانيه

وعود : نديه ماصارت هذي مصر قالوا مافي روحه يعني خلاص

ام نواف: اصلا حنا من متى عندنا هالحركات ..؟ومن ضحك عليك وقالك ان بعوايلنا بنت تسافر لوحدها تدرس

ندى رمت الريموت وقفت بصراخ : ومن متى انتم عندكم شي سنع يفي الفقر اللي حنا فيه ... مالت علي وعلى حضي بنات بعمري بيوتهم قصور .. وغرفهم ملاعب وانا الله يخلف علي بيتنا عشه ومايمديك تمشي فيه .. لا ولما قلت بطوركم وبسافر لبره اخذ شهاده واجي ارفع الراس قلتوا عيب ومش عارفه ايش ..؟

بو نواف دخل معصب : مايستاهل كل هالصراخ وقلنا لك روحه مافيه اكبري عاد والله يلعن النسبه اللي جبتيها وكبرت راسك كذا ...

ندى : اصلا انتم عايشين على الاحلام اذا جاء لوعود واحد بطران وبتعيش وتتهنى يمكن انا مايجيني ليه ماتتركوني اجرب فرصتي

بو نواف اول مره يعصب كذا : ندى انقلعي لغرفتك

ركضت ندى لسطح تتحلطم : انت اهل انتم مايجي منكم الا الفقر والهم ..

وعود : يبه ماعليك منها معصبه شوي

بو نواف: اذا في احد بيموتني قبل وقتي هذي

الجده جاءتهم خايفه : وش هالصراخ من مات ..؟

ام نواف: لا يمه مافي شي بس هذي نديه وخرابيطها ...

الجده : خرايطها من جايب خرايط ...؟

بو نواف جلس مهموم .. وعود رجعت تلف الفطاير علشان تدخلهم للفرن ويبيعونهم لان بالاجازه ماتنزل لهم رواتب .. وابوها حالف عليها ماتحرك مهرها .. مع انه كثير بالنسبه لها وماهي عارفه كيف بتصرفه...

الجده : وراكم انخرستوا مره وحده من خرايطه هذي

ام نواف: يمه ارتاحي ..

نواف : السلام عليكم ...

اللكل: وعليكم السلام

نواف رايق مره :ابشركم فزنا بالمباره

اللكل ناظره باستخاف مسكين جاء بوقت غلط ...

نواف: ايش فيكم ..؟

وعود : مافينا شي بسرعه رح تروش ريحتك طالعه ..

نواف : آآف برتاح منك لاتزوجتي

دق التلفون ..

وعود: اقول اذلف بس ..

نواف رد على التلفون :آآالو ..

........................

ندى جالسه بالسطح على سجادتها الحبيبه ايام الاختبارات
(( والله قهر يوعدوني بعد كذا يخلفون الوعد ... ليه يعطوني امل كذا ..والله لاروح للمياء افضفض لها ..هي اللي فاهمتني ...))

صرخت بصوت عالي : لاااااااااااا اللي يقهر حنا ماعندنا بنات ليه من انتم الا بنات فقر لارحتوا ولا جيتوا مصدقين حالهم ...

آه ياهوجد لو انك هنيه كان محد حلها الا انتي .. وليه هواجس انا عندي مخ وافكر ...

........
وقفت على الطابوقه تناظر الشارع والناس الرايحه والجائيه ... وزحمت الاولاد على صراف البيبسي ...: جد عيال فقر ...

سمعت صوت نواف يناديها : ندووووووووووش

صرخت عليه : ندوش بعيونك قل ندى

نواف: تعاااااااااالي نوير على السماعه تبغاك ..

ندى : شتبغى هذي بعد ..

نزلت معصبه شافت اللكل يناظرها معصب : ليه تناظرون كذا غلطانين ويحتقرون

بو نواف بهدوء: ردي على بنت خالك احسن لك ...

ندى رفعت السماعه وقالت بدون نفس: خييييير

نور : وجع ان شاء الله اذني

ندى: ههههههه هههههه

نور: لا مبسوطه مع وجهك

ندى: كل ماتذكرت شكل سجيه امس لما شافت فستاني اضحك ..

بو نواف وقف لعند بنته : ايييوه تعرفي من تضحكي له

ندى ناظرت ابوها غيران من نور : ههههه الحقي ابوي غيران منك نوير

**********************
عشاق من احفاد الشيطان ... روايه رومنسيه ... خياليه
**************************

نجلاء طلعت من احمد يعد مانام .. ومرت على المستشفى تتاكد قبلوها بالشغل علشان تقدر تطلع احمد لشقه القريبه ..

الدكتور مصعب ملتزم ومحترم : ااناا اسف ياانسه نجلاء حنا ماعندنا وظايف

نجلاء : ليه ...؟!

الدكتور مصعب : والله ماقدر اقول السبب اخاف احرجك

نجلاء تاكدت انهم سائلوا المستشفى اللي قبل واكيد بو مشعل ماقصر فيها .. مسكينه مادرت ان مشعل هو السبب : اوكيه على العموم مشكور

طلعت من المستشفى نفسيتها بالمره تعبانه .. تحس الدنيا سوداء بوجهها .. وماتدري كيف بتكون ردة فعل احمد لما يقولهم اصلا هي وش بيكون شكلها لما يسالوها ليه ماتبغى اهلها يعرفون ... وكيف نظرتها لنفسها وهي اللي عرضت عليه الزواج .. لا وسامي لودرى وهو بيتاكد بحركتها هذي من حكي الممرضه منال – ضربت خدها وشهقت – ريان ريان لو عرف والله مايتردد لحضه يقتلها اجل تتزوج من ورى اهلها وتسكن مع زوجها وهي تصرف عليه هذا وهي بنت الاصول والحسب والنسب واللي تسويه باعت نفسها برخيص كيف مافكرت قبل لاتتهور وين كان عقلها وثقلها وجديتها بهذيك الساعه والا شكل احمد نساها كل هذا .. الالم والتعب والانكسار بعيونه نسوها من بنته ومن تكون ..؟ ... شهقاته وكانه يودع جرئتها وطلعتها من عقلها ومجتمعها وتفكيرها ...

غمضت عيونها بقوه وهي تدخل السياره : خذني للمستشفى ..؟

شوبار : هازا اي هوسبيتل ..

نجلاء بملل : مستشفى ال ****

شوبار كان طفشان من مشاويرها لكن اكيد مايقدر يحكي ...

وصلوا للمستشفى ترددت نجلاء تنزل والا لا .. تقدر تقول لاحمد انها خلاص رجعت عن فكرتها الغبيه وكانت بلحضة اندفاع وتهور ..

شوبار : ماما في يوصل

نجلاء بهدوء : اوكيه لا تتحرك راجعه انا بسرعه

شوبار هو راسه بحاضر ..

نجلاء مشت بخطوات ثقيله وهي تحسب للخطوه مليون حساب وتفكير .. هي ضايعه ماتعرف الصح من الخظاء .. كيف جاءتها هاللحضه اللي يضيع فيها تفكيرها وحكمتها .. وهي العاقل الذكيه اللي ماتتردد عن قرار اخذته لانها ماتقول قرار الا بعد تفكير طويل .. هي نجلاء اللي ابوها مايفكر بالكلام اللي تقوله كثير لانه عارف انها احسن اخوانها بالتفكير ...

وقفت عند باب الغرفه متردده بشكل يشكك فيها تركت احمد العصر وهاللحين رجعت له ..

مسكت مقبض الباب وقبل لاتفتحه سمعت صوت احمد التعبان : انا قد قراري تكفى يا مالك ... خلني اعيش حياتي ولو مره صح .. ابعدوني عنكم وعن مشاكلكم ..

صوت يشبه احمد لكن اكبر منه قال بعصبيه : احمد انت مريض وماتدري وش تقول وهذا تعلق طبيعي بدكتورتك لانها عالجتك...

احمد بصوت مرتفع شوي لكن تعبان مره : انا مو متعلق فيها بس انا ماقدر انام من كثر مافكر فيها ....... يا مالك .. اسمعني كويس الاهتمام اللي انحرمت منه هي عوضتني فيه .. وبعدين انا مابقى لي الايام قليله اعيشها حرام ارتاح فيها ..

مالك بقسوه : ومن وين راح تاكلون وكيف بتقدر تجيب ثمن علاجك ها .. لاتضن اني اقدر على مصاريفك علشان اقدر على مصاريف هذي مادري شسمها اللي بتتزوجها ...

احمد بنفس العصبيه : اسمها – قال برقه ونعومه – نجلاء ...واذا على مصااريفي مشكور ياخوي كفيت وفيت انا ادبرها

صوت كرسي رجع وارتفع صوت مالك لصراخ : انت بزر وماتعرف مصلحت نفسك لاتضن ان هذي اللي بتطلع من هنا بتقدر تستحملك امك اللي هي امك ماتحملتك وشالت قشها لبلدها

احمد تنهد ولف وجهه عن اخوه بضيقه : بليز مو وقته انا احاكيك عن زواجي هاللحين

مالك باستهزاء : ههههههههه يعني اانت قادر على الزواج ..اصحى يا احمد حرام تظلم بنت الناس معك انت لو تمشي خطوتين تطيح على وجهك ..انت م

قاطعه صوت الجهاز تزيد دقات قلبه ..فتحت نجلاء الباب بسرعه رهيبه وعيونها مدمعه تحت الغطاء ...

ناظرها مالك مستغرب واحمد ياشر عليها عرفها كان ماسك قلبه حالته تنرحم واخوه واقف بكل قسوة الارض يناظره ..وكانه مايعني له ..

نجلاء سوت الازم علشان تهدي احمد وترجع نبضه طبيعي وهو يشوفها بعيده ...قال ببطء: لاتتركيني ..

نجلاء شهقت بالبكي الغبيه كانت بتتركه مسكت ايده : معك يااحمد معك ...

بعد دقايق معدوده رجع نبض احمد طبيعي لكن كان مغمض عيونه بتعب اليوم مرتين تعب غمض واستسلم لنوم حس انه متطمن ان نجلاء فيه نام يرتاح ...

مالك باحتقار : انتي نجلاء ...

نجلاء لفت ناظرته من اول مادخلت مانتبهت فيه رجال كبير مره ماتوقعته شايب كذا واضح انه مربي احمد او شي مثل كذا ...... قالت و صوتها يرتجف : ايوه

مالك : انتي اللي ضحكتي على احمد ....

نجلاء ماتدري احمد وش قاله بالضبط هي قالت له والا هو اهله يدرون والا لا ...

مالك : ليه ساكته ..؟ مو عيب عليك دكتوره بسنك تضحك على بزر

نجلاء بقهر : احمد مو بزر عمره 32 سنه رجال

مالك : يادكتوره يافاهمه يامتعلمه احب اقولك احمد مايملك ولا ريال علشان تطمعي فيه والا تفكري تتزوجيه

نجلاء خافت حسيت بالبرد بجسمها هذا اكيد ماعنده قلب كيف يفكر كذا هي الخسرانه بهالزواج .

مالك لما شافها ساكته : على العموم انا عارف ان احمد مراح يطول اكثر من اسبوع وتترملين علشان كذا بوافق اطلعه من المستشفى وبسلمه لك ومراح ادفع لك مهر ولا قرش .. اطلعه من هنا واجيب الشيخ يزوجكم ولا ابغى اشوف وجهك سمعتي خذيه وابتلي فيه .. – طلع كرت من جيبه – وهذا كرتي واذا مات دقي عي علشان الدفن ..

نجلاء الصدمه لجمتها وقفت مصدومه هذا من لحم ودم والا ايش ..

مالك مشى بيطلع وقبل لايفتح الباب قال باستهزاء : متى تحبي نملك ياعروسه

نجلاء كانت ضعيفه مرره اضعف من استهزاءه وتهديده وقسوته على احمد قالت ببطء : مادري اذا صحى احمد قلتلك ..

مالك : مادري احمد كيف يفكر ببنات الشوارع

انتظرها ترد لثواني وبعدها طلع ..

نجلاء تنهدت كل شي علشان احمد يهون ومستعده تسمع اكثر من كذا ..

جلست ساعه كامله واحمد ماصحى من النوم ناظرت ساعتها الوقت متاخر اكيد امها بتحس بغيابها وبالذات انها بعد ماطلعت من المستشفى دائيم بالبيت ...

ناظرت بملامح احمد التعبان مره كان شكله يكسر الخاطر وكانه بالسبعين مو بالثلاثين .. شكله ينرحم سواد تحت عيونه وعظام خده بارزه هو كان كذا اول مشافته لكنه هاللحين تعبان اكثر بعد الاسبوعين ..(( الله لايحرمني منك ))

خذت شنطتها وكتبت على منديل بقلم الروج الجديد اللي ماستخدمته ولا مره (( انا بجي بكره انتبه على نفسك .... ولا يهمك حكي احد .... ))

**********************
عشاق من احفاد الشيطان ... روايه رومنسيه ... خياليه
**************************