شبكة همس الشوق - عرض مشاركة واحدة

31 - 1 - 2012, 02:37 AM

شموخ ابتسمت هذا المستوى اللي مفروض تعيش فيه وحده بجمالها هذا االلي تستحقه ..

ريان جلس بجنبها .. وابتسم لها ابتسامه لها معنى ..

ام ريان : مشاء الله السياره ماعليها كلام ..

بو ريان : هذي ايجار .. شكلك دوم تاجرها ..السواق يعرفك

ريان كان جالس بجنب شموخ وهم قبال التلفزيون غير المحطات : لا سيارتي ..- بغرور ينرفز شموخ – ماكلفتني الكثير

شموخ عصبت وكان بودها تقول له عن استقلاليته للعجوز منى ولا ينبسط بهالكم ريال .. بكره تتزوج ولد الفلان الفلاني وتعلمه كيف السيارات ؟؟

بو ريان رفع الكتاب اللي بجنبه وكان عن الاسهم والبورصه وتملك الفضول يقراءه ..
اما
ام ريان بابتسامة فخر : مشااء الله الله يبارك لك فيها .. شفتي يابينك والله لاتنقهر ام ناصر لو درت عنها

شموخ بقهر قالت بصوتها الدلوع والناعم : ايووه شايفه ..

ريان حط رجل على رجل وجلس يناظر اغنيه برتني سبيرز وسرح مو معها مع شموخ اكيد ..

شموخ ناظرته مندمج مع الاغنيه تحمدت ربها الشباب عند الحريم مايعرفوا احد وحست بالغيره مو عليه لا ابدا .. الغيره من المغنيه لان برتني شقراء ومشهوره : اعوذ بالله وش هالاغنيه الماصخه

ناظرها ريان رافع حواجبه ..وقبل لايتكلم .. قالت امه معصبه : ريان مانت لوحدك تناظر هالاشياء اختك فيه

..لا ونعمه التربيه يام ريان يعني لوحده يعمل اللي يبغى ..

ريان بملل غيرالمحطه لفلم اجنبي مشهور .. اندمج فيه ومع احداثه ورجع الهدوء لسياره وطبعا كان السواق بطيء من الزحمه في القاهره ..

شموخ اندمجت هي الثانيه مع الفلم الرومنسي .. كانت قصه حب معاناه كبيره بين البطلين واضح اندماج الممثلين مع الدور ..

ولما جاء موقف بايخ .. شموخ وريان لا شعوري ناظروا بعض مصدومين كان الموقف ماله داعي وفجاءه صار ..

بعدها لفت شموخ عيونها بسرعه عنه وعلى وجهها ابتسامه ماتدري ليه بس كل اللي يصير يجيب الضحك : هههههههه

ريان ناظرها مستغرب : ماخبر انه فلم كوميدي يعني

شموخ ضحكت اكثر لانها تاثرت مع الفلم وعواطفها الجامده بمزاجها تحركت غصبن عنها واول ماطاحت عليه عيون ريان الناعسه ... تحرك دقات خفيفه بقلبها... علشان كذا ضحكت تغير من الجو وترجعه لتوتر ..: ههههههههههههههههه

ريان احتقرها المشاعر عندها ضحكه احاسيس غيرها تستهزاء فيهم كذا ..كمل الفلم وهو ساكت ومقهور وهالشي ماوضح عليه لان ملامح وجهه باااارده ..

وصلت السياره لاكبر مجمع بالشرق الاوسط "سيتي ستارز" ..

فتح محمود الباب لشموخ بابتسامه واسعه من جمالها : تفزلي يامزمزيل ..

شموخ نزلت بغطرسه وسفهته ..ونزلوا باقي الاسره الكريمه ..ودخلوا للمجمع

ام ريان : اهم شي السوق

ريان : اوكيه بس دقيقه انا حاكي مع محمود يرسل بنات يرفعوا عنكم الاكياس ..

الله ياريان مانت قادر تتعبها ترفع اكياس

شموخ : ايوه تريحنا انا ماقوى الاكياس

بوريان : انتي وامك تدلعوا على الفاضي كلها كم كيس ..بعدين انا وامكم بنروح لمطعم قريب نتغداء بعدها بنتمشى على راحتنا

شموخ بدلع : لااا طرده ...ههه

ام ريان تقدمت مع زوجها : افهموها مثل ماتحبوا ..

ريان كان واقف وساكت كل شي مثل مايبغاه ..

شموخ ناظرته : اوكيه انا وانت مثل كل مرره – بعصبيه – انا بتمشى محل محل .. وعلى راحتي ..

ريان بابتسامه استفزازيه : اوكيه لاتضايقي نفسك بطاقتي موجوده ..

شموخ شوي وتبكي من القهر : آآآآف

مشى ريان وشموخ وراءه .. كان سريع وهي بارده دلوعه وتتمخطر ..ريان وقف ينتظرها من الزحمه : مطوله ..

شموخ : اذا مو عاجبك ارجع مع ماما وبابا

ريان ناظر بعيونها وهو قريب منها : ماما وبابا بالقبر ياشموخ هذولا عمك وزوجة عمك

شموخ ناظرته مصدومه ليه يذكرها دائم لازم يجرحها كذا ..

ريان ارتاح انه جرحها مغروره ودلوعه تنرفزه .. وبنفس الوقت عوره قلبه عليها كانت تناظره ومجروحه مهما كابرت واضح ..عيب ريان الكبير انه اذا حب احد مايعرف يقوله او يوضح له يقسى عليه علشان مايضعف .. قال ببرود : مطوله تناظريني كذا ...

شموخ باحتقار وكره لشيطان اللي قبالها .. لفت وجهها

ماذاقت لشوبينق طعم كانت تناظر باي شكل يعجبها او اي لون وتاخذه علشان هو يدق .. تسوقت بطريقه جنوانيه وكانت تناظر الكرت اي سعر مرتفع تاخذه ..

راحت لمحل النظراات وهو معها ساكت ندمان على كلمته اللي قالها بس مستحيل يبين لها ندمه او يقول

شموخ الاكياس حطتهم على الارض : دق على هذي اللي ماجرها ترفعهم تعبت

ريان : هم تحت بالمجمع – رفع جواله ودق بسرعه – ايوه اطلعي لدور الثالث ..

سكر ولف عليها كانت تقاييس النظارات عليها وهي اللي تحليهم مو هم حلوين لااا شموخ اي شي تلمسه تطيه ميزه خاصه ..هذا نظرة ريان لها ..ويلوموها على الغرور ..

شموخ اخذت سبع نظارات اسعارهم مو سهله : ابغاهم ادفع

ريان بجنبها بين اسنانه : ماني سواق عندك تحاكيني كذا

شموخ بدلع وصوت مرتفع شوي : ولوو ياولد عمي مانت قادر على سبع نظارات ...

ريان ناظرها بتامل تستهبل هذي : اوكيه بعديها يا انسه مشاكل

شموخ شافت اللي ماجرهم ريان وقالت لهم من طرف انفها : ارفعوا هذولاء وتعالوا وراي ...

طلعت من غير لاتهتم لريان .. خسرته حوالي تسع الاف دولار بوقت قياسي ساعتين ..؟؟
وهو عادي ماتعب بالفلوس .. دفع وهو يبتسم ..

جلسوا بوفي يرتاحوا شوي

شموخ جلست تشرب بهدوء وهي ساكته ... ريان كان يتاملها هاديه لدرجه البروووود .. ساكته ماتحكي كثير كيف كذا ولا تضحك كثير ولاتبكي كثير .. يحسها جسم بدون روح .. نظراتها لناس بدون معنى كذا ماترك على شي تناظر وبس – تنهد – قلبه يعوره عليها وعلى حالها انسانه قاسيه بدون قلب معقوله موت احد ياثر فيها كذا .. وش اللي ممكن يرجعها لقبل دفع لها اللي تبغى سفرها وحجز لها بمكان يرضي غرورها تركهاتلبس اللي تبغى و تتمشى وتشتري بس ماحس بالفرحه بعيونها او الحماس بحركتها ..

شموخ تشرب من العصير عطشانه وجلست ساكته وكلمت ريان باذنه " ماما وبابا بالقبر قصدك عمك وزوجة عمك " جرحتها الكلمه وقتلتها اكثر .. حسستها وش كثر هي ثقيله على اللي حولها .. تمنت انها ماتت مع اهلها وانها مكان مروج اللي تركتها وراحت ..نست سجى وزواجها كل تفكيرها انها خلاص بتنتحر ومحد بيوقفها عن قرارها – ابتسمت بداخلها –ايوه الانتحار احسن واريح لكن قبل كذا في شي بتعمله بعدها بتنتحر وترتاح ..

ريان قطع افكارها : باخذ لي ايس كريم من باسكن روبنز اذا حابه اجيب لك

شموخ التفكير كان معذبها وخانقها تحس انها مكتومه وماهي قادره تتنفس شافت ورقه على الارض اعلان لسينما فلم فول الصين العضيم فلم كوميدي يمكن تضحك وتروح الضيقه .. وقفت من غير لاتناظره : لا مابغى ابغى السينما

ريان عقد حواجبه وقال بصوته الرجولي المبحوح : سينما هاللحين حتى ماتغدينا ..

شموخ : تبغى تتغداء تغدى لوحدك انا ابغى اكمل الشوبينق

ريان : لااا عطيتك وجه انا بعد عندي مشاوير

شموخ : وش عندك هنا بعد

ريان : باخذ لي ساعه نظاره مو لك بس

شموخ : اذا قصدك اختار لك احلم ..

ريان : هههههه واثقه من نفسك بزياده ....

شموخ : مالي شغل ... في فلم يعرضوه بعد شوي ابغى اشوفه هاللحين ..

ريان " انا كلي لك اليوم وبكره واللي بعده " : اوكيه ..

راحوا لدور المخصص بالترفيه ولما طلبوا الفلم كان مو نفسه فلم ثاني : ها تبغينه

شموخ بضيقه : اي شي المهم اناظر سينما

دخلوا لسينما وفي احد يجي لمصر بدون مايدخل لسينما ..

جلس ريان بجنب شموخ وكان حريص ان مايكون بجنبها رجال وارتاح لما شافها مراهقه خليجيه ..

شموخ جلست تبغى ترتاح منه تكرهه لابعد حد لكن مع الاسف ريحة سجايره سبقت جلسته .. تنهدت :آآف

ناظروا الفلم وكان انساني لابعد درجه يحكي عن العلاقات الانسانيه الاخوه والقرابه والزواج والحب ..كان بالمره غلط مع حالتهم ..

شموخ حست ضيقتها تزيد وانها بتختنق من المكان دخلت تتسلى طلعت متضايقه اكثر .. حست انها بتموت : ريان ..

ريان لف عليها ببرود : خير ..

شموخ ناظرت فيه اكرهت تقوله عن ضيقتها لفت وجهها : ولا شي

ريان استغرب وحس ان فيها شي وجهها متغير ..: بغيتي شي

شموخ الضيقه تخنقها اكثر وجود ريان مضايقها بعد قالت بهمس : ابغى اطلع من هنا ابغى ارجع للفندق ..

ريان خاف عليها : شموخ فيك شي

شموخ بكت : متضايقه متضايقه مرره ريان احس اني بموت

ريان وقف وقفها معه بسرعه طلعها من السينما ..: بسم الله ليه تبكين ايش فيك

شموخ : مادري متضايقه .. ريان طلعني من هنا ..تكفى

ريان خاف عليها جد كان بينجن : خلاص خلاص لالاتبكي ابطلعك من هنا

اسندها عليه ودق على محمود يجيه بسرعه كان يصرخ معصب وشموخ تبكي ماتدري ليه بس حست ان الدنيا ضايقه عليها ..

ريان دخلها لسياره وجلس بجنبها يهديها : شموخ ليه تبكين خلاااص اسكتي ..

شموخ نزلت عنها الغطاء ورمته بارض السياره وكانها تبغى تفصخ كل ملابسها من الضيقه : احس اني بموت ريان متضايقه مرره

ريان ضن انها متضايقه من الحكي اللي قاله لها عن امها وابوها لعن نفسه مليون مره : شموخ لاتضايقي نفسك انا الحكي ال

قاطعته شموخ وهي تغطي وجهها بيدها : لاااا مو كذا انا متضايقه ..اشهد ان لااله الا الله – قطعته تبكي بهستيرياء ..

ريان خااف تضيع من ايده هذي تتشهد لهدرجه ..جلس عند رجلها بالسياره : شموخ ايش فيك اخذك للمستشفى ..

شموخ بضعف : لااا مابغى ابغى انام بس ..

رفع تلفون السياره وصرخ : وش تسوي انت بسرعه للفننننندق

محمود : ايوه ياباشا حنا وصلنا تاريبا

شموخ : ريان متضايقه

ريان مسك ايدها البارده يهديها : ليه لاتضايقي نفسك وش اللي مضايقك قولي لي بس ..

شموخ تهز راسها بعجز وهي تبكي : مادري مادري

وصلوا للفندق ريان نزلها وهو ساندها كانت موقادره توقف من البكي وماتنطق بغير "متضايق بموت " ..

رفعها ريان من الارض وهي دافنه وجهها بصدره وتبكي الناس تناظرهم مستغربه ..
ريان كان يبغى يدخلها بجسمه ويسكر عليها يرفع عنها هذي الضيقه .. قلبه يدق بسرعه رهيبه كل مانطقت بموت
دخلها لغرفتها وتركها تتمد مثل ماتبغى وهي تبكي ومسنده راسها عليه مثل المنقذ .. ريان بينهبل مو فاهم ايش فيها .. بعد نص ساعه سكتت .. خاف انها ماتت ابعدها شافها نايمه بسلام تنهد بضيقه واسندها على المخده وغطاها .. وش عالحاله اللي جئت لها .. وش اللي ضايقها فجاءه ..
جلس يناظرها ويفكر خائيف عليها ..

**********************
عشاق من احفاد الشيطان ... روايه رومنسيه ... خياليه
**************************

السعوديه - الشرقيه

قبل هذا بساعه كان فيصل مشمر ثوبه ولاف وجهه بالشماغ وصافط ثوبه عند خصره .. وشاقح من سور بيت شموخ لعند سيارته ..

خالد : ها ايش صار

فيصل يتنفس بقوه : دفنته بالحديقه مثل ماقالت لي هالمشعوذه

خالد : بسرعه نركب لسياره قبل لاحد يشوفنا

فيصل : تهقى بينفع ..؟

خالد بانفعال : يااابابا هذا سحر يبفع بالساحر نفسه

فيصل : والله لاخليها تجي لي تلهث

خالد يتلفت : يارب تكون تستاهل اللي مرجعنا من الرياض لشرقيه علشانها ..

فيصل : لااا صدقني تستاهل هذي ملاااك مو بشر لكن افعالها شيطان ..وانا اللي بربيها

خالد وهو يركب السياره : هههه بتندم تلعب مره ثانيه

فيصل : ههههههه ليه هي بتعرف وش فيها علشان تفضى تلعب .. والله مانسى دموع رسل وسجى

حركوا بالسياره وهم يضحكوا ضحكه شيطانيه حاقده ..

سحر ياشموخ سحر وش منتظرك بالايام الجائيه .. هذا حصاد افعالك يله اجنيها ..

**********************
عشاق من احفاد الشيطان ... روايه رومنسيه ... خياليه
**************************