شبكة همس الشوق - عرض مشاركة واحدة

31 - 1 - 2012, 02:39 AM

**********************
عشاق من احفاد الشيطان ... روايه رومنسيه ... خياليه
**************************

نجلاء تروشت واخذت شنطتها ودقت على لمى : لميوه حياتي حبيبتي

اهااااا تبغيني اجي

شويه بس بحضر ملكة خالتي ضررروري

آآف منك ومن رجلك حتى يوم زوجناه مارتحنا

هههه مقبوله لاني مستعجله

احمدوهو مغمض عين وفاتح عين بينااام : لحد هاللحين مصممه تروحي ..

لمى : خلاااص شويه وانا عندكم

نجلاء : ياحياتي تسلمي ..

لمى :اوكيييك تشاو

سكرت نجلاء مبتسمه : قلت شي حبيبي ..

احمد : اقول لاتروحي دام محد عزمك وقالك

نجلاء باصرار : لااااا لازم اروح – ابتسمت – حتى لو كان زوجها مايعجبني بس هذي خالتو ريمااااس ياحمد ريماس صديقة عمري مافترقنا من بعض ابدا وحتى لو ماتبغاني انا ابغاها ..

احمد : اوكيه اوكيه .. اسحب كلامي

نجلاء: ههههه

احمد: عندك فستان ..؟

نجلاء بخبث : لاااا دولاب بينك موجود ..بروح للبيت اختار اللي نفسي فيه

احمد: هههه غاب القطو اللعب يافار ..

نجلاء بحماس : لحضه لحضه احمد بقلدلك بينك اذا قال لها ريان قطو ..- مدت بوزها وقالت بغرور- قطوه قطوه يامتخلف اسمها بسه ..

احمد : هههههه

دخلت لمى بدون استاذن وفجاءه :طحت عليكم وش تسوون

احمد : تهي تهي تهي بايخه ادخلي بس

لمى احتقرته : نفسسسي مره ادخل عليكم بالغلط و..

نجلاء تسلم عليها : هلا كيفك ..؟

لمى : كويسه بالمره يالله ماني مصدقه ارتحت من زوجك ثلاث ايام بالنسبه لي عيد

احمد بثقه : ايوه واضح ماكانك انتي اللي تدق علي كل صباح وليل وماذيتني بعيشتي

لمى : مو علشانك اتطمن على نجلاء

احمد: هههههه ماتترقع

لمى تضمه بقووووه : وحشتني يالدبدوب ..

احمد: هييه هييه ابعدي انا بس نجوله تضمني انتي قديييمه ..

لمى : ههههه مردوده

نجلاء انحرجت وصرفتها : يله انا طالعه تامر على شي حبيبي قبل لاطلع

لمى : آحم آحم

احمد ضربها على راسها بخفه : ليه آحم آحم وش قالت هي دارين انك موجوده وعلى قلبنا

لمى: هههه علشان بكره اذا تزوجت احد يقولي آحم آحم

احمد : سواليفك كثير يالموي .. لانجوله خذي راحتك

نجلاء: لموي اذا طفشتي في افلام بدرج التسريحه خذيهم وانا شاريه شوي مسليات بدرج المطبخ الل

قاطعتها لمى وهي تدفها للباب : خلااااص خلااااص اعرف باي

نجلاء قبل لاتسكر الباب قالت بهمس : لمويه حطي دواء عمك بداخل العصير من غير لايحس

لمى استغربت : ليه .؟

نجلاء: مادري عنه كم يوم اشوفك يرمي الدواء وماياخذه لانه منووم ..

لمى :آآها اوريك فيه والله لادخلها بفمه غصب ...

احمد كان يسمعهم : اهااا كذا يانجوله ههه انا اوريك شغلك

نجلاء: لااا تكفين لاتضايقي احمد حنني قلبك عليه شويه عارفك انك تحبيه بس لاتتحرشي فيه

لمى: هههه ماعليك منه ..انا عارفته مايعيش بدون اكشن ..

نجلاء: امم وش كنت بقول بعد هوهاللحين متروش واكيد لمى بطلع بيرمي الفوطه من شعره على الارض عارفته حطيها عليه لحد مايجف شعره

لمى : يوووه يانجلاء بضربك هاللحين بتتاخري على الملكه

نجلاء : اوكيه مع السلامه ..

طلعت نجلاء وهي قلبها مع احمد تنتظر اللحضه اللي ترجع له بس ريماس غاليه عليها ولازم تحضر حتى لو ماعزمتها ..

......

دخلت لبيتهم المهجور من ايام ...
كان هادي بشكل مخيف .. بعكس ايام قبل كان صوت مسجل سامي مالي المكان والا صوت تلفزيوون من شموخ ..

شافت شي ابيض يتحرك بالحديقه وقف شعر جسمها من الرعبه .. بعدها انتبهت انه رجال يسوي شي بالارض .. كانت بتصرخ تتحرك ماقدرت كل شي فيها سكت .. ماهي بفاهمه من هذا الرجال وليه واقف بالحديق اول ماجاء ببالها .. (( حرامي .. بس حرامي مايجلس بالحديقه داخل البيت .. لاااااا مستحيل .. ارهابي .. معقوله ارهابيه اخذو بيتنا سمعت قصص انهم ياخذوا بيوت الناس المسافرين ))
تلفتت الرجال لكن مانتبه بنجلاء وقفز من الجدار لبره البيت ...
نجلاء بشجاعه راحت لمكان اللي حفره الرجال وماعرفت اي واحد كان يحفر فيه لانه حفر بجه التراب .. طنشت لان كل تفكيرها بداخل البيت اكيد شبكه ارهابيه كبيره ..

نجلاء دقت على شوبار : تعال بسرعه ادخل للبيت

دخل شوبار : ايس في ماما

نجلاء تثق بشوبار لانه 12 سنه عندهم وزوجته روز الخدامه موجوده وهم مسلمين : ادخل للبيت قبلي

شوبار : ليس هذا انت يدخل

نجلاء: شوبار لاتزيد في الحكي يله..

دخل شوبار للبيت وماكان في احد .. : مافي ماما يله

نجلاء ارتاحت : لاتطلع اجلس هنا

دخلت لغرفة شموخ وابتسمت لانها من جد اشتاقت لغرورها وهواشها معها ..
فتحت الدولاب كان كله بنطلونات جنز عقدت حواجبها : معقوله اخذت كل ملابسها معها ..

تذكرت غرفة الملابس الصغيره اللي بالغرفه وفتحتها : ايووه هذا اللي ابغاه .. سامحين ياشموخ هههه محتاجه والله لوتدري ذبحتني ..

دورت بين فساتين السهره لحد ماعجبها وردي هادي بالمررره وفيه شريطه تحت الصدر فوشيه .. تذكر ان شموخ مره البسته مع شريطه على شعرها فوشيه ...
اخذت الفستان بسرعه وجزمه معه واكسسوار ناعم هي ذوقها ناعم مو مثل شموخ : ههههه يابينك مايحتاج اشتري ملابس وانتي فيه ..
محلات مو محل واحد مشاء الله ..

طلعت ونست قصه الرجال اللي بالحديقه .. وعلى المشغل على طول ..

**********************
عشاق من احفاد الشيطان ... روايه رومنسيه ... خياليه
**************************

هواجس رتبت شنطها واغراضها ..الكثيره يبغالهم شحن لوحدهم ..

هواجس: هههههه ايوه نوري اخييييرا برتاح وبرجع لكم ماني مصدقه وحشتوني .. مو شهر سنه كامله

نور: ياحياتي اشتقت لك مووووت ..من المطار لبيتنا على طول

هواجس : اكيد مايبغالها كلام .. نواري تعالوا استقبلوني بالمطار ..

نور : لاااا ابوي مراح يرضى تعرفينه

هواجس شافت سعود طالع من الحمام " الله يكرمكم " خطرت ببالها فكره : خلاااص ان اقول لسعودي يقنعه ..

نور : ياليت تسوي خير

هواجس : اوكيه باي هاللحين اشوفك على خير ..لاتنامي تعالي المطار استقبليني

نور: ان شاء الله بجلس للفجر وعد ..

هواجس : اوكيه باي

سعود : اقتع مين

هواجس بدون نفس : مين يعني ..؟ ابوي ابغاك تحاكيه يخلي امي وخواتي يستقبلونا بالمطار ..

سعود : زين يصير خير ..

هواجس ناظرت شكلها بالمرايه بنطلون زيتي وبلوزه ورديه مقلمه ..مخصره على جسمها الطويل ..كان شكلها عذاب مع لون شعرها العنابي .. جاءت ببالها تلبس عدسات .. لبست عدسات زرقاء غامقه ناسبت ملابسها وشعرها وبياض بشرتها ..: يله تاخرنا على المعرض

سعود رفع الكروت : من ثاعتين بدء صح ..؟

هواجس : ايوه البس يله تاخرنا .. وعلى طول للمطار

سعود : اكيد وث يجلثنا زياده

حست انها تبغى تجلس بايطاليا لسبب واحد فهد .. ماتتخيل بتكمل دونه او ترجع لسعوديه وخلاص مراح تشوفه ..- غرقه عيونها وخنقتها العبره – كيف تعيش بدونه .. صحيح انه بعد مارسمها ماجلست معه الا قبل امس تعشوا سوا وتمشوا بعدها عزمها على دار الاوبرا هناك كانوا بنظرها ناس يصارخون وبس .. لكن فهد بحكم عيشته هنا كان يتذوقه على انه فن ...وماحبت تحرجه او تقول شي ضلت تسمع معه وتتامله اوسم انسان شافته واطيب قلب عرفته .. ماتوقعت بحياتها ان في رجال مثل كذا لا وسعودين هي اللي متعوده عليه الجفاء والصراخ اما فهد رقيق لابعد حد .. النسمه تضره بس رجال ونعم الكلمه ..
وامس ماشافته وكانت معصبه ومتوتره طوال اليوم كيف لارجعت لسعوديه بدونه ..

سعود بعد مالبس ناظرها جالسه على السرير سرحانه .. خاف يسالها وش فيها تعصب لانها من امس متوتره بسبب السفر والحياه الجديده اللي تنتظرها بالشرقيه : يله هواجث مثينا ..

*0*0*0*0*

بنفس هذا الوقت بمدينه العشاق كان فهد واقف عند بوابة المعرض يستقبل الضيوف بمعرضه المشترك مع اثنين من الطلاب لكن مقسم كل واحد لجهه والديكور مختلف .. وكان ديكور فهد ملفت للانظار بعكس اصحابه ..
لانه من العصور الفكتوريه من ايام شكسبير وروميو وجوليت .. والروج الاحمر الصارخ مع الشعر المموج ..
رايح جائي عند البوابه ببدلته الرسميه .. ينتظرها تاخرت عارف طيارتها اليوم بس تاخرت كثير ..يمكن سافرت .. من ساعتين ينتظرها .. قلبه يدق لكل وحده شعرها احمر او عنابي ..

ام فهد باناقه وجاذبيه وشكلها صغير مره لانها تزوجت وعمره 12 سنه : ماما فهاد ايش فيك متوتر اللكل عجبته رسماتك ..

فهد : ماما ماجاءت تاخرت

ام فهد ابتسمت بخبث : اكيد عندها عذر

فهد : لايكون رجعت لسعوديه من غير لاشوفها .. امس ماشفتها بعد

ام فهد ناظرت ولدها مبتسمه : ابغى اشوفها على الطبيعه عندي فضول اعرف دلوعه فهاد ولدي

فهد بعصبيه : ماما مو وقتك ...

ام فهد : هههه – تعدل له الكارفيتا الي كانت من تصميمه – لاتخاف احساسي يقول بتجي

فهد مرر اصابعه بشعره بتوتر : واذا ماجئت ..

ام فهد تطمن ولدها اللي كان مهتم بالمعرض بشكل ..لان هواجس بتحضره وهو لها هي وبس .. كل صوره بالمعرض كانت لهواجس ولا صوره لاحد غيرها .. كان بديكوره نافذة جولييت وعليها مجسم نحت صخره فهد قريب منها رشيق وضعيف مثلها وهي تاشر له ..مانام من امس لانه يشتغل عليه وبالاخير ماتجي ...

ام فهد : بتجي صدقني

مر عندهم العصير وكاسات الخمر علشان يراعوا الاذواق العامه لانهم بايطاليا

فهد : لا مابغى ..

ام فهد : خذ ريح اعصابك

فهد : ماماااااااا ... بليز

ام فهد : اوكيه اوكيه بروح اشوف راي الناس

راحت ام فهد وهي تمشي بفخر اغلب الزحمه عند معرض ولدها وكلمات الاعجاب بالبنت المرسومه رسم دقيق وكانه حقيقه ..
لكن بنفس الوقت متضايقه لانها نبهت فهد من مشاعره لهذي البنت متزوجه ماتنفع له .. بس كان يتتعلق فيها اكثر ويحبها .. طول الاسبوعين وهو مايحكي الا عنها باستمتاع وبحب .. ماشافته مندفع بمشاعره لبنت مثل كذا

فهد جلس على كرسي عند البوابه يناظر الورد اللي بيده كان مجهزه لها وهي مراح تجي .. هز رجله بتوتر وضغط على باقه الورد الحمراء والانيقه ..

دخلت هواجس من البوابه وبجنبها بوماهر .. وقف قلب هواجس اول ماشافت فهد ماسك الورد ومنزل راسه يفكر تفكير عميق ..ناظرته هو وبس مادرت عن اللي حولها ..

بو ماهر : مثاء الله يافهد وث هالزحمه

فهد سمع الصوت رفع راسه بسرعه وجاءت عيونها بعيونها .. حس الهواء خلص من حوله مافيه اكسوجين سحبه كله من حلاها .. انفاسه سريعه مع دقات قلبه .. اليوم اخر مره يشوفها .. قال بتوتر : هلا تفضلوا .. – بلهفه - تاخرتوا

بو ماهر : نجهز الثنط ..

فهد مد لهواجس باقه الورد وهو مرتبك ومتوتر لاخر درجه .. قلبه يدق ببسرعه فضيعه وكانه مراهق اول مره يحب : نورتوا تفضلوا

هواجس حست بنظراته شوق وعتاب اكيد زعلان انها بتروح ومتوتر علشان كذا ..: شكرا

فهد بمرح يلطف الجو : ترى هذي ورود خاصه هههه

بوماهر تقدم لداخل ومعه فهد وراهم هواجس تناظر الورد بحب عارفه انها خاصه لها بس ..

اول مادخلت اختفت ابتسامتها وقفت مكانها مصدومه وحست انها انشلت ..
كل صوره بالمعرض لها كل رسمه لملامحها .. بكل حالاتها موجوده .. بكل فستان او بدله شافها فيها فهد موجوده ..
خنقتها العبره كانت تبغى تبكي وهي تشوف الحزن بعيون فهد وهو يرفع كتوفه :وش رايكم ..؟

بوماهر نفس صدمتها لكن مع استغراب ليه هواجس بس معقوله زوجته جميله لهدرجه ويعملوا لها معارض وهو مو حاس .. حس ان فهد امهر رسام وكان الرسمه حقيقيه وشوي تتحرك : انت مبدع انت انت فنان ..

فهد : شكرا

الناس كانت تناظر بهواجس لانها نفس البنت اللي بالرسومات ...

ام فهد : مساء الخير ..

هواجس ماقدرت تنطق او ترد كانت تبغى تبكي وتهرب من هنا ماتتخيل حياتها بدون فهد .. اكيد بيصير له شي اذا تركته هو حساس ويحبها بجد ..
ياليت مافي بوماهر ولا ابوها ولا احد لو انها عرفت فهد من قبل .. ياليتها قبلت ان نور تتزوج بوماهر ..

بوماهر : مثاء النور ام فهد كيفك ..؟

ام فهد تبتسم لهواجس : كويسه .. مشاء الله يابوماهر تعرف تختار .. قمر هواجس

بوماهر قربها منه : تثلمين ..

هواجس كانت ماتناظر باحد ماتبغى تلتقي عيونها بفهد ناظرت باللواحات ..

فهد حط ايده على كتوف امه : هذي امي قمر صح كانها اختي ..

كان يحكي مع هواجس وماقدرت لفت عليه وقالت بصوت مبحوح : الله يخليكم لبعض

ام فهد : ها وش رايك بالمعرض ؟؟

هواجس : اكيد جنااان ابداع مشاء الله .. مو غريبه على فهد ..

فهد ابتسم لها (( ياحياتي ياااااااااااقلبي انتي .. ليه متضايقه كذا .. لا لاتبكي او تزعلي . .. اوعدك انتي لي ..والايام بتثبت لك ..)): تفضلوا العصير ... وتفرجوا على الصور براحتكم ..

مشت ام فهد بعد ماخذت هواجس معها : مشاء الله الله يحفظك اجمل من الصور

هواجس حمرت خدودها وشددت على الورد اللي بيدها : تسلمي هذا ..من ذوقك

ام فهد : خساره ماتعرفت عليك الا اليوم اقول لفهد نفسي اشوفها بالحقيقه قال .. لاااا بالمعرض بتشوفيها .. شكله خاف عليك من عيوني ههههه

هواجس ارتبكت من تلميحات ام فهد .. وماعرفت وش تقول : لا ماتوقع ..

ام فهد ردت على وحده من المتفرجين اللي اسالت هذي بكم ...؟ : لا هذا المعرض لتفرج بس مو للبيع .. – لفت على هواجس وغمزت لها – فهد حالف مايبيع ولاقطعه من هنا

هواجس بحزن : لا قولي له يبيعهم كلهم احسن له .. يركض ورى سراب ..

ام فهد حزنت لحالهم حبوا بعض بالمكان والوقت الغلط على فكره ام فهد فررري بالمره : ماتدري وش الايام كاتبه للانسان ..ياهواجس

رفعت هواجس راسها شافت رسمه لها وهي تاكل بالاعواد الصينيه ورافعه صحن صغير لعند فمها مثل الصينين كانت رسمه خياليه جاءها صوت فهد الحنون والرجولي من وراها : حققت لك امنيتك واكلتي بالاعواد هههههههه

هواجس بضيقه بدون ماتلف عليه : بالخيال يافهد بالخيال ..

فهد صدمه ردها المتشائم ...

بو ماهر جاء وهو مستعجل : يله ياهواجث طيارتنا بعد نث ثاعه على مانوثل للمطار

هواجس لفت عليه ببرود (( لاااااااا تكفى مابعد )) : اوكيه يله ..

فهد بسرعه : وين بدري ..؟

بوماهر : لااا اي بدري طيارتنا بعد نث ثاعه الله يوفقك يا فهد

فهد بخيبه امل : تسلم ..

هواجس مشت مع بوماهر وقلبها ينزف

فهد ناظرهم وهم يروحوا وقلبه معها اخذته خلاص

ام فهد تذكرت بسررعه قالت : فهد الكيس نسيته ..

فهد : ايوه ..
لحقهم بسرعه : دقيقه نسيت اعطيكم هذا

هواجس ناظرته عيونها مغرقه وتحاول تتماسك ..

فهد حط ايده ورى شعره وقال وهو يبتسم وعيونه بعيونها : الدبدوب اللي بالملاهي وهديه صغيره اشكرك رضيتي لي ارسمك ..

بوماهر : هههه مع هذا الدبدوب

هواجس ابتسمت وعيونها تودعه قالت بهمس: شكرا ..
ترددت هواجس تعطيه اللي مجهزته له والا لا ..فتحت شنطتها وحطت اللي بتعطيه بيدها لكن مدت ايدها بتسلم : باي

استغرب فهد انها هي بتسلم عليه سلم عليها بسرعه وحس بشي بين ايدهم

هواجس: اشوقك على خير ..

فهد : ان شاء الله وها ترى فساتينك بتصميمي وبراعيك بالاسعار

هواجس سحبت ايدها : اوكيه

طلعت وفهد يناظرها ويودعها بعيونه ..

هواجس لما جئت بتركب السياره شافته واقف عند النافذه يناظرهم يركبون ..ابتسمت بحزن ودخلت .. ومشت السياره لمصيرها المجهول بعد ماتركت قلبها هنا ..

فهد ضل عند النافذه يناظرهم لحد مابتعدوا
بعدها ناظر بيده وش ممكن تعطيه ..
شاف خاتمين داخلين ببعض واحد فضه والثاني نحاس ...
ابتسم على الهديه الصغيره دخل الخاتم باصابعه مادخلوا صغار جرب بالصغير صاروا كبار بيطيحون ..

ام فهد : وش تسوي ..

فهد ابتسم ابتسامه صفراء : منها ..

ام فهد : مسكينه البنت تتعذب اكثر منك

فهد : راحت يمه راحت

ام فهد ناظرت بولدها لكن هالمره بحزن كبير مايقول يمه الا اذا تضايق كثير ..: البسه

فهد : هههه جايب لي مو مقاسي

ام فهد : انتبه لايضيع ..

فهد: توصيني يمه ..

اول مارجع للبيت .. بسرررعه اخذ عقد طويل ودخل فيه الخاتم ولبسه تحت الملابس: والله مافصخها الا اذا كنتي لي ياهواجس ..

**********************
عشاق من احفاد الشيطان ... روايه رومنسيه ... خياليه
**************************