شبكة همس الشوق - عرض مشاركة واحدة

31 - 1 - 2012, 02:40 AM

سجى دخلت مع تركي لبيته بعد ماستوعبت انها زوجته خلاااص وانها اخذها بارخص ثمن مادفع فيها ريال واحد بس ..ماتوقعت انها تهون على امها لهدرجه .. اللكل مخدوع بتركي انه يبغاها كذا زوجه حتى متعب مصدقه ..

تركي دخل ولف عليها وهي عند االباب و يحط الشنط

.. قال باشمئزاز :حبيبت الماما عامله نفسها خائفه وشريفه - بحده كمل – ادخلي

سجى بلعت ريقها وهي تشوف نظراته اللي ماتبشر بالخير ..

كمل تركي باستهزاء : برجلك اليمين ياعروسه ..

سجى كان قلبها يدق بسرعه خايفه خوف مو طبيعي عيونها مغرقه ونظرات الرعب على وجهها ...ناظرت البيت باشمئزاز مستحيل يكون هذا بيتها وين القصر والفخامه .. في ناس عائشه كذا ..

شافت ام تركي السمينه وبيدها الملعقه الخشب وهي سمينه جاءيه لعندهم ..: انت جئيت يمه – باشمئزاز ناظرت سجى – وجبتها ..

سجى كان صدرها يطلع وينزل من الخوف تتنفس بصعوبه لان قلبها يدق بسرعه رهيبه ..وتناظر تركي تبغى تستنجد لكن ماكان يناظرها ابدا ..

تركي : ايوه يمه خلاااص بدون عرس امها تقول مو لازم ..انا بطلع اتروش وابدل على مايجهز الغداء ..

ام تركي شهقت : وش فيه وجهك وش هذا ..؟

تركي ناظر وجهه بمرايه المدخل وكان احمر وفيه علامات الضرب وجروح بسيطه .. وشاف بنفس المرايه سجى تناظر البيت بقرف وخوف عصب اكثر : لا يمه هذي مشكله بسيطه مع حشرات .. لايهمك

ام تركي : زين يمه اطلع ارتاح لك شوي ..

تركي مشى ..
سجى مسكته من ثوبه ومشت معه وين مايروح او يتحرك معه .. كانها طفله متمسكه بامها .. كانت خائيفه من الجو وامه وكل شي ..

تركي ناظرها باحتقار ..
ام تركي مسكتها من ايدها وبقسوه سحبت ايدها الثانيه عن تركي : اتركيه يتروش ويرتاح وانتي تعالي معي ..

تركي كمل طريقه من غير لايلتفت لداخل الدرج وغرفته ...
رمى شماغه على السرير بقهر وعصبيه : القذره الحقيره وانا اللي ضنيتها مظلومه .. انا اللي بربيك ياحشره ..

دخل يتروش يمكن يهدي اعصابه ويحاول يضبط اعصابه ويقسى عليها .. هو مو من طبعه يجرح احد او يقسى عليهم وبالذات البنات .. لان عند خواته وتربى يحبهم ويحن عليهم .. لكن سجى كرهت بكل البنات واتركته موسوس وشكاك ..

*0*0*0*0* 0

سجى كانت مرعوبه لاقصى درجه ضامه شنطتها الصغيره لصدرتها وتحس ام تركي كانها سجانه ..او تتعامل مع مجرمين ..

ام تركي ناظرت بوجه سجى الاصفر والمخطوف لونه قالت بتعالي : اسمعي افصخي عباءيتك والحقيني على المطبخ ..وبعدها ننظف البيت ..البيت كبير ومافيه الا انا وانتي ننظفه

سجى ببراءه رمشت عيونها وقالت : وين الخدم

ام تركي ضحكت باستخفاف : هههه الخدم اي خدم ياروح امك انتي هنا ببيت تركي العسيبي مابه شغالات بتخدمي رجلك وانتي ساكته

سجى حست انها ماتقدر تحتج او تعترض تعبااانه خلاااص نفسيا وجسديا بس كانت تكرر بداخلها (( سوفااااج ... سوفاج ..... سوفاج ... سوفااااج ))
هي متعوده على الدلال كيف تدخل للمطبخ لا وابول يوم تدخل بيت الزوجيه السعيد : بس ياخاله انا تعبانه هاللحين ارتاح واذا قمت من النوم س

قاطعتها ام تركي : لاتبدي لي بشغل الدلع والمصاخه والمياعه حقتك انا فاهمتك زين .. واسمعي انا زوجت اثنين وكل واحد من زوجاته يخدمونه بدون لاخدم ولاحشم .. ولا تكثر سواليفك طلعي الشنط فوق والحقيني يله

سجى فتحت عيونها ع الاخير : انا .. اطلع الشنط لفوق

ام تركي : لا انا ... اكيد انتي بسرعه طلعيهم وتعالي للمطبخ الغداء تقريبا جاهز بس بقي السلطه

سجى ببراءه اكبر وهي شويه تبكي : بس انا ماعرف اطبخ ولا اقطع شي ولا اقدر ارفع شنط ثقيله ..

ام تركي : لا ارفعهم لك انا واجهز لك الغداء .. اسمعي انا اليوم بس طبخت الغداء من بكره انتي سامعه ويله بلا حركات بزارين طلعي الشنط فوق ..

سجى ناظرتها والدمعه قريب تنزل وشفايفها ترتجف .. المعامله القاسيه كذا ماتعودت عليها ولا تربت فيها ولا تتحملها هي باختصار مدلله .. حتى لو كانت امها تضربها بس ماتخليها تطبخ وترفع اشياء ثقيله ..

تركي بصوت حاد ارعبها : بتناظري امي كثير طلعي الشنط لفوق بسرعه ..

انتبهت سجى بثوب البيت العادي وشعره مبلول كان عاقد حواجبه ومعصب .. خائفت اثنينهم اجتمعوا عليها .. هزت راسها : اوكيه

تركي : قولي ان شاء الله لي ولا امي

سجى (( تحلم والله ماذل نفسي لكم )) رفعت شنطه من شنطها السبعه اللي قبالها ..طاحت الشنطه من ايدها لانها ثقيله جرتها معها لعند الدرج وتركي يناظرها مبتسم : ماضيعك الا الدلال الزايد ..

سجى نزلت دموعها بس مالفت له ...ناظرت الدرج المفروش كان واضح ان الحاله الماديه مو مره بهالبيت .. مع ان الدرج قصير بس ماتتخيل تطلع الشنط لوحدها ..

تركي يناظرها واستغرب ليه واقفه كثير تناظر الدرج : يله تحركي انا جوعان ..

سجى لفت عليهم ودموعها بخدها : مستحيل ماقدر ثقيله والدرج طويل يتعب .. ماقدر ..

ام تركي : يله بلا دلع زايد وطلعيهم فوق

تركي حس انها جد مستحيل ترفع هذي الشنط الكبيره والثقيله هو بيتعب لارفع لائن قلبه بس قساه : اجل اسمعي مالك غداء الا اذا طلعتيهم صرفي نفسك ...

سجى شافت القسوه بعيونهم مستحيل يحسوا اساسا هي شبعانه ماتبغى غداءهم : اشبعوا بغداكم مابغاه

طلعت بسرعه فوق تيغى اي غرفه تدخل فيها وتقفل على نفسها مستحيل تقدر تتحمل العيشه بهالمكان المقرف ..

حتى هذي الغرفه اللي شكلها غرفتهم ماهي بمستواها ابدا لا اضاءه ولا ديكور حتى ..هذي مسكونه من قبل مو غرفه عرسان ..
اساسا الدور الثاني كله مايجي جناها اللي بقصرهم بدون مبالغه البيت كله مايغطي جناحها اللي لها فيه اكثر من 7 غرف ...

سجى : آآف سوفااااااج الغرفه صغيره مره ومو حلوه .. ياررربي ايش هذا ..

جلست تبكي اليوم زواج اختها وماتحضره لا وزوج اختها النذل تهجم عليها .. ومن حضها الحلو دخل زوجها الشجاعه صاحب النخوه ... على باله انها صايعه وماشيه على كيفها .. وهاللحين امه السجانه معهم .. كل شي ضدها ..

تركي فتح الباب وقف بطوله اللي ملاء المكان .. ناظرها باحتقار (( لاااا دموع التماسيح تضنيني بحن عليك ))
قال من طرف انفه : ليه جلسه هنا ها ..

سجى اول ماشفته دخل بكت اكثر مقهوره ..ويحاكيها بتعالي : انا مو عبده عندك تحاكيني كذا او تسكني بالمزبله هذي ..آآف كل شي يقرف سوفاج

تركي ببرود وهو يحترق من داخل : اسمعي انتي زباله ماتلمك يالخاينه .. اطلعي بره يله

خافت انه يطرها من البيت : وين اطلع ..؟

تركي : لغرفتك .. قومي عن سريري يالقذره .. انت نجسه عارفه كيف نجسه ..

سجى بكت اكثر يجرحها كثير بالحكي هذا ..قالت ببراءه ودلع :بس انا مالي دعوه هو اللي دخل ..

تركي باشمئزاز : يله يله قدامي على غرفتك ولايكثر هرجك .. نامي لك شوي لان العشاء عليك انتي اخواتي بيجوا

سجى مسحت دموعها بسرعه لازم تكون قويه .. واشرت على نفسها باستنكار : علي انا ..

تركي عوج فمه لليسار : ايوه انتي يادلوعة الدادي ..

سجى طلعت معصبه وهي تحمد ربها انه هو بغرفه وهي بغرفه جاءت منه لانها تكرهه . .. (( حقير سجان قاسي يعاملني بقسوه وتعالي ))

كان الدور الثاني فيه غرفتين نوم وصاله صغيره وحمام واحد مشترك ..البيت صغير مرره بالنسبه لسجى اما بالنسبه لمستوى تركي الاجتماعي كان مرتب وكبير على اثنين ..
وبالذات ان الدور الارضيه فيه مطبخ وصاله ومقلط حريم وصاله داخليه ومجلس مرتب .. والمدخل ..

تركي : تعالي هنا غرفتك ..

سجى ابعدت شعرها بغرور عندها انتصار انه هو بنفسه يعطيها غرفه لوحدها

لكن

اول مافتح بابا الغرفه ناظرته مستغربه : وين الغرفه

تركي : هههههه وهذي مو عاجبتك

ناظرت سجى بالغرفه كانت مفروشه بالسجاد الاحمر كلها .. وفيها "دوشق " "مفرش ارضي ".. هذا الفراش اللي على الارض لها هي تنام عليه ..
قالت باستفهام وهي توقف بنص الغرفه : وين الدولاب والسرير والتسريحه والكنبات والكرسي الهزاز والثريات والثلاجه وماكينه النسكافيه ...- سكتت لان تركي كان يضحك بطريقه استفزازيه –

تركي : ههههه ضحكتيني وانا مالي نفس اضحك .. اي سرير واي كابتشينو .. ياروح امك انتي .. هنا ماعندي دلع .. هذا الفراش اللي بنتامي عليه سامعه والملابس بالدولاب اللي بغرفتي ماتستاهلي يكون لك شي بسيط من الترف ..

سجى باستنكار صرخت : انا بنت الرباح وحفيدة عبدالله الرالي انام هنا

تركي رفع حواجبه لكن ابتسم ببرود وهز راسه : ايوه بنت الرياح وحفيده عبدالله الرالي بتنام هنا .. لانها هاللحين زوجة تركي العسيبي ..

سجى ضربت رجلها الارض بدلع : لا مستحيل انت تحلم ..

تركي بنفس البرود وهو يحتقرها : مو انا اللي احلم انتي اللي بتحلمي واوعدك كوابيس مو احلام .. انا بكسر لك انفك هذا يا نجسه ...

سجى استنكرت الوضع مستحيل كذا لاااا بتنجن ... قالت بتعالي وهي واقفه وسط الغرفه بعبايتها المخصره اللي كلها كريستالات و تطريز ملفت للانظار .. كانت طويله مره وجسمها جذاب : طلقني ...

تركي بدون نفس ضحك : هههههه تعرفي تنكتي

سجى بعصبيه وشوي تنهار : هاللحين هاللحين تطلقني .. والله لو عرف دادي باللي يحصل لي قتلك

تركي وكانه يحكي مع بزر : لاااا ليه العصبيه كذا .. واذا كنتي حابه انو دادي يعرف مثل ماعرفت ماما ..من عيوني هاللحين ادق عليه ...

سجى لفت وجهه عنه وهي تتكتف : حقييييير ...

تركي ببرود يقتل : لااا لاااا ماهقيته منك تغلطي لااا ... – بتهديد بدون مايرفع صوته –قرب من عندها وصار قبالها بالضبط - اسمعيني ياحفيده عبدالله الرالي وحطيني على بالك كويس – اشر باصباعه على راسها – شغلي عقلك كويس وحطي الكلام اللي بقوله بباله فاهمه ...

رفع اصبعه الابهام : اولا .. تحترمي نفسك معي فاهمه ولاترمي كلام بزارين مانتي بقده لاني مهما كنت حليم معك اذا عصبت اكون ذئيب فاهمه .. وكلمتي ماتصير ثنتين

رفع اصبعه السبابه وعيونه بعيونها ونظرات التهديد والتحدي بعيونه : ثاني شي .. امي تحطيها فوق راسك سامعه امي قبل اللكل وكلمتهامسموعه ..

رفع اصبعه الثالث : ثالث شي خواتي ماتتعرضي لهم باي شكل من الاشكال وتحترميهم سامعه من سوسن الى ريم ... واذا سمعتهم يشتكوا منك ماتلومي الا نفسك

سجى عضت شفايفها وناظرته بعيون مغرقه مااهي مصدقه اللي قاعده تسمعه منه .. ونظرات التهديد بعيونه مع جسمه الرياضي الطويل ترعب .. كيف وهي قلبها قلب كتكوت .. صغير ..

تركي مكمل حكيه وهو ناوي يوقفها عند حدها من هذي اللحضه ويعلمها طريقته معها ..: رابع شي جوال مافيه زياره لاهلك مافيه .. سفر مافيه طلعات مافيه .. تعزمي حد مافيه .. مطاعم مافيه .. انتي اللي بتطبخي سامعه ...
المشي البطال اللي كان ببيت اهلك مايمشي معي هنا ...
تاكلي مثل اكلنا تروحي لمثل اسواقنا مافيه كتاوجات وملابس من الفلان الفلاني .. سامعه ..

واخر شي والاهم .. انسي انك زوجتي مالك اي حق عندي غير اكلك وشربك .. اما انا حقوقي باخذها كامله سمعتي

سجى انفعلت وقالت وهي تبكي من جديد ... : تخسي تلمسني

تركي باستهزاء: لا واثقه من نفسك بزياده ومن قالك اني طايق المسك واقذر نفسي بك يامستعمله ..

((مستعمله )) الكلمه مست وتر حساس بمشاعرها : اسمع يا زفت تركي انا مو مثل مانت فاكر انا اشرف منك عارف .. وتاكد اذا جاء اليوم اللي تكتشف فيه ان مالي ذنب راح اعطيك ظهري

تركي : اوه سوري ميس سجى انتي قذره هذا الواقع ..
تركها وطلع يهرب من نظرتها الواثقه وهي تقول الحكي ..

سجى وقفت قرفانه من المكان تحس ان فيه حشرات او شي يحك جسمها ..
صارت خدودها حمراء من الحك وجسمها كله احمر .. ماهي طايقه المكان .. تحسه مقرف مع انه نظيف ام تركي مع البنات لمعوه بس هي عندها يااااااي سوفاج ..

فصخت العبايه لان الجو شتاء وهي لابسه البلوزه البيضاء الهاينك والشورت الجينز المقطع .. بتنزل تاخذ لها شنطه تبدل ملابسها علشان تنام ..

اول مانزلت لتحت شافت ام تركي مع تركي ياكلوا على الارض ببساط وبدون ملاعق .. رمشت بعيونها وناظرتهم كم مره متعب كان ياكل مثل كذا بس كان لوحده وبصينيه بدون بساط شكلهم كان غريب بالنسبه لها ومقرف لانه بدون ملاعق ..

تركي ناظرها من فوق لتحت على لبسها وكمل اكله اما ام تركي شهقت : واخزيااااه وش لابسه انتي مامليت عينك انا والا رجل كرسي هنا

سجى : عارفه انو مو مناسب او حلو بس شنطي تحت ...

ام تركي وقفت : اي مو مناسب او مو حلو هذا مايلبسونه الا الفاصخات .. استعفر الله مسلمه انتي

سجى نقهرت منها هي ولدها وكانها كافره او نجاسه قدامهم : ايوه مسلمه – كملت ببراءه – اصلي واصوم ..

تركي كان ساكت وياكل وهو يسمع حوارهم ماهمته سجى لان امه قدها وقدود

ام تركي : اسمعي من اليوم وطالع مو تلبسي كذا قدامنا عند تركي ايوه بس حنا لا .. استغفر الله العظيم والله بلاء ياتركي مو مراءه

سجى رفعت شنطتها الثقيله وطاحت صارت تجرها بالدرج وهي تقول لام تركي : انا مو مراءه اناسجى بنت .. وبعدين الشتاء مابعد دخل ليه اللبس طويل

ام تركي ناظرت تركي باستنكار :: هذي شلون تفكر

تركي يكمل اكله بكل برود الارض : قلتلك يمه ربيها من جديد ...

سجى وهي بنص الدرج وقفت مستقيمه بعد ماكانت مدنقه تجر الشنطه :
وقالت بدلعها الطفولي انا مربيه سامع انت وامك

طاحت الشنطه من الدرج لاخره من جديد .. عصبت سجى وشوي ترجع تبكي : آآآف

تركي: هههههههههههههههه

ام تركي : الله يخلف على امك .. مانتي عارفه تطلعي شنطه لفوق

سجى بسذاجه : لا ... لان ميري ومرفوعه هم اللي يطلعوا شنطي

تركي انفجر بالضحك من غباءها امه تتريق عليها وهي تجاوبها على بالها تسائلها .. : ههههههههههههه

ام تركي : على ايش تضحك ياتركي آآه هذي زوجت ولدي البكر اللي يهز شنبات ...

تركي : يمه ماعليك منها وكملي اكلك ..

سجى سحبت الشنطه من جديد وانقهرت من كلمته ماعليك منها كانها مجنونه ...

**********************
عشاق من احفاد الشيطان ... روايه رومنسيه ... خياليه
**************************

نجلاء تروشت واخذت شنطتها ودقت على لمى : لميوه حياتي حبيبتي

اهااااا تبغيني اجيلك ..مصاااالح ...

شويه بس بحضر ملكة خالتي ضررروري

آآف منك ومن رجلك حتى يوم زوجناه مارتحنا

هههه مقبوله لاني مستعجله

احمدوهو مغمض عين وفاتح عين بينااام : لحد هاللحين مصممه تروحي ..

لمى : خلاااص شويه وانا عندكم

نجلاء : ياحياتي تسلمي ..

لمى :اوكيييك تشاو

سكرت نجلاء مبتسمه : قلت شي حبيبي ..

احمد : اقول لاتروحي دام محد عزمك وقالك

نجلاء باصرار : لااااا لازم اروح – ابتسمت – حتى لو كان زوجها مايعجبني بس هذي خالتو ريمااااس ياحمد ريماس صديقة عمري مافترقنا من بعض ابدا وحتى لو ماتبغاني انا ابغاها ..

احمد : اوكيه اوكيه .. اسحب كلامي

نجلاء: ههههه

احمد: عندك فستان ..؟

نجلاء بخبث : لاااا دولاب بينك موجود ..بروح للبيت اختار اللي نفسي فيه

احمد: هههه غاب القطو اللعب يافار ..

نجلاء بحماس : لحضه لحضه احمد بقلدلك بينك اذا قال لها ريان قطو ..- مدت بوزها وقالت بغرور- قطوه قطوه يامتخلف اسمها بسه ..

احمد : هههههه

دخلت لمى بدون استاذن وفجاءه :طحت عليكم وش تسوون

احمد : تهي تهي تهي بايخه ادخلي بس

لمى احتقرته : نفسسسي مره ادخل عليكم بالغلط و..

نجلاء تسلم عليها : هلا كيفك ..؟

لمى : كويسه بالمره يالله ماني مصدقه ارتحت من زوجك ثلاث ايام بالنسبه لي عيد

احمد بثقه : ايوه واضح ماكانك انتي اللي تدق علي كل صباح وليل وماذيتني بعيشتي

لمى : مو علشانك اتطمن على نجلاء

احمد: هههههه ماتترقع

لمى تضمه بقووووه : وحشتني يالدبدوب ..

احمد: هييه هييه ابعدي انا بس نجوله تضمني انتي قديييمه ..

لمى : ههههه مردوده

نجلاء انحرجت وصرفتها : يله انا طالعه تامر على شي حبيبي قبل لاطلع

لمى : آحم آحم

احمد ضربها على راسها بخفه : ليه آحم آحم وش قالت هي دارين انك موجوده وعلى قلبنا

لمى: هههه علشان بكره اذا تزوجت احد يقولي آحم آحم

احمد : سواليفك كثير يالموي .. لانجوله خذي راحتك

نجلاء: لموي اذا طفشتي في افلام بدرج التسريحه خذيهم وانا شاريه شوي مسليات بدرج المطبخ الل

قاطعتها لمى وهي تدفها للباب : خلااااص خلااااص اعرف باي

نجلاء قبل لاتسكر الباب قالت بهمس : لمويه حطي دواء عمك بداخل العصير من غير لايحس

لمى استغربت : ليه .؟

نجلاء: مادري عنه كم يوم اشوفك يرمي الدواء وماياخذه لانه منووم ..

لمى :آآها اوريك فيه والله لادخلها بفمه غصب

احمد كان يسمعهم : اهااا كذا يانجوله ههه انا اوريك شغلك

نجلاء: لااا تكفين لاتضايقي احمد حنني قلبك عليه شويه عارفك انك تحبيه بس لاتتحرشي فيه

لمى: هههه ماعليك منه ..انا عارفته مايعيش بدون اكشن ..

نجلاء: امم وش كنت بقول بعد هوهاللحين متروش واكيد لمى بطلع بيرمي الفوطه من شعره على الارض عارفته حطيها عليه لحد مايجف شعره

لمى : يوووه يانجلاء بضربك هاللحين بتتاخري على الملكه

نجلاء : اوكيه مع السلامه ..

طلعت نجلاء وهي قلبها مع احمد تنتظر اللحضه اللي ترجع له بس ريماس غاليه عليها ولازم تحضر حتى لو ماعزمتها ..

......

دخلت لبيتهم المهجور من ايام ...
كان هادي بشكل مخيف .. بعكس ايام قبل كان صوت مسجل سامي مالي المكان والا صوت تلفزيوون من شموخ ..

شافت شي ابيض يتحرك بالحديقه وقف شعر جسمها من الرعبه .. بعدها انتبهت انه رجال يسوي شي بالارض .. كانت بتصرخ تتحرك ماقدرت كل شي فيها سكت .. ماهي بفاهمه من هذا الرجال وليه واقف بالحديق اول ماجاء ببالها .. (( حرامي .. بس حرامي مايجلس بالحديقه داخل البيت .. لاااااا مستحيل .. ارهابي .. معقوله ارهابيه اخذو بيتنا سمعت قصص انهم ياخذوا بيوت الناس المسافرين ))
تلفتت الرجال لكن مانتبه بنجلاء وقفز من الجدار لبره البيت ...
نجلاء بشجاعه راحت لمكان اللي حفره الرجال وماعرفت اي واحد كان يحفر فيه لانه حفر بجه التراب .. طنشت لان كل تفكيرها بداخل البيت اكيد شبكه ارهابيه كبيره ..

نجلاء دقت على شوبار : تعال بسرعه ادخل للبيت

دخل شوبار : ايس في ماما

نجلاء تثق بشوبار لانه 12 سنه عندهم وزوجته روز الخدامه موجوده وهم مسلمين : ادخل للبيت قبلي

شوبار : ليس هذا انت يدخل

نجلاء: شوبار لاتزيد في الحكي يله..

دخل شوبار للبيت وماكان في احد .. : مافي ماما يله

نجلاء ارتاحت : لاتطلع اجلس هنا

دخلت لغرفة شموخ وابتسمت لانها من جد اشتاقت لغرورها وهواشها معها ..
فتحت الدولاب كان كله بنطلونات جنز عقدت حواجبها : معقوله اخذت كل ملابسها معها ..

تذكرت غرفة الملابس الصغيره اللي بالغرفه وفتحتها : ايووه هذا اللي ابغاه .. سامحين ياشموخ هههه محتاجه والله لوتدري ذبحتني ..

دورت بين فساتين السهره لحد ماعجبها وردي هادي بالمررره وفيه شريطه تحت الصدر فوشيه .. تذكر ان شموخ مره البسته مع شريطه على شعرها فوشيه ...
اخذت الفستان بسرعه وجزمه معه واكسسوار ناعم هي ذوقها ناعم مو مثل شموخ : ههههه يابينك مايحتاج اشتري ملابس وانتي فيه ..
محلات مو محل واحد مشاء الله ..

طلعت ونست قصه الرجال اللي بالحديقه .. وعلى المشغل على طول ..

**********************
عشاق من احفاد الشيطان ... روايه رومنسيه ... خياليه
**************************