🌸🌸
يقول اوصفيني ياويلي وش اخلي وش اقول
يبي يعرف وش يكون فيني وقد غلاته بقلبي
يبيني اتكلم وانا ملك يمينه وكلي ملك ايديه
هو وش يبيني اقول عن شي مايصير ينقال
مايعرف ان غلاته تنحس بس والله ماتنحكي
ليش الاصرار وش صار له اليوم ايش حكايته
اعرف يبي يشوف الورد بخدودي ولكذا يسأل
اصلاً دائماً بافعاله مصر يحرك هاجس قلمي
قلمي اللي شاركته في ليالي البعد والحسره
قلم ماقد كتب لغيره ومابيكتب لانه والله ماينمل
كل يوم حبه يكبر لين مابقى فيه مكان بخيالي
وكل يوم يتجدد واشوف فيه اللي انحسد عليه
الكل يعرف من ملكني والكل من وصفي له مل
على اساس مايقراء وش اكتب عنه للي حولي
لو شاك بقدر خردله له مني اللي يجبر خاطره
مايعرف اني اذا تكلمت بقول اكثر من الاول
لان لا بدايه ولا نهايه لوصف اللي ملك قلمي
بس عشان اهيم ابي نظره او رشه من عطره
هو اصلاً مثل السماء بدون حدود مثل الجبال
شامخ اذا قام واذا قعد بدر التمام اذا جاني
ماله بدايه من نهايه مثل البحر كرمه وجوده
حكيم في كلامه نبيل نُبل الملوك هو منهم انبل
حبه نهر ماينضب ابتسامته تروي الضامي
صدوق مايكذب وفي ومايحلف ويرمي ايمانه
يقنع الكل بكلامه اللي مثل الدواء يريح البال
له هيبه ومكان بين العربان وله حظور طاغي
غالي بسوق المرجله والرجال وبالعالي مقامه
ثقيل بالحيل لكن حبه لي يفيض مثل السيل
تراكم مشاعر بقلبه مافاضت إلا لعمق قلبي
يغار علي ويحبني بالحيل وفيني يخاف ربه
تنور دنيتي وتنزاح كل الهموم لو علي اقبل
مايشوف غيري في دنيته يوفي اذا وعدني
يسوي لي المستحيل واقواله تترجمها افعاله
ولو غاب الامان من حولي هو يحل محل الاهل
فيه حب ابوي وروح اخواني فيه من ريحه امي
كل احبابي سندي وخلي وكل دنياي لبى قلبه
وهو نور سماي اذا ستار الليل علي انسدل
وشمس الاصيل اذا غاب عن تفاصيل يومي
شمسي وقمري ليلي وسحري هو لي نعمه
هو بالنسبه لي وبإختصار امير وسيد الرجال
اللي جمع شتاتي وهدالي دروبي ونور كوني
لي قلب ماينبض الا له وانا كلي تحت امره
هذا تعبيري لشيخ الشباب اللي جاني يسأل
لو كان بعد شاك بحبي او مو داري خله يدري
مع ان القصيد مايعبر عني وما يوصل لمستواه
_إيمان 