شبكة همس الشوق - عرض مشاركة واحدة

4 - 2 - 2012, 10:47 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

لااا الحمدلله يمه اقدر احرك ايدي ..

ام هواجس ابتسمت بتردد :الحمدلله على سلامتك يمه ..

هواجس ابتسمت بهدوء : الله يسلمك ..

ام هواجس بترد اكبر : يمه هواجس ..أأ.أأ

هواجس تعرف امها اذا بنفسها شي وماتقدر تقوله ..
ابتسمت تطمنها : يمه عليك الامان قولي

ام هواجس: امم .. زوجك صحى ..

هواجس رفعت راسها بسرعه : صحى ..

ام هواجس : ويبغى يقابلك.. يقول يبغى زوجته ..

هواجس بهدوء : ليه ماقلتوا له اللي حصل ..

ام هواجس : لااا ابوك يقول هو اليوم احتمال يطلع من المستشفى ..

هواجس اخذت نفس طويل : احسن يمه تقولوا له ..

ام هواجس بنظره تامل : واقوله انك كنت مع هذا

هواجس ناظرت امها بلوم : يمه .. خلاص اذا الله يسامح انتي مراح تسامحي ..

ام هواجس: لان ابوك يفكر الحادث لوحدك مايدري ..

هواجس غرقه عيونها : يمه تكفين قولوا لسعود .. يمكن يسفرني يعالجني ..

ام هواجس تنهدت : ايوه انا اقول كذا بعد .. بو ماهر مايقصر معك ..

هواجس هزت راسها مبسوطه ان بوماهر صحى .. مفتقدته كثير ..
: يمه نادي نور مفتقدتها ..

عفست ام هواجس وجهها : نور.. اتريكها بحالها هذيك كبريت الله يهديها..

هواجس استغربت : ليه ..؟

ام هواجس تنهدت : مادري وش فيه زوجها مايحكي تلفون ولااا يسال عنها ..

هواجس طاح الجوال من ايدها وتكسر بالارض الرخاميه ..
تذكرت يزيد ..كيف نسته الفتره اللي فاتت ..
الايدز ..
مات .. يمكن مات هاللحين ..

ام هواجس ناظرت بالجوال : لله يهديك هواجس قلتلك لاتمسكي شي ثقيل لهالحين ايدك ماتتحمل ..

هواجس ماكانت مع امها قالت بصوت بعيد : يمه دقي على جوال يزيد ابغى احاكيه ..

ام هواجس : مايرد اختك حاولت حتى ابوك سال عنه بشقته قالوا مو فيه ..

غمضت عيونها بقوه وهي تسد فمها بقوه علشان ماتشهق ..
مات ..

اختها ترملت بسببها وعلى ايدها ..

ام هواجس خافت : هواجس وش فيك .. تعرفي شي عن يزيد ..

هواجس مسكت دموعها وقالت بهدوء وهي تحاول تتماسك : لا ..

انفتح الباب بسرعه ودخلوا نور ونواف وملاك متحمسين ..: لوووووووووولللللللل ..

ويقولوا كلام متفرق مافهموه .. ويضحكوا ..

ام هواجس : نور وش فيكم ..

نور ضحكت بفرح : امس ملكت ندوووش ..

ملاك : يجنن عيووونه عسليه ..كانه شاعر .. وطويل

نواف بهدوء وبرود : المهم يرجعها هنا ..

هواجس استغربت : ندى هنا بالسعوديه ..؟؟!!

نواف : لاااا بس بيجيبها هنا ..

نور بحماس جلست عند هواجس : توقعي مين ياهجوسه ..من مات في دباديبها .. وحنا ماندري ..

هواجس ناظرت بنور وهي مبتسمه .. وحست بالم بقلبها ..وحقاره لنفسها
قالت بشرود : من ..؟؟

نور : سامي الخيال هذااك اللي وصلنا من فتره ..تذكررري ...

هواجس : اهااا – فتحت عيونها على وسعهم وشهقت – سامي سامي ..

نور ضحكت عليها : ايوه سامي ساميي ههههههههه ياحليهم والله

هواجس ضربت خدها بهدوء .....
ندى قالت لها انه معهم بمصر وبعدها ماحكت معها من زمان ..
:وكيف حللواا وهي بمصر ..

نواف بلامبالاه : عادي اخوه الم؟؟؟ عنده وسطات يقول وخلص الموضوع ..

هواجس : اهااا ..

اندق جوال نور بجيب بنطلونها .. قالت بسرعه وهي تطلعه : اكيد يزيد ..

هواجس بلعت ريقها ..

نور كانت مبسوط تفكره يزيد .
لكن حست بخيبه امل وهو تناظر بالشاشه (( عمتي ..))
ردت بهدوء : هلا عمتي

ام نواف : هلااا نور شخبارك ..

نور: الحمدلله ..

ام نواف : انتم بالبيت ..؟!

نور استغربت : ايوه ليه ..؟؟

ام نواف : من ساعه ادق ومحد يرد علي .. افتحوا الباب انا وام حمد برى ..

نور : يوووه محد فتح لك الخدامات الحمير ..

ركضت تفتح لعمتها نزلت من الدرج بسرعه وهي تقاوم دموعها متى بيحس فيها يزيد ويدق ..

.
.
.

جسمه عرقان وجهه احمر .. تعباان مره ..
مايقدر يقاوم بعده عن المخدر.. لكن لازم يتعالج ..

أكل من الفواكه اللي قباله .. وهو يقاوم الالم اللي يحسه ..

هاللحين احسن من اليومين اللي فاتوا كان بحاله هستريا بدونهم ..

نفسه يتطمن على نور ..

ماقدر يطنشها اكثر ..دق عليها واللي فيها فيها ..

.
.
.

نور تناظر بالخدامه اللي تصب القهوه لجده .. والجده كيف معصبه عليها ..
: يااحافظ ..وش ذي القهوه ماليه الفنجان .. الناس ماتملاه

نور وهواجس ضحكوا عليها : هههههه

نواف : يمه فلبينيه وش يدريها ..

الجده : فلينه ومن جايب فلين هنيه ها ..

نور تصرخ لها : هههه يمه يقولك فلبينيه .. يعن

قاطعها صوت الجوال ..بنغمه نوكيا العاديه ..
رفعته بطفش .. بس ابتسمت من قلب (( يزيد دق يزيد ))

ركضت بسرعه لبره وهي ترد ..: يزيد هلاااا وغلاااا ..

يزيد ايتسم لصوت اللهفه باسمه : هلا حبيبتي كيفك ..

نور حالفه ماتبكي اذا سمعت صوته ولاتبين له انها مهتمه بس غصب عنها ..
قالت بزعل : وينك .. ليه ماتدق ..اذا ماتبغاني قل ..

يزيد ضحك : ههههههه – مسك صدره بالم – لااا ياقلبي والله ابغاك وتهقين حياتي بدونك تسوى ..

نور : اجل وينك ..؟!

يزيد اخذ نفس طويل وهو يناظر بغرفه المستشفى في المانيا : اياام وراجع عندي شغل وبرجع ..

نور: وليه ماتاخذني معك ..

يزيد : نوااارتي لاتصيري حنانه .. خلاص كم اسبوع وبرجع ..

نور عصبت : كم اسبوع .. وش تعمل هناك ..يزيد انا موبزر عندك انا زوجتك قلي وش عندك هنا .. متزوج ..

يزيد كتم ضحكته ..: متزوج .. افااا نوارتي انا اناظر وحده غيرك ... لااا والله مافي بقلبي غيرك ..

نور ابتسمت وقالت بدلع : ايوه اضحك علي ..

يزيد : والله العظيم وعلشان ترتاحي كم اسبوع وارسلك تجي عندي نعمل شهر عسل غير هذاك

نور ارتاحت : اوكي بس ها تحاكيني كل يوم وكل دقيقه ..

يزيد : اكيد .. وهاللحين قولي لي وش كنتي تعملي ..؟!

نور: اممم عمتي عندنا وجدتي .. وكلهم .. حنا ببيت هواجس اقصد عمك ..

يزيد : ايوه وش عندكم ..

نور : تعرف هواجس تحتاج امي .. وملاك ببيت عمتي طوال الوقت .. اجلس لوحدي بالبيت ..

يزيد : صح اجلسي معهم .. حبيبي ابسكر هاللحين ..م

نور قاطعته بعنا د: لاااا انا ماصدقت حاكيتك .. لااااا

يزيد تنهد وهو يحاول يقنعها تسكر ..

**********************
عشاق من احفاد الشيطان ... روايه رومنسيه حزينه .. ... وخياليه
**************************