الفــــصـ11ــل
" ليلة حزن"
" سعود"
ليش امي ما تبيني اشوف مضااوي..؟؟..
غريبة..وش مخبين هي والبنااات؟؟؟...
الصرااحه ينخااف منهم...قرربت...من باب غرفة امي...
وبتردد...قررت اني اشوف مضاوي...
لازم اشوفهاا...
كلهاا كم يوم وبعيش معهاا بشقتي في ايطاليا..
.يعني ماافيه مجاال اهرب منهاا...
بقاابلهاا طوول الوقت...
يعني لااازم من هاالحين ابطل هرووب...
واجمد مشااعري وقلبي مؤقتاا...
فتحت الباب...ودخلت...اول شيء طاالعت فيه السرير..
.بس مااشفت عليه احد...
سمعت صوت مووية بالحماام...اكيد انهاا مضااوي...
طاالعت بالغرفة...وعيووني تتنقل من مكاان لمكاان...
شفت ملاابس على الأرض...
ولاحظت قطع قزاز تلمع فوق البلاط...وقطرات دم...
مضااوي؟؟...وش سوت؟؟...
طاالعت بالمرااية اللي نصهاا متهشم...
واستغربت..ولا جرأت حتى على التفكير...
حطيت يديني بجيبي وكنت بطلع...بس سمعت صوت حركة وراي...
التفت ببطء...وانا متوقع اشوف مضااوي...
لكن الشيء اللي شفته خلاني اجمد بمكااني...
كاانت ملاك يا بشر
بنت عليهاا جمال غير طبيعي
شعرهاا يحيط بوجهها المدور....وكأنهاا غجرية..وعيونهاا وااسعه نااعسه..وشفاايفهاا..تجنن...
تنحت بمكااني للحظاات طوويلة...
وخفت ان البنت اللي كاانت شاايله ملابس بيدينهاا تلتفت وتنتبه لي...
فتحركت وبصعووبة..واناا اسحب رجولي سحب..
.على الأرض...
قبل لا اطلع من الغرفة..
التفت عليهااا من جديد احااول اشبع عيني من هالجمال الناادر
وخطرت على باالي فكرة عشان اطول هاللقااء
: لوو سمحتي؟؟؟.."
التفتت البنت علي وواضح انهاا انفجعت...
لأن عيونهاا وسعت...وقاامت ترمش بارتباك...
وبدت ترجع على ورى...وهي تطاالع فيني مصدومة..
وكأنهاا قالت شيء...بس مااقدرت اسمعه...
انعكست صورتي على مراية جاانبية..
وطالعت بشكلي...يا سااتر...
لها الدرجه شكلي مرعب؟؟..
وفعلا...مع الهالات السوداء اللي حول عيووني...
واللحيه اللي بدت تطلع...وشعري اللي طاال...
حسيت بكره لشكلي...
موو معقول اوقف قداام هالبنت وارعبهاا اكثر...
ترااجعت على ورى...
وطلعت من غرفة امي...
كاانت امي توهاا جاايه...طاالعت فيني...
وهزت رااسهاا بقهر مني...
ومرت من جنبي من غير ماتتكلم..
واناا ضليت سااكت..واناا ارجع لغرفتي...
قررت اني آخذ دش...ينشطني...
وبطلع للحلاق بضبط شكلي...وراي زوااج...
ومفروض اكون مرتب باليوم المجيد..
عشان يعتقدون الناااس اني متشقق من الفرح...
هه...متشقق من الفرحه...!!
مااعليناا...دخلت غرفتي..ورحت للحماام...
وقفت تحت الدش الحاار....واناا مغمض عيووني...
خبطت جبيني وفيني ضحكة...مدري وش صاابني...
اعوذ بالله..كل هذا سوته فيني بنت....
صغيرة حييل...
كاانت...كااانت جميييييييييله...
ووجهها وشفاايفهاا الملياانه خصوصا يوم طااحت شفايفهاا وهي تطالعني مفجوعه...
ولا رمووشهاا الكثييفه...خصوصا لمن قاامت ترمش بقوة...وهي تهز كتوفهاا وترجع ورى...
كااانت سحر بكل بسااطة...سحر؟؟...وش سحر...اروع من سحر..
سبحاان اللي خلقهاا...!!
هذا اللي قدرت اقوله بالاخير...واناا احاول اشيل صورتهاا من رااسي...
"هناء"
كنت مصدومه بكلام الدكتور واللي قااله لي....
قال لي ان مضااوي تعبااانه حيل...
واننا لازم نرااعيهاا...
لأنهاا فااقده كل اللي تعودت عليه...
ولأنهاا قااعده تحس بغربة فضيعه بهالمكاان...
يا ربي...
توقعت ان مضااوي تكوون اقوى من كذا بكثير...
قهرررتني...اعدمت ايدهاا كثير...
ايدهاا الحين تخرع...وخصوصا ان فيهاا جرح عريض طوويل...
يعني منظر اليد تشوه...
اوكيه...اناا عارفه انكم بتحسبوووني سطحية...
لكن لااء...اناا مووب سطحية...
اناا افكر بأشيااء اعتبرهاا مهمة...لأني عشت مثل مضااوي قبل...
وتعذبت مثل مضااوي بالضبط...
بس الشيء الوحيد...اللي يعتبر فرق بيني اناا و مضااوي...
هوو اني اناا انبهرت بالحظاارة على طووول...
وحبيت زوجي على طوول...
عشان كذا كنت ابي اتغير...
ابي اسعده...ابي اخليه يشوفني مثل باااقي الحرريم...
وهذا اللي كنت احااول اسويه....
لكن هذا كله ماانفع..عااارفين ليش؟؟؟...
لأن للأسف عبدالعزيز....تزووجني...
كذا...بدون اي سبب...
غير انه كاان شخص فااضي...ثم ندم..
كااان راايح رحلة قنص...
وشاافني وعجبته...عجبته كزوجة مؤقته...يتسلى فيهاا ويرميهاا...
كنت عاايشه لوحدي مع ابوي...وكاان ابوي مريض...
زوجني من عبدالعزيز وهو مبسووط حيل...
واذكر ذيك الليلة كنهاا صاارت امس...
اذكر انه ضمني بقوووة....
وطلب مني اني اتمسك برجلي...
لأنه هوو عيلتي البااقية...واذكر اني صحت كثير...
واني مااكنت ابي اتزووج عبدالعزيز...
لأني ماا ارتحت اول ماشفته...
تزوجني عبدالعزيز...
وكنت رااح امووت من الفرح يوم عرفت انه نااوي يجلس بالصحرااء...
معي اناا وابووي...
كاان كل يووم يناادي اصحاابه...واناا اعشيهم بنفسي..
حملت منه...بسعود...
لكن بكل حقاارة...وبعد شهر بس..
طفش من حياة الصحراء...فهرب بآخر الليل...
هو واصحاابه اللي كانوا نايمين عندناا....
وتركني لوحدي مع ابوي اللي ما يتحرك من مكاانه....
من شدة المرض...
ابوي الصدمه هدته...
وماات متأثر بعدهاا بكم يوم...
واناا ضليت لوحدي...اعااني من الخوف والرهبة...
مروني نااس واناا بالساابع من حملي...
وكنت اتعذب كل ليلة ولا حد دااري عني...
وسووا فيني خير...
ووافقوا يآخذوني الريااض...
بعت كل حلال ابوي...
ورحت الريااض...
مع هالناااس...ورحت ادور بيت عبدالعزيز...
وساعدوني هالنااس وعرفت وين بيته بسهوولة لأنه شخص غني...
وابوه تااجر معروووف...
تصوروا اول ماشاافني...قاام يصاارخ فيني...
وحسيت الاحتقاار بعيونه وهو يطاالعني...
وكاان بيمووت قهر وهو يشووف بطني الكبيرة...
ويعرف ان ابنه عاايش هنااك...
قاالت امه وهي مرة مغرورة وصغيرة بالسن
: خلهاا يا عبدالعزيز...هذا ولدك...
ولا راااح نستغتني عنه..."
وفعلا...صااار هالشيء...
كنت اتعذب كل يوم لوحدي بس هالمره اختلف عن الصحراء...
كنت اتعذب بغرفة صغيرة محد يدري عني...
غير الخدم اللي يحنون علي...
ويدخلون علي الأكل...
وانتهت ايام الحمل...وجبت سعود...وحرمتني منه امه...
حسيت ببقشعريرة بجمسي...ضميت نفسي بقوة...
وانا استرجع الذكرى الحزينه..
وخلت سعود عندهاا...وصرت ماا اشوف ولدي...
كنت اشوفه بالدس...واتخبى واراقبه...
وهو يكبر بعيد عني...وقلبي يحرقني...
سبحان الله اللي حنن قلوبهم علي...
ولا رمووني براة البيت......
منعووني من لمس سعود او حتى اني اشوفه...
تخيلوا...مدة كم؟؟؟...خمس سنين...
خمس سنين...واناا اشوف ولدي ولا اقدر اضمه...
خمس سنين واناا اتعذب بعيد...
كنت احااول اقلد ام عبدالعزيز بكل شيء...
علشاان يقتنع فيني عبدالعزيز اللي صد عني بالمره...
ولا كان يشوفني...او حتى يلمسني...
وكأن شيء مقزز بالنسبة له...
خنقتني العبرة...واناا اذكر شلون كنت اتعلم كل شيء بصعوبة...
لأن معظم الاشيااء تخاالف مبادئي اللي تربيت عليهاا...
...المهم..
مرضت ام عبدالعزيز....ونادتني...واعتذرت لي...
عن اللي سوته فيني...وطلبت مني احللهاا...
وطبعا..
كالعااده انتصرت غزوة الطيبه فيني....وساامحتهاا...
وبديت اجلس مع سعود بالساعاات...
حبني على طوول..
.وكأنه عاارف اني امه من الاساااس...
بينماا سعود صار قرريب مني...
كاان عبدالعزيز بعيد عني...وبعد وفااة امه...
سافر حواالي اربع سنين....ثم رجع...وتغيرت حيااتي...!!
تغيرت حيااتي....لمن عررفت اني لي اقاارب كثير...ولي خواات واخواان من ابوي...ما كنت ادري بمكاانهم..بس هذي قصة ثاانية...احكي لكم وقت ثااني...
طاالعت بمضااوي اللي كاانت ترتعش بوقفتهاا....
كاانت مفجووعه من شكل سعود...
وسألتني بحده عنه؟؟؟...
مضااوي تهتم بسعوود..هالشيء بااين عليهاا...
لكن احس ان فيه كره كبيرة بنفس الوقت ينمو بقلبهاا...
نفس الشيء له..
ومدرري وش سببه...
يمكن لأن الرجوولة عند البدوو تختلف عن الرجووله عند الحظر
ويمكن لأن سعود اذاهااا...باسلوبه وياهاا...
ويمكن بعد مااعرفت انهاا اخذهاا عشان يذلناا...
مدري ليش تكرهه...واتمنى تتغير مشااعرهاا تجاهه..
لأن مضااوي جووهرة وتستااهل واحد مثل سعود...
موو لأنه ولدي...
لأن سعود ما ينتعوض ابدا...
قلت لمضااوي
: لا تحممين هاالحين...انتظري كم سااعه علشان ايدك...اخااف الجرح يتجرثم اذا جااه المااء.."
ردت مضااوي علي وهي تطالع في البااب
: سعوود...وش فيه؟؟؟..مرريض؟؟.."
قلت واناا اقرب منهاا
: قلت لك يا مضااوي ماافيه شيء..."
ردت علي بحزم
: برووح اشوفه...ذاا رجلي...لااازم اعااينه بنفسي..."
قلت وانا اخذ نفس عميق
: سعوود...ولدي قبل لا يكون رجلك...
وهو موو مريض...وتراه طلع من البيت...
يعني ما يمديك تشوفينه...غيري ملااابسك يا حلووة..لكن ماافيه حماام.."
وتركتهاا واناا مقهووورة من عناادهاا..
.رااس هالبنت يااابس...بس انااا دخلت الحماام من هناا...
وشفتهاا تطلع على طوول...من الغررفة...
لحقتهاا بسرعه...بس الظااهر الوقت كاان متأخر...
لأن سعود كاان توه طاالع من غرفته...
كاان لابس ثووبه ومتعطر..
وشكله افضل من اول بكثير..
ابتسم سعود اول ماشااف مضااوي...
بينماا مضااوي ترااجعت ورى..
ورجعت دخلت الغرفة بسرعه وسحبتني بقوة...
ما امدااني اقول شيء لسعود..
قالت مضااوي وهي ترتعش
: تغير؟؟...مووب طبيعي...صح؟؟"
رديت عليهاا واناا ارفع حواجبي
: مااتغير...اول كاان توه قاايم من النووم.."
وكملت وانا ابتسم لهاا
: ترى محد حلوو اول ماايقوم من نومه غيرك...
ولا البشر الطبيعية مثلي و سعوود...نكون شيف مقعده.."
طاالعت فيني...
ووااضح انهاا ما فهمت اي كلمة او ما سمعت شيء من اللي قلته...
لأنهاا هزت رااسهاا...
ورمت الملااابس على الكنبة اللي قريبة من البااب...
ورااحت للسرير...وهزت كتوفهاا باذعاان غرريب
: يعني انسدح وارقد؟؟؟.."
رديت عليهاا واناا مبسووطة
: ياااليت.."
وقربت منهاا...ومسكت الحبوب اللي جاابهاا معه الدكتور..
واعطيتهاا حبه...
واحتاارت في البدااية شلون تبلعهاا بدون ما تمضغهاا وبعد عدة محاولات...
قدرت تبلعهاا بدون ماا تشرق....
وحطت رااسها على المخده...
سكرت الانواار...ولحفتهاا زين بالبطاانية...وطلعت من الغرفة....
*************************************
بعد ستة ايام
في اليوم العظيم
بقاعة نيارة
وعلى انغام اصيل ابو بكر واحلام وراشد الماجد
كانت النااس ترقص بفرح
لأجل العروسين السعيدين
مضاوي و سعود
احتشد الكل في القاعة من النساء
بينما كانوا الرجال...
....بقصر الثقافة...
حضر الحفل معظم اصحاب الطبقة المخملية
وكان منوع ومليء بجنسيات خليجية كثيرة
خصوصا ان عبدالعزيز الــ.....رجل مشهور وجدا وااصل...
كاانت الفرحه تعم الجميع...وحتى هيفاء و نورس كانوا في قمة السعاده
لأنهم عاارفين ان مضاوي رااح تبهر النااس كلهم بحسنهاا
وبفستانهاا الفخم...وراح تكسر توقعاات النااس...وكلامهم اللي كثر..
بسبة هالزواج المفاجىء...واللي تم بسرعه غرريبة...!!
***************************************
" هيفاء"
وااااااااااااااااااااااااااااااااااااااااو
شكلك مووو طبيعي اليوم...
صدق روووووووووووعه
يا ربييييه..طفشت من كثر مااسمعت هالكلمات اليوم...
الكل كاان مبهور فيني..
طبعااا اناا هيفااء موو حي الله!!
صدق اني قمر...لكن اليوم احلى من القمر...
وقفت عند المرااية..
واناا ابتسم لنفسي...
المكياج اللي سواه لي فتوح..
كان موو بس خياالي....كاان فن...شيء رهييب...
عيوني طاالعه موو طبيعية..
.باللون الاحمر...
والفستان يجنن...لووو تشوفون الموديل...
شيء خراافي بقووة...
الالوان متدااخله مع الاحمر بطريقة فناانه...
والقمااش الحريري المشغول بخفة...
والقصه العجيبة من عند الصدر...
صدق يستااهل كل ريال اندفع فيه...
طاالعت بنورس..اللي كاانت تمشي مع ديمه...
كانت طاالعه تجنن...
كنهاا عروسة بااربي...
خصوصا انهاا صابغه شعرهاا اشقر فااتح...
ومع البينك...
والمكياج الخفيف الغريب على يد بساام..
لأن وجهها طفولي حسب كلامه فصعبه يكبره...
رااح يفقد جمااله...
طاالعه كنهاا من حكااية اطفال...
كاان فستاانهاا يتمااوج حول ارداافهاا بانسيابيه ماالهاا اي مثيل...
ومن فوق بدون اي اكمام او اكتااف..
جاات يمي وابتسامتهاا شااقة وجهها...هي و ديمه...
اليي يوم شفتهاا...حسيت لا شعوريا بشفقه...
لا يمكن تجي مثل مضااوي!!..
ولا حتى نصهاا...
ولا ربعهاا...
والله!!
مسكينه يا قلبي...خلاص لازم نكسل كل الخطة...
انا يوم شفت مضاوي اول..
كانت بتجيني سكته قلبية...
طاالعه روعه بدون مكياج..
وهي رافعه شعرها المبلول فوق راسهاا...
اجل شلون الحين...اكيد قمة الجمال...
قالت ديمه وهي تبتسم لي
: هيفاء...وش راايك فيني؟؟..موو اهبل؟؟...سويت مثل ما قلتي لي.."
رديت عليهاا وانا ابتسم لنورس اللي وجهها انقلب
: شكلك حلووو..يا رب تنخطب ديمه اليوم...ونفتك منها...هههههههههه.."
ديمه وهي تضحك
: هههههههه...كنهاا من قلبك...
ماانيب راايحه من قداامك...حبيبتي...اناا لسعود و سعود لي اناا وبس..."
قلت واناا اطالع حولي
: ديمه...قصري صوتك..لا يسمعك احد.."
ردت ديمه وهي مقهوورة مني
: وش فيكم اليوم؟؟..
فيكم شيء موو طبيعي..
كل هذا اهتمااام..لا حد يوصل الهرج للعروس الكريمه.."
نورس وهي تحط ايدهاا على فمهاا
: قصررري صوتك...وش بيقولون النااس عنك يا غبيه..."
كملت عن نورس
: يا ربي...انتي هبلة يا ديمه...اثقلي...وبلا هباالة.."
واعطيتهاا ظهري...وقمت ازين شعري..اللي مسويته ويفي..ورافعته من قدام بطريقة نااعمه...
قاالت ديمه بقهر
: عن اذنكم..برووح اجلس مع المعاازيم.."
رديت بقهر
: يكوون افضل..."
رااحت ديمه..واحتاارت نورس تجلس مع مين فيناا؟؟...بالاخير...وقفت عندي..
: يعني لااازم تززعلين احد؟؟"
قلت بعصبية
: نوورس...بليز خلي طيبتك على جنب..يختي شوفي شلون هالهبلة...تتصرف؟؟"
ردت نورس وهي تحط يدها على خدها وتعض شفتهاا
: حتى لووو...هذي بنت خاالتناا وتحب اخونا..مفروض تكونين لبقة اكثر...ترى هذا زوااجه..."
رديت وانا منحره من نورس
: نووورس!!...ديمه عمرهاا ماحبت سعود...ديمه تبي سعوود...
لأنهاا تعتبره افضل وااحد من عيال خالاتنا...البااقيين ضاايعين صااايعين.."
نورس وهي تهز كتوفهاا
: طيب..المهم..انهاا بنت خالتناا...لا تززعلينهاا...الله يخليك.."
رديت واناا اعطي نورس ظهري وامشي
: من عيووني...بتأسف لهاا بعدين...بس امشي بعدين...بعرفك على ثنتين من صديقااتي.."
جاات معي نورس...ورجعناا للقااعه..وتوجهت لطاولات خليت صديقااتي يجلسون فيهاا....ومسكت يد نورس..وبديت اعرفهاا على صديقااتي الجدد اللي مااتشرفت بمعرفتهم قبل...
كنت اطاالع حولي..واناا مبسوطة...ان كل شيء مثل مااطلبنااه..
.التوزيعاات...والهداياا....
والشراشف اللي على الطاولات...
وأوراق الليمون والعنب...اللي ظللت سقف القااعه بكاامله..
.والكووشة الخراافيه اللي كلهاا ورد ناازل من فوق..ولسه فيه اشياء كثير...اعلمكم عنهاا بعدين..
جلست نورس تسولف برقتها المعهودة مع الحريم اللي جاالسين وتسألهم اذا محتااجين شيء...او يبون شيء...مراات تقهرني حركاات نورس..بس وش اسوي...
قررت اروح ارقص مع بناات عمي..
اللي كانوا يرقصون ويأشرون لي اجي...
وانا اليوم شخص ثااني...بس لأنه عرس سعود...
وماابي اخرب العرس على عمري وعلى غيري
احس بالاعراس ننسى الضغائن بالمره
ونتهنى بذاك اليوم
ونتذكر الفرح وبس!!
تنحط على الجرح يبرى
القلب سلملك امره...في حالتي انت ادرى..
يلي حنانك وطيبك... تنحط على الجرح يبرى...
شفاف يا نور عيني...حب وقلبك يبيني...
زهرة شبابي وسنيني..تفداك الفين مرة...
والله لما تكلم...كنك تغني وترنم..
والورد منك تعلم..والشاعر يضيع شعره...
حنون ربي يصونك...في طيبتك..في عيونك..
دنياك حبي وكونك...يا طيب عمري وعطره...
كنت ارقص مبسووطة..
واناا ااشر لصديقااتي...ومااماا ترراقبني وهي مرتااحه..وخالاتي يصفقون لي وهم مبسوطاات....
جاات عيوني بعيون رند من بين المعاازيم...
حسيت قلبي بيووقف ماا اعرف ليش؟؟...
ابدا مااتوقعتهاا تجي...توقعتهاا تصيح في البيت...
الصرااحه صدمتني هالبنت..
كاانت لابسه لبس عاادي بني...ولا هي حااطه مكيااج...عمااا...كنهاا جايه عزا...فضحتناا بين المعاازيم...
ليت هيثم يشوفهاا كذا...عشان يطلقهاا...وينسااهاا بالمره...واذا شاافني مرة ثاانية مثل مااني مخططه...رااح ينهبل فيني...وينسى رند بالمره...!!
خلصت الاغنية...ووقفت رقص..وبست بناات عمي..اللي مااسلمت عليهم..ورحت وتركتهم..ورحت يم امي...مدري متى نااوين يدخلون مضاوي؟؟...
العرس ما راح يخلص الا الساعه 7 الصبح..
لكن مضاوي لازم تنزف على اربعه الفجر..
بس قبل لا اوصلهاا....حسيت بصدااع قووي فجأة...
وغثياان فضيع...
فرحت ركض على الحماام...والنااس تطاالعني مستغربة...
" سعود"
منهاا الماال ومنك العياال
قاالهاا سطام وهي يضحك بوجهي...تمنيت لو اخنقه...
وابتسمت بوجهه بحمااس...عشان اكمل التمثيلية...
اللي اتوقع ان الكل مصدقهاا...
رجع سطام يكمل كلامه
: وش اخباار معرسناا؟؟...عسى بس مااحد ضاايقك..من الشيااب اللي اسالتهم كثيرة؟؟.."
قلت وانا اخذ نفس وارجع ابتسم
: بالعكس...محد ضاايقني يا استاذ سطام...فيه وااحد وراك يبي يسلم.."
بعد سطاام عن الوزير اللي كاان واقف وراه يتحراه يبعد عني...وقمت اتباادل بعض الاحااديث الخفيفة معه...
ثمن قمنا نتبوسم للكاميرا وللصحفي اللي ابوي منااديه عشان يصور العرس...
قال سطام وهو يراقب الوزير يبعد
: يقولون عنده بنت!!...لوووئطه..."
قلت بعصبية
: سطاام...عيييب...يااخي...وش هالحكي؟؟.."
سطام وهو يهز كتوفه
: ماكاان قصدي شيء...بس كنت اعلمك بس..علشاان لو بغيت...تفرفش بعد عرسك...تعرف اي بيت ترووح.."
حسيت باحتقاار لسطاام...رغم انه صديقي...بس مراات كثيرà_أنااديه عشان يصور اca من ايش مخلووق؟؟"
قال سطام ببساطة وهو يزين المشلح
: من نااار...اناا ابليس...يا شيخ سعوود.."
وابتسم للصحفي...اللي انا متأكد انه صوره مية مرة..
اساسا صور سطاام بكل العروس..!!
قلت واناا اشوف ابوي
: تلاحظ وجه ابوي؟؟"
سطام وهو يتأمل ابوي...اللي واقف مع سفير عمان
: ايه...شوف وش كبر ابتساامته..
والشيبه مضبط السكسوكه...بالبداية خربطت بينكم.."
قلت بقهر
: هه...مااتضحك...يا ثقل دمي يا سطاام!!"
سطاام اللي عرف اني وصلت حدي منه...
قال وهو يبعد
: اناا بروح آخذ لي كم صورة مع بعض المعاازيم..."
تأملت سطام وهو يروح ورجعت ابتسم للمعاازيم اللي يسلمون علي...
فوق الالف والخمسمية شخص جايين اليوم...
لدرجة اني احس بكتمه وزحمه...
سمعت جواالي يدق...
من اول وانا سافهه وحااطه صاامت...
اول ما حطيته عاام...قاام يدق...
طاالعت فيه...وشفت اسم امي..
رديت بهدوء
: هلا.."
امي وهي تصارخ عشان اسمع صوتهاا...مدري ليش
: وووينك مااجيت؟؟...نااسي التصووووووير.."
رفعت حوااجبي...تصوير؟؟...وش قااعده امي تقول؟؟...
: يمه....تبيني اتصور مع مضااوي...يرحم واالديك فكيني.."
امي باعتراض وصوتهاا يخرق طبلة اذني
: اقووول...بتجي وانت مااتشوف الدرب...بسررعه.."
وقفلت الخط بوجهي...آآآخ بس...
طاالعت بسطاام...اللي كان يبتسم لي ويحرك حوااجبه..
خسيييييييييس...قسم بالله خسيس...
من جدهم يبووني اتصوور؟؟...اكيد فيهم شيء...ما احلاي احظن مضااوي وهي لابسه ذااك الثوب الاحمر...ووعععع...
يا ربي ماابي الووع كبودكم بالوصف...
آآخ ليت مين يجيب لي الملاك اللي شفته قبل كم يوم ببيتناا...
عيت امي تكلم وتقول هي مين من بنات خالاتي او بنات عمااني؟؟...
مدري ليش يحبون يعذبووني؟؟..
يمكن افكر استقر بعد حكااية مضااوي...
اقلهاا اتزوج ذيك...اللي..
اللي قال عنهاا محمد عبده مذهلة...
وهي اكثر من مذهلة!!
قررت استأذن من ابوي...ورحت يمه...وهو غاارق بالسواليف والبسمه شاقه وجهه...
: يبه...ممكن لحظة؟؟"
التفت ابوي علي...
واول ماشاافني تغير التعبير اللي كاان على وجهه...
من الابتساامة الراايقة...لتعبير مخيف...خااص فيني اناا...
: نعم؟؟.."
قلت بقوة غير معتاده مني
: اناا طاالع راايحه نياارة..."
ابوي بعصبية وبصوت وااطي
: نعم؟؟؟...ما رااح تكون فيه وقت العشا؟؟"
قلت واناا اطالع بالباب
: لاااء...ورااي مشواار ضرووري.."
قال ابوي بتريقة
: لا تقوولي...راايح...تصور مع مرتك؟"
حسيت بخنقة...ليه يا يبه؟؟؟..لييييييييييييه؟؟؟..عااملني باحترام...
وش ينقص منك...؟؟؟...كااافي اهانات..
قلت بادب
: ايه...راايح اتصوور.."
وهزيت راسي له وبعدت عن طريقه عشان اطلع...
وصلت السيارة وانا حااس اني ياله امشي واشوف الدرب...
سمعت صوت سطام وراي
: سعوود...لحظة.."
وجاا جنبي...
وقاال بطريقة مسرحية خلتني غصب انسى ابوي
: والله اني ماا اكوون سطاام ان خليت عرريس يسووق..
ابك وين نسيت الصدااقه؟؟"
ماارديت عليه ودخلت السياارة وجلس هو جنبي بمقعد الساايق...
وشغل السياارة...وانطلق باقصى سرعه..
قلت له واناا امزح
: هاااااي...انتبه لا تصدم فيناا...
اخااف تطير الورود اللي فووق..."
قال سطام وهو يطلع سيجارة ويناولني وحده ويولعهاا
:هههه....احس شكلي غلط واناا اسوق سيارة مشرعه..."
قلت وانا اخذ لي شفطه من السيجاارة
: انت تحفه يا سطاام..على كثر مااتزوجت...ماالك زوااج واحد يسوى.."
سطام وهو يشغل الراديو
: يا حبيبي...اناا..مانيب مثلك.
.اخذ لي عشرة بربع قيمة عرسك اليوم...وعشرة من افضل ماايكون.."
هزيت رااسي...وغمضت عيوني...اسمع للراديو..
بعدين قلت فجأة بدون مقدمات
: سطاام...لقيت لك عروس.."
طاالعني سطام موو مصدق
: وشووو؟؟؟...عروس؟؟..لا يكون شغالتكم بس؟؟؟...ترى بااربي كل مااجيت شفتهاا تقزني..."
ضحكت
: ههههههههههههههه...لااا ياا حلوو...بااربي...اساسا حاالفه مااتزوجك..."
وتذكرت شكل شغالتناا الفلبينية العجوز...باربي...اكره مااتشوف بهالدنيا..سطاام...وتقفل البوابة اذا شافت سياارته...وتنااقر معه...
سطام وهو يدور
: طيب...هاات ما عندك من اخباار..."
قلت وانا اتذكرهاا
: بس بشرط...تووعدني ما تزوج عليهاا..."
سطام بتريقة
: لااا والله...خلاص هوونت.."
قلت له بصدق
: ياااخي جايبلك بنت...من اجمل مااخلق ربي...وش تبي اكثر؟؟.."
قاال باعتراض
: يا سلااام اتزووج وحده شاايفها انت وخشتك؟؟"
قلت بقهر
: سطاام...اناا شاايف كل خوواتك...يعني ماحد يتزوجهم؟؟"
طاالعني سطاام وقال بفهم
: آآه...يعني تقرب لك البنت؟؟؟...زين...حسبتهاا..من اللي.."
سكته بقرف
: اقووول...ماالت عليك..هووونت مانيب قاايلك..."
وفعلا سكت رغم كل محاولات سطام المستحيله لاقنااعي ارجع اتكلم عن البنت..
مسكينه والله بنت النااس ابليهاا بسطاام
انا احق بهاا!!
" نورس"
صرخت بوجه ماما وانا مصعوقة
: مااماا لا تقوووولين.."
مااماا بقهر
: اششش...لاااحد يسمعك...نااوية تفضحيناا انتي.."
حسيت باختنااق...لا يمكن امي تتصرف بهالطرريقة...
والتفت اشوف مضااوي اللي كانت سااكته و باتريسيا تشتغل على وجهها...
رجعت اتكلم بصوت واطي وعيوني مليانه دموع
: ماماا...هذي مخدراات..."
ضربت ماما صدرهاا
: نععم؟؟..اقول اسكتي بس...يا غبيه...لا مخدرات ولا غيرهااا...
هذي حبوب يصرفونهاا الاطبااء بامريكاا..للأنفعالات...والاشياء ذي..."
قلت واناا امسح دمعه طااحت من عيني
: بس مضااوي موو طبيعية..نااظريهاا...هذي ميب مضااوي..."
ماما وهي تطالع بمضاوي
: الا ذي مضااوي اللي نبيهاا...شوفي وش زينهاا بس...
على العموم مفعول الحبوب ينتهي بكره...
يعني بعد مااتقوم من النوم.."
والتفتت على الشغاله اللي قااعده تكوي فستان وحده من خالاتي...
لأن انتثر عليهاا شاهي..
وقالت لي
: اناا برووح هاالحين...خذي جواالي..اول ماايتصل سعود..دخليه عشان التصوير...خلاص؟؟"
تنهدت وانا امسح دمعتي الثاانية اللي طااحت
: ان شااء الله..."
راقبت امي وهي تروح...ورجعت عند مضااوي...كانت مغمضة عيونهاا...والخبيرة تشتغل بفن على عيونهاا الواسعه...
حسيت بضيق فضيع...مسكينه مضااوي...عاملنااهاا كنهاا عبده...سويناا كل اللي ما يتسوى لهاا...وبالأخير ماما عطتهاا حبوب...خدعتهاا...
اناا كنت ملاحظة ان مضااوي الاياام اللي فااتت موو هي مضااوي اللي نعرفهاا...موو بسبب التغيير...تحسوونهاا بعالم ثااني...
اناا اعرف هالحبوب...واعرف زين وش تأثيرهاا؟؟؟..واعرف انهاا ممنوعه بالسعودية...لأنهاا ممكن تؤدي للأدماان...
رحت الحمام...وانصدمت واناا اشوف هيفااء...كاانت تئن دااخله...وجاالسه على الأرض...وفستاانهاا حولهاا متلطخ بالمااء...
هيفاء وهي تمسك ايدي
: سااعديني اقوووم...الالآم موو طبيعية...بقلبي..احس اني مخنووقة حيل.."
قلت واناا منهاارة
: هيفااء وش صااير لك؟؟...قووولي...انطقي.."
هيفااء بضعف وصوتهاا يرتعش وعيونهاا دايخه
: مدرري وش فيني...حسيت فجأة بالالآم مرررة شديدة..
بتمدد شوي..وان شااء الله تخف..."
سااعدتهاا تقووم...وطلعتهاا بره...
قالت مضااوي وهي تشوف هيفااء
: هيفاا؟؟؟...وش بلاا..ك؟؟"
طالعت فيهاا هيفااء...ورجعت طاالعتني...مستغربة...
وعرفت انهاا استغربت تصرفات مضااوي..
لكني مااعلقت...خليتهاا تمدد على الكنبه...
: برووح اجيب لك قهووة...وعصير...وشكلك محتااجة تآكلين...بطلب لك شيء...من اقرب مطعم.."
وطلعت بعد مااتركت هيفاء و مضااوي...
قاابلت جدتي بالطريق..بست لهاا راسهاا بحنان..وحسيت اني محتااجة اضمهاا...
وفعلا ضميتهاا بدون سبب..
سألتني جدتي بضعف وحناان
: وش فيك يا بنيتي؟؟.."
قلت وانا المس وجهها الابيض
: ماافيني الا العاافيه دامني اشم هالطيب..."
وبست رااسهاا...ونااديت بنت خالتي الصغيرة تسااعدهاا تروح تجلس...
ورحت لعند ماما...وعلمتهاا عن هيفااء..
ودقيت على السوااق يجيب لهاا اكل...
اخذت لي كااسه عصير...واناا ادخل القااعه...وسلمت على بعض الناس اللي اعرفهم...
كنت سرحاانه وعقلي موو معي..هذا زواج الاحزاان...
ايه..ديمه المسكينه متأثرة بسبب زواج سعود...
وهذا واضح حتى على لبسهاا..اللي قهرتني فيه..خصوصا انهاا بتسلم على سعود اذا جااء...
رند جاات...لكن كاان وااضح انهاا بعالم ثاني....
ومرت عمي اللي هي امهاا...عيت تجي...
وضلت عند ولدهاا نواف بالمستشفى...
نوااف...آآآخ...ريحة المااضي...ريحة خاالد...يا حبي له!!...
مضااوي عروس مخدرة!!
آآآخ بسس
ولا هيفااء بحاال الله اعلم فيه وبس...
لمعت عيوني بقوة...
وانا اسمع الموسيقى الكلاسيكية تنتشر بالقااعه...كقاطع بين الاغاني واستراحات المغنيين...
مدري ليش مووو مبسوطة بهالعرس الخراافي اللي طلع مثل ما بغينااه...شوكولاته من سويسرا..واكل من ايطاليا...واقمشة الطاولات من بريطانيا...
وكله شخصيات شهيرة...وناااس مغرورة...شاايفه حاالهاا...
ونااس مبهورة باللي تشوفه...
واللي اكيد دخلوا عن طريق البطاايق اللي وزعناها باعداد كبيرة وبدون اي تفكير...
دق جواالي...وشفت رقم سعود...رديت عليه...وتظااهرت بسعاادة...
رغم اني اناافقه وهو عاارف هالشيء...
: الووووو...هلا والله بازين عرسان السعودية.."
سعود بضيق
: لا تجاامليني واللي يعاافيك...وينكم؟؟..وكيف ادخل؟؟؟.."
قلت وانا اهز كتوفي...
: ادخل عاادي...مااعندك احد..بس انتبه لا تدووخ...خصوصا وانت رااح تشوف مضااوي...بشكل غير متووقع بالمره.."
سعود وهو متأكد
: عاارف وش بشوووف يا نورس...بطلي طناازة.."
ابتسمت برقة
: من عيوووني يا سعود.."
وقفلت الخط...ووسعت ابتساامتي...واناا اتخيل رد فعل سعود...
رجعت لغرفة مضااوي...واناا شايله كااسه عصير باارد...
نااولتهاا هيفاء اول ماادخلت...
وشفت باتريسيا تشطب المكيااج بلمسة بلاشر واضاءه اخيرة...
شغلت موسيقى كلاسيكية...عشان نهدي الاعصاب التاالفه اللي مالية الغرفة..
مسكت مضااوي
: لا اله الا الله...شيء خرراافي طاالعه يا مضااوي.."
طالعتني مضااوي ببرود ورجعت تطالع بشكلهاا في المرااية
: كل..وجهي...اصبااغ!!"
قلت وانا ابتسم لهاا وبدم خفيف
: الاصبااغ هي المووضة....يله البسي فستاانك يا حلووة...سعود ينتظرك.."
ضمت مضاوي نفسهاا بقوة
: مااابي اشوفه...مااابي..اكرههه..."
قلت واناا اهز راسي باعتراض
: مضااوي يا هبلة...سعود..بيمووت عليك اليوم...كاافي انه يحسبك وحده ثاانية...يوم شاافك اول.."
مضاوي بخوف
: ايه...هناا المشكله...بيضيق خلقه علي..."
وكملت بشيء ثااني
: وين عبيد؟؟...ابي اشوفه.."
قلت واناا اسحبهاا لفستاانها
: عبيد مبسووووووووط..مرة...ويدعيلك بالتوفيق..راايح اليوم حفله عند اصحاابه.."
مضاوي بحزن
: ليش ما جاا؟؟..لييييييييش؟؟..."
سكت...شلون افهمهاا؟؟...
نااولتهاا الفستاان...ودخلت غرفة ثاانية صغيرة...وقاامت تلبس..وانا انتظرهاا عند هيفااء...
هيفاء بارهاق
: مضااوي وش فيهاا؟؟..."
قلت بضيق
: فيهاا...فيهاا..يعني وش متوقعه من وحده مخدرة؟؟"
صرخت بها الجمله وانا انتفض..وحطيت يديني على وجهي...
وانهرت ببكاء حااد...وكأني كنت انتظر هيفاء تسألني...
عشان اصيح!!
"مضاوي و سعود"
كانت مضاوي واقفه تطالع بنفسهاا في المراية...
موو مصدقة انهاا بتلبس هالفستاان ببرود اعصااب...
موو مصدقة انهاا بتطلع قدام سعود كذا....اهي اول كاانت تستحي يشوف وجهها بس...وهالحين بتطلع له بهالشكل..!!
يعني اناا صرت ماارد؟؟...ماا استحي..ولا عرف الحيا!!...
يعني ابوي مااعرف يربيني...مثل مااكاان يقول لي دووم!!
حطت ايدينهاا على رااسهاا وهي تنتفض
طاالعت بوجهها اللي كله مكيااج..ولمعه برااقة...
الشدو الوردي البااهت...والرسم حول عينهاا...
والروج الوردي البراق..
وبشعرهاا اللي كله ورد وفراشات لمااعه...
وملفوف بالفير بطريقة غريبة على جنب...
اناا وش مخبصه؟؟...وش مسوية بنفسي؟؟...
اناا خبلة بهالاصبااغ...طاالعه كني عجووز...
ماانيب زينه
ماايبووني اصير زينه
عشان سعود يطلقني!!
ووقفت ورى الباب..تنتفض...اكيد فيهاا شيء..هالايام ميب طبيعية...هالايام صاايبهاا بلا...
فيهاا خموول غرريب...
واهي مااتذكر ان هالشيء صاابهاا قبل...اكيد انهاا مريضة...!!
سمعت صوت نورس وهي تصيح...
وتمنت لو تطل تشوف وش فيهاا نورس؟؟؟..الا نورس...
الصرااحه انهاا تحبهاا كثير وتعزهاا...ليش مااتدري...يمكن لأنهاا تهتم ب عبيد...
مااتدري ولا تهتم بمعرفة السبب
ضلت مكاانهاا تروح وتجي...وتطاالع بالمراية بتوتر...
بيعجب فيهاا سعود؟؟؟...بتدخل مزااجه؟؟...بيحبهاا؟؟؟..
يحبهاا؟؟...هه...تضحكين على مين يا مضاوي...؟؟؟
سعود لو كنتي اجمل مااخلق ربي...بيظل يكرهك ويحتقرك دااايم...
ولا رااح يحبك...ولا رااح يعااملك كزوجة...ولا رااح يحترمك..
اساسا اهو مآخذك عشان يفشل اهلك فيك...
طاالعت بأيدهاا المتشوهة...يااا خبلة...هذا اللي قالته وهي تأمل الجرح...
جرحت نفسهاا..
.وضيعت فرصه مهمه...يعني يمكن اول يعجب فيهاا سعود...
بس هاالحين..ابد ما رااح تعجبه...يدهاا مشرووخة..
.وشكلهاا موو مرة...
الحظر يهتمون بهالاشياء رغم انهاا ما تعرف ليش؟؟؟..
سمعت طق على البااب...
بس رفضت تفتح...وهي ترجع تطالع بفستاانهاا الطويل...
لازم تقاابل هناا....عمتهاا...هي اللي بتسااعدهاا..
بتعطيهاا ذاك الدوا...عشان يخليهاا تهدا...وتصير زينه!!
قاالت وهي ترتعش
: ووويـ...ن..عمتي؟؟؟.."
سمعت صوت هنااء من ورى البااب
: هذااني هناا يا مضااوي افتحي البااب..."
مضاوي بارتعااش
: مانيب مدخله غيرك!!"
هناء باستغراب
: ان شااء الله.."
وفتحت لهاا مضاوي البااب..وسحبتهاا بقوة جوه..
حتى انهاا عورتهاا...
بس كله هاان يوم صرخت هنااء...
هناء باعجاب
: يا مشاااء الله..."
وكملت وهي تدور حول مضااوي اللي حاطه ايدهاا على خصرهاا
: شيء لا يمكن احد يتصوره...طاالعي بنفسك يا مضااوي...طاالعه ملكة جماال.."
مضااوي بعصبية
: ملكــ..ة..وشووو؟؟"
هناء بهدوء
: ولااا شيء...حلوووة قمر...هذا اللي بقوووله..."
وكملت وهي مستغربة توتر مضااوي
:معقوولة انتهى مفعول الحبوب؟؟.."
مضااوي وكأنهاا ما صدقت تسمع كلمة حبوب
: عمتي...اناا خاايفه...ابي الدوااء..
.اناا خااايفه حيييل..
واناا عمري مااعرفت هالخوووف.."
هناء بهدوء
: مضااوي...انتي موو خاايفه...
هذا اسمه تووتر!!...
انتي قوووية..والقوي ماايعرف الخوووف"
مضااوي بتأكيد
: اكيد...ايه...اناا قوووية...لابد اني اكون قووية...
اناا مضااوي...قووية حيل...اقدر على عشر رجاال..
حتى اني اقدر على سعوود نفسه.."
وسكتت مضااوي شوي...وهي ترجع ترتعش...
: بسس..ممدري وش تسمونه؟؟..هذا الشيء..اللي يخلي قلبي يررقع بقووة..ويخليني ابي...مممدري..."
هناء بتفهم
: هذا اسمه شعور التوتر.."
مضااوي بذكاء
: يعني انااا متوترة...بسس!!"
هناء وهي تدور بشنطتهاا على الحبوب
: ايه يا مضااوي...توتر وبسس.."
ومن سوء حظهاا انهاا مالقت شيء في شنطتهاا...
لاحظت كيف مضااوي قااعده ترتعش وتطاالع بالباب بخوف؟؟..
بس توكلت على الله وسحبت مضاوي لخارج الغرفة...
كاان سعود واقف في نفس الغرفة...يسولف مع خواته...
وماسك بأيده فنجال شاهي..
اول مااطلعت مضاوي...ماالتفت عليهاا لأنه كاان مشغول...يقرا رسايل سطام..
اللي كلهاا ترريقة...
ارتسمت على شفته ابتسامة سخرية...من افكار سطام الغبية..
ورفع راسه يوم سمع صوت خوااته يعلى فجأة..
اول شيء صاار له هو انه ترك فنجال الشاهي اللي بأيده...فنتثر على ثوبه وايده...
فصرخ متعور...
: آه..."
اكيد انه بحلم...ايه حلم...هذي وش تسوي هنا؟؟..
طاالع فيهاا...موو مصدق...
ضحكت نورس بتريقة
: هههه...وش صاار لك؟؟...كنت بتحرق عمرك..."
وجاات جنبه...
وهو عيونه معلقة على مضااوي موو مصدق..اللي يشوفه...
كان مصدوم باختصار..
موو مصدق..
ان البنت اللي شغلت بااله بالكم يوم اللي فااتوا..
هي مضاوي ...
هالشيء اكبر من انه يصدقه..
علت دقاات قلبه فجأة....
مااكاان محضر نفسه لكذا مفاجأة...
حس بدمه يجري حاار حاارق بعروقه
وعروقه تنتفض بنفس الوقت
ماا طالع بفستاانهاا...ولا همته البااقة الخرافيه اللي بأيدهاا...
كانت عيونه تطاالع بأجمل وجه شافه بيوم...
عيون المهاا الواسعه..والرمووش الكثيرة....
...والشفايف الفااتنه...
والخشم المستقيم القصير...
الخدود المرتفعه...والحواجب المستقيمه...
كانت "مذهلة"
تنحنح شوي وهو يشوف خواته يطالعون فيه وكاتمين ضحكتهم
: احم...احم....وين المصورة؟؟..بسررعه اخلصوا..."
هذا كل اللي قدرت تقوله....مااالت عليك...
هزأ نفسه بقسوة...
غبي مرة..طيب تكلم...قولهاا شيء..
شوف البنت كيف ترتجف...ومتوترة...ولا حتى تطاالع فيك...
وشهوله تطاالع بوجهك؟؟...شبعت منك قبل...
قالت نورس وهي تطالع بثوبه:
لااازم..نغسله لك...وهذا رااح يآخذ وقت...شلون نخبي...البقعه؟؟"
هيفاء اللي عدلت من وضعيتهاا على الكنبه...وجلست زين..
: المشلح يغطيهاا بسهوولة..."
هنااء وقفت تطاالع بسعود و مضااوي وهي مبسووطة...يعني جهودهاا ما رااحت سدى...وهذا هو اللي كانت تبيه...كاانت تبي سعود يمووت بشيء اسمه مضااوي...ومبدئيا هو مبهور فيهاا...
تذكرت شلون هبلت فيهم مضااوي بالايام اللي فاتت وفيهاا ضحكة...
: ...لالالالا...شعررررري...."
صرخت مضااوي على الكوفيرة اللي قصت شعرهاا اللي كاان واصل لركبتهاا....
: يا الخبله...شعررري...عمتي...وشش ذاا؟؟"
هنااء بهدوء وهي تحااول تهدي مضااوي اللي كل النااس صاارت تطالعهم بالصالون بسببهاا
: مضاوي...ماحنا تفقناا نقصر طول شعرك؟؟"
مضاوي وهي تحط يدينهاا على خصرهاا
: هاالحين ذاا كله وتقولين تقصير؟؟؟....انتي قلتي لي...قد كذاا.."
واشرت على طرف اصبعهااا
هناء وهي تضحك بتوتر
: ههه...لااا ياا حلوووة...اناا ماا قلت قد كذا...اناا قلت بنزينه لك.."
وكملت وهي تمسك شعر مضاوي
: شووفي...طوووويل...طااالعي...لخصرك..ماافيه احد بالريااض شعره لهناا..."
مضاوي وهي تمسك شعرهاا مصدومة
: يمممه...يممه...
شعررري رااح...جبعتيه لي...وتقوولين طوويل؟؟...
لا تسوووين فيني مثلك..
واناا مااتهمني هالريااض..."
هناء اللي انصدمت من راي مضاوي بشعرهاا حاولت تمااسك
: وش فيه...شعري؟؟"
مضاوي بصراحه مالهاا مثيل
: يا عمتي...طاالعي بشوشتك في هالمرااية..انت جاابعه شعرك كله...ماالك شعرر...ماابينك فررق انتي و عبييد..."
وكملت وهي تحس انهاا بتذذبح اللي قصتهاا
: اقلبي وجهك ياا الخبله....شعررري؟؟...شعري جبعتيه لي...ماا اقول غير..جعل شعرك للقص...كله..."
هناء وهي تحط يدهاا على فمهاا وتراقب الفلبينية اللي ميب فااهمه شيء
: اجلسي...طيب اجلسي.."
جلست مضااوي وهي تمسك شعرهاا اللي طااح على الأرض
: وشووو؟؟؟"
هناء بهدوء
: هالحين...بنكمل لك القصـ.."
صرخت مضاوي وهي توقف
: وشووو؟؟؟...لالالا...ماانب قااصته اكثر...يااويلي من سعوود...عمتي..الرجاال يحبون الشعر الطوويل.."
هناء بعصبية
: طيب انثبري...لا يصير لي معك تفااهم ثااني.."
جلست مضاوي وهي متوترة وقااعده تطالع بشعرهاا الطويل...
وجاات الفلبينية وكملت شغلهاا..تحت ملاحظاات هناء بالانجليزي..
عشان مضااوي مااتفهم شيء...وبعد مااخلصت القصه...
وجففت لهاا شعرهاا بالاستشوار
: هاا يا قمر وش راايك؟؟"
طاالعت مضاوي بشكلهاا في المرااية
: وش؟؟؟...شكلي تغير...اناا...غير.."
ورجعت تطاالع بهنااء وهي مبهورة بنفسهاا...ولزقت بالمرااية...تتأكد من شكلهاا...
: ازززين....صح؟؟"
قالتهاا مضاوي هي موو مصدقة...انبسطت هنااء...
وقالت وهي تطالع بمضاوي
: قلتلك اسمعي كلااامي...وبتطلعين ازين مااخلق ربي.."
ابتسمت مضاوي ابتسامة واسعه...وهي تشوف شكلهاا بالمراية...
وكاانت هذي محااولة اولى...وضنت هناء...ان كل شيء بينتهي بسهولة..
لكن...اكتشفت..انهاا تتتوهم..
هيفاء وهي توقف جنب مضاوي وتسوي لهاا الطرحه
: طاالعه تهبلين مشاء الله...بيموتون غيض..كل البناات بالحفلة...
عاارفة ليش؟؟..لأنك الاجمل.."
ردت مضاوي ببرود وبرد استغربوا منه
: على...وشووو؟؟...بيحسدوني؟؟.."
وكملت وهي ترفع عيونهاا لسعود بهدوء
: يمكن..بيززعلوون على حاالي...لأني..متجووزه سعود.."
حس سعود ان فنجال الشاهي اللي انتثر اول على ايده
وكأنه جاا بوجهه..
كملت مضااوي
: لأنهم...عاارفين ان اللي مثلي...مااتكون لسعود..تكون لرجال ولد رجال..مووو لأخوك...."
فتحت هيفاء فمهاا مفجوعه من الكلمه....
اماا نورس قاامت ترمش بقوة..
.موو مصدقة ان هالكلمه تطلع من مضااوي...توقعت انهاا تغيرت...
لكن الظااهر اللي مثلهاا حبوب العاالم ماتغيرهاا...
هنااء حست باحباط يسكنهاا...ورااحت يم المصورة...اللي جايبينهاا من لبناان...
واللي تطالع فيهم باستغرااب...قاامت تتكلم معهاا عن وضع مضااوي...وانهاا ما تطلبهاا من اشياء جريئة بالصور...وحااولت تشغلهاا عشان ما تقعد تلقط اللي يصير بالغرفة من توتر وااضح للأعمى...
قال سعود بصوت بارد مرة وهو ينااظر مضاوي من فوق لتحت
: اللي مثلي...يسوااك ويسوى اهلك مية مرة..."
رفعت مضاوي راسهاا وقالت وهي تبتسم بشمااته
: صدق؟؟؟...ورااه وجهك انقلب اجل؟؟.."
واتسعت ابتسامتهاا وهي تطاالعه من فوق لتحت
: تبيني اطلع للناس بثوبي؟؟؟...هه....ببرقعي؟؟...هه...تبي هالحظر المتجمعه تطنز ؟؟...تبي هالعرب اللي ماا تسوى مداس رجلــ..."
قااطعهاا سعود بقوة وهو يقرب منهاا
: اصص...لا تخليني ارفع ايدي عليك...هالعرب يسوونك...."
هزت مضاوي كتوفهاا ببرود
: بتضربني؟؟؟...وش تقولون انتم؟؟؟...وشهي الكلمه؟؟...عاااادي...ولااا؟؟"
وعطته ظهرهااا وهي تكمل
: بتفشل اهلك؟؟...مسكين...والله..."
وطالعت بهيفاء
: موو دووم تقولين هالكلمه؟؟؟.."
هيفاء ضمت شفايفهاا مصدومة..وهي تطاالع بنورس...
وبأمهاا...
هي حااسه ان هالعرس بيصير فيه شيء...
من اليوم مضااوي سااكته وتهبل...وش صاابهاا؟؟؟...
لفهاا سعود بقوة توااجهه وقال بصوت مكتوم وهو يضغط على اسنانه
: حساابي معك...بعدييين..لا تفضحيناا بين هالخلق...
وعمرك لا تعطيني ظهرك...لا قسم بالله...اكسرلك رااسك..."
وسحبهاا بقوة...فصرخت فيه..
: اتررركني....بعد يدك عني...."
سعود بعصبية
: قصري صوتك...بلا فضااايح..."
هنااء بخوف
: سعود الله يخليك...مااايصير هالكلاام..."
والتفتت على مضااوي
: وش فيك يا مضااوي؟؟؟..وش اللي كناا نقوله لك بالاياام اللي فااتت؟؟.."
طالعت مضااوي بسعود..اللي كاان يرتجف من القهر
: وش فيك؟؟؟...خااايف؟؟؟..ولد امك...ولااا؟؟.."
طاالعهاا مووو مصدق...ولقى نفسه...يرفع يده...بس قبل لا يضربهاا وقف بمعجزة...
هذا يوم عرسه...و مضااوي ما رااح تقدر تقهره...
قالت مضااوي تقهره
: وش فيك؟؟؟...متردد...؟؟..عمر الرجال الحر ما يتردد..."
عم الهدوء الغرفة...وصوت الكف اللي انطبع على خد مضااوي...
...يقطع هالسكوون...
طالعت فيه مضااوي...وابتسمت ببرود..كفه ما يأثر فيهاا...
...ولا بيأثر فيهاا...
صرخت نورس مفجووعه...
: سعووود لالالالالا.."
وحطت ايدينهاا على فمهاا وقااامت تصيح منهاارة...
هيفاء بقهر
: سعوود؟؟؟...مضااوي بنت...شلوون...تجرأ...؟؟؟"
صرخت مضاوي فيهاا
: اناا مره...و اسوى اخووك الفين مره...
...اللي يظن ان المرجله...
..هي انه يمد يده على مره...
ما درى ان الرجاال...ماا يرفع يده الا على رجال مثله..."
سكت سعود...ماالقى كلمه يقولهاا...رمى شماغه على الأرض...
وفتح ازاير ثوبه وهو منحر من تصرفاات مضاوي..
توقع انهاا بتغير بالايام اللي بعدت فيهاا عنه...لكن الظااهر انه كاان متفاائل...
والله لوريك يا مضااوي...والله!
والله لخليك تموتين بشيء اسمه سعود....ولأرميك بكره...مثل اي حثااله..
عند رعااة الغنم اللي جاايه منهم...
قاال وهو مقطب حواجبه يطالع بساعته..
لازم يرجع للرجال مرة ثاانية...ضيع وقته هناا..
على ناس تاافهه مااتسوى...
: وين عباايتهاا؟؟؟..."
نورس وهي تبكي
: لااااااا...لا تآخذهاا..."
هناء وهي تحااول تهديه وتقرب منه..
: سعوود...حبيبي...هدي اعصاابك..لسه بااقي الززفة.."
سعود بقهر
: زفة؟؟؟...قسم بالله ماا اكون سعود بن عبدالعزيز...ان انزفت اليوم مضااوي!!.."