الخميس..الساعه: 9:00م
كان مستغرب من دفع امه للارتباط بهيفاء...كان يحس انهاا مهتمة بالموضوع اكثر من الازم...المفروض انهاا تبعده عن هالمخلوقة الشرسة وبأي طريقة...ومااتفكر انهاا تجمعهم سوا...لأنه لوو تزوجهاا بيسووي اي شيء الا انه يعااملهاا بشكل زين...
عيونه توسعت وهو يسمع كلام امه وابوه وهو منزل راسه...عشان يحجب عنهم الانفعالات اللي تدور براسه...يده تشتد وترتخي بين كل كلمة والثانية...ينتظرهم يحكمون عليه بالاعدام ويريحونه...راافضين يفاوضون برجعته لرند...والفكرة انتهت من باالهم مع ان مااله الا فترة قصيرة مطلق...وهو لسه ما انهى الاجراءات بالمحكمة...لأنه مازال عنده امل صغير بعودة عقل رند...بعودة قلب رند...بعودة رند نفسهاا...
" هيثم"
على كثرة هموومي...جاايين يزيدووني هموم...كأن اللي فيني مووب كاافي...وش هالأهل؟؟؟...وين الأهل اللي نقرا عنهم بالمجلات والرواياات؟؟؟..اللي اهم ماعندهم مصلحة عياالهم...اللي مصلحة عياالهم فوق مصلحة الجميع...
شاايفيني شلوون اني موو قاادر انووم الليل...ولااا قاادر اداوم وارووح شغلي...حياااتي تحطمت بقسووة..اورااق امانيي اللي رسمتهاا مع رند تمززقت بيدين القدر...عاارفين ان قرربي من رند مثل الملح يووم ينذر على الجروح...وبعدي عنهاا مثل الناار اللي تحرق ولا تذر...ومع هذاا...ماارحموني...مع هذا ما حنوا على قلبي المعذب...واتهمووني باتهاامات ماتوقعت بيووم اسمعهاا...ما توقعت اني اناا...اكوون بيوم في موقع شبهاات...النيراان القاايده فيني مااتطيفهاا اعتذارات العاالم...شكهم فيني وحكمهم علي...خلاانيي اشك اناا بدوري بنفسي واتسااءل وين الخطأ اللي سويته بحيااتي عشاان ربي يعااقبني بهالطرريقة؟؟؟...
امي بتررجي وهي تطاالع فيني بعيون حزينه: يااوولدي..ليش مااتبي تصحح الغلط؟؟؟...ليش راافض هالزواج؟؟؟...انت موو تبي هيفااء؟؟؟...انت سعيت لهاا..وحطيت سمعة البنت بالشبهاات..."
قاطعت امي بعصبية ويمكن اول مرة ارفع صوتي عليهاا بهالشكل..خصوصا ان صبري نفذ...ولا عدت قاادر اتحمل اي احد قداامي ويكلمني بهالموضوع اللي لأجله دخلت قسم الشرطة...
: يمممه...انت شلووون تفهمين؟؟؟.."
طالعتني امي مبهووتة...وسكتت بزعل وهي تطاالع بعيون ابووي...اللي صرخ فيني وهو يوقف
: وش فيك تصررخ على امك؟؟؟...موو هذا الصدق...منززل روسناا بالترااب...الضعيفه اللي تزوجتهاا لقتكم سوه بالحديقة...وكنتم بوضع...."
وسكت باشمئزاز وكمل وجهه مختنق ومحمر
: بوضع مااايسمح فيه لا ديناا ولا مجتمعناا...بوضع ينكس الرووس..وهاالحين...يومناا بغيناا نجمعك بهالمسيكينة اللي اكيد ضااحك عليهاا بكمن كلمة...قمت ترفض وتنفخ عليناا..."
قلت بتوسل
: والله ماصااار هالشيء...قسم بالله اني ما..."
قاطعتني امي بضعف
: لا تقسم...لا تحلف...احناا عاارفين انك لمستهاا وان رند لقت هيفااء بين احظ..."
قاطعهاا ابوي بعنف
: لا تكملين سواياه اللي تفضح...ماالقيت الا بنت خاالك يا هيثم...وخاالك عبدالعزيز اللي يعزك اكثر من معظم عياال خوانه وخوااته...؟؟"
جلست منهاار واناا اسمع بااقي كلاام ابوووي
: اناا ماتزوجت هيفااء...لاااني ابووك ولااانت ولدي...علمن يوصلك ويتعدااك يا ولدي الباار العااقل..."
وقاام من المجلس وتركنااا اناا وامي نطاالع ببعض...
قالت امي وهي تلعب باصابعهاا بتوتر
: صحيح ان هيفاء...مااتقدرناا وانا خوالهاا..بس اناا اشووف ان البنت كاانت متعبة نفسيتهاا من بعد...وفااة خالد الله يرحمه ويدخله بالجنة..."
لاحظت ان عيوون امي امتلت دمووع...دووم وفاة خاالد تحررق قلوبناا..لأنه ماات وهو عااصي...وماات وسط معااصيه هالشيء يقتلناا...لأننا عاارفين مصيره لكننا نرتجي رحمة رب العاالمين وهو القاادر على كل شيء...
رحت وضميت امي بقوووة..كانت امي جدا صغيرة بين احظااني...جسمهاا جسم بنت بالـ17 من عمرهاا...
قالت امي من بين دموعهاا
: يمكن هيفاء لقيت فيك خالد ثااني..."
طالعت بأمي بعتب...تشبهني بخاالد؟؟؟...بس امي قااطعتني بهلع
: بعيووون هيفاء يا هيثم...بعيوونهاا اللي حبت خاالد وما زاالت تحبه...انت تقوول ان هي اللي تقرربت منك وانك.."
قلت لأمي بضيق
: يممه هيفااء بعدت عني...بس اناا.."
حطت امي يدينهاا فوق وجهها
: لا تكمممل...يأسفني انك تتجرأ وتلمس وحده من قررايبك بهالشكل..."
ورفعت يدينهاا من وجهها وهي تبعد عني
: يااولدي...رند خلاااص ماعاادت لك...لأن المره ما ترضى ان رجلهاا يخونهاا..."
سكت بانهزاام...خاااين...اناا خااين؟؟؟...وهيفاء البريئة اللي اناا تحرشت فيهاا...هذي نظرية امي رقم 1 لكن نظريتهاا رقم 2 انهاا كانت تتوسلني عشاان ارجع لهاا وابوي كمل على هالنظرية وقاال اني اكيد خدعتهاا لأنهاا حاولت تفررق بين اخوي وزوجته بالغلط!!
مدري ليش النااس تشوف هيفاء ملااك؟؟؟...وهي شيطاان على صورة امرأة...معقوول ان الجماال يغسل عقول النااس فمااتعوود تشوف العيووب...معقوول هيفاء تآخذني..لهاا؟؟؟..معقوول بعد فترة اصير احبهاا مثل كل هالبشر؟؟؟..
صرخت بصوت عااالي
: لاااااء...والف لاااااء...لا يمكن يمه اتزوج هيفاء...اعذريني انت وابووي...اناا طالع من هالبيت بدوون رجعه.."
صرخت امي وهي تلحقني وانا امشي بسررعه
: صلح غلطتك يا هيثم....انت بامكاانك تسعد بنت دفنت نفسهاا وهي حية...هيثم...ماشفتهاا شلوون كانت بالمستشفى...ماعاادت هي هيفاء الاولية القوية...صاارت بنت مكسورة...لا تكسرهاا زياادة..."
قلت واناا اوصل للباب...وابوس يد امي اللي ماسكه ذرااعي
: اعذرريني يالغلااا...موو بيدي..مقدر اجبر قلبي على محبة بنت مثل هيفاء..حتى لو صاارت قديسه بعيون المسيح وشيخه ماعليهاا غبار بعيون المسلمين...بتظل بعيوني حية ماالهاا اي اماان...مدري شلوون يطااوعك قلبك تجبرين ولدك على وحده من هالصنف؟؟؟...!!"
وطلعت بسررعه من البيت...وقفت امي تطاالع بي من عند البااب..ركبت سياارتي..والقيت نظرة يمكن تكون الأخيرة لوجه امي..وصديت عنهاا عشان تحنن قلبهاا علي...حركت السياارة وطلعت من بوابات القصر...
قمت ادوور بالشوارع بدون اي هدف...واناا احااول اطمن نفسي...ان صدودي عن اهلي رااح يلين قلوبهم...رغم اني عاارف زين ان ابووي لا يمكن يغير رايه وممكن يكبر الساالفه هذا اذا مانشر الموضوع بين الكل...
شلون اتزوج الانساانه اللي حرمتني رااحة بالي بليلة العمر؟؟؟...شلون اتزوج الانساانه اللي لزقت تهمة قذرة خطيرة ببنت من صنف رند؟؟؟..صنف عفيف...عمري مااشفت مثله...دوووم تخجل مني...ودووم ضحكتهاا هاادية...احسهاا مثاال البنت الخجولة الرقيقة اللي كلن يبيهاا...
بعكس هيفاء...اللي هي القوة والجبروت في المرأة...اللي هي الغرور وشوفة النفس والكبر في جنس الاناث..عمري ماالمحت من هيفاء ابتساامه خجول...ولا عمري شفت حتى خدودهاا محمرة...اعتقد ان عمرهاا ماجربت الخجل...
وقفت عند الفورسيزون...طلعت من السياارة...ودخلت جوه الفندق...اشرو لي بعض الموظفين اللي متعودين علي...بس ماكنت بمزاج يسمح لي ابتسم لهم...
طلعت على المطعم اللي فوق...رحت لقسم المقهى...وجلست جنب الشباابيك الزجاجية الواسعه...كاان فيه موسيقى خفيفه حاالمه تنبعث من لامكاان...
طلبت لي كووب قهوة...وكاسة موية..وطلعت علبة سجاايري..طاالعت بالعلبة المرصعه بالفصوص الامعه...
تذكرت عيون هيفاء...دوم عيونهاا تلمع بشكل غريب...اتووقع لمعة الشرر...لأن داايم الشر له برريق غريب...وهالبريق يظهر من عيون هيفاء الحلوين...
نفثت الدخاان بهدوء..واناا افكر بحل يطلعني من هالمصيبة...يمكن ماافيه الا هيفااء نفسهاا..هيفااء الوحيده اللي ممكن تحررني من اني ارتبط فيهاا...
ماافيه بنت تقبل تزوج رجاال يكرهها...بالمقاابل ماافيه اي رجل صااحب كراامه يقبل يتزوج بنت مااتحبه...الموضوع سهل جدا...بس اكيد هيفاء بتعصبه علي...اكيد رااح تطلب مني الكثير...بس ماايهم رااح اعطيهاا...اممم...وش ممكن تطلب؟؟؟...لازم اتوقع اي شيء منهاا...لأن هالبنت مجنونة ويبي لهاا علاااج...
وصلني كوب القهوة...اخذته بعد ماشكرت الجرسون...طاالعت بالقهوة السوداء الداكنة...تقريبا مثل شعر هيفاء...تنشقت الريحة الطيبة وغمضت عيوني لثوااني...
شربت شوي من القهوة...واناا احط المخططات اللي بتوصلني لهيفاء عشاان اقاابلهاا وجه لوجه...بعد ما اقابلهاا رااح تصير كل الامور البااقية سهلة جدا...
شربت قهوتي بسررعه...وطاالعت بسااعتي...السااعه متأخرة...بسس افضل لأن اكيد مارااح يكون عندهاا ضيووف...وطبعا لأنهاا بجناح الـvip رااح يدخلون الزواار لهاا بأي وقت...
قمت بعد مادفعت الحسااب...وتوجهت لسياارتي واناا كلي حمااس...لاازم ماا اخسر اهلي عشاان بنت مثل هيفااء...حتى لوو اضطريت اني ادفع لهاا ماال قارون بس اهم شيء تحل عن طريقي وتريحني منهااا للأبد...وياليت لو تفهم اهلي الحكااية اللي صاارت بكون اكثر من شااكر!!<<<<<<<متفاائل حيل هيثم...
الريـــــــاض
الخميس...الساعه 9:30م
توسعت عيونهاا وهي تنقل عيوونهاا بين رئيس تحريرهاا المحترم...والمره اللي واقفة معه...معقووله تكون وحده من هله؟؟؟...بس وش هاللبس اللي اهي لابسته؟؟؟..صحيح انهاا متلثمه...بس كل شيء بااين منهاا...العيوون مرسوومة بالكحل لآخر حد...والمااسكراا مدري الرموش...والظل الوردي...والحواجب المرتبه واللي شكلهاا موشومة...هه...هذولي هم هله اللي يفتخر فيهم؟؟؟...طاالعت بملااابسهاا السااترة وان كانت كاشفه لوجهها...بس ماافيه وجه مقاارنه بين ملابسهاا وملابس الثاانية..صحيح ان عباايتهاا على الرااس بس بنطلونهاا الجينز بااين...وشكلهاا جدا جذااب...قررت انهاا توريه شغله ززين...داام هذي هي الاشكاال السااتره بعيونه!!
نظرة ولع لمحتهاا في عيونك...فيهاا معاني فايقة كل توصيف
لالاتكابر كل نظرة تخونك...ترى النواظر صادقه مابهاازيف
النشوة اللي فوق رعشة جفونك...تحكي حديث عذب من دون تكليف
" نورس"
قرربت واناا اتعمد اطلع صوت لكعبي القصير من " شجاع الـ..." كنت امشي بهدوء بس اضرب على الارض بطريقة تطلع صوت قووي وملفت للانتبااه...على حسب كلام عبير ان شجااع وحيد اهله...هذي وحده...ثاني معلومة اعرفهاا...انه موو متزوج...ارمل بالأصح...وعنده طفل وااحد...وهالمعلوماات كلهاا من عبير اللي تعرف كل كبيرة وصغيرة عن جماعتهاا بالكاامل...
شفت المره تلتفت...طالعتني من فوق لتحت.. ورفعت حاجب...من حواجبهاا المرسومة باتقاان... قابلتهاا باحلى ابتساامة رسمتهاا...على وجهي بيووم...
شفت شجااع يلتفت لي بعد..ما همست شيء باذنه الحرمه المستره اللي مااسكه ذراعه بتملك...
رفعت اصاابعي بنعوومة واناا اقوول
: وش هالمفاجأة الحلوة؟؟ثم قمت اتظااهر بقلق لكن وااضح اني امثل واتريق يمكن
: اووه...عسى مااشر..استااذ شجااع...احد من الاهل هناا؟؟؟.."
ورمشت بعيوني بطريقة قااصدتهاا زين...واعرف تأثيرهاا على الرجاال..
قال شجاع وهو يمد يده عشاان يسلم علي
: اهلين آنسه نورس...لااا والله مااحد من الأهل هناا...بس لي صديق مريض وو.."
ماامدت يدي له...وقمت اطاالع بيده الكبيرة بقرف ورفعت عيوني ببطء له..ثم..
طاالعت بالمره اللي تطاالعني باحتقاار شديد...وابتسمت لهاا واناا اهز كتوفي ببراءه
: برضه حتى لو احناا بالمستشفى...هذي كاانت فرصه سعيده خصوصا اني..."
واشرت على زوجته
: قاابلت المداام.."
لاحظت ان وجه شجااع تشنج...بينماا اللي معه قاالت بتسلط
: وواحناا الاسعد عيووني..."
وكملت وهي تسحب شجااع
: يله حبيبي....عيب نتأخر اكثر..."
وركبوا المصعد واناا اشيعهم بعيووني...بس قبل لا يقفل...طلع لي شجااع بسرعه..
لاحظت ان المصعد طلع بالمره اللي كانت معه...
قاال بتوتر
: آنسه...نورس..اتمنى انك ما تتكلمين عن اللي شفتيه اليووم..وووو..ماا..ماا...مااتوصلين اي شيء لعبير..."
قلت واناا اطالع فيه باحتقاار
: لااا تخااف يا استااذي المحترم...اناا موو من الحريم اللي تعررفهم..."
واعطيته قفااي وطلعت للبوابااات اللي بره...كنت مقهوورة من تصرفااته المزدوجة...فقمت امشي بدون ما اطاالع بالنااس واناا اتنفس بغيض...صدمت بشخص بقووة...
ترااجعت على ورى كم خطوة....و..
قلت باحرااج واناا التفت لداخل المستشفى
: آآآسفه...ما...انتبهت..."
سمعت صوت الرجاال اللي كان جدا مهذب
: عاادي...حصل خير..."
رفعت عيووني اطاالع بوجهه بعد ماحسيت ان الصوت مو غريب....التقت عيوناا لفترة قصيرة...
قلت بهمس
: هيـ...ـثم؟؟..."
هيثم وهو يتأمل وجهي بشك
: نورس؟؟؟..."
وقال بعد ثوااني وهو يبتسم لي ابتسامة رايقة
:كيفك؟؟؟...تغيرتي كثييييييييير...عن آخر مرة...شفتك فيهاا.."
قلت واناا اطالع من جديد لداخل المستشفى ولاحظت ان شجاع واقف يرااقبني فتوترت شووي
:لاابداا.."
ولمن انبتهت لسؤاله..ابتسمت بنعومة
: اناا بخييير...وما ظنتي تغيرت كثرك.."
ومررت عيووني بسرعه على جسمه ووجهه ورجعت نزلتهم بخجل بعد ما انتبه لنظرااتي...مشيت عشاان اوصل للرصيف..
ضحك بهدوء...وقاال وهو يلحقني
:هههه..امم...ليش مااتجين تزوريناا يا نورس؟؟.."
قلت واناا احس بخجل من هيثم اللي ما اعرفه زين زييين
: الظروووف...بس ان شااء الله... يجمعناا لقااء حلوو مثل هذا..."
واشرت للسواق اللي جاني بالسياارة بسرعه
قرب هيثم من السياارة وفتح البااب
: يااليت والله...المهم ماابي اعطلك اكثرر...لااا تخلين هالخبل يسررع..بك..."
وسكر البااب لي...طاالعت فيه وهوو يختفي دااخل المستشفى قبل لا ارد عليه...وقلت للسواق وانفااسي متقطعه
: رووح..وش تنتظر؟؟؟.."
هيثم..مين هيثم؟؟..ولد عمتي اللي مااشووفه غير بالسنة حسنه..ماايعني لي أي شيء...لا اخ..ولا اعتبره صديق..ولا اعتبره أي شيء...حتى ابن عم...بسسس..
حطيت يدي على قلبي المتوتر...غررريبة...اثرت فيني هالصدفة الغريبة....
يمكن لأن
... شكله كاان مستعجل...مع هذا وقف لي مثل اي رجل مهذب....وفتح لي البااب...وسكره...وطلب مني اني ما اسررع...يعني اهتم فيني...حتى عيونه كاانت...اممم..مدري فيهاا لمعة غريبة اول ماطااحت عيوونه علي..
عضيت على شفتي بهدوء...رند ورااحت...وهيثم الحين خاالي...حتى هيفااء ماعادت تجيب طااريه...حتى ماااتوقع انهاا ناوية تزوجه..
طلبت من السواق يدخل سيدي موسيقى ليل وقصيد...وسندت رااسي على الشبااك بكسل...موو لااازم اجلس على اطلااال خاالد مثل هيفاء...لااازم ارحل وابحر واحب...ايه احب...الحب ماايجي فجأة...اعتقد ان الحب يجي بتخطيط...يعني وااحد مثل هيثم...ليش ماانحبه؟؟؟...
ما اتوقع ان طبع هثيم كذا...ما اتوقع انه هالتهذيب كله عاادة من عادااته...اكيد اني شيء مميز بالنسبة له...نظرااته وبسمته الغريبة النااعمه...وطريقة اهتماامه اللي ما تجااوزت الدقاائق...دق جواالي بطريقة مزعجه...فقطع علي احلاامي الغريبة..شفت رقم ماما...
رديت عليهاا بهدوء واناا العب باظاافري
: هلاااء.."
ماماا وهي مختنقه من الصيااح
: اناا ماعااد لي بهالبيت يا نوورس..اناا ماعااد..آآآآآآآهىء...ارجوووك تعاالي ابي املي عيووني بشووفتك..لأن...لأن...يمكن تكوون هذي آخر ليلة تجمعني فيك يا نوورس..."
صاابني رعب مووو طبيعي...واناا اسمع صوت شهقاات ماما...وبعدين قفلت الخط...انهبلت حسيت اني موو قاادرة اسيطر على نفسي..ودي اركض عشاان اقدر اوصلهاا بهاللحظة وآخذهاا بحظني...ياااااويلي عليك يا مااماا...يااويل قلبي علييك...
صررخت بالسواق واناا ميته خووف
: امشي بسررررعه...احماااااد...بسررررعه.."
ورجعت اتصل على ماماا اللي قفلت جوالهاا بقلق..واناا ادعي ربي ان بابا مايكوون اذاهاا كالعااده....بكلماته...
_
في المستشفى
الخميس...الساعه 9:40م
كاانت تطاالعه وهي مستغربة من وجوده..كثرت لهاا الزياراات هالاياام من النااس اللي ما تتوقعهم..اولهم نوااف اللي جاهاا قبل كم يووم وفاجأهاا بزياارته وطلبه الزوااج اللي هزهاا بس ماابينت له شيء لأنهاا ما تدري وش الجواب اللي يمليه عليهاا علقهاا...عقلهاا قاعد يعطيهاا اشااراات مبهمة ميب قاادرة تلقطهاا..
والحين هيثم..واقف قدامهاا بكل هيبته وشمووخه..ملامحه الجميله الحااده...نظراته الباردة الباهته...ابتساامة السخرية اللي مرسومة برقة على شفاايفه...
ان كاان جااي يعلن الحرب فهيفاء لهاا...لأنهاا رااح تعلن عليه حرب شاملة لكل الوساائل اللي يمكن مايتوقعهاا...معليش..بس هيفاء ما تعترف بالحروب الشريفه..عندهاا الحرب لااازم تستخدم فيهاا كل وسائل الغدر والخداع..
" هيفاء"
ابتسمت بجااذبية واناا اقرب من هيثم
: هلااا والله باللي ما توعناا جيتهم ابد.."
وكملت وهي تغمز
: لوو دريناا كاان فرشناا لك الارض ورود..تستااهلهاا والله.."
لاحظت التفاجأ بعيون هيثم..وابتسمت وانا ارجع لسريري...
تبعني بعد لحظاات وهو يطالع المكاان باستغرااب
كانت الورود بكل مكاان وكأننا بحديقة ورد...وهذي كلهاا من المعجبين..وبعض الصديقاات..وبعض الاقاارب..والدكتور اللي يعاالجني...ارسلي كم سلة كبيرة...
جلس هيثم على الكنب اللي بعيد عن السرير
: مشاء الله مستشفى خمس نجوم..."
قلت واناا ااشر له على القهوة والحلوياات اللي على الطاولة قداامه
: الصرااحه اليوم رااحت من عندي الشغاله ولا كان خليتهاا تقهوويك..بس تقدر تعذررني وتضيف نفسك.."
قاال هيثم وهو يبتسم
: مشكووورة ماا تقصرين يا.."
وكمل بعد لحظات
: يا بنت خالي الغالي.."
سكتناا شووي وجيناا نتكلم بنفس الوقت
قلت باستعجال
: سبب الزياارة..."
واضفت بسخرية
: اتوقع اتفاقية لوقف الحرب البااردة..يمكن؟؟؟..."
قال هيثم ببرود وبسخرية خفيفة
: الحرب الباردة...ضنيت كل شيء عندك حاار بحاار.."
قلت وانا ااشر على عقلي
:لااا بالعكس..هذا يحب يخطط برواقه...عشان يحقق اهدافه بدون شوشرة..."
واضفت بصرااحه ناادرة
:تعررف..بقضية رند...تحققت الاهداف لكن بصدى قووي...فما اعتبر نفسي ربحت الحرب بسهولة.."
هيثم بقهر
: معتررفه يعني؟؟.."
قلت بكل بسااطة
: وليش انكرر؟؟..الطلاق وتم..ورند لا يمكن ترجع لك...ولا يمكن تساامحك..لذا اعتبر نفسي ربحت اول معركة بتحطيمهاا...بس لسه بااقي كثير.."
هيثم باستغراب
: وش اللي بااقي...؟؟..فيه اقوى من انهاا تكتشف زوجهاا يخونهاا؟؟.."
قلت بنعومة وانا ابتسم له
: حبيبي والله.."
وكملت يوم شفت ملامحه تصلبت بصوت بارد
: باااقي اخلي زوجهاا يصير من نصيبي...ثم..امم..انت عااد تعررف البااقي.."
قال بحده
: هذا اللي جاي اكلمك فيه...الاتفااقية مثل مااتسمينهاا..."
قلت وانا اضحك
: هههههههه..والله؟؟؟..وش تبي؟؟..آمر تدلل....يووه..كم هيثم عندنا...ترااه وااحد ما منه اثنين....."
قاال هيثم وهو يقرب مني كثير
: هيفاء...يمكن اناا ما اعرف وش بينك وبين رند..."
وقاطعني بسرعه
: ولااا ابي اعررف...اللي ابيه منك...ترفضين الزواج...نهائيا.."
ما توقعته يطلبني هالطلب...فكرت شووي..وبعدهاا ابتسمت برااحه..اكيد ان اهله غااصبينه علي...يا حليلك يا عمتي هند...صدق انك عمة ولا كل العمااات..الله لا يخليني منك...
قلت واناا ارجع ابتسم بشراسة
: هيثثثثثثثثم...تعرف اني موو طيبه لهالدرجه؟؟؟.."
وكملت بوقااحه واناا اطالع به
: شلووون ارفض...وااحد مثلك؟؟..وساامه..جسم ريااضي..وجنتل ماان.."
تجعدت ملامح هيثم وصرخ فيني
: مااعندك كرااامه؟؟؟...مااعندك أي كراامة..."
قلت واناا اصد عنه
: اذا هذا طلبك لا تتعب نفسك...اناا موافقه عليك..واناا ابيك...والموضوع ماله شغل بالكراامه....."
وكملت واناا اكذب عليه
: هيثم...الحب ماافيه كراامه.."
شد على شفاايفه بقوة...وصرخت بفزع...يووم ضرب طرف السرير قرريب مني مرة...
قال وهو يأشر بيده بتهديد لي
:ارفضي يا هيفاء...لا تكون نهاية كل احلامك السعيده على ايدي.."
وطلع بسرعه...وتركني اطاالع بالفراغ اللي خلاااه...دخلت علي الممرضة..فابتسمت لهاا واناا اغمض عيوني..وهي تشيك على المغذي..وقمت احلم بوجه رند المسكينه...
ههههههههههههههههههههههههههه...اناا صاحبة الضحكة الاخيرة دوووووووووم موو يوووم......