البارت الحادي عشر

في الســوق
مشعل رن جوالوا وبعـد عن البنـات شوي
غزل : وااو شوفي هـذا الفستان حلو صح
شهد : مره حلوو
غزل : تعالي ندخـل
غزل وشهد طلعوا من المحـل وراحوا اشتروا قهوه ودخلوا محل عطور
غزل صدمت بشخص وطاحت كل القهوه على صدروا لأن غزل كانت تكلم شهد ولافة وجهها جهتها وتمشي فصدمت فيه
غزل : اووووه سوري
أحمد رفع راصوا لهـا : غزل
غزل عقدت حواجبهـا : انت
احمد عمروا 23 سنه يمووووت على غزل اختوا مع غزل بنفس المدرسة واختوا هيا وغزل مو مره اصحاب بس اختوا تعرف نوف احمد حلوا وطويل وجسموا ريـاضي
احمد يبتسم : كيفك ؟؟
غزل عصبت : لا انت بجد مجنون انا من فين اعرفك عشان تسأل كيفـي
احمد ياحلوك حتى وانتي معصبه : أسف
شهد وغزل دخلـوا المحـل : هـذ ايش جابوا هنـا
غزل : افف ماادرى عنوا
رن جوال شهد : ألو ....امم .......ليه ........اوكي ........باي
غزل : مين ؟؟
شهد : مشعل
غزل : وينوا
شهد : شوفي انـا بروح محل ابغى اشتري شوية اغراض وانتي خلي مشعـل يلهى شووي
غزل : شهدي مو وقته هاذي الاغراض خليها وقت ثاني كل يوم واحـنـا بسووق نشتريها مره ثانيه مالقيتي غير اليوم ومش مش معانـا
شهد : غزل لا تقعدي الموضوع بس دقايق ادخل لاسنزاء
غزل : اففففف طيب
غزل طلعت من المحـل شافت مشعل يقرب منهـا
مشعل وهو اللى متفق مع شهد ببرأه : وين شهـد ؟؟
غزل لمى تكذب تصير تفطس ضحك : مش مش تعال انا ابغى عطر لا اكسسوار اوه انت تعال وبس
مشعل ابتسم : يـلا
دخلوا مكياجـي
غزل : امممم ابغـى عطر فانا فوون و ماسكار 3 بواحد
الموظف : اوكـي
غزل تتلفت بالمحل ادور على شئ
مشعل : ايش فيك ؟؟
غزل : ادور على عطر
مشعل : ماتعرفين اسموا
غزل : هاه لا بس اسموا ولا شئ
مشعل : ايش اسموا ؟؟
غزل : خلاص ماابيه
مشعل : شكل اسموا غلط
غزل بحرج : تقريبـا
مشعل : طيب دايم كيف تجيبينوا
غزل : اقول لخالد يجيبوا لي او يكون واضح أأشر للموظف عليه
مشعل : طيب قولي لي ايش اسموا
غزل : لاء
مشعل مسك يدهـا : غزالي ايش فيك كلوا اسم عطر
غزل تحاول تفك يدهـا وتبلع ريقها : اس س س اسموا فين حبيبي و و
مشعل يبتسم بخبث وهو ماسك يدهـا : قدامك
غزل تحاول تسحب يدهـا : و و وانت حبيبي
مشعل بخبث : عارف اني حبيبك
غزل عصبت : هـذا اسم العطر
مشعل : هههههههههههههههه عارف عارف
غزل صارت خدودها ورديه
مشعل : عارفة ايش اللي يجنني فيك لمى تخجلي تذبحي خدودك اتصير وردي يكون ودي اقطعها بووس

غزل طلعت من المحل ومشعل اخذ اغراضها وطلع وراهـااا
مشعل خلاص اتجنن من حبوا لغزل : وين رحتي ؟؟
غزل : انت قليل ادب وماتستحي
مشعل : ههههههههههههههههه (مسكها من يدهـا وسحبها ودخلوا نعومـي )
غزل : اهئئئئئئئئئئئئئئئئئ يامجنون
مشعل ماسك يدهـا عشان ماتطلع ويوريها قميص نوم لونوا وردي مرره قصير وفتحة الصدر كبيره وتحت الصدر شريطة وردي وهو حرير القميص : حلو صح ؟!!..
غزل خلاص صارت تحس بحراره ومغص ببطنهـا : لااااااااااااا ياربي ايش المجنون هـذا وانا بنت عموا كـذا جرأته اجل كيف لو اتجوزوا ياربي لاااااااااا ارحمني انا مين داعي علي وجيت معاه لا وشهد مستحيه تدخل معاه تشتري ملابس داخليه تعالي شوفي المجنون لا وقميص نوووم هذا ايش فيه
غزل تحاول تسحب يدهـا من مشعل بس مشعل يمسكهـا اقوى ويشدهـا له أكثـر
مشعل ينظر لها وهو مبسوط بخدودها الورديه ونظره الخجل اللي بعيونها وبخبث : ماقلتيلي حلو؟
غزل وهيـا شوي وتبكي : بليز بطلع
مشعل : عارفه هـذا لمين ؟؟
غزل : .....................
مشعـل : هـذا لكي (ويغمز لهـا) مو قتلك بعد سنة الوعد ياغزل
غزل خلاص مو قـادره تحس رجولها مو شايلتهـا ولا قـادره ترفع راصهـا ولا قادره حتي تبعد عن مشعـل
مشعل يتأمل بجسمها قداموا واخذ مقاس M ويسحب غزل اللى مطيعة وكأنها بنتـوا ماسك يدها وهيـا ماشيه ولا قادره ترفع راصهـا حتى
طلعوا من المحـل وجلسوا بكوفي
مشعل خلاص من السياره ومن يوم ماشغل الأغنيه وهو كان ناوي اليوم يعترف لي غزل بحبوا بس مين خرب عليه ؟؟!!!!...
صح

شهـــــــــــد
مشعل شاف شهد وهيـا جايه لا انا بذبحها كل ماجيت بتكلم مع غزل الا وخربت علي
شهد : وينكم دورتكم مالقيتكم
مشعل : هنـا يعني وين ؟؟
شهد تجلس جمب غزل : غزلي ليه خدودك مورده
غزل ارتبكت وانتبهت لمشعل اللى يبتسم لهـا انتبهت لعيونوا اللى كلهـا حب وابتسامتوا اللى تعذبها : لا ب ب بس القهوه حـاره
شهد : ليه هيا شمس يوم تخلي الخدود حمر قهوه ايش فيك ؟؟
غزل : و ولا شئ يلا برجع البيت
شهد : جبتي عطرك اللى رجيتيني عليــه
غزل : اقول قومـي لأني شكلي بذبحك (غزل قصدها انو اسئلة شهد من غير ماتقصد تحرجهـا)
مشعل : لا والله انا اللي بذبحهـا (مشعل قصدوا انها خربت عليه )
شهد : لا والله انتي ويـاه
غزل تحط يدها على فمها وعقدت حواجبها
مشعل : غزل أيش فيك ؟؟
غزل : ولا شئ
مشعل مو مصدق : غزل
غزل : ولا شئ يلا نرجع
مشي مشعل وغزل وشهد ماشين
شهد بهمس : ايش فيك ؟؟
غزل : من أمس وانا اسناني تعورني مااقدر اشرب عليها شئ تصير تعورني اول والقهوه طاحت على
أحمد وماشربتها بس هـاذي عورتني
شهد : مشعــل
غزل بعصبيه : شهد ياويلك
مشعل يلتفت لهـم : ايش فيكم ؟؟
غزل تخز شهد : شهــد
شهد تطنش : ودينـا على المستشفى
مشعل باستغراب : ليـه ؟؟
شهد : غزل اسنانها تعورهـا
غزل بسرعه : لا تكذب مافيني شئ
مشعل يركب السيارة وشهد وغزل
مشعل يلف لغزل وراء : وريني
غزل ببلاهه : شنو ؟؟
مشعل : اسنانك
غزل لاااااااااااااااا ياربي والله مجنون انا كنت شاكه بس الحين اتأكدت : احلف !!
مشعل : يلا وريني بشوفها بس (وغمز لهـا)
غزل : مافيني شئ شهد تكذب عليك
مشعل يرجع ويجلس بمقعدوا عدل وبخبث : أوكـي الحين نروح لدكتور الاسنان ونشوف مين اللى يكذب
غزل تخاف زيي كل او اغلب البنات من دكتور الأسنـان : لالا ماابي اروح
مشعل : ليه ؟؟!!
غزل : لا ماابي اكرره دكتور الاسنان
شهد : والله معاك حق مافي احد يحب دكتور الاسنان
غزل : مو كلوا بسببك قايلة ذابحتك اليوم ذابحتك
مشعل عند المستشفى وطول الطريق وغزل وشهد مهاوش لف عليهم : خلصتوا انتي وياهـااا يلا اشوف نزلوا
شهد ترفع يدينها : انا مالي شغل اسناني ماتعورني (وتعمل تشيز ) شفت
مشعل يبتسم على الأطفال اللى قداموا : طيب يلا غزل
غزل : مش مش ماتعورني تكذب بكرا اذا عورني اجي
مشعل ينزل ويفتح الباب حقهـا : يلا. شطورة اذا دخلتي معاي عند الدكتور اجيب لك حلاوة
غزل عصبت : مش مش
مشعل : ههههههههههههه (ومد يده وسحبها من السيـارة )
غزل خايفة : لا ماابي دكتور الاسنـان والله كل الناس تخاف منوا ماابييييي
شهد : انا بروح عند عمي لغاية ماتخلصين
غزل : مش مش بروح أسلم على عمي أبو محمد عيب
مشعل ينظر لهـا بنص عين : اية وتسويها فيني وترسلين لي السواق
غزل : بليز
مشعل وهو ماسك يدهـا يهز راصه بمعني لا
غزل : اففففف (وسحبت يدها وكتفت يدينهـا وانتبهت انو مشعل صاير يمسك يدها بكل جرأه )







أحمد ماسك قلبوا : شفتها شفتها
حسنـاء اختوا : من ؟؟
أحمد : ااااه غزل
حسناء : انت مجنون
أحمد : اه منها جننتني بحبهـا
حسناء : بس اهي ماتحبك
احمد : بس انا ناوي اخطبهـا
حسناء : اقولك ماتحبك
احمد : وانتي ايش عرفـك ؟؟
حسناء : هيا مغروره
احمد : وهـذا اللى ذابحني اول مره اشوف احد غرورو فيه شموخ عز هيبه تنحب عمري ماحبيت بنت مغرورة زيهااا
حسناء : وايش اللي عدمك كـذا لا تقول انك يوم شفتها شربت القهوه بصدرك هههههههههه
احمد : اه فديتها طاحت القهوه منها علي يوم صدمت فيني
حسناء : قول والله قولي ايش صـار
وقال احمد لي أختوا القصه كلهــااا
احمد وحسناء عايشين بجده وامهم وابوهم برااا عايشين وهو جالسين عند جدتهم عشان دراسة حسناء وكمان احمد يتابع شغل ابوه بالشركة اللى بجده




أبو محمد : هههههههههههههههههههه حرام عليك
شهد : والله اهي من أمس تتألم من اسنانها
أبو محمد : الله يعين مشعل والدكتور اكيد هبلت فيهم
شهد : ههههههههههههههه اكيد




عند غزل ومشعل
الدكتور : اتفضلي
غزل واقفه : لا مو انا اللى تعبانه هو (وتأشر على مشعل)
الدكتور : طيب اتفضلي
غزل : ماابـي
مشعل يسحبهـا ويجلسها ويهمس : اعقلي احسن لك ترا مااجيب لك حلاوه
الدكتور يقرب ويحط الكمامة على فموا ومعاه شئ حديدي طويل بيشوف فمها غزل ولمسافة متر : ااي لالا
الدكتور يقرب وغزل لسى مافتحت فمهـا : ايييي
مشعل وهو واقف فوق راصهـأ ينظر لهـأ : ايش اللى ايي ماقرب منك
غزل : لالا يعور
الدكتور يطنش ويقرب ويشوف فمها : امممم الألم اللى من المشروبات البارده أو الحارة لأنوا اسنانك حساسه
مشعل ينظر لغزل وبنظره ذوبت غزل : مو بس اسنانها اللى حساسه يادكتور
غزل بفرح : خلصنـا يـلا
الدكتور : مين قال ؟؟
غزل : ليـه ؟؟
الدكتور : لازم لك حشوه
غزل : لا مستحيل انا مره سويتها وعورتني
الدكتور : ماشاء الله اسنانك كلها تمام ومافيها سوسة بس هيا حشوة وحده نسويها ونخلص
غزل : مستحيل
مشعل : دكتور شوف شغلك
غزل : لالا ماابي ماابي
الدكتور : ماراح انسوي شئ مكان الحشوه القديمة نغيرها بجديده بس حتى ابره مانحتاج
غزل : برضوا لاء
مشعل بأسلوب حازم : غــزل
غزل : برضوا لاء ابي دادي وخالد
الدكتور يقرب منها بيطلع الحشوه والقديمه بس مشعل اتضايق من قرب الدكتور من غزل وكيف الدكتور مرتخي عليهـا
مشعل : لو سمحت دكتور
الدكتور يرفع راصه : نعم
مشعل : أقول أيش رايك انا اللى اسوي ليهـا الحشوه
غزل قامت من على الكرسي تتسحب بتطلع من الغرفة بس مشعل سبقها ومسكها : وين ؟؟
غزل : مشعل بليز
مشعل يبتسم : لا تخافين تعالي
غزل : ماابـي
مشعل يرجعها ويجلسهااا ويجلس مكان الدكتور
غزل : مش مش بلا جنان انت ايش عرفك
مشعل : ولا يهمك اتعلم فيك ؟؟
غزل : لاوالله اتخرب لي اسناني
مشعل يغمز لها : لا تخافين ماراح اخربهـا وبعدين الدكتور موجود
غزل : لالالا
مشعل طنش واخذ الجهـاز اللى بيطلع فيه الحشوه القديمه غزل سمعت الصوت من هنـا : لالا ماابي يعووور
الدكتور : مايعور بس يطلع الحشوه
غزل : اففف قلت لكم لاء
مشعل يقرب منهـا وغزل مو قـادره تفتح فمها
مشعل همس لهـا : غزل فتحي فمك لايصير شئ مايعجبك
غزل : ماابي
مشعل يهمس لهـا : خلاص اخلي الدكتور يطلع من الغرفة واخليك تفتحين فمك بطريقتي
غزل تفتح فمها شفايفها الممتلـئة اللي تذوب مشعل وغمضت عيونها مشعل مالبس زيي الدكتور كمامة تحس بأنفاسوا تحرق وجهها غزل سمعت انو الصوت وقف فتحت عينها شافت مشعل يتأملها وهو قريب من وجهها مره انفاسهم مختلطة ببعض غزل كانت تحاول تبعد وجهها بس مشعل مثبتها الدكتور صار هو يشتغل عند مشعل بدال الممرضه واعطاه الحشوه غزل اهم شئ عندهـا جمالها اتذكرت والجهاز بفمها تتكلم : مش مش
مشعل شالوا من فمها وبابتسامه وهمس : ياعيون مشعل
غزل خلاااااص حاسة نفسها بتموت لفت عنه وصارت تكلم الدكتور : ابغى الحشوه نفس لون اسناني زيي القديمه
الدكتور: اوكـي
مشعل حط لغزل الحشوة وكمان الدكتور ساعدوا بالكلام وتعليمات واخر شئ يبغوا يتأكدوا الحشوه كده تمام حط لها شئ زيي الورقه اللى معدن
مشعل يحطها على الحشوه والدكتور يقول لغزل : اضغطي على الورقه
غزل لقيتها فرصة تتطلع قهرها من مشعـل وعضتوا بقووه
مشعل : ااااي (يحاول يسحب اصابعوا بشويش)
غزل عاضة عليه وعيونها فيها الضحكه ولا فتحت فمهااا وصباع مشعل جوا فمهـا
الدكتور : عضي على الورقة مو اصباعوا
غزل فتحت فمها : سوري بس احسب اصباعوا
مشعل يشوف اصباعوا : تحسبي صباعي هـا
غزل بهمس : تستاهل

خالد اتصل على جوال غزل ماترد قام اتصل على شهـد وقالت له وجاء على المستشفى
خالد : وينهم
شهد : بعيادة الاسنان
خالد وشهد ماشين بيروحون لهم بس مشعل وغزل سبقوهم وطلعوا
خالد : ايش صـار ؟؟
مشعل : ولا شئ بس سوالها الدكتور حشووه واعطاها دواء لأسنانها
غزل تنظر لمشعل وبنفسها الدكتور سوالي حشووه ياكذاب مشعل فهم نظرتها وهمس لها (ايه مو انا دكتور)
خالد : تعورتي ؟؟
غزل : لاء
شهد : الحمد لله الحين ان شاء ماتعورك
غزل : انتي استني علي
خالد بخبث : بمـا اننـا هنـا خلينـا نشوف اسنانك
غزل من الفرح باست خالد بالمستشفى قدام الكل ومشعل حس بغيرة
خالد يضحك على اختوا
شهد : اهئئئئئئئئئئ انا مايعورني شئ
خالد : لالا مايصيـر لازم كل 6 شهور تكشفي علي اسنانك
شهد بهبال : اوكي بعـد 6 شهور اجي ان شاء الله
خالد يسحبها ويدخلها العياده ودخلت غزل ومشعل
شهد : خوخ بلا جنان
خالد بخبث : شهد لازم نكشف على أسنـانك
شهد عصبت : بس انـا مافي شئ يعورنـي
خالد ومشعل زيي عادتهم يحبوا يرفعوا ضغط غزل وشهد : لالا لازم (يلتفت لدكتور) دكتور مو لازم الواحد يكشف على أسنانه كل 6 شهـور
الدكتور : طبعـا هو هـذا الصح
خالد : يلا دكتور شوف اسنانهاا
شهد : دكتور نصيحة لاتقرب تراني مجنونة ماتعرف ايش ممكن أسووي
خالد يبتسم : احلفي بس .. يلا دكتور
الدكتور يقرب من شهد وشهد بحركة سريعه اخذت الجهاز حق الأسنان اللى لمى تضغطي عليه يطلع مويه ورشت على وجه الدكتور
خالد ومشعل انصدموا ماتوقعوا امـا غزل : هههههههههههه
الدكتور عصب بس مايقدر يقول شئ يعتبروا اصحاب المستشفى
غزل : ههههههههههههه خطيره
مشعل ينظر لغزل اللى تضحك من قلبهـا ويهمـس لهـا : لا انـا غزالتـي مؤدبـه ماتعبتني
غزل سكتت
خالد : مجنونه !!
شهد : قتلكم ماابي مافيا شئ مو بكيفك ....
خالد عصب منهـا : والله اللى مو بكيفوا انتي دكتور شوف.اسنانها وخلصنـا
غزل حزنت على شهـد : خالد بليز
خالد بعنـاد : انا قلت بيشوف اسنانهـا يعني بيشوفهـا
غزل تنظر لمشعـل معنـاها انو كلم خالد بس مشعـل همس لهـا : مااقـدر أدخـل لأني مسويهـا قبلوا فيك
الدكتـور قرب من شهـد وشاف اسنانهـا : اممم هيـا امم لاء يعني (الدكتور خـايف يقول انو سنها في سوسة شهد تذبحوا ولازم يقولهم )
خالد : دكتور ايش فيك المويه مافوقتك ؟؟!!!
الدكتور اتنرفز : لا بس عندهـا سن في سوسة..
خالد : هيـا بكبرهـا سوسة ...
شهد : سوسة بعينـك ..
غزل : لا حـرام سوسة يعني ابرة وحفر لالا حرام
شهد : شفتوا حرام بليز لاء ...
خالد : مو بكيفـك ...
غزل عصبت شنو هذولا مصدقين نفسهم : تراكم زوتها خلاص عـاد اذا هي تبي تسوي ماتبي كيفهـا اسنانها مو اسنانكم
شهد تبتسم : كفو والله ....
خالد : غزل عمـي يقول يبيك ضروري
غزل باستغراب : why ??
خالد بخبث : يقول بيغيـر الدواء لبوي روحي لـه ..
غزل : أوكي وانتوا ؟؟!!
خالد :خلاص مو مسوين لهـا شئ ..
غزل ابتسمت : شفتي انا رحمتك احسن منك (وتقلد شهد) مشعل غزل اسنانها تعورهـا .....
شهد تبتسم وخلاص جالسه تاخذ شنطتهـا بتطلع
غزل طلعت وطلـع وراهـا مشعـل
غزل : هاي عمي
أبو محمد : هـلا غزل اخبارك ؟؟
غزل تسلم على عمهـا : انا بخيـر انت كيفك ؟؟
أبو محمد : تمام ....
دخل مشعـل وسلم على عمـوا **
أبو محمد : مو حرام عليك اللي سويتوا بغزل ..
غزل مدت بوزهـا زيي الأطفال : شفت عمي شفت جنني خلاص ..
مشعل يبتسم : ياعمي اسنانها كانت تعورهـا وجبتها لدكتور ماسويت شئ (وينظرلها) صح غزل
غزل تتهرب : امم عمـي كيف محمد ..
أبو محمد يتنهد : مقفل جوالوا وماجـاء البيت من البـارح ..
غزل : ليـه ؟؟..
أبو محمد : ماادري عنه انا اوريه حسابوا عندي ..
غزل : عمي صح بتغير الدواء لبابا ؟؟!!..
أبو محمد باستغراب : لاء ..
جلسوا شوي يتكلمون مع عمهم بعدين طلعوا وعرفت غزل ان خالد يكذب بس عشـان تطلـع من العيـاده
مشعل وهو غزل ماشين : ليه احسك كرهتي محمد ؟!..
غزل اتنرفزت : لأنوا غلطان
مشعل : بس اهو يحب هبه
غزل بسخريه : هه يحبهـا واضح .....(سكتت شوي) اهم شئ الأحترام بينهم غير انو خانهـا قبل كذا وهذاك اليوم جـات وتقول انو خانها مد يدوا عليها وعصب قدامنـا كلنـا كيف يبغاها ترجع معاه وترضي بالنسبة لي انا مااقدر كيف تقدر تضحك معاه من قلبها وهو قبل ضربهـا وعصب انا لمى ازعل من احد في المدرسة مثـلا وبعدين اصير اكلمها ماارجع معاها غزل اللى زمان يوم اشوفها تتكلم معاية وتضحك اطالع بعيونهـا كيف قادرة وانتي اللى أمس كنـا نتهاوش وكأننـا اعداء كيف المتجوزين واللى علاقتهم أقوي من صحبة مدرسة مااقدر اتخيل وكمان انو يكون نام مع غيرهـا بسرير مستحيل اتقبلـ.......(انتبهت لنفسها وكيف جالسـه تتكلـم بكلام زيي كده مع مشعل صارت خدودهـا وردي جـات بتروح بس مشعل مسك يدهـا )
مشعل بهمس وهو يطـالع بعيونهـا : تعجبني افكـارك لأن كلها مشاعر واحاسيس
غزل ارتبكت وسحبت يدهـا اليوم جننها مشعل
امـــا عند شهد وخـالد
شهد شافت أبرة البنج صـارت دموعهـا تنزل
خالد قرب منها ومسح دموعها : ليه الدموع ؟؟
شهد بترجي : خالد ماابــــي ماابــــي