البارت الـــ29



أحمد أبتسم : كـل هـذا خجـل ..
تكـلم مين ؟؟..ليش مرتبكة وصوتهـا يرتجف ؟؟..معقول تكلموا ترد عليـه ..
مشعل وهو يـسوق من غير مايلف عليهـا : قولي لخـالد العنود بغرفة رقم كم ؟؟..<<<قاصد الحركة يبغى يعرف تكلم ميــن ...
غزل : ............
أحمد اللى سمع صوت أحد يتكلم : أنتي فينك ؟؟!!..
غزل : ا ..ا أنـا بسياره ..يلا باي ..
أحمد : وين أنـا ماصدقت تردين ..
غزل : ....خ خـ ..لااااص .باي..
أحمد : لا مـافي باي راح تتصلين ..
غزل : sure not …
أحمد : why??
غزل : اووه ...قتلك باي ..
أحمد : اوعديني تتصلين ماشبعت من صوتك ..
غزل طفشت منـوا: اووه ...احمد ..خلااااص ..
أحمد : يالله أول مره تقولين أسمي من .......
مشعل اللى لف عليهــا وسحب الجوال بقووه ..
غزل اللى ألمهـا لمى سحب الجوال : مجنـوووووووون ...
مشعل سحب الجوال وأسرررع بسيـارة ويدوا على الـ سكان تبع سيارة وبيد اليسار ماسك جوال غزل والمقود ..
غزل عصبت : أعطيني جوالي ...
مشعل مافي غير صوت نفسوا اللى يدل على عصبيتـوا : ..............
غزل : أيش مـاتسمع أقولك أعطيني جوالي ...
مشعل مارد عليهـا وخلااااص وصلوا المستشفى ...
نزلت غزل وقفلت الباب بعصبيـة ...
شهد نزلت من السيـاره : بس هدي ..
غزل : أيش الأسلوب داه ليه يعاملني كده ؟؟!!...
شهد : زيي مـاأنتي تبـي تقهرية وكلمتي أحمد ..
غزل : أفف أنـا ماكنت أبغى أقهـروا من جد أنـا فكرت وخلااااص ...
مشعل اللى كان متقدمهـم وظن أنهم وراه مايدرى أنهم لسى واقفين عند السيـاره ...
لف لهم ...
شـافوا عصبيـتوا ونظرتوا أتجمدوا مكانهم ...
شهد : امشي امشي مره معصب ..
غزل مشيت ....



















رغــــــــــــــ ريان ــــــــــــــــــــد
رغد : اامممم أنت ايش تبغى تقولي ..تبغى تقولي رغد ..
ريان : رئـــد ..
رغد : هههههه رغد .. أبلة رغد ..اللى تبغاه ..
ريان جلس يلعب : ............
رغد : ياحبك للعب يـلا قوم عشان تتروش ..
ريان : أبى العب ..
رغد : قوم نتروش ونخلص عشان نرووح السوق نشتري مـلابس ..

















نعـــود للمستشفـى ....
غزل ماتبغى تكون مع مشعـل خلاص يكفي اللى صـار لو ظلت ماراح تعرف ايش ممكن تسوي ..
غزل بصوت مرتجف خايف مضايق توجه الكلام لشهد : شهد .. ا انـا بروح اجيب كـوفي وأرجع أنـتي أطلعي ..
(راحت بسررعة وماتركت لهم مجـال يردوا)
مشعل لف لشهد : أطلعي أنـتـي ..وانا الحقك ..
شهد : مشعل تكـ...
مشعل وهو يمشي وملامحه قاسية: أطلعي وبلا كثرة حكي ...














غزل راحت عنـد محل الورد وأختــارت ورد ودفعت الحساب وأعطتهم رقم غرفة العنود وطلبت يطلعوه ...
لفت بتطلع من المحـل .....شافتوا واقف عند البـاب ومكتف يدينـوا ويستنـاهـا ...
ياربي مـاراح أستحمـل مااسب وأهـاوش ماابغاه يتعـامل معايــة كذا ليش يقسى والله أنـا مو مستحملة كافينـي اللى فينـي ..
مشيت وطلعت من المحل وأنـا كلمة وحده ممكن أتخلينـي أنهـار....حسيت فيه يمشي ورايـا ..
وقفت عند المصعـد (الأصنصيـر)
دخلنـا ..
مهمـا حاولت تكوت طبيعيـة حتى وهي خايفة ومرتبكـة مغرورة ....
كنت طول الوقت وانا لافة وجهي عنوا مو ناقصة أبداا خلااااص أبغى حل ....
سمعتـوا يتنهد بقـووه ...لفيت وجهي ..
غزل انصدمت وسحبت السيجارة من يدوا : ليش ؟؟
مشعل وملامح وجهوا مشدوده وقويـة : هاتيهـا ..
غزل مصدومـة : ليش ؟..أدخن ؟؟..
مشعل وهو عيونوا مركزه على عيونهـا : يعنـي ماتعرفين ؟؟..
غزل بثقتها المعهودة اللى الكل يعتبرها غرور : تتوقع لو أعرف سألتك ...
مشعل : أنفخ فيهـا حرتي وااللى أحسوا ..
غزل : ليه ؟؟..ماتوقعت تفكيرك ضيق لدرجة هذي ...
مشعل يبغى يعرف ردهـا : مسوية فيهـا خايفة علي ؟؟...
غزل بأنكار ماتبي تبين له انها خايفة عليه : وإّذا ..
مشعل يقرب منهـا وغزل ترجع على وراء لغاية ماوصلت لنهاية المصعد : ليش تنكرين ؟؟..ليه ماتعترفين انك تحبيني ...
غزل : من قـال ؟!..
مشعل وهو قريب منهـا مد ذراعة وقف المصعد : ليه تنكرين حبك ليه ؟؟..
غزل توترت وخافت بس ماتبي تبين ضعفهـا ..قالت وهي تعني كل كل تقولهـا بطريقة غير : خلاااص ارحمني مــاأبغــى أشـوفـك ماابغى يكفي ....
ناظرهـا بنظرات غامظــة ..
حزيــنه ..
خاينة ..
مجروحــه ..


ماقدرت تستحمل الموقف بعدت عيونهـا عن عيونواا ..
بعد عنهـــا وضغط زر المصـعد ...
فتح اللفت ..
كانت تحس الجو خالي من الأوكسجين ...تشعــر بأنهــا مخنوقة ..ماأن فتح اللفت وكأنهـا لحظة الفرج خرجت بسررعة كان وراهـا يتأملهـا قداموا وهي تمشي أخذت نفس عميق ودخلت بينمــا هو تنهد بعمق ودخل خلفهـا ..
غزل تبتسم وملامح وجههـا حزينـة : سلام ..
خالد وتركي والعنود وشهد : وعليكم السـلام ..
غزل بابتسـامـه : بس خوفتينــا على الفاضي مدلعة (جلست جمبهـا على السرير)
العنود : أنـا مدلعة !!! ياكبرهـا أجل أنتي أيش ..
غزل : ههههههه (حطت يدهـا على على رجلهـا المجروحـة) أأح يعورك ؟؟!!..
العنود : لا بس اول كان يعورنــي ...
دخل عمهم ..
أبو محمد : سلام ..
الكل : وعليكم السلام ..
أبو محمد : ماشاء الله كلكم اتجمعتــوا هنـا ..
شهد : ياحظي على العنود ...
العنود وهيا على السريــر : ليه ان شاء الله مو عاجبتك ؟؟!!..
شهد : أكيــد ..
الكل : هههههههههههه
أبو محمد : الحمد لله بسيطه ...قلتوا لعبـد لله وأمك ؟؟!!.
خالد : لا ماقلت لحد خفت يقلقون على الفاضي ..
العنود : أنـا شئ فاضي ليه قالولك دفتــر ...
شهد : ياربي ياربي البنت هذي حتى وهي تعبانه لسانهـا طويــل ...
العنود : امم عمــي كم يوم راح أحتــاج أنــام بالمستشفى ؟؟!!..
الكل من غيـر مشعـل : هههههههههههههههههه
شهد : النـــاس تتمنى الطلعة من المستشفى وانتي تبين تجلسين ..قومي ..
العنود تمثل البكي: اهئ أنــا تعبانـــة ..
غزل توقف وتمد لهـا يدهــا : طيب قومـي أنـا أساعدك يــلا ...
العنود تنزل من على السرير : اااي ااااه اوووه ايييييه ..
شهد : نعم أيش أنواع الألم هذي ...
العنود : بدلـــع الغزل بتســاعدنــي....
شهد : غزل أخصريهـا كـذابـــه ...
غزل : شهدي أيش فيك حرام قدم رجلهـا كلوا مجروح ..(مسكتهـا من يدهـا تساعدهـا توقف)
كان طـول الوقـت يراقبهـا ..حراكتهـا ...ضحكتهـا ..النظرة اللى مايفهمهـا بعيونهـا ....حركـات يدهـا ..
تنــهد ...معقول الحنان هـذا كلوا يطلع منك مستحيل القاسية هذي تكون حنونـــة لو كنت أنـا مكان العنود معقول تحن علي ..مااتوقع أنـا كنت .((قطع افكاره)).(قام وقرب منهم مسك العنود من بين يدين غــزل وأتجاهلهـا)
(غبي ..حمار ..متخلف ..)كيف خطر ببالي أنو ندم ..انسان عمروا بيوم ماراح يحس ولا يكون عندوا مشـاعر ..كل هموا في الدنيـا التجريح واللحين يبي يطلعني أنـا الخطـأ ..هه بس بداخلوا هو عارف انو هو الغلط ...
خالد : غزل ..غزل
غزل تنتبه له : هـلا ..
خالد : يـلا ..
غزل : اوك يـــلا ..
شهد : لا غزل تعالي عنـدنـــا ...
كان منتظر أجابتهـا مبين أنوا عـــادى ولا مهتـــم ..بس بداخلوا يبغى ياخذهــا له لوحده فقط ..
غزل : لا بروح أنـــأم ..
العنود ومشعل ماسك يدهـا عشان رجلهـا يساعدهـا : لا أنـا تعبانه لازم الناس تجي تزرونــي ..
تركي : انتي بكل شئ غير الناس ..تبين تجلسين بالمستشفى ..وتبين الناس تزورك ..
العنود : احم احم واللى ميزنــي أختلافي عن النــاس ..
الكـل : ههههههههههههه






















عبد العزيــــز وأريج
اريج : حجزت ..
عبد العزيز : للأسف ..
اريج : ههههههههههههه
عبد العزيز : انتي مبسوطـة طبعـا ..
اريج : ايوا والله وحشونـــي وبعدين خلاص مابقي شئ على جواز غـــزل ..
عبد العزيز : بعد غزل ماتتجوز نرجع نسـافر ..
اريج : ماعندي مانـــع بس بعد جواز غزل بكم يوم ملكـة شهد ..
عبد العزيز : افف
أريج : عزوز ايش فيك يعني هناك مااراح نكون مـع بعـض ..
عبد العزيز يحظنهـا ويبوس خدهـا : إلا بس مو زيي اللحين ..
أريج : هههه ياقلبي هو أسموا شهر عسل يعني مره وحده ناخذوا ونكون مع بعض وتقعد ذكرى حلوه وبقية الأيام نعيشهـا ...
عبد العزيز وهي جالسة جمبوا على الكنبــة سحبهـا ونيمهـا على صدروا ...يلمس بأصابعوا شعرهــا ويستنشق عبيـر شعرهـا : احب كل شئ فيك عقلك هدؤئـك كلماتك شطانتك أحيانـا ..
أريج وهي نايمه على صدروا تتـأمل وجهـوا بكـل حب ....ابتسمت أبتسامـــه عذبـــــه ...
اشعلت قلب عبد العزيز أرتخى على وجههـا ليقبــــل شفتيهـــا .................................





















بيـــــــت لجيــن
غزل على الجوال مع لجين : سلام ..
لجين : وعليكم السـلام ..
غزل : كيفك ؟؟..
لجين : الحمد لله أنتــي كيفك ؟؟..
غزل : تمام أشبك ؟؟..
لجين : ولا شئ ..
غزل : مو عليــا ..
لجين : هههههه مافيــا شئ أشبك ..
غزل مو مقتنعـه : أوك أيش جالسة تسوين ؟؟...
لجين : ولا شئ..جالسه على النت ...
غزل : طيب يـلا نطلع ...
لجين : لا مررره مافيــا ...
غزل : أجل قولي أيش فيك ؟؟..
لجين : ويي مافيــا شئ ...
غزل : أوك باي
لجين : باي
في نفسهـا ياربي البنت هذي بتجننـي متى راح تتكلم وتقول لا تكون حقيقي غامضة وانا مـاأعرف ...لا بس هي ماتحب تتكلم بمشاكلهـا يعني مو غامضــة ...
جلست على السريـــر اممم ياربي أيش أسوي ؟؟!!!....
رجعت أتصلت عليهـا ....
لجين : ألو
غزل : يابت أشبك ؟؟!!..
لجين بصوت طفشان ظايــق : ولا شئ بس (سكتت شوي) ا بنام ....
غزل : أوك باي ...
لجين : مـع السـلامـه ...

قامت غزل تغيـــر ملابسهـــا وهي تفكــر اشبهـا ؟؟..أول مـره تتـعامــل معايــة كـذا ؟؟!!!...
















عبيــــــــــــــر وسلطـــان ....
عبيـر : واااو وأخيرا حجزت ..
سلطان : مبسوطه اللحين بتنشغلين عني بالبنات بعدين بالمدرسة ..
عبير : هههههه محسسني أني طالبه ..أنـا أدرس بالمدرسة ..
سلطان : يعني مابتكونين قدامـي ..
عبير : على أساس أنـك ماراح تكون بدوام ..
سلطان : عادى أخذك معاي ..
عبير : هههههههههههه لا والله
سلطان : ولا أقولك نجلــس أنـا وانتي بالبيت مو لازم نطلع ..
عبير : ايوه هذي الفكره الحلوه المدرسة تعــب ..
سلطان : اللحين بدل ماتقولين أيه ابيك جمبي دورين راحتك يالبطة ؟؟...
عبير : هههههههههههه طيب خلاص عشانـك ..
رن جوال سلطـان كــانت شهد حطة سبيكـــــر
شهد : ألو ...ألو ..
سلطان وهو حاظن عبيــر : شهيد ليش متصلة مو عارفة أنو أحنـا بشهـر العسـل ؟؟..
شهد : وعع انا الغلطانه مالت عليكـم ..
عبير : ههههههههه شهوده يمزح كيفك ؟؟..
شهد : الحمد لله انتي كيفك ؟؟..
عبير : تمــام وناااسه ...
شهد بتريقه : أحلى شئ بدنيــا خجلـك ....الا عبير كيف سلطان رومنسي ؟؟...
سلطان : متصله تـتـلـقـفـين أصلن أنـا وعبير ..غطينـا على روميوا وجوليت وقيس وليلي وعنتر وعبله ...
شهد : ايه صح هم (وتقول بصوت رومنسي ناعم ) قيس وليلي ...وأنتـوا (قالت بصوت تريقه) مربوش ومربــــوشــــه ...
سلطان : انا مربوش أن ماوريتـــك ياشهيد اذا جيت..
شهد : ههههههههههه لالا مو لازم تحظرون جواز غزل انطقوا مكانكم ....
سلطان أبتسم وهو حاظن عبير : وانا بعد أقول كـذا ...











بعـد نص ســـاعة ..
غزل : فينك ؟؟..
بندر : موجود ليه ؟؟..
غزل : لا بس كنت بروح معـاك مشوار ...
بندر : خلاص أجل أجيـك اللحين ....
غزل : اوك أنتظرك ..
خلال ربع ساعة وصل بنـدر ...
خالد : وين رايحه ؟؟...
غزل : بروح مـع بنـدر ..
خالد : تبين شئ ليه ماقلتيلي ؟؟...
غزل : اممم لالا موضوع خـاص بـبندر ..
خالد : طيب خليه يدخــل ..
غزل : اوه خالد ايش فيك الساعه 9 الا ربــــع وبعدين قلت لبابـا ...
خالد : مو القصـد بس شكلك تعبانـه ..
غزل : لا عادى ماعليك بس انا اعطيت بابا الدواء ..
قاطعهـا : خلودى أعطي بابا الابره..
غزل ابتسمت وخرجـت وهو ماشيه لسيارة بندر اااه ياخالد كان زمان ايام الدلع اللحين حتى الضحكة ماتكون من قلبي ليه كلي حزن بأنســان مزاجى كل شوية يعاملنــي بقسوه لدرجة الكره ومره أحسوا زعلان ..
فتحـت الباب وركبت : سـلام ..
بندر : عليك السلام ...أشبك ؟؟
غزل : مافيا شئ ليش كلكم تسألون ؟؟..
بنـدر : باين على صوتك وعيونك ...
غزل : ايش بايـن ...
بندر نظر لهـا بحنان ومشي بسيـاره : ..............
غزل : عارف وين بروح ؟؟...
بندر : لاء بس اتوقع انك محتاجة أحد يسمعـك ..
غزل : مافي شئ اقوله عشان احد يسمعني بعدين انت عارفني بحياتي الخاصة ماأحب أحد يدخل المهم انا بروح لجين 5 دقايق واطلع ...
بندر : غريب ليش؟؟ ايش فيه ؟؟ وغريب أنك قلتيلي ....
غزل : ماادرى البنت فيهـا شئ غريـب ومو راضيه تتكلم ..
بندر : هذي شخصيتهـا ..
غزل : لا مو شخصيتهـا ..
بندر : قصدك تتصنــع ..
غزل سكتت بعدين ردت : لاء ..
بندر : من كلامك عنهـا البنت يعتمد عليهـا وبعدين فكري هي أكبر وحده بالعايلة لازم تكون شخصيه يعتمـد عليهــا ..
غزل : مو قصة أنهـا أكبـر وحده ...
بنـدر : شكلك دحين أنتي اللى مو فاهمتهـا ...
وصفت له غزل البيت وصلوا عندوا نزلت غزل وراهــا بنـدر ..
غزل : هيــــــــه يالأخو وين ؟؟..
بندر : اسلم عليهم ..
غزل : لا والله ..
بنـدر : يمكن تحتاجون دكتـور ..
غزل : وهي ايش شغلتها مو دكتوره .يلا روح استنى بسياره ...
بندر : ان شاء الله عمتي بس لا تتأخريـن ...
غزل : ههههههههههههه محشوم ..
دخلت فتح لهـا أخو لجين الصغيـــر ...
غزل : حبيبي نادى ليـا لجين ...
جات أم لجين : مين ..
غزل : سلام ..
ام لجين : وعليك السـلام ياهـلا تفضلي ..
غزل : تسلمين خالتي مستعجله والله بس ابي لجين شووي ...
ام لجين : مايصير توقفين كذا عنـد البـاب ..
غزل : والله مستعجله ..
دخلت أمهـا تنـاديهــا ..
جات لجين شايلة أختهـا الصغيره ...
استغربت جيه غزل ..مبتسمه : اهلين ..
غزل : فيكي
لجين : أدخلي ..
غزل : مـاأقدر مستعجله ...
لجين : طيب الوقت اللى هتوقفيه هنا اقعديه جوا ..
غزل سحبت لجين على درج الحوش وجلست على الدرج ..
لجين : لا والله ...
غزل ههههه والله مستعجله (أخذت أخت لجين الصغيره من يدهـا وصارت شايلتهـا)
لجين حاسه ان غـزل فيهـا شئ ..
غزل : يلا مابتقولين أشبك ؟؟...
لجين باستغراب : اللحين أنتي جايـه عشان تعرفين ايش فيـا ؟؟...
غزل : وشايفتوا غلط ؟؟..
لجين : لا بس قلتلك مافيــا شئ ..
غزل : مو عليــا ..
لجين : وي يعني لازم يكون فيـا شئ ؟؟..
غزل : لجين ليه تحبين تسكتين اتكلمي طلعي اللى بنفسـك ...
لجين : مافي بنفسي شئ ..
غزل : انتي حره على راحتك بس اتذكري انو انا كل شئ بقولوا لك مع أني ماأحب أتكلم بحياتي الشخصية لأحد ...
لجين ساكته ماتكلمت ....
((ممكن البعض يفسر سكوت لجين تفكر في كلام غزل بس لاء سكوت لجين من نفـس شخصيتهـا الهدوء الغموض ماتحب تتكلم تسمع مشاكل الناس وهمومهم وتوقف جمبهم بس في مشاكلهـا تشيلها بقلبها ولا تتكلم حتى لأقرب الناس لهـا تحلهـا هي بنفسهـا وتشيل كل الحمل بقلبهـا ...)
رن جوال غزل ..ألو ...أوك .....ياربي منك ...طالعة باي
شالت لجين أختهـا ..وغزل خرجت ....
بسيــاره ..
بندر : عرفتي أيش فيهـا ؟؟!!..
غزل : لا بتجنيني باتلفون كلمتها مرتين ولا قالت معقول اروح لحد بيتها ولا تقول ...
بندر : قتلك قبل كـذا البنت غامظة ..
غزل : بندر وين غامظة ؟؟!!.. عشان ماعرفنا شئ صارت غامضة ...انا بس ماابغاها تضايق وتشيل بقلبها بس بحقيقة الأمر الموضوع خـاص فيهـا مو عشان ماعرفنـا وتلـقـفـنـا بموضوع خاص فيهـا صارت غامظة ..
بندر : هي تحب ؟؟..
غزل بصدمـه : مستحيل ...
بندر : وليه مستحيل ؟؟...
بندر وقف قدام البحـر وصاروا يتكلمون وهم بسيـاره ....
غزل : لأن لجين ماتعترف بالمشـاعر حتى الحب ماتعترف فيــه ...
بندر : ليه ؟؟..ماأتوقع انسانة ملتزمـة زيهـا تكون مره بعلاقة حب فاشلة ...
غزل : شكلك ماعرفت شخصية لجين صح ...
بندر : كل شئ فيهـا أظن أني أعرفة وفيهـا فهمتوا الاقي نفسي أجهلة ...
غزل : بس يزيد تعلقك فيهـا صح ؟؟!!..
بندر يتهرب : جاوبي ..
غزل : تقول بقلبهـا مافي غيـر الله سبحانه وتعالي ورسوله ..
بندر : طيب ماتحب بدنيـا أحد الباقي تكرههم ..
غزل : هه لجين تكره حرام عليك بس أحسهـا زيي اللى تخاف إذا حبت تتبـع الدنيـأ وهواها أو أن امم مني عارفة كيف أفهمك يعني لو حبت شخص ماينفع عندها المفروض القلب يكون فيه الله ورسوله بس ..لأن اللى يدخل القلب ممكن يغير فيـــه ...
بندر : ممكن يكون تغير إيجابي ...
غزل : بالنسبة لهـا ماتبغى داه التغير سواء إيجـابي أو لاء
بندر : يعني ماتفكر بالأرتباط ...
غزل : هي ماتقولك تفكر بس هيا تفكر وتقول أنهـا رافضة الفكره مطلقـا بس بالحقيقة لاء مو مطلقـا خايفة من التجربة خوف أي بنت بس بزياده شووي
بندر: كيف يعني ؟؟!!..
غزل : يعني لجين تخاف ربهـا خايفــه من الأرتباط ومن حقوق الزوج عليهـا تخـاف تقصر فيهـا تخاف تكسب ذنبـوا ...تحسهـا مسؤليه وتخاف ماتكـون قدهـا ..فتقول لا ماابغى اتزوج ...ولمى تتكلم مرات لاء تكون مو معارضة للفكره وغير خوف أي بنت طبيعي من الارتباط ...شخصيتهـا الكل يقولهـا حلوه بس هيا متعبة مع أني للحظة ذي مـاأشوف فيهـا نقطة الغموض اللى بلجين صدقنـي انسانة تجمع كذا شخصية المرح الجد الرسمية تخاف الله بشكل جنوني تقدر الصداقة بشكل جنوني طيبة هادية بس ماتحب تتكلم عن اللى بداخلهـا ولا تعترف بشئ أسموا مشاعر يعني عكسي بداه الشئ أنـا انســانه أهم شئ بدنـيـا عندهـا المشـاعر لدرجة أني احس الرسايل اللى على المسن او الجوال رسايل ميته لمى أقراهـا من طريقة كلامهـا أعرف توترها انفعالاها هدؤئـها بس برضوا مو زيي لمى تسمع صوت الشخص اللى يكلمك وتحس فيه مو شرط يكون زوجك انا حتى مع صحباتي كده ...اما لجين كلامها على الجوال عادي كيفك اخبارك او زيي اليوم اتصلت تبشرني بتدربها العملي ..اما لو صار موضوع لنقاش وهتكون هيا غلطانه هتتفاهم معاك عن طريق الرسايل تجمع كلامهـا وتفكر بلكلمة قبل ماتقولها مية مره ..
بندر : طيب حلو ؟؟..
غزل : اوك حلو انهـا تفكر بلكلمة مية مره ...بس مره لجين زعلت هي وحده من صحباتهـا كان التواصل بينهم على الرسايل وداه غلط ..الرسايل ميته الأحساس ولمى تتصل البنت تكون ساكته ولو اتكلمت تـتنـهد وتتكلم كلمات بسيطة ..أوك البنت اتصلت عليها كم مره ..صح مره بكيت وفهمت سبب سكوتهـا تبغى البنت تقول كل اللى بقلبهـا بس بقية المرات ؟؟!!..
بندر بحيره : شخصية تدعوا للتعجب ..
غزل : لا تدعوا للتعجب ولا شئ ..انا بس ابغاهـا تتكلم عشان نفسهـا وترتـاح ..والبنت اللى اتزاعلت معاهـا هي من الأول كانت تبغى تنهي علاقتهـا بالبنت دي ..والبنت زيي ماقتلك دي شخصيتها صح إذا شفتها تكون اللأبتسامه على وجههـا بعدين تختفي بس بسبب أنهـا بتشيل المسؤليه وهي قدها ماشاء الله وهـذا حمل على وحده بعمـرهـا ...وبعدين ترى الشئ اللى أنـا متأكده منوا انو طبعا هي تحب أمهـا والأكيد ماتحب أمها بعقلها تحبهـا بقلبهـا بس هي ماتحس أو ماتبى تحس بداه الشئ ...لو لجين تحب شخص أى شخص أوكي ... وفقدته مات او بعد عنهـا أو أنقطعت علاقتهم وقتها راح تحـس أنها حبتوا وكمان ماراح تعترف أنو حب بس بنهاية هو حب سواء قالت ا ولاء .................ويـلا وديني البيت تعبانة ..
بندر : طيب وانتي ؟؟..
غزل جلست على مقعد السياره بارتياح : انـا ايش فيـا ؟؟!!..
بندر : أنتي عارفة ؟؟..
غزل : اممممم قصدك عشان هذيك المره بالسوق رحت مع مشعل ؟؟!!..انا مالي ذنب حتى أنأا خفت من تصرفوا ....
بندر : انا أعرف بالقصة اللى بينكم ..
غزل انصدمـت : ..........
بندر : غزل انا مو مشجعكم على اللى تسونوا بس ماابيك تضيعين نفسك حنا للحين على البر ..
غزل بقوه : انا خلاص نسيت موضوع مشعل وندمانه اساسا عليه ...واللحين انا ببـتدي حياتي جديد ...
بندر : مع أنـي مـاأتــوقع بس فكري بكلامي زين ...
غزل : بندر تكفى بروح البيت
تعدل بندر من جلسته وشغل السيـاره ومشي ..طول الطريق وهو ســاكتين ..
بندر شخص طمـوح يعتمد عليـــه ..مشي بسياره وهو يفكـر بغزل ولجين ومشعل ..غزل بـدمر نفسهـا عشان غرورها وكرامتهـا ..ومشعـل وقسوته على غزل مو قـادر يتصور كبر فعلها وجوازها من غيروا ....لجيـــن وشخصيتهااا اللى حيرة بنـدر شخصية تدعوا للتعجب ...تدعـوا للأعجـاب ...
























دخلت غزل غرفتهـــا تعبـــانـــة كل يوم ينقص ويقرب المـــوعد تخـــــــاف أكثــــر وأكثـــر باقي أقل من 12 يــوم ...وصل مســج ..
آسـفة ..
بس ..
تعبت منــي قـادره أبكــي ولا قـادره أسوي شئ ..
تعبت في نــاس من أهلــي معارضين انــي أدخل طب ..وانتي عارفة انو كل السنين اللى فاتت كان مو أختلاط بس دحين زادوا فـي الكـلام ..واصعب شئ على واحد يوم يحس بالنبذ عشـان انتي راح تكوني دكتوره ..
عشان بكرا تدريبـي العملي ..
أدعيلـــي ....
.....
غزل ياربي شكلها مره مضايقة حتى كلامهـا مو مرتب ..
اتصلت عليهـا
لجين :............
غزل : لجين ..
لجين تنهدت : نعم ..
غزل : لوجي مهمـا بقول أنـا عارفة أنـوا ماراح يهديكـي بس أنتي واثقة من نفسك ..لجين أنتي لمى تكوني دكتوره ناجحة وكل اللى حولك يشوف تعاملك راح يسكت ..لمى تكوني قدرتي تثبتي مهارتكِ وشطارتك وأدبك وأخلاقك ..
لجين : ...........
غزل : لجين تكلمي لا تكوني كدا ..
لجين : خلااااص طيب ..
غزل : ايش هو اللى خـلاص طيب ..
لجين : .................
غزل : ها ؟؟..
لجين : انو خلاص طيب فهمت ..
غزل : لجين لا تجلسي تحطي بالك انا غامظة الناس ماتفهمني انا انطوائيـة خلاص فكره الناس بتاخذهـا عنك وانشهرتي فيهـا عادى عيشي حـياتك لا تخليهـا تأثر عليك ..الناس بتقول غامظة أوك قولوا غامظة بس انا بروح وبتمشى واحب وأكره وقلبي بيحس مو حجر ....وهـذا الموضوع خلاص جـاء وقت الجد والمواجهـة الحقيقة انتي عارفة ؟؟...
لجين : .............
غزل ياربي ولا تتكلم : بت ..
لجين : ايوا اشبك ؟؟!!..
غزل : لو أنـا مكانك ..راح أنجح أكثر من أنــي لو دخلت الطب بموافقة أهلي ..بالعكس دحين راح أحس بمسؤليه أكبر راح أحسب حساب كل خطوه ..راك أكون عارفة نفسي مين وأني لجين اللى دكتوره ناجحة واثقة من نفسهـا عارفة أنها تاج على راس أي شخص يتكلم عنهـا ...راح اخلي كل واحد بنفسوا من جوا قلبوا لو مـاأتكلم يعرف أنوا غلط ويقول لا ظلمنـا لجين ...
لجين : .............
غزل تنهدت : خلاص لا تشيلي هـم وقومي نامـي ...أوك
لجين : اوك باي
غزل : باي
قــفـلت لجين من غزل وهي جالســه على المكتــب ...كلام غزل زادهـا هم زادهـا مسؤليه
اما غزل في نفسهـا تعتبر لجين تقدر تشيل المسؤليه ولو شالت هم الموضوع راح تنجـح وتستمــر وتكون قد المسؤليه ولجين اللى كـل من يحبهـا يبغاهـا تكون ناجحـــة .....













يـــــــــــــــــــــــــوم جديــــــــــــــــــــــد

بيت ناديهـ
رغد صحيت من الصبــــاح ناويـــــة تـــروح عند خــــالتهـــا تـغداء ..
بمـا أن عبيــر وأريـــج مسـافـريـن ...وحصه لوحدهـا هي وهبه ..قالت تروح تتغـداء معاها وتبعد عن الطفـش...بـس

ريان : يلا نلـوح يـلا ...
رغد تنزل لمستواه : انت بس تبي تطلع ..
ريان : ايوواا ..
رغد تبوسوا : اوك بس ماراح نروح ملاهي ..
ريان : لالا نلوح ملاهي ..
رغد : شوف نروح عند خالتـــي بعدين اذا ماتـأخر الوقت نروح الملاهي ..
ريان : اففف طيب ..
رغد : عيب تتأف ..
ريان : لاسف ...
رغد : هههههههههه كأنك تقول لأسف .. أسمهـا أسف ..
نوف طلعت من غرفتهـا : على ويـن ؟؟!!..
رغد : تروحين معـاي ؟؟..
نوف : وين ؟؟..
رغد : بيت خالتـي ..
نوف : شئ أكيــد أنــي ماراح اروح مايحتاج تسألين ..
رغد نظرت فيهـا بأسـف : طيب باي انا رايحه ...
نوف : بتأخذين ولدك معــاك ..
رغد تبتسـم : أيوه ..
نوف تنـادى : يمـــه يمــــــــــــــــــــه ..
نادية تطلع من الصاله : نعـم أيش فيـه ؟؟!!..
نوف : بتروحين أنتــي ولدك ؟؟!!...
رغد مو فاهمـة شئ : ايوه ليه ؟؟!!..
نوف : شفتي يمه قالت ولدي انـا ماقتلك أنـــو ولدهــا وانوا مو من طيبتهـا عشان تقول هذا من دار الأيتام شفتي ..
نادية عصبت وبان على عيونهـا وبعصبيه : صدق الكلام اللى تقولوا أختــك ...
رغد توجه كلامهـا لنـوف : انتي بجد ماعنـدك أخـلاق ..كيف تفكرين فيـا كذا ..ولد ؟؟!!. من فين ..
نوف : هههههه أجل من فين جبتيــه ...
رغد : مالك دخـل ..
نوف : شفتي يمــه ...
ناديـة : من فين جبتي هذا الولد وايش معنـا هو ليه مو غيرواا ...
رغد : ولو جبت غيروا هتقولوا ليه ذا ليه مو أصغـر مو أكبــر...
ناديـة : ترجعي الولد من بكــرا ...
رغد نزلت دموعهــا : يمــه معقول أنتـي تشكي فيــا معقول تفكرين فيـا بشئ هــذا ..إذا انتي فكرتي فيـا كـذا .مالوم الناس ..كيف تفكريتن بتربيتك ..صح أنتي عمرك ماهتميتي فينــا ولا تفكرين فينـا ...وصح يوم حبيت محمد ماقلتيلي أنـــوا غلط ..لو شهد وغزل مافوقونـي بس انتي علمتينـا ان الشرف هو اللى يخلي الوحده تتجوز واثقة من نفسهـا يخليهـا تاج على راص كل واحد ....صح من يوم ماعرفت الصح وقلت ماابغى ألعب على محمد كرهتيني بس انا فقت وعرفت فين الصح وفين الغلط و..
نادية : انا مااهتمم فيكم ؟؟..
رغد وهي تمسح دموعهـا : ليه شايفة نفسك بيوم سألتيني عن أحوالي من يومهـا وانتي همك بدنيـا نوف على شانهـا على غلط ولو عرفت نوف الصح راح تكرهيهـا بس صدقيني راح تندميــن ...
ماحست غير بكف على خدهـــا على طيـح على الأرض ..
نادية بقهر : تتجرئين وتقولين الكلام هـذا بوجهي ؟؟!!..انقلعي على غرفتك ولا أشوفك قدامــي ..
قامت رغد ودموعهـا على خدهـــا جات بتـاخذ معاهـا ريان اللى واقف جمب الكنبة وساكت وينقل نظره بينهم ..
سحبت نــــاديــة ...
رغــد من شعـرهـــا ودخلتهـــا غرفتهـا : أنســيه فاهمة انسيه ..
رغد وهي تبكي : لا يمه تكفين لا كلوا ولا ريان الله يخليك ..