الــبــــــــــــــــــــارت الـــ52

رجعت ترددت لا مو معقول بلااا جنان أصلاً أيش بيقول علي..
خلاص هو ماجاء سئل أنـا بجنن نفسي وأقوم أشوفه بطقاق أيه خلااص بطقاق..
أنسدحت على السرير تقنع نفسهـا أنهـا مو مهتمه وعااادي..

ع ـــــــنـــــــــــــد حــسنــــــــــــــــاء..
جالسه بــغــرفتهـا تفكر يمكن لو اضربت عن الأكل والشرب ولا اكلمهم يرضون يخلوني أدخل طب(أكره حركة البنات هذي أضرب عن الأكل والشرب وكل شي عقاب لأهلي بصراحه ماعاقبتي الا نفسك ماقصدي أن الأكل شي مهم بس هذا مو اسلوب ولا طريقة إذا ماجابوا أو سوا لك الشي اللي تبينه بأسلوبك الصح اللي تقعنعينهم فيــه ويناسب مجتمعكم وتقاليدك ماراح ينفع أسوي نفسي مرضاانه أو ماكل واشرب وربي حركات تخلي الواحد ينزل من عين نفسه قبل الناس لا والأهل يصدقون وينجنون ويسوون للبنت الشي اللي تباه بس بصراحه أنتوا بعد اللي صدقتوها تستاهلون ماتبين تاكلين أنتٍ حرهـ مرضانه الدكتور يقول مافيك شي أقنعيني أسوي لك الشي اللي تبينه مو بـ الأضراب)
أحمد يدق عليهـا الباب : حسناء..
حسناء غريب احمد جايني أيش قصته؟!.:...............
أحمد: حسناء عارف أنك صاحيه قومي أفتحي الباب؟!.
حسناء:........................
أحمد : قومي أفتحي طول عمرك تكونين نايمه تسمعيني لا تسوين أنك الحين مو سامعه قومي بتفاهم معك..
حسناء قامت وفتحت الباب : نعم..
أحمد : تعدلي هذا مو أسلوب تكلميني فيه..
حسناء : أيش بغيت؟!.
أحمد : تعالي بكلمك..
طلع وجلس بصاله اللي فوق وحسناء مشيت وراه وجلست..
حسناء شافته ساكت ماتكلم ولا تبي هي تبدا الكلام ساكته..
أحمد : ماغيرتي رايك؟!.
حسناء خافت من هجومه شافته هادي ارتاحت شوي قالت بهدوء : لااا..
أحمد : حسناء أنتٍ تتكلمين بشي عندنــا ممنوع ومانرضى فيه كأنك تقولين للميت صير حي..
حسناء رفعت نظرها فيه : لدرجة ذي شايفينه صعب؟!أحمد أفهمني أنـا طلبت شي أحلم فيه من وأنـا صغيرهـ وأتمناهـ طلبت أدخل تخصص معروف أنــه أرفع شي طلبت اشرفكم وأرفع روصكم طلبت أكسب أجر بدراستي وأجتهد أساعد الناس تقولي شي ممنوع؟!.
أحمد : عارفه من زمان أنه طب أو صحافة ممنوع حسناء ماعندنا أختلاط ماعندنـا..
حسناء : قولي ليش؟!.أنـا بدرس مع ماما وبابا ..
أحمد : أنتٍ عارفه أنـنــا بعثات عندنــا لااا من متى وحنا نقبل بـ الأختلاط؟!.مع أمي وأبوي بسكن؟!.
بس بالجامعه كل تعاملك مع رجال بشغلك بيكونون زملاء لك بشغل رجال بيكونون مرضاك رجال فكري فيهـا أنك تكشفين على رجاال وتعالجينه فكري أنه زميلك بشغل رجااااال فكري أنك معاهم كل يوم..
حسناء لو أن الطب مو اختلاط كان قلنا لك ادرسيه بس أخر سنه مدري سنتين اختلاط هذا لو درستي بالسعوديه ولو درستي برااا كل السنين اختلاط مين من عندنـا دخل طب؟!.حسناء حنا مو أجانب عندهم عااادي حنــا بدو تفهمين يعني شنـــو بدو؟!.
حسناء : أيه همج..
أحمد : إذأ أنتٍ تقولين على أصلك همج نلوم الغرب؟!.تعرفين يعني شنو بدوااان أنـــــــــا بدو؟!.شوفي شهامة البدوا ورجولتهم شيمهم عاادتهم رجولتهم شوفي حشمتهم وسترهم انا ماعمم على كل البدوا بس اغلبهم كذااا كيف يرضون على شرفهم عرضهم بين رجال مهم محاارم لهـــا..
حسناء : بس لو ماكنت بدويــــه كان على طووول درست طب لو بجامعه مافيها غير أنــــــا..
أحمد : لا حول ولا قوة الا بالله يعني يعجبك تكونين متحرره وكل شي عندك عاادي ماتتحجبين تلبسين قصير على كيفك تدخلين طب زملائك رجال تكشفين على رجال ماراح تخجلين؟!.
حسناء: أنت ليش حكمت أن كل المرضى رجال؟!.
أحمد : يعني بتقنعيني أنك طول عمرك مابيجيك رجال مريض وفرضنا مابيجيك رجال مابيكون زملاءك بدوام رجال؟!مديرك دكتورك بالجامعه؟.حسناء مجتمعنا مافي أحد دخل طب غير بنت سعود وشوفيها محد اخذها غير ولد عمهـا جلست لين عمرهـا كم وهي ماتجوزت وكله سنتين تمريض مو اختلاط وبمستشفى أبوهـا ومحد اخذها غير ولد عمهـــا بكرا مين بياخذك بكرا؟!مين بيخطبك؟!.سمعتك بين الناس..
حسناء: بس أنـا أبيـــه أحمد هــذا حلمــي عارف شنو يعني حلمي؟!.
أحمد بداء يعصب : حسـنـاء أيش فيك؟!قلتيها حلم يعني مابيتحقق دوري لك تخصص ثاني واصلاً يكون بعلمك موعد التسجيل راح من زماااااااان ماراح تقدرين تقدمين بس قولي لي التخصص اللي تبينه وبأي جامعه وأنـا أحاول أدبر لك واســطـــه او أقول لبوي يشوف لك وإذا تبين خاصه برضوا مافي مانع..
حسناء : بس انـ..
أحمد قاطعهـا وقـف : كلامي واضــح أنـا رايح الشركــه..

غ ـــــزال المـــشـــعــل..
كانت منسدحه على السرير داخت..
الا دق الباب..
غزل : ادخل..
مشعل فتح الباب ودخل : سلام..
غزل فرحت بس تحاول تبين أنو عادي : وعليكم السلام..
مشعل : بتنامين؟!.
غزل : لا بس كسلانــه شوي ومنسدحه..
مشعل جلس جمبهـا على سـريــر:ماشتقتي لي؟!.
غزل :...........
مشعل بهمس وهو يدقق بملامحها: وحشتيني..
غزل ارتبكت وهي جالسه على السرير وساندة ظهرها عليه صارت تطالع بشرشف ومرتبكه : وينك اليوم؟!.
مشعل : كانت عندي عمليــه..
غزل رفعت نضرها فيه : شكلك تعبان أرتــاح..
مشعل يمسك كف يدهـا الناعم ويحطه على قلبه : هذا اللي تعبان..
غزل ويدها على قلبه ابتسمت وسحبت بيدهـا الثانيه سماعته ..
بعدت يدها عن قلبه وهي مبتسمه نزلت من على السريـــر وقفت قدامه مبتسمه : هات؟!.
مشعل يبتسم لبتسامتها اللي حاس انها مبسوطه فيها : شنو؟ّ.
غزل : الروب حقك..
مشعل وقف بيفصخه فصخه من جهــه ومن الجهه الثانيه غزل سحبته من يدهـ فرح بحركتهـا لف لهـا : هـذا أنـا فصخته..
غزل تحطه على يدهـا والسماعه برقبتهـا وتبتسم وتسوي نفسها تأمر : يلااا على الـســريــــر..
مشعل : لا والله؟!
غزل : من غير نقاش يلااا نااااام..
مشعل جلس على السريـــر : هذا أنـا جلست..
غزل تسحب الشرشف : أنـا قلت نام مو أجلس أنسدح أشوف.
مشعل : وأنتٍ.!
غزل : مالك شغل يلااا نام..
مشعل انسدح على السرير وغزل غــطــتــه وهي تبتسم :......
مشعل : طيب وبعدين؟!.
غزل تلبس السماعه وتحطهـا على قلــبه مرتخيه شوي علي:...........
مشعل : كل نبضه فيني تصرخ بحبك..
غزل ارتبكت وفتحت الدرج وطلعت منه بندول واعطته قارورة مويه : اشربهم وتصير طيب..
مشعل وهو ياخذها من يدهـا : بتسكنين حبك ببندول؟!.تدرين شنو اللي يخلي عذاب حبك يرحيني أني اشوفك..
غزل جلست على السرير جمبه ماستوعبت أنهـا جمبه بس انصدمت :حبي عذاب؟!.
مشعل : لمى أكون شايفك وقدامي بس لي زوجتي وملكي وحلالي مقدر اضمك براحتي ولا اشمك..
غزل طنشت الكلام الأخير ومسكت كلمة ماتحبهـا : بس انـا ماحب أكون ملك أحد..
مشعل : بس أنتٍ ملكي حتى وأنتٍ مو زوجتي..
غزل ترفع حاجبهـا : أنتٍ بصفتك شنو تتكلم كذا؟!.أنـا ماني ملك أحد أنـا ملك نفسي..
مشعل مسك كف يدهـا : أحبك..
غزل تسحب كف يدهـا بس بان عليها الخجل :..............
مشعل : بعد يومين بتطلعين من المستشفى..
غزل : جد؟!.
مشعل : أيه..
غزل : وين بروح؟!.
مشعل : عند أبوك يعني وين؟!.
غزل : طيب ليش خالد وشهد صار لهم يومين مايجون؟!.
مشعل : مدري يمكن سافروا ماتبين تروحين؟!.
غزل : خايــفه مو ماااابي..
مشعل : اللي بتجلسينه هناك بس اسبوع وانا كل يوم عندك ..
غزل : ليش اسبوع؟!.
مشعل : بعد يومين يكون باقي على زواجنا اسبوع؟!.
غزل : أنت لسى تفكر بالموضوع هذا؟!.
مشعل : أنــتـــشر خـبــر خطبتنــا بالعاايــله مو اتفقنا من هنـا لـ أسبوعين يكون زواجنـــا..
غزل : بس قلت لو ماوافقت مابتجبرني ..
مشعل : وأنــا عنــد كلامي..
غزل: ليش متأكد من اني بوافق ليش ماتتوقع رفضي؟!.
مشعل : لأني قتلك أنتٍ تحبيني وفاقده أحداث مو أحساس..
غزل :.......................
مشعل : تحبيني؟!.
غزل :.....................
مشعل : بتوافقين صح ياعمر مشعلك؟!.
غزل :..................
مشعل : لا تسكتين..
غزل مرتبكه :.............
مشعل يمسك كف يدهـا : قولي اللي تبين..
غزل تسحب كف يدهـا بهدوء.: انا ابي لين ترجع لي ذاكرتي..
مشعل : يالله ياغزل كلامي مااقنعك..
غزل بقهـر : أنت مو فاهمني عشان كذا مو حاس..
مشعل : طيب فهميني..
غزل سكتت متردده بعدين تكلمت: مااابي اتجوز وأنـا مو متذكرهـ كل موقف بيننا كل لحظة حب ذكرياتي معاااك أحساسي فرحي زعلي غيرتي أبي أتذكر المواقف اللي تقول عليهاا واتذكر احساسي وقتهااا مو اتخيل احساسي وقتهااا مقدر أعيش معااك بأحساس أنـا أجهله..
مشعل : الحين كارهتني ماحبيتيني؟!.
غزل .بخجل : لاا مو كارهتك بس ماقولك حبيتك بس اتعودت عليك يعني يوم ماجيت خفت عليك يعني مدري بس.
مشعل فرح بكلامها وابتسم على حيرتها :يعني شنو؟!.تقدرين تتركين قلبي اللي يحبك؟!.وتعذبينا أنـا أبــيــــــك وأنتٍ لــــــــي غزل لـــــــي مو لــغــيـــري..
غزل وجهها صــار أحمــــر زيي الطماطم قامت من على السرير وقفت قدام الطاقه وبتردد وبصوت مرتبك وتغيرت نبرة صوتها مرره واضح بكلامهـا : أنــا مقدر أعيش معاااك كذا أنـا عندي الحياة الزوجيه شي مكمل للحب مقدر لو أنـت تحبني وحبي بقلبك ماتغير أنــا أحساسي لك اللي زمان حبي عشقي لك ماراح أرتــاح كذااا ماااابي خليه لين ترجع لي الذاكره..
مشعل قام من على السرير وقرب منهـا صار واقف وراهـا همس لهـا وهو قريـــب منهـا: تدرين أنــي أعشقك وأنك منااايـــه وأني بعمري ماحسيت بأحساسي معاااك مع غيرك ..
غزل ساكته بس قلبهـا يدق بسرعــه ويدهـا ترجف ووجهها أحمر..
مشعل وهو واقف وراهـا : ولو قلــت لك أنو مابيصير الا اللي يرضيك؟!.
غزل وصوتها يرجف : ي ي ي يعـنـ ي.ش شنـ و؟!.
مشعل : يعني بنكون متجوزين بس مابيصير شي مايرضيك؟!.
غزل وهي معطيته ضهرها : ي يعـ نــي..نعـ يـ يـ يش أخ و وان؟!.
مشعل بسرعه : لا طبعاً..
غزل : أجل تكفى نأجل الجواز لين ترجع لي الذاكره؟!.
مشعل يلفهـا له وماسك وحاط كفوف يدينــه عند كتوفهـا من فوق ابتسم وجهها احمر : شنوا خوان بترجع لك الذاكره ان شاء الله قولي أصحاب؟!.
غزل ابتسمت بس مو قادره ترفع نضرها فيه : موافقه؟!.
غزل بهمس : خايفه..
مشعل : مني؟!.
غزل : خايفه .
مشعل : صدقيني مابيصير شي الا يرضيك وبنعيش كأنــنـا أصحاب ببيت واحد ..
غزل : وعد؟!.
مشعل: وعد مابسوي غير اللي يرضيك..
غزل :............
مشعل : متى ببوس خدك يعذبني يوم يحمر..
غزل بترجع على وراء بتبعد عنــه بس مشعل مسكهـا : خلاااص خلاااص مانعيدهـا..
غزل مو قادره ترفع نضرها فيه تحس أنها جريئه واللي قالته صعب :..............
مشعل : أشبك!.
غزل : خليني اطلع بكرا ؟!.
مشعل : ليش؟!.
غزل : مايفرق بكرا من بعده ابي اطلع بكرا..
مشعل : تفرق عندي توحشيني..
غزل خلاااص تحس شوي وقلبها يطلع صارت تحس بألم من دقات قلبها مو اخذه راحتها بنفسها تحسه ضايق شوي..: أبي أنــام..
مشعل : أشبك؟.
غزل : ولا شي (واخذت نفسها)
مشعل حط كف يدهـ على قلبها حسه كأنهـ بيطلع من مكانه ابتسم : ارتااحي ياعمري هدي نفسك..
غزل :خلاااص بنام..
مشعل اللي مبسوط ويبتسم: لدرجة ذي تحبيني..
غزل اللي بعدت وجلست على السرير : أنـا بنام..
مشعل : بتنامين بسماعه؟!.
غزل وهي تنسدح : أيه مالك شغل..
مشعل :هههههه اوك نامي يلااا..
غزل تقلدهـ : اطلع يلااا..
مشعل : انسي بجلس اشووفك واتأملك مايكفي بكرا تبين تطلعين ؟!.
غزل : أيــه بطلع..
مشعل : طب ناامي عشان تصحين ونجلس مع بعض شوي..
غزل : لا مااابي تكفى ارحمني خلاص..
مشعل ابتسم وغمز لها : نامي نامي..
أريـــج الــ ع ــبــد الــعــزيز..
عبد العزيز : حبيبي أشبك؟!.
أريج تبتسم : ولا شي..
عبد العزيز : أريجي متغيره فيك شي؟!.
أريج : مافيني شي..
عبد العزيز: أنـا مزعلك بشي؟!مضايقك بشي؟!.
أريج : لا..
عبد العزيز بأنفعال : أجل أشبك؟!.أيش اللي مغيرك؟!.
أريج : عبد العزيز قلت لك ولا شي خلاااص..
قامـــت ودخلت الغـــرفــــه أنــا مو قادرهـ خلااص بنجن أكــيد أنو مضايق عبد العزيز صاير يطلع من البيت بس هو من اول يطلع من البيت بس انا يوم واحد داومــت معاه حسيت اني بموت كيف هو؟!.ياترى أيش يفكر فيه؟!.معقول بيصبر 3 سنين معقول ؟!.ياترى معقول خالتي تجوزه لالا مو معقول بس جدتي لا جدتي تحبني..
دخل عبد العزيز عليها غرفة النوم..شافها جالسه على السرير ودموعها على خدهـا قرب منها : حبيبي اشبك؟!.
أريج تمسح دموعهـا : ولا شـي..
عبد العزيز وقفهـا وحط يديه حول خصرهـا : اشبك ياعمري؟!.
أريج حطت راصهـا على صدرهـ : ولا شي بس بنام على صدرك عبد العزيز ..
عبد العزيز يحضنهـا : ياعيون وقلب عبد العزيز..
أريج : تحبني؟!.
عبد العزيز : تشكين؟!.
أريج : أخاف حبي بقلبك يقل..
عبد العزيز يمسح على ضهرهـا : عمر حبك مابيقل حبك يزيد بداخلي..
مشي فيها وهو حاضنهـا لين السرير : يلااا حبيبي طفلتي اللي بتنام بحضني..
أريج تبتسم : ...................
عبد العزيز نيمها على السرير ونام جمبهـا وهو حاط يده تحت راصهـا ومقربها منــه..
عبد العزيز وهو يطالع بوجهها : ليش البكى؟!.
أريج تبتسم : مافيني شي دايخه بنام..
عبد العزيز مسح بأصابعه على خدهـا : نااامي ياعيوني ..

شـــهــــــــد الــخــــــــالد ..
شهد صحيت من النوم اتروشت ولبست بنطلون جينز ازرق فاتح وتي شيرت موف
استشورت شعرهـــا وحطت كحل ومرطب واتعطرت طلعت من الغرفــه فرحانه بالبيت مو مصدقه أنو لهــا تتمنى تكون فرحانه فيـــه ومبسوطه بس هي مجروحــه..
طلعت ابتسمت وهي تشوف الصاله تتخيل هي وخالد فيها ويتناقرون..
شافت على الطاوله مفاتيح سيارته والجوال معناها موجود سمعت صوته بالمطبخ راحت له..
خالد يوم شافها ماقدر ابتسم : هلاا..
شهد عيونها امتلت بدموع بس تحاول ماتبين بس بااين عليها : هلااا فيك..
خالد وهو يفتح بـ الأكياس اللي طلع ربع ساعه جاب اكل لهم وجاء..
شهد تقرب : خليه أنـا أحطــه..
خالد :أوك انـا بروح أغير واجي..
طلع خالد ودخل غرفة النوم ضحك يوم شافها شايله فراشهـا من على الأرض ومحركه السرير كأنهـا نايمه عليه ماتدري أنه دخل الغرفــــه وشافهـا وهي نايمه على الأرض..
دخل الحمام أخذ شاور ماخذ ربع ساعه ولبس برمودا سوداء وبلوزة سوداء..
أمــا شهــد اللي جننت نفسهـا عشان ترتب الأكل بطريقه تعجب خالد..
حطته على الطاوله اللي بالمطبخ ..
خالد : تأخرت؟!.
شهد : يعني شوي..
خالد : كذابه لا تأخرت ولا شي بس بطلعيني تأخرت..
شهد : لا والله..
خالد : أي والله..
شهد : اقول اجلس كل احسسن..
لحظة خالد تعامل طبيعي معها مانسي الطلاق بس ماقدر غير يغير جوهااا يشوف ابتسامتها يسمعها يحسسها انو عادي عشان على الأقل تاكل..
شهد انبسطت ونسيت انو طلقها لأنها ندمت تبيه يكلمها يضحكها يناقرهااا يتهاشون بمزح بس يوم جلس شافت بعينه نظره رجعتها لواقعهاا
جلس على كرسي وشهد على الكرسي اللي جمبه بس في مسافه بينهم ماتضايقهم ..
خالد : اشوا مابرد..
شهد تحاول تكون طبيعيه : أيـــه حميته..
خالد أكل وصلة بيتزاء : يلاااكلي ..
شهد : طيب باكـل..
خالد اللي جلس يسوي أنــه عاادي وياكل ويطالع بصحنه ويشرب بيبسي وبس..
بس هو كان منتبه لها وشافها انها سرحانه ولا اكلت شي..
سكت 5 دقايق..
بس قطع صمــتــه ..
خالد : شــهــد؟!.
شهد :..........
خالد : شهــــد؟!.
شهد : هلااا..
خالد : ليش ماتاكلين؟!.
شهد وهي تتعدل بجلستهـا وتاخذ وصلة بيتزاء : باكل..
خالد بنفسه لمتى بنضل كذا هي تتعذب وانا اتعذب أكــثــر معقول بنضل كذا ....
شهد قربك عذاب ياخالد كيف معك ولاااني لك ابي ابكي على صدرك ابي اضمك..
يوم جــديــــــــــد..
ع ــــبــيــــر السلــــطـــــــــان..
الــســــاعــــة 2 ونص بالليـــل..
سلطان وهو نايم بسريـــر : حبيبي صحيني بدري وراي أجتماع مهم بكرا..
عبير : من عيوني متى تبي اصحيك؟!.
سلطان : انا بحط المنبه بس تأكيد وأنتٍ بدوام صحيني..
عبير : لا بكرا مابروح حبيبي وبعدين بتصحى توصلني وترجع تنام وتصحى لـ الأجتماع مو رايحه بكرا..
سلطان : عشاني مابتروحين؟!.
عبير وهي تقابله وهي منسدحه : يب عشانك واصلاً من زمان ماغبت..
سلطان وهو منسدح جمبها غطاها زين وابتسم : اجل بجي اليوم بعد الأجتماع على طول..
عبير تبتسم : متى تبي أًصحيك؟!.
سلطان : 8 ونـــص..
عبـيـر : متى الأجتماع؟!.
سلطان : 9..
عبير : أوك حبيبي..
ع ـــنـــد حـســـنـــاء..
منسدحه على سريرها بغرفتها تفكر ياربي حاولت بكل الطرق معهم اقناع اضراب عن اكل وشرب زعلت بكيت ضحكت ولا 1% أقــتــنعوا.أنـا بكلم ماما يمكن توافق..
جلست على السرير واخذت جوالها من على الكمدينة واتصلت على امهـا..
ام أحمد: ياهــلااا حبيبتي..
حسناء: كيفك ماماتي وحشتيني؟!.
أم أحمد : بخير حبيبتي أنتٍ كيفك؟!.أخبارك؟!.
حسناء بزعل: مو بخير ماما ..
أم أحمد : برضك على نفس الموضوع..
حسناء : مااما الله يخليك افهميني انا حلمي اكون دكتوره تحرميني منه ليش؟َ!.
أم أحمد : بنرجع نعيد كلامنا من جديد ياحسناء ياحبيبتي الأختلاط عندنا ممنوع تفهمين شنو يعني ممنوع من متى حنا نقبل بـ الأختلاط؟!.
حسناء: طيب ليش ماتفهموني انا ماهمني الأختلاط انا ابي اكون دكتوره ابي ادرس الشي اللي طول عمري احلم فيه ..
أم أحمد : حسناء أبوك وأحمد سوا الأوراق وقدموا لك بالجامعة قسم رياضيات..
حسناء بصدمه : من غير ماتقولون لي حتى يوم تحرموني من الطب تدخلوني قسم على كيفكم؟!.
أم أحمد : أبوك بالواسطه دخلك مستوعبه قد أيش فاتك؟!.وأنك ماقدمتي أحمدي ربك لقي لك قسم وبعدين كملي السنة وإذا تبين قسم ثاني يكون يرضي عايلتنا ومو شي ممنوع حولي عندك الأقسام أكــثـــر منهــا مافــي..
حسناء وهي تبكي : ماما باي..
قفلت منها وهي منصدمه ماتوقعت أهلـهـا بيقسون عليهـا لدرجة ذي ويختارون ويحددون لها مستقبلها من غير حتى مايعرفون رأيهـــا انسدحت بسرير تبكي ونامت وهي ماتدري عن نفسها..
فــي مــــدرســــــــــــة تركـــــــي..
جالس وجالس معه الأستاذ صالح ..
تركي : يااستــاذ أنـا مالعب وأحبهـا ولا عمري تجاوزت حدودي معهـا بس مقدر ماشوفها..