الــبـــــــــــــــــــــــــــارت الـــــ53



فــي مــــدرســــــــــــة تركـــــــي..
جالس وجالس معه الأستاذ صالح ..
تركي : يااستــاذ أنـا مالعب وأحبهـا ولا عمري تجاوزت حدودي معهـا بس مقدر ماشوفها..(تركي يرتاح للأستاذ صالح وقــال له أنه يحب بنت عمــه)
الأستاذ صالح : الله يهداك ياولدي كيف ماتجاوزت حدودك هذا عرضك المفروض أنت تصونها تخاف عليها ..
تركي : وانا اخاف عليهااا أكثر من ماهي تخاف على نفسها ولو احد قرب منها اذبحه..
الأستاذ صالح : تخاف عليها منك؟!.يوم تختلون مع بعض وتتواعدون مو معنى أنك ولد عمهـا قريب لهـا تحل لهـا صلتك فيها صلة دم صلة رحم لكن محرم عليهـا كأي رجال ..
تركي : ياستاذي انا مجرد أطمن عليهـا أكلمهـا ياستاذ احبها واشتاق لها..
الأستاذ صالح : ياولدي أدري الحب مو بيدك وفاهم بس هذا شي غلط واللي يبدا بغلط بتكون نهايـته غلط ولا يرضي ربك بكرا بأي وجه بتقابل ربك ماتدري فين نصيبك؟!أنت تضمن انك تتزوجها ؟!.تضمن الأيام؟!.غير كذا ياتركي ياولدي أنت ولد بالغ راشد والشيطان حي مامات وفي مامعنى الحديث ماجتمع رجل وامراءه الا وكان الشيطان ثالثهم..
تركي : يعني ياستاذ اصير ماشوفها ماكلمها ماقدر؟!.
صالح : ياولدي لازم تضغط على نفسك مافي شي أسمه مقدر ماتقدر تصبر عن شي حرام؟!.
تركي : ياستاذ انا ماسويت شي إلا إني أشوفها واطمن عليها إذا هذا حرام أجل اللي يزني واللي يشرب شنو؟!.
صالح : ياولدي المفروض ماتفكر فناس ذولي وتقارن نفسك فيهم هذول يرتكبون أكبر المحرمات لو أنك على صح ليش تخبون عن اهلكم وتتقابلون من غير محد يعرف؟!.لو أنكم صح ليش مو كل ولد عم يتسلى ببنت عمه (شاف تركي بيتكلم) عارف أنك ماتتسلى فيها بس كل واحد بيكون محافظ عليها أنت محرم لها؟!.مجرد ولد عمها المفروض لاا من شفتها مرة ترخي راصك ولا ترفعه لين تمر كذا محافضتك عليهاا..
دخل عليهم أسـتــاذ عمر : سلام..
تركي + صالح : وعليكم السلام..
عمر : تركي ماعليك حصه؟!.
تركي : ليـــه بدأت الحصه الـ3..
عمر : من 7 دقايق..
تركي يوقف : آووه تأخرت يلااا انا بروح استاذ صالح..
صالح يبتسم : ايش عليك؟!.
تركي : القرف كيمياء..
صالح : ههههههه هانت هذي اخر سنه..
تركي : انا مايقهرني الا هانت اخر سنه والله بكرف فيها واختبر يعني شنوا خر سنه بروح لشي أخس والعن الجااامعه..
صالح : هههههههههه والله صادق الجامعات عندنــا مافي لا نظام ولا اساس ولا معرفة لتدريس..
تركي : أجل احمد ربي على ثالث ..
صالح : ههههههههههه روح وإذا قلك شي استاذك قوله كنت عندي ولا تعال اكتب لك ورقه..
تركي بثقه : احم أحم وراي واسطااات..




ع ـــنــــــــد غــــــــــــزل ..
الــســـاعـــــه 7 ونــص الصبــاح..
دخل مشعل لقيها لسى نايمه جلس جمبها على السرير : حبيبي..
غزل:.............
مشعل حط يده على شعرها ويلعب فيه : غزالي حبيبي..
غزل وهي نايمه تفتح عيونها بكسل : اممم..
مشعل ابتسم : قومي يلااا..
غزل تفتح عيونها وتمدد يدينها ابتسمت : كم الساعه؟!.
مشعل : 7 ونص..
غزل : المغرب؟!.
مشعل : لا شوفي الشمس..
غزل تسحب الشرشف عليها اكثر : اجل تصبح على خير ..قالولك كتكوت مصحيني من اللحين..
مشعل يسحب الشرشف : بجلس معك قومي..
غزل تغمض عيونها : مش مش بنام دايخه..
مشعل : من امس الساعه 10 نايمه..
غزل تلف وجها له لأنها كانت على جمبها ومغمضه عيونها لفت وجهها له وهي على جمبها : أيـــه كنت نايمه من 10 لأنك تعطيني أدويه تخليني انااام..
مشعل يبتسم : وابشرك بعد بتستمرين على واحد منهم 6 شهور..
غزل : طيب أنت بس أعطيني اياه بيدي..(ورجعت نامت زين)
مشعل : هههههه حيلك هذي مو علـي بتكونين معي وأنا اللي بعطيك اياه..
غزل تبتسم بس باين انها خجلانه : بس اسبوع برتااااح..
مشعل : كل يوم عندك (غمز لها) بعذر دواك..
غزل : ههههههههه طيب ماشفت خالد وشهد..
مشعل : كلمتهم يقول اليوم بيجون..
غزل : متى بطلع؟!.
مشعل : بكرا..
غزل : لا اليوم..
مشعل : مستعجله اشوفك؟!.
غزل : لا بس طفشت من المستشفى..
مشعل : طفشتي من المستشفى قولي طفشت منك ماتشوفين غيري..
غزل تغمض عيونها وتبتسم : ايه يلااا بنام..
مشعل : لا والله هذا كله ومافقتي؟!.
غزل : لاااا ابي انام ايش يصحيني من صبح ربي ؟!.
مشعل : مشمشك يصحيك من صبح ربي لأنه مشتاق لك..
غزل : ياااربي ابي انااااام..
مشعل يرخي راصه لها وهي نايمه غزل حست انه قرب فتحت عيونها : يعني ماشتقتي لي؟!.
غزل تضغط نفسها على السرير وهي نايمه عليه عشان تبعد لو شوي عنه بس مشعل قرب منهـا : قولي ماشتقتي لي؟!.
غزل بتردد : لااا..
مشعل حط يدهـ على قلبهـا وهو وعيونه مركزه على عيونهـا ابتسم : ههههه باااين..
غزل ترجع على وراء ومشعل رجع جلس على السرير يتأمل وجهها اللي حمر ويبتسم..
غزل تحط يدها على قلبها وبعد دقيقه : تكذب قلبي مافيه شي يدق طبيعي..
مشعل :اول مـرهـ أعرف انـا دقات القلب الطبيعيه 88 دقــه بدقيقه..
غزل : يتهيأ لك..
مشعل نزل سماعته من على رقبته ولبسها وحطهـا على قلبهـا :............
غزل ارتبكت ومحرجه : المفروض انا اللي اسمع عشان اصدق!.
مشعل مركز بعيونها وهذا الشي محرج غزل كثير همس : أحـبــك..
غزل غمضت عيونها حست نفسها خلاص بتموت قلبها شوي ويطلع من مكانه:.............
مشعل ابتسم وشال السماعه : مابتقومين؟!.
غزل : همست وهي تعطيه ضهرها : بنام بس ساعه..
مشعل اللي حاس بخجلها ومبسوط بس يبتسم ان غزل له ومعه وكم يوم وتكون له ملكه له لوحده حلاله غطى ضهرها زين وخرج من الغرفه..






الســـــاعــــــــــــه 8:05
عــنـــــد عـبـــيـــر اللي قررت تخلي سلطان يصحى لدوام فايق خلته لين ينـــــــام وقامت حطت المنبه حقهـا ونامــت..
سلطان كان يبي يصحى على الساعه 8 ونص بس عبير حطت المنبه على 8:10 رن المنبه
عبير اللي نايمه ازعجها الصــوت بس تبي سلطان هو اللي يقفله عشان يفوق..
سلطان وهو مغمض عيونه : حبيبي المنبه قفليه عندك..
عبـيـر سامعته بس مسويه نفسها نايمه : .................
سلطان فتح عيونه : عبيري..(شافها نايمه طالع على الكمدينه عندها مو فيه المنبه طالع على الكمدينه حقته مافيه جمبه شي ..
سلطان يرفع نفسه شوي على السرير : حبيبي عبير..
عبير : اممممم..
سلطان : وين حاطه المنبه؟!.
عبير : حبيبي المنبه كان على الكمدينه اللي جمبك بس هو اول مايدق يكون عليهاا بعدين يتحرك من مكانه ويتخبى وأنت تدور عشان تفوق وتلقاهـ ..
سلطان أول مره يسمع بهالمنبه : عبير قومي قفليه مو وقت مزحك ابي انام..
عبير : والله مامزح مابيتقفل لين تدوره وأنت تقفله..
سلطان : من جدك؟!.
عبير : أي والله..
سلطان اللي وده ينام قام من السرير : يطالع على الأرض مافي لا منبه ولا شي ويقول بنفسه مستحيل منبه يقدر يتخبى رجع طالع بعبير: من جدك.
عبير : وربك دورهـ..
سلطان وهو واقف جمب السرير دايخ مو فايق يدور واصلاً مو مصدق طالع بـ الأرض تلفت حوله ماشاف شي رجع بيجلس على السرير حس ان الصوت تحت السرير طالع تحت السرير لقــي المنبه رخي نفسه واخذ المنبه من تحت السرير لقيه على شكل كوره شاف فيها أزرار كثيره كل الكوره أزارير صغيره تجلس تضغط فيها ليم ماتنقفل سلطان عصب : وجع ذا منبه ولا وش؟!.
عبير ابتسمت وساكته فرحانه انها صحته:...................
سلطان جلس يضغط فيه بقوهـ بيدينه الأثنين لين سكت ورماه على الأرض ورجـع انسدح على السرير :........
عبير بنفسها الحمد لله أني عملت حسابي رجع نام..
بــعد 8 دقــايـــــق..
كان في صوت منـبه كان على شكل دجاجه صغيره بالحجم عبير كانت حاطه المنبه على الأرض جمب التسريحه طريقته أنك تحطينه بمكان تقدر تتحرك الدجاجه فيه وتوقتينه على الساعه اللي تبينهـا ولمى يجي الوقت تصير الدجــاجــه تمشي مسافه معينه وبعدها ترمي بيضه على الأرض وترجع تمشي وترمي بيضه بنهاية تفرغ 3 بيضات او 4 ومايسكت الصوت المزعج لغاي ماتجمعي البيضات على فكره بيضاتها صغنونه لازم تجمعين كل البيضات وتركبينها بالمكان المخصص وبطريقه صح بعديــن تسكت الدجاجه :d
سلطان التفت لعبير جمبه : سامعه الصوت؟ّ.
عبير : أيه حبيبي المنبه ..
سلطان يرفع راصه من على المخده يطالع على الأرض : شوفيه مصكوك..
عبير تتغطى زين : هذا واحد ثاني؟!.
سلطان : تستهبلين..
عبير : بنااااام حبيبي..
سلطان يحاول يستوعب معقول هذي اشبها توي مقفله شاف شي يتحرك قدامــه يطالع زين برضوا بسم الله الرحمن الرحيم غمض عيونه وفتحها : عــبـــيـــر قومـــي شوفي دجاجه!!..
عبير ماتت من الضحك تحت الفراش بس ساكته وكاتمه ضحكتها..
سلطان قام من السرير قرب من الشي الصغير اللي يشبه الدجاجه وشاله من الأرض يدور الزر مو عارف كيف يطفي :شنو هذا؟!.
عبير تسوي ان الصوت مزعجهـا : سلطان جمع البيضات عشان تسكت ابي اناااااام..
سلطان : بـيـــض وشــــــو؟!.
عـبــير ترفع الغطاء عن وجهها وطالع بسلطان : حـبـيـبي هذي الدجاجـه تمشي وتبيض في كم بيضه بتلقاها بالغرفـــه لازم تجمعهـا وتحطهـا فيها وبطريقه صح عشان تسكت (عصبت الصوت أزعجهـا ) سلطاااان بس سكتهـا بنام..ورجعت غطت راصهـا..
أمـأ سلطان وهو واقف طالع بـ عبير اللي نامت ورجع طالع بدجاجه اللي بيده..
شاف الأرض لقي فيها بيضه صغيره وعبير تقول بيضات عصب من الصوت المزعج صقعهـا بـ الجدر بقوهـ ورجع جلس على السـريــر تــنــهـد يحس راصه صدع انسدح من غير حتى مايتغطى ..
عــبــيــر بداخلها ياويلي هذا كيف اصحيه ولا شي نافع معه....
بعد 10 دقــايـــــق..
رن جوال سلطان كان المنبه هو حاط جواله..
سلطان فتح عينه وهو معصب تنــهد : لا حول ولا قوة الا بالله (قفل جواله مره وحده)وقام دخل الحمام..
(تقدرون تكتبون بقوقـل ساعات مزعجه وتشوفون شكلهم)





عــنــد عبد العزيز وأريــج..
أريج صحيت من بدري وجهزت الفطور..
دخلت غرفة النوم شافت عبد العزيز نايم دخلت أخذت شاور ولبست فستان أبيض عريان يوصل لحد الركبه سادهـ وقماشه ناعم..
خلت شعرها مبلل ورجعته على وراء بطوق وحطت كحل وقلوس وردي..
أتــعطرت..
وجلست على السرير جمب عبد العزيز : حبيبي..
عبد العزيز:..................
أريج:عزيز حبيبي..
عبد العزيز فتح عيونه شاف كيف شكلها ناعم شم ريحة عطرها : هممم..
أريج تبتسم وهي تقوم من جمبه : يلااا قوم باقي على دوامك ساعـــه إلا ربـــع..
عبد العزيز يتأملهـا وهو دايخ : أوك حياتي قايم..








عــنــــــد عــبــيـــــــــــر السلطــــــــــان..
طلع سلطان من الحمام اخذ دش بس برضه مصدع صح خفت عصبيته ولو كلمته عبير قبل مايدخل الحمام يمكن ذبحها بيده ..
عبير : صباح الخير حبيبي..
سلطان نظر لها نظرهـ وهو ينشف شعرهـ : أي خير هذا أحد يصحي نايم؟!.
عبير تبتسم : بالله ماعجبتك؟!.
سلطان اتنرفز : أعجبتني!.أنتِ ايش بلاك؟!.رجعتي لجنانك؟!.مين بدنيا يصحى النايم كذا؟!.
عبير طالعت بسلطان بنظرة عتب ولوم
عبير : لو أني حقيقي مجنـــونـــه ماقلت لي كذا؟!.كل شوي رجعتي لجنانك رجعتي لجنانك؟!.وش شايفني قبل كنت؟!.تكرمت علي وطلعتني من إشهار وتزوجتني
مشيت من قدامـــه وهي ساكــتــة ماتبي تبكي أو تبين له ضعفها أنقهرت من كلمته وكل شوي يعيرها فـيه كأنه ماضي أسود بحياتهـا..
طلعت من الغــرفة وصكت الباب وراها جلست بصاله مقهوره من سلطان وحاولت كم مره تطنش بس هو كل شوي يعيد نفس الكلام ولا يهتم لمشاعرهـا وكأنهـا قبل كانت مجنونـــــــــــه ((أفففف الحين يطلع من الغرفه ويشوفني أقوم أتروش بس ماحب أتروش بحمام الضيوف أقوم أدخل المجلس وأصك الباب أحسن..))
فعلاا دخلت المجلس وصكت الباب وجلست على الكنبة ورفعت رجولها لصدرها الغلطان اللي يبي يصحيك قولي أنزعجت بس بطريقه ماتزعلني فيها قول لا عادي تصحيني بطريقة ذي مو أنـا غايبه من دوامـــي وفرحانه اني بصحيك وأخرتها تسوي فيني كذا رجعتي لجنانك رجعتي لجنانك أيه رجعت عندك شي أففف..
أمـــــــــــا عند سلطان..
لبس ثوبــــــــــــــــــه وشماغــــه تـــــعــطــــــر أخذ أغراضه اللي يبيها وطلع من الغرفه توقع يشوفها بصاله جالسه بس مالقيها دخل المطبخ : عـبـ..
مالقيها بس شاف كيف الفطور محطوط على الطاوله وشـاف كيف مجهزة الأكواب لها وله جمب الغلايه بتسوي لهم نسكافيه طالع بالفطور وبالمطبخ ..
مشي لحمام الضيوف مالقيها فيه طالع بالمجلس لقي الباب مصكوك..
طنش ومشي لباب البيت طلع وصك الباب وراهـ..





ع ـــند أريج الــــــــعــــــبــد الـــ ع ـــــــــزيز..
صحي وأخذ شاور ولبس..
طلــع شــاف أريـــج تغير بالقنوات...
عبد العزيز يبتسم : صباح الأريـــــــــــج..
أريج توقف وتبوس خدهـ : صباح أبتسامتك الحلوهـ وعيونك اللي تأسرني..
عبد العزيز يبوس جبينها ويبتسم..
أريج : أنت مغير ترتيب القنوات؟!.
عبد العزيز وهو بيجلس بصاله : أيــه..
أريج تمسك يدهـ وتسحبه : الفطور مو هنـا اليوم قلت بغير خليته على الطاوله..
عبد العزيز : أيش الطاري؟!.
أريج : جايبينها وناكل بصاله قلت اليوم بنجرب نجلس ناكل عليهاا مانجلس عليها غير إذا كان فيه ضيوف..
عبد العزيز : مو تقولين تبين تاكلين قدام التلفزيون..
أريج جلست وسحبت توست من قدامهـا : لا بطلت أبــي أشوفك أنت وبس.
عبد العزيز يبتسم : مامليتي مني؟!.
أريج : ولا عمري بمل ..
عبد العزيز : ليش مالبستي ؟!.
أريج : مابي أروح اليوم..
عبد العزيز : ليش؟!.
أريج : مالي مزااااج..
عبد العزيز : المزاج ذا كله وتقولين مالي مزاج؟!.
أريج تبتسم وهي تقرب منـــه صحن المربى وبهمس : مزاجي لك وبس مو لدوام..
عبد العزيز : يعني؟!.
أريج : أبي أقضيه معاك لا تروح اليوم..
عبد العزيز أعجبته الفكره : مدري دقيقه أشوف رصيد إجازاتي..
أريج تبتسم : عندك أسبوع كااامل..
عبد العزيز : عارفه يعني أجل ليش صحيتيني؟!.
أريج اتضايقت : طيب أرجع نام خلاااص..
عبد العزيز يمسك يدهـا ويطالع بعيونها بتركيز : أفهميني ليش صحيتيني وقلتي لدوام؟!.ليش ماخليتينا أنـــام ونسهر بالليل..
أريج تبتسم بخجـل : دايم كل سهراتــنــا بالليل اليوم قلت نغير والحين الجو حلو خلينا نروح البحر..
عبد العزيز : تم يالغلااا أمري بس..
أريج ابتسمت وحركت شفايفها من غير ماتتكلم بلغة الشفايف (أحبك)







الســـــــــــــاعه 3 ونـــــص الظهـــر..
عند غزل..
صحيت على الساعه 1 ونص واتروشت واستشورت شعرها ولبست بنطلون جينز سكيني وتي شيرت رصاصي نص كم عليه قلب بالفصوص الحمراء صغير مره وكتابات عشوائيه بـ الخط الصغير الأسود..
دخل مشعل : سلام..
غزل : وعليكم السلام..
مشعل يبتسم : بشتاق لك..
غزل ابتسمت وارخت راصها..
مشعل : وش رايك تجلسين الأسبوع ذا هنا؟!.
غزل : لا ابي أطلـــع ..
مشعل : لدرجة ذي مستغنيه عني؟!.
غزل : اممم لا ...يعني..قصدي..
مشعل : هههههههههههه كلها أســبوع وتكونين معي لليل ونهار..
غزل بهمس : بس انا خايفه..
مشعل قرب منهـا وبصوت حنون طمن غزل وريحها : مني خايفه؟!.أبيك تعرفين أني مستعد أسوي أي شي بس يرضيك وتكونين مرتاحـــه..
غزل بتردد وبصوت هامس : على وعدك صح؟!.
مشعل يبتسم : صح..
غزل تجلس على السرير : ...........
مشعل يجلس على الكرسي : أشبك؟!.
غزل : ولا شـــي..
مشعل : ماتبين تروحين اليوم؟!.
غزل : ابي بس خايفه شوي يعني حاسه انو مو من حقي أكون معهم ولا من حقي أي شي انا اغراضي اللي جبتوها لي وقلتوا لي انها حقتي لأني مافتكرها يوم البسها احسها كأنهـا صدقــه كيف الحين بعيش معهم أسبوع وأقوم واجلس احس اني اخجل اتحرك أخجل أسوي أي شي..
مشعل : غــزل عزة نفسك على أهلك؟!.وشو اللي مقدر أعيش وأحس أني أخجل في أحد يخجل من أهله في أحد يقول يحس ملااابسه كأنها صدقه غزل أدري أن أهم شي عندك كرامتك وعزتك بس بالموضوع ذا غلط هذولاااا أهلك كيف تقولين كذااا بتعيشين زيي الضيفه..
ماتقدرين تتحركين ولا تسوين اللي تبين براحتك غلط ياغزل معناها أنك تحطين حواجز بينكم أنتٍ ناسيه احداث مو ناسيه احساسك مجرد أحداث صارت بس يبقى بداخلك شي يتحرك لهم يبقون دمك ولحمك ..
غزل طالع فيه بعيونها ومو عاجبها الوضع تنهدت : خلاااص عطيتني محاظره..
مشعل : هههههههه لسانك مابيقصر..
غزل : لأنه مو طووويل..
مشعل : أيه مرره مو طووويل..
غزل : يطوول يوم تستاهل أطوله..
مشعل : اااه منك انتٍ ملكتي قلبي وكل شي فيني حتى طولة لسانك أحبها..
غزل ابتسمت:............
مشعل يطلع جوال من جيبه : خذي هذااا..
غزل : ليش؟!.
مشعل : مدري وين جوالك وابي أكلمك ..
غزل : طيب مو لازم كلها أٍسبوع..
مشعل : أحلفي بس أقول غزل أيش رايك تجين معي البيت لين الزواج؟!.
غزل : ههههههههههههههه لا بالله؟!.
مشعل : أبي الأسبوع يمر بسرعه؟!.
غزل : ترا انا مو عارفه كيف بيصير ولا فاهمه شي انا خايفه مدري احس اني ضــايعه مو عارفه حياتي وبتجوز ..
مشعل : حياتك معي وحياااتي كلهااا بين يديك ..
غزل : طيب نأجل أيش رايك؟!.
مشعل : نقدم ايش رايك؟!.
غزل خافت وطالعت فيه بصدمه : من جدك؟!.طبعاَ لاااا..
مشعل ابتسم : أجل لا تقولين نأجل لا أقـــــــــــدم تراني مرات افهم بالمقلوب..
غزل : طيب مابطلع من هنااا..
مشعل : على هالخشم ماطلبتي شي..
غزل : لالا لا تصدق أنت قلت افهم بالمقلوب..
مشعل يعض على شفايفه : اااااه منك قلت مرااات..
غزل : كيف بروح ومع مين؟!.
مشعل : خالد قال بيجي وعمي اللحين جاااي..
غزل باين الخوف بعيونها : أقولك شي؟!.
مشعل : قولي حبيبي..
غزل وهي جالسه على السرير ارخت راصها وصارت تلعب بخيوط التي شيرت حقهااا : خايفه مو عارفه كيف بركب السياره وكيف بشوف الناااس أحس صعب كيف بيتجمعون كيف بكلمهم كيف بتعامل معهم أحس أني مو قادره خايــفــه أحس قلبي يعورني مو قادره أتخيل..
مشعل قام من الكرسي وجلس جمبها على السرير جاء بيحط يده من وراء ضـهـرهـا بس غزل قامت بسرررررعه من على السرير : تعرفني ماحب كذاا..
مشعل تنهد وتجاهل كلامها : تبين تجلسين هنا ليوم جوازنا؟!.
غزل : لااا ابي اطلع بس قلت لك شي خلااااص انسى عادي مافيها شي ..
مشعل قام وقف قدامهـا : ليش ماتحبين تبينن خوفك ضعفك ليش؟!.
غزل طالعت فيه ورفعت راصها له : لأني مو ضعيفه؟!.
مشعل : بس الحين خايفه..
غزل : لااا مو خــايـفــه..(وقفت عند شباك الغرفه وظهرها لمشعل)
مشعل : تناقضين نفسك..
غزل : أيش اللي تبي توصل له ؟!.
مشعل : خليك معي هـ الأسبوع..
غزل : لااا ابي اطلع (لفت وجهها له ) أكتشفت شي بشخصيتك؟!.
مشعل : اللي هو؟!.
غزل بجمود : مــــســتــــفز..
مشعل طالع فيها انصدم كانت قبل كم يوم شخصيتها زيي البيبي انا اللي اوجهها لكل شي صارت ترجع قدامه غزل لغرورها عزتها كرامتها صح يحبها بكل حالاتها بس خااااف ..
خاااف يقول كلمه او يعصب يخسر كل شي..
مشعل : لا تلوميني خـــايـــف عليك..
غزل :...............





ع ــــــــــنــــــد شهــــد الخالد..
الـســاعه 4..
شهد كانت بالمطبــخ فكرت تسوي حلى لأنهـا طفشانه ومو عارفه أيش تسوي..
دخل خالد المطبخ : ماخلصتي؟!.
شهد : باقي 7 دقايق ويستوي..
خالد ابتسم : وشو اللي يستوي؟!.أنـا أقول ماخلصتي لبس عشان نروح؟!.
شهد: وين ؟!.
خالد : لغزل..
شهد لفت للفرن تشوف الحلى : لا مو رايحه..
خالد استغرب: ليش؟!
شهد بعصبيه : بس مو رايحه وخلاااص..
خالد انقهر من اسلوبها بس قال بكل برود : براحــتـــك..
شهـــد نفسي أشوفك بس ماستحمل والله ياغزل ماستحمل الشك اللي بعيونهم وحشتيني يالغزل كيف أطمن عليك وأشوفك ..

ع ـــنـــد خالد يالله يشهد لدرجة ذي قلبك قسي حتى غزل اللي كنا نحسكم تؤام ماتبين تشوفينها لدرجة ذي (ابتسم)اللي طلبت الطلاق من ثاني يوم جواز استغرب انها ماتبي تشوف غزل





الــ ع ـــــــــنـــود ..
جالسه بغرفتها غريب صار له يومين ماسأل عني ولا أهتم دايم يتصل ويسأل أشبه لا يكون فيه شي أتصلت عليه..
كان طالع مع مع أثنين من أصحابــه يتمشون سمع صوت جوالها طالع لقي اسمهـا (عنود القلب) حط الجوال على الصامت ومشي..
عندها غريب يدق لين يقفل ومايرد بسم الله لا يكون صاير له شي رجعت أتصلت..
ومارد ..
أرسلت له (تركي تكفى طمني عنك صار لي يومين ماعرف عنك شي طمني)
قرا الرساله وده يكلمها يقولها واحشتني ميت وله لك ودي اشوفك ودي اسمع صوتك واسولف معك بس مايبي..
رجعت اتصلت مره ثانيه ماقدر يوم شافها تتصل رد..
العنود : ألو تركي..
تركي يحس أنه كان ظميان لها وأرتوى حاول يكون طبيعي : هـلااا..
العنود خافت عليه : تركي فيك شي؟!.تركي وينك؟!يومين ماتصلت علي ولا سألت أنت بخير؟!.
تركي اللي كان يحسب العنود تحبه بس مو لدرجة ذي الخوف بصوتها عليه كلماتها المتسارعه ربكتها حس بحبها من صوتها وخوفها : لا أنـا بخير أنتٍ كيفك؟!.
العنود اتنهدت وجلست على كرسي التسريحه وبصوت اطمن على تركي بس فيه نبرة ضيق وله : أنـا بخير (بعتب)ممكن أعرف ليش ماسألت عني يومين؟!.
تركي صوتها اربكه جننه خلاااه يحتار ماتعود على النبره والحنان بصوتهاا : أنـا اكلمك شويه الحين مشغول..
وقفل الخط ..
العنود أنصدمت بحياته تركي ماكان معاها جامد لدرجة ذي دايم يكون رومنسي يوم يكلمها أو يمزح ويستهبل حتى أسمي ماقاله ماترك لي مجال اقوله مع السلامه على طول قفل..




ع ـــنــــــد غزل بالمستشفى..
دخل مشعل وهي عند الدولاب..
مشعل : سلام..
غزل : وعليكم السلام وش جايبك قبل ساعك كنت عندي..
مشعل : الحمد لله ياارب رزقتني بزوجه رومنسيه الحمد لله..
غزل بتضحك بس كاتمه ضحكتهااا قالت بغرور : يحصلك الغزل وتقول لاااا..
مشعل غمض عيونه لثواني نفس الغرور يومين فقده والحين رجع همس لها : أحبك..