الــبـارت الــ54



مشعل غمض عيونه لثواني نفس الغرور يومين فقده والحين رجع همس لها : أحبك..
غزل لفت عنه وصارت تلخبط بدولااب مو عارفه أيش تسوي..
مشعل : أيش تسوين؟!.
غزل : مدري مو عارفه ايش اسوي ؟!.أيش أخذ وكيف؟!.
مشعل : ترا كل اللي هنا كم بنطلون وتي شيرت مو عارفه ايش تسوين؟!.
غزل لفت له ومدت بوزها لا مو عارفه..
مشعل ابتسم : خلاااص انا اخذها معي ..
غزل استغربت : وين؟!.
مشعل : بيتنــا يعني وين كلها أســبــوع وتجين..
غزل : أووف جننتني اسبوع اسبوع اسبوع اسبوع ياخي أفرض أموووت بـ الأٍسبوع ذا..
مشعل عصب وقرب منهـا : بسم الله عليك قولي استغفر الله..
غزل : ههههه أِشــبك عصبت؟!.
مشعل عقد حواجبه : حرام عليك لا تقولين كذاا أنتٍ ماتعرفين أنتٍ شو بالنسبه لي ليه مو قادره تحسين بحبي قووولي استغفر الله..
غزل ابتسمت حبت خوفه عليهاا واحساسه : مو قااايله..
مشعل : غزززل ماأمزح قوووولي استغفر الله..
غزل تبعد عنه : مو قااايله ههههههههههه ..
مشعل يمشي لهااا وغزل دخلت الحمام بتصك الباب الا مشعل دفه رفـــع صوته : قتلك مااامزح..
غزل أنقهرت على طوول يعصب : وانا بعد مااامزح..
مشعل : أجل قولي استغفر الله..
غزل وقفت وطالعت فيه بقوه : مو قاايله أيش دخلك حياتي ولا حياتك أفففففف..
مشعل قرب منهـا ومسك يدهـا حطهـا وراء ضهرهـا : بتقولين ولا ؟.
غزل : اااااي تعورني ماااابي مو قااايله..
مشعل : بفهم ليش العناد بكل شي؟!.
غزل تكلمت باحساسها : لأنك لو تبغاني اقولها في ألف طريقه ترغبني مو تلوي يدي اااي تعورني..
مشعل ابتسم باس كف يدهـا اللي كان ماسكه وقرب وجهه من وجهها وهمس : يلاا قولي..
غزل تحاول تبعد وجهها تصـــد جهه اليمين واليسار وبصوت متقطع ومرتبك : م شــ عـــل.
بعـــــ ..د ..
مشعل : طيب قولي وانا أبــــعد..
غزل : أس س تـــغــ فر الله..
مشعل تركهاا : هههههههههههههه ياحلوك يوم تسمعين الكلام..
غزل مستحيه منه ومن قربه طلعت برا الحمام وراحت عند الدولااب حطت البناطيل بشنطه من غير ماطبقها وحطت التي شيرتات مطبقه تطبيق أي كلام..
مشعل طلع من الحمام ابتسم : وش تسوين؟!.
غزل : .............
مشعل : وش فيك؟!.
غزل لفت له وبقهر : إن مافشلتك يوم الجواز وقلت مااابي ماكون الغزل..
مشعل مد بوزه : وأهون عليك..
غزل لفت عنه تكمل ترتيب اغراضها :.....................
مشعل جلس على السرير : زعلان نرضيك ونزيدك رضى وأكثر ..
دق الباب مشعل وقف استغرب : تفضل..
دخل خالد : سلاااام..
غزل ابتسمت : هلااا عليك السلام..
مشعل : عليك السلام..
خالد يبتسم ويقرب من غزل ويبوس جبينها : كيفك؟!.
غزل : الحمد لله أنت كيفك؟!.
خالد : بخير وحشتيني..
غزل : ماسافرتوا؟!.
خالد : لااا مو قلت لك بنأجل..
غزل حست بتحطيم : لييييش شهر العسل حلو فوتوه عليكم قهر بس لسى في وقت ماصار لكم متزوجين أسبوع روحوا الحين..
خالد : وزواجك؟!.
غزل : لا مابتزوج من قال؟!.
مشعل يقرب منهم ويكتف يدينــه : على أساس أني هنا وشو؟!.
غزل ابتسمت : الثور (ِشافت مشعل طير عيونه فيها )قصدي الدكتور..
مشعل يقرب منها بس هي راحت وراء ضهر خالد..
مشعل : انا قاايل مابتوبين قال فاقده الذاكره قال..
خالد وهو يلف لغزل ويحاوطهـا بيديه : ههههههههه برضك على ثور..
غزل رفعت نظرها لخالد : ليش كنت اقول قبل؟!.
خالد : كنتي كل مره تسوين نفس الحركه هذي..
غزل : هههههههههه (طالعت بمشعل)تستاهل..
مشعل ابتسم لها : طيــب سوي كل اللي تبين الحين لاكن بعدين نشوف..
غزل طنشته : وين شهد؟!.
خالد تغرت ملامح وجهه وبان عليه الحزن والضيق : بالبيت شوي تعبانه وماقدرت تجي..
غزل : طيب مدام ماسافرتوا ليش ماجيتوني الأيام اللي راحت؟!.
خالد : حبيبتي شهد كانت تعبانه وانشغلت معها..
مشعل : اشبها؟!.
خالد طالع بمشعل : عااادي انلفونزا..
خالد : تبين ننتظر أبوي ولا نروح؟!.
غزل خافت بس حاولت ماتبين : امم مدري عادي..
خالد : أجل يلااا مشيـنا..
غزل بان على نظراتها الخوف وارتبكت : اللحين؟!.
خالد ابتسم : أيــه وين أغراضك؟!.
غزل أشرت له على الشنطه اللي جواء الدولااب مفتوحــه
كان الدوب مفتوح تقدم خالد لدولاب وقفل الشنــطه لف لها : يلااا مشينا..
غزل طالعت فيه : ط ط ..يب بس اغير..
طلع خالد وطلع معه مشعل..
جلست غزل على السرير عيونها كل دمووع ليش مو حاسين فيني انا خاايــفه كيف أركب معه السياره أنزل أجلس لو أهلي وأخواني ماذكر خاايفه انا يوم يقرب مني خاايفه يوم يسلم علي أحس برجفه داخلي كيف برووح مااابي ابي اجلس هنااا..
كيف بمشي معه وهو اللي يدلني وين واروح وين أجلس وانا مدري اللي يقوله صح ولا غلط مدري مااذكر ياربي ترجع لي الذاكره ..
طب انا الحين أيش أسوي ماابي أروح مااابي..



ع ـــنـــد مــشــعــل وخالد..
مشعل : أنا بجي أعطيها أدويتها..
خالد : لا قول لي عليها أنـا بعطيها..
مشعل : خالد أدويتها بكل وقت مـ..
خالد قاطعه : مشعل أنا بعطيها قول لي عليها وبعدين كله أسبوع..
مشعل : طيب (وراه الأدويـــه ومواعيدهـا وتفاصيل كل دواء)
خالد بعد ماعرف الأدويــه مشي هو ومشعل لغرفة غزل شافها ماطلعت وباب الغرفه سى مصكوك..
خالد : أنـا بودي شنطتها السياره وأجي على ماتخلص..
مشعل أشر له براصه بمعنى أوك.
راح خالد يودي الشنطه ومشعل دق الباب على غزل ودخل..
شافها على السرير جالسه منتبهه له بس كانت دموعها على خدها وساكته تتأمل مشعل مافي كلمه لقيتها تعبر عن اللي جواها..
مشعل دخل وصك الباب وقرب منها: غزل أشبك؟!.
غزل دموعها على خدها وساكته :.....................
مشعل جلس جمبهـا مسك يدينهـا : حبيبتي أِشبك؟!.
غزل تبعد يدها عنه وتمسح دموعها : و و و و ولا ا شـ..ي..
مشعل يمسك يدينها : ودموع على خد حبيبي ويدك اللي ترجف ولا شي.
غزل صارت تبكي أكثر : أن ا ا خـ اايــ فـ ه..
مشعل حط يده حول كتفهـا : غزل حبيبتي أنـ..
غزل قامت من على السرير وبعدت عنــه وقفت عند الدولااب سانده ظهرها عليـــه : لا تستغل المواقف الف مره قلت لك لا تقرب مني..
مشعل تــنهد : طيب بس ليش تبكين ماحب اشوفك دموعك..
غزل : مافيني شي..
مشعل يقوم من السرير ويقرب منها : ودموعك ذي..غزل دموعك عذابي ألف مره قلت لك ماحب أشوفهـا ماضيعني غير دموعك تخليني ماعرف أسوي شي..
غزل رجعت تبكي : أنـا خايفه أنتوا مو حاسين فيني عارفه وفاهمه أيش بتقولي أهلك وأنتٍ فاقده أحداث مو أحساس بس أنـا ماااتخيل والله ماتخيل أروح معه وأجلس وأتكلم ماتخيل الحين كيف بركب معه السياره خااايفه منه أدري أنه أخوي بس خايفه ماني متخيله امشي معه وأجلس دخل بيت ماعرفهم والله ماتذكر تعبت (صارت تبكي أكثر ومو قادره تتكلم)
مشعل بيحظنهـا قرب منهـا :..........
غزل عصبت : ألف مره قلت لك لا تستغل المواااقف..
مشعل حاس فيها وفاهمها : خلاااص مابتطلعين من هنا..
غزل طالعت بمشعل : وين المناديل (شافتها على الطاوله اخذت مناديل ومسحت دموعها وتحت عينها الكحل اللي سايح)لو ماطلعت اليوم مابطلع بكرا..
مشعل :لا تجلسين هنا ليوم جوازنــا بعدين بتكونين معي..
غزل تلعب بالمنديل بيدها : وأنت أعرفك أنـا هنا بس عشاني بالمستشفى يمكن تعودت شوي بس خايفه اطلع ..
مشعل :طيب خليك هنـا الأسبوع ذا بعدين نشوف حل..
غزل : لا بطــلع..
مشعل : أتركي العناد عنك خلاااص مافي طلعه أنـا طالع اكلمهم..
مشي بيطلع من الغرفه بيشوف خالد..
بس وقفه صوتها : أنـا قلت أبي أطلــع خلاااص بحاول اتعود أنـا مو ضعيفه ..
مشعل لف لها : طول عمرك تحاولين تسوين أشياء ماتقدرين عليها..
غزل : لا أقـــدر..
مشعل : غزل أفهميني خايف عليك خايف يصير لك شي خليك هنا معاااي..
غزل :لا خلاااص الله يخليك بطلع..
مشعل : ......................
غزل شافت الخوف بعيــونه ابتسمت : بــقــدر صدقني بقدر..
مشعل :غزل أدري أنك قويــه وفاهم وأدري أنك ماتحبين تكونين قدم أحد ضعيفه لا تسوين كذا على حساب نفسك كلها أسبوع..
غزل :مشعل خلااص قلت لك بقدر يلااا تأخرت..
مشعل طلع وتركهـا..
غزل أشبه انا ناقصته أدري أن الجلسه هنا أحسن لي بس مابي أكوون ضعيفه مابي يحس أني تايهه ومو مرتاحه غير معاه أبـي أٌقوى وأقدر..
مشعل اللي طلع من غرفتهـا شاف خالد واقف ينتظره ماعرف أش يقول مايبي يقول لخالد كلامــه مع غزل ..
خالد : أشبك؟!.
مشعل : ولا شـي كنت أشوف غزل..(سكت شوي) خالد ماودي غزل تطلع من هنـا ..
خالد : ليش؟!.
مشعل : غزل خايــفه خوف مو طبيعي من الطلعه بس تنكر ماتبي تبين ضعغها تحسب أدري التفاصيل مو قادره تتصور كيف الحين بتركب معاك بسياره وكيف بتكون بالبيت وتتحرك وتمشي تحس أنو مو من حقهـا خــايف يصير لها شي تفكر بأتفه الأشياء بلحظة ضعف ويوم قلت لها أجلسي رفضت أحترت معها..
خالد : أيش رايك أنا أقولهـا تجلس؟!.
مشعل : أخاف تفكر أنكم ماتبونهـا..
خالد : المفروض من اول ماجبرناهااا علينـا وخليناها على راحتها مو كذا محنا عارفين نتعامل معاها..
مشعل وقتها لو جلست عمري كله أحاول أكسب غزل مابقدر :........................




ع ـــنـــــــد أريــــــــج.الــ ع ــبـــــد العزيز..
عبد العزيز توهـ متروش وطالع من الحمام..
أمـا أريج أتروشت قبله وتوهـا مخلصــه أستشوار شعرها..
لــبست (امم عارفين فساتين البيت الناعمه اللي كأنهـا روب بس هي فساتين نعومــه وقماشهـا طبيعي ناعم ماتـــنــفع للخروج بس للبيت)
لبست فستان لونـــه لؤلؤي يوصل لحد الركبـــه ..
ومن عند الصدر فــتــحه على شكل سبعه كبيره شوي.. وأطراف فتحة الصدر كلفة تريكوا ناعمه نفس الفستان..
أتعطرت وحطت كحل ومرطب ..
أريج تفكر يالله زمان كنت أترتب لأني أحب أترتب بس مرات يكون مالي خلق أمـا اللحين يوم تزوجت غير يالله والله تعب يمدي عبير بطق أعرفهـا ماتحب ترتب الله يعينك ياسلطان بس أكيد اللحين أتغيرت مستحيل المتزوجه ماتترتب اصلاً لازم زوجهـا جمبهـا كل شوي اكيد تستحي وتبي تكون قدامه حلوهـ ونظيفة اممم يبغالي أروح السوق أجدد أغراضي..
كانت تفكر مانتبهت لعبد العزيز اللي تروش وطلع وجالس عند التسريحه ينشف شعره..
عبد العزيز : جوجو..جوووجووو..
اريج وهي جالسه على الكرسي : هلااا..
عبد العزيز : بأيش سرحانه؟!.
اريج : والله ولا شي عادي أفكر..
عبد العزيز رمى المنشفة على السرير وجلس قدامها : تدرين انك أحلى وأغلى شي بحياتي..
اريج ابتسمت :...........
عبد العزيز : تدرين أيش أكثر شي يعجبني فيك؟!.
أريج : وشو؟!.
عبد العزيز : أنك دايم متجدده وماتحسسيني بروتين..
أريج ابتسمت :..........
عبد العزيز : تبين نطلع؟!.
أريج : لا ماابي أيش رايك نتفرج موفي؟!.
عبد العزيز : اوك..
أريج ابتسمت : أممم أجل أنـا بقوم أسوي لنـا عصير وأجيب خفايــف وأنت أختار يانتفرج بـلاااب أو أخر السي ديات اللي جبتها..
طلعت أريـــج من الــغرفــــه وعبد العزيز قــــام من على السريـــر تـــعطــــر وفتح الدرج يدور على السي ديااات مالقيهاا..
تذكر شــي فتح درج الكمدينــه اللي جمب أريـــج ..
لـقـي الشريط مو نـــاقـــص عن أخر مرهـ شافـــه..
رجــعه مكانـــه وطلع من الغرفه..
عبد العزيز : جوجو..
أريج بالمطبخ : هنا حبيبي..
عبد العزيز : ماخلصتي؟!.
اريج عند الخلاط وحاطــه فيهـا الفواكــه بس بتشغلــه : بس باقي الـعصير..
عبد العزيز يوقف قدامهـا ويرتخي على دولااب المطبخ ويحط يده عليــه :أوك..
أريج شغلت الخلاط وحطت الكاسات جمبـــه..
جابت تلج بتحطه بلخلاط بعد الفواكه مانعصرت..
قفلت الخلاط وفتحته بتحط التلج قاطعهـا عبد العزيز : حبيبتي أخذتي الحبوب اليوم؟!.
أريج وهي تحط التلج : أي حبوب؟!.
عبد العزيز : منــع الحمل..
أريج اللي كانت بتشغل الخلاط أنصدمت من سؤاله لفت راصهـا له : من متى تسأل؟!.
عبد العزيز : ليش ماخذتي اليوم؟!.
أريج بجرح : تدور من وراي تخاف أحمل منك ؟!.
عبد العزيز : أريج لا تفسرين الموضوع كذا؟!.ليش مااخذتيهـا مو خــايفه تحملين ويرجع الموضوع من جديد؟!.منبه عليك الف مره تاخذينها أريج بضل لمتى أشوف وراك اخذتيها ولا لا..
أريج بسخريــه : هه توك تقول يعجبني فيك أنك متجدده تدري أيش تذكرت ودار ببالي لو غزل سمعتك وأنت تقول كذا تدري أيش بتقول لك ؟!.بتقولك أنك غرايزي وأن اللي يهمك مو أنـا كل اللي هامك أن كل مره تسوي غريزتك بجو غير وطريقه غـير الشي اللي تحبه فيني التجدد والحين جايني تجرحني بكلامك مع كل اللي اسويه لك وعمري ماسويته عشان تقول لي تجدد كل شي أسويه لك من حب وسكت وقلت معليش يااريج هو ماقصده تجيني الحين تقولي أخذتي الحبوب تدري عبد العزيز أيش حــسستني حسيت أنك متزوجني مسيار أو عرفـي وماتبيني أحمل لدرجة ذي ماتبي طفــل مني ..(أنــخنــق صوتهـا تبي تتكلم تقوله عن جرحهـا عن اسلوبه عن ضيقتها اللي تحسهـا عن حساسيتها الزايده بس مو قادره تتكلم صوتهـا أنخنق بالبكى)
عبد العزيز : أنــا متزوجك أنتِ مو متزوج غزل عشان تقولين لي غزل لو سمعت ولو مدري وش..
أريج رفعت نظرهـا له وعيونها كلهـا دموع : أخذت من الموضوع اللي يهمك بس..
عبد العزيز قرب منهـا بيحظنهـــا : ...........
أريــج تبعد : بــــــــــعد مابيك تلمسني..
عبد العزيز يحط يدينـه الأثنين على كتوفهـا : أريـــج أفهميني كبري عقلك ..
أريج بتطلع من المطبــخ بس يدين عبد العزيز مثبتتهـا : أبــعد عني عبد العزيز خليني ابي أجلس لحالي..
عبد العزيز بصوت خفيف وهو يتأمل عيونهـا: أريج أحنـا متفقين من أول وتعرفين أني مابي أطفال غير منك..
أريج غمضت عيونهـا : طيــــب..
عبد العزيز باس خدهـــا : يلاا حبيبتي خذيها الحين لازم اليوم تاخذينهـا ثلاااث مرات عشان لو كان في حمل يفســـد المفعول..
أريــج نزلت دموعهـــا : الله ياخذني ياشيخ (بعدت يدينـــه بقوهـ وبعدت عنه وطلعت من المطبخ دخلت غرفة النوم وقفلة الباب)..
أمـا عبد العزيز اللي تنهد وهو يشوفهـا تمشي قدامه رايحه للغزفـــه أريج صايره حساسه أكثر من اللازم ولا أنـا مو قادر أفهمهاا؟!.


ع ـــنـــــــــــد غزل ..
اللي صار قبل ربــع ساعه ..
غزل لبست عبايتها واخذت شنطه صغيره فيها اغراض لها قلها مشعل انهـا حقتهـا (تذكرون الشنطه اللي جابها لها حقتها يوم فقدت الذاكره المرهـ الأولى هي نفسهـا مشعل قلها انهـا حقتهـا)
أنتظرت خالد يجي يقولها يلااا ماجاء فتحت باب غرفتها شافته واقف هو مشعل أنتبهوا لهـا حاول خالد يقنعهـا تجلس لو تبي بس هي أصرت وراحت معه كانت خايفه وحتى بسياره ساكته وكلاماتهـا مختصرهـ..
عند بوابـــــــــــــــة بيتهم..
خالد يبتسم : نورتـــــــــــــي بيتــنــــــــــا..
غزل طالع بالبوابــه وواجهة الفيلاا وخالد يوم وقف:............
خالد ينزل شنطتهـا فتح الباب اللي حق غزل ومد لهـا يدهـ ..
غزل قلبهـا يدق وخايفه بس تحاول تخبي مسكت بيدهـ نزلت من السياره وتركت يدهـ مشيت وهو يمشي جمبهـا :..............
غزل تتأمل الحديقـــه والمسبح الطاوله الصغيره والأربع كراسي الل حولهـا..
وقفت تتأمل..
خالد حط يده على كتفهـا : أشبك حبيبتي؟!.
غزل أبعدت عنه بهدوء ماتبيه يفهم بس هو عارف من كلام مشعل : ولا شي بس بتفرج..
خالد انقهر بداخله بيتهم مو قادره تعرفه سكت خاف يقول كلمه تجرحها ..
غزل لفت له ماتبي تتفرج وهو يشوفها تحس بألم داخلها لفت له : وين بنروح؟!.
خالد : مكان ماتبين روحي تبين تنامين نامي تبين ترقصين زيي عااادتك 24 ساعه بقاعه السبور تبين تاكلين لا تسأليني غزل هذي حريتك وهذا بيتك..
غزل : طيب ..
خالد : ندخل؟!.
غزل : اوك..
دخل خالد ووراه غزل كانت تتأمل أدق التفاصيل بالبيت..
خالد ينادي : تـيـــــنـــــــــا تـيـــنــــــــا..
تينا جاته : نــئـــم بابا..(شافت غزل ابتسمت وبانت عليها الفرحه) مدااام ئـــزل كيف هااااالك
غزل أبتسمت : أهلين الحمد لله أنتِ كيفك؟!.
تينا : من زمااان فــين أنتــا كتير مافي ســوف أنـتــا من تــلاتــه أو أربع ســهـــر..
غزل طالعت بخالد : أيش اللي 4 شهور وين كنت ؟!.
خالد تهرب ويكلم تينا : تينا شوفي الشنطه حقت غزل خذيهـا (أِشر لها على الشنطه اللي عند باب الصاله )طلعيها غرفة غزل ..
تينا : أوكي (وراحت أخذت الشنطه وطلعتها فوق)
غزل واقـفـه..
خالد لف لها وقرب منهـا شوي : غزل أشبك؟!.هذا بــيتك ملكك من دخلنـا وأنتِ واقــفه سوي فيه اللي تبين لا تكوني مقيده..
غزل ابتسمت : أدري عاادي مافيني شي.
جلس خالد وهي جلست..
خالد : حتى عبايتك مافصختيها..
غزل وهي تفك المسفـع (الطرحه)وتنزلها على رقبتهـا : امم خليني شوي عادي مرتاحه كذا..
خالد : طـيـ..
الا سمع أبوهـ ينادي..
فهـد : خـــــــــالد خـــــــــــــــــالد..
خالد قام من الصاله بيروح أشوف ابوهـ اللي توه داخل البيت : سم يــبـــه..
فهد : وينك؟!متى جيت شفت سيارتك براا ماتوقعت القاك هنـا يلااا بسرعه بنروح لغزل..
خالد ابتسم : غـــزل هنـــا..
فهد : كيف؟!.ومتى جات؟!.
غزل اللي قامت ووقفت عند باب الصاله اللي يوريك باب البيت تشوف ابوها واقفه خايفه تقدم..
فهد شافهـا ابتسم لهاا وقرب منهـا وهو يبتسم : ياهلااا بنور البيت ياهلااا بحبية قلب أبوهـااا (باس جبينها وضمها لصدره)نورتي البيت اليوم اللي حسيت فيه حيااه..
غزل ابتسمت :.........
فهد : أيش فيها غزالتي ليش ساكته؟!.تكلمي..
خالد : من جينا وهي ساكته تدرين غزل يوم ترجع لك الذاكره بتقولين أنـا ليش كنت ساكته؟!.كان مافي أطول من لسانك..
غزل : من جد ؟!.
خالد : هههههههههههههههههههه..
فهد : يمزح معااااك بـس ماكنتي كذا كنتي تتكلمين وتسولفين مافي النظرة ذي بعيونك..
غزل : نظرة وش مافيني شي بس دايخه صاحيه من بدري..
فهد : طيب أطلعي نامي حبيبتي..
غزل : أيـه بنام الحين..
خالد : يبه بترجع الشركه؟!.
فهد : أيه كنت أحسب أن غزل بتجلس معنا بس مزول أنهـا بتنام وراي شغل بخلصه..
خالد : خليك أرتــاح وأنـــا أروح أشــوفهم واللي لازم أنت تشوفه أجيبه لك ولا بكرا تشوفه..
فهد : لااا خلاااص بروح أخلصه وأرجع..
خالد : على راحتك.
فهد طالع بغزل وابتسم : تبين شي ؟!.
غزل ابتسمت : سلامتك..
طلع فهد وراح لشركـــه..
خالد طالع بغزل : أشبك؟!.
غزل : شهد مابتجي؟!.
خالد : إلاا أكيــد بكرا بتجي..
غزل مو عارفه وين تروح وأيش تسوي ماتدري وين تنام وهي اصلاً ماتبي تنام بس تبي تجلس لوحدها ويعتقدون أنهـا نايمه.قالت بحرج : خالد؟!.
خالد : هلااا غزل ..
غزل : وين بنام؟!.
خالد : بغرفتك حبيبتي..
غزل : أدري بس وين؟!.
خالد أبتسم لها : أبي أكلمك أول بعدين تروحين تنامين أوك..
غزل : خير أيش فيه؟!.
خالد : تعالي غرفتي نتكلم ..
طلع خالد وغزل وراه تطلــع دخل غرفتـــه وقف دخلت غزل جلس على السرير وغزل واقفه خالد استغرب : غزل أجلسي..
جلست غزل على الكرسي :هلااا..
خالد : غزل شوفي أنــا عارف أنو صعب ولو أنـا مكانك مدري وش صار فيني بس غزل أقنعي نفسك أنك متذكره كل شي تصرفي عااادي أعتبري هذا بيت جديد مو ماتعرفينه شيلي الخجل من بالك الحين تدخلين غرف أخوك تنظريني أقـولك أجلسي؟!.مو قادره تتحركين على راحتك غزل سوي اللي بداخلك واللي تبينه بكرا يوم البنات بيجونك بيجلسون يمزحون ويتكلمون معك بتكونين كذاا زوزو حبيبتي مابي أخوفــك بس ماتدرين متى ترجع لك الذاكره بس نبيك تكونين معانا زيي عادتك ابيك تاخذين راحتك..
غزل تفرك يدينها ببعض : أنـا..بس..مدري ..
خالد : أشبك حبيبتي ؟!.
غزل : أنا عارفه كل اللي قلته وبحاول واصلا من دخلت هنا أحس أني عارفه المكان وفي شي غريب حاسته بس مدري..
خالد فرح : جد؟!.قادره تذكرين شي؟!.
غزل : مدري بس مو مستغربه المكان حاسه بشي غريب مو عارفه مدري مدري أنــا أبــي أنـام أحس أني مصدعه..
خالد : طــيــب ..
غزل توقف بتمشي رجعت لفت له: بـ..
خالد قاطعهـا : اللي جمبي..
غزل ابتسمت وعرفت أنه فهمهـا : أنت بتجلس هنا؟!.
خالد : أيه ليش؟!.
غزل : وشــهـــد؟!.
خالد : بروح شوي وأرجع..
غزل : طيب..



وطلعت من غرفته تاملت الصـــاله الــصغيرهـ الي قدام الـغرف..
غزل امم خالد قلي الغرفه اللي جمبي يعني هاذي امم وهذيك غرف مين؟!.امم اول شي اشوف غرفتي..
فتحت الباب لقيت تينـــا طلع ملااابسها من الشنطـــه غزل ابتسمت : ....
تينــا : مدام ئـــزل أنـا كتير فرحان أنت في أرجــــــــــع..
غزل ابتسمت : شكرا تينا جيبي لـي مويــــــــه..
تينا : أوكـي ..
غزل تتأمل الغرفه السرير التسريحه الدولاب كل التفاصيل اللي بالغرفــه تقدمت لتسريحـــه شافت عطور وميك أب ..
فتحت اول درج من الأدراج لقيته مو مرتب جلست على كرسي التسريحه تتفرج تشوف بكلاااتهـا أكسوارتهـا الأطواق تتأملهـا كأنهـا جديدهـ أول مرهـ تشوفهـا..
فتحت الثاني ولقيت فيه ساعات وجلست تتفرج وتدور بين الأغراض..
جلست دقايق عند التسريحــه وقامت تبي تشوف كل شي راحت عند الكمديــنه فتحت الدرج الأول لقيت دفتر صغير وشباكه وورد مجفف وصوره لها شافت صورتهـا ..
غزل ياترى كنت فين وكيف أيــش الموقف اللي تصورت فيه ومين اللي صورني..
حســت بصداع قوي ..
جلست على السرير وماسكه راصهـا بيدهـا :أأأأأأه مرهـ يأأألـــم..
سمعت صوت جوال تلفت حولهـا ماشافته تذكرت أن الجوال اللي مشعل عطاهـا شافت شنطه يدهـا حطتهـا تينا جمب شنطــة ملابسهـا..
قــامت غـزل لشنطـــه وطلعت الجوال منهـا وردت : ألــو..
مشعل : غزل صار لي ساعه أتصــل ليه ماتردين؟!.
غزل : هلاا ماكنت عند الجوال توي اللي دخلت الغرفه..
مشعل : طيب كيفك؟!.
غزل : الحمد لله..
مشعل : تدرين أن صار لي بالضبط ساعه ونص طالعه من هنـا أحس أني ضــقـــت..
غزل : هههه..
مشعل : طيب كيف مرتاحه؟!.غزل إذا تبين ترجعين قولي لي لا تضغطين على نفسك؟!.
غزل وبداء الصداع يزيد عندهـا : لا مو متضايقه بس مصدعه وكل شوي يزيد من دخلت البيت كان خفيف بس الحين زاد..
مشعل خاف ترجع لها الذاكره : غزل طيب ماتذكرتي شي مافي شي جاء ببالك؟!.
غزل : لااا بس حاســه لو أركز شوي وأفكر بتذكر بس من دخلت البيت مو قادره أحس أني مشوشه ومعاهم طول الوقت مدري والله مشعل مدري..
مشعل : نااامــي لا تفكرين بشي الحين نامي..
غزل : لا مابي أنـام جالسه اتــفرج على أغراضي بشوف كل شي بالغرفه يمكن أتذكر ..
تينا دخلت وجبت لها كاسة مويـــــــــــه..
غزل تاخذ الكاسه : دقيقه مشعل..في بندول؟!.
تينا : يس..
غزل : جيبي لي..
تينا : أوك..
غزل : ايوا مشعل..
مشعل : حبيبي بأيش حاسه؟!.
غزل : عادي مشعل تعب خفيف يروح الحين باخذ بندول ويروح..
مشعل : أنـا جايك اللحين..
غزل :ياربي مشعل والله مايحتاج صداع عادي....مشعل..
مشعل : عيونه..
غزل ابتسمت : كنت بسألك ..
مشعل : وشــو؟؟..
غزل : تينــا تــقول أن أنـا من أكثر من 3 أو 4 شهور ماشافتني ليش؟!.من متى صار لي حادث؟!.أنت قلت لي أن صار لي حادث بس ماقلت لي متى؟!وين؟!.
مشعل خاف تينــا تقول لغزل على أحمد (تذكرون تينا هي اللي كانت مع غزل وهـي بـبـيت أحمد وهي اللي أتصلت على شهد يوم أحمد ظربهـا) : غـــزل لازم أقــفــل شوي أكلمك..
غزل : أوك باي..



بــ غ ــــــــرفــــــــــــــــــــــة خــالد ..
كان منسدح على السرير يفكر بغزل وحالهـا يفكر بشهد وكيف بتكون حياتهم وكيف بسهوله كل شي بينهم أنتهى كيف المفروض يكونون الأيام ذي مبسوطين..
دق جواله..
خالد شاف الرقم مشعل : هلااا والله..
مشعل : هلاا فيك ..وينك؟!.
خالد : بالبيت..
مشعل : أي بيــت؟!.عند غزل؟!.
خالد : أي أنتظر أبوي يجي من الشركه وأروح على بيتي..
مشعل : قوم بسرعه طلع تينا من عند غزل ولا تخليها تتكلم مع غزل قالت لهـا أنهـا من 4 شهور ماشافتهـا وغزل تسأل خايف تحكي لهـا عن اللي صار وعن الحقير ..
خالد : خلااص أنـا الحين أقــوم أشوفهـا ..
مشعل : طيب سلام..
مشعل : مع السلامه..



عنــــد أريـــــــج الـــ ع ــبــــد العزيز..
دخل غــرفـــــــة النوم شــاف أريــــج على الكنبه رافعه رجولهـا عند صدرهـا وسانده راصهـا على الكنبه..
قرب منهــا يحسبهـا صاحيه..
لقيهـا نايمه..
جلس وراهـا ظهرهـا على صدرهـا ونيمهـا عليـــه حط راصهـا على صدرهـ أريج حست وفتحت عينهـا :.........
عبد العزيز بــاسهـــا : تدرين أن زعلك يألمني بقلبي..
أريج وهي نايمه على صدرهـ بهمس : جرحتني عزيز والله أتضايقت منك ..
عبد العزيز يبوس راصهـا : أسف ياعمري..
أريج نزلت دمعه من عينها : أنـا عارفه أني متغيره بس والله مو بيدي عزيز والله مو بــيـــــــــــدي أحاول بس مو قــــــــــادرهـ مو قادره..
عبد العزيز تــنــــهد : أنـــــا عارف حبيبتي..
أريج غمضت عيونها: .........
عبد العزيز : أخذتي الحــبـــــــه؟!.
أريج تنهدت : لااا..
عبد العزيز : حبيبي أريـــج أنتِ فاهمه وعارفه مو صغيره أفهمك أنتِ ماخذتي الحبه والمفروض تاخذينهـا كل يوم وتوقفينهـا يوم تجيك الدورهـ..
بس أنتِ أمس ماخذتيهـا ولو أنو جاتك الدورهـ قلت معليش بس أنتِ تذكرين زيين اليوم وش صار أريـــــــج أنـا أبي طفل منك بس مو مشوهـ
أريج كلامه يجرحهــا : طيب..
عبد العزيز تنهد : وينهـا؟!.
أريج كانت حاطه على الطاوله كاسة مويه وجايبه الحبوب بس ماشربتهاا حطتهـا(الحين الكنبه مو تجي فيها فتحات )حطتها فيها مدت يدهـا وهي نايمه على صدرهـ سحبت الشريط : هذا هوو..
عبد العزيز أخذ الشريط منهـا ومد يدهـ أخذ الكاسه من على الطاوله أخذ حبه من الحبوب وحطها بفمهـا وشربها المويـــه..
وحط الكاسه على الطاولـــة والشريط جمبهااا..
أريج مغمضه عيونها ونايمه على صدره بس مو قادرة تسيطر على دموعهـــا..
عبد العزيز يحط يده على شعرها : حبيبي عارف أنــــه صعب بس حنا نبي نعيش حياتنا كذااا حنا مرتاحين مافي أحد يزعجنـــا ولا أحد يضايقنــــا..
أريج تحــظـــنه وتلف يدينهــا حولينه وتشده لهاا وراصهـا على صدرهـ : لو أحنا نبي مانجيب لو 10 سنين عاادي بس مجبورين..
عبد العزيز : أريج ليه نعذب نـفسنـــا كلهـا فتره إن شاااء الله ويصير عندنــــا أطفال وبنطفش منهم بعد ونتـــمنى نكون جالسين رايقين هادين..
أريـــج : عزيز ليش مــاأحمل؟!.
عبد العزيز طالع فيها وهي على صدره مايشوف غير شعرها : من جدك ؟!.بلاا خبال؟!.
أريج : ليش؟!.
عبد العزيز : أريــــــــــج نجيب طفل نعذبه معنـــــــا وأحنـــا نتعذب فيه ليش؟!.وأحنا بأمكننا بقدرة ربي نجيب طفل سليم معافى ان شاء الله كلهـا مسأله وقت..
أريج خلاص ضايقه وتحس انها ضايعه : طــيـب..



ع ــــــــــنــــــــــد ع ــــــبـيــــــر الســلطـــــــــــــان..
رجع سلطان من الدوام لقيهـا طلعت من المجلس وبالحمام حق غرفتهم تتروش ناداها ماردت دق عليها الباب ماردت راح الحمام الثاني واخذ شاور وغير ملاااابسه أنسدح على السرير ينتظرهـا تطلع نام وهي ماطلعت..
أمــا عبير طلعت وتدعي انها ماتشوف سلطان يكون بصاله بأي مكان بس ماتشوفه وفرحت لمى طلعت ولقيته نايم على طول رمت المنشفه من على راصهـا ونامت جمبه..
لمى صحي سلطان شافهـا نايمه جمبه ابتسم أرتفع وسند راصه على يده : عبيري ..عبيري..
عبير : .........
سلطان : حبيبي..
عبير فتحت عيونها : امممم..
سلطان : قومي الوقت بدري أيش منيمنا؟!.
عبير اتذكرت : انا زعلانه منك لا تكلمني..
(اعطتـــه ظهرهـــــــــا)
سلطان : هههههه يالبى الزعلان (قرب منهـا وحط راصهـ على كتفهـا وهي نايمه)من اللي المفروض يزعل؟!.
عبير : أنــــــــــا..
سلطان باس خدهـــا : أســف.
عبير : ............
سلطان : لسى زعلااانه؟!.
عبير : أيـــــه..
سلطان : تدرين أني وربك أحب جنانك بس مو بكل وقت..
عبير تلف له وتنام على ظهرها : رجعت لكلمه مجنونه سلطان وش فيك؟!.
سلطان : مافيني غير حبك..
عبير ابتسمت : أضحك علي..
سلطان : ماضحك عليك والله أحب جنانك ..
عبير : رجع يقولي جنااان..
سلطان : طب خلاااص هبالك..
عبير عصبت جلست على السرير مربعه : سلطاااااااااان..
سلطان : ههههههههههه طيب خلااااص ربشتك..
عبير : اهئئئئئئئ أنــــــــــا مربوشـــه؟!.
سلطان قرب منهـا وهي جالسه ومسك يدهـا وجلس يعدعلى اصابعهـا : شفتي عقلك وجنانك وهبالك وخبالك وطيبتك وروحك وكل شي فيك انا احبه..
عبير ابتسمت : وأنـــــا أعشقك..
سلطان عض على شفته : كل يوم بزعلك عشان أسمع هالكلام..
عبير : هههههههه بالله سلطان مو طريقه حلوه؟!.
سلطان يبتسم : وش اللي فيها حلو؟!.ربك ستر كنت ناوي أذبحك وقتهـا عبير أزعاااج مو طبيعي ..
عبير مدت بوزهــا : كنت بصحيك بطريقة غير..
سلطان : تعالي جمبي بوسيني سوي جو رمنسي وانا اصحى من عيوني..
عبير تلوي فمها : هذا اللي انت تحبه وتبيه الرومنسيه انا مابي كذا ابي جو وحركااااااات..
سلطان يبتسم مهما حااول هذي عبير لو تحاول تكون رومنسيه تحب الهبال..





ع ــــــــنــــــــــــــــــد مــشـــــــــعل..
جالس بغرفة غزل تعود عليها صار لها شهور معاه بس كم ساعه طلعت فيها يحس انه فقدهاا..
أتصل على بندر ..
بندر : بسم الله الرحمن الرحيم..
مشعل يبتسم : أخبر الناس يوم أحد يتصل يقولون ألو..
بندر : ههههههه توي واصل أمداك مسكتني..
مشعل : وين كنت؟!.
بندر : كان في شغل لي برياض يخص تعييني بالمستشفى ورحت..
مشعل : كذا من غير ماتعلم أحد..
بندر : لا تكون ولي امري..
مشعل : لا ياااخال أنا أصغر منك..
بندر : مااالت اللي يشوفك يقول الفرق بيننا عشر سنين وبعدين أمك وأبوي يدرون أني سافرت..
مشعل : محد علمني..
بندر : شافوك لاهي منت معهم..
مشعل : ااااه فديتها اليوم طلعت من المستشفى..
بندر : وانا أقول مو متذكرني وهي عندك..
مشعل : وش ابي فيك وهي عندي..
بندر : هياا انقلع لا اشوف وجهك..
مشعل : لالالا تعال العذر والسموحه منك عازمك على العشاء..
بندر : لا تعبان بروح اشوف ابوي وانام..
مشعل : بلااا كسل اللي يشوفك يقول جاي من أوروبااا كلها الرياض أسبقني على بيت عمي فهد وأنا جايب العشاء وجاي..
بندر يستهبل : قلبه إستراحه؟!.
مشعل : من؟!.
بندر : بيت فهد قلب إستراحة شباب تقول اسبقني هناك طول عمري اعرفه بيت ..
مشعل : ههههههههههههههههههه لا ياشيخ بنروح نسهر مع خالد عمي مدام بشركه ..
بندر : وتطمن على غزل..
مشعل : لا مو كذا..
بندر : أجل؟!.
مشعل : غزل تتعرف عليك نسيت انها ماشافتك..
بندر : لا ماشاء الله عذر مقنع..
مشعل : بندر وش فيك ترا كله أســبوع وتصير زوجتي..
بندر : علم نفسك..
مشعل : أقــول لا يكثر أسبقني على هناك أنا الحين جايكم..
بندر : إن شاء الله عمي مصخرتكم أنـا مو خالكم..
مشعل : محشوم..
بندر : وقت المصالح..
مشعل : اشوا انك عارف..
بندر : ياقليل الخاتمه..
مشعل : هههههههههههه خلاااص طيب ياخالي تكفى تروح بيت عمي فهد وأنـــا شوي والحقكم..
بندر ابتسم : تااامر أمر سلام..
مشعل : مع السلامه..





بـــــــيــــــــــــت أبـــــــو سلطــــــــــان..
نورهـ تكلم حـصه على الفون..
نورهـ : خلاص العزومـــه لازم تدور مابقى وقــت..
حصه : أي والله صادقـــــة الا غزل بقي لها شي؟!.
نورهـ : لا أنــا وأنتِ خلصنــا كل شي وجبناه بس بشوف البنات أريج وشهد وبكلم عبير إذا ناقص شي ولا يعرفون غزل أيش تحب يجيبونه..
حصــة : ترا لازم غزل تقيس فستانهاا أخاف يوم الجواز نحوس فيه..
نورهـ : أيـــــــه إن شاء الله يوم تجي بكرا أخليها تقيسه..



ع ــــنــــــــد تركي..
منسدح على السرير يفــكر بالــ ع ـــــنود صح يحبهـا ويموت عليها ويموم سمع صوتهــا أشتاق لهــا بس خلاص مايبي يكمل شي غلط وحرام ..
يالله معقول بقدر مابشوفها ولا اكلمها .
انا وش فيني نسيت كلام استاذ صالح وش قال ..
أستاذ صالح : ياتركي ياولدي هي أنهـا تكشف شعرها لك على كل شعره اظهرتها محاسبه أنت أنك تمسك يدهـا أنك طالع فيها وبداخلك حب وشوق لها حراااام ..
تركي أخذ جواله من على الكمدينه شاف أتصالهـا مدة المكالمه 35 ثانيه ..
ياترا بقدر اصــبر عنك ياعنود القلب قدامي أقــل شي 5 سنين..
معقول بتحمل ؟!.أنـا مجرد أني أفكر أني ببعد عنهـا أشتقت لها..
بس بخبطهـا قبل معقول يوافقون أي بخطبهـا وأملك عليهـا ..
يالله متى يجي اليوم ذا اليوم (جلس يفكر ويخطط ويهدم ويبني ومو عارف وش بيصير معه لين مانام)





ع ـــــــنــــــــــد حســنـــاء..
الساعه 9 ونص بالليل..
جالسه بصالــة ودخل أحمد: سلام..
حسناء : عليك السلام..
أحمد : أشبك؟!.
حسناء : ولا شـــي..
أحمد سكت وجلس يقلب بالقنوات :............
حسناء أقوم أذبحه الحين معقول ماهميته أي تخصص أدخله وش ذا أهمهم أنـا ولا يبون يمشوني علي كيفهم ياليت بيدي أسوي شي ياترا لو أحد خطبني بيرضى لي أدرس طب؟!..
أحمد وهو يدير بالقنوات : بكرا بداومين؟!.
حسناء : أيـــه..
أحمد توقع أنهـا ترد تلومـــه تعاتــبــــــه ماتوقع هدوءهــــــــا أرخي صوت التلفزيون ولف لهـا : حسناء كلمي السنه ذي وبعدين حولي..
حسناء : أحول وشو؟!.بتخلوني بعد سنه طب؟!.
أحمد : حسناء أفهمي الطب ذا شي خلاااص ملغي..
حسناء : أيه صح محلل بس لـ الأولاد البنات محررم..
أحمد : بكرا لامن عقلتي وحطيتي عقلك براصك بتعرفين ان كلامنا صح..
حسناء : طيب..
أحمد : مابيك كذا تنهين الكلام ياحسناء يعني لو شي انا شايفه صح بقولك لاااا..
حسناء تنهدت : خلاااص احمد غير الموضوع ذا..
أحمديبتسم : طيب وش أخر علومك؟!.
حسناء : مافي علوم جديده ..
أحمد : أيش رايك نطلع يوم مع بعض من زمان ماطلعنا..
حسناء فاهمه أن قصده يراضيها وعارفه أن موضوع الطب مستحيل : وين؟!.
أحمد : نروح المكان اللي تبينه؟!.مطعم سوق وبعده نتعشى أختاري..
حسناء : اممم طيب نطلع بس مو اليومين ذي أبي ارتب نفسي بالجامعه..
أحمد : أيه لأن أنـا اصلاً عندي شوية شغل بالشركه على الربوع ولا عندك شي؟!.
حسناء : أممم مدري ماتوقع جدتي تروح..
أحمد : وين تروح؟!.
حسناء : اليوم نوف قالت لي أنه جواز غزل الربوع بس لسى عزومتهم مادارت..
أحمد أنصدم يحاول يستوعب : جواز من؟!.
حسناء لا ياربي أنـا وش قلت بس أحمد أظن أنه نسيها صار له كم يوم لا طلع صورهـا ولا سألني عنهاا:...........
أحمد : حسناء عيدي وش قلتي؟!.
حسناء : أحمد لاتـــ...
أحمد قاطعهـا : على ولد عمهـا على مشعل صح؟!.
حسناء : أيـــه..
أحمد غمض عيونه بقهر يحبهــــا شاف خيانتها قدام عينه بس عاذرهااا يبيها مستعد يغفر لها ماتجوز لا راضي يتجوز يبيها هي تكون غزاله وله..
قام من مكانه بيطلع من البيت حسناء قامت وراه : أحمد وين؟!.أحمد أنسااها لاهي لك ولا أنت لها..
أحمد طلع من البيت وصك الباب وراه..