الـــــــــــــــــــــــــــــبـــــــــــــــــا رت الــــــــــــــــــــ55





وين؟!.أحمد أنسااها لاهي لك ولا أنت لها..
أحمد طلع من البيت وصك الباب وراه ..



ع ـــــنـــــــــــد غــــــــــــــزل

جالسه على السرير وماسكه راصهـا يمر براصهـا صور بس مو قادره تركبهـا ولا قادره تجمعهـا تحسهـا مشوشـــــة مو قادره لا تقوم تمشي ولا تنام الصداع براصها مجننهـا..



ع ـــــــــنــــــــد شهـــــد

ياترى أيش تسوين ياغزل؟!.ياحظك ياخالد تشوفها وتتكلم معها الحين اكيد كلكم مع بعض هه ولا فكر يتصل علي ولا يشوفني ماخاف علي؟!.طيب كيف اقدر أشوف غزل؟!.بكرا اكيد مشعل بيكون فيه؟!.بس مو معقول بيكون معنا طوول الوقت ..أكيد خالد بيقولي تروحين مابيخلني لوحدي أفففففف





بـــــيـــــــــــــــت أبو خــــــــــالد..


وصـــل مشــــعل وقف سيارتــــه وجالس ياخذ أكياس العشاء..
الا يوصل بندر وينزل من سيارته ويسلم على مشعل..
مشعل يبتسم : هذا وأنـا قايلك اسبقني..
بندر : ياخي رحت سلمت على ابوي واخذت لي دش وجيت..
مشي مشعل وبنـــدر ..
دقوا الجرس وفتحت لهم الخدامة ..
مشعل : وينهم؟!.
بندر : دقيقه خلني اتصل على خالد..
مشعل : يخي ناده بيسمعك..
بندر : لا مشتهي العب عليه..
اتصل عليه..
خالد وهو بغرفته منسدح رد : هلااا والله..
بندر : هلاا فيك هلاا باللي مايسأل..
خالد : هههههههه والله انشغلت وبعدين قبل 3 أيام مكلمك وشو مرتك يوم كل يوم اكلمك..
بندر : هههههههههههههههههه أيه وش علومك؟!أخبارك؟!.
خالد : والله بخير متى ناوي ترجع والله فقدناك..
بندر : لالا مقدر ارد لك طلب بس انزل الصاله بتلاقاني..
خالد : هههههههههه لا من جد اتكلم؟!.
بندر : وانا بعد من جد أنزل بتلقاني قدامك..
خالد : لا حول وش فيك ماعرفك مزحك ثقيل؟!.
بندر : ياخوك محسسني أني كنت بصين وصعب اجي أنزل وبتشوف..
خالد :طيب وش أخبارك؟!...
بندر : لا حول ولا قوه الا بالله يعني تبيني ادخل عليك بغرفتك..
خالد : بندر وش فيك وش شارب؟!.
بندر اللي يطلع الدرج ومشعل معه يضحك على هبالهم فتح باب الغرفه على خالد اللي عيونه طلت :
مشعل : ههههههههههههه شكلك مصخره..
بندر : هاه صدقت..
خالد يقوم من على السرير ويسلم عليه : بسم الله وش فيه بيتنا قلب مطار جده؟!.
بندر : وش اسوي لك ساعه على ماتصدق كأني أتحايلك تنزل تحت..
خالد : يخي ماتوقعت أنك تدري أني هنا توقعتك تحسبني بيتي وشو أنزل الصاله.
مشعل : يلااا امشوا نتعشى ولا عاجبتكم الوقفه هنا..
خالد : يلااا..
مشعل طالع بخالد : عطيت غزل دواها؟!.
خالد ضرب جبينه : يووووه نسيت..
مشعل اتنرفز يحاول يخبي: هذا وأنت قايل كل ادويتها بعطيها هي وبلتزم..
خالد يشوف ساعته : ياخي مامر الا نص ساعه عليه وهي نايمه..
مشعل : طيب روح عطيها وقلها تنزل تتعشى..
خالد ياخذ كيس الأدويه من على تسريحته : صار..
راح غرفتها ..
وبندر ومشعل نازلين للصاله..
بس سمعوا صوت خالد..
خالد : طــيــب انسدحي أنسدحي..
غزل شوي وتبكي من الألم : لااا مااابي يزيد والله يزيد يأأألم..
خالد : ليه ماناديتيني من أول ؟!.
غزل صارت تبكي من الكلام مع خالد يزيد الألم : مو قادره اقوم خالد تكفى سيبني لحالي..
خالد : دقيقه أشوف مشعل.
وهو طالع من غرفتها بينزل لصاله شاف مشعل وبندر واقفين عند الدرج..
خالد : مشعـــل غزل متألمه من راصهــا مافي مسكن ؟!.
مشعل اللي يمشي لغرفتها : خليني أشوفهـا أول..
دخل مشعل ووراه خالد واقف عند الباب بندر ..
دخل شافها كيف ماسكه راصهـا ومتألمه..
مشعل قرب منهـا : غـــزل بأيش حاسه؟!.
غزل رفعت راصهـا وهي متألمه شافت مشعل وخالد وبندر ماعرفته : مشعل راصي راصي يعورني بينفجر ابي أي شي الله يخليك مو قادره اتحمل..
مشعل : طيب قولي لي بأيش حاسه؟!.
غزل ماسكه راصهـا وتضغط عليه بكفوف يدينهـا : مشعل أشوف خيالات مو عارفتهااا وضغط بيموتني تكفى ابي مسكن..
مشعل تنهد : طب انسدحي الحين اجيب لك أنسدحي..
غزل عصبت : ماابي انسدح ابي مسكن ..
مشعل : إن شاء الله يكون بشنطه ..
طلع من الغرفة وغزل حطت راصها على المخده وهي جالسه على السرير خلاااص الألم مرره يألمهـا صارت تبكي..
خالد قرب منهـا جلس على السرير : غزل حبيبي تبين نروح المستشفى..
غزل تبكي وهي راخيه راصها : لااا بس مسكن ابي شي يرحني..
خالد يمسح على راصهـا :.........
بندر اللي شاف غزل وهو من زمااان عنهـا سمع من مشعل كيف مو متقبله شي فرح بداخله معناها ذاكرتها قريب بترجع لهااا ..
طلع من الغرفه يشوف مشعل..
مشعل وهو بصاله اللي فوق يدور على على المسكن..
بندر : وش فيك؟!.
مشعل تنهد : ولا شي..
بندر ابتسم : ماصار لها كم ساعه بالبيت وبدت تحس بـ الأحداث معناها قريب ذاكرتها بترج عان شاء الله ..
مشعل سكت وأخذ من الشنطـــة الدواء ودخل الغرفه..
دخل شافها كيف راخيه راصها على المخده وهي جالسه : اشبها؟!.
خالد : مرره يألمهـا..
مشعل قرب من السرير : غزل..
غزل : امممم..
مشعل : قومي بعطيك المسكن..
غزل مدت كف يدها له تاخذ المسكن : هاتــــه راصي كذا أخف الألم مابي أتحرك..
مشعل : غــزل ماينفع أنسدحي يلاااا..
غزل رفعت راصهـا وحست الألم زاد: اااه مو قلت لك يزيد..
مشعل شاف كيف دموعهـا تنزل من الألم : الحين بترتاحين بس أنسدحي يلاااا..
غزل أنسدحت على السرير ومشعل غطاها جلس على السرير فتح الأبره من حقهـا الغلاف..
غزل خافت بس اهم شي عندها يخف الصداع : ليش أبره؟!.
مشعل : مامــعي غيرهـا مسكن ..
غزل : طيـــب..
الكل انصدم عارفين غزل ماطيق الأبر لدرجة ذي الألم..
مشعل عبى الأبره بالدواء : مدي يدك..
غزل مدت يدهـــا ومشعل مسح لها بالمسحه الطبية وغزل لفت وجهها : ...
مشعل عطاها الأبره وغطاها زين : لا تفكرين بشي ونامي..
غزل طالعت فيه :ابي مسكن دايم عندي مقدر اتحمله..
مشعل : من عيوني بس الحين ارتاحي..
غزل اللي دوخها المنوم غمضت عيونها ونامت..
بندر : أنت عطيتها منوم؟!.
مشعل وهو ياخذ علبة الدواء والغلاف حق الأبره والابره بيرميها : أيـــه..
بندر : ليش؟!.أنت غبي وش فيك؟!.
مشعل لف لبندر : مامعـــي غير منوم وهي مره متألمه..
بندر : مشـعـل وشو اللي مره متألمه أنت عارف انو ماينفع بذي الحاله تعطيها منوم ممكن بذا الوقت فجأه تذكر..
مشعل : وشو اللي تذكر هي ماتذكرت شي مجرد خيالات اللي حست فيها تبيني اخليها تتألم..
بندر : لا بس لازم تــ..
خالد قاطعهم : خلاااص وش فيكم كله منوم أهم شي ارتاحت ونامت..
بندر ومشعل فاهمين بعض بس مشعل خاف تذكر أي شي يبيها تنام وترتاح بعد أسبوع تذكر على راحتهاا..
اما بندر عارف ليش مشعل مايبي غزل تذكر وترفض بس ذا يضرها..




ع ـــــــــنــــــــــــــــد أحمــــــــــــــد..


بالمستشفــى عند الأستقبال..

أحمد : متى؟!.
الموظف : اليوم طلعت..
أحمد حرك حرك راصه بـ الأيجاب وهو مضايق ومطلع من المستشفى..
راح عند بيتهـا شاف سيارة مشعل وبندر يبي يسوي شي يبي ترجع له ..
راح عند سالم وهناك جلس يشرب بعد ماتحسنت حياته أو تأقلم عليها شوي واللي كان مطمنه أن غزل ماتزوجت الحين رجع اسواء من اول..



ع ـــــنــــــد شــهـــــــــــد..

ياربي تأخر وش فيه للحين ماجاء الوقت تأخر..
لايكون غزل فيها شي ولا خالد لا يكون صار له شي..
أخاف أتصل يفهمني غلط يووه يفهمني غلط و لا اجلس قلقانه..
أخذت جوالها من على الطاولة وقفت تحس مرتبكه مو عارفه وش تقول ولا ايش تسوي مافي شي تتعذر فيه اتصلت عليه..
كان جالس معهم ينتظر ابوه يرجع من الشركه ويروح لها يدري أنهـا خايفه ولوحدها ..
سمع جواله شاف اسمها على طول قام وطلع من الصاله..
خالد : ألــو..
شهد مرتبكه وتدور بالغرفه مو قادره توقف : هلااا خالد..
خالد :........
شهد : وينك؟!.
خالد : بالبيت..
شهد يعني ذا مو بيتك : متى بترجع؟!.
خالد: فيك شي؟!.
شهد :لااا بس تأخرت..
خالد : أها..
شهد : طيب يلااا سلام..
خالد : شهد..
شهد : هلا..
خالد تردد فقال : أنتبهي لنفسك شوي وجاي..
شهد :على راحتك سلام..
خالد : مع السلامه..
صك الجوال هذي مكالمه بين زوجين أيش البرود والحياه اللي أحنا فيهامتى ياشهد بتحنين بس ابي اشوف بعيونك نظرة شوق لي مابي اللوم اللي بعيونك..



ع ـــــــنـــــــــــد أريج العبـــد العزيز ..

عبد العزيز نايم على السرير وكانت أريج جمبه حس بحركة أريج على السرير التفت شافهـا بتقوم ..
عبد العزيز : اشبك؟!.
أريج : ولا شي..
عبد العزيز :وين بتروحين؟!.
أريج : بطلع بجلس على التلفزيون شوي مو جايني نوم..
عبد العزيز : أوك حياتي بس لا تنسين تاخذين الحبه بعد ساعه ونص..
أريج بقهر : أدري..
طلعت أريج الصاله جلست على الكنبة لا شغلت التلفزيون ولا شي كانت ضايقه مو مرتاحه وانقهرت اكثر يوم قال لها خذي الحبـــه..





يـــــــــــــــــــوم جـــــــــديــــــــــــــــد..





ع ــــــــنــــــــــد غزل صحيت من النوم على الساعه 2 الظهر..


قامت دخلت الحمام اتروشت ولفت المنشفه عليها وقفت عند الدولاب تختار لبس طلعت لها بنطلون جينز وتي شيرت أسود
جلست على السرير الحين فين أروح أممم أجلس بصاله ولا أطلع..
طيب أنا كنت لمى أصحى ايش أسوي؟!.ياترى خالد فيه ولا عند شهد؟!.وأبوي وين؟!.طلعت من غرفتها شافت مافي لا صوت ولا أحد قدامهـاتأملت الصاله بكل تفاصيلها كانت بتدخل الغرفة اللي أمس ماعرفتها بس خافت يكون فيها أحد..
نزلت تحـــت وجلست بصاله ..
ايش ذا البيت هدوء مافي أحد اممم طفش بجلس كذا؟!.
اهئ الحين أنا هنا ولا اروح عند مشعل واتزوجه لا هنا ارحم وأحسن..
ياترى مشعل بيكون صادق معي ومابيسوي لي شي؟!.أنا ليش وافقت صح تعودت عليه وهو طيب وحلو وشخصيه بس لو رجعت لي الذاكره مابندم!.
معقول يحبني لدرجة ذي؟!.معقول رضي بكلامي اللي قلته من غير ترردد ولا فكر يعني يحبني ياربي والله صعب كيف أتجوز كذا بس انا هنا مو مرتاحــه..
سمعت صوت التلفون ..
غزل طالعت بتلفون ارد؟!.لالا مابي مالي دخل..
بس أنـا لازم أتعود..بس لو أحد يعرفني وأنا ماعرفه لالا مابي أرد..
ياربي بجلس كذا والله طفش أفتح التلفزيون بس ماابي والله احس مو من حقي ليش ماأقــوم أتفرج بالبيت زين يمكن أتذكر شي..
قامت دخلت المجلس << ((أهم موقفين صارت بالمجلس يوم غزل دخلت المجلس وخافت وجاتها لجين يوم ملكتها ويوم قابلت أحمد فــيه))
غزل تتأمل المجلس ياترى البيت ذا ذوق مين؟!.
كم مره دخلت المجلس وكنت أقابل مين؟!.وين أجلس..
تنهدت يارب ترجع لي الذاكره والله تعبت..
طلعت وشافت باب المجلس الثاني دخلت اتفرجت تأملت المكان طلعت من المجلس في غرفة جمب المجلس دخلتهااا نفس الشي مو قادره تذكر ..
غزل وقفت على باب الغرفه بعد ماصكت الباب افففف شفتهم قدامي مو غرف وأثاث وماتذكرت بتذكر الحين..
دخلت المطبخ لقيت تينا : هاي..
تينا ابتسمت : اهلين ئـــزل..
غزل تحس أن الصداع بداء يرجع لهاا : تينا فين خالد؟!.
تينا : خالد من أمس في روح بيت هو..
غزل: اها أوك..
جات بتطلع من المطبخ..
تينا : في أبغى انا سوي قهوه؟!.
غزل ابتسمت : ليش كنتي أول تسوين لي؟!.
تينا استغربت : ايوا ايس فيه أنت أول أنت أصحى نوم في قول تينا سوي قهوه..
غزل : طيب سوي لي..
طلعت وجلست بصاله..





بـــــــيـــــــــــــــــــت خـــــــالد وشــهـــــــــد..

كانت سهرانه تنتظر خالد بين الصاله وترجع تطالع بشباك يوم سمعت المصعد على طول جريت لشباك شافت سياره خالد راحت لغرفتها ونامت على فراشهـا..
وخالد يوم جاء شاف البيت هادي وباب غرفة النوم مصكوك عرف أنهـا نايمه نام بصاله ..
صحيت شهد على الساعه 3 ونص ..
أخذت شاور ولبست برمودا جنز وتي شيرت موف اتعطرت وحطت كحل طلعت من الغرفه لقيت خالد جالس على الااب توب ..
شهد : سلام..
خالد : عليكم السلام صح النوم..
شهد هذي مدحه ولا ذمه لا يكون زعل أني أمس ماستقبلته خير مطلقه وأستقبله : صح بدنك..
خالد كان مقرر مايقول لشهد عن العزومــه وأنهـا ببيت أبوهـا يدري أن ذا بيزيد الأمور تعقيد بينهم بس مايبي يقولها وترفض هي حره..
بذا الوقت اللي شهد جالسه وتتفرج على التلفزيون من غير ماترفع الصوت لأنها طفشانه بس ماتبي تجلس بالغرفه ولا تدخل المطبخ ..
رن جوالها كانت حاطته بجيب البنطلون حقها طلعته رقم بيتهم على طول ردت: هلاااا يمـــه وحشتيني..
نورهـ بحنان : ياقلبي أنتِ كيفك؟!.
شهد نزلت دوعها صوت أمهـا عذبهـا : أ..نـا..بخـير..
نورهـ : أشبك حبيبتي ليه تبكين؟!.
شهد : ولا شــي بس وحشتوني..
نوره : شهودتي بطلي دلـع وبعدين أحنا سايبينك قلنا عروس تتصل تسأل ومابي نزعجكم ماصار لكم شي متزوجين..
شهد صارت تبكي أكثر :..........
نوره : بنتي حبيبتي اليوم كلهم بيجون عندنا يلااا قومي عشان تجين عندي من بدري وقولي لخالد يجيب معكم غزل..
شهد : طيب..
نوره : قومي يلااا غسلي وجهك والبسي ..
شهد : طيب..
نوره : يلاا سلام..
شهد : مع السلامه..
قفلت من أمهـا بتقوم تدخل الغرفه بس خالد جلس جمبهـا : .......
شهد ماتبي خالد يحس أنهـا ضعيفه جات تقوم مسك يدهـا :........
رجعت جلست :...........
خالد تنهد : أدري أنه صعب عليـنـا بس أنـ..
سكت لأن شهد زادت بالبكاء خالد لفهـا له ورفع راصهـا بيدهـ ومسح دموعهـا : مابيك تبكي..
شهـد: ........
خالد : لا تــكابــريـــن..
شهد طالعت فيه : متى بروح عند أمـي..
خالد : متى ماتبين؟!.
شهد : من اليوم بلم أغراضي وأروح..
خالد : أغراضك؟!.
شهد : أيه..
خالد : تروحين زيارهـ أوديك؟!.بس تباتين هناك لااا..
شهد : ليش؟!.
خالد : كذا..
شهد : لمتى؟!.
خالد وقصده شي ثاني : لين ربك يفرجها..
شهد فهمت أن خالد قصده تعدي مده على زواجهم وتروح بيت أهلـهـا أنخنقت أكثر معناها مايبيها ولا مفكر يرجعها..
خالد قربي منها يعذبني أبي أضمهـا أبوسهـا أدلعها أتناقر معها ..
شهد : أمي تقول غزل جيب غزل من الحين قبل لحد يجي..
خالد : رايح لها الحين..
شهد يوم قام من جمبها : وأنـــا؟!.
خالد لف لها وهو بيروح يغير ملابسه : أشبك؟!.بتروحين؟!.
شهد حركت راصهـا بـ الأيجاب : .......
خالد ابتسم : يلاا قومي أتجهزي..
شهد : امم تروح لغزل وبعد ماتوديها تجيني؟!.
خالد : ليش؟!.
شهد تفكر ومو عارفه وش تقول: أمممم بس أبي كذا ممكن؟!
خالد أبتسم : أوك أمري وش بعد؟!.
شهد أرتاحت لبتسامته : تسلم..
شهد بنفسها كيف بسياره بيكون خالد داخل بيننا ومابقدر أتكلم معها وبنحرج من خالد الله يستر من مشعل بالبيت..



ع ـــــــــنــــــــــــد أحمـــــــــــد..

في بيت سالم..

أحمد عند سالم من أمس مارجع بيته ومقفل جواله صحي وتروش ويحس بصداع من الشرب..
لبس من ملابس سالم..
جالس على الكنبه : يعني وش تبيني أسوي؟!.
سالم يمد له كاسه : أشررب وروق..
أحمد : لا ياشيخ مصدع وبروح البيت..
سالم وهو شرب الكاسه : طيب روق..
أحمد بقهـر : تدري وش اللي قاهرني أني حبيتهـا وراعيتها حاولت احببها فيني اصبر عليهـا أسوي لها اللي تبيه قالت شهر عسل لااا قلت تم مافيه تقول ودني لهلي اوديها تقول لاتقرب مني ماقرب مني تقول نطلع من الفندق ونرجع البيت طيب امري تروح وتطلع من غير ماتستأذن سكت ليش ماحبتني ليش؟!.(تنهد بقوهـ) حتى يوم شفت أغراض معشوقهـا وحبيبها ماضايقتها ولا قلت كلمه طلعت من البيت جيتك شربت مو بيدي صرت مو حاس بتصرفاتي مو داري ايش فيني؟!.ولا حاس بتصرفاتي..
سالم ترك الكاس : أحمد هي ماحبتك ..
أحمد : ليش وافقت علي ليش خلتني اموت بقربهـا ليش خلتني اشوف الكل ناااقص غيرهااا ماصار يغريني ولا يجذبني مره غيرها ماصرت أحس الأنوثــه الا فيهااا انـــــــا حبيتهــــــا حبيتهــــا..
سالم بخبث : لهدرجة حلوه؟!.
احمد يطالع بسالم وبعينه نظرة تهديد : ليش تسأل؟!.وش مقصدك؟!.
سالم : سؤال بس..
احمد وقف : الشرب اثر عليك انـا رايح..
سالم : جاي بالليل..
احمد : اكيد..




بــيــــــــت خـــــــــالد الشهــــــد..

خالد وهو بغرفة النوم نادى : شهـــد .....شهد..
شهد جاته : هلاااا..
خالد : البسي اخذك معي أوديك عند أهلك وبعدين أروح لغزل..
شهد : ليش؟!.
خالد ابتسم يقلدها : ممكن تلبسين وتخلصين عشان نروح..
شهد :هههه اوك..
راحت عند الدولاب بطلع لها ملابس ..
حيرتني معك ياخالد كلامك أول يعني فتره وبتوديني عند أهلي والحين تبتسم وتقلدني..
ياترى بتحمل بعدهـ وأصير غريبه عنه أنـا معه وقريبه منه وبنجن بس مااقدر حتى لو خالد يبي نرجع ماقدر وهم شك فيني للحظة هههه اصلاً الرجال يقول بعد فتره اوديك يعني بايع..
خالد وهو عند التسريحه يتعطر : شهد..شهد ..شهد..
شهد انتبهت : ها هلااا..
خالد وهو يطالع فيها بالمرايه : لدرجة ذي اختيار اللبس صعب؟!.
شهد : لالا خلصت خلاااص..
خالد : هههههه طيب أنتظرك (وطلع من الغرفه)
شهد عقدت حواجبها ياترى وش فهم؟!.لا يكون لاحظ أنهـا اول مرهـ نكون أنـا وياه بالغرفة مع بعض وكل منا يسوي شي ..
دايم لو دخل وانا بالغرفه ييناديني يااكون بصاله وهو يدخل يغير..
طلعت لها فستان فيروزي لغاية الركبه عريان وعليه شريطه ذهبي من عند الصدر
استشورت شعرها وحطت روج وردي وقلوس كثفت الماسكارا على رموشها لونها اسود وحطت عليها خفيف ماسكارا نيلي ..
حطت بلشر وردي واتعطرت وحطت كريم اخذت جوالها والشنطه ولبست عبايتها وطلعت ..



ع ــــــنــــــــــد بنـــــــــدر..

الجد أبو نورهـ : والله أني عتبان عليهم من زمان ماجوني ولا سئلوا..
بندر : يايبه الله يهداك قبل ماسافر كانوا عندك وتراهم أنشغلوا مع غزل اللي صار لها مو سهـــل..
أبو نورهـ : الله يعينهـا ويشافيهـا ..
بندر : أمــيــــــــــن..



ع ــــــــنـــــــــــد تركي..

كيف بكون بنفس المكان ولا بشوفهـا؟!.كيف بقدر ؟!.
شكلي بعتذر عن الروحه مالها داعي..
اتذكر كلامه مع أستاذ صالح يوم قال له أنه بيخفف من روحاته لبيت عمه ياولدي هذا شي حرام مو مدته يوم ولا يومين هذا غلط ولازم من داخلك تقتنع وتعصم نفسك تكون لها الحامــي حتى من نفسك ولو مارحت اليوم بكرا بتروح بتمر الأيام ولازم يوم بتصادفهـا وقتهـا بتضعف وتكلمهـا؟!.ولا بتغض بصرك عنهـا خلي حبك عذري شريف سامي خلي يوم تخطبها وتملك عليها وتشوفهـا تحس بسعاده وفرحه تحس بمعنى كلمة أن أحلى شي أيام الملكه مو من قبل تشوفهـا وتكلمهـا..





ع ــــــــــنـــــد غزل


جالسه بصاله تشرب قهوه وتفكر ..

نزل أبوهـايوم شافهـا بصاله أبتسم : صح نووم أحلى بنت بالوجود..
غزل ابتسمت ووقفت : هلاا صح بدنك..
قرب منهـا وباس جبينهـا : متى صحيتي؟!.
غزل : على 3 تقريباا..
فهد : ليش ماصحيتيني ؟!.
غزل : مابي أزعجك..
فهد يجلس ويجلسهـا جمبه : مارتحتي بنومه؟!.
غزل ابتسمت : لا اصلاً نمت مدري عن نفسي ..<<من المنوم..
فهد : مابتقهويني؟!.
غزل ابتسمت : ابشـر ..(وقفت وأخذت دلة القهوه وصبت لبوهـا ورجعت جلست)
فهد : ليش مالبستي الساعه 5 وربع على ماتخلصين ونروح؟!.
غزل عقدت حواجبهـا : وين؟!.
فهد : ماقال لك خالد مسوين سلامه لك ببيت عمك..
غزل : مين بيكون هناك؟!.
فهد : كلهم..
غزل : متى بنروح؟!.
فهد : المفروض الحين يلاا قومي خلصي..
بهذا الوقت دخل خالد البيت ودخل الصاله : سلام..
غزل + فهـد(أبو خالد) : وعليكم السلام..
خالد يسلم على راص أبوهـ : شخبارك يالغالي؟!.
فهد : مدام غزل بخير أنـا بخير..
خالد : عساه دوم..(لف لغزل)أفا يعني جمب الولد ماتبين تسلمين على أخوك..
غزل أستحت وقفت له وابتسمت : سوري..
خالد عرف أنه أحرجهـا والدليل اعتذارهـا ولا دايم غزل وش طول لسانهـا: يلاا شهـد تنتظرك قومي البسي..
غزل : وينهـا ليش ماجات؟!.
شهد : سبقتك على بيت عمي يلااا..
غزل : أوك البس مابطول..
خالد طلع لها حبه : أول خذي دواك..
غزل : لا مابي هذي تدوخ ..
خالد : لا دوخ ولا شي اشربي نسكافيه مادوخين..
غزل : مااابي..
خالد : غزل بطلي دلع..
فهـد : حبيبتي عشان صحتك..
غزل اخذتها بيدهـا : طيب
وطلعت غرفتها جلست على السرير:اففففف ياربي الحين كيف اقابلهم بالمتستشفى كانوا مايطولون لاكن الحين ببيتهم ياترى بعرفهم بعرف اتعامل معهم..
قامت ومشيت لدولاب فتحته تبي تختار شي تلبسه مو عارفه يعني تلبس فستان ولا بنطلون ولا أيش..
سمعت الجوال على الكمدينه عرفت أنه مشعل اخذته وردت :ألــو..
مشعل : سلام..
غزل : عليك السلام..
مشعل : كيفك؟!.
غزل : الحمد لله وأنت؟!.
مشعل : مو بخير من دونك ..
غزل : هههه..
مشعل : الجوال عندك ديكور؟!.
غزل : ليش؟!.
مشعل : من الساعه 4 وأنـا اتصل..
غزل : ماكان معايه..
مشعل : ثاني مره خذيه معك..
غزل : هههه أوك بس اصلاً خلااص ماعندي شاحن وشحنه بيخلص..
مشعل : لا والله ماعندك شاحن واللي أنا حاطه بشنطتك..
غزل : ياماما اكلتني مدري ماشفته..
مشعل : طيب يلااا ماخلصتي؟!.
غزل : مالبست محد قلي غير توه..
مشعل : طيب يلااا البسي (همس)ترا وحشتيني..
غزل طنشت كلامه : مشعل مين بيكون فيه..
مشعل : كل عماني وحريمهم وبناتهم وخالة محمدوبناتها..
غزل : اووف مره كثير كيف بجلس معهم واصلا مين محمد..
مشعل : ولد عمك..
غزل : كيف بعاملهم خايفه (تنهدت)..
مشعل : لا تخافين أجلسي مع اللي تبين واللي ماتبينهم طنشيهم..
غزل : طيب أيش البس؟!.
مشعل : على كيفك اللي تبينه..
غزل بعفويه : ماسألك عشان البس على ذوقك سألتك بعرف أنا ايش كنت البس يوم تكون مناسبة زي كذا..
مشعل : لا والله لسانك طول أشوف..
غزل : اوووه يلااا قول بلبس ..
مشعل : طيب أمممم أتذكر عندك فستان أبيض طويل ومن عند الصدر فيه حركاتكم يالبنات مدري وش خيوط مدري شو..
غزل : ههههههههه حركاتكم يالبنات وبعدين وش عرفك بلبسي؟!.
مشعل : لأني أحب بشوفك بفستانك ذا تطلعين زي الملاك..
غزل : امممم على أساس أنك بتشوفني هذا أولاا وثانيا انا ماقلت لك اختار انا ايش كنت البس بنطلون فستان وشو؟!.
مشعل : هذا اللي عندي غير كذا مو قايل لك..
غزل أنقهرت : مشعل لا تستغل أني ماتذكر..
مشعل مايبي يزعلها : أأأففف منك كنتي تلبسين فستان عزومه وش بتلبسين طبعاَ فستان..
غزل : كان من أول يلااا باي.
مشعل : لا والله معصبه تراني زعلان..
غزل : على راحتك مشمش حاول ماتضايق كثير يضرك بعدين باي..
قفلت منه وهي تضحك على هباله حطت الجوال بشاحن
فتحت الدولاب كل الظرف بدور الفساتين دورت بينهم..
ياترى وين اللي يقصده مشعل أبيض وفيه شغل عند الصدر..
أممممم يمكن هذاا بس هذا حق بيت مو طلعه..
دورت ولقيت فستان ابيض قماشه خفيف طويل ومن عند الصدر الفتحه على شكل سبعه وفيها شغل بخيوط الحرير الملونه والفستان عريان..
:هذا من جدهـ كيف شاف الفستان مره يبين الصدر وعريان أممم البسه ولا لا؟؟
أممم بلبسه وهو مابيشوفني ..
وقفت قدام المرايــــــه اممم شعري مستشور تمام يعني بس مي كاب ولبس..
حطت بودره معطره لجسمهااا ولبست الفستان رفعت شعرها عشان تحط الميك أب براحتهـا..
حطت لوجهها كريم مرطب وبعدها حطت كحل نيلي جو عينها ورسمت من تحت عينها خط صغير يحدد عيونها بالكحل الموف..
حطت ماسكارا سوداء ولبست عدسات عسلي ..
وروج وردي وحطت بلشر ..
أتعطرت ..
غزل يااااي طلع شكلي حلو يناسوا علياا..
طيب ايش البس اكسسوار؟؟
اممم فتحت الدرج البس حلق ولا سلسلة بس كذا الفستان انعم من عند صدري خلاااص البس حلق طيب لا يكون ذا الحلق قديم وعارفينه علي أفففففف كيف أعرف؟؟خلااص بلبسه واللي يصير يصير..
لبسته حست أنه مناسب للفستان..
فتحت شعرها شافت شكلها حلو ومقتنعه فيه..
غزل وااااااااااو من زمان ماترتبت أول مرره خلاااص كذا تمام ..
اهئئئ باقي الصندل(اكرمكم الله)فتحت أدراج الشوفنيره اللي تحت تدور وأدرج الدولاب اللي تحت (دولابها ظرف وعلى جمب أدراج فيها الأحزمــه والأندر ويه والجزم كل شي بدرج)
ايت البس؟؟
البس فضي أحسن لي؟؟ولا البس نفس لون الشغل اللي بالفستاان..
دق خالد الباب ..
غزل : هلااا..
خالد فتح الباب شافها عند الأدراج أنبهر فيها من زمان ماشاف غزل بهشكل أخذ فتره يشوفها تعبانه ولبسها اما بجامات أو لبس المستشفى..
صفر : أش ذا كله؟؟..ماشاء الله طالعه تجننين..
غزل ابتسمت : جد حلو؟؟..
خالد : والله حلوو مايبيلها سؤال بس يلا تأخرنا..
غزل : طيب دقايق..
خالد : ايش باقي لك؟؟..
غزل : ولا شي خلاااص..
طلع خالد وغزل لبست الصندل الفضي وأخذت الجوال وشنطه لونها رصاصي يدوب تحط فيها الأغراض اللي تبيها ..
نزلت غزل لااابسه عبايتها وراحت بسياره خالد وأبوهـا قال بيلحقهم بعد شوي..
صح غزل شوي تأقلمت على خالد بس برضوا تخاف منه..
وهي معه بسياره تفكر كيف ماعرفه ومجرد ماقالوا لي أخوك انا راكبه معاهـ..
وكيف عايشه معهم ياربـــ..
قطع عليها خالد : غزل يلااا أنزلي..
غزل : هنا..
خالد : أيه..
نزلت غزل ومعاها خالد ..
خالد : شكل محد جاء..
غزل : ليش؟.
خالد : لأن خالتي تبيك هي وشهد بيجلسون معك قبل الناس تجي..
غزل : أها ومتى بيجون؟؟..
خالد : زيي العاده على 9..
غزل : طيب..
مشي خالد وهي وراهـ..
خايفه كيف بتقابلهم..
وقف خالد والتفت لها : يلااا تعالي معي عشان ندخل كأننا رجال ومرته..
غزل ابتسمت : ههههه بس علاقة الاخوهـ أهم واسمى من الجواز..
خالد وقف يبتسم : قال فاقده الذاكره نفس كلامك ماتغير..
غزل : ههههه بس ناسيتكم ..
خالد : ياقلبي كلها فتره وترجع..
مشي خالد وغزل وقفــوا عند الباب دق الجرس..
فتحت نورهـ وشهـد والعنود : ياهلااااا وغلاااااااااا تــــــو مانـــــــــور البيت..
شهد تحظنهـا : وحشتيني وحشتيني وحشتيني وحشتيني وحشتيني..
وصارت تبكي وتحظنهــا بقوهـ..
غزل تبتسم وشهد حاظنتهـا : وأنتِ بعد وحشتيني وينك؟!.ماتجيني..
خالد يبتسم كل كبرياء شهـد وجفاها والتصنع اللي كانت فيه بدقايق رااااح من اول ماشافت غزل..
نورهـ تكلم شهد : شهد بسلم على غزل..
شهد بعدت عنها ومسحت دموعهـا : .........
سلمت نوره على غزل : كيفك حبيبتي؟!.
غزل : الحمد لله تمام..
العنود تسلم : غزلوه لااا تقولي ناسيتني..
غزل : هههه لا مو أشوريــــــــــــا..
العنود توسهـا : أييييه صح عليكي..
مشيوا بيجلسون بصاله خالد همس لشهد : إذا كل ذا شوقك لغزل أجل لي وش بيكون..
شهد سوت ولا كأنهـا سمعت ومشيت وجلست جمب غزل..
العنود : ليش مافصختي عبايتك؟!.
غزل : الحين أفـصــخ..
شهد : غزل بنجلس انـا وانتِ مع بعض هم خليهم لوحدهم..
نورهـ : والناس اللي جايه عشانهـا..
شهد : طيب نجلس معاهم شوي بعدين بطقاق نجلس لوحدنا واحشتني..
خالد اللي جلس شوي وعاجبته شهد وحماسها لغزل وكلامها لها والفرحه اللي بعيونهااا وقف : أنـــا رايح المجلس تبون شي؟!.
العنود بهبال : يعني بتروح السوق السوبر ماركت بالمجلس وش نبي شويه زرع ولا سياره ؟!.
خالد : مابتبطلين هبالك؟..
طلع خالد للمجلس ولقي هناك مشعل..
مشعل : ياهلااا وين غزل؟!.
خالد : مع شهــد..
مشعل رفع حاجبه : جات؟!.
خالد : ايه ومره مبسوطين مع بعض..
مشعل : .......
خالد : متى بتتراضون انت وشهد؟!.
مشعل : انا ماغلطت هي اللي غلطت..
خالد : مشعل لو غلطت هذا لشى باعتبارها انو بمصلحة غزل وبعدين احنا متأكدنــا وأنت عارف شهد وغزل إذا سوا شي يقولون ولا يهمهم شهد حالتها النفسيه مو عاجبتني وبعدين غزل الحمد لله بخير لو فيها شي كان قلنا ماعليه معك حق وياخي انا اخوها راضي انت ايش عليك..
مشعل : لا والله غزل زوجتي..
خالد : باقي اسبوع..
مشعل : قصدك ثلاث ايااام..
خالد : طيب باقي تقول الدقايق بعد..
مشعل ابتسم : هذي أحلى لحظات العمر..المهم أعطيت غزل دواها..
خالد : ايه قبل نجي بس الصداع ياخي تاعبها بسياره طلبت بندول..
مشعل الله يستر :............





بـــــيـــــــــت أبو سلطان..

جات حصه وهـبـــه وعـبير و الجدهـ والـجد وبندر ..
أمـا ناديه وبناتها أعتذورا..
ورغد اتصلت وكلمت شهد وغزل..
حـصه تبتسم لغزل بحب : واخيراا نوريتنا والله مكانك خالي..
غزل تبتسم لها:.........
عبير : غزل كيف مستعده لزواجك حبيتي مشعل؟!.
غزل وجهها حمر :.............
العنود : وي وي أحرجتوها..
غزل تكلم شهد : قليل توقعت كثير اللي بيجون..
شهد : أريج للحين ماجات و ريا وسكينه ماجوا فكه ورغد كلمتنا..
هبه : غزل ماتذكرتي شي؟!.ولا حاسه بشي؟!.
غزل : مدري بس احس ان المكان مو غريب علي وتجي خيالاات ببالي بس مو قادره اتذكرهاا..
هبه : يعني إن شاء الله بترجع قريب..
غزل : إن شاء الله..
شهد : وين نايف خلي غزل تشوفه..
هبه : خليته بالمجلس مع أبوهـ..
غزل : ولدك؟!.
شهد : أيه ولدها..
نورهـ : يالملقوفه تسأل هبه ..
شهد : اوووه ماما انا وغزل واحد وعاادي صح غزل ؟!.
غزل : هههه اكيد..
شهد تـــــوقـف وتمسك يد غزل : يلااا أنـا وغزل بنروح غرفتي بااي..
نورهـ : لا غرفتك فيها اغراض روحي غرفة العنود.
شهد : ليش؟!.أيش فيها؟!.
نورهـ : فيها أغراض ليوم الربوع بعدين نطلعها روحي غرفة العنود..
شهد فهمت أنه اغراض غزل : أووك..
غزل تطلع مع شهد الدرج..
غزل مستحيه : شهد وين غرفة مشعل؟!.
شهد : هههههههههه نفس دايم يوم تجين تسألين عن غرفة مشعل..
ومشيوا لغرفة مشعل..
غزل دخلت الغرفه تتأملهـا أعجبتها غرفته : نجلس هنا..
شهد صكت الباب ولفت لغزل : أقول غزلوه اسلوب الأستئذان والخجل والأحترام ذا مايجي معي فاهمه انـا شهد تؤامتك..
غزل : ههههههههه..
شهد : اتكلم جد يادبااا تعرفين أنتِ وش كنا؟!.
غزل : وشو؟!..
وجلست شهد تحكي غزل عن علاقتهم وتمزح وتضحك معاها وغزل مررره ارتاحت معاهاا وانبسطت..




ع ـــــنـــــــــــد ع ـــــبد العزيز وأريج..

اريج لبست بنطلون جينز وبلوزه من غير اكمام لونها أبيض ولبست عليها سلاسل طويله وقصيره فضي ..
شعرها مستشور ومي كاب مررره خفيف روج مشمشي..
وكحل أسود وماسكارا سوداء وبلشر مشمشي..
طلع شكلها مره ناعم اتعطرت ..
عبد العزيز شافها تتعطر وخلصت : اريج..
أريج لفت له تبتسم : هلاا..
عبد العزيز : أخذتي الحبه؟!.
اريج : لااا..
عبد العزيز : طيب يلاا خذيها..
اريج : طيب..
عبد العزيز جلس يعدل شماغه ينتظرهـا تاخذهـا بس اريج جالسه تلبس العبايه..
عبد العزيز وقف يتأملهـا :........
أريج لبست العبايـــــه واخذت الشنطه : يلااا..
عبد العزيز : والحبه..
أريج : اخذها هناك..
عبد العزيز عصب : وش فيك؟!.أمشي وراك كأنك طفل خذيها وبلااا عناد..
أريج : قلت لك اخذها هنااااك..
عبد العزيز : على اساس اني طفل قدامك تضحكين عليه خذيها الحين قدامي اشوف..
أريج : لدرجة ذي مو واثق..
عبد العزيز غمض عيونه عصب منهاا طالع فيها وهو يشد على اسنانه : اريج خذيها الحين..
أريج فتحت الدرج بعصبيه وطلعت الحبوب منه ملت يدها من الحبوب بسرعه وحطتها بفمها وشربت عيلها مويه : اااه خلااااص ارتحت ارتحت (ووجلست تبكي)
عبد العزيز عصب وبصوت عالي أنصدم منها ومن حركتها : أنتِ مجنونه..
سحبها بقوه للحمام : حاولي تستفرغين..
اريج تفك يدهـ : سيبني سيبني اكررهــك..
عبد العزيز ماسكهـا وهو وراهاااا حاظنها من وراء وضاغط على بطنها معصب منها : حاااولي تستفرغين ..
اريج تبكي وتحاول تفك نفسها منه..
عبد العزيز مسكها بيد وباليد الثانيه مسك فكهاااودخل يده جواا فمها عشان تستفرغ (اكرمكم الله)
وفعلااا أريج استفرغت وعبد العزيز ماسكهـااا..





بيت أبو سلـــطـــــــــــان..


بـــــــ ع ــــــــــــــد العـــشـــــــــــــــاء..

غزل وشهد جلسوا معهم وغزل ارتاحت لشهد كثير من طريقة كلامها وأسلوبهـا وعفويتها وحبها لها والباقي حبتهم بس برضوا تحس بداخلها خجل..
حصه : عبير أتصلي شوفي أختك ليش ماجات؟!.
عبير : أتصلت ماترد..
حصه : أرجعي أتصلي عليهـا وإذا ماردت كلمي عبد العزيز..
نورهـ : غزل ماطلعتي سلمتي على عمانك وخالك؟!.
غزل : لااا مين خالي؟!.
شهد : اللي حكيتك عنه بندر..
غزل : اهاا..
عبير : غريبه خالتي هدى وعمي عبد الرحمن ماجوا؟!.
نوره : عبد الرحمن مسافر وهدى تقول أم سلطان بتزورها وماقدرت تجي..
العنود : اها تركي جاء؟!.
هبه : ايه أول يوم طلعت اشوف نايف لقيته..


طلعت غزل وسلمت على عمهـا ابو عبد العزيز وابو سلطان واتعرفت على بندر ولقيت خالدوسلطان وتركي بس مالقيت مشعل كان يجيب القهوه من المطبخ وهي ماطولت على طول دخلت جوا..



ع ـــــــنــــــــــــد ع ــــــــبد العزيز ..

حاظن أريج أخذهـا للمغسله وغسل لها وجهها ونفشه بالمنشفه ..
وأريج صوتها تغير شوي مع الأستفراغ وتبكي ..
فصخ لها عبايتهااا بالحمام ورماهااا على الطاوله اللي بالحمام
وطلع أريج جلسها على السرير وجاب روب لها مريح..
جلس جمبها وفك لها السلاسل اللي لااابستها : .......
اريج تبكي : سيبني مابيك تلمسني..
عبد العزيز معصب : ماسألتك ومو بكيفك اصلاً..
أريج تبكي وهي تعبانه : مابيك سيبني..
عبد العزيز مطنش كلامهااا فصخ لها السلاسل ورماها على جمب وفصخ بلوزتهاا :..........
وأريج تبكي: سيبني لا تسوي فيني كذاا..
لبسها الروب وحزن عليهاا:على أساس اني مو زوجك طيب فصخي البنطلون..
فصخت اريج البنطلون وهي جالسه رفعت نفسها وفكته وسحبته ..
ورمته على الأرض..
عبد العزيز نيمها على السرير : يلااا نامي..
أريج تبكي وصوتها مبحوح : ماااابي..
عبد العزيز طلع من الدرج حق الكمدينه منوم ودواء ثاني وطلع إبرتين..
اريج خافت : ليش أيش ذا؟!.
عبد العزيز : مو شغلك..
اريج خافت : عبد العزيز ايش بتسوي بتخدعني زي ذيك المر هــ انا مو حامل والله..
عبد العزيز يوريهـا الدواء : شوفي منوم عشان ترتاحين..
أريج : وليش ابرتين؟!.
عبد العزيز : اريج أنـا سحبت من الدرج طلعوا معي ..
عبى الأبرهـ بالمنوم..
أريج : طيب أنـا مابي أنـام..
عبد العزيز : وقلت لك مو بكيفك..
أريج تبكي : لا تقسى علي مابي انام انا كذا مرتاحه..
عبد العزيز يسحب يدهـا ويمسحها بالمسحه ويعطيها الأبرهـ : كذا بترتاحين أكثر..





ع ــــــنــــــــــد غــــــــزل..

هبه وعبير راحوا عشان اليوم أحد وبكرا دوامات عند أزواجهم وعند عبير بعد..
بقيت شهد وحصه ونوره والعنود..
جالسين بصاله اللي فوق ..
حصه : يلااا قومي شوفيه بغرفة شهد..
شهد : يلاااا غزل حماس..
غزل ابتسمت وقامت معها..
العنود : وااااو حماس العروس بصراحه..
دخلت غزل الغرفه مع شهـــد عشان تقيس فستان زواجها..
ساعدتهــــــا شهد بلبس..
غزل ترفع شعرها عشان شهد تصكر السسته وقفت قدام المرايه وشعرها مفتوح : حلو؟!.
شهد : مرهـ حلو..
غزل : هههههه كبير مره حلو..
شهد : هههههه كنتي تقولين كيف البس فستان زواجي صدري صغير شوفيه يجنن عليك..
غزل : ههههههههههه ليش كنت ابي صدري صدر بقره..
شهد : مدري عنك..يلااا نطلع نوريهم..
غزل : يلااا..
شهد : لسى باقي التاج..
غزل : وينه؟!.
شهد لبستها التااااج والفستان كوكتيل وفيه فتحه على الصدر وتبين شوي من بطنها كان مره حلو عليها..
طلعت شهد تسوي انها تزغرط ولا هي ماتعرف..
وغزل تبتسم وتمشي بشويش لأن الفستان من تحت واسع مو قادره له..
والعنود شغلت أغاني في التلفزيون..
نوره : ماشاء الله لا إله الا الله..
حصه : ماشاء الله تبارك الرحمن..
نورهـ : أحلى عرايس السنه..
شهد واقفه وتبتسم : مع أنهـا دقه بس بعديهااا..
غزل واقفه وتتأمل الفستان وتبتسم لهم مره عجبها :.......
حصه : مقاسه زين اشوا مايبي له تعديل..
نورهـ : ريحتك الجزمه ولا نجيب لك أقصر..
شهد : وين اقصر غزل قصيرهـ ومشــعل طويل بعدين يحسبونها بنته..
غزل مدت بوزها : والله طولي حلو أخوك اللي طوله زايد..
شهد : ههههههههه طيب مريحك الكعب..
غزل : ايه عادي بس مدري كيف بدرج..
شهد : ههههههه الحين نجرب أنزلي هنا كأنك تنزفين ..
غزل : هههههه أوكي..
بهذا الوقت مشعل كان يطلع الدرج بيروح غرفته الا شاف اللي لااابسه فستان أبيض وتاج الكوكتيل عليها رووعه ..







..{~غــــــــــــزالـــــتــــــــــــك~{..