الـــــبـــــــــــــــــــــارت الـــــــ56

شهد : وين اقصر غزل قصيرهـ ومشــعل طويل بعدين يحسبونها بنته..

غزل مدت بوزها : والله طولي حلو أخوك اللي طوله زايد..

شهد : ههههههههه طيب مريحك الكعب..

غزل : ايه عادي بس مدري كيف بدرج..

شهد : ههههههه الحين نجرب أنزلي هنا كأنك تنزفين ..

غزل : هههههه أوكي..

بهذا الوقت مشعل كان يطلع الدرج بيروح غرفته الا شاف اللي لااابسه فستان أبيض الكوكتيل والتاج عليها رووعه ..

العنود : ليش مالبستي الطرحه..

شهد : تبين تلبسينها؟!.

غزل : لااا مابي..

نورهـ : ليش؟!.

غزل : أممم احلى بيومها..

شهد : أمممم كيف تسوين التسريحه؟!.

غزل : مدري..

مشعل اللي ماتحمل الوقفه وهو يتاملهـا شوفتهـا قدامه وبالفستان عذبته جننته يبي يضمهـا يهمس لها يتغزل فيهااا يرتوي منها..

مو مصدق يشوف غزل بفستان زواجهم بتنزف له التحضيرات هذي كلها تخصه وتخصهـا باليوم الي تكون فيه ملكه وله ..

تامل نعومتهـا بالفستان خجلها اللي بعيونهـا قدامهم ..

طلع الدرجات الباقيه وغزل وهي تكلمهم انتبهت له شهقت ورجعت على وراء : مشعل ارجع ارجع..

مشعل يبتسم : واحرم نفسي شوفتك..

غزل ماتقدر تجري من الفستان ومافي لو مشيت بيتأملهـا من كل مكان راحت وراء الكنبه : مشعل تكفى روح..

مشعل وهو واقف : من حقي الشوفه..

غزل جلست وراء الكنبه وزعلاانه خايفه على الفستان ..

صارت وراء الكنبه حقت الصاله ورخت راصها ماتبيه يشوفها..

شهد يوم شافت مشعل واقفه ساكته ماتبي تحتك فيه :.......

نورهـ : وش مطلعك هنا؟!.

مشعل : أفا يمه وش فيك؟!.

نورهـ : بطل حركاتك كلها 3 أيام وتشوفها يلااا روح للمجلس ..

مشعل يجلس على الكنبه اللي غزل وراها وهو يبتسم : وش اخبارك خالتي؟!.

حصه : ههههههه بخير عساك بخير..

مشعل : الحمد لله تمام التمـــام..

حصه : الله يجعله..

غزل من وراء مشعل رفعت راصها واشرت لخالتها :...........

مشعل حس فيها ولف راصه لها وابتسم : بــســــه ولا فاره ؟!.

غزل بس مطلعه راصها مدت بوزها : تكفى روح ..

مشعل همس لها: أبي أشوفك..

غزل : بعد 3 أيام ولي يخليك..

العنود : اممم دايم أسمع بالمسلسلات أنو فال مو حلو تشوفها بفستان زواجها قبل زواجكم..

غزل : سمعت يلااا قوم عشان مانطلق..

مشعل لف راصه لها وهمس خفيف يدوب غزل سامعته : واللي خلقك لو مهم جالسين بصاله كان ذبحتك بوس بس هانت ..

غزل زاد حمار خدودهـا وماقدرت تتكلم..

مشعل قام من على الكنبه شاف شهد واقفه ولا تتكلم ولا علقت من يوم ماجاء عندهم ..

قرب منها ابتسم وباس جبينها:..........

شهد خلاااص بتبكي وعيونها كلها دموع : ..........

مشعل : وحشتينا يالعروس..

شهد ابتسمت له :........

مشعل :لنا جلسة يلااا سلام..

ورجع للمجلس كان جاي يتعذر بأي شي عشان يشوف غزل وشافهـا..

الـــــ ع ــــــــنود..

دخلت غرفتهـايعني تركي تحت مشعل يقول كلهم تحت ليش ماتصل فيني ولا قال بشوفك ..

نزلت تحت وطلعت الحديقه ماشافته قربت من المجلس من وراء خافت أحد يشوفها سمعت صوتـــــــه..

أشتاقت له ولكلامه ومضارباتهم وهبالهم أرسلت له مسج..

تركي أنـا بالحديقه مكان دايم وينك؟!.

سمعت صوت جوال تركي رنة المسج..

راحت على مكانهم دايم ..

تنتظره يجي..

في المجلـــــــــــــــــــــس

وصل المسج لتركي قراهـ خلاااص من أول ماسك أعصابه ماسمع صوتهـا ولا شافهـا بس الحين عارف مكانها ورسلت له ماسك أعصابه بالقوهـ جالس معهم مو عارف يجلس كل شوي يبي يقوم ويرجع..

خالد : وش فيك؟!.

تركي : سلامتك..

خالد : يعورك شي تبي الحمام..

تركي : ههههههه لااا بس دخت وعاجبتني الجلسه..

مشعل : بكرا بداوم.

تركي : أيـــه..

مشعل : أجل وش مسهرك للحين انت ثالث..

تركي : والله أني كرهت عمري من كلمه أنت ثالث شد حيلك جيب مجموع ..

خالد : الا صح وش ناوي عليه؟!.

تركي : بدرس بشرقيه او الرياض..

مشعل : أيش تبي تدخل؟!.

تركي : ياصيدله أو مختبرات ..

مشعل يبتسم : ربي يوفقك بس ليه ماتدرس هنا؟!.

تركي : أنـــا مابي هنـــا ودي أدرس هناك..

خالد : غريب نفس التخصصات ماتفرق..

تركي :ربك يسهل باقي سنه..

ع ـــــنـــــــــــد ع ــــــبــــــــــد العزيز الأريـــــــــــــــج..

أريـــج نايمه ..

وعبد العزيز طلــع راح المــستشفى ..

مالقى دكتورة النساء والولاده..

اتصل عليها وشرح لها كل شي وقالت له على اسم حبوب نفس حبوب منع الحمل بس مفعولها أقوى شوي وعملته طريقة أستخدامهـا..

بس هو فضل تكون بدل الحبوب أبر عشان يظمن أريج..

رجع البيت لقيهـا نايمه أعطاهـا أبرهـ وشال علبة الدواء باقــي أبرهـ ثانيه ويخلص من الموضوع كله..

((أولاَ للي مافهم أريج أيش صار معاهـا يب حبوب منع الحمل حبه باليوم وتاخذها لغاية ماينتهي الشريط بعدين توقفينهـا أيام الدوره وبعد الدوره تستخدميهـا بس اريـــج يوم صحيت الصباح وسوت لـ عزيز الفطور وماخلته يروح الدوام ماأخذت الحبه وطبــعـاَ كانوا كأي زوجين بس بعد ماعرف عبد العزيز أنهـا مااخذتهـا قلها أنو لازم تاخذ 3 حباب غير الحبه الأساسيه عشان مايصير حمل من الأصـــل ..والدواء اللي سئل الدكتوره عنه اليوم نفس الفكره بس مفعول الدواء أكثر لأن في حبتين أريج طنشتهـا وخاف تحمل فسئل الدكتوره وقالت له على الدواء وأنه لازم ينتبه ولا يعطيهـا أكثر من مرتين الحبه ولو صار حمل ربي رايد لأن جسمها ماراح يتحمل أكثر من مرتين وبعدها بيضرها..))

<<الكلام مـــو من راصي من دكتورة نساء وولادهـ ïپٹ

بــــيـــــــــت أبــــو سطلــان..

غزل جالسه بصاله داخت وبس تثاوب:............

شهد : دختي؟!.

غزل : مرره أبي أنام..

شهد جلست جمبهـا وراخيه صوتها : أيش رايك ننام هنا؟!.

غزل سكتت شوي بعدين قالت بصوت واطي: لااا مابي..

شهد : مابترتاحين صح؟!.

غزل أنحرجت : بصراحه لااا..

شهد : اممم طيب لا تقولين لااا تروحين معي وننام مع بعض..

غزل : قصدك معك أنتِ وخالد لااا والله مارحت ماابي..

شهد : غزل لا تقولين كذا والله تجرحيني أنتِ عارفـه أنك أنتِ اللي مختاره البيت ومخططين أننا كل يوم بايتين عند بعض..

غزل : لا شهـد الله يخليك مابي مابحس أني مرتاحه انتِ نامي عندي..

شهدأبتسمت : يعني أفهم أنو مو مضايقه مني مضايقه من المكان..

غزل تعدلت بجلستهـا : لا والله مو منك بالعكس أنتِ أكثر وحده أرتحت لها بعد مشعل بس أنا ما أتعودت على البيت لا عرفته مابي يصير فيني زيا لي صار أول ماطلعت من المستشفى انتِ تعالي معي ..

شهد ابتسمت وحضنت غزل : الله لا يحرمني منك والله أشتقت لك كثير لو تدرين وش صار لي بغيابك..

غزل : وش صار؟!.

شهد تبتسم : إذا رحنا أسولف لك.

غزل : أوك..

شهد : بقوم أشوف خالد وأقوله..

غزل : أوك..

العنود : غزل ماشفتي ملابسك ؟!.

غزل : ملابسي هنا؟!.

العنود : الشنط اللي أمي مقضيتهـا لك؟!..

غزل استغربت : ليش؟!.

نوره انتبهت لهم : وشو ليش لزواجك..

غزل ابتسمت خجلت منهم..

العنود : قومي نشوفهـا..

شهد : أنتظروا بس اكلم خالد واجي..

العنود : طيب كلميه وشو بتجلسين ساعه واحنا بغرفتك..

قامت غزل والعنود ودخلوا غرفة شهد..

غزل جلست تتأمل غرفة شهد مو مذكرتهـا اما العنود ماجاء ببالها هالشي كانت جمب الشنط تفتحها..

العنود : تعالي ساعديني مو قادره افتحها..

غزل قربت منهـا وجلست على الأرض : اااي قويه جربي وحده ثانيه..

العنود قدرت تفتح الشنطه : والله أني اقوى منك..

غزل : ههههههههه طيب مو كأنك ماكنتي قادره تفتحينها..

طلعوا الملابس من الشنطه وجلست غزل تتفرج هي والعنود أطلع وتوريها ..

ع ــــنــــــــد شهـــــــد الخالد..

نزلت لتحت كانت بتطلع لخالد وتكلمه رجعت وقالت ليش ماارسل له ..

احتارت تطلع تكلمه ولا ترسل له مسج خافت لو ترسل مايرضى ويحس انها بس تطلب منه وهو اليوم معاها تمام قررت ترسل له مسج وتسأل إذا في أحد بالمجلس ولا لا؟!..

عشان إذا كان في أحد بالمجلس تطلع وتكلمه دقايق ووصلها المسج أن مافيه غير هو ومشعل ..

تمنت أنه قال لها أن المجلس مليان عشان ماتطلع بس الحين خلااص لازم تطلع حست انه صعب والمجلس مافيه غير خالد ومشعل..

رجعت للمطبخ وقالت للخدامه تحط لهـا من الحلى اللي سوته أول ماجات ((تشيز كيك)) وأخذتـــــه وطلعت للمجلس..

شهد : سلام..

الكل : عليك السلام..

حطت صحن حلى قدام مشعل وصحن جمب خالد وجلست جمب خالد : ذوقوا أنـــا سويته..

خالد : متى سويتيه؟!.

شهد : يوم جبتني هنا..

مشعل : تسلم يدينك حلو طعمه..

شهد تبتسم : الله يسلمك..

مشعل : وين غزل؟!.

شهد : تتفرج على أغراض زواجها مع العنود ..

مشعل ابتسم :طيب قالت لك شي يعورها؟!.

شهد : لااا بس ترا ماخذت الدواء..

مشعل : مو موعده الحين..

شهد : أدري قصدي اللي عطاها خالد كان معاها بشنطه الحبه تقول تنوم بتاخذها لمى ترجع البيت..

مشعل : ياسلام على أساس أنه بكيفها..

وقام من عندهم ..

خالد : مابتذوقيني حلاك..

شهد تقرب منه الصحن : .........

خالد : لااا بيدك..

شهد تحاول تغير الهرجه : خالد أيش رايك ننام عند غزل اليوم؟!.

خالد : أخاف نضايقهـا..

شهد : لا هي تقول عادي كنت ابيها تجي عندنا بس تقول لااا ماراح ترتاح خلينا ننام عندهم ..

خالد : خلاااص نامي هناك..

شهد : وأنت؟!.

خالد : تبيني ؟!.

شهد : أكــيد..

خالد ابتسم لها : بكون معك ليه هو أنا أقدر أسيبك؟!.

شهد حست بشي غريب يعني اللي فهمته بالبيت أيش يقصد الا دخل مشعل مضايق ماقدرت ترد ولا تتكلم كان ودها تفهم منه تلف بالكلام وتدور عشان تفهم مقصده ومعنى كلامه..

خالد : وش فيك ؟!.

مشعل : ولا شي قوم أعطي غزل الدواء..

خالد : هذا اللي مضيقك؟!.

مشعل بعصبيه : ياخي نرفزوني أمي وخالتي مايصير تشوفها مايصير تكلمها ياخي على دواء مو على شي ..

خالد : وهم صادقين خلاص الحين اخر الليل يعني باقي يومين ..

مشعل : تنكت حضرتك قوم عطها الدواء..

خالد : والله معصب أصلاً بنروح قومي شهد ناديها..

ع ــــــــنـــــد غزل ..

هي والعنود يتفرجون على كل شي على الفساتين والبناطيل والبلايز والتانير والتي شيرتات وفساتين السهرات والعبايات والجزم والشنط والأكسسوارات وأطقم الذهب ..

ومناشف وأرواب ديشمبر وبيجامات (شافت القمصان ماقدرت تقول للعنود شي قالت بتقول لشهد عليها)..

دخلت شهد : اهئئئئئئئئئ مصرع تفرجتوا على ذا كله..

غزل : واااااي أشياء مره حلوه بس المفروض أمي اللي تقضي..

شهد : لو سمعتك أمي بتزعل هذي خالتك قبل ماتكون مرة زوجك..

العنود : الميك اب والعطور تشوفينها ببيتكم الحين مغلفه مابنفتح التغليف..

غزل : مو مشكله شفت شكلها..

شهد : يلااا قومي بنروح..

غزل : أوك.

العنود : بتيسبوني لوحدي والله صرت أطفش ناموا هنا بليززز..

غزل : طيب تعالي معانا..

العنود : ماما مابترضى..

غزل : اممم انا اكلمها..

شهد : ياسلام وأيش يطبق ملابسك؟!.

غزل: الشغاله..

شهد : عشان امي تذبحك..

غزل : ليش؟!.

شهد : لأن احنا اللي طبقانها ماما مارضيت ان الخدامه تشوفها أو تمسكها..

غزل : اوووف كثير..

العنود : روحي كلمي أمي وأنا اطبق تعالي شهد..

غزل طلعت لصاله تبتسم : اممم خالتي؟!.

نوره : هلااا في شي ماعجبك بأغراضك؟!.

غزل تجلس على الكنبه : لا والله بالعكس مره حلوه بس أم ايش رايك العنود تروح تنام معي..

نوره : حبيبتي والله من عيوني بس شهد بتنام معك وهي من زمان عنك خليكم مع بعض والعنود يوم ثاني وبكرا من المغرب تجيكم ..

غزل : امممم طيب..

دخلت عندهم : مارضيت..

العنود : اوووف والله طفش..

غزل : بس تقول بكرا بتجين عندنا..

شهد : اممم أجل الحين نامي وبكرا من تصحين تعالي..

العنود : طيب..

جلست غزل تبي تساعدها بتطبيق : ........

العنود : خليه قوموا روحوا لا تتأخرون أنا أطبقهم..

شهد : غريبه عنود صايره طيبه..

العنود تبتسم : عشان غزل بس لا تتعودون..

غزل : هههههه لا كثيره خليني اساعدك..

العنود : لا سهله كله تطبيق أصلااا حلو عاجبني بتسلى فيه لين أنام ..

غزل تبتسم : أووك ..بلبس عبايتي مرره دايخه..

..

لبست عبايتها وسلمت على خالتها والعنود ونزلت

طلعت لقيت خالد ومشعل عند السيارهـ..

خالد : والله أنك أخد وجــــــــه وتقال مرتك محد منا سواها..

مشعل : والله حبيبي معي عذري أنا دكتورها وهي تعبانه وبعدين مره أخذ وجـــه والدليل أني من دخلت أمي طردتني..

شهد : سلام تأخرنا؟.

خالد + مشعل : عليك السلام..

خالد : لا عادي..

مشعل يتأمل غزل : أخذتي الدواء؟؟..

غزل ارتبكت: لااا أيوه مدري أيت دواء؟؟!!..

خالد : هههههههههه حرام عليك مخوفها..

غزل مدت بوزها : لا ماخاف منه بس أيت دواء؟!..

مشعل : دواك؟!.

غزل : ادري أيت واحد؟!.

مشعل : قولي ماخذته وبطلي لف ودوران؟!.

غزل : اممم باخذه لمى اروح والله مره يدوخ كان يمديني دخت ونمت وماجلست معهم..

مشعل : يلااا خذيه الحين؟!.

غزل : قلت لمى اروح دايخه بنام..

مشعل : خالد تشوفها انا اخذته مو تقولها بس خذيه..

خالد : ان شاء الله لا توصي يلااا سلام..

فـــــــي بـــــــيـــــــــــت ع ــــــبـــــد العزيــــــــــــــــــــز.

الســـــاعه 3 ونص الليل..

أريج صحيت وشافت عبد العزيز جمبها على السرير شكله نام وهو مو حاس بنفسه لأنه ساند ظهره على السرير ويده على أريج..

قامت بشويش ماتبيه يحس فيها ودخلت الحمام..

بــــــيـــــــــت أبــــــــــــــو خـــــــــــــالد

بغرفــــــــــــة غ ــــــــــــــزل..

غزل : طيب ليش؟!..

شهد تتكلم بقهر وهي جالسه على السرير : لأنوا في أحد كذب علي كذبـــــــــه ومشعل صدق وقال قدام خالد وخالد جلس يسأل مشعل وانا ماستحملت أن خالد يشك فيا خصوصا بشي اللي البنت كذبته علي واستفزيته وطلبت الطلاق..

غزل : طيب كيف؟!.يعني بأيش كذبت عليك؟!.

شهد : مقدر اقولك..

غزل : براحتك..

شهد قربت منها وحطت راصها على فخذها : لا تفهميني غلط بس مابي اضاايقك ومشعل لو عرف أني قلت لك بيزعل..

غزل : ليش بيزعل؟!.

شهد :بسألك أول حبيبتي مشعل؟!.

غزل ابتسمت : ارتحت له عاجبتني شخصيته ومتقبلته مقدر أقولك حبيبته لأني أبي أحساسي قبل مافقد الذاكره يمكن الحين يكون حبيته أكثر ويمكن قـــبـــل..

شهد ابتسمت : هو يموووت عليك..

غزل : أيه أحس بكلامه بنبرة صوتـــــــه بحركاته يلااا قولي لي..

شهد : اممم أخاف أقولك تشكين فيني؟!.

غزل : ليش أشك؟!.

شهد : من اللي بقوله لك؟!.

غزل : لا تخوفيني قولي..

شهد : شوفي يوم صار لك الحادث كنتي فاقده الذاكره جاتك وحده وقالت لك أنهـا شهد بنت عمك يعني أنــــا وقالت لك أصقعي راصك عشان ترجع لك الذاكرهـ وأنتٍ صدقتي وصقعتي راصك وبعدها فقدتي الذاكره وصرتي ماتذكرين البنت اللي جاتك ومشعل شك فيني لأني قبل كذا سالته نفس السؤال ويوم رجعت الفندق اتضاربت مع خالد وقلت له لو أنك رجال طلقني (انخنق صوتها)وطلقني بس..

غزل انصدمت من اللي تسمعه :..............

شهد جلست قدامها : غزل والله مو أنــــــــــا..

غزل : أدري..

شهد : أيش اللي مخليك تدرين؟!.

غزل : لأن لــو أنتِ اللي جيتيني وقلتي لي كذا كان ماقلتي لي بهالفتره عشان مــازعل منك ولا لو أنه حقيقي أنتِ كان يمديك تجنبتيني على طووول أو أنك تمثلين علي الحب والأخوه وماقلتي لي هذي القصه ..وبعد لــو أنه أنتِ اللي قلتي لي كان يمديك خايفه ان ترجع لي الذاكره وأقول أنتٍ.

شهد تضمها : تدرين ماهمني كلهم يشكون فيني بس أنتِ لااا..

غزل ابتسمت لها : لأني عرفت أنو مو أنتِ..

شهد : تتوقعين مني؟!.

غزل : شايفتني متذكره عشان تسأليني؟!.

شهد : اااه لو اعرف مين ذبحتها..

غزل : المهم أنك أنتِ وخالد ترجعون لبعض..

شهد : قبل ماعرف مين مستحيل..

غزل : ليش مشعل ماقال لي؟!.

شهد : خايف عليك..

غزل : ولو المفروض يقول لي..ومين اللي يكرهني ويقولي أٍسوي كذا..

شهد : والله مدري..

غزل : بالعكس أرجعوا من الحين خلي حبكم يرجعكم مو قضيه وأثبتي براءتك فيها..

شهد : مدري ربي يسهل ...اي صح تبين الحناء حقتك يجون كلهم ولا بس أحنا..

غزل : مدري أاف يزعلون لو ماقلنا لهم..

شهد : امممم طيب شوفي جدتي وحريم عماني وبناتهم مو شرط ناديه وبناتهااا خليها عايليه..

غزل : جدتي أحسها عصبيه بس ساكته وماقالت لي غير كيفك وايش اخبارك؟!.

شهد : بالعكس مرره طيبه بس هي زعلانه عليك مو مستوعبه أنك مو مفتكرتنا ...

غزل : طيب ومين ناديه ليش ماتحبينهم؟!.

شهد : لأن ناديه ونوف اسمهم ثنائي الشـــر ورغد لااا مره طيوبه وتحبنا كثير..

غزل : مدري انا دخت سوي اللي تبين..

شهد انسدحت جمبها : لمى نقوم نخطط تصبحين على وجهي..

غزل : هههههه وأنتِ بعد..

ع ــــــند تركي ..

مسندح بسريره يفكر ..

يالله كيف قدرت والله كنت أحس أني جالس على نـــــــــــار ياترى كيف كان شكلها والله واحشتني أيش يصبرني لنهاية السنه عشان أسافر وأصير ماشوفها الله يعين..

ع ـــنــــــــــد الــــــ ع ـــــــــــنود ..

رتبت الغرفه بعد ماكانت محيوسه بالهدووم ورجعت الشنط زيي ماكانت..

وراحت غرفتها بتغير ملااابسها غيرت ولبست بيجاما وقفت عند التسريحه بتشيل الميك اب اللي على وجهها ..

ليه أحس بعد مابــــــعد عني شخصيتي اتغيرت ليش أول كنت أحب الصرقعه والهبال واللحين بس ابي الهدوء ..

صح بداخلي في جناااان بس أول ماكنت كذاا ليش ياتركي كسرتني معقول مايبيني معقول صار مايحبني ليش اليوم ماجاني ولا كلمني ؟!.

انا لازم أفهم هو ليش يعاملني كذاا مستحيل مايحبني انا امــوت فيه بس متى بقابله متى بيكلمني؟!.

بــــــــ ع ــــــــــــد مرور يومين..

أهم الأحداث بالنسبه لعبد العزيز وأريج..

عبد العزيز يتعامل معاها عادي وأريج بعد كل كلامهم رسمي وعبد العزيز ماجاب سيره للي صار ونفس الشي أريج ..

((سبب أن عبد العزيز ماقال لـ أريج مايبي معاها مشاكل يبي يخلص من موضوع الدواء حقها))

((أمــا أريج كانت تنتظره هو يتكلم هي عرفت أنهـا غلطانه بس اللي يجرحها أسلوبه عشان كذا أسكتت تنتظره هو يتكلم))

ع ـــــنــــــــــد غزل ..

اليومين اللي فاتت كانت شهد تنام عند غزل..

وتحسنت علاقه شهد بخالد كثيرر بسبب غزل دايم جلستهم ومزحهم مع بعض..

صحيت غزل وصحت شهد على الساعه 5 العصر..

غزل أخذت دش ولبست برمودا جينز وبلوزه عريانه حمراء أستشورت شعرها وحطت كحل ومرطب ..

وشهد أخذت دش وخلت شعرها كيرلي ولبست تنوره جينز فوق الركبه بشوي وبلوزه بيضاء عريانه عليها كتابات بـ الأسود..

غزل : ليش؟!.

شهد : عشان لمى تنقشك البرمودا طويله..

غزل : بس أستحي قدام خالد البس شورت..

شهد : اهااأجل لمى يروح البسي ..

غزل : يب..

شهد : اممم أيش بتسوين؟!.

غزل : مدري أنا كنت ماابي حناء بس أنتِ وخالتي تقولون أن العروس ماتحب بزواجها غير بالحناء..

شهد : ليش ماتبين؟!.

غزل : شوفي هي حلوه بس أحس لمى تجي تروح تصير باهتته تقرف..

شهد : اها طيب لمى تطفشين منها غسليها بصابون وافركيها بليمون وتروح..

غزل : طيب ..

شهد : بتسوين كيف؟!.انا بخليها بس لذراعي..

غزل : يب حتى أنا ابيها بس ذراعي بس ابيها ناعمه أمم أيش رايك وردات؟!.ابيها مره ناعمه..

شهد : بتسوين زيي ماكنتي ناويه؟!.

غزل : وأيـــش كنت نـــــاويه؟!.

شهد : كنتي ناويه تخلينها تنقش رجولك من الجمب لغاية فخوذك..

غزل : واااي عيب كنت ماااستحي..

شهد : ههههههههههههه لااا بس ماكنتي تبينها هبل كنتي تبينها من الجمب وناعمه ..

غزل :ماقصدي على شكل كيف قصدي لفوق عيب..

شهد : ايه طيب الحين تقولين عيب بعدين عادي سوي زيي ماكنتي تبين لا تندمين..

نزلـــــــــوا شهــــــد وغـــــــــزل الصاله..

شهد : هههههههههههه تــعــالــي نسوي أننا حريم ونطلب الحلا والمعجنات قبل ماتجي أمي ونستقبلهم كأننا حريم..

خالد يدخل الصاله: والله أنتِ حرمه وغزل باقيلها ساعات وتصير حرمه وتكونين حرمه أنك تسوين لك الحلى مو تطلبينه..

غزل : هههههههههه فشله..

شهد : احم هي فشله بس أنت مافهمتني أنـا قصدي أننا بنتين بنستقبل أمي وحريم عماني وهم كبار وأحنـــا اللي نعتبر صغار بنستقبل الناااس على حناء عروس فهمت ..

خالد يبتسم : فهمت..

غزل اتذكرت مشعل وأنه قال لها أول ماتصحي كلميني : دقايق الحين أجي..

وقامت من عندهم..

خالد يبتسم لشهد : محلوه اليوم..

شهد ابتسمت : ليش يعني زيي كل يوم؟!.

خالد : مدري اليوم عيوني تشوفك حلوه؟!.

شهد : عساها دوم تشوفني كذا..

خالد : تعالي جمبي بقولك شي..

شهد : قول أسمعك..

خالد : اخاف غزل ولا الخدامه تسمع..

شهد قامت وجلست جمبه : هلاا وش فيك؟!.

خالد باسها على خدهااا : .....

وشهد أنصدمت جمدت مكانهــــا بس اللي رحمها الباب يدق وقام خالد وقومها معاااه عشان يستقبلون الناس..

بس شهد أنصدمت تحس مو قادره تفكر..

عند الباب ..

خالد : شهد...شـــــــهـــــــــــد..

شهد : هااه..

خالد : وش فيك النــاس جووو أفتحي لهم أنا بطلع غرفتي بغير واسلم عليهم وأطلع..

شهد واقفه مكانها مو مستوعبه اللي صار خالد طلع غرفته وهي مافتحت جلست 5 دقايق على ماستوعبت فتحت الباب كانت أمهـا والعنود :

شهد تبتسم : هلاااا..

سلمت عليهم ..

نورهـ : وش فيك ليه تأخرتي على ماتفتحين؟!.

شهد : هااه كنا فوق ..

جلست نورهـ والعنود وشهد أخذت عبيهم وعلقتها ..

نوره : وين غزل؟!.

شهد : الحين بقوم اناديهـا..

ع ــــــنـــــــــــد غ ــــــــــــزل..

غزل : هههه والله مانسيتك بس كنت أخذ دش..

مشعل : بــشــــوفك..

غزل : خلااص بكرا ..

مشعل : لا بشوفك وأنتٍ تتحنين..

غزل : ههههههههه مايصير..

مشعل : ليش؟!.

غزل : بس مايصير ..

مشعل : تتحديني أني بشوفك..

غزل : يس أتحداك..

مشعل : أووك ..

دخلت شهد : غزل يلاا أمي تحت..

غزل : يلااا مشمش خالتي جات بايوز..

مشعل : خذي الجوال معك ..

غزل : ليش؟!.

مشعل : خذيه وتعرفين..

غزل : طيب يلااا باايوز..

مشعل : مع السلامه حبيبتي..

عــبــــيــــــــــر الســــلطــــــــــــــــان..

سلطان : سوي زي نقشتك يوم زواجنا..

عبير : هههههههههه ليش؟!.

سلطان : بس نسترجع الذكرى..

عبير : مدري هذي وحده شهد جابتها مو نفس اللي حنتني..

سلطان : عادي خذي من صورك يوم زواجك ووريهـــا..

عبير : لااا استحي قدامهم خلاااص أسوي شي جديد أحلى..

ع ــــــــــنـــــــــــد أريــــــــــــــج الــ ع ـــــبـــــــد العزيز..

عبد العزيز : ماتبين أوديك؟!.

أريج : لااا قلت لوحده تجيني هنــا..

عبد العزيز ابتسم : أحلى ..

أريج : هههه وش الأحلى..

عبد العزيز يقرب منهــا وهي جالسه على الكرسي : حبيبي زعلان مني؟!.

أريج : أمممم أيش رايك؟!.

عبد العزيز : رايي أني أحبك وأموت فيك ..

أريج ابتسمت : وأنـــا بعد أحبك..

عبد العزيز : زعلانه؟!.

أريج : أنا اللي غلطت المفروض أنت اللي تزعل مني مو أنــا ازعل منك..

عبد العزيز يضمهـا : أنا مو زعلان منك انتِ بس ادلعتي علي شوي وأنا اتحملتك..

أريج وهي بحضنه : أتحملت دلعي؟!.وعصبيتك؟!.

عبد العزيز : امممم ننساهاا ونرجع زي ماكنا؟!.

اريج حركت راصها بمعنى أيه :........

عبد العزيز باسها : الله لا يحرمني منك ..

اريج : ولا مـــــنـــــــــــك..

ع ـــــــــنــــــــــــد غـــــــــــــــــــــزل

نورهـ : من وين عرفتيها؟!.أخاف ماتعرف زين؟!.

شهد : البنات بالجامعه قالوا لي عليهاا ويقولون مره زينه..

غزل أتذكرت الجامعه : ياويلي الجامعه أنـا شكلي بأجل هالترم..

شهد : وشوت أجلين مشعل مسوي لك كل أوراقك أنك تعبانه وبحالتك الصحيه وبعدين عمي وبابا بالواسطه يمشون كل شي مايبغالها..

غزل : ايه بس انا شهر مو مداومه..

شهد : والله مايبغالها المحاضرات عندي وهم راضين فيك خلينا نخلص من هالسنه وخلاااص..

الا يدق الجرس ..

كانت عبير ..وبعد شوي جات الـ (المحنيــــــه)

غزل : لا أنـــــــــا اخر وحده بليز..

العنود : انا اول وحده..

شهد : اووك يلااا..

وبعد شوي جات هبه وحــصـــه وهدى ..

غزل : ليش والله حلوه..

هدى : لااا انا كبيره على هالاشياء..

غزل : بالعكس الكبار هم اللي يحطونها دايم..

هدى :جاملي قولي مو كبيره..

غزل : هههههههههه لا انا قصدي أقنعك ..

نورهـ : والله جواز غزل كلنا بنحط..

غزل : واااي وناااسه..

خلصوا كلهم وبداء دور غزل ..

راحت ولبست شورت..

وجات وجلست ..

غزل دقيقه برفع شعري رفعت شعرها بشباكه :..........

وبدئت المحنيه تحني يدينها ..

غزل : ابيها مره نااعمه ..

المحنيه :اوك..

غزل : بس ابي لونها يغمق مو تجي أورنج اكرره الفاتحه..

المحنيه : ايه انا خلطها لك عشان تغمق..

غزل : طيب..

بعد ماتحنيها بشوي وصارت يدين غزل الأثنين ماتقدر تمسك شي..

غزل : اممم عطشانه..

شهد :ههههههههههه الحين اشربك..

وقالت للخدامه تجيب لهاكاسة مويه وشربتهاشهد ..

<< مجربه وربي العطش وكل شي تحتاجينه في يدينك يجي وأنتِ متحنيه ..

نورهـ : انا مابي نقش..

العنود : تكفين يمه وعع مو حلوه الحناء باليد مو نقش مافي نقش الله يخليك..

نورهـ : أنـــا أحبهـــا..

العنود : الله يخليك خلي جواز غزل يكسر القاعده..

غزل : اووووف ..

شهد : أشبك؟!.

غزل :أحس رقبتي تحكني..

شهد اللي غسلت كف يدهاا عشان تقدر تتحرك والباقي كله لااا ماغسلته عشان يمسك الون: انا احك لك..

غزل يوم شهد قربت يدها من رقبتها اتضايقت : ههههههههه لالا يضايقني..

جات العنود ناوويه شر كانت أول وحده وهي مخلصه من اول بعدها كان شهد وبعدها هبه وبعدهم عبير وبعدين هدى وبعدها حصه وبعدها غزل ونوره قالت هي بتكون بعد غزل ..

العنود تقرب من غزل ودغدغها وغزل ميته ضحك : ههههههههههههههههههه بس بطني لااا بيخرب ههههههههههههههههههههه بطلي ههههههههههههههه..

العنود : ههههههههههه شكلك تحفه..

غزل تحاول تتعدل تجلس: ياويلك لو خرب شهد شوفي خرب مو شايفه ..

شهد : لااا ماخرب بس من هنا شوي انعدم..

غزل : لاااا..

المحنيه : لمى أخلص من رجلك أعدلها ..

غزل تبتسم : أووك..

جاها مسج وماقدرت تشوفه وماتبي احد يفتحه لها عارفه جنان مشعل..

بعد شوي جوالها يررن ومو قادره ترد..

غزل : عنود اطلعي غرفتي في شنطه فوق الشوفنيره لونها رصاصي تلقين فيها سماعة الجوال جيبيها..

العنود : ايه خدامتكم بس بنعذرك اليوم وبكرا بس فاهمه..

غزل : ههههههههه طيب..

طلعت وجابت لها السماعه..

نوره : طلعتي رقم؟!.

غزل ارتبكت : أيــــــه..

ركبتها لها وحطت السماعه بأذنهـا : هلااا..

مشعل : ليش ماتردين؟!.

غزل ماتبي تبين لهم أنه مشعل : عشان جالسه اتحنى مقدر غير جبت السماعه..

مشعل يبتسم : وكيف طلع؟!.

غزل : مدري أنتظر شوي وأشوف..

مشعل : تدرين أن ماني مصدق اللي قاعد يصير أحس أني بطير من الفرحه..

غزل : ههههههه..

مشعل : أحبك..

غزل ساكته بس باين بنفسهاأنهـا مرتبكه : .........

مشعل : متى يجي بكرا؟!.

غزل : بعد شوي..

مشعل فطس من الضحك : ههههههههههههههه يالبى طفلتي خلاااص طيب عارف أنهم عندك بقفل وأول ماتخلصين على طول تتصلين أكيد ماباقي لك كثير صح؟!.

غزل : يب..

مشعل : ترا لو تأخرتي علي بتصل..

غزل : اوك فهمت باايوز..

مشعل : سلام..