غزال المشعل..
في جناحهم الساعه 3:30
مشعل صحي قبل غزل وراح تروش ورجع طلب لهم الغداء وغزل لسى نايمه ..
جلس جمبها على السرير باس خدها وهمس بأذنها : غزالي..
غزل :.........................
مشعل : حبيبي غزل..
غزل :...............
مشعل يرفع غرتهـا عن جبينها ويبوسها : غزل حبيبي..
غزل فتحت عيونها دايخه : امممم بنام..
مشعل يبعد الشرشف عنها : نوم وشو؟!.خلاااص يلااا..
غزل دايخه اعطته ظهرها : تكفى دايخه بنام..
مشعل ينيمها على ظهرها ونزل لمستواها وجهه مقابل وجهها همس: أنـا قلت يكفي نوم يــلااا..
غزل خجلت من قربه لفت وجهها الجهه الثانيه وتحس بأنفاسه على خدها ورقبتها : بنام..
مشعل : يعني ماتبين نطلع؟!.لو نمتي مو طالعين..
وقام من السرير..
غزل سحبت الشرشف : ok
مشعل توقع أنهـا تبي تطلع تقوم تكون فاقت مع إزعاجـه رجع لها عند السرير وشالها بـسرعــه ..
وصار يدور فيها..
غزل ماسكه فيه : لااا مشعل بطيح..
مشعل يضحك ..
غزل تغمض عيونها وتمسك فيه : مشعل يدوووخ لااا نزلني..
مشعل : هههههههههه أعطيني بوسه وأنزلك..
غزل تغمض عيونها : مشعـــــــــل بس والله دخت..
مشعل يضحك عليها وهو تمسكه بقوهـ : ههههههههههههه..
غزل عصبت : بسسسس خلاااااص ..
مشعل وقف وقفها قدامه وغزل مو قادره تركز تحس الدنيا تدور مشعل ماسكهـا وهو يبتسم غزل حست نفسها بطيح مسكت فيه وحطت راصهـا على صدرهـ..
مشعل يبتسم ويبوس راصهـا : الله لا يحرمني منك..
حسهـا طفله تايهه مالها غيرهـ تلجأ له..
غزل مسكت فيه أقل من دقيقتين بس لين حست أنهـا قادره توقف وبعدت عنه ووجها أحمر :...........
مشعل يبتسم لها : عرفت أصحيك..
غزل مدت بوزها : أزعجتني..
مشعل : في عروس تنام ذا كله يوم زواجها!!..
غزل تجلس على السرير وهي تفرك عينها زيي الصغار : وفي زوج يعطي مرته دواء ينيم يوم زواجهـا كأنه بيتخلص منها!!..
مشعل : ياطول لسانك يلااا قومي الغداء يمديه برد تغدي وبعدين تروشي عشان بنروح مكه..
غزل استغربت : مكه!.
مشعل : أيه أشبك؟!.
غزل : ماقلت لي..
مشعل : بنروح وبنرجع بنفس اليوم..
غزل : أووك ..
قامت ودخلت الحمام (أكرمكم الله) ..


ع ــــــنـــــــــد الـ ع ـــنــــود..
(أنـا أحبك وأبيك بالحلال وكل اللي كنت أسويه غلط مهما كنتي تشوفين حجم الغلط يعتبر بالنسبه لي غلط أسف لو كلامي جرحك أتمنى تفهميني)
كانت الرساله من تركي!.
صحيت من النوم ..بعد مانامت وهي ماتدري عن نفسها لقيت الجوال جمبها فتحته لقيته على مسج تركي..
قريتها ورجعت تبكي..
ليش يجرحني؟!.وش قصدهـ؟!.
أيش معنى كلامه؟!.
أنـا راميه نفسي عليه يوم يقولي كذا؟!.
من متى طوع وأنـا أيش قلت له أنا بس سألته ليش تغير علي؟!.
كسرت شي بداخلي لك ياتركي..
جرحتني..
صح أحبك..
بس كسرت شي بداخلي حسستني أني راميه نفسي عليك..
مابيك لو تبوس السماء وتعتذر مابيك..
دقت باب غرفتها سيتي..
العنود : ...................
سيتي فتحت الباب : ئــنــود..ئــنــود..
العنود من تحت الشرشف : سيتي أطلعي برا الغرفه..
سيتي : ماما قول يلااا أصحى هيا في أستنى تحت أنت..
العنود : طيب قايمه..



ع ـــنـــــــــد شهـــد الـ خ ـــالد..
صحيت قبل خالد أخذت لها ملابس ودخلت الحمام أخذت دش وهي تفكر باللي صار أمــس مو مستوعبه ولا متوقعه فجأتهـا حركة خالد ماكانت تتوقــع أنه بيرجعها هذي الأيام ولا بذي الطريــقــة ..
أخذت دش ولبست تنورهـ جيـنز قصيرهـ وبدي أحمر..
طلعت من الحمام مالقيت خالد بالغرفــة توقعت أنه بصاله ..
خلت شعرهـا مفتوح..
وحطت بورده وكحـــل ومرطب ..
تعطرت ..
وطلعت من الغـرفة ..
مالقيته بصاله ولا بالغرفه الثانيه..
دورت بالمطبخ مو فــيه..
رجعت غرفة النوم وهي مقهــورهـ..
جلست على السرير لدرجة ذي مايبي يشوفني طلع من البيت من غير مايقولي بس كذا سوا أمس اللي يبيه والحين طلع!!
كذا ياخالد!.
مالوم غزل يوم تقول الرجال شهوهـ وغريزه!
طيب كلمني قولي تطلع من غيــر ماتشوفني ماتكلمني تسوي انك نايم وتخليني اقوم وتطلع من البيت!
ليش طيب!.
ليش طول الليل وأنت تتغزل فيني!.
وتحسسني أني ملكة زماني!.
ليش تقولي أنك مشتاق لي!.
ليش تعتذر لي!.



ع ـــــــــنــــــــــــــد بنـــــدر..
توه طالع من المستشفى ركب سيارتهـ ..
غريب يومين ماداومت!
ليش؟!لايكون صاير فيها شي ..
بس الأيام اللي قبل داومت وهي ماترد على البنات من أكثر من أسبوعين ليش؟!.
راح على بـيـــت نورهـ ..



أريـــــــــــــــج الـــ ع ــــبد العزيز..
جالسه بصاله تتفرج على التلفزيون ..
عبد العزيز توهـ صاحي أخذ دش وجلس جمبها على الكنبه..
أريج : بدري صح النوم..
عبد العزيز يبتسم : صح بدنك ..متى صحيتي؟!.
أريج : على 2 ونص..امم عزيز..
عبد العزيز : ياعيونه..
أريج : أنـا بسيب الشغل خلاااص..
عبد العزيز : ليش غيرتي رايك يوم قلت لك أتركيه تبينه؟!.والحين قررتي تتركينه؟!.
أريج تجلس تقابله : مدري بس أحس مالي نفس زي زمان وغير كذا مو قادرهـ التزم فيه ..
عبد العزيز : لو علي أنـا من زمان ودي تتركينه خلااص أنا بكرا أكلم عمي..
أريج : تــبـي أحط لك الغداء؟!.
عبد العزيز يحط يدهـ ورا خصرهـا : لا بعد صلاة المغرب بنطلع نتمشي ونــتعشى برا..
أريج : اليوم العشاء ببيت عمي عشان غزل..
عبد العزيز : أنـا اكلم مشعل وأنتِ كلمي البنات (همس لها)بنكون مع بعض..
أريج ابتسمت : طــيــب..





بــيـــــــــــت أحـمـــــــــــــــد..
حسناء جالسه بصاله مضايقه اليوم أول يوم تداوم فيه بالجامعه ضايعه مو عارفه راصهـا من رجلهـا لقيت وحده من صحباتها بالثانوي معاها بنفس القسم (مو صحبتها مرهـ بس أنها تعرفها)
اتصلت عليهـا ..
نوف.<< مو نوف أخت رغ ــد بنت ناديه..
نوف محمد..
حسناء : خلاااص طيب أنـا الحين أرسل السواق المكتبه..
نوف : الأنقلش معاك صح؟!.
حسناء : أيه معي..
نوف : حماس كذا ماصار ناقصك شي كل شي كامل عندك بس باقي لك أختبارات ..
حسناء : وهي أهم شي وش يذاكر ذا كله!!..
نوف : ربي يعينك وأكيد بيقسمونهـا لك..
حسناء : ماله داعي ولله ودي أسحب على الترم ذا..
نوف : حسناء خلاااص لا تضيقين على نفسك وشو تسحبـين على الترم يعني لو سحبتي عليه بتدخلين طب الترم الثاني..
حسناء : أففف بس مو طايقه القسم..
نوف : كلها سنه وحولي..
حسناء : الله يعين المهم أنـا الحين برسل السواق المكتبه يجــيـب الملخصات والمحاضرات بس دقيقه دوامنا من متى لمتى؟!.
نوف : اممم ارسله لكي على الجوال بس بكرا من 8 لـ3..
حسناء : حشى ماختلف شي عن دوامنا بالمدرسه..
نوف : عشان تحضيري يتغير بعدين وخلاااص لا دورين شي تنتقدين عليه حاولي تتقبلي لو قلت لكي مانداوم غير يوم لأنك مو متقبله..
حسناء : ههههههههه لو دخلتي علم نفس مو أحسن لك..
نوف : خفت أنجن يقولون كل اللي يدرسون شي بعلم النفس شوي يختل عقلهم مو ناقصني..
حسناء : هههههههههههه على أساس أنك عاقله..
نوف : وش قصدك ست حسناء!.
حسناء : ولا شي سلامتك ..
نوف : أيه أحسب ..

ع ــــنــــــد ع ـــبـــيـــــــــر السـلــطــان..
توهـ جاي من بــرا..
دخل غرفة النوم..
شاف عبير جالسه على كنبة الغرفه ومغمضه عيونهـا..
سلطان قرب منهـا وجلس جمبهـا : عبير ..
عبير فتحت عيونها :هلا..
سلطان : أشبك؟!.
عبير : ولا شي ..
سلطان : شكلك تعبانه..
عبير : مدري مو تعب أحس شي غريب..
سلطان : شي غريب!كيف يعني؟!.
عبير: مدري أحس ان كل شي حولي مضايقني ومو مرتاحه أبي أنـام وبنفس الوقت النوم مو مريــحني أحس أني بستفرغ(اكرمكم الله) بس مدري قرفانه ..
سلطان : قومــي بنروح المستشفى..
عبير : لا مايحتاج..
سلطان يحط يده على جبينها : وشو مايحتاج قومي يلااا..
عبير نامت على رجله : لا مابي بنام بس ساعه قبل مانروح ..
سلطان يحط يدهـ على شعرهـا ويمسح عليه : أنتِ تعبانه مو لازم نروح..
عبير:لا سلطان مافيني شي بروح بالعكس حلوه جلستهم..
سلطان يشيلها ويحطهـا على السرير : طيب ارتاحي وإذا صحيتي يصير خير..
عبير مسكت يدهـ : سلطان..
سلطان جلس جمبها على السرير : ياعيون سلطان..
عبير : أسفه عشان امس بس كنت تعبانه..
سلطان يبوس جبينها : ارتاحي أنـا مو زعلان..
وقام من عندها وطلع لصاله وهو يقول بداخله ياليتك ياعبير دايم هاديــــه تعجبيني بطيبك وخجلك حتى جنانك أح ـبـه بس مو بكل وقت..


ع ــــــنـــــــد غ ــــزل..
طنشت مشعل اللي قال لها نتغداء اول بعدين تروشي ..
دخلت تروشت وأستشورت شعرهـا..
جلست تقريباَ ساعتين بالحمام تتروش وتستشور..
طلعت لبست بنطلون جينز سكيني ..
وبلوزهـ رسمي بيضاء مخصرهـ على جسمهـا..
وقفت قدام المرايـــه..
دخل مشعل : بدري..
غزل ابتسمت : .............(وجلست تحط كحل)
مشعل قرب منهـا وسند ظهره على الجدر وهو يتأملهـا ..كتف يدينه : أنا مو قلت تغدي أول..
غزل خجلت منه كيف يتأملهـا جلست على الكنبه : مو مشتهيه..
مشعل ابتسم على وجهها اللي أحمر : طيب قومي أنـا باكل معك..
غزل : مو مشتهيه..
مشعل يقرب منهـا ويمسك يدهـا يقومهـا : يلااا عشان مانتأخر..
قامت معه بس سحبت يدهـا من يدهـ..
جلست على الطاوله ومشعل جلس..
غزل تشوف الأكل : مو مشتهيه..
مشعل : وش مشتهيه؟!.
غزل : اممممممم مشتهيه قهوه ..
مشعل : أقول كلي أنا الغلطان اللي سألتك..
غزل : طيب..
مسكت الملعقه مو مشتهيه وأصلاً مو عارفه كيف تتعامل مع مشعل تتحاول تتعامل معاه عادي زي بالمستشفى بس تشوف نظرة عيونه ماتقدر تخجل منه..
مشعل : غــــزل...غــــزل..
غزل : هلااا..
مشعل : بأيش سرحانه؟!.
غزل : وين بنروح؟!.
مشعل : بنروح ناخذ عمره..
غزل : وبعدها؟!.
مشعل : بنروح بيت أهلي مسوين عشاء لنا..
غزل : ماقلت لي..
مشعل : أحسب شهد قالت لك..
غزل عصبت : وشو تحسب شهد قالت لي أنت تاخذ على كيفك قراراتك ولا تقول لي..
مشعل يبتسم : وش فيك عصبتي؟!.
غزل : ولا شي..(وقامت دخلت الغرفه)..
مشعل لحقهـا ودخل الغرفه شافها واقفه عند الشباك قرب منهـا حاوط خصرهـا بيدهـ بس غزل بعدت :.......
مشعل : حبيبي أشبك؟!.
غزل صوتها أنخنق : ولا شــي..
مشعل قرب منهـا : وشو مافيك شي؟!عصبتي عشان ماقلت لك ؟!.قلت لك أحسب شهد قالت لك..
غزل تبعد عنه وتعطيه ظهرها : خلاااص مشعل خليني لحالي ابي انام..
مشعل يوقف قدامهـا استغرب تصرفهـا : غزل أشبك؟!.
غزل جات بتبعد ماتبي تشوفه بس هو مسكهـا وقفهـا قدامه :..................
غزل بتبكي : سيبني..
مشعل وهو ماسكهـا وموقفها قدامه : أشبك؟!.
غزل نزلت دموعهـا : سيبني..
مشعل حظنهـا : بسم الله عليك وش فيك؟!.
غزل صارت تبكي وهو حاظنهـا..
مشعل وهو حاظنهـا مشي فيها وجلس على السرير وهو يمسح على ظهرهـا : غزالـي حبيبي أشبك؟!.
غزل تبكي على صدرهـ..
مشعل أنتظرهـا لين تهداء بس غزل جات بتقوم مسكهـا ورجعها لحظنه همس لها : وش اللي مزعلك؟!.
غزل تبي تبعد عنه : لا تجبرني ابي اقوم..
مشعل يبوس خشمها اللي محمر من البكى : لا تجبريني أبعدك ..
غزل :...............
مشعل : وش فيك؟!.
غزل رجعت تجمعت بعيونها دموع : ولا شـي..
مشعل : بتخبين على حبيبك؟!.
غزل بكيت : مشعل أنـا حاسه أني ضايعه والله ضايعه مو عارفه كيف أحاول أعاملك عادي زي بالمستشفى مو قادره أحاول اتأقلم معاك أنك زوجي مو قادرهـ أحاول أربط الأشياء أتذكر أحاول أتعود على الوضع اللي أنـا فيه مو قادرهـ مو عارفه أيش بنسوي ولا وين بنروح ولا كيف بعيش مشعل والله تعبت والله..
مشعل يمسح دموعها : غزل كلها فترة وترجع ذاكرتك صدقيني وبعدين أنــا زوجتي وحبيبتي خجوله وهذا أكثر شي أحبه فيك ليش زعلااانه أنك مو قادره تتأقلمين وماأٍسمها مو قادره اتأقلم أسمهـا تخجلين مني وبعدين أنا أسف أنـا اللي غلط وماقلت لك كان لازم أقولك وماتصرف من عقلي أحنـا الأثنين نشترك بقرارتنا..
غزل :...............
مشعل : خلاااص راضيه؟!.
غزل ابتسمت :....................
مشعل : هذا كله عشان ماتاكلين؟!.
غزل : هههههههههههه أيــه..
مشعل : يلااا ترا تأخرنا..
غزل : انا خلصت بس بغسل وجهي..
مشعل : أنـا بقوم أخذ دش ونطلع..
غزل : بعدين بنرجع هنا صح؟!.
مشعل : أيه عشان نلبس ونروح للعشاء..
غزل : أووك..


ع ـــنــــــــد شهــــد الــ خ ــــــالد..
جالسه على التلفزيون بصاله وهو بالها مو معاها مقهورهـ من تصرف خالد..
كذا يجيني فجأه ويفاجئني ويسوي اللي سواهـ ويطلع من البيت ولا أشوف وجهه!!.
..
كان مقفل باب المجلس اللي على البيت..
(مو مجلس الرجال يكون فيه بابين باب يطلعك برا الشقه وباب على البيت)..
ودخل لشقه من باب مجلس الرجال جهز كل شي وطلع..
ودخل من باب الشقه الرئيسي..
شافهـا جالسه بصاله ولا أهتمت تناظر له عرف أنهـا زعلااانه..
خالد : سلام..
شهد: عليك السلام..
خالد يجلس جمبهـا : وش الحلا ذا؟!.
شهد :...................
خالد : تعالي بوريك شي..
شهد : مابي اشوف شي..
خالد : زعلانه!.
شهد:...............
خالد : معناها زعلانه..
شهد عصبت : لا أبــدا سلامتك بـس خلـ..
خالد قاطعها وحط يدهـ على فمهـا : أششش(باس خدهـا)
وقفهـا وحط يدينــه على عيونهـا :...............
شهد : خااالد بعد خلاااص فهمت..
خالد : أنتِ امشي بس وتفهمين صدق..
شهد : مااابي أمشي أنـا بوقف..
خالد وقف قدامهـا :من متى الشهد عنيدهـ؟!.
شهد بقهر: من يوم ماصار الخالد مايحس..
خالد طالع فيها بحزن : أنـا اللي ماحس!.
شهد : .........................
خالد مسك يدهـا ومشي معاها لباب المجلس فتح الباب اللي كان مقفله..
وحط يدينه على عيون شهد وفتح الباب ودخلها..
شهد قبل مايبعد يدينه عن عيونها مسكتها بيدينها وحطتها على شفايفها وباست باطن يدهـ..
خالد ابتسم وحظنهـا:...................
شهد نزلت دموعها وهي بحظنه ولا أنتبهت للغرفه :...........
خالد همس لهـا : أنــا أســــف..
شهد تحظنه : أنـــا اللي أســـفــه..
خالد يمسح على شعرهـا يبتسم بحزن : عذبتيني أبعدك قدامي ولا قــادر أشبع منك ولا قادر أضمك ولا احظنك..
شهد تبكي وهي بحظنه : والله والله اتعذبت أكثر كنت ابي أحس بـ الأمان معك أحس بحبك مو بكرهك وهجرك لي بس والله ماتحملت تشك فيني..
خالد يمسح دموعهـا : نبي ننسى الموضوع ذا..
شهد : لا مقدر أنساه خالد والله مو أنــــــا خالد أنـا مستحيل اضرها وسوي شي زي كذا من وراكم والله..
خالد : أدري شهـد ومن وقتهـا أن ماشكيت فيك..
شهد تبكي : أدري بس أنـا كنت معصبه وانصدمت اسفه..
خالد يبتسم ويبوس جبينها : المهم أنك معي الحين مو مهم اللي راح..
شهد : لا مهم ابي أعرف مين..
خالد : قصدك نعرف مين..
شهد ابتسمت :................
وبعدت عن خالد انتبهت للغرفـــــه اللي خالد كان مخلي الأرض كلها ورد طبيعي أحمر وحاط بنص المجلس طاوله عليهـا كيكة ومكتوب فيهـا ..
شهد الخالد
الله لا يحرمني منك..
وباقة ورد كبيرهـ..
شهد تبتسم وطالع فيه : مرهـ حلو..
خالد يبوس جبينها : مو أحلى منك..


الســـــــــــــــاعه 9 ونص..
بيت نورهـ..
العنود : كلمت شهد تقول ربع ساعه وتجي..
نورهـ : اتصلي على مشعل تأخروا..
العنود : اتصلت مايرد..
نورهـ : عبير حبيبتي وش فيك؟!.
عبير : ولا شي بس تعبانه شوي..
نورهـ : وش متعبك؟!.
عبير : عادي خالتي تعب خفيف أحس بغثيان بس..
نورهـ : تحسين بدوخه؟!.
عبير : لمى أوقف بس خفيفه تروح بسرعه..
نورهـ : حللتي؟!.
عبير : مايحتاج تعب ويروح..
نورهـ تبتسم : مابيروح الا بعد 9 شهور..
عبير : 9 شهور؟!.
نورهـ : أيه اعراضك اعراض حمل..
العنود : ماتشوفينها سألتك داخيه وأنتِ تقولين تحسين بغثيان يعني فلم مصري مبروك المدام حامل..
عبير ترميها بالكوشيه حق الكنبه : اقول اسكتي..(لفت لخالتها)بس خالتي أنـا لقريب ماكان علي صلاه..
نورهـ : وش خسرانه سوي التحليل بالبيت وبتعرفين وبعدين شي طبيعي تحملين وش فيك؟!.
عبير ابتسمت : ولا شي..
دق الجرس ..
دخلت شهد وسلمت عليهم وجلست..
شهد : ماجات؟!.
العنود : مشعل مايرد..
نوره : الله يستر..
العنود : لا تخافين بيجي متأخر مايبي احد يزعجهم..
شهد : إن شاء الله..
نورهـ : خالكم بيخطب لجين؟!.
شهد ابتسمت : جد؟!.
نورهـ : أي اليوم كلمني وقال لي..
شهد : بس هي ماترد ولا ندري عنها بشي اليوم اتصلت عليها ماردت..
نورهـ : أي يقول راح وسـئل بالمستشفى ولقيها يومين ماداومت وقلت له اسئل أحد من الدكاتره وسئل قله أن في أحد من أهل أمهـا متوفي..
شهد + عبير : الله يرحمه..
العنود : ويعني عندها أحد ميت ماترد؟!.
شهد : هي فاضيه أنتِ الثانيه..
العنود : سبحان الله من أسبوعين مافضيت لو دقيقه تكلمكم وشحن الجوال ماخلص تشحن وتكلمكم وبعدين من أهل أمهـا مو قريب منهم مرهـ على الأقل تحترم وترد عليكم..
شهد : وأنتِ أيش دخلك..
العنود : ماودي بندر ياخذها حرام فيها..
شهد : يمه منك كله عشان ماردت علينـا..
العنود : شهد فكري فيها أنتوا من أسبوعين تتصلون عليهـا وهي ماترد معناها تشوف رقمكم ماكلفت على نفسها لو ترسل مسج وكانت تداوم طول الأسبوعين ماغابت غير يومين ..
شهد : يمكن نفسيتها تعبانه وماتبي تكلم أحد..
العنود بتريقه : سبحان الله ونفسيتها مو تعبانه عن الدوام؟!.
شهد : أي الدوام شي اساسي لمستقبلها..
العنود : بتقنعيني انهـا بدوام ماتتكلم مع صحباتها؟!.وبتقنعيني انها طول الأسبوعين بس تبكي وزعلانه؟!.وبعدين على فرض نفسيتها تعبانه وزعلانه أحترم الناس اللي كسرت جوالي اتصالات ومسجات وأرد عليهم بمسج صحبتي اللي صار زواجها ابارك لها لو بمسج..
شهد : يووه منك الله يعين صحباتك عليك وعلى تفكيرك..
عبير وهي منسدحه على الكنبه : والله كلامها صح..
شهد : يمه منكم الا ليش أريح ماجات؟!.
عبير : مدري عنهم يقولون عندهم مشوار مهم..



غزل ومشعل بسيارهـ توهم راجعين من مكه..
غزل : مو كأنه تأخرنا؟!.
مشعل : عادي مافي هناك أحد غريب..
غزل : اشوا مفحالي اشوف أحد..
مشعل : لا ياقلبي مافي غير اريج وعبير وشهد بس..
غزل ابتسمت : الحمد لله..
ارتاحت وانبسطت كثير بالعمرهـ حست براحه غريبه..
غزل : مشعل..
مشعل : ياعيونه..
غزل : متى نروح ثاني؟!.
مشعل : مكه؟!.
غزل : أيه..
مشعل : متى مابغيتي نروح..
غزل : مشعل ابي أصورك بـ الأحرام..
مشعل يبتسم : ليش؟!.
غزل : شكلك عاجبني فيه..
مشعل مسك يدهـا وباسهـا : مين قدي والغزل تتغزل فيني..
غزل وجهها حمر وسحبت يدهـا:..............
وصلوا الفندق..
دخلوا جناحهم..
غزل تجري لغرفة النوم وتقول بصوت عالي : انتظر لا تفصخه تكفى ..
مشعل يبتسم ويدخل وراهـا : وش فيك؟!.
غزل : ابي اصورك..
مشعل : الحين عمرك ماقلتي اصورك ايش معنى اليوم!.
غزل جالسه تفتح الكاميرا بالجوال بتصورهـ : بس كذا انا ابي صوره لكل يوم بحياتنا وعاجبني الأحرام..
مشعل : عاجبك الأحرام افصخه لك وصوريه..
غزل بقهر : مشـــــعــــــــــل..
مشعل: هههههههههههههه طيب خلااااص..
غزل بتصورهـ بس هو يقرب منهـا :غزل مشعل وش ذا خليني اصورك..
مشعل : وانا وش سويت؟!.
غزل : اوقف عاقل..
جات بتصورهـ قرب منهـا بيبوسهـا :..............
غزل: وش ذا الصوره مو حلوه
مشعل : بالعكس أنتِ باينه فيها..
غزل : الله يخليك بس صورهـ لا طفشني..
مشعل يبتسم : طيب خلاااص..
غزل بتصوره الا قرب منهـا وحظنهـا..
غزل تبعد عنه : يااااربي مشعل بس زيي الأطفال.
مشعل يبتسم : طيب راضي طفل بس الحين فاهمه..
غزل : ههههههههه طيب خليني اصور وماقول طفل..
مشعل : وش رايك انا اصورك؟!.
غزل : لا انا ماتروشت ولا لبست بعد شوي بس صوره الله يخليك..
مشعل : بوسيني..
غزل : مابي صوره خلاااص..
مشعل مشي عنها : بكيفك..
غزل جلست على السرير وتلعب بالجوال :.........
مشعل طلع له ملابس وطلع منشفته لف لها : غريب هدوءك..
غزل : وش اسوي لك خلااص مابي..
مشعل : طيب يلااا قومي مره زودناها..
غزل قامت واخذت منشفتها ولفت لمشعل : مشعل طالع فيها دقيقه..
مشعل لف لها وهو بيدخل الحمام : هلااا..
غزل : ههههههههههههههههههههههههه صورتك صورتك صورتك (وصارت تنط)صورتك هههههههههههههههه وفيديوا بعد..
مشعل مشي لها : وأنـا أقول هدوءك مو لله..
غزل تمد لسانها : صورتك صورتك ههههههههههههههه..
مشعل : وريني أشوف..
غزل : لااااا..
مشعل يبي ياخذ الجوال منها : بس بشوف.
غزل : لاااا..
حاول ياخذه منهـا وغزل خايفه أنه يقدر ياخذه جريت للحمام ودخلت وقفلت الباب : خلاااص مشعل بنـتأخر..

الســـاعه 10 وربـــع..
غزل ومشعل بسيارهـ ..
غزل : تأخرنـا صح؟!.
مشعل : لا مرهـ بدري رايحين..
غزل : هههههههههههه أكيد كلهم راحوا بيوتهم..
مشعل : المفروض أعتمرنـا بدري ..
غزل : يلااا مو مشكله مو مرهـ متأخر وبعدين عادي حلو السهر..
مشعل : أيــه طيب اقنعي نفسك..
غزل مستحيه تقول لمشعل وبنفس الوقت ماتبي تدخل ومامعها شي : مشعل بنروح لهم كذا؟!.
مشعل : كيف يعني؟!.
غزل : ولا شــي..
مشعل لف وجهه لها : حبيبتي أشبك؟!.
غزل : أيش رايك تاخذ لهم شي ؟!.
مشعل : ناخذ لهم أنـــا وأنتِ مو أنـا بس..
غزل :......................
مشعل مسك يدهـا وضغط عليهـا : غزل أحب خجلك بس مو بكل الأمور..
غزل : مو من حقي أطلب لو ابي شي أجيبه بنفسي..
مشعل : وأنـا وشو مو زوجك؟!.
غزل بتتهرب : في محل على طريقنا..
مشعل تنهد : ناخذ كيكه من باسكن..
وصلوا باسكن روبنز ..
ونزلت هي ومشعل ..
وأختارت الكيكه..
مشعل : أيش تبين ايس كريم؟!.
غزل تشوف النكهات قدامهـا : مشعل تدري أنـا وش كنت أحب؟!.
مشعل حاس بالزعل وصوتها اللي باين فيه اليأس مسك يدهـا : توت أزرق..
غزل : لااا مابي بعدين اروح لهم وفمي أزرق..
مشعل : ههههههههه..
أخذ له ولهـا وأخذ الكيكه وطلعوا من المحل..
غزل : شهد وش تحب؟!.
مشعل : ماسألتي أنـا وش أحب وتسألين عن شهد؟!.
غزل : هههه لا عشان شفتك اخذت توفي..
مشعل : شهد زيي تحب التوفي وأنتِ ماتواطنين التوفي..
غزل : طيب..
وجلست ..


وصلوا بيت عمهـا الساعه 11 الا ربــــــع..
سلمت على نورهـ وشهد وعبير والعنود وجلست..
نورهـ : ليش تأخرتوا؟!.
غزل : يدوب رجعنا من مكة وجيت..
شهد استغربت : رحتوا مكه؟!.
غزل ابتسمت : أيـــه..
نورهـ : عشان كذا مشعل ماقال..
غزل : كيف يعني؟!.
شهد : عشان عمي فهد خايف عليك ومايبيك تسافرين ماقلنا أنو بيروح مكه..
غزل : أهـا..
عبير اللي كانت منسدحه ونص نايمه قامت جلست : أنـا بروح خلاااص دخت..
غزل ابتسمت لها : بدري..
عبير : أنتِ اللي بدري ست غزل مسويه فيها عروس أنـا تعبانه..
غزل : ههههههه الساعه ماجات 12..
عبير : لا ياقلبي يدوب اروح انام بكرا وراي دوام وتعبانه..
غزل : الا صح أنـا متى بداوم..
شهد : متى ماتبين..
غزل : معناها مابي..
عبير : ههههههههههههه عجبتك الجلسه بلااا كسل مدام عندك عذر والمحاظرات عند شهد داومي وخلصي..
غزل : طيب بس مو بكرا..
شهد : طيب خلااص انا بعد بكرا مو مداومه نروح الثلوث..
غزل : أووكــ..
..

بســيــــــــــــــارة سلطان..
عبير : سلطان ابي الصيدليه شوي..
سلطان : لسى تعبانه نروح المستشفى أحسن..
عبير : لا باخذ أغراض شامبوا وكريم..
سلطان : أوك..
نزلت عبيـــر لصيدليه مع سلطان وأخذت شامبوا وكريم (كانت بطير من الفرحه دايم يوم تدخل الصيدليه ماتشوف تحليل الحمل قدامها بس ذي المره كانت شايله هم كيف تطلبه وماتبي سلطان ينتبه فرحت يوم لقيته وحطته مع الأغراض وهي تدعي ان سلطان ماينتبه له)
شهد أخذت غزل غرفتها..



شهد أخذت غزل غرفتها..
غزل : اشبك؟!.
شهد ابتسمت : رجعت أنـا وخالد..
غزل : جد؟!.مبرووووووك الحمد لله..
شهد تحظنهـا : الله يبارك فيك..
غزل : هههههه كنت بحظنك بس استحيت..
شهد تقرصهـا بيدهـا : الف مرهـ قلت لك اخجلي من الكل بس مو مني..
غزل : وجهي عليكم حلو..
شهد : طول عمرك وجهك على الكل حلو المهم كيف مشعل؟!.
غزل تستهبل : بخير..
شهد : غزلوه قصدي كيف معاك مرتاحه معاه..
غزل تقوم من على السرير : أيــــه الحمد لله تعالي ننزل لهم الله يهديك لو قلتي لي تحت فايقه اطلع وانزل درج يكفي العمرهـ أحس رجولي متكسرهـ..
شهد : تعالي بنسولف..
غزل : لااا مابي بنزل تحت عشان بجلس شوي وابي اروح تعبانه..
شهد : ااففف منك مشتاقــه لك..
غزل رجعت جلست على السرير : طيب سولفي بس لو نمت مالي دخل بتعيدين كل اللي سولفتيه..
شهد : ههههههههه طيب..
انسدحت غزل بسرير وجمبها شهد وجلست تحكيهـا..



بصــــــــــــاله ..
نورهـ : وينهم؟!.
العنود : طبعا الست شهد أخذت غزل وراحت غرفتها انا بطلع انام..
نورهـ : طيب روحي عندهم..
العنود : مابي اكون عذول..
وطلعت غرفتهــا..
بعد ربـــع ساعه دخل خالد ومعاه مشعــل..
وجلسوا مع نورهـ..
مشعل : وينهم؟!.
نورهـ : بغرفة شهد..
خالد : سبحان الله حتى وغزل مو متذكره شهد أندمجوا مع بعض..
مشعل اللي خايف من جلستهم مع بعض: أنـا بطلع أخرب عليهم..
خالد : وين رايح خليهم ينبسطون مع بعض..
مشعل : طيب بروح غرفتي وأجي..
خالد عارف أنه بيطلع لهم ..
مشعل طلع ودق باب غرفة شهد ..
وفتح الباب..
شاف كيف غزل منسدحه على السرير وغزل منسدحه بس سانده راصهـا على يدها وتسولف عليها..
مشعل يبتسم : أشوفكم مبسوطين..
غزل ابتسمت :...................
وشهد قامت وسلمت عليه ورجعت جلست على السرير ..
مشعل نظره جهت غزل : تعبانه؟!.
غزل تبتسم : شوي بس..
مشعل : يلااا بنروح..
غزل تشوف الساعه 1 ونص : طيب..
شهد : غزل نامي اليوم عندنا وانا بكلم خالد وانام هنا..
غزل : يــ.....
مشعل قاطعها : لا بالله لا يكون متجوزهـا صار لي 20 سنه ترا أمس كان زواجنا..
غزل خجلت من كلامه..
مشعل ابتسم لها : يلااا ..
غزل : اوك بس البس عبايتي..
طلعت من الغرفه قبل شهد..
أمـــا مشعـــل قبل شهد ماتطلع ناداها..
شهد لفت له : هلااا.


غ ـــــــــــــــــــــزالك..{..