البارت الـــ59


غـــــــــــــزال المــشــــعــــل..
غزل نزلت تحت وأخذت عبايتها ولبستهـا وجلست مع خالد ونورهـ ..
خالد يبتسم : الحمد لله أنك أرتحتي..
غزل : أيــه والله مرهـ حلو وراحه..(يتكلمون عن مكه)
خالد : متى بدوامين؟!.
غزل مدت بوزهـا : بعد بكرا..
خالد : هههه خلاص أدلعتي أكثر من شهر ونص ماداومتي..
غزل بتغير الموضوع : الله يعين..
قامت ..
نوره : وين اللحين ينزلون أنتِ تعبانه..
غزل : لا عادي مو مشكله..
طلعت الدرج وهي أصلاً تعبانه من العمرهـ وطلعت الدرج أول والحين برضوا بتطلع..


ع ـــنــــــــد شهـــد ومشعل..
اللي صار قبــل ربــع ســـاعه..
مشعل جالس على السرير وشهد جالسه جمبه : السموحه منك..
شهد تبتسم : عادي مايحتاج مسموح ياخوي..
مشعل : شهد أنـا كنت خايف على غزل ولأنك سألتيني قبل كذا عن ذا الشي
شهد قاطعته : شكيت فيني..
مشعل يحاول يبرر : شهد أنتِ عارفه لو لطف ربي وش كان صار بغزل مستوعبه ..
شهد : أدري بس مو أنــا ومالك الحق تتهمني مشعل ولي يخليك خلاص مابي اتكلم بالموضوع ذا معك اللي لك علي أني أعرف مين اللي قال لغزل ..
مشعل : شلون بتعرفين؟!.
شهد : هذا شي راجع لي..
مشعل تنهد : شهد مابيك تزعلين مني بس ماله داعي أني أقول لك غزل وش بالنسبه لي..
شهد : مشعل أنـا فاهمه تكفى خلاص والله الكلام بذا الموضوع يضايقني وبعدين أنـا لو كنت مكانك يمـــــكن أشك..
مشعل أبتسم فيها من عزة غزل كثير (يمكن أشك) : شهد غزل ماتسألك عن حياتها زمان؟!.
شهد : ليش هسؤال؟!.
مشعل : بعرف بس..
شهد : لا يعني مرات..
مشعل : مابيك تتكلمين معهـا عن الماضي بشي..
شهد : ليش؟!.
مشعل : وشو اللي ليش أنتِ عارفه أن غزل ماتعرف شي عن ماضيهـا ومابيها تعرف شي الحين خلي لين ذاكرتها ترجع..
شهد : بس تـــرا غــزل تدري أنهـا فقدت الذاكرهـ مرتين..
مشعل أنصدم وقف وهو يقابل شهد اللي جالسه على السرير : وشو مين اللي قال لها؟!.
شهد : أنــــــا اللي قلت لها ..
مشعل عصب وقطع كلامهـا : أنتِ وش فيك؟!.وين تبين توصلين؟!.يعـنـ..
شهد وقفت وقاطعت كلامهـ بتبرر له : ماقلت لهـا عن أحمد شي ولا أنهـا كانت متزوجه ولا حياتكم قلت لهـا أنـهـا فقدت الذاكرهـ مره ثانيه لأنهـا أنصقعت لأني قلت لها شي خاص بحياتي مو عنك ولا يخصك..
غزل اللي وصلت على نص كلامهم واقفه عند الباب تبي تفهم عارفه ان الكلام عنهـا ويخصهـا بس مو فاهمه شي..
شهد أنتبهت لها وسكتت..
أمـا مشعل اللي شاف شهد نظرهـا جهت الباب التفت شاف غزل واقفه..
مشعل : غــز..
غزل لفت عنه ونزلت الدرج بسرعه ..

أمــا مشعل اللي جلس على السرير..
شهد طالع بمشعل وللباب اللي طلعت منه غزل..
مشعل يهز رجله خايف غزل تذكر تشك يصير شي من ثاني يوم زواج لهم ..
طلع من الغرفه ونزل وراها..

غزل اللي نزلت وجلست بصاله..
نوره : أشبك؟!.
غزل اللي تحس براصها ضغط : ولا شي بس صدعت شوي..
خالد : أخذتي دواك؟!.
غزل : الحين اخذهـ..
نزل مشعل : يــلااا غزل..
نوره : خليهـا ترتاح شوي لين يخف صداعهـا بعدين روحوا..
مشعل قرب منهـا : وش فيك؟!.
غزل رفعت نظرها له : ولا شي..
غزل جالسه على كرسي منفرد لوحدها ..
مشعل جلس على مسند الكرسي : وين يألمك؟!.
غزل : ولا مكان..
مشعل حط يدهـ على راصهـا من ورا : هنا..
غزل تبعد راصهـا عنه : ولا مكان خلاااص..
مشعل :.............
دخلت شهد الصاله ..
أبتسمت لغزل بس غزل ماقدرت تخلي شهد تفهم وش اللي ببالها لا ابتسمت لها ولا طنشتها مجرد طالعت فيها عادي وصدت..
مشعل يطالع بغزل : يلا مشينـا..
غزل : أوك..( وقامت من على الكرسي)..

مد وهــبــــه..
هبه ومحمد جالسين بغرفتهم..
محمد : رحلتنا الصباح 9..
هبه : وين بنحط نايف؟!.
محمد : خليه عند أريج ولا عبـير..
هبه : أممم مدري..
محمد : خلاص نخليه عند أريج أتوقع عبير تطفش ولا يسبب لها مشاكل مع سلطان أنتِ عارفه عبير ماتتحمل مسؤليه شي..
هبه : بس أريج ماتجيب أخاف نايف..
محمد : تخافين من وشو؟!.
هبه : مدري محمد أحس غلط نوديه عند أريج يعني هي ماتجيب أطفال ونوديه لها محمد مابي..
محمد : ماني فاهمك وش اللي ماتبينه؟!.
هبه : محمد كيف أودي ولدي عند وحده ماتجيب أطفال..
محمد عصب : وش يعني بتسوي له اللي مو عاجبتك وماتجيب أطفال بتكون أحن قلب عليه وبتراعيه يمكن أكثر منك ؟!وش بتسوي له بتذبحه ولا مجنونه ولا فيهـا حاله نفسيه..
هبه : محمد ماقصدي لا تفهمني غلط..
محمد : وش قصدك؟!.
هبه : قصدي أنو بيأثر على حياتهـا مع عبد العزيز فجأه بيكون بينهم طفل فترهـ بعدين بناخذهـ بيحسون بفرق وهو عندهم وفرق يوم أخذناهـ..
محمد يرفع حاجبه : تبين تقنعيني أنك فكرتي بحياة أريج وعبد العزيز بس..
هبه ارخت راصهـا : وبصراحه خفت على ولدي وربك مو من أريــــج أنـا أعرف أريج طيبة الدنيا وحنونه بس يمحمد هي محرومـــــه وربك لو كان أحد من أهلي كذا والله ماراح أودي نايف عندهم أنـا ماقصدي أريج نفسها أنت تعرفني قد أيش أنـا أحب أريج بس..
محمد ياقطعهـا وينام بسرير : خلاص أرتاحـي مو موديه عند أريج..
هبه تشوفه كيف نام وتركها ونبرة صوته اللي تغيرت ..
قربت منه وجلست على السرير حطت يدها على كتفه : محمد زعلاان مني؟!.
محمد : هبه خلينا نام ورانا قومه من الصبح بدري..
هبه وهي حاطه يدهـا على كتفه : أنـا أسفه محمد ماقصدي والله أسفه..
محمد تعدل على السرير : هبه أبيك تفهمين أنه مايرضيني تفكرين بأريج كذاا..
هبه : محمد أنـت تعرف أن أريج أقرب لي من عبير وأني أحبهـا بس يامحمد وربي لو أختي كذا محرومه من الأطفال بحس أني لو أخلي ولدي عندهم بيضرهـا وبيأثر على حياتهـا وبخاف على ولدي لأنهـا محرومه من الأطفال مو بيدهـا بس يوم تشوفه تنقهر..
محمد تنهد مايبي النظره ذي تكون لأريج ومايقدر يقول لهبه شي ذا تفكيرهـا : طيب..
هبه : والله اســفه لاتزعل مني..
محمد : مو زعلان..
هبه : أكيد!.
محمد : أيـــه..
هبه ابتسمت : أدري أني ضايقتك بس..
محمد : خلااص مو زعلان خلينا أنام..

بسيارهـ ..
غزل ومشعل..
مشعل : وين تبين نتعشى؟!.
غزل : ولا مكان ابي أنـــام..
مشعل : غريب دختي ليش اخذتي دواك؟!.
غزل : معك كيف أخذه؟!.
مشعل : أشبك؟!
غزل : ولا شي..

شــــــهــــــــد الــــ خ ــــــــالــــــــد..
فــي بــيـــتهم..
شهد لابسه شورت أسود وبلوزه حمراء عريانه..
وماسكه منديل إزلة المكياج بتشيل الميك اب..
خالد يتأملهـا وهو جالس على الكنبة اللي بالغرفه ابتسم : تعالي جمبي..
شهد تشوفه من مراية التسريحه : دقيقه بس..
خالد : تعالي واحشتني..
شهد حطت المنديل وبخت بيدهـا عطر وراحت وجلست جمبه وهي تبتسم: ..............
خالد حط يدهـ من ورا كتفهـا ونيمها على كتفه : واحشتني..
شهد ابتسمت :.................
خالد يبوس جبينها :............
شهد تهمس له : أتعذبت كثير منك بس بسببي..
خالد : مو أكثر مني..
شهد : ندمانه والله..
خالد : أدري بس مابي ذا الشي يـجرحك..
شهد : ضيعنـا أحلى أيام عمرنـا صح..
خالد شاف كيف عيونها تلمع بدموع : الأيام اللي نكون فيها مع بعض هي أحلى أيام عمرنـا وبعدين خلاص ذيك الأيام خليها درس لنا علمتنا كيف أن كل واحد مايقدر يبعد عن الثاني..
شهد بعتب : بس أنت قدرت..
خالد : معناها ماتعرفيني للحين إذا تحسبيني قدرت..
شهد همست له : أحبك..
خالد :..........................

ع ـــــنـــــــــد ..
غ ـــــــزال المــشـــ ع ــــــــــــــل
دخلت غزل الجناح على طول غيرت ملابسهـا ولبست روب قصير من أوشــو لونـــه وردي وعليه هلو كتي خلت شعرهـا مفتوح واتعطرت وانسدحت بسرير..
مشعل دخل الغرفه : بتنامين؟!.طلبت العشاء..
غزل : مو مشتهيه بنام..
مشعل جلس على السرير وقرب منهـا وهي منسدحه : أشبك؟!.
غزل صدت عنه : ولا شي بنام..
مشعل قام من السرير وراح للجهة غزل وجلس على ركبه : وش اللي مزعلك؟!.
غزل انخنق صوتهـا وهي تشوفه قدامهـا : ولا شـــي..
مشعل حط يدهـ على شعرهـا ويلعب فيه : وإذا قلت لك أني عارف وش فيك؟!.
غزل جلست وسندت ظهرها على السرير: فهمني؟!.
مشعل : الي سمعتيه غلط..
غزل بعدت له : اجلس زين وفهمني..
مشعل ابتسم قام وسند ظهره على السرير وسحب غزل ونيــمهـا على صدرهـ :....................
غزل : قلت أجلس زين..
مشعل : وأنا كذا جالس الزين مو بس زين..
غزل : مشعل فهمني وش معنى اللي سمعته؟!.وش معنى كلام شهد مين أحمد وشو متجوزهـ مشعل مو فاهمه يعني وشو؟!.
مشعل يرجع راصهـا على صدرهـ : قلت لك أنتِ فهمتي غلط..
غزل ترفع راصهـا : طب فهمني..
مشعل يبوس راصهـا ويلعب بشعرهـا : حبيبتي شهـد كان قصدهـا أنهـا ماقالت لك شي غلط لا قالت لك أنك متجوزهـ ولا قالت شي عن حياتك يزعل لأن مافي شي يزعل كل اللي قالته أنك فقدتي الذاكره مرتين..
غزل : لا بالله؟!.
مشعل : أي وش فيك؟!.
غزل : هي ماكان قصدهـا كذا..
مشعل : تقدرين تتصلين عليهـا وتتأكدين هي قصدهـا أنو ليش يامشعل عصبت أنـا ماقلت لغزل شي غلط ماقلت لها ماضي صعب ولا غلط ولا قلت لها أنتِ متزوجه ولا مطلقه كل اللي قلته أنها فقدت الذاكره مرتين..
غزل : ومين أحمد؟!.
مشعل تغيرت ملامح وجهه : هي خرفت اسم مدري عنهـا..
غزل : تكذب علي؟!.
مشعل : غزل وبعدين ؟!. لا ماكذب عليك..
غزل وهي نايمه على صدرهـ : أعرف لو تكذب علي وأكتشفت بيوم الصدق بنجرح منك جرح مو سهل أنـا معتمده عليك بحياتي..
مشعل ضمهـا له بقوهـ وهي نايمه على صدرهـ كأنه خايف من كلامهـــــا اللي قالته ..


يــــــــــــــــــــوم جديــــــــــــــــد..
بــيــــــت أبـــــــــــــو نــــورهـ..
بندر : إن شاء الله..
أبو نورهـ : الله يتمم لك على خير كلمت أختك؟!.
بندر : إيــــه وتقول بتكلمهم وتاخذ منهم موعد..
أبو نورهـ : الله يتمم لك على خـير..
بندر : أمـيـــــــــــــن..

بــــيـــــت ســلـــطــــــــــــان..
عبير جات من الدوام تعبانه على طول نامت..
الساعه 8 ونــص..
سلطان يدخل غرفة النوم ويجلس على السرير : عبيري..
عبير :.............
سلطان : عبيري حبيبي..
عبير: أمممم سلطان بنام..
سلطان : عبير الساعه 8 ونص من الظهر نايمه..
عبير : دايخه..
سلطان : قومي بنطلع نتعشى براا.
عبير تفتح عيونها : مفحالي خلينا نطلب هنا..
سلطان : قومي بلااا كسل يلااا..
عبير مدت بوزها : طيــــب ..
سلطان يبوس خدهـا : فديتك يايزين بوزك..
عبير : هههههه بس بوزي..
سلطان : كلك على بعضك..
عبير تبي تتروش اتذكرت الشامبوا اللي اشترته أمس راحت أخذت الكيس ودخلت الحمام..
طلعت الشامبو والمعجون وشافت التحليل..
عبير تفكر معقول اكون حامل أنـا ليش صدقت كلام خالتي وأشتريت التحليل بس مايضر بجرب..

غ ـــــــــزل وشـــهــــــد..
على الـــفـــون..
غزل : مدري أنتِ عارفه أني مذكر أحد..
شهد : والله مدري يعني مو رايحه؟!.
غزل : No
شهد : ليش؟!.
غزل : خير وشو أروح أخطب لخالي ترا عمري 18..
شهد : هههههههههه يعني أنـا اللي عمري 50 بس أنـا بروح حرااام روحي معي..
غزل : ههههه والله مابـي أيه صح تذكرت بكرا من متى لمتى الدوام؟!.
شهد : من 8 لساعه 5 العصر..
غزل أنصدمت : وش ذا لا مرهـ تعب مااابي..
شهد : والله حماس بنكون مع بعض وتتسلين هناك..
غزل : وشو أتسلي ماعرف أحد..
شهد : عادي كلهم بنات جدد مافي الا يمكن بنتين كانوا معنى بالمدرسه وترا علاقتنا معهم مو مره سلام والحمد لله..
غزل : الله يستر بس والله تعب لـ5 شكلي برجع قبل..
شهد : أنتٍ داومي ويصير وخير..

ع ـــبـــيــــــــــر الســـلـــطــــــان..
مو مستوعبه طالع لهـا خطين حمــر..
عبير مستغربه : يعني كذا أنـا حامل؟!.معقول يعني كلام خالتي صح؟!.ماسكه التحليل بيد وحطت يدها على بطنهـــا..
يالله يعني أنـا حامل يعني بعد 9 شهور بيكون عندي طفل..
فتحت الباب ونادت : سلـطــان سلـطان..
سلطان جاهـا يشوف شعرها مبلل ولابسه ديشمبر الحمام : هلااا حبيبتي أشبك؟!.
عبير مدت له التحليل : صح؟!.
سلطان يشوف التحليل رفع راصه لعبير وأبتسم ورجع يطالع بتحليل..
عبير : صح سلطان ؟!.
سلطان يحظنهـا : مبروك لي ولك..
عبير تحظنه : يعني أنـا حامل صح؟!.
سلطان : صح ياقلبـي..
عبير : سلطان فـرحــانــه..
سلطان يبوس خدها وجبينها : الله يتمم لنــا على خير وتولدين بسلامــه..
عبير : سلطان وناااسه بطني بيكبر..
سلطان : ههههه الناس تزعل وأنتِ مبسوطه..
عبير : ياترى بنت ولا ولد؟!.
سلطان : اللي يجي من الله حياهـ الله..
عبير تبتسم وتمسك بطنهـا..
سلطان يحط يدينه حولين خصرهـا : تراني بديت أغــار هذا كله فـرحــه فيه..
عبير : أيــــه متحمسه أشوفه..
سلطان : أفــا بعد أيــــه؟!.
عبير : ههههه متحمسه له بس أحبك أنت..
سلطان يبوس خدهـا : ياقلبي أنتِ شكلي ببطل من الطلعه..
عبير : لالا أنـا أكل أنـا ولدي..
سلطان :ههههههههههه من الحين يلاا طيب البسي وأنـا أنتظرك بسيارهـ..







غ ــــــــــزال المـــشـــــــــــ ع ــــــــل..
غزل جالسه على التلفزيون : ...............
مشعل جاء وجلس جمبهـا : حبيبي شيسوي!.
غزل : طفشانه..
مشعل : قلت لك نطلع قلتي لا..
غزل : مابي مطعم مو حلو ناكل ونرجع مو حلو..
مشعل : نروح البحر..
غزل ابتسمت : أيـــــه هذي الطلعه الحلوهـ..
مشعل : ولا نروح مرسي الأحلام..
غزل : أيه مو أنـا عارفه مرسي الأحلام..
مشعل يبتسم لهـا : مكان بيعجبك صدقيني..
غزل : أيش هو أصلاً..
مشعل : مطعم بس على البحر وفي لنشات تركبينها بس الحين ليل أخاف عليك....
غزل :طيــب..
مشعل : يلاا قومي البسي..
غزل : مشعل متى بنطلع من الفندق؟!.
مشعل : وين تبين نروح؟!.
غزل : بنعيش هنا على طول؟!.
مشعل : طبعاَ لا بنروح بيتنا اللي حكيتك عنه نسيتي؟!.
غزل : لااا بس اسأل..
مشعل : متى ماتبين نروح رحـنـا..
غزل : اليوم!.
مشعل : غزل تبين نسافر نغير جو؟!.
غزل اللي عارفــه أن أبوهـا مايبيها تسافر وماتبي تحرج مشعل معاهم ولا هي تبي تســافر وتغير جو : لااا مابي..
مشعل : ليش ماتبين نغير جو؟!.
غزل : لا هنـا حلو وهذا أحنـا كل يوم نطلع..
مشعل : على راحـتــك يلااا قومي البسي ورتبي أغراضك بعد المطعم بنروح على بـيــتــنــا..
غزل : وااو حلو تحمست..
مشعل : يعني أسـتــاهل بوســه..
غزل : لااا (وقامت بتدخل الغرفه)
بس مشعل حظنهـا وباسهـا على خدودهـا : أنـــا كريم مو زيك..
غزل اللي خجلت منه ووجهها حمر تبيه يتركهـا ويبعد بس هو ماسكهـا : طيب بروح..
مشعل : يعني بتضلين بخيله..
غزل زي الأطفال حركت راصهـا بإيه : ............
مشعل باسهـا على خدودهـا مرهـ ثانيه : للحين!.
غزل تحرك راصهـا بإيـــه :................
مشعل يرجع ويبوس خدودهـا وغزل تحس بحراره وجهها صار أحمــر : برضوا بخليه؟!.
غزل مو قادره تتكلم : م..شـعـ..ل بروح..
مشعل تركهـا وهو مبوز : روحي يابخيله..
غزل بعد مابعدت عنه ابتسمت : إذا تعتبره بخل فهو يميزني..
مشعل وهو جالس على الكنبه اللي بالصاله : مصيبتك أنك عارفه..
صكت الباب وهي تبتسم ودخلت تغير..


ع ـــــــنـــــــــــد أحمد..
بـــشــــقة سالم..
أحمد : بس أبي أشوفهـا خلاااص مو متحمل أكثر مو متخيل أنهـا مع غيري..
سالم : روح شوفهـا..
أحمد :خلني اعرف هي وينهـا أول بعدين أروح..
سالم : أكيد بالبيت اللي قلت لي عليه..
أحمد وهو يتذكر مو قادر يجمع من الشرب..
مرهـ كان أحمد بسياره ومعاهـ غزل ..
غزل : أحمد أحمد وقــف..
أحمد : وش فيك؟!.
غزل : وقف دقيقه ..
أحمد وقف السيارهـ : وش فيك؟!.
غزل تتأمل الفله وعيونها تلمع بدموع :...................
أحمد : وش فيك غزل (وجاء بيحرك السيارهـ)
غزل : تكفى بس شوي أرجع على وراء..
أحمد : طيب فهميني شسالفه؟!.
غزل : أفهمك بعدين بس أرجع وراء..
رجع أحمد شوي بسياره على وراء شافت غزل أن البوابه مفتوحه وجواء سياره مشعل..
صارت تبكي ومو قــادرهـ لا تتكلم ولا تشوف زين من دموعهـا ..
أحمد : غـزل شـ.......


غ ـــــــــــــــــزالــــــــــــــــــــــــــــــ ـك..~


التوقــعـــــات


1)معقول غزل تفكر بالكلام اللي سمعته بين شهد ومشعل؟!.

2)كلام هبه عن أريج صح؟!.معقول يأثر على سفرتهم؟!.وين بيحطون نايف؟!.

3)ياترى لجين كيف بتبرر موقفهـا لغزل وشهد؟!.وأيش بتكون ردة فعلها إذا عرفت أن بندر خطبهـا؟!.

4)كيف بتكون حياة عــبـــيــــر وســلــطـــان بعد حمل عبــيـــر؟!.

5)ياترى أحمد على وشو ناوي؟!.

6)كلمة غزل لو كذبت علي أعرف أنك حرجتني جرح.....؟!.وش بيكون تأثيرهـا على حياتهم بعدين؟!.

7)كيف بيأثر حمل عبير على حياة أريج وعبد العزيز؟!.

أنــــــــــــــــتـــــــــــــظـــــــــــــــــ ـــــر ردودكـــــــــــــــــم وتـــــــــــــــــوقــــــــــعـــــــــاتكــــــ ـــــــــــــم..


لا تكن صلبا فتكسر ولا تكن لينا فتعصر


((كن كالنخيل عن الاحقاد مرتفعا * بالطوب يرمى فيرمي اطيب الثمري ))



جالس العقلاء أعداء كانوا أم أم أصدقاء فان العقل يقع علي العقل

اذا رأيت نيوب الليث بارزة فلا تظنن أن الليث يبتسم

اذا خاطبك السفيه فلا تجبه فخير من اجابته السكوت
فإن كلمته فرجت عنه وان خليته كمدا يموت