الــبـــــــــــــــارت 62




مشعل يمسك كفوف يدينها الأثنين ويبوسها : الله لا يحرمني منك..

غزل تبتسم : ولا منك..

طلعت له الشماغ وهو طلع عند التسريحه اعطته شماغه ..

وراحت طلعت عبايتها وحطت المسفع برقبتها ولقيت مشعل يتعطر..

راحت له وهي تبتسم أخذت العطر من يده وبخت على معصمها ووقفت على روص اصابيعها حطت له وراء أذنه وحطت لياقة الثوب..

وبخت على شماغه..

مشعل حس بأحساس سعاده فرحه أن غزل قدامه تلمسه تهتم فـيه..

مشعل يبوس خدها : فديت القصير أنــا..

غزل وهي تحط العطر على التسريحه وبدلع : أنـا مو قصيره أنـت اللي طولك زايد..

مشعل يحظنهـا من وراء ويبوسها همس لها : أعشقك..

غزل بعدت عنه بهدوء واخذت شنطتها : يلاااا..

مشعل : يــلااا..















فــي الجامـــــــ ع ــــــــه

وصلت شهد قبل غزل..

وشافت حسناء وسلمت عليها..

وشهد شايله هم أن حسناء وغزل يتقابلون أو أحمد يشوف غزل..












مــشـــــــعـــل و بــنــــــدر

جالسين بكوفي شبابي..

بندر : مو خايف؟!.

مشعل : من وشو؟!.

بندر : من ردة فعلها يوم تذكر..

مشعل : وقتها يحلها الحلال أهم شي أني الحين أعيش أحلى أيــام حياتي..

بندر : ليش ماتصارحها؟!.

مشعل : أنهبلت أنت!.

بندر : مشعل..

مشعل يتأفف : افف بندر لا تجلس كل شوي على الوحده وبعدين لوشو أصارحها ماله داعي..

بندر : مشعل يعني ماتعرف الغزل بعقلك بتعدي الموضوع عادي مشعل أنت لعبت بحياتها لعب جالس تتحكم فيها على كيفك..

مشعل يرفع حاجبه : لعب أني خليتها تطلق من الحقير لعب أني تزوجتها!!.

بندر : أيه جالس تتحكم فيهـا على كيفك ومالك حق..

مشعل : أجل منهو اللي له الحق..

غزل : هي اللي تختار حياتها على كيفها مو أنت تستغل الموقف..

مشعل : بندر لو سمحت لا تدخل نفسك وبعدين من هنا لين تذكر يصير خير أنـا وهي الحين مبسوطين..

بندر : مشعل أنـا أبي مصلحتك حاول الحين تفهمها على الأقل عشان لارجعت لها الذاكره ماتقول لك لو ماتذكرت ماقلت لي والحين هي مرتك يعني ماتقول ترفض تزوجك..

مشعل : ماتحمل تزعل وتبعد عني..

بندر : وماتخاف بعدين تطلب الطلاق..

مشعل طير عيونه ببندر : طلاق وشو؟!.ذي الكلمه مالها محل بيني وبين غزل..

بندر : بتجبرها عليك!!..

مشعل : بندر خلنا نغير الموضوع حددت موعد مع أهل البنت؟!.

بندر يتنهد : أيــه اليوم إن شاء الله ..

مشعل : الله يتمم لك على خير..

















ع ـــــبـــد العــزيز الأريــــــــــــج..

الــســـــــــــاعه 12 ونص..

أريج سوت الغداء وجهزته على الطاوله

كانت لابسه بنطلون جينز سكيني وتي شيرت موف وعليه كتابات بـ الأسود ورسمات..

دخل عبد العزيز تعبان شم ريحة الفواحه ماليه البيت والأنوار الخفيفه ولا كأنه الدنيا ظهر ..

عبد العزيز : سلام..

أريج تقرب منه : وعليكم السلام..

عبد العزيز : وش الجو الحلو ذا..

أريج تبتسم : شكلك تعبان..

عبد العزيز : أي والله اليوم الشغل كثير..

أريج دخلت يدها ولفت على زنده ومشيت معه لغرفة النوم : مجهزه لك الحمام لا تتأخر..

عبد العزيز يبوس كف يدها : الله لا يحرمني منك..

أريج : ولا منك..



















ع ــــنـــد غـــــــزال المشعل

بسيارهـ ..

مشعل : هههههههه وش فيك؟!.

غزل من يوم ماركبت السياره بس تعترض..

غزل : ليتني مارحت وش ذا مشعل مو فاهمه شي جالسه وبس يتكلمون وأنـا اطالع فيهم مو فاهمه شي ولا احلى شي الثوره حقت الرياضيات من يوم ماشافت وجهي قالت بكرا اختبارك اقولها انا اليوم اول يوم تقولي هذا اختبار البق ترم واحمدي ربك بختبرك تعب موووت مشعل ماابي اكمل مو فاهمه شي وتعب وكل مبنى فيه محاظره وناقصني اشياء مره كثيره مااابي مااابي..

مشعل : ههههههههههههههههههههههه غزالي وش فيك شوي وتبكين؟!.

غزل بوزت : لا تضــــحك..

مشعل : هههههههه طيب الحين رحتي بشنطه وش كل ذي الفايلات والكتب والملازم..

غزل : وجع مشافيح اخذوا كل ذا بشهر ونص..

مشعل : ماعليك المحاضرات نصورها والأختبارت يقسمونها لك..

غزل : ا مشعل بأجل السمستر ذا..

مشعل : لااا..

غزل : ليش؟!.

مشعل : لأن مافي سبب يستاهل يخليك تأجلين..

غزل : مشعل مو فاهمه شي والله حاسه أني ضايعه..

مشعل : حبيبي هذي مو ثانوي يوم لازم معدل عالي الحين الجامعه غير وبعدين تقدرين تلحقين نفسك ..

غزل : لا برضوا هذي تحضيري لو ماجبت معدل مادخل التخصص اللي ابيه..

مشعل : صدقيني اسبوع وبتتعودين..

غزل تنهدت : إن شاء الله..



















بــ ع ــــد المغــرب..

راحت نوره وشهد

وأبو نورهـ وسلطان وبندر ..

غزل اعتذرت وقالت ماتبي تروح ومشعل ماقدر يروح ويترك غزل لوحدها..






















الســـاع ــــــه 12 ونص..

شـــــهــــــد الـــ خ ـــــــــالد..

شهد : غريب ماطلعت لنــا..

خالد : يمكن أستحت منكم..

شهد وهي زعلانه أن لجين ماطلعت : يمكن..

خالد يتأمل لبسهـا اللي راحت فيه الخطبه : وش هالجمال..

شهد : ايه صح أنت ماشفته طلعت مستعجله حلو؟!.

خالد : وش خليتي للبنت اللي رايحين تخطبونها غطيتي عليهم وتقولين ليش ماطلـعت..

شهد : ههههههههههه..

خالد : الله لا يحرمني منك ولا من هالضحكه..

شهد ابتسمت وراحت عند الدولاب بطلع لها ملابس بس خالد حط يده من وراء خصرهـا ورفع خصلات شعرها عن وجهها وباس شفايفها ...................





















ع ـــنـــــــد غزال المشــعل..

جالسه على السرير وحاطه ملازم وأرواق الرياضيات على السرير..

كانت لابسه روب قصير لركبه لونه وردي وعليه هلو كــتــي..

طلع مشعل من الحمام..

جلس يتأملها..

زي الأطفال صح ماتلبس قصمان نوم بس يعجبه شكلها بكل الحالات..

زي الأطفال تتفرج على الأورق وتتأفف وترفع شعرها..

مشعل يجلس على السرير : وش فيك؟!.

غزل زعلانه : ولا شي..

مشعل : ولا شي ومبوزه!!..

غزل : مو فاهمه شي أفففف..

مشعل يشوف الورق اللي على السرير : بالوضع ذا وتبين تفهمين؟!.

غزل : والله طفشت..

مشعل ينيمها على فخذه : لا تضايقين نفسك الحين نفهمه مع بعض..

غزل وهو نايمه على رجله تتأمل وجه : تعرف له؟!.

مشعل : ترا زوجك دكتور..

غزل: دكتور بشري مو دكتور رياضيات..

مشعل : بس درستها..

غزل ترفع يدها وتلمس شعره : شعرك مبلول ليه مانشفته بعدين تمرض؟!.

مشعل : ماعليك يلااا قومي اشرح لك..

غزل قامت من على السرير واخذت المنشفه : خذ نشف شعرك على بجيب لنا عصير..

مشعل قبل ماتروح جلسها على رجله..

غزل خجلت منه : أشبك؟!.

مشعل : ولا شي..

غزل : طيب بقوم..

مشعل : ليش؟!.

غزل : اعورك..

مشعل : هههههههه عاش مصرف مو ثقيله عشان تعوريني..

غزل : بقوم اجيب عصير وراي اختبار..

مشعل : طيب بمرض ماتبين تنشفين لي شعري؟!.

غزل : لااا جبت لك المنشفه..

مشعل :.










غــــ المشعل ـــزال