البارت الــ64





شهد : طيب خلاص سـكـتـنــا..بتحضرين محاظرة الحاسب؟!.
غزل : نوو بتصل على مشعل ولا اقولك أبي اتفرج على الجامعه ماشفت غير المبنى حقنا..
شهد : وش تبين فيها مره كبيره تهلك..
غزل : لا بتفرج قومي ياكسلانه..
قامت شهد وغزل يتفرجون على الجامعه ودخلوا كذا مبنى وكذا قسم..
رن جوال غزل..
غزل ردت ببابتسامه : هلااا شوقي..
مشعل انهبل : غزالي؟!.
غزل : عيونها..
مشعل سكت شوي لثواني : أشـتـقـت لك..
غزل :................
مشعل : كيف أختبارك؟!.
غزل : مابقولك الحين اقولك لا شفتك عشان اذبحك..
مشعل : ماحليتي؟!.
غزل : امم قلت لك مابقول لك..
مشعل : أجيك؟!.
غزل خافت من مشعل حست أنها بكلامها تهورت : لا باقي لي محاظره..
مشعل : تعبتي؟!.
غزل : لا ..
مشعل :.............
غزل :..............
مشعل :..............
غزل ارتبكت من سكوته : مشـعـل بقفل!.
مشعل : ليش؟!.
غزل : المحاظره..
مشعل : متى تخلصين؟!.
غزل : بعد ساعــه إلا ربـع تقريباَ..
مشعل : محاظره ساعــه إلا ربع!.
غزل : يب يلا انا بقفل..
مشعل : انتبهي على نفسك..
غزل بهمس : وأنت بعد..
مشعل يسوي أنه ماسمع : هلاا..
غزل رفعت صوتها شوي : أنت بعد..
مشعل :أنـا بعد وش؟!.
غزل : باي (وقفلت)
ورسلت له (أنتبه على نفسك شوقي)




غزل حطت الجوال بشنطه وراحت عند شهد اللي شافت فيه بنت واقفه معاها ..
شهد ارتبكت وعرفتهم على بعض ..
غزل تبتسم : هلا حسناء..
حسناء : أهلين كيفك؟!.وحشتيني..
غزل : الحمد لله أنتِ كيفك؟!.
حسناء : تمام..غريب جاين مبنانا؟!.
شهد : غزل تبي تتفرج..
حسناء : فرصه أني شفتكم أجل..
غزل وصلها مسج..
لو قلت أحبك هالكلمه ماتكفيك لو قلت اني فحبك لحظه ماسهيت
لو قلت أحبك وقلبي يصرخ يبيك لو قلت غير حبك ماعمري تمنيت

لو قلت كل عمري مايغلى عليك لو قلت من حبك الحنان ارتويت
لو قلت حياتي وروحي بين ايديك لو قلت سكنات شوقك مانسيت

لو قلت أحبك هالكلمه ماتكفيك ولو قلت اللي قلت والله ماوفيت
لو قلت هاك عمري مايغلى عليك لو قلت السعاده من حبك جنيت

لو قلت عسى الغمـوم ماتبليك لو قلت اني مجنون فيك ماخطيت
لو قلت انشاء الله الهموم ما تجيك لو قلت مافي غيرك بحياتي هويت

لو قلت يا حبيبي عسى ربي يخليك لو قلت اللي قلت والله ماوفيت

بس لو قلت اني أموت فيك وأهواك وقتها بتحس اني فعلاً ذايب بسماك
واني مستحيل أفرط فيك أو أنساك واني أحبك و أعشقك وكلي فداك
يعني أبغاك غصباً علـيك أنا أبغاك ولو قلـت اللي قلت والله ماوفيت




دخيلك لاتذوبـ ا حروفي بـ منطوقك المعـسـول




غزل خجلت من كلامه ونسيت اللي واقفه معاهم صارت تبتسم للجوال وخدودها حمرت..
شهد تبتسم : غزل شفيك؟!.
حسناء : ههههههه معي معاك..
غزل انتبهت لهم : هلا..
شهد وحسناء : ههههههههههههههه
غزل مدت بوزها : لا تضحكون علي بس جاني مسج..
حسناء : أيه من حبيب القلب..
غزل أحترت : حررر هنا وين الكافتيريا أبي مويه..
شهد : اصلاً يلاا نروح خالد الحين يجي..
غزل : أوك يلاا سلام حسناء..
سلموا علـيهـا..
وطلعوا من المبنى..
غزل : جد جاء خالد ؟!لسى مشعل ماجاني..
شهد : لا بس عشان ابي نفتك منها..
غزل : أنـا اول ماقفلت من مشعل وشفتك تكلمينها خفت أجي بس بعدين قلت عادي لو قالت شي بقولها ماذكرك..
شهد : حركااات وين اللي كانت ماتبي أحد يدري؟!.
غزل : خلاااص أهم شي أحب مشعل ماهمني الباقي..
شهد بداخلها الله يستر من مشعل : .......................
غزل : انا كيف عرفتها؟!.
شهد : كانت معانا بالمدرسه ..
غزل : اهاا..
شهد : يلا أتصلي على مشعل..
غزل : لا بكلمك بموضوع..
شهد : وشو؟!.
غزل : تعالي نروح عطشانه نجلس وأقولك..
راحوا وجلـسـوا بالكافتيريا..
غزل تشرب مويه : اووف كنت عطشانه..
شهد : لأنك من اول تمشين..
غزل : شهد بسألك بس مو عارفه كيف ولا عرفت اسئل مين؟!.
شهد : أشبك؟!.
غزل خجلت : يعني..أنـا قصدي ..أن..
شهد : هههه غزال وش فيك ؟!.
غزل بخجل وهي تلعب بقارورة المويه على الطاوله ماتبي تشوف عيون شهد : يعني الوحده كيف تعرف أنهـا بنت؟!.
شهد : كيف يعني؟!.
غزل طالعت فيها : قصدي أنهـا بكر كيف تعرف؟!.
شهد : ليش تسألين؟!.
غزل : جاوبيني؟!.
شهد : إذا تزوجت تعرف..
غزل : غيرهـ؟!.
شهد : تروح لدكتوره وتقولها..
غزل : غيرهـ؟!.
شهد : مافي خلاااص..
غزل : يعني ماتقدر بنفسها تعرف..
شهد : لا ماتقدرين..
غزل :................
شهد : ليش؟!.
غزل : بس أبي اعرف..
شهد : تعرفين وشو؟!.
غزل : شهد أنـا كنت متجوزه قبل مشعل؟!.
شهد ارتبكت وبان عليهـا : لـ..ليش تسألين؟!.
غزل : يعني كنت متجوزه؟!.
شهد :لا..
غزل وهي طالع بعيونها : والكلام اللي سمعته بينك وبين مشعل؟!من أحمد اللي ماقلتي لي عنه؟!.
شهد : أمـ..
قطع عليهم جوال غزل اللي رن وشهد بطير من الفرحة عشان تغير الموضوع تنسيها أي شي..
غزل : هلااا..
مشعل : خلصتي؟!.
غزل : أيــه تعال..
مشعل يبتسم : أنـا برا أنتظرك..
غزل : أوك دقايق وطالعه..
غزل قفلت منه ..: خالد ماجاك؟!.
شهد : مدري بتصل أشوفه بس هو عارف أني وحده مخلصه..
غزل : طيب اتصلي شوفيه..
ولبست عباتهـا..
وطلعت لمشعل..
بذا الوقت شهد اتصلت على مشعل..
مشعل يبتسم : ياهلاا والله..
شهد : هلا فيك مشعل غزل طلعت الحين جايتك المهم اسمع غزل تسألني إذا كانت متجوزهـ ولا لا؟!.
مشعل عقد حواجبه : وش قلتي لها؟!.
شهد : قلت لها انت اتصلت ويوم سألت عن ذاك اليوم يوم سمعتنا وأنت اتصلت..
مشعل : طيب خلاااص جات الحين اكلمك بعدين باي..




غزل الي ركبت السياره : سلام..
مشعل يبتسم ويطالع فيها : وعليكم السلام..
غزل وهي ساندة ظهرها على المقعده وحاطه الشنطه على رجلها وماسكتها بيدها تلعب فيها..
ياربي صايره وانا معاه اخجل لو بس طالع فيني ..
مشعل سحب كف يدهـا وحرك السياره : أشتقـت لك..
حس بارتباكها ..
غزل :.....................
مشعل : كيف أختبارك؟!.
غزل تسحب يدها بس مشعل ماسكهـا : مو حلو غلطت..
مشعل : افا ليش؟!.
غزل : مدري حليت بس حسيت أنه صعب وفي سؤال حليت بدايته ونصه لااا..
مشعل : ليش؟!.
غزل : ماعرفت له..
مشعل : ذاكرناه سوا؟!.
غزل : اممم الا ذاك اللي كان سيجما 5 مدري وش؟!.
مشعل : اها (وبخبث)اللي بستك وحظنتك عشان تفهميه..
غزل تسحب يدها منه بس هو ماسكها :..............
مشعل : هو ولا الثاني اللي بـ..
غزل تقاطعه : لا هو هو..
مشعل : طيب ليش ماحليتيه؟!.
غزل : ماعرفت وش اسوي؟!.
مشعل : مو مشكله ياقلبي..
غزل : أووف أخيراَ خميس وجمعه راحه تعب الأسبوع ذا..
مشعل : اللي لك يومين ياقلبي..
غزل : المفروض لي إجازه أنـا توي عروس..
مشعل يحرك اصابعه على مصمعهـا : فديت العروس..
غزل صارت تتأمل الطريق ماتبي يحرجها أكثر :.....................
مشعل : وش مشتهيه تاكلين؟!.
غزل : مابي شي ..
مشعل : أفاا وأنـا كنت أقول نروح نتغدا بمطعم..
غزل : وين؟!.
مشعل : أنتِ أختاري؟!.
غزل تضحك بقهر : هههههه على أساس أني أعرف أسماء المطاعم ..
مشعل طالع فيها : غزل..
غزل وهي تحاول يكون صوتها طبيعي : هلا..
مشعل : ممكن ماتفكرين بذا الموضوع..
غزل : أي موضوع؟!.
مشعل : أنتِ عارفه أي موضوع غزل ليه تبين تصعبين الوضع عليك وعلي..
غزل : شتقصد؟!.
مشعل : وش اللي فهمتيه؟!.
غزل تسحب يدها من يده : قصدك أنـ ...خلااص ولا شي خلينا نروح البيت..
مشعل اللي استغرب "وش اللي فهمته" سكت لثواني وقال : تتوقعين مني أني حيواني ابي شهوتي وبس
غزل ياليت يامشعل ماتكون كذا ياليت :...................
مشعل وهو يسوق ولا يلتفت لها : إذا ذا اللي تتوقعينه مني واني ابيه فبؤسفني اقولك يازوجتي المصون أنك ماعرفتيني..
غزل تحس بشي بقلبها عورها يوم سمعت "زوجتي" :..........................
مشعل :..........................
غزل ياربي مابيه يزعل بس هو مو حاس اني فاقده الذاكره احس ماهمه طلعت جوالها من الشنطه ورسلت له " مابيك تزعل ممكن؟!."
حطت الجوال على الشنطه وجلست تتأمل الطريق..
وصل المسج لمشعل..
جلست تبتسم وهي تسمع المسج..
مشعل طلع الجوال من جيب ثوبه ..
شاف المسج منها أستغرب ..
فتح المسج وقراه لف لهـا..
غزل تتأمل الطريق ولافه وجهها بس حاسه أنه يتأملهـا..
مشعل : صعب تقولينها؟!.
غزل لفت لها وبراءهـ : هلا..
مشعل ابتسم : ياشيخه..
غزل تبتسم : ممكن؟!.
مشعل يمسك كف يدهـا : مقدر ازعل منك..
غزل ابتسمت :................
مشعل : يلا اختاري مكان نتغدا فيه؟!.
غزل : امممم طيب وديني البيت اول مابي اروح كذا..
مشعل : ليش؟!.
غزل : أحب اطلع ببنطلون مارتاح بتنوره..
مشعل : الحين نروح البيت عشان بنطلون بعدين احسن التنوره استر من البنطلون..
غزل : أفففففف..
مشعل : يلااا اختاري..
غزل : امممم ابي ناكل اممممم ناكل اممممم فيليه سمك وجمبري وش رايك؟!.
مشعل يبتسم : نروح الردادي..
غزل : أوك " كأني اعرف الردادي"..




الــســــــــــــاع ــــــــــه 4 ونص الـ ع ـــصــــــــر..

بــيــــــت نــــــــــــــــــاديــــــــــــــــــه..

نــاديه ونوف جالسين بصاله..
جات رغد شايله القهوه والحلى وريان يمشي معهـا وهو معه الـ psp

ناديه : أنتِ استخيري والله ربي كاتبه بيصير..
نوف حركت راصهـا بمعنى أوك بس مو مقتنعه..
ناديه تاخذ فنجان القهوه من رغد : الله يسير لك أنتِ بعد..
رغد تبتسم وتقهوي نوف وتصب لنفسهـا وتجلس : قولي تبين تفتكين مني..
ناديه : والله أنتِ لو ذا الولد اللي بليتي نفسك وبليتينا فيه كان انخطبتي..
رغد : يمــه الله يخليك مو قدامه..
ناديه اللي حطت فنجان القهوه وقامت قبل ماتروح : بعد المغرب بروح لأم مساعد اللي تبي تروح معي تجهز ..


بــ ع ــــد ماطــلـــ ع ـــــــت..

رغد تجلس مقابل نوف : وش فيك؟!.
نوف : مدري والله..
رغد : مو عاجبك؟!.
نوف : هو أنـا شفته..
رغد : عادي طلبي صوره محد بيقول لك لااا..
نوف : رغد أنا مابي كذا..
رغد : كيف يعني؟!.
نوف : مدري رغد كذا بتكون خطبه تقليديه أنا نفسي اخذ واحد يحبني يكون خاطبني لأنه يبيني مو خطبه تقليديه أخجل منه لأنه مجرد رجال غريب جالسه اشوفه..
رغد : نــوف أنـا معك بس هذي حياتـنــا يعني بتجلسين طول عمرك كذا؟!.
نوف : أدري وعارفه بس يارغد حتى شوفه ماعندنـــا..
رغد :نوف هذي حياتنـــا لا شوفه ولا يحزنون أطلبي له صوره شوفيه عجبك خذيه ماعجبك خلاص..
نوف : بس يارغد كيف بيحبني أنـا أبي واحد زي خالد..
رغد : وشو زي خالد أنتِ للحين تفكرين بخالد؟!.
نوف بتحطيم : لا وعارفه أن خالد مابيوم بيكون لي بس يارغد فكري فيها أنـا وش اللي خلاتي أتعلق بخالد لأني شفته صادفته كذا مره سمعت عنه وعن شجاعته عن رجولته أمـا كذا خطبه من أهل عن رجال مايدري عني بشي مااابي أحس أنه يبي يتجوز بس عشان عايله وقدام الناس متجوز..
رغد : نوف حبيبتي أغلب السعودين يتجوزون كذا الا اللي تاخذ ولد عمها بسبب القرابه يمكن تكون في بينهم قصة حب او ولد خالها وفي عايلات محافظة يكون ولد عمها كأنه رجال غريب عنهـا نوف فكري بعقلك..
نوف : لا مو كل السعودين بس حنا..
رغد : نوف شوفي مجتمعنـا كله ماعنده لا شوفه ولا حب قبل الجواز نوف ترانـا بــدو وش فيك..
نوف : ولا شي خلاص..
رغد : نوف أنتِ عارفه أن الحب قبل الجواز دوامه لهـا أول مالها تالي كيف تبين تحبين؟!.تبين تتعرفين على واحد رقمك ورقم ألف قبلك؟!.واحد كل همه ياخذ شرفك يتسلى فيك يومين ويوم اهله يبون يخطبون له ياخذ وحده ويبيها أشرف من الشرف ولا تبين تحبين وتتعلقين بأحد من قرايبك وهو يوم يشوفك راميه نفسك عليه يكرهك ولا أنك تتعلقين فيه لو بقلبك وبنهايه مو داري عنك ولا يبيك ويخطب له وحده وأنتِ اللي تعيشين بعذاب وألم حبك له..
نوف : عارفه يارغد والله عارفه بس برضوا الجواز التقليدي مو حلو..
ريان : ماما ابي توست..
رغد : من عيوني ياعيون ماما انت..(طالعت بنوف)اقوم اوكل حبيبي احسن لي..
راحت رغد تأكل ريان..
ونوف طلعت غرفتهـا..




بــيــــــــت شـــهـــــد الـ خ ــــالد ..
شهد صحيت قبل خالد..
أخذت شاور وحطت لوشن لجسمهـا وبودره معطره واستشورت شعرهـا لبست فستان لوني أخظر غـــــــــامق لغاية الركبه وفتحة الصدر على شكل سبعه لبست سلسة ذهبي عليه وتعطرت....
تبي تجلس مع خالد من زمان ماجلست معه..
مامر على زواجهم شي بس هي مرات تنشغل بدراستهـا..
خافت على حياتهم ماتدري ليش جاها هالشعور؟!.
خايفه خالد يمل..أو حبهم يقل..أو يغلف حياتهم البرود..
أو ينشغلون وهم ببداية حياتهم ينشغلون عن بعض؟!..
راحت المطبخ سوت لهم عصــير ..
وطلعت من الفطاير..
وحطتها بالميكرويف..
رتبتها بصاله..
وراحت غرفة النوم..
جلست على طرف السرير ..
شهد بهدوء : خالد..
خالد :..................
شهد : خلودي..
خالد فتح عيونه : امم ..
شهد : يلاا قوم..
خالد يطالع فيها وابتسم : من عيوني اقوم دام القمر يبني اقوم..
شهد ابتسمت : ............
خالد يجلس على السرير وهي جالسه يبوس رقبتها : وش هالحلا؟ّ.
شهد خجلت منه : يلا قوم..
خالد يهمس لها : بقوم اخذ دش وأجيك..
شهد ابتسمت وقامت طلعت له من الدولاب ملابسه..




بــيــــــــت ع ـــبـــــــــد الـــ ع ــــزيـــــــــــــــــــــــــز..


بصاله عبد العزيز جالس على الاب توب..
أريج كانت تخلص شغلها بالمطبخ ..
طلعت شافته بصاله على الاب..
تروشت خلت شعرها كيرلي بس استشورت غرتها من قدام ..
لبست تنوره جينز لنص الفخذ وبلوزه حمراء برقبه..
حطت كحل وقلوس وتعطرت ..
طلعت الصاله ..
أريج جلست جمب أريج عبد العزيز : وش تسوي؟!.
عبد العزيز ابتسم لها : ولا شي اتصفح النت..
أريج تحط راصها على كتفه : ..................
عبد العزيز يبوسها : تبين نطلع؟!.
أريج تبتسم له : لا ..
عبد العزيز : أكيد؟!.
أريج : والله مابي أطلع بس ابي اجلس معك..
عبد العزيز : ياغالي والطلب هو المنى..
أريج : هههه الله لا يحرمني منك..
عبد العزيز : ولا منك..
أريج : نتفرج موفي؟!.
عبد العزيز : هنا ولا بـ dvd..
أريج : لا بلاب..
عبد العزيز ينيمها على صدرهـ ويحط الاب : اوك وش تبين نتفرج؟!.
أريج : أنت أختار وأنـا بقوم اجيب لنا شي نشربه..
عبد العزيز يرجعها وينيمها على صدره : بطلب من المطعم يوصل لنـا..
أريج : غريب عمرك ماطلبت ..
عبد العزيز : مالي خلق اطلع من البيت ومابيك تسوين شي..
أريج : أوك..
عبد العزيز : وش مشتهيه؟!.
أريج : اممم على راحتك كنتاكي؟!.أو بيتزا؟!.أو ماكدونالدز؟!واحد منهم اختار..
عبد العزيز : بيتزا ارحم..
أريج : بقوم اجيب عصير وأجي..
عبد العزيز ياخذ جواله : الحين اطلب لنا..
اريج وهي تدخل المطبخ : قول لهم لا يتأخرون..




ع ـــنـــــــد غ ــــــــــزال المــشـــعل..
جات من المطعم أتروشت ماتحملت الحر..
ولبست بيجامه ونامت..
ومشعل نفس الشي اخذ له دوووش ونام ..
دق جوال مشعل..
بس مارد..
رجع رن..
مشعل فارد لغزل يده تنام عليهـا..
تحركت ضايقها الصوت..
مشعل ح بشعرها على وجهه..
ابتسم وفتح عيونه..
بعد شعرها وباس خدها..
غزل عقدت حواجبها..
رجع رن جوال مشعل..
غزل عصبت : افففف ابي انام..
مشعل يضحك عليها : هههه غزالي..
غزل وهي نايمه نامت على جمبها وصار وجهها بصدر مشعل ..
مشعل ابتسم وقرب منها : ................
رجع رن جوال مشعل..
غزل : اففف والله لو شفت جوالك لقوم اكسر قفلللللللله..
مشعل يشوف جواله انصدم عمه فهد..
قام جلس على السرير ..
مشعل : هلا والله..
أبو خالد : السلام عليكم..
مشعل : وعليكم السلام..
ابو خالد : كيف حالك؟!.واش اخباركم؟!.
مشعل : الحمد لله يسرك الحال أنت طمنا عنك؟!.
أبو خالد : الحمد لله بخير..
غزل شوي وتبكي : مشعل قوم اطلـ..
مشعل قبل لا تفضحه عارفها اذا نامت واحد ازعجها حط يده على فمها..
غزل تحاول تتكلم مو قادره..
مشعل : ياعساه دوم..
أبو خالد : غزل شخبارها ؟!.
مشعل : الحمد لله بخير..
أبو خالد : هي عندك؟!. على جوالها ماترد لي كم يوم اتصل عليها..
مشعل : أي توها قايمه تبي اناديها لك..
ابو خالد : لا ودي بشوفها أنتم بالبيت؟!.
مشعل : ايه حياااك عمي..
أبو خالد : خير ان شاء الله شوي واكون عندكم..
مشعل : الله يحيك..
ابو خالد : مع السلامه..
مشعل : سلام..
غزل اللي من يوم مامشعل حط يده على فمها وهي تعضه وتحس فمها عورها من عضته..
مشعل بعد يده عن فمها : وش ذا مفترسه؟!
غزل : وجع وش شايفني تسكتني؟!.
مشعل وهو كان يشوف اثار اسنانها على كف يده رفع نظره فيها : وش قلتي؟!.
غزل ارتبكت وخافت من نظرته بس ماتبي تبين له : مو بكيفك تسكتني..
مشعل بأستفسار ونظرات تهديد : وش قلتي قبلها؟!.
غزل خافت ماتعودت عليه يكون معها كذا ماتبي تين له خوفها رفعت حاجبها : وش قلت؟!.
مشعل وهو بيقوم من السرير قرب وجهه من وجهها وبهدوء وبرود : عارفة زين وش قلتي خليني اشوفك مره ثانيه قايلتها..
وقام وقبل لا يطلع من الغرفــه قال : أبوك بطريق بيجي الحين اتجهزي..
غزل مركزه بكلامه تبي له الغلطه ماعجبها اسلوبه معها الحين : اسمـــه عمي ..عــمـــك (وشدت على كلمة ع ـــمـــك )..
مشعل لف قبل لا يطلع طالع فيها وابتسم وطلع من الغرفه..
غزل على السرير مصدومه..
وش فيه؟!.
وش صار له؟!.
كان أطيب وأحن منه علي مافيه..
معقول عشان كلمة "وجع" لدرجة ذي خايف على نفسه من الوجع؟!.
يزعجني ولا يبيني ازعل انا برضه أنسانه مو على كيفه اصحى وأنام..
لا يكون كلم شهد وقالت له اني احبه عشان كذا صار معي كذا ظمن حبي معقول قالت له ايه اكيد ذا اخوها مو معقول بتضل مخبيه عليه..
اففف انا افكر بمشعل ولا بأبوي كيف بقابله وانا اتهرب من اتصالته!.
والله خجلانه منه..
كيف اكلمه وش اقوله..
متى اتذكر..
جلست ربع ساعه وهي سرحانه تفكر مي حاسه باللي حولها ..
دخل عندها وهو متروش هو طلع من الغرفه وراح الحمام الثاني عشان يمديمها تتروش..
استغرب على نفس جلستها يوم طلع وسرحانه تتأمل رخام الغرفه..
مشعل جلس جمبها على السرير وقرب بيبوس رقبتها ..
غزل حست فيه وشعره المبلل بللها ..
طالعت فيه بنظره حاده ..
وقامت دخلت الحمام وصكت الباب ..
..



ع ـــــنــــــــــــد شــهـــــد الـ خ ـــــــــــــــالد..
قــبـــل نص ساع ــــه..
شهد..
بعد ماخالد دخل يتروش..
وطفت أنوار غرفة النور بس خلت الأبجورات..
وشغلت الفواحـــه بغرفة النوم..
ورتبت مفرش السرير..
وتعطرت..
طلعت لصاله وخففت الإضاءهـ..
وولعت الشموع..
شافت نفسها بمرايه..
لقيت شكلها تمام..
سمعت صوت مسج على جوالها..
راحت وشافـتــه وانصدمت ..





غ ـــزال المــشـــعــل..




وأنا يكفيني تضحـك كـل ماقلـت
[ أحبك ] .. ضحكها يعني رضاها !!
وأنا مابيهـا غيـر تكـون قربـي
ويكفينـي مـن الدنيـا غلاهـا !!
أنا أوعدهـا بحبّـي مثـل ماهـي
وعدتنـي بالمحبـه مـع وفاهـا !!