عرض مشاركة واحدة
قديم 25 - 10 - 2024, 08:17 AM   #74


الصورة الرمزية البارونة

 عضويتي » 1746
 جيت فيذا » 13 - 7 - 2024
 آخر حضور » 29 - 1 - 2025 (10:56 AM)
 فترةالاقامة » 205يوم
مواضيعي » 51
الردود » 1984
عدد المشاركات » 2,035
نقاط التقييم » 450
 ابحث عن » مواضيعي ردودي
تلقيت إعجاب » 63
الاعجابات المرسلة » 18
 المستوى » $37 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
 حاليآ في »
دولتي الحبيبه » دولتى الحبيبهAlbania
جنسي  »  Male
العمر  » سنة
الحالة الاجتماعية  » اعزب
مشروبى المفضل  » مشروبى المفضل 7up
الشوكولاته المفضله  » الشوكولاته المفضله baunty
قناتك المفضلة  » قناتك المفضلةNGA
ناديك المفضل  » ناديك المفضلahli
سيارتي المفضله  » سيارتي المفضلهBentley
 
الوصول السريع

عرض البوم صور البارونة عرض مجموعات البارونة عرض أوسمة البارونة

عرض الملف الشخصي لـ البارونة إرسال رسالة زائر لـ البارونة جميع مواضيع البارونة

اصدار الفوتوشوب : Adobe Photoshop 7,0 My Camera: Sony


 
الاوسمه الحاصل عليها
 
وسام  
/ قيمة النقطة: 70
وسام  
/ قيمة النقطة: 50
مجموع الأوسمة: 2...) (المزيد»

مجموع الأوسمة: 2

البارونة غير متواجد حالياً

افتراضي رد: رواية قلت احبك قالت حب انتقام ولا تملك قلت ليه هو الحب عندك انواع




الــبـــــــــــــــــــــــــــــــــــارت 69..


















غزل طالعت فيه..
فهمته..
صارت مهي قادرهـ تبلع ريقهـا..
مشعل قرب منها..
وحط يدهـ تحت ذقنهـا..
رفع وجهها..
باس فمهـا..
وبعد..
ابتسم..
غزل خجلت منه..
صاح باسها كأنه بايس خدهـا..
بس تخجل من نظراته..
من حركاته..
رخت راصهـا..
مشعل يرجع شعرها وراء اذنهـا وبصوت خفيف : ضايقتك؟!.
غزل :.......................
مشعل وهو راخيه راصها قرب منها شوي..
وصار بأصابعه يملس خدهـا..
غزل اتضايقت منه..
وبنفس الوقت..
رجع لها الصداع..
رفعت راصها..
ابتسمت ابتسامه بسيطه وبصوت خفيف : ابي مسكن..
مشعل : راسك؟!.
غزل تحس أنه بنظراته يحاصرهـا يطالع بعيونها بتركيز ..رجعت شعرها على وراء : إيــــه..
سحبها وله وخلى راسها على صدرهـ وهم جالسين..
غزل : ابي مسكن ماينيم..
مشعل : بكرا لازم نروح المستشفى..
غزل رفعت راصها من على صدره : ليش؟!.
مشعل : ابي اسوي لك أشــعه اطمـن..
غزل : لا مايعورني..
مشعل يبتسم : لا بالله؟!.
غزل : لا مشمش مابي اروح اكره اروح هناك..
مشعل : ليش؟!.كانت احلى ايام..
غزل كشرت : احلى ايام بالمستشفى!.
مشعل : أيــــه كنتي بقربي خطيبتي وحبيبتي..
غزل ابتسمت : بس الحين احلى..
مشعل يمسك يدهـا ويطالع بعيونها : سعيده معاي؟!.
غزل ابتسمت : فوق ماتتصور بس..
مشعل :وشو؟!.
غزل : ودي اتذكر..
مشعل يحرك اصابعه على كف يدهـا : وانا مابيها ترجع..
غزل انصدمت : ليـــش؟!.
مشعل : مابي يكون بذاكرتك غيري..
غزل : هههه خوفتني..
مشعل : جد ابيك بس تحبيني انا وتذكريني انا وبسس..
غزل : حتى لو اتذكرت انت بس..
مشعل : ايه وشو الي انا وبس؟!.
غزل : اللي قلته تو..
مشعل : متى بسمعها؟!.
غزل : ابي مسكن..
مشعل : ضيعي السالفه..
غزل :جد ابي مسكن والله اخاف يزيد زي ذيك الايام..
مشعل : الحين تاكلين بعدها اعطيك اياهـ..
غزل : اففففف..
مشعل : يوم الأحد بنروح بيت جدتي..
غزل وهي تشرب من العصير : ليش؟!.
مشعل : هي زعلانه تقول صرنا مانتجمع مثل قبل..
غزل لوت فمها : مابي..
مشعل : ليه؟!.
غزل : مدري الكل بيتجمع وبكون انا معهم ماراح ارتاح..
مشعل : بكون معك..
غزل : بنطول؟!.
مشعل : متى ماقلتي مشينا مشينا..
غزل ابتسمت : اوك..
مشعل : ههههههههه ابتسامتك ذي يعني ناويه شي..
غزل ببراءهـ : أنــا لا ابد..
مشعل : ايه على اساس اني ماعرفك..
غزل : هههههههههه..(اخذت جواله وجات بتصور الجدر اللي عليه صورهم)..
مشعل : لا لاتصورين فيه..
غزل : ليش؟!.
مشعل : اخاف احد يمسك جوالي شي في صورك..
غزل مدت بوزها : جوالي فوق مفحالي اجيبه..
مشعل : والكاميرا وش تسوي؟!.
غزل : ايت كاميرا!.
مشعل ويأشر لها على الكام اللي جمب الكيكه :..............
غزل تبتسم : ماشفتها..
مشعل : صوري يلااا..
غزل : حقتك؟!.
مشعل يعدل لها : حقتنا..
غزل :...................
مشعل تنهد : غزل وبعدين معك!حتى بكام تبين تقولين حقتك وحقتي غزل لمـ..
غزل قاطعته وأخذت الكام : ترا ماقلت شي بس سألت كنت احسبها مو حقتك..
مشعل : ياشيخه!.
غزل : ههههههه (صورت الجدر والورد والطاوله)..
صورت مشعل..
غزل بخجل : مشعل ابي اطبعهم..
مشعل : في الطابعه حقتها على المكتب..
غزل : جد!مانتبهت شفت الكبيره حقت الورق العادي..
مشعل : لا ذيك بدرج..
غزل : طيب (وتصور بمشعل)..
مشعل يبتسم لها : بس خلااااص..
غزل : احب اصورك..
مشعل يقرب منها عند الجدر ويوقف جمبها ويحط يده من وراء خصرها وياخذ الكام منها..
وهو مقرب من غزل مد الكام قدام وصورهم..
مشعل يشوف الصورهـ..
غزل ترفع نفسها : اشووف..مش مش وريني..
مشعل : يالقصيرهـ (ويريخي الكام لها)..
غزل : واااو حلوهـ..
مشعل يبوس خدها ويصورهم..
غزل بهمس : خلاص صورت..
مشعل : لا لسى..
غزل تبعد عنه..
مشعل يبتسم على وجهها الي قلب احمر:ماتبين تشوفينها؟!.
غزل تمشي : لا مابي بدخل جواا..
مشعل : هههههههههههههههه وش معنى على الصوره ذي..
غزل تلف له : صورت كثير خلاص..
مشعل يمشي بسرعه لها وراح وشالها..
غزل : هههه وش فيك بمشي..
مشعل : لا..
غزل تتأمل مشعل..
طالع فيها..
وغزل خجلت..
مشعل ابتسم وهو يطلع الدرج..
غزل ابتسمت وهي تشوف الورد اللي على الدرج والممرات : مرهـ حلو..
دخل مشعل الغرفه وحطها على السريرهـ..
غزل تتأمل الغرفه..
: وااااو عشوقي تجنن..
مشعل يحب اسم عشوقي منها جلس جمبها : احبك..
غزل قامت من على السرير : أنـا بغير وين المسكن!..
مشعل : هههههههه وش دخل المسكن بأنك بتغيرين عاااش مصرف..
غزل دخلت غرفة الملابس بتغير ..
ومشعل طلع لها المسكن..
..



































































يـــــــــــــــــوم جـــــديـــــــــــــــــــــد..
الســاعـــــة 3 الـظــهــــر..
بــــيــــــــــت شـــــــــــهـــــــــــد الــ خ ـــــــالد..
شهد : لا اليوم بكلمها غصبن عنها لو نروح لها..
خالد : أي قولي ابي اروح لها ..
شهد : هههههههههههه لا والله بس اشتقت لها..
خالد : اتغزلي فيها عااادي..
شهد : خوخه وش فيك؟!.
خالد : ابد سلامتك مافيني شي..
شهد قامت من على الكنبه وهي بتدخل غرفة نومهم لفت له : خلودي..
خالد رفع نظره لها..
قالت له بشفايفها من غير ماتتكلم : أحــبـــك..
ودخلت الغرفه..
بتتصل على غزل..
اتصلت وطبعاَ غزل ماردت..
لأنها نايمه..
























































































































بــيــــــت ابــو سلــطـــــــــــان
بغرفة العنود..
جالسه تفكر..
بعمري بيوم ماتوقعت تسوي فيني كذا ياتركي..
لو بس افهم ليش تجرحني؟!.
كيف طاوعك قلبك ماتقول لي كلمه وحده بس..
سلام وعطيني عمتي!.
يعني ماعرفني!.
نسي صوتي!.
وش اللي قلبك فجأه!.
ياربي ماكان باين بصوته انه زعلان ولا متضايق..
كيف مبسوط وعايش حياته..
كيف قادر مايفكر فيني..
انا مو قادره ابعده عني..
بكل مكان الاقيه واشوفه قدامي..
فتحت الاب ادور صورهـ..
















































































بــــــيــــــــــــــــت نـــــــــــاديــــــــــــــــة
نوف جالسه تحط على السرير اغراضها وتتفرج عليها..
وتفكر وش تلبس..
حطت الفستان..
والشوز(اكرمكم الله)..
والأكسسوارات..
وطلعت فستان ثاني تختار بينهم..
جلست على السرير..
تفكر..
عبد الله..
حلو اسمه..
ياترى وش يشتغل..
كيف شكله..
صوته..
مافيني صبر للأحد..
ابي اعرف..
دخلت رغد..
: الله الله من الحين سرحانه..
نوف خجلت : مااااااااالت بس اشوف ايت احلى..
رغد : اها والي يشوف ايت احلى يسرح..
نوف : اوووه منك..(سكتت شوي)اممم رغد..
رغد وهي جالسه تختار الأكسسوارات : هلا..
نوف : ماتعرفين وش يشتغل؟!.شكله كيف؟!.اي شي..
رغد لفت لها وهي عند التسريحه : الا ..
نوف : من جد؟!.
رغد : يب تبين اقولك؟!.
نوف : اكيد..
رغد : اممم اسمه عبد الله متخرج من كلية الهندسة وفاتح له محل بأسمه اما مواصفاته طوويل واسمر وحواجبه مرره حلو احلى شي فيه وعيونه وسط اممم وش بعد....اي خشمه حلو واقف مو افطس وفمه مرسوم..
نوف اعجبتها مواصفاته : كيف عرفتي؟!.
رغد : يوم وصل امه ذيك المره شفته..
نوف : اهااا..
رغد :هههههههههههههه صدق أنك مخفه تصدقين بسرعه..
نوف : يعني تكذبين؟!.
رغد : هههههههههههه صباح الليل..
نوف قامت عليها ورغد طلعت تجري ودخلت غرفتها..
تووووبــــــه..
نوف : لا بالله الحين تخليني اتأمل وافكر واخر شي كذابه!!..
رغد : يختي متى امداك تفكرين وش اسوي لك اذا خيالك واسع..طب خلاص تبين اوريك صورته..
نوف : لا بالله كذبه..
نوف تفتح لابها : لا من جد تعالي..
نوف جلست جمبها.
ورغد فتحت الفيس..
واختارت عشوائي أي ولد حاط صورته : شوفيه هذا هو!.
نوف عيونها طارت : من جد!.
رغد : إيــــه..
نوف : لا مااابي وش ذااا مافيه من الرجوله قطرهـ..
رغد : هههههههههههههههههه..
نوف : انا اتكلم جد مابيه خلاص..
رغد : هههههههههههههههههه هذا واحد اسمه سلوم المدري وشو..<<ترا تخريف من راصي اكررهـ الفيس..
نوف قامت فوقها وتضربها وتاخذ المخدات وتضربها فيها..
ورغد ميته من الضحك..































































مشعل صحي قبل غزل.
اخذ دش..
وطلع راح بيت أهله..
وسلم على امه..
وبلغها انه يبي شغاله من الشغالات..
فتره..
لين ماتجيه شغاله..
وجاب لهم غداء..
رجع..
دخل الغرفه..
غزل حست فيه فتحت عيونها وابتسمت : اهلين متى صحيت؟!.
مشعل يجلس على السرير ويبوس جبينها : من بدري..
غزل : ليش ماصحيتني؟!.
مشعل : كنت ابيك ترتاحين..
غزل : كنت برا؟!.
مشعل : إيـــه رحت جبت الغداء وجبت الشغاله جيت..
غزل ابتسمت وقعدت على السرير : جبت الشغاله؟!.
مشعل : أيه..
غزل تقوم بتطلع من الغرفه :وناااسه بروح اشوفها..
مشعل :تعااااااالي غيري لبسك اول..
غزل طالعت فيه وطالعت بالمرايه : شورت عادي..
مشعل : لا بالله وشو اللي مو عادي اجل؟!.
غزل : اففف طيب..

















































































بـــيــــــــــــت ع ــــــبــــــد العــــــزيــــــــز الأريـــــــــــــج..
صار لهم ساعه يسولوفون بنفس الموضوع..
اريج : ادري انك فهمت بس انا ابيك تفهم..
عبد العزيز : هههههههههههههه حلوه ذي فهمت بس ابيك تفهم..
اريج : والله عزيز ماكان بيدي كل اللي كنت اسويه كان غصب عني يجيني شي يخليني غصب عني..
شعور بداخلي يقتلني..يوم اتذكر الطفل ...
عبد العزيز شافها سكتت وعيونها امتلت دموع..
مسك وجهها بين يديــــــه وهو يتأمل عيونها بتركيز : ربي بيعوضنا ..
اريج نزلت دموعها :..................
عبد العزيز : طير من طيور الجنه..
اريج : كان ولد مو؟!.
عبد العزيز ظمها على صدره وتنهد وصار يلعب بشعرها : يلااا فهميني انا ابي اسمع اليوم..
اريج :...............
عبد العزيز : كنت اضايقك صح؟!.
اريج تمسح دموعها : انا كنت مدري والله عزيز مدري كان كل شي فيني يتغير احس الكل يتضايق مني واني بنظر الكل ناقصه اخاف تتركني اخاف يوم تمل مني اخاف تتجوز علي وبداخلي ألم على الطفل عزيز انا الحين اكلمك وانـا اريج اللي الكل يعرفها بس بلحظة مدري وش يصير فيني يجيني شعور يقلبني يخليني من كلمه من نظرة ازعل..
عبد العزيز : اريجي فاهم كل اللي قلتيه ومقدر وماعمر احد نظر لك انك ناقصه..اريجي أنتِ مو عقيم في ناس تتجوز وتجلس بالسنين ماتجيب..
اريج : بقرارها..
عبد العزيز : وأحنا بقرارا ربي وارادته راضين..
اريج :.....................
عبد العزيز : خلينا نعيش حياتنا براحه فيها أنتِ الأميرهـ نستمتع بكل لحظة ويوم ربي يريد يجيني طفل منك أنتِ نربيه سواء يكون يشبه لك..
اريج ابتسمت :....................
عبد العزيز يمسك كف يدها : مابيك تضايقين ولا تزعلين أنـا اللي يهمني أنتِ..
اريج : لو كنت ماجيب اطفال بتحبني؟!.
عبد العزيز : طبعاَ هو أنـا حبيتك لجل الأطفال؟!.
اريج : طيب لو كنت عقيم بتتجوز علي؟!.
عبد العزيز من غير مايفكر بالجواب : بسم الله عليك طبعاَ لااا..
اريج ابتسمت..
عبد العزيز قال طبعاَ لااا لأنه عارف أن اريج مجرد فتره وإن شاء الله تحمل..
ولو فكر وجاوبها خاف تزعل..


























































بــــــيـــــــــــــــت مــــــــشــــــــــعــــــــــــل
غزل تروشت واستشورت شعرها..
ولبست بنطلون جينز..
وبدي موف غامق سادهـ..
حطت مرطب وكحل..
وتعطرت..
وهي بتطلع من الغرفـــة إلا رن جوالها ..
شافت لقيته شهد ..
غزل : ياهلااااا والله..
شهد : اهليييين وينك؟!.ليش ماتردين علي؟!.ولا تتصلين؟!.ولا مفكرهـ فيني؟!.خيرررر ليش ناسيتني؟!.
غزل : ههههههههه وش فيك اعصابك..
شهد : لا بالله!.والله اشتقت لك..
غزل : وانا بعد مشتاقه لك..
شهد : ليش امس ماتصلتي علي ولا رديتي..
غزل واقفه تعدل شعرها على المرايه ابتسمت وهي تذكر امس : والله ماشفته واصلاً من صحيت مادريت عن الجوال..
شهد : واليوم؟!.
غزل : توي صحيت والله..
شهد : افففففف للحين ماشفيت غليلي منك..
غزل : هههههههه فديتها الزعلانه ياناس شهدي والله مادريت عن الجوال..
شهد تصرخ..
غزل : بس بس ارخي صوتك وش فيك؟!.
شهد : اشتقت للأسم ذا كنتي ادلعيني فيه..
غزل : هههه من جد؟!.
شهد : والله...امس طفشت رحت عند عبير مدري ماعجبتني الجلسه..
غزل : ههههه ليش؟!.
شهد : مدري متعوده اكون معك..
غزل : مشمش يقول يوم الأحد بيتجمعون..
شهد : إيـــه جدتي زعلانه..
غزل : مدري والله شايله هم الروحـه..
شهد : لا تشيلين هم انا بكون معك..
غزل : وذا الي مهون علي..
شهد : ماحكيتك..
غزل : وشو؟!.
شهد : كلمتني لجين..
غزل : لجين من؟!.
شهد : لجين الي اقولك كانت صحبتنا خطيبة بندر..
غزل : اهااا..
شهد : دخلت المسن ولقيتها تخيلي وش عذرها ؟!.
دخل مشعل الغرفه وشافها تكلم..
مشعل يأشر لها مين؟!. :...............
غزل ابتسمت له وقالت له من غير ماتتكلم انها شهد :................
اشر لها تجي..
غزل : شهدي مافهمت شي من اللي قلتيه تقولين لي بكرا بالجامعه الحين بروح اشوف مشمش..
شهد : اففففف ماتطفشين منه!.
غزل : اكيد لااا يلااا باي..
شهد : باي..





































































بـــــــيـــــــــــــت خــــــــــالد..
شهد : افففف..
خالد : وش فيها فيلتي؟!.
شهد : فيله بعينك ماكلمت غزل زين..
خالد : هههههههههه صار لك ساعه تقرقرين فوق راصها وماكلمتيها زين..
شهد : إيــه ماشبعت منها..
رن جوال خالد كان بندر..
خالد : هلاااا والله..
بندر : سلام..
خالد : عليكم السلام..
بندر : وش اخبارك؟!.وش مسوي؟!.
خالد : والله بخير أنت وش اخبارك؟!.
بندر : الحمدلله تمام التمام..
خالد: ياعساها دوم..
بندر : آمين يارب..اليوم عندك شي؟!.
خالد : لا والله..
بندر : اجل وش رايك نطلع نروح الكزنـو ..
خالد : خلاص صار ..
بندر : وقول لمشعل مع اني ماظني يجي..
خالد : هههههههههههه تراك حاطه براسك الرجال ماصار له اسبوعين متجوز..
بندر : ههههههههه أي والله ودي اطفشه المهم شوفه قوله يجي..
خالد : إن شاء الله..
بندر : يلااا فمان الله..
خالد : فمان الكريم..














































بنفس الوقت اللي قفل خالد من بندر اتصل عليه ابوهـ..
خالد : هلااا والله حياالله الغالي..
فهد : هلااا فيك ياولدي وش اخبارك!.
خالد : الحمد لله يسرك الحال أنت وش مسوي؟!.وش اخبارك؟!.
فهد : الحمدلله بخير..كلمت غزل؟!.
خالد : لا والله ماكلمتها..
فهد : طب ماتعرف وش اخبارها؟!.
خالد : الا قبل شوي كلمتها شهد بس انا ماكلمتها الحمدلله بخير..
فهد تنهد : عساها دووم يارب..
خالد : وش فيك يالغالي؟!.
فهد : والله ياولدي حال اختك مهو بعاجبني..
خالد تنهد : المهم يالغالي انها بخير..
فهد اتضايق : يلااا ياولدي اكلمك بعدين انا الحين انشغلت..
خالد : طيب يالغالي بس لا تضايق نفسك..

































بــيـــــــــــــت مـــشــــــعــــــــــــل

غزل جالسه تاكل البيتزا : وينها؟!.
مشعل : مين؟!.
غزل : الشغاله؟!.
مشعل : وش فيك والله لو انها زوجك ماتحمستي تشوفينها..
غزل شرقت بالبيتزا وهي تاكلها من الضحك..
مشعل قام لها وبيشربها مويه..
غزل بلعت القمه وصارت تكح..
ومشعل شربها..
غزل رجعت تضحك : هههههههه عجبتني جوزي..
مشعل : ايه انا..
غزل : هههههههههههه خلاص باكل..
مشعل ابتسم : كلي بالعافيه..
غزل : طيب وينها؟!.
مشعل طالع فيها : بالمطبخ فوق..
غزل : اممم كيف جبتها؟!.
مشعل : من وين من بيت اهلي على ماتجي الشغاله..
غزل : ايت وحده؟!.
مشعل : سهاردي..
غزل : ماعرفها..
مشعل : غزل حبيبي انا زوجك اسئلي عني..
غزل تاكل بيتزا : هههههههههههه ..
مشعل : وين تبين نطلع اليوم؟!.
غزل : امممممممم تذكر المطعم اللي رحنا له قرية الاحلام؟!.
مشعل : ايه خلاص بعد مانطلع من المستشفى نروح له..
غزل : مستشفى بدا دوامك؟!.
مشعل : لا ببداء السبت معك..
غزل : اففف لاذكرني بدوام..المهم مستشفى ليش؟!.
مشعل : مو قلت لك بنروح عشان صداع راسك..
غزل : لـ............








































غزالـــــــــــــــــــــــــــك.~.

أمــــــــامك أشــعـر أني طفله..
تسدل بك بعالم أنت الفارس به..
تغلبني مشاعر شوق لأحضانك..
و.!.ح ــــنين لرحـــــــــــك..
ورغــبـــــة بإمتلاكـــك..
..


بداخلى شعور اخفيه.!.
اخفيه..
عنك!.
فكل مااردت الارتفاع لمستواك..
اشعر بأنك تغمرني ..
وبشقاوة روحك وهي تبتسم وتدعوني بـ "الصغر"



 توقيع : البارونة

البارونة


رد مع اقتباس