البارت الـ82.،



شهد ماقالت له انها بتجي البيت.،
خلت كل انوار البيت مطفية.،
خففت اضاءهـ الغرفة.،
وشغلت الفواحة.،
نثرت بـ الأرض اوراق الورد.،
تأكدت من شكلها وجلست تنتظرهـ.،



ع ـــنــــد غ ـــزال المــشــ ع ـــــــل.،
بسيارهـ.،
مشعل : وش فيك؟!.،
غزل : ولا شي.،
مشعل : يألمك؟!.،
غزل : غريب اول مارحنا ماالمني بس قبل لا نطلع بشوي
مشعل تنهد : الحين نروح وترتاحين.،
غزل تسند راسها : مشعل متى بتذكر؟!.،
مشعل : ...............
غزل طالعت له.،
مشعل وهو يسوق لف لها مسك يدها: مو مبسوطه بحياتك معي؟!.،
غزل : مشعل مبسوطه بس انا لاصدعت اكره نفسي تحملت اتعلم حياتي من جديد وكأني طفله معرف احد بس الصداع مشعل يألم مسبب لي رعب.،
مشعل : بس ذا معناه ان عقلك جالس يسترجع.،
غزل : أي يسترجع وهو على ذا الحال شهور.،
مشعل :...................
غزل غمضت عيونها : مشعل زاد مشعل تكفى أي شي الله يخليك.،(مسكت بيديها الاثنين راسها).،
مشعل وقف السياره على جمب.،
قرب منها.،
غزل صارت تبكي : مشعل تكفى.،
مشعل : مامعي الحين نروح المستشفى.،
غزل : لا مابي نروح البيت ابي انام ابي منوم مشعل مو متحمله يلااا الله يخليك.،
مشعل حرك السيارة وراح على البيت.،
عند بيتهم.،
نزل مشعل من السيارة.،
وراح فتح الباب لغزل.،
الي كانت بس ساكته وتبكي من الألم.،
شالها.،
دخل البيت.،
وطلع فيها لغرفتهم.،
نيمها على السرير.،
غزل تفك عباتها بعصبيه.،
وترميها على الأرض هي والطرحه (المسفع).،
مشعل الي يدور لها على مسكن.،
غزل مهي قادره خلاص تحس شوي ويغمى عليها.،
مشعل الي جاء جلس جمبها.،
غزل تمسح دموعها وطالع له وهي منسدحه : ابي انام ابي منوم.،
مشعل : المسكن احسسن.،
غزل تمسك راسها : اااه لا بيطول ابي ابره الله يخليييك مشعل بتقطع.،
مشعل مضايق عليها وجهها باين عليه التعب صار لها فترة ماألمها راسها.،
قام جاب لها منوم.،
غزل تمد يدها له.،
مشعل يستغرب غزل يوم يجيها الصداع تضعف واشياء كانت تخاف منها او ماترضى فيها.،
بسبب الصداع توافق.،
مشعل يعبي الأبره.،
ويطالع لها : خليني اعطيك مسكن أحسن.،
غزل بتعب : لا ابي انام مابي احس بشي.،
مشعل يمسح لها بالمسحه الطبية : ..........
عطاها الابره.،
وحطها على الكمدينه.،
باس جبينها.،
ومسح دمعتها.،
قرب منها.،
: ليته فيني ياقلبي ولا فيك لو بيدي محيت كل الم تحسين فيه.،
غزل مهي قادره من الألم تبكي.،
دقيقيتين ونامت.،
ومشعل شال عباتها وحطها على الكرسي.،
ورمى الابره وعبلة المنوم.،
وغير ملابسه.،
وانسدح جمبها.،
يتذكر كلامها اليوم بيت اهله.،
باين انها تحاول قد ماتقدر تفتكر وهذا الي متعبها اكثر.،
لاحظ كيف اسألتها لعنود غريبة.،
غزل جالسه مع العنود بصاله عند التلفزيون.،
غزل : اهاا ليه كم واحد خطبك؟!.،
العنود : لا انا محد خطبني تخيلي احد يخطب وحده ثالثه متوسط ايش الورعنه ذي.،
غزل :ههههههه حلوة ورعنة طيب انا كم واحد خطبني؟!.،
العنود : اتوقع ثنين مدري ثلاث.،
ومشعل كان جالس مع ابوه برا.،
يوم دخل لقي امه طلعت غرفتها.،
وسمع اصواتهم..،
غزل : مشعل.،واحمد ومين؟!.،
مشعل دخل وباين على وجهه العصبيه.،
سلام.،
غزل خافت منه ومن عصبيته.،
عرفت انه سمعهم.،
عنود + غزل : وعليكم السلام.،
مشعل : عنود جيبيلي كاسة موية.،
العنود : طيب.،
وقامت.،
مشعل الي قام وقف قدام غزل وبعصبيه : ماصرت افكر فيه صح؟!.
غزل خافت من عصبيته وهي تدري كيف يضايقه ذا الموضوع: ا..ا..ا..ا..ان..ن..ا..انا ق..ق.صـ..د..ي..ي
مشعل بصوت عالي : وش قصدك علميني؟!.،وش تبين فيه تسألين عنه؟!.،
غزل وقـفت : مشعل والله ماقصدي.،
مشعل يمسك يدها ويسحبها له ويشد على اسنانه : اجل وش قصدك!.،
غزل ومشعل راخي راسه لها ومعصب.،
جات على بالها خيالات مهي قادره تركبها.،
احد يضربها!.،
واصوات.،
غمضت عيونها.،
تحاول تذكر بس ماقدرت.،
مشعل استغرب.،
غزل طالعت له وصوتها هدي : مشعل والله بس سألت عادي.،
مشعل : وليه تسألين؟!.وش تبين بذا الموضوع؟!.،
غزل في خيالات تمر براسها مهي مخليتها تركز : مشعل انت تعرف مكانتك عندي لا تتعبني بذا الموضوع.،
مشعل : مـ,,
نزلت نورة الدرج.،
ومشعل وغزل حسو فيها.،
مشعل بعد عن غزل.،
وجاء بيطلع من الصاله مو متحمل.،
اعطى غزل ظهره.،
بس غزل حست بصداع وجلست.،
نوره الي دخلت الغرفة.،
وشافتها كيف جلست كانهـا طاحت.،
قالت بخوف وصوتها سمعه مشعل : بسم الله عليك وش فيك؟!.
غزل تبتسم : لا عادي مافيا شي.،
مشعل الي رجع دخل الصالة وباين عليه العصبية : وش فيك؟!.،
غزل طالعت له : ولا شي.،
نوره : مدري ياوليدي يوم جلست كأنها بطيح.،
مشعل يجلس على المساعد على الكنبة الي جالسه عليها ويمسك يدها : وش فيك؟!.،
غزل : عادي الم خفيف براسي بس.،
مشعل يد ماسك يدها فيها وباليد الثانيه مدخل يده جوا شعرها ويلمس لها راسها بهدوء : وشو؟!.
غزل طالعت له : مدري احس بخيال كأن احد يضربني بس مو عارفه مين وكأني اسمع صريخ!.،
مشعل انصدم طالع بأمه.،
نوره : طب وين؟!.ماتذكرين؟!.،
غزل : ليه هو صح صار؟!.،
مشعل : بس ذا الي تذكرينه!.،
غزل : ايه كأنه خيال حتى.،
مشعل سكت.،
غزل طالعت له وبصوت خفيف : كنا نتكلم عن بنات العايلة كل وحدة كم مره انخطبت.،
مشعل حرك راسه بالايجاب.،
جلس يتأمل بغرل الي نامت ولا حاسة بشي.،
وكيف باين على وجهها التعب.،
نام وهو يكفر بحياتهم.،


الساع ـــــــــه 1 ونص.،
ع ـــنــــــد خــــــــالد .،
وصل جدة.،
اتصل على شهد وماردت.،
توقع انها نامت.،
ضحك على نفسه.،
لأنه توقع انهـا تــنــتظرهـ.،
هو عارف انه صعبه يروح على مشعل الساعه 2 بالليل.،
وعارف انه بكرا بيجيب شهد البيت.،
بس اتوقع انها تنتظره.،
راح على البيت.،
شاف كيف كل انوار البيت مطفية.،
ماتعود على بيتهم كذا.،
فتح الأنوار.،
دخل على غرفتهم.،
استغرب الأنوار خفيفة.،
ريحة الغرفة تجنن.،
الورد الي مالي الغرفة.،
مفرش السرير الجديد.،
اتفاجأ.،
شهد الي كانت وراه.،
يوم شغل نور البيت خافت يشوفها.،
بس ربي ستر.،
حضنته من وراء : أنــا اسفه.،
خالد لف لها وحضنها .،
ابتسم : الناس تقول الحمد لله على السلامه مو اسفه.،
شهد تبتسم وبخجل وصوت خفيف : أحبك.،
خالد يرتخي لها : ماسمعت!.،
شهد تبتسم : ليه صرت اطرش؟!.،
خالد : مافي فايدة لسانك اطول منك.،
شهد : هههههه.،
خالد يتأمل لبسها ونعموتها بفستانها : تدرين انك ملاكي.،
شهد ابتسمت:.............
خالد يحضنها : اشتقت لك .،




يـــــــوم ج ــــديـــــــــــد.،
بيت أبو ع ـبد العزيز.،
هدى : الحين خلي سفرتك بعد اختباراتك.،
تركي : مابقى شي على الاختبارات اسبوع استعداد وبعده على طول قدرات واقدم.،
هدى : والله لو علي انا ماودي بس مابي اوقف بطريق مستقبلك شوف ابوك اذا موافق الله يسهلك ياولدي.،
تركي يقوم يبوس راسها : الله لا يحرمني منك ابوي اخذت موافقته بس كان الموضوع واقف علييك.،




بــيـــــت لجين.،
توها جايه من السوق مع اهلها.،
وبنات خالاتها.،
مها<~بنت خالتها : اول مره تروحين معنا وماتقولين دخت بسوق.،
لين <~بنت خالتها : ههههههه عشان تقضي لزواجها مو روحه عادية.،
لجين : بس استحوا أنتِ وياهـا.،
مها : تدرين والله خايفه فستاني مايطلع بطلعه قبل الجواز بيومين لو خربته وش اسوي.،
لين : قلت لك اشتري جاهز مارضيتي.،
لجين : لا يكفي.،
مها : وين يكفي الي باقي على زواجك 14 يوم وفستاني بعد 12 يوم .،
لجين : ان شاء الله يضبط.،



مــســا ع ــــــد وروان.،
مساعد تغداء مع روان.،
وراح دوامه.،
وروان جلست على التلفزيون.،
جلست تذكر كيف خالتها امس كلمتها.،
روان : والله ياخالتي اني كنت بجي بس مساعد كان مواعد صاحبه من فتره ويوم قلت له مارضي.،
خالتها : لأنك مخليته يتحكم فيك.،
روان ارخت راسها :..............
خالتها : أنـا اموت ولا ازوج وحده من بناتي لعايلة *.....*.،<~عايلة زوج روان.،
روان : والله انهم طيبين.،
خالتها طالعت فيها وصدت : اكيد بتقولين كذا لأنهم اهل حمارك.،
روان سكتت :........................

جلست تبكي روان وهي تذكر.،
اتصلت على امها .،
امها : ألو.،
روان : هلااا ماما كيفك؟!.،
الأم : هلااا حبيبتي كيفك؟!.،
روان : الحمد لله.،
الأم : وش فيه صوتك؟!.،كنتي تبكين؟!.،
روان أنخنق صوتها بالبكى : لا.،
الأم : ااااه يابنيتي والله الي حارق حارقني بس مقدر اقول ولا اسوي شي.،
روان تبكي : يمه أنتِ عارفه أني مو ساكته إلا لجلك ولا عارفه انو مو من طبعي السكوت ولا ربيتي اني اسكت.،
الأم : عارفه ياقلبي والله عارفه.،
روان : بس يمه تعبت من كلامها وسخريتها واسلوبها ومعاملتها لك يمه لييش؟!.،
الأم تبكي : يابنتي انا وش بيدي اسويه وماسويه؟!.،
روان : لا يمه الله يخليك لا تبكين انا سكت لها عشان ماتبكين مو الحين اجي ابكيك.،
الأم : أنـا مابكي منك أنا ابكي عليك كنت اقول الله يزوجك ويفكك بس حتى بعد ماتزوجتي مارتحتي.،
روان : يمه انا مايهمني كلامها ولا يأثر فيني انا حدي اطلع من عندها ارتاح بس انا مابيها الله.،
الأم تقاطعها : لا يامي لا تدعين.،
روان : اااه طيب يايمه بس لا تبكين.،



بـــيـــــــــــت نــــــــاديـــــــــــــة
نوف توها صاحية من النوم.،
سمعت جوالها.،
كان "عبد الله".،
نوف ابتسمت ودها تكلمه وتسمع صوتــه خصوصاَ أنه مايتصل دايم.،
بس خايفة يستغرب من صوتها لأنها توها صاحية من النوم.،
ردت.،
ألـو.،
عبد الله ابتسم : سلام.،
نوف : هـ..لا ..عليك..السلام.،
عبد الله ابتسم للحين تخجل منه كل ماكلمها تكون مرتبكة ومتررده : نايمه؟!.،
نوف : لا توي صاحية.،
عبد الله : صح النوم.،
نوف : صـح...بدنك.،
عبد الله عاجبه خجلها وترددها بالكلام: كيفك؟!.،
نوف : الحمدلله....وانت؟!.
عبد الله : الحمد لله تمام.،





بــــــــيـــــــت أبـــو ع ــبـــد العـــــزيــــــز.،
هبه ملت صح اهلها عازينها وهي عند اهلها مو احد غريب.،
بس تحس انها عالة عليهم مو هي لوحدها هي ولدها.،
لا عرفت وش مصيرها!.،
ومحمد وش ناوي عليه!.،
ولا تدري عن شي!.،
خجلت من كثر ماتسأل أبوهــا.،
تعبت من حياتها لا متزوجه ولا مطلقه مهي قادره ترتاح.،
تكذب لو تقول ماتحب محمد بس تعبت منه.،
ومحمد لا راضي يتعدل.،
ويحب يمشي كلمته.،
هي عارفته لو ندم على قرار لازم يسويه عشان مايكون قدام الكل ضعيف.،
جربت تتصل عليه!.،
بس لقيت جواله مقفل.،




بـــ ع ــــــد مرور يومين.،
ع ــنـــد غ ـــــــزل.،
غزل : لا والله؟!.،شوف حبيبي زي ماجلس اذاكر تجلس جمبي تذاكر لك ماده.،
مشعل : شوف وشو؟!.،
غزل استغربت : وشو!.،
مشعل : وش قلتي شوف ايش؟!.،
غزل : مدري.،
مشعل : يعني مو من قلبك؟!.،
غزل : ليه وش قلت؟!.،
مشعل يطالع بعيونها : حبيبي.،
غزل ارخت نظرها بخجل :.............
مشعل : متى بتبدين تذاكرين؟!.،
غزل : لا بديت تذاكر.،
مشعل : غزل انا دكتور خلصت من جدك؟!.،
غزل : اييييه اكره الاختبارات ومو مذاكره لين تذاكر معي.،
مشعل : بعقلك أنتِ ماسكه كتاب وانا كتاب.،
غزل : مشعل والله مالي نفس وبعدين خلاص نختم انا وانت نفس الماده.،
مشعل : لا والله حليتيها يعني.،
غزل : شــوف أنـا قلت لك تبيني اذاكر تذاكر معي ماتبيني اذاكر خلاص لا تذاكر.،
مشعل : يامجنونه!.،
غزل تمد لسانها :...............
مشعل : طفله!.،
غزل ترجع تمد لسانها :............
مشعل : مابذاكر اجل.،
غزل تنط وتحضنه : يعني واقفت تذاكر.،
مشعل يحظنها : هههههههههه وانا كم غزل عندي.،
غزل رفعت راسها له : اقولك شي؟!.،
مشعل لمح بعيونها نظره غريبة مافهمها وخجل يموت فيه منها : سمي.،
غزل بهمس : أعشق ضحكتك.،
مشعل ماستوعب غزل تقوله كذا حضنها لصدره بقوووه وهو يهمس بإذنها : وأنـا اعشقك كلك .،






بـــ ع ـــــد مــرور أسـبــو ع ـــــيــــــــــــــــن.،
شـــــــــــــهــــــــد الــــخ ــــــــــــــالد.،
شهد : اووف واخيراَ خلصنا اختبارات.،
غزل : أي والله فكه الحمد لله.،
شهد : قولي لمشعل اليوم بتروحين معي؟!.،
غزل : وين؟!.،
شهد : بنطلع على المستشفى.،
غزل : ليه؟!.،
شهد : مسوية تحليل بروح اشوفة.،
غزل : تحليل وشو!.
شهد : حمل؟!.،
غزل ابتسمت : حامل؟!.،
شهد : يابقره بروح اشوفه.،
غزل : هههههههههه دبااا.،
شهد : ترا حتى خالد قلت له انه بقول لسواق يجينا وبروح عند امي قال طيب قولي لمشعل.،
غزل : اممم بس .،
شهد : لا تقولين مابي؟!.،
غزل : لا ابي بس مانطول برجع انام واجلس مع مشعل اشتقت لك والله يحزن ايام الاختبارات كلها تعبته معي ياخليه يشرح لي ولا يجلس يذاكر ياويله ينام وانا اذاكر.،
خالد : ياقلبي علياا الي خالد فالح يقوله شدي حيلك وذاكري واذا شافني تعبت خلاص ياقلبي ارتاحي.،
غزل : ههههههههههههه فديت مشعلي.،
شهد : اقول يلا كلمية.،
غزل : طيب .،
اتصلت غزل على مشعل وقالت له انها بتطلع من الجامعه مع شهد.،






في المســـتـــشــفى.،
غزل : مدري يعني لو انا ماحب الخبر ينتشر عند الكل اول شي انا اعرف بعدين هم.،
شهد : م والي بالمختبر صحبة اريج قلت لها تقولها لا تخبر احد.،
غزل : بس اكيد بتخبر اريج.،
شهد : اريج اهون من الكل وبعدين لو حامل بقول للكل.،
غزل : طيب انتِ جاتك ؟!.،
شهد : لا صار لي شهرين وذا الثالث ماتجيني.،
غزل : مايحتاج لها ذكاء خير 3 شهور بتكونين وشو؟!.عديتي الـ 50 وصرتي ماتجيبين.،
شهد : لا مدري لأني كنت اخذ حبوب والله غزل مدري.،
طلعت الممرضه ومعاها التحليل.،
شهد وقفت : بشري؟!.،
الممرضه : اول مرره ابشر احد دايم ياخذون التحليل مني ويروحون لدكتور.،
غزل : ههههههههه يعني حامل؟!.،
الممرضه : الف الف مبروك حامل بـ 3 شهور.،
غزل تضم شهد : الف الف مبروووك بصير عمه.،
شهد تضربها : وخاله.،
شهد : مررره شكراا تسلمين.،
الممرضه تبتسم : الله يسلمك والف مبروك.،
شهد : الله يبارك فيك.،
الممرضه اعطتها التحليل وطالعت بغزل : عقبالك.،
غزل الكلمه اصدمتها مو لأنها من الممرضه لأنها عمرها مافكرت بذا الشي.،
غزل : الف مبروك مرره حلو والله.،
شهد تبتسم : الله يبارك فيك ياااارب.،
غزل : بس لحضة أنتِ حمار؟!.،
شهد : لا ليه!.،
غزل ماتت من الضحك : ههههههههههههههه عمري ماشفت احد بغباءك.،
شهد تضربها : اففف من فرحتي ماكنت مستوعبه دب أنتِ الحمار.،
غزل : احد حامل بـ 3 شهور ومايدري عن نفسه!.،
شهد : شكيت والله بس خفت اتأمل كل شهر اقول لا الشهر ذا بتجي.،
غزل تمشي معها وتقلد الافلام : ماحسيتيش بدوخه!.الدنيا عمال تدور فيكي!.نفسك بتلعي.،
شهد : الا.،
غزل : مو قلت لك حمار..،تعالي باخذ ايس موكا.،
شهد : وانا بعد ابي.،
غزل : لالا الحوامل مايشربون تحسبين نفسك مثلي.،
شهد بقهر : غزززززززل.،
غزل : هههههههههههههه يادب بكرا يكون عندك كررررش.،
شهد : غزززل كرش بس فترة وتروح.،
غزل : وماتقدرين تنامين براحتك في قدامك كرش طولها متر.،
شهد : دب دب دب.،
غزل : يب بتكونين أنتِ.،
وقفت غزل ومعها شهد عن الكوفي الصغنون الي قدام المستشفى :.،
غزل : بليز توا يس موكا.،
شهد : ليه طلبتي لي؟!.،
غزل : ههههههههههه قلت اكل الدبه حقتي.،
شهد : وانا اقول اخوك مو لله يقولي دبه.،
غزل : ههههههههه فديته اخوي طالع لي.،
شهد : أنتِ الأصغر انتِ الي طالعه له.،
غزل : لا انا البنت هو الي طالع لي.،
شهد : لا والله.،
غزل : أي والله.،
شهد : اقول ترا انا مو مشعل.،
غزل : ههههههههه ادري وش جاب لجاب.،
شهد : اكيد انا احلى.،
غزل : ياشين الثقة.،
شهد : ههههههههه دباا وش فيك علي اليوم!.،
غزل : مشعل بروح له وأنتِ حابستني لين مايطلع التحليل.،
شهد بخبث : اهااا
وغزل دفعت الحساب وشالت الموكا : خذي.،
شهد : خله معك دقيقه.،
غزل : ياربي بدينا من الحين قبل لا تكبر كرشك.،
شهد : الا ماقلتي لي وش فيك علي اليوم؟!.،
غزل : ياويلي عنك بعد صرتي طرشه لأني يادب ويافيل صار لك ساعه حابستني معك وانا اشتقت لشوقي مشعل.،
شهد : الله الله كل ذا.،
غزل : ايه لبى كله والله اشتقت له يلا وصليني اول اخاف يكون نام.،
شهد : الله وكبر بينام قبل تجين ماضن.،
غزل : الله لا يخليني منه.،
شهد طلع الجوال : تتوقعين مين سمع؟!.،
غزل وهي تشرب من الموكا شررقت وصارت تكح : كح كح مـ...يـن..كح.،
شهد : هههههههه شوقك.،
وتعطيها الجوال.،
غزل تحطه على اذنها من غير ماتتكلم.،
مشعل عرف لأنها سكتت ويعرف انفاسها لخجلت.،
مشعل يبتسم : غزالي!.،
غزل : امم.،
مشعل : احبك.،
غزل ابتسمت :............
مشعل : وينك؟!.،
غزل بخجل : الحين جاية؟!.،
مشعل : يلا انا الحين رايح للبيت انتظرك.،
غزل : طيب.،





بـــــــــيــــــــــــــت بـو ع ـــبد العزيز.،
ابو عبد العزيز : ها بشر قدمت؟!.،
تركي : خلاص بس باقي على القدرات واقدم.،
ابو عبد العزيز : ماعليك ياولدي لو مارحت بعثه على الدولة انا اطلعك.،
تركي : الله لا يحرمنا منك.،




خالد الي كان توه طالع من الشركة بيروح للبيت.،
دق عليه رقم غريب.،
خالد : الـو نعم.،
: السلام عليكم.،
خالد : وعليكم السلام.،
: خالد فهد الـ ........ معي؟!.،
خالد : ايه نعم من معي؟!.،
:انا اكلمك من مستشفى جدة الوطني الأخ بندر صار له حادث وهو الان موجود عندنا بالمستشفى دورنا بجواله لقيناه انقفل مع الحادث بس لقينا رقمك مع الاوراق.،
خالد انصدم : بندر!وين؟!كيفه الحين؟!.،
:................
خالد : الـو.،
: الله يرحمه ويسكنه فسيح جناته.،
خالد الي كان يسوق من الصدمه وقف السياره مو مستوعب.،



ع ـــنـــــد غ ـــــــــــزل.،
تنزل من السياره : يلا باي ياحلوه.،
شهد : بااي.،

غزل مامعاها مفتاح للبيت مشعل قلها اسوي لك.،
بس هي ماتبي تحب هو الي يفتح لها بيتهم.،
دقت الجرس.،
فتحت لها سهاردي.،
غزل : قود مورننق سهادري خلصت اختبارات نو اكزام بعد اليوم.،
سهاردي تبتسم : مبروك.،
غزل : الله يبارك فيك.،
جات بتطلع.،
الا شافت مشعل نازل مسعجل.،
غزل ابتسمت.،
مشعل طالع لها.،
غزل استغربت وجه مشعل مصدووم.،
وجهه كله مقلوب.،
غزل وقفت قدامه : وش فيك؟!.،
مشعل يبوس جبينها : روحي ارتاحي انا عندي مشوار ضروري وجاي.،
وغزل تمسكه قبل لا يروح : مشعل فهمني وش فيك؟!.
مشعل طلع بسرعه من غير مايرد.،


الـيـــوم الي بعدهـ.،
بيت الجد.،
الكل مجتمع فية.،
محد مستوعب الي صار.،
ولا حد قادر يواسي الثاني.،
شهد تبكي : ............
غزل مصدومه مي مستوعبه تحاول تهديها : شهد الله يخليك عشانـي شهد أنتِ حامل.،
شهد تضم غزل : غزل هذا بندر تدرين وش يعني؟!.،كان لنا الأخو والقدوه والطيب عمره مازعل احد فينا.،
غزل مهي متذكره شي بس احساسها انه يقرب لها .،
وانه مات!.،
وهي ماتذكرته.،
وتذكر انها شافته مرتين بس.،
يوم زواجها.،
ويوم تعبت بيت ابوها وكان مع مشعل وخالد.،
جات العنود.،
غزل : ماجاء مشعل؟!.،
العنود : قبل شوي الي جو من الدفن.،
غزل نزلت دموعها الحياه صعبه!.،
موت!.،
قبر!.،
انسان ماعاد بشوفه!.،
بسمعه!.،
بكلمه!.،
راح لمكان ثاني!.،
قامت بتشوفة.،
غزل اتصلت عليه جواله مقفل.،
جات تطلع برا شافت رجال كثير.،
ماقدرت تشوفة.،
ورجعت جلست معهم.،
تحس انها مو منهم!.،
ولا قادره تشاركهم لا حزنهم ولا فرحهم.،
هي صح زعلانه عليه!.،
ومقهوره!.،
انه شاب وخالها وزواجه بعد كم يوم الكل يحكي بطيبه واخلاقه .،
بس تبي تذكره تبي تحس انها منهم.،
جات لجين سلمت على الكل وعزتهم.،
وجلست جمب غزل وشهد.،
شافت كيف شهد بس تبكي.،
وغزل كل شوي تنزل دموعها.،
وتمسحها.،
لجين : كيفك غزل؟!.،
غزل استغربت : الحمد لله على كل حال.،
لجين تبي تكلمها بس عشان الوقت مايسمح^^.،
جلست شوي مع امها وراحت.،