ثاني يوم ع ـــــزاء.،.
بيت الجد.،
الكل يجتمع وينام هناك.،
الا الي يبي من بيته اغراض يروح يجيبها ويرجع.،
غزل ذا ثاني يوم ماشافت مشعل.،
وكل وقتها مع شهد تحاول تهديها.،
غزل : عنود ماشفتي مشعل؟!.،
العنود : الا دخل يوم كنتي نايمة جلس عندي امي شوية وطلع.،
غزل : ماسئل عني؟!.،
العنود : لا.،
غزل : طيب ابي ملابس لي ماعندي شي البسه.،
العنود : اتصلتي عليه؟!.،
غزل : جواله مقفل.،
العنود : تبين اناديه؟!.،
غزل : أي ياليت.،
العنود : الحين اقول لحد يناديه.،


غزل دخلت الغرفة لقيت شهد جالسه على السرير.،
جلست جمبها.،
الاثنين ساكتين.،
غزل : شهد الله يخليك فكي شوي.،
شهد تبكي : أنتِ تقولين كذا!.،
غزل بقهر : شهد أنـا الي مو قادرة اذكر شي زعلانه عليه بس ياشهد أنتِ حامل ماينفع تسوين بنفسك شهد أنتِ من قبل امس ماكلتي شي ولا نمتي ؟!.،
شهد : يعني أنتِ الي اكلتي ولا نمتي؟!.،
غزل : أنـا مو حامل.،شهد والله ياقلبي ادري أن الموت صعب بس خفي على نفسك شي شهد (سكتت).،
شهد : هه أنتِ الي ماتذكرين شي مو لاقية شي تواسيني فيه أجل أنـا وش اقول الي كل شي مذكرته.،
غزل :..................................


بـــــــيـــــــــت نـــــــــاديـــــــــــــه.،
رغد : يالله الله يرحمه ويغفر الله يارب.،
الكل : آمين.،
نوف : كيف مات؟!.،
ناديه : يقولون بحادث.،
رغد : غريب اللي اعرفه أنه عاقل مو حق سرعة وخرابيط.،
نادية : هذا قضاء ربك الله يرحمه.،
الكل : امين.،
ناديه : الي زعلني عليه يقولون الحادث قريب من قصر زواجه.،
رغد : يالله الله يرحمه ويغفر له يارب.،
نوف : يعني كان رايح يشوفه؟!.،
ناديه : لا كان طالع من دوامه بيروح للبيت بس راح من طريق الي جمب قصر زواجه.،
نوف : ليه يعني؟!.،
رغد : أنتِ فايقه للاسئله ذي؟!.،
نوف : لا بس غريب.،
نادية : وش الغريب رجال بعد كم يوم زواجه وبعدين عريس مبسوط ويبي الحياه بس ربي كاتب له كذا الله يرحمه.،
الكل : امين.،



بــــيــــــــت الــ ج ـــــــــــد.،
العنود قالت لغزل أنه مشعل مارضي يجي.،
لأنه مشغول معهم برا.،
شهد تروشت ولبست وشافت غزل جالسه على السرير : وش فيك؟!.،
غزل : ولا شي.،
شهد : تعالي الكل برا اكيد حايسين خلنا نساعدهم.،
غزل : ............
شهد : وش فيك؟!.،
غزل في بداخلها عصبية مكبوته : ولا شي.،
شهد وقفت ولفت لها : جد وش فيك؟!.،
غزل : ماعندي لبس وابي اترووش.،
شهد : بس كذا شنطتي كلها عندك.،
غزل بتسكتها بس : طيب.،
شهد : غزل وش فيك؟!.،
غزل وقفت وبعصبيه : مو أنـا كلبة هنااا لازم اواسي الكل ولمى اواسيهم أنتِ مو حاااسه لأنك ماتذكرررين وسيد مشعل من امس وانا احاول اشوفوا ولا فكر فيا يوم صار موضوع يهم عايلته ولا كأني مرته كل وحده راحت وجابت اغراضها من بيتها وانا جالسه مافكر يسألني تبين شي من البيت لا شي ولا فكر كيف منظري وكلكم مع بعض وانا الي بينكم غريبه مافكر فيا على عيني وراسي زعلان عليه بس هو رجال مستوعبه أن ذا بيكون ثالث يوم ماشافني!.،وانا الي اجري وراه ادوره.،
غزل جلست على طرف تسريحه.،
شهد تقرب منها : غزل.،
غزل نزلت دموعها وحضنت شهد : والله صعب علي اكون بينكم كذا شهد حاسه بضغط والله حاسه بضغط كبيرر.،
شهد : والله عارفه وربي عارفه بس.،
غزل تمسح دموعها : عادي يلا نطلع لهم.،
شهد : اول تروشي والبسي بعدين اطلعي.،
غزل : لا باخذ مفتاح بيت واروح.،
شهد : طيب الحين اقول لمشعل.،
غزل : لا انا اقصد بيتي عند بابا.،
شهد عقدت حواجبها : وش يوديك هناك؟!.،
غزل : في ليا ملابس هناك.،
شهد : قولي لمشعل.،
غزل توقف :مابي يلا.،
وتطلع هي وشهد من الغرفة.،

شافت الحريم حولين نوره.،
شهد جريت عليها : أمي وش فيها؟!.،
عبير : عنود روحي نادي مشعل بسرعه.،
غزل : تعالـوا نشيلها نوديها غرفة.،
سعادوا الحريم غزل ودخلوها غرفة ونيموها على كنبة.،
غزل وقفت بالغرفة تحس ظهرها يألمها اول مره تحاول تشيل أحد.،
شهد جالسه جمب امها.،
وغزل واقفه جمبها.،
دخل مشعل ومعه أبوه.،
مشعل يجلس جمب امه ويشوف نبضها : وش صار؟!.،
غزل تحس قلبها بيوقف اشتاقت له ولصوته.،
شهد : مدري طلعت من الغرفة شفتهم حولينها.،
عبد الله : لا حول ولا قوة الا بالله.،
مشعل يفوقها : الحمد لله بس ضغطها نازل.،
شهد تجلس جمب راسها وتسلم عليه : يمه.،
نوره تفتح عيونها.،
مشعل : الحمد لله على سلامتك يالغالية.،
نوره : الله يسلمك انا مافيني شي.،
شهد تبوس راسها : خوفتيني عليك.،
نوره تجلس وتتنهد : مافيني شي.،
عبد الله : خلك مرتاحه لا تقومين.،
نوره : أي راح ــه الله يعين بس.،
غزل حست أن الجو عائلي الآب ومرته وبنته وولده.،
جات تطلع من الغرفة.،
وجودها ماله أي داعي محطوطه على الهامش.،
عبد الله ناداها : غزل.،
غزل لفت له .،
عبد الله : تعالي يابنيتي بسلم عليك بس اول كنت خايف على خالتك.،
غزل تبتسم ابتسامه باهته وتسلم على عمها.،
يوم سلمت علية شافت مشعل يناظرها.،
ابد ماطالعت فيه وهمشته.،
سلمت على عمها : ماعليك مني أنت كيفك؟!.،
عبد الله : الحمد لله على كل حال يابنيتي.،
غزل ابتسمت وطلعت من الغرفه.،
مهي قادره تتحمل اكثر.،
ولا مفكر فيها.،
ولا سأل عنها.،
اتصلت على ابوها.،
وطلبت منه مفتاح البيت وقالت له انها تبي تروح البيت تغير ملابسها.،
وترتاح شوي.،
وماتبي تروح بيت مشعل لأنه خوف لوحدها.،
اما البيت في الشغالات.،
وقالت له ينادي لها السواق.،
لبست عباتها واخذت شنطتها وطلعت.،



يــــــــــــــــــوم ج ـــــديـــــــــــــــد.،
بــــيــــــــت الـــجـــــــــد.،
ثالث يوم عزاء.،
الساع ــــه 10 بالليل.،
الجد قال لهم أن جلستهم مالها داعي.،
وأن الكل تعطل عن مصالحه وأن باسلوبهم ذا بندر مو راجع.،
راح الكل على بيته.،
كانت نوره عند ابوها.،
وخالد اخذ شهد.،
دخل مشعل بيت جده.،
لقي العنود.،
:سلام.،
العنود : وعليكم السلام.،
مشعل يبتسم لها : كيفك؟!.،
العنود : الحمد لله.،
مشعل : ماقدمتي صح؟!.،
العنود : لا حقه اقدم.،
مشعل : لا بغيتي تقدمين قولي لي.،
العنود : ان شاء الله.،
مشعل : نادي لي غزل.،
العنود استغربت : غزل!.،من وين!.،
مشعل : وشو الي من وين؟!.،
العنود بتردد : غزل بيت عمي.،
مشعل تعدل بجلسته : عمك مين!.،
العنود : عمي فهد.،
مشعل بإستغراب : وش وداها هناك؟!،.
العنود : مدري بس قالت لعمي وراحت مع السواق.،
مشعل : بعد!،.
وقام قبل لا يطلع.،
رجع : اذا سألت عني الوالده قولي لها راجع لكم.،
العنود : لا لاترجع أمي قالب لبابا أنها تبينا نام هنا أنا وهي.،
مشعل : تمام يلا سلام.،


شـــهـــد الـ خ ـــالد.،
خالد جالس جمبها.،
شهد حطت راسها على صدره وصارت تبكي.،
خالد يحضنها ويمسح على ضهرها.،
شهد : ابيه يرجع ابي حياتنا ترجع مثل قبل.،
خالد : ادعي له برحمه.،
شهد : كل حياتنا تغيرت.،
خالد : بترجـع إن شاء الله.،
شهد : وبندر.،
خالد تنهد ومسح دموعها : ادعي له برحمه.،



بــــيـــــــــت أح ـــمـــــــــــد.،
أحمد : وغزل كيفها؟!.،
حسناء : مدري ماشفتها.،
احمد : ليه؟!.،
حسناء : مدري.،
أحمد : ليه ماسألتي عنها؟!.،
حسناء ليه اسأل!.،وبعدين الناس مو فايقه لي.،



بــــيــــــــــت فـــــهـــــــد.،
توها متروشه ومستشوره شعرها.،
لبست بنطلون جينز.،
وبلوزه رسمي لونها كحلي.،
نازله من فوق.،
سامعه الباب.،
سهاردي <~ماخلوها بالبيت لوحدها جابوها عند تينا.،
غزل : سهاردي خليه أنـا افتح يمكن بابا نسي المفتاح.،
فتحت الباب وهي تبتسم : ليه تأخر..
سكتت يوم شافته.،
ماقدرت تتكلم.،
مشعل وهو واقف عند الباب بسخريه : تدرين أني جاي وعندي امل اني مالقاك هنا.،
غزل ارخت نظرها.،
مشعل :...................
غزل فتحت له الباب أكثر عشان يدخل.،
مشعل دخل : كيف جيتي هنا؟!.،
غزل بصوت خفيف : مع السواق.،
مشعل : من سمح لك؟!.،
غزل طالعت له حست أنه تحقيق : بابا.،
مشعل : أنـا سمحت لك!.،
غزل تبلع ريقها : اليوم الي انتبهت اني مو بالبيت؟!.
مشعل استغرب : ليه من متى أنتِ هنا؟!.،
غزل : صار لي يومين!.،
مشعل : كيف تطلعين من غير ماتاخذين اذني.،
غزل بسخريه : هه اليوم الي حسيت اليوم ألي انتبهت مقطاعني ولا تفكر فيا كأني انا الي ذبحته.،
مشعل : أنتِ ماتحسين!.،
غزل جلست على الكرسي وبجرح ابتسمت بحزن : كلمه سمعتها من الكل كل ماجيت اواسي احد ولا اهديه يقولي أنتِ ماتحسين مو ذنبي أني فاقده الذاكره مو ذنبي اني مافتكره مو ذنبي اني الي شفته مرتين ومحد دخل قلبي وحس كيف اني زعلانه عليه وأنه راح قبل مافتكره واني غريبة بينكم لا تعتقد قلبي حجر.،
مشعل استغرب : وش فيه لذا الكلام كله؟!وش الي صار؟!.،
غزل : ابد ماصار شي.،
مشعل : غزل تكفين انا تبعان ومو متحمل فهميني وش الي صار لذا كله.،
غزل : ولا شي.،
مشعل بعصبيه : وبعدين معك!.،اذا مافي شي ليه جيتي هنا؟!.وبأي حق؟!.مالك رجال تسألينه؟!.،
غزل طالعت فيه بابتسامه : وإذا الرجال ماهتم أنا وش احتاج ولا سأل عني!.،وحتى غيابي ماعرف فيه الا يوم فضي.،
مشعل : غزل أنتِ ماتقدرين!.،حتى الموت!.،وبعدين وين كنتي؟!.،كنتي بيت جدك وأنـا موجود هناك.،
غزل شافت وجهه كيف تعبان : خلاص مشعل أنـا جيت هنا ابي ارتاح شوي.،
مشعل يجلس جمبها : ترتاحين وأنتِ اثار البكى بوجهك؟!.،
غزل : لا بس توني متروشه.،
مشعل يمسك يدها : فهميني وش صار؟!.،
غزل : ولا شي قلت لك كنت ابي ارتاح بس.،
مشعل يبتسم : والحقيقه؟!.،
غزل نزلت دموعها :................
مشعل يحضنها.،
غزل بكيت اكثر.،
نامت على صدره.،
مشعل : ياقلبي بس فهميني؟!.،
غزل وصوتها اتغير من البكى : عادي مشعل بس اتضايقت شوي.،
مشعل : من؟!.،
غزل وهي نايمه على صدره : من كل شي أنت خليتني هناك ولا فكرت تسأل عني؟!.،كل وحده راحت بيتها وجابت الي تحتاجه.،انا جلست اليومين كلها من غير شي لو ماجيت هنا جلست الثلاثه كلها بعد.،صدقني مو مسأله اني ابي ملابس لا بس أبي تحس فيني!.،رسلت لك عنود كذا مرره اني ابيك ابي اكون معك وتكون معي بس أنت ماعبرتني ولا فكرت تتصل علي!مشعل والله انا زعلت عليه ومايهمني احد فيكم يعرف اذا زعلت ولا لا لأني زعلي عليه لنفسي بس يقهرني يوم اواسي احد ويقولي لأنك ماتذكرين مو حاسه!.،
مشعل يمسح دموعها : من الي قلك!.،
غزل : مو مهم خلاص.،
مشعل : غزل أنـا عارف أن مالك ذنب بالي صار بس ياغزل بندر كان معي بأصعب ايامي بندر ماكان الخال الي بيننا رسميات بندر كان أخو لنـا يصعب علي فراقه وكنت مشغول معاهم (تنهد)باوراقه والدفن.،لاكن وغلاتك عندي محد قلي أنك تبيني!.،بعقلك لو ادري أنك تبيني بتردد!.،
غزل : أنا قلت للعنود.،
مشعل : ايه جاتني الشغاله وقالت لي عنود تبيك بس احسب اغراض للبيت او اشياء يحتاجونها واكلم الوالد تقولي ماناقص شي.،
غزل : طب ليه ماطمنت علي!.،
مشعل : كنت اسئل الوالد عنك.،ومابي اضايقك معي تذكرين يوم قلت لك مابي يوم يمر علينا حزن.،
غزل لفت يدينها حول رقبته وحضنته بقوه : بس انا احتاجك واشتقت لك.،
مشعل ضمها له بقوه تأكد أن غزل تحبه : وأنا ياقلبي أموت فيك.،
غزل :.................
مشعل : ثاني مره ماتروحين مكان لين تعلميني.،
غزل : طيب.،
مشعل : لا تلوين بوزك.،
غزل : ههه طيب.،
مشعل : يلا.،
غزل : وين؟!.،
مشعل : وين بيتنا!.
غزل : وبابا؟!.،
مشعل : وش فيه؟!.،
غزل : مدري بس استحي اقوله انا بروح خلاص.،
مشعل : لا والله؟!.،
غزل : والله.،
مشعل : يعني؟!.،
غزل بمزح : خلاص اعيش هنا وأنت تعلي كل شوي.،
مشعل : ليه بسجن؟!.،
غزل : هههههههه.،
مشعل : زانت علومك يلا قومي .،
غزل طلعت غرفتها.،
واخذت جوالها بتتصل على ابوها.،
ومشعل لحقها.،
يوم دخل الغرفه كيد غزل متصله.،
اشرت له لا يتكلم.،
غزل : الو...سلام.....امم الحمد لله وأنتِ.......اممم بابا بروح بيت جدي!.،...........امم يامع السواق او مشعل يجيني............مدري لا طلعت من هناك بروح مع شهد...........طيب يلا باي.،
مشعل يرفع حاجبه : الحين كل ذي الفه عشان تروحين بيتك!.،
غزل : ايه استحي اقوله بروح بيتي.،
مشعل : وش الي يخليك تستحين؟!.،
غزل : مدري.،
مشعل ابتسم : طيب يلاااا في لك اغراض ولا ؟!.،
غزل : الا في كم شغله باخذها.،
وقفت عند التسريحه تحط اغراض لها بي تاخذها معاها.،
مشعل شاف على الكمدينه شريط مسكن.،
وبندول نايت.،
راح لها وشالها من على الكمدينه لقيها فاضيه.،
قرب من غزل وهي تلم اغراضها.،
: كان يألمك؟!.،
غزل ابتسمت : المسكن خفف عني.،
مشعل يبوس راسها :.............
غزل : يلا.،



يـــــــــــــــــوم ج ـــــــديــــــــــــــد.،
بـــيـــــت لجين.،
ألأم : انتبهتي أنها كلها كامله؟!.،
لجين : ايوا.،
الأم : خلاص جهزيها شوي اعطيها ابوك.،
لجين : وين بتودونها؟!،
الأم : بيت ابوه.،
لجين : مو بيت نوره!.،
الأم : لا ذا مو بيت بندر الله يرحمه بيت نوره بيت عبد الله زوجها.،
لجين : اهااا.،الا ماما بابا ماقلك كيف مات؟!.،
الأم : يقول حادث عن الدائري الي جمب قصركم.،
لجين : اها الله يرحمه.،
لجين تفكر بداخلها كيف لو اتزوجت بندر.،
ياترى كيف كانت بتكون حياتي معاي؟!.معقوله يحبني؟!.بس هو من اسلوبه باين انه يحبني.،كيف لو اتزوجته ومات يكون ارمله من اول ايام زواجي!.يالله وش الحظ هذا يوم جيت اتزوج يموت استغفر الله بس الله يرحمه.،


يـــــــــــــوم ج ــــــــديــــــــــــــــد.،
شــــــــهــــــــــد الـ خ ــــــــالد.،
خالد صحي من النوم.،
مالقي شهد.،
تروش وطلع.، شافها جالسه بصاله.،
راح وجلس جمبها.،
شهد ابتسمت : صح النوم.،
خالد : صح بدنك وش مصحيك بدري؟!.،
شهد : شبعت نوم.،
خالد : وش رايك نطلع نغير جو؟!.،
شهد تمسك يده : لا تخاف مافيني شي عادي خلينا بالبيت.،
خالد بمزح : ومن قال فيك شي؟!.،انا اقولك نطلع نتمشى.،
شهد : وين؟!.،
خالد : مدري المكان الي تبينه.،



بـــــــيـــــــــــــــت المــــشـــــ ع ـــــــــــــــل.،
غزل صحيت قبل مشعل.،
اتروشت واستشورت شعرها.،
لبست بنطلون جينز.،
وبدي وردي فاتح.،
حطت كحل اخضر غامق.،
وماسكارا.،
وروج وردي.،
وتعطرت.،
وطلعت جلست بصاله.،
قالت لسهاردي تسوي لها قهوه <~ سهاردي رجعت معاهم يوم رجعوا من بيت فهد.،
رن التلفون وردت.،
غزل : ألـو.،
العنود : هاي.،
غزل : هلااا كيفك؟!.،
العنود : الحمد لله اتصلت على شهد ماردت قلت بجرب اتصل عليك ورديتي مع اني ماكنت متوقعه.،
غزل : ههههههههههه بشويش وبعدين ياسلام لو ردت شهد ماتصلتي علي؟!.،
العنود : ايه.،
غزل : يمه منك وش ذا مو لسان.،
العنود : المهم كيفك؟!.،
غزل : الحمد لله دوبي صاحيه.،
العنود : صح النوم.،
غزل : صح بدنك.،
العنود : شفتي لجين وش سوت!.
غزل استغربت : من لجين؟!.،
العنود : خطيبه بندر.،
غزل : وش سوت؟!.،
العنود : ارسلت شبكتها ومهرها وساعه وكل شي بندر جابه لبيت جدي.،
غزل : ليه يعني؟!.،
العنود : ابوها جاء واحنا كنا طالعين من بيت جدي وسمعته يقوله هذا قضاء الله وقدره وهذي الي جابه بندر لها والله يرحمه ويغفر الله.،
غزل : وجع وش ذا مامر على الرجال اسبوع!.،ينتظرون شوي.،
العنود : كأنهم ماصدقوا.،
غزل بغرور : والله ياقلبي محد جبرها تقبل فيه تحمد ربها بندر الـ متقدم لها.،
العنود : فديت الغرورو والله.،
غزل ابتسمت : بس بجد عيب عليهم.،
العنود : اصلاً شوفي جايبين لرجال طقم وذهب!.،المفروض يرسلونها على امي بس هم يعنني انه ذا بيت بندر.،
غزل : ايه يعني مانروح لبيت الرجال <~عبد الله.،لا بيت جدي ولا همهم في حرمه ولا لا.،
العنود : والله قهروني امي جلست تبكي وجدي اتضايق ياخي اصبروا كم يوم.،
غزل : استغفر لله بس.،
العنود : اممم غزل.،
غزل : سمي.،
العنود : ماسمعتي خبر ان تركي بيسافر؟!.،
غزل : الا.،
العنود تغير صوتها : متى؟!.،
غزل : مدري متى بس على زمان يوم قال بيسافر.،
العنود ارتاحت شوي : اهااا.،طيب تعرفين الي بيروح بعثه متى يسافر؟!.،
غزل : مدري على حسب في ناس تروح مع بداية الدراسه وفي وناس بعد ماتبداء الدراسه بفتره.،
العنود : اها.،
غزل : يهمك؟!.،
العنود بتردد : إيـه.،
غزل ابتسمت : باين عليك.،
العنود : لو كنتي متذكره كان عرفتي قد ايش نحب بعض.،
غزل ماتبي تزعلها تدري أنه كلامها ماتقصد تجرحها فيه : طيب حكيني.،
العنود تنهدت : وش احكيك؟!.، تركي فجأه مدري وش صار له تغير كان معي غير تغير من غير مايفهمني كان هو الحنون الرومنسي وانا الهبله ايه كنت احبه بس كنت هبله مو مقدره الحين فهمت كل نظراته واسلوبه فجأه تغير من دون سبب هي مره وحده الي يقولي مابيلك الحرام شوفي (سكتت كانت بتقول شوفي مشعل وغزل وش صار لهم).،
غزل تظن أنها سكتت مهي قادره تتكلم : امم كيف حرام مافهمت؟!.،
العنود : مدري عنه يقول كذا حرام وهو مايبي الحرام له ولي.،
غزل : قصده حرام انه يشوفك؟!.ويجلس معك؟!.،
العنود : ايه.،
غزل ابتسمت : طيب مررره حلو ليه زعلانه؟!.،
العنود : حلو أنه يجرحني أنـ.،
غزل تقاطعها : مو جرح يالخبله ذا من كثر مايحبك خايف عليك مايبي الحرام لك وله شايفك جوهره.،
العنود : بلا جوهره بلا كلام فاضي الي قدر مايشوفني ولا يكلمني وين يحبني؟!.،
غزل : هذا أنتِ تحبينه ولا كلمتيه ولا شي.،
العنود : عشان كرامتي.،
غزل : وهو عشان دينه.،
العنود : ...............
غزل : صدقيني هو خايف عليك وشايفك شي غالي مايبي يتسلى فيك اكيد يبي يكمل دراسته ويجي يخطبك.،
العنود : ......................
غزل سمعت صوت الباب حق غرفتهم عرفت انه مشعل : ليه مابتكملين بالمدرسه؟!.،
العنود : احد عندك؟!.،
غزل : امممم.،
العنود : مدري أذكر يوم كنتي انتي وشهد فيها قلتوا انها وقت الاختبارات كانت صعبه وانا مافياا ابي اروح مدرسه اسهل.،
غزل : اهااا.،
العنود : يلا باي اكلمك بعدين.،
غزل ابتسمت : اووك بايوز.،
غزل وهي على الكنبه رفعت راسها.،
مشعل الي واقف وراها ارتخى لها وباسها.،
غزل ابتسمت وبعدت راسها : .................
مشعل يجلس جمبها : متى قمتي؟!.،
غزل : يعني لي ساعه.،
مشعل : ماحسيت فيك.،
غزل ابتسمت نومتك كنك ميت كيف بتحس فيا.،عارفه انها ضايقت مشعل انها راحت بيت اهلها بس هي اتضايقت تدري انه يحب بندر بس الكل سأل بأهل بيته عدا مشعل الي مافكر فيها مهي عارفه تخفف عنه .،
قامت وصبت له قهوه : تفضل.،
مشعل : زاد فضلك.،
غزل جلست جمبه.،
مشعل شايفها انها بتقول شي بس ساكت.،
غزل متردده.،
حطت يدها على فخذه : مشعل..أنـا....انا اسفه.،
مشعل حط الفنجان على الطاوله ومسك يدها الي على فخذه : على وشو؟!.،
غزل تناظر فيه : اني رحت عند ابوي من غير ماقولك.،
مشعل يحط يده وراء خصرها ويضمها له : هذاك موضوع وانتهى خلاص.،
غزل وهو حاضنها : مشعل ودي اخفف عنك بس والله مو قادره مابي اشوف الهم والحزن الي بعيونك بس صدقني مو عارفه.،
مشعل يحط يده تحت ذقنها ويرفع وجهها له : تبين تعرفين كيف؟!.،
غزل حركت راسها بمعنى إيـه.،
مشعل بهمس : لا تتركيني ابد.،
غزل ابتسمت : بعمري مابترك.،
مشعل : وعد.،
غزل : وعــد.،
مشعل ضمها له بقوه.،
غزل : اممم بقولك شي.،
مشعل : سمي.،
غزل بخجل : اليوم بطبخ لك.،
مشعل بانت على وجهه علامات تعجب.،
غزل : وش فيك؟!.،
مشعل : بتدخلين المطبخ؟!.،
غزل : ايه بس بسوي شي خفيف ومافي غداء الا بعد ماتروش عن الريحه.،
مشعل : ماشي.،
غزل : وأنت وش بتسوي؟!.،
مشعل : بطلع.،
غزل حطت يدها على خصرها : لا والله؟!.،انا اطبخ وانفخ وأنت تطلع.،
مشعل : بسم الله هذا وهي ماطبخت.،
غزل : مافي تجلس هنا اجيب لك الاب واجلس اقراء بالبحث حقك.،
مشعل : ههههههه للحين حاطه براسك البحث.،
غزل تروح للغرفه : رايحه اجيبه.،
راحت وجابت له الاب وحطته على رجله.،
وطلعت للمطبخ.،




شــــــــــهــــــــــد الـ خ ـــــــــــالد.،
بالمطعم.،
خالد : اممم طيب سمك.،
شهد : لا.،
خالد : اجل وش بتاكلين!.
شهد : مدري.،
خالد : طيب ستيك؟!.،
شهد : اممم ايه ايه يمي.،
خالد يبتسم : اخير عجبك شي.،
شهد : خالد اطلع قوله الطلبات مافيا اغطي وساعه على مايفهم.،
خالد : من عيوني.،
شهد ابتسمت له.،
طلع خالد يقوله.،
وشهد تفكر متى بتبلغ خالد وتقوله.،


بـــيـــــــــــت المـــشـــــــــ ع ـــــــــل.،
غزل سوت معكرونة سبغتي.،
ونزلت تروشت واستشورت شعرها.،
لبست بنطلون جينز.،
وتي شيرت ابيض.،
عليه كتابات ورسومات.،
حطت ميك أب خفيف.،
وتعطرت.،
لقيت مشعل جالش على التلفزيون.،
غزل ابتسمت : واخير خلص.،
مشعل : أنـا اعرف الناس تطلع من المطبخ قول واخيرا خلص مو غرفة النوم.،
غزل : ههههههههههههه.،
مشعل : الله لا يحرمني من ذي الضحكه.،
غزل ابتسمت له بخجل.،
: اممم حلوه الريحه.،
مشعل : قربي شوي.،
غزل قربت منه.،
: وشو؟!.،
مشعل يجلسهاعلى رجله ويقرب منها : تجنن.،
غزل بخجل.،
جات بتقوم عنه.،
مشعل : وين وين؟!.،
غزل : بحط الاكل.،
مشعل بهمس : بس انا مشتاق لك.،
غزل غمضت عيونها وتاخذ نفسها.،
مشعل باس رقبتها.،
خف من شده عليها.،
وغزل على طول طلعت على المطبخ.،
ومشعل يفكر يالله ياغزل من يومين انشغلت عنك رحتي عند ابوك.،
وزعلتي كيف لو تذكرتي وش بتسوين!.
وش بيصير وقتها!.،
الله يستر.،


جالسه على دولاب المطبخ.،
وتقول لسهاردي تحط الاكل.،
غزل : امم سهاردي شكلوا حلو صح؟!.،
سهاردي : لا.،
غزل : سهاااردي.،
سهاردي : ههه هو عسان هدا اول مره.،
غزل : ماعندك مجامله طيب يلا نزليه.،
مشعل الي طلع يشوفها.،
غزل جالسه على دولاب المطبخ.،
وتشوف سهاردي.،
مشعل : هذي الي تطبخ؟!.،
غزل تبتسم : غمض لا تشوفه.،
مشعل يوقف قدامها : ..............
غزل تبتسم : مشعل قوم طعم خلاص.،
مشعل : ههههه طيب.،
غزل : خلاص سهاردي نزليه يلا ونزلي بيبسي وبقية الاغراض.،
سهاردي : اوك.،
يوم نزلت سهاردي.،
: هذي اخر مره بدخل المطبخ.،
مشعل : ليه؟!.،
غزل : تعبت افففففف ريحه وقرف وبعدين من 4 لـ 7 خيرر.،
مشعل : هههههه وش سويتي عاد.،
غزل : معكرونة سباغيتي.،
مشعل انصدم : ماتاخذ نص ساعه حتى.،
غزل : لا والله!.،
مشعل يشيلها من على الدولاب : أي والله.،
غزل : نزلني عيب سهاردي.،
مشعل : ياسلام يعني اطلعها من البيت عشان ماتتعذرين فيها.،
غزل : ياويلي مشعل لو شافتني والله اخجل اطالع فيها.،
مشعل ينزل فيها لتحت.،
وغزل : تكفى نزلني خلاص.،
مشعل نزلها.،
وراحت هي وياه لطاولة الطعام.،
وكانت سهاردي خلاص ترتب اشياء بسيطه.،
مشعل استغرب من لون المعكرونه.،
جلسوا.،
غزل قبل حتى مايمسك الشوكه : طعمه؟!.،
مشعل يبتسم : قلت لك أطعم من السكر.،
غزل خجلت وسكتت فاهمه قصده.،
مشعل اكل منها.،
وتغيرت ملامحه.،
غزل تبتسم : طعمه صح؟!.،
مشعل ساكت.،
غزل ذاقتها : احم اممم,ـ
مشعل يدوب بلعها : وش ذا؟!.،
غزل مدت بوزها : وش اسوي ماستوت.،
مشعل : من 4 لـ 7!!.كيف سويتيها؟!.،
غزل : انا اقولك مو في الصوص الاحمر!!الطماطم..،
مشعل : ياسلام حتى ذا ماسويتيه.،
غزل : خلاص في معلب ليش اسويه.،المهم اخذته وحطيته بقدر وحطيت عليه خضار مشكله.،
مشعل : المتلجه؟!.،
غزل : اجل تبيني اقطع!.،
مشعل يبتسم : ............
غزل : وبس طلعت المعكرونه وكسرتها وحطيتها.،
مشعل بتعجب : من غير ماتسلقينها؟!.،
غزل : لا.،
مشعل : اها.،
غزل : هي تنسلق؟!.،
مشعل : اذا تبين.،
غزل : هههههههههههههه مشعل أنا نسيت كيف اطبخ.،
مشعل : ههههه بذا الشي تعترفين أنك ناسيه.،
غزل : ايه.،طيب وش رايك اقول لسهاردي تسوي لنا شي؟!.،
مشعل : لا خليه بعد العشاء نطلع نتعشى.،
غزل ابتسمت : اوك.،