الــــبـــــــــــــارت الـــ 104








: غزل نامي على ظهرك يلا.،
ساعدها تتعدل.،
ورفع رجولها على المخدات غطاها.،
مد لها الحبة :.............
غزل : ماابي.،
مشعل : بتسكن الألم.،
اخذ كاسة الموية ومد لها الحبه.،
اخذتها وهو شربها الموية.،
حطت راسها على المخده.،
ودموعها تنزل.،
مشعل الي جلس جمبها وصار يحط يده من عند بطنها على تحت ويرفع على فوق.،
غزل تصد عنه وتحط يدها على بطنها : روح خلاااص خلااااااااص.،
مشعل : غزل أنتِ على حركه ونسويلك عمليه عشان رحمك يرجع مكانه.،
غزل تبكي : عساااه مارجع ياشيخ عساااه مارجع سيبني.،
مشعل ينتظر مفعول الحبه يبداء وتنام قال بصعبيه : الف مره قلت كل شي استهتري فيه الا صحتك.،
طلع وسابها.،
.،
























طلع من هنا وغزل دفت بكل قوتها المخدات لين طاحت على الارض.،
المها بطنها اكثر تكورت على نفسها.،
ونامت.،
مشعل : وش الدواء الي غزل تبغاه؟!.،
تينا : فيفادول وبندول نايت.،
مشعل يهز راسه : بندول نايت وينه جابه؟!.،
تينا : لا لسى.،
مشعل : اذا جابه عطينياه.،
تينا : بعدين ئزل في زعلان.،
مشعل : قلت لك عطينياه فاهمه.،
تينا : طيب.،
.،






















رجع طلع لغزل.،
شافها كيف رامية المخدات.،
بكل شي ضد نفسها.،
رجع رفع المخدات وزداها عشان ترتفع اكثر.،
وعدلها ورفع رجولها على المخدات.،
طلع من الكيس دواها والابره.،
مسح يدها وعطاها اياه ورماها بالزباله "اكرمكم الله".،
جلس جمبها يتأملها وهي نايمه.،
باسها.،
اشتاق لها.،
حضنها بكل قوته.،
"تنهد"
عدلها على السرير.،
وحط لها ادويتها جمبها على الكمدينه.،
وكتب لها متى مواعيدها.،
طفى النور عليها وطلع وصك الباب.،
وهو طالع شاف عمه.،
حمد ربه ان عمه ماجاء وهو جواء يحسها صعبه وهو نازل من غرفة النوم.،
فهد : هلا والله هلا بولدي.،
مشعل يسلم عليه ويبوس راسه : هلااا فيك عمي اخبارك؟!.،
فهد : الحمدلله ياولدي بخير.،
مشعل : عساه دوم يارب.،
فهد : وين رايح ادخل خلنا نتقهوه سوا.،
مشعل : لا والله ياعمي ورايا شغل.،
فهد : وش صار؟!.،
مشعل ابتسم : طلعت تنام.،
فهد يحط يده على كتفه : ياولدي لا تلومها الي مرت فيه صعب خلها تستوعب انها تطلقت بـ الأول عشان تستوعب انها تزوجت مره ثانيه.،
مشعل : الله كريم الله كريم.،
فهد : خلها بس كم يوم وانا بكلمها.،
مشعل : ان شاء الله يلا ياعمي استأذنك وراي شغل.،
فهد : الله معك ياولدي.،
.،






























يــــــــــــــــوم جـــــــــديــــــــــــــــــد.،
بـــــــيــــــــــــت شــــــــهـــــــــــد الــ خ ــــالـــد.،
شهد : لا بروح لغزل.،
خالد : طيب بوديك انا اصلا ابي اتكلم معها.،
شهد : ليه وش تبي تقولها خالد تكفى لا تزعلها.،
خالد : مابزعلها بس بتكلم معها.،
شهد : الله يستر منك.،
خالد : شهد تراها اختي.،
.،





























بــيــــــــــــت فـــــــــهـــــــــــــــد.،
السـاع ـــه 4 العصر.،
غزل صحيت من النوم على ساعه 3 دخلت تروشت واستشورت.،
جلست على السرير شافت ادويتها.،
مسكت العلبه.،
كاتب عليها "حبيبي اول ماتاكلين خذي حبه والحبه الثانيه بعد 8 ساعات".،
شافت الثاني "هذا مسكن يومي يألمك خذي منه لا تكثرين مفعوله قوي".،
حشى كاتب قصة حياته على الكرتون.،
طلعت علب الأدويه.،
وشققت الكراتين ورمتها.،
قامت طلعت لها بنطلون جينز كحلي سكيني.،
وتي شيرت ابيض مرسوم عليه قلبين بالفوشي.،
وفتحة الصدر سبعه.،
حطت كحل وروج وردي.،
وتعطرت.،
وخلت شعرها مفتوح.،
ونزلت تحت.،
مالقت ابوها.،
دخلت المطبخ : هاي تينا.،
تينا : اهلين كيفك دحين!.،
غزل تبتسم : لا الحمدلله.،
تينا : ابغى اكل؟!.،
غزل : ايش الأكل؟!.،
تينا : رز احمر بلحم وسلطه.،
غزل : ايه من يوم مارحت من البيت صارت وجبه وحده الحمدلله وشكر.،
تينا : تبغى اسويلك شي.،
غزل : امممم مدري ايه ابي تسوين لي هذيك الي بالبيف بيستري وفيها خضار.،
تينا : ايش هو؟!.،
غزل : افخاذ الدجاج الي بالبيف بيستري.،
تينا : اها الكذابه.،
غزل : ههه ايه الكذابه.،
تينا : خلاص انا اسويلك دحين.،
غزل : اوكي بابا طلع؟!.،
تينا : لا في غرفه.،
غزل : اوك.،
كانت بتطلع تشوفه بس دق الباب قبل لا تطلع.،
غزل : خلاص تينا انا اشوف.،













راحت فتحت الباب.،
غزل : هلاااا.،
سلمت على شهد : الحمدلله جيتي كنت بطلع اخذ رقمك من بابا.،
خالد واقف وراء شهد: مابتسلمين؟!.
غزل طالعت فيه : ماقلت كذا.،
وسلمت عليه.،
دخلوا الصاله.،
شهد : ليه وين جوالك؟!.،
غزل : مدري اليوم نروح بطلع جديد.،
خالد : تبين اطلع لك؟!.،
غزل : شكرا بطلع بأسمي.،
خالد رفع حاجبه : شهد قومي سوي القهوه.،
قامت شهد.،
اما خالد الي قام وجلس جمب غزل : طيب؟!.،
غزل :........................
خالد : ممكن افهم وش فيك؟!.،
غزل : مافيني شي.،
خالد : غزل انا عارف ان الي مريتي فيه صعب ومقدر بس انا بفهم غزل ليه متغيره على اخوها وش الي صار؟!.،
غزل امتلت عيونها بدموع : يعني ماتعرف!.،
خالد : وش الي اعرفه.،
غزل : ليه تسوي فيني كذا ليه ترضى؟!.،خالد انت دمرتني؟!.،انت عارف وش سويت فيني انت ياخوي لعبت فيني طلقتوني وزوجتوني كأني لعبه ياخالد الطلاق للبنت لوحده يدمرها كيف تخلوني اتزوج وزي الغبيه انزف ومتزوجه كأنها اول مره بحياتي الناس قدامهم وشو منظري خالد افهم بس بس نفسية وحده متزوجه سكار افهم بس ان غزل الفهد انضربت وانذلت افهم كيف يكون وانا ماكلمت الـ20 مطلقه بقول لمصلحتي ومايصير اجلس على ذمة سكار تزوجوني ليييييش؟!.تتحكمون بحياتي ليش؟!لدرجة ذي مضايقتكم منتوا طايقيني!!ثقيله عليكم؟!.،وتلومني اني يوم اشوفك اكون زعلانه تلومني!ايه صح المفروض اشكركم طلقتوني وزوجتوني وكنتوا ذاكرتي الي تفكر بدالي وتخطط لشي الي لمصلحتها الي ابعد مايكون بصالحي بس تحملوا نتيجة قراركم وخذوها للمره الثانيـــه أنـــا ابــي أطلـق.،
فهد الي دخل الصاله : وش الكلام ذا؟!.،
غزل : يبه.،
فهد : وش الكلام الي سمعته ياغزل.،
غزل ارخت نظرها وصوتها انخنق : يبه مابيه مابي مشعل.،
فهد : وهو بكيفك كل يوم بزوج.،
غزل طالعت فيه وصارت تبكي : مين!الي خلاني كذا من الي طلقني مو انتوا مين الي زوجني اياه وماخذ رايي.،
فهد : انتي الي وافقتي.،
غزل تبكي : مذكر والله مذكر وحده فاقده الذاكره وكاذبين عليها بحياتها وانها عمرها ماتزوجت وانها من قبل تفقد الذاكره وهي خطيبته كيف تبوني ارفض.،
فهد : ولد عمك مافي شي يعيبه وهو احسن من الغريب.،
غزل : احسن من الغريب لغيري انا مااابيه مااابيه ابي اطلق.،
فهد بعصبيه وصوت مرتفع : كلمة الطلاق ذي ابي اسمعها منك فاااااااااااهمه ولا يصير شي مايعجبك.،
غزل : وش يعني؟!.يعني بتجبروني عليه؟!.مشعل قراركم انـتــوا مو قراري.،
فهد : يعني تجلسين فتره هنا ترتاحين من الي صار لك لكن مردك لبيت زوجك.،
غزل تبكي وتروح لبوها الي ماجلس مكانه اول مادخل عند باب الصاله وتحط يديها على صدره وتبكي : يبه تكفى تكفى أنا بنتك انا غزالك لا تجبرني عليه يبه مابيه والله مابيه ماتنجبر روح على روح تكفى يبه مابيه.،
فهد مو متحمل منظر غزل قدامه بس بنظره غلط الي تقوله كيف بنت ماكلمت الـ20 وتطلق للمره الثانيه الناس وش بتقول لا الغريب تحملها ولا ولد عمها اكيد فيها شي.،
تنهد وتركها من غير رد وطلع من البيت كله.،
غزل يوم طلع ابوها حست الدنيا كلها قفلت بوجهها كانت ناويه تكلموا بس تنتظر شوي ماتوقعت ردة فعلوا.،
طلعت غرفتها وطنشت خالد الي يناديها.،
.،




































بــــــــــــيـــــــــــــــــــــت ع ــــــبـــــــدالله.،
نوره : ماكلمتها؟!.،
مشعل : لا.،
نوره : متى بتكلمها؟!،
مشعل : بخليها كم يوم بعدين بتفاهم معها.،
نوره : ماتوقع تعاند هي ياولدي مصدومه من الي صار صعب عليها وبس.،
مشعل : ان شاء الله خير.،
نوره : خلاص نم هنا ماله داعي تروح البيت وهي مهي فيه.،
مشعل : لا يمه انا خلاص تعودت على نوم هناك.،
نوره : ياولدي مين بيغسل لك ملابسك وين بتاكل.،
مشعل : الله يسهلها لا تلقلقين يالغاليه.،
قام باس راسها : يلا تامرين شي؟!.،
نوره : وين؟!.،
مشعل : الداوم.،
نوره : سلامتك بحفظ الرحمن.،
.،
















ع ــــنــــــــــــد غ ـــــــــــــــــــــزل.،
طلعت غرفتها.،
وشهد الي كانت بالمطبخ وسمعت كلامهم ماحبت تطلع قدام عمها خافت تزيد الموضوع.،
اول ماطلعت غزل وعمها طلع من البيت.،
لحقتها.،
دخلت شافتها جالسه على السرير وتبكي.،
راحت لها.،
غزل حضنتها وصارت تبكي : صار الي يبيه ياشهد صار الي يبيه اهلي واقفين ضدي عشااانه.،
شهد : بس ياقلبي غزل الله يخليك خلاص والله بتمومتين اذا بقيتي على الحال ذا.،
غزل تبعد عنها وتمسح دموعها : وش تبيني اسوي انا كنت حاطه أمل ان ابوي ماراح يرفض ولا راح يجبرني وراح يستوعب وش يعني انه طلقني وزوجني وانا فاقده الذاكره.،
شهد : غزل انا حاسه فيك بس بكاك مابيغير شي.،
غزل تبكي : انا مو قادره مو قادره والله شهد مو بيدي "تمسح دموعها وترجع تبكي" شهد والله الي صار لي صعب شهد انا مشعل لعب فيا شهد استغلني سوا فيني الي يبي اول شي رماني وجرحني بس عشان يكسرني.،
شهد : عارفه وربي بس.،
غزل : بس وشو هاا انه خلاني متزوجه وكل تفكيري معه انه خلاني اظلم احمد معي وكل حركه بحب يسويها لي اشوفها كره وتفاهه منه اني خليت رجال اصيل ومعروف وماناقصه شي يخسر دينه ويشرب بسببي اني دمرت مستقبله وكله بسبب مشعل انه استغل ضعفي وفقدي لذاكره ووهمني بالحب وانه خطيبي وخلاني احبه من جديد احبه من جديد من جديد ياشهد "وانهارت تبكي".،
هي جالسه على سرير وشهد قدامها حطت راسها على فخذ شهد وصارت تبكي.،
شهد تحط يدها على راسها وتمسح عليه : غزل أنتِ قويــة.،
غزل توقف : كرهت قوتي الي كل يقولي عليها يعني وشو لازم اكون ضعيفه عشان تحسون فيا انا حبيتوا وحتى وانا فاقده الذاكره حبيتواا اوهمني بأحلى كلام غزل دلعني كرهني بالجلسه مع غيره سبت مابي غيره ولا اشوف غيره وتقولين قوية مشعل اعطاني حب وحياة الي لو فقدتها انكسسر انذل اتعذب مشعل كسرني.،
شهد تنهدت : يااارب.،
دق الباب وفتح خالد الباب شاف غزل كيف خشمها احمر ووجها كله دموع.،
غزل الي كانت واقفه جمب الدولاب.،
حضنته : تعبااانه ياخوي تعباااانه.،
خالد يحضنها : ياعمر اخوك سلامتك.،
غزل : مابيه ياخوي مابيـــه.،
خالد : انتي ارتاحي بالفتره ذي ومابيصير الا كل خير.،
غزل تبعد عنه وطالع فيه : بس انا مابيه.،
خالد : طيب أنتِ الحين اعتبري نفسسسك بفترة تفكير منتي عنده.،
غزل : بس ابوي.،
خالد : ابوي بنفسه شايـف أن الي صاير لك صعب وهو قال من قبل انه بيخليك على راحتك هو ماكان متوقع انك تكونين رافضة مشعل هو كان يبيك تتهيأين نفسيا انك اطلقتي من احمد وتزوجتي مشعل.،
غزل خجلت من كلامه اخوها هم يحسبونها انها كانت حياتها مع احمد طبيعيه وانها كأي زوجين فخايفين يكون صعب عليها بعد ماترجع لها الذاكره تتأقلم انها متزوجه مشعل.،
خالد : يلا يا أحلى أخت عازمك على العشاء.،
غزل تمسح دموعها : عشاء الساعه 6؟!.،
خالد : طيب قولي وين تبين.،
غزل : ابي اروح السوق.،
خالد يأشر على خشمه : على خالشم تامرين.،
غزل : اوك بس البس واخلص.،
خالد : انا تحت بتقهوى على ماتخلصين.،
طلع خالد من عندها.،
شهد تبتسم.،
غزل : فهمتي كلام خالد؟!.،
شهد استغربت : كيف مافهمت قصدك؟!.،
غزل تجلس على كرسي التسريحه : تدرين هم هه ليه مقدرين ومخليني هنا جالسه؟!.،
شهد : ليه؟!.،
غزل : لأنهم يحسبوني عايشه مع احمد حياه زوجيه عاديه فخايفين علي يوم رجعت اني انصدم اني عايشه مع مشعل زوجه.،
شهد : ياويلي.،
غزل بسخريه : حسبي الله فيه خلني بموقع ذا التفكير من اهلي.،
شهد : وش بتسوين الحين؟!.،
غزل : ولا شي بحاول ارتب وضعي بالجامعه لأني مره ضيعت كثير ومشعل مابينفعني ومشعل لو انبطقت السماء على الأرض مارجعت له.،
شهد : وش تبين من السوق؟!.،
غزل : بطلع رقم وبأسمي.،
شهد : ورقمك وين؟!.،
غزل : رقمي القديم مدري والي طلعه مشعل مابيه.،
شهد : اها..طيب ليه ماقلتي لخالد يطلعه لك.،
غزل : لا ابيه بأسمي وبعدين مابي خالد يظن للحين اني زعلانه منه انا كنت ابي نطلع مع السواق نروح نجيب اغراض من الصيدليـه واجيب الرقم وارجع الحين مابي خالد يتضايق ويقول للحين زعلانه نروح نجيب الرقم ونجلس شوي ونرجع.،
.،













































يـــــــــــــــــــــوم جــــــــــديــــــــــــــــد.،
بـــــــيــــــــــــت ع ــبـــــــــدالله.،
العنود : لا رقمها القديم اتوقع لغته...مدري اذا طلعت جديد ولا لا.......اها طيب شوفي انتِ اتصلي على بيت عمي ولو ردت عليك الشغاله قوليلها تعطيك ايها...لالا هي ببيت عمي فهد....اوكي......هههه اوكي بايوز.،
نوره تدخل الصاله : تكلمين من؟!.،
العنود : رغد تبي رقم غزل.،
نوره : اهاا.،
العنود : وش فيك يمه؟!.،
نوره : حال غزل مو عاجبني ماتذكرين كيف كانت بيننا<~قصدها يوم العزومه..زي الي تجاملنا مهي قادره ترجع غزل الي زمان.،
العنود : يمه اكيد بتكون بأول فترة كذا اعطيها وقت ترتاح تفكر تستوعب الي صار لها وبترجـع ان شاء الله.،
نوره : ان شاء الله..اخوك ماكلمك؟!.،
العنود : مشعل؟!.،
نوره : الاثنين.،
العنود : سألتي عن واحد وبجاوبك عن واحد.،
نوره : عنيد.،
العنود : ههههه ايه كذااا رجعتي امي الي اعرفها لا سلطان كلمني الظهر يقول بيروح لعبير ويمرنا اما مشعل لا ماكلمني.،
نوره : تلاقينه بالمستشفى ذابح عمره.،
العنود : تشرب قهوه من ايدي ياقميل؟!.،
نوره تبتسم : اشرب يامي ليه ماشرب.،
العنود : احلى قهوه لعيون نوره الـ.... والله.،
نوره : ههههه.،
العنود تبوس راس امها : لا على الضحكة ذي احتمال اسوي حلى بعد.،
.،































بــــــــيـــــــــــــــت فــــــــهــــــــــد.،
غزل جالسه بصاله.،
رن التلفون.،
غزل : ألو.،
رغد : الحمدلله أنتِ الي رديتي سلام.،
غزل : عليك السلام.،
رغد : هههه غزل ماعرفتيني؟!.،
غزل : امم لا والله.،
رغد : افا انا رغد.،
غزل ابتسمت : اها هلااا والله رغوده اعذريني والله كيفك؟!.،
رغد : الحمدلله أنتِ كيفك؟!.،
غزل : الحمدلله كيف ريان؟!.،
رغد : بخير الحمدلله.،
غزل : يااي وربي واحشني كثير.،
رغد : تعالي يلا وشوفيه.،
غزل اتذكرت شي مهم اصلا هي متذكرته بس مع مشاكل مشعل راح عن بالها تغير صوتها : لا " ارتبكت" أنتِ تعالي.،
رغد : المهم الحين أنتِ طمنيني عنك كيفك اخبارك؟!.وش مسويه؟!.،
غزل : يعني الحمدلله على كل حال.،
رغد حستها تضايقت : امم مره كنت مستحيه يرد علي ابوك ورقمك القديم مقفل اتصلت وقالتلي العنود انك هنا بس الحمدلله أنتِ رديتي.،
غزل : ههههه ايه بابا مو بالبيت.،
رغد : ايه وش اخبارك؟!.،
غزل : ههههه أنتِ الي وش اخباري انا اخباري معروفه.،
رغد : والله انا نفس الحال مشاكلي هي هي مع امي على ريان ونفس الشي شغلي وكل مالقى له روضه يطلع منها مايبيها.،
غزل : جيبيه عندي.،
رغد : لا بيتعبك.،
غزل : لا مو متعبني.،
رغد : وجامعتك؟!.،
غزل : امم في ايام دوامي الظهر وبعدين ماعليك انا اتذكر كان روضه مره حلوه بس ناسيه اسمها جيبيه عندي لين اسأل عنها.،
رغد : لا والله رغد ريان شيطان بيتعبك.،
غزل تبتسم : لا والله رغد انا احبه ونعرف نتفاهم وبعدين وناسه نطلع انا وياه نتفرج تلفزيون ننام نتسلى.،
رغد : ان شاء الله.،
غزل : بكرا استناه.،
رغد : عاد من بكرا.،
غزل بعناد وطفوله : ايه ايه من بكرااا يختي والله وحشني.،
رغد : هههههه خلاص ولا يهمك بكرا اجيبه لك.،
غزل : متى دوامك؟!.،
رغد : 8 .،
غزل : خلاص تمام انتظركم.،
رغد : ان شاء الله.،
غزل بخجل و أسى على حالها : اعذريني رغد انا قصرت بحقك وماكنت اسأل عنـك بـ..
رغد قاطعتها : أنتِ الي اعذريني ماقدرت اكون معك كل لحظة صدقيني الي مريتي فيه شي صعب صعب ودي اساعدك بشي بس مابيدي شي.،
غزل تبتسم : ربي يعين ان شاء الله.،
.،
























بــيــــــــــت ســـــ ع ـــــــــود.،
عبير امها نايمه.،
وبنتها تبكي.،
مهي عارفه وش تسوي.،
قامت من سريرها.،
راحت لها شافتها تبكي بسرير شكلها يحزن.،
شالتها حسته غريب عليها وهي شايلتها حاولت تسكتها.،
بس مو عارفه.،
مو عارفه وش تسوي ولو راحت تقول لأنها عيب وش بتقول عليها.،
وش منظرها لو اتصلت على اريج.،
ولو كلمت سلطان اكيد مايدري.،
نادت الشغاله.،
وحالوا يسكتونها.،
عبير شايله بنتها وتبكي معها.،
سمياتي : ماما ممكن في مغص.،
عبير : طيب كيف اعرف.،
سمياتي : هو في اكل وفي غي حفاظه واشرب موية يمكن في مغص ببطن.،
عبير : طيب وش اسوي يعني نوديها الدكتور؟!.،
سمياتي : لا ماما في دواء في حق مغص في اعطي بزوره.،
عبير : وينه؟!.،
سمياتي : مدري في شوف مع اغراض اكيد ماما كبير في حطو.ـ
عبير : منتي داريه عن شي خلاص روحي روحي.،
اتصلت على أريج.،
اريج : هلا والله.،
عبير : هلا فيك.،
اريج : يالبى وجوده وش فيها تبكي.،
عبير : مدري اريج من اول بس تبكي.،
اريج : يمكن جيعانه.،
عبير طفشت من صوتها وهي تبكي صرخت : بسسسس خلااااص رجيتيني.،
اريج : وجع عبير ارعبتيها اكثر يامتخلفه ماتفهم شي.،
عبير تبكي : اريج مو عارفه وش اسوي لي ساعه احاول اسكتها.،
اريج : طيب يمكن جيعانه.،
عبير : اكلتهاااا وحفاظتها نظيفه وشربتها مويه.،
أريج : طيب مسخنه؟!.،
عبير تحسها : لا عادي.،
أريج : طيب شوفي في دواء كذا بالقطاره حق المغص حطي لها بس نقطتين.،
عبير : لا اخاف.،
اريج : تخافين من وشو.،
عبير : وشو وش عرفني كيف شكل الدواء خلاااص صدعت بسسس بسسس اسكتي خلاص اكلمك بعدين بقوم ادور الدواء.،
اريج : عبوره روقي لا تعصبين.،
عبير : طيب باي.،
اريج : باي.،
.،



















بــــــــيـــــــــــــــت فــــــــــــــهــــــــــــد.،
غزل دخلت غرفتها.،
اخذت نفسها بقوه.،
جلست على السرير.،
انا لازم الاقي حل لكل الي قدامي اول شي بما ان ذي فترة مخليني هنا لين ماتأقلم ان مشعل زوجي لازم استغلها دراستي ياربي خايفه ماجيب المعدل ولا اقدر اتخصص بالشي الي ابيه لازم اجيب الكتب والملازم كلها وابداء من الحين ارتبها مابقي شي على نهائي اما العايله " تنهدت" يارب لازم اكون معاهم عااادي ومابين لهم شي مضايقني ولا جارحني هم مالهم ذنب انا مصيبتي مشعل لازم اكون معهم عادي غزل القديمه الي ماتبين لأحد جرحها ولا زعلها لازم ارجع معهم عادي واخلي جرحي والمي بالغرفة ذي مع غزل وبس حتى شهد مابي اتعبها بمشاكلي ولادتها قربت واصلا حياتها مع خالد ماتهنت فيها خلاص بكون مع الكل غزل المغروره المبسوطه الدلوعه الي تضحك وتمزح بكون قدامهم سعيده ومحد راح يعرف عني شي بخلي جرحي بين غزل ونفسها وبس هنا.،
انسدحت على سريرها وطالع بسقف.،
كل الي مضايقني وجارحني مايطلع من الغرفه ذي ومحد له شغل فيه ذي حياتي ليه اشغل الغير فيها حرام جدتي زعلانه علي لازم احسسها اني عادي وخالتي نوره لازم اكون قدامها اني مبسوطه ومافيا شي عشاان مايشيلون همي طيب قلنا دراستي لازم ارتبها ولازم احاول اجيب معدل الله يستر مايكون نزلي حرمان بس وقلنا عايلتي بمثل قدامهم اني غزل وماراح احسسهم بأي شي طب احمد ومشعل؟!.،
كان ذا تفكير غزل والي تحاول فيه تستمد قوتها وترجع تبني نفسها.،
تفكر وتخطط وترتب افكارها وترجع تفكر تحاول توازن حياتها او ترتبها بقد ماتقدر.،
.،



















بــــــــــيـــــــــــــت ســــــ ع ـــــــــود.،
عبير اعطت بنتها دواء المغص.،
وشوي وسكتت.،
جلست تتأمل شكلها وتبتسم.،
حركاتها.،
دق الجرس وفتحت الخدامه.،
كان سلطان.،
دخل وشاف عبير ابتسم : سلام.،
عبير توقف وتسلم عليه : هلاااا عليك السلام.،
سلطان استغرب حس فيها شي : كيفك؟!.،
عبير : الحمدلله.،
سلطان : كيفك مع جوجو.،
عبير بأنزعاج : جننتني لين ماسكتت جلست ساعتين تبكي.،
سلطان : افا وش فيها!.،
عبير : شكلوا كان مغص فيها لأني بعد ماعطيتها الدواء بشوي سكتت.،
سلطان يمسك ذقن عبير ويبوس خدها : فديت الأم الشاطره والله.،
عبير تبعد : سلطااان.،
سلطان : عيونه.،
عبير : بسسس خلاص.،
سلطان يشيل وجد ويبوسها : طيب نبوس جوجو.،
عبير تقوم وبغيره : اشبع فيها خلاص.،
سلطان : ههههههههههه وين رايحه؟!.،
عبير : بروح اشرب مسكن راسي عورني من صياح بنتك.،
.،





















بـــــــيـــــــــــــت ع ـــــــبـــــــــد الله.،
نوره : لا الربوع الجاي.،
شهد : اهاا.،
العنود : بتحضرين؟!.،
شهد : مدري احس شكلي مرره غلط شوفي بطني وش كبره.،
نوره : لا خليك ماغير لعيون الناس.،
العنود : تتوقعين غزل تروح؟!.،
نوره : ايه ان شاء الله بقولها وتروح معي.،
شهد : يمه غزل ماتحب نوف ماتوقع تحضر زواجها.،
نوره : اول غزل بنت ولها راحتها الحين حرمه لازم تجامل وتوجب.،
شهد : مدري بالفترة ذي نخلي لها راحتها احسن.،
نوره : لو قلتي لها اليوم تجي.،
شهد : يوم كلمتها كانت نايمه..الا تركي مو ناوي ينزل؟!.،
نوره : امه تقول مايبي ينزل ذي الاجازه يقول توه رايح خليها بعدين.،
شهد : والله كأنه ماصدق السفر برا الناس ماتصدق اجازه.،
نوره : الله يحفظه ويحميه.،
شهد : آآآمين يارب.،

















دق جوالها كان مشعل خافت تكلمه قدام اهلها يسألها عن شي قامت.،
شهد : هلاا مشعل.،
مشعل : هلا فيك كيفك؟!.،
شهد : الحمدلله.،
مشعل : وينك؟!
شهد : عند امي.،
مشعل : اها..كلمتي غزل اليوم؟!،
شهد : اي وكانت نايمه.،
مشعل : طيب متى اخر مره شفتيها؟!.،
شهد : امس.،
مشعل : وقف النزيف؟!.،وهي كيف برضها تنزل الدرج بجري ؟!.،
شهد استغربت : لا عادي تنزل عادي والنزيف قالت لي وقف.،
مشعل : طيب الادويه الي على كمدينه حقتها كم دواء وتاخذهم؟!.،
شهد : مدري اضن 2 ويب وانا عندها اخذت منهم ويوم سألتها قالت مسكن.،
مشعل : مو تظنين 2 ولا اكثر؟!.،
شهد : لا ظن 2 بس وش فيك؟1.،
مشعل : غزل للحين تنزف ولو تحركت اي حركه قوية او ماستمرت على الأدويه لازم تسوي عملية عشااان الرحم مختل عن مكانه.،
شهد : اها لا بسم الله عليها ان شاء الله خير..غزل ماتبي ترجع المستشفى عشان كذا حتى لو تبي تعاند ماتبي ترجع المستشفى حتى امس جلست على الأرض ورفعت رجولها على طرف السرير بس ماقالت لي عشان رحمها.،
مشعل : اشوا الحمدلله المهم لو شفتيها تعبانه او شي على طول بلغيني واذا طلعت معك لا ترضين لها تشتري بندول نايت انا ممحذر السواق وبملغ عمي وخالد.،
شهد : ان شاء الله..انت كيفك؟!.طمني عنك؟!.،
مشعل : الحمدلله.،
شهد : خلها على ربك ياخوي.،
مشعل : متوكل على الله والله يسهل.،
شهد : آمين يارب.،
مشعل : معنده صح!.،
شهد ياويلي يحسبها معنده وبس : ماجابت سيرة للموضوع.،
مشعل : اها طيب شهوده انا بقفل انتبهي لنفسك واذا احتجتي شي كلميني.،
شهد : اوك ماتقصر باي.،
مشعل :سلام.،