الـــبـــــــــــــــــارت الـ 105















يـــــــــــــــــوم جــــــــديـــــــــــــد.،
الســاع ـــــــة 7 ونص الصباح.،
غزل صحيت ونزلت الصالة دايخه.،
منسدحه بصاله تنتظر ريان.،
نزل ابوها وشافها.،
سلام.،
غزل وقفت : هلا عليك السلام.،
فهد : وش فيك نايمه هنا؟!.،
غزل مستغربه من معاملته ماسوت شي : ولا شي انتظر رغد وريان بيجون.،
فهد : الحين؟!.،
غزل : بعد نص ساعه.،
فهد : خير إن شاء الله تبين شي؟!.،
غزل : سلامتك.،
وطلع من الصاله.،
ودقيقتين وسمعت صوت باب البيت انصك.،
جلست.،
تنهدت.،
لا حول ولا قوة الا بالله مين الي غلطان بثاني الحين وش سويت عشان يكلمني كذا.،
دق جوالها رقم غريب بس ردت.،
ألو..اها هلااا .......لا بس ماسجلت رقمك وينك؟!..........اوك قايمه افتح لك باي.،
قامت.،
كانت لابسه روب من اوشو.،
لونه رصاصي يوصل لين الركبه.،
كمه كت بنص فيه رسمه هلو كتي بالآسود.،
ومن تحت بطنها " من عند عظام الحوض".،
فيه مطاط ينشد ويربط فيونكه.،
شعرها مخليته مفتوح وجايبته على جمب اليسار.،
وججها مافيه غير كحل خفيف اخضر غامق.،
ومرطب وردي.،
فتحت الباب.،
كانت رغد وريان توهم يطلعون الدرجات.،
غزل تبتسم : ياهلااا والله.،
رغد تبتسم من قلبها وتوصل لها تسلم عليها وتحضنها : هلااا فيك واحشتني وربي.،
غزل : والله حتى أنتِ واحشتني.،
تنزل لي ريان وتحضنه : هلااا والله بعيوني وحشتني.،
غزل تبوسه : روني حبيبي وحشتني.،
ريان يطالع فيها وزعلان .،
غزل ترفع راسها لرغد : وش فيه؟!.،
رغد ترفع كتوفها : مدري.،
غزل توقف : ياويلي انا موقفتكم عند الباب ادخلوا يلا.،
دخلـوا وجلسوا بصاله ورغد حطت الشنطه الي فيها اغراض ريان على الجلسه.،
وجابت غزل القهوه.،
رغد : وين الروضه؟!.،
غزل : لا مابشوفها اليوم بشبع منه بعدين ادورها.،
رغد : وجامعتك؟!.،
غزل : شوفي الربوع مابروح وخميس وجمعه اجازه وايام الاسبوع في يوم دوامي الظهر،
رغد : طيب.،
تصب لها قهوه وتعطيها :........
رغد : وش اخبارك؟!.،
غزل : ماشي الحمدلله السبت بداوم وابداء ارتب وضعي بالجامعه واشوف.،
رغد : الله يسهلها لك يارب.،
غزل : آآآمين يارب.،
رغد : وش فيك؟!.،
غزل : مدري ليه زعلان.،
رغد : اخصريك منه يوم البسه كل شوي يقولي بروح لغزل متى وبسياره كل شوي يقول وصلنا.،
غزل تبتسم : يعني يتغلا.،
رغد : ههه ايه.،
غزل : شعره مو مقصوص مرتب.،
رغد : ايه مسك المقص وانا مدري عنه وقص منه وخفت اعدله له.،
غزل : اممم خليه اليوم يبات عندي.،
رغد ماحب تكسر بخاطرها : مع اني صرت ماعرف انام الا وهو جمبي بس اوكي.،
غزل تبتسم : امم عادي اودية اليوم اقص له او بكرا.،
رغد : ايه اصلا يبي له تعديل.،
غزل : وااو رغود بجد شكرا.،
رغد : العفو وبعدين انا عارفه زي ماحبه واخاف عليه انتِ مثلي عليه.،
غزل تجلسه على رجلها : أي والله احبه مووت.،
رغد تشوف الساعه : انا تأخرت.،
غزل : خليك شوي نسولف مع بعض.،
رغد : ماصدقت بروح لدوام بدري من غير ريان مايأخرني.،
غزل تنزل ريان من على رجلها وتوقف وتمسك يده وتمشي مع رغد للباب : ههههه اوكي.،
رغد : غزل اذا دختي وبتنامين ماعليك نامي وخلي تينا تنتبه له.،
غزل تبتسم : لو بنام انيمه معي.،
رغد : اوكي يلا باي.،
غزل : بايوز.،
طلعت رغد من هنا وغزل نزلت لمستوى ريان.،
غزل تبوسه : ريوني وحشتني.،
ريان : ئـزل انا احبك.،
غزل تجلس على الأرض وتحضنه : وانا اموت فيك وحشتني يادب وحشتني.،
.،





























بـــــــــيــــــــــــــت ع ــــــبـــــــــد الله.،
الساعه 2 ونص الظهر.،
نوره : الله ييسر يارب.،
عبد الله : هي آمي شايله هم غزل من اول عشان امها متوفيه كيف وهي تعبانه.،
نوره : الله يطول بعمرها.،
عبد الله : آآآمين يارب.،
نوره : هو انا عارفه طريق لغزل عشان اكلمها.،
عبد الله : قولي لمشعل يقولها ولا لشهد.،
نوره : ان شاء الله اليوم اكلم واحد فيهم واقوله.،
.،
<~ الجده تبيهم يجون ويجتمعون تبي تجلس مع غزل



































بـــــــيــــــــــــــــــــــــت فـــــــهــــــــــــــد.~
غزل تـنـزل الدرج وراء ريان تجري.،
وبنص الدرج صرخت من الألم وجلست على الدرج.،
ريان رجع طلع : ئـــزل اسبك؟!.،
غزل ماسكه بطنها : ااااه ولا شي حبيبي ولا شي.،
ريان : انا زعلتك.،
غزل : ااااه لا بس بطني يعورني تعال نطلع يلا.،
مسكت بدربزان حق الدرج ووقفت ومسكت بيدها الثانيه وطلعت غرفتها.،
جلست على السرير واخذت الدواء والمسكن.،
وانسدحت وارفعت رجولها.،
ونيمت ريان جمبها وخلته يلعب بالجوال.،
اقل من نص ساعه وخف الم بطنها.،
شافت ريان نايم جمبها.،
اتصلت على خالد.،
خالد : هلا والله.،
غزل تبتسم : هلا فيك كيفك؟!.،
خالد : الحمدلله بخير أنتِ كيفك؟!.،
غزل : الحمدلله.،
خالد : فيك شي؟!.،
غزل : ابي اطلب من طلب.،
خالد : آمري.،
غزل : مايامر عليك عدو بس ابي اروح اجيب كتبي وملازمي وشوية اغراض.،
خالد : بس كذا وطلب ومدري وشو الحين اجيك.،
غزل : تسلم لي يارب.،
خالد : الله يسلمك.،
غزل : تجيب شهد معك.،
خالد : وهي من تعرف اني بجيك بتجلس بالبيت.،
غزل : هههههههه اوك انتظرك بقوم البس.،
خالد : خلاص جايك.،
غزل : اوكي باي.،
خالد : سلام.،
.،

























قفلت غزل منه.،
وطلعت لريان بيجامه ولبسته وهو نايم.،
وحطت له مخدات على اطراف السرير عشان مايطيح.،
وقامت طلعت لها بنطلون جينز غامق سكيني.،
وبلوزه بولو سوداء.،
حطت كحل نيلي وماسكارا سوداء وروج وردي خفيف.،
تعطرت.،
وخلت شعرها عادي فاتح وجايبته على جمب.،
وجلست جمب ريان على السرير.،
وهي بالها مو معها.،
.،




















بـــــــيــــــــــــــــــــــت ســــــ ع ــــــــــود.,
عـبـير : يمه انا وش عرفني شايفتني اعلم الغيب ان بطنها كان يعورها.،
حصه : وشو منتي كبيره وفاهمه فوق الساعه مخليه البنت تبكي.،
عبير : يعني وش اسوي اجلس اعطيها بأدوية ادري لو تموتها.،
حصه تقوم : لا خليك لربشتك واهمالك.،
عبير تنسدح بفراشها وتتغطى بتنام : يعني وش اسوي فيها مثلا اجيب لها فريق طبي قبل لا تفتح فمها يسكتها.،
.،


































ع ـــــــــنــــــــــــد غ ـــــــــــــــــــزل.،
اتصلت على ابوها.،
غزل بتردد : سلام يبه.،
فهد : عليك السلام هلا غزل.،
غزل : كيفك؟!.،
فهد : بخير الحمدلله.،
غزل : يبه بروح مع خالد اجيب كتبي واغراضي.،
فهد : من وين؟!.،
غزل سكتت شوي وقالت بصوت مخنوق : من بيت مشعل.،
فهد يصحح لها ويقولها بتشديد : من بيتك أنتِ وزوجك.،
غزل انخنقت :..............
فهد : روحي.،
غزل وصوتها مخنوق : طـ..يب..بـ.اي.،
.،
قفلت من ابوها وهي متضايقه من اسلوبه وكلامه.،
يارب حسسه بأحساسي عشان يفهمني يارب يحس فيني ويفهمني.،
استوعبت هي شتقول واستغفرت.،
استغفر الله يارب استغفر الله يارب ارحمني يارب.،
سمعت صوت تحت عرفت انه خالد جاء.،<~ معه مفتاح البيت.،
مسحت دموعها وتعطرت.،
ونزلت تحت ومعها شنطتها وعباتها.،
خالد يصفر : وش هالجمال؟!.،
غزل تنزل وتبتسم سلمت عليهم.،
ونادت تينا.،
: تينا خليك عند ريان نايم بس انتبهي لا يصحى ويطيح من على السرير ولا يتلقب.،
شهد : بينام عندك.،
غزل تبتسم : ايه وناسه.،
خالد : يلا ؟!.،
غزل تغيرت ملامح وجهها : اوك.،
طلع خالد.،
وغزل تلبس عباتها.،
شهد : تبين انا اروح اجيبها لك؟!.،
غزل تبتسم : لا عادي انا اروح اجيبها.،
شهد طالع فيها.،
غزل تبتسم : شهد بجد عادي بجيب اغراضي بالعكس بحس اني افتكيت من هناك.،
شهد تنهدت : الله يعين.،
غزل : امين يارب.،
.،











































طول الطريق وغزل تحاول تتكلم مع خالد وتلهي نفسها عن التفكير ماتبي تنهار او تضعف قدامهم.،
بس أول ماوصلت قدام باب الفيلا ماقدرت تتكلم.،
وهي تتكلم اسكتت.،
وخالد لاحظ بس سكت.،
استغربت ان خالد معه المفتاح وفتح البوابه الخارجيه وفتح لها باب الفيلا.،
بس خجلت تسأل ويقولها ليه مهتمه.،
دخلت البيت.،
كان النور مطفى.،
خالد وهو يدخل معها : وين مفاتيح اللمبات؟!.،
غزل بغصه : يسار الباب.،
فتحها خالد وغزل عينها عليها دايم مشعل الي يفتحها.،
خالد حب يخليها على راحتها خصوصا انو شايفها كيف شوي وتنهار.،
: انا بسياره خذي راحتك لا خلصتي قوليلي اجي اشيلها لك.،
وطلع وصك الباب.،
طلع من هنا وغزل جلست مكانها تبكي.،
مهي قادره تتحمل.،
صارت تشهق بالبكى وتأن.،
اتذكرت كيف كان يبيها هي الي تفتح باب البيت.،
وكيف مارضيت وانها مابتدخل ذا البيت غير معه.،
بكل زاوية لها ذكرى.،
تذكرت نظرات الغيره يوم شافها لابسه البلوزه البني الي تبين صدرها وكتوفها.،
كيف مايدخلون البيت غير ماسكين يدين بعض.،
حاولت تقوي نفسها وتقوم.،
طلعت الدرج وهي مهي قادره تمشي تجر رجولها جر.،
اتذكرت سهاردي.،
كيف سايبتها بالبيت ايام مع مشعل حست بالقهر ونار لعت بصدرها.،
راحت على جهة الي طلعك للمطبخ وفتحت الباب : سهاااردي سهااردي.،
ماردت عليها طلعت.،
مالقيتها شكل المطبخ يخوف النور مطفى.،
ماتت رعب حاولت تفتح النور.،
فتحته.،
باين انها ماهي هنا والمطبخ محد مستعمله مرتب وكل شي مكانه.،
نزلت تحت.،
شافت على المطبخ التحضيري 4 اكواب قهوه تركيه وطفايه كلها دخان.،
باين انها كلها لمشعل مو احد كان بالبيت كان كل مره يشرب بكوب من غير مايغسلها.،
دخلت غرفتهم.،
شافت المكتب.،
مشعل : في يوم ماصورتي؟!.،
غزل تبتسم : لا كل يوم مصورته وحافظه الصوره بتاريخ اليوم والساعه عشان مو كل يوم اطبع.،
مشعل ابتسم وقرب عندها : وش تسوين؟!.،
غزل : ولا شي احل واجب الرياضيات.،
مشعل وهو ساند نفسه على المكتب.،
ومقابل غزل.،
ماسك يدها ويلعب باصابعها.،
غزل ماتبي اطالع له.،
فتحت الادراج بيدها الثانيه.،
الاول ارواق.،
الثاني شافت فيه سماعة.،
ابتسمت.،
وطلعتها.،
:تذكر.،
مشعل ابتسم لها : ايه اذكر.،
غزل سحبت يدها ولبستها وحطتها على قلبها.،
مشعل ابتسم عارف انها خجلانه تحطها على قلبه.،
سحبها وقومها من على الكرسي.،
وجلس هو على الكرسي.،
وقبل لا تتكلم سحبها وجلسه على رجله.،
غزل خجلت منه صارت قريبه منه.،
مشعل يسحب السماعه من اذنها.،
بحركه ضايقت غزل.،
يلمس اذنها ويسحبها بهدوء.،
لبسها.،
وحاط يده من وراء خصرها.،
عشان ماتقوم.،
وحط السماعة على قلبها.،
غزل صدت الجهه الثانيه.،
مشعل يبتسم وبهمس : ذا كله حب.،
.،



















اتذكرت يوم تنشف له شعره.،
يوم يتغزل فيها كل ماتلبس.،
غزل تمسح دموعها وتاخذ نفسها ترجع شعرها على وراء : خلااااص يكفي ماابيه انا مااابيه هو خدعني خلاااص .،
فصخت عباتها ودموعها على خدها حطتها على الكرسي وراحت للمكتب.،
كان المكتب اغراضها واغراض مشعل.،
جلست على الكرسي.،
بطلع كتبها.،
طلعت كم كتاب وحطتها فوق المكتب.،
فتحت الدرج الثاني.،
شافت صورها مع مشعل.،
غزل جالسه فوق المكتب.،
ومشعل جالس على الكرسي.،
غزل تشوف الصوره وهي تنطبع : لالا لا تشوف.،
مشعل : انا قلت كل صوره تنطبع لازم اسوي الي فيها.،
غزل تحط يدها على الورقة الي تنبطع من بعيد شوي بحيث مشعل مايقدر يشوفها من غير لا تخرب الصوره : ايه هنا كنت نايم.،
مشعل يسحب يدينها ويبوسها :ياشيخه.،
غزل : ههههههههه.،
مشعل : يلااا.،
غزل تسوي نفسها مو فاهمه : وشو؟!.،
مشعل : يلاااا (ويعطيها خده).،
غزل بخجل : مشمش.،
مشعل : مافي يلا.،
غزل : طب غمض عيونك.،
مشعل : ليه يعني؟!.،
غزل : مافي تبيني اسويها غمض.،
مشعل : طيب بس لو فكرتي تقومين بتصير علوم.،
غزل وجهها حمر : مابقوم يمه منك.،
مشعل غمض عيونه.،
وغزل قربت بشويش منه وباسته.،
ومشعل اول ماباسته حط يديه من وراها وشدها على من المكتب وجلسها على رجله وباس خدها.،
.،

















غزل ماتحملت تقلب بصور اكثر ماتبي تذكر اكثر.،
قفلت الدرج.،
وقامت وقفت وطلعت كتبها وحطتها فوق بعض والملازم.،
راحت عند التسريحه وحطت كل الي تبيه من اكسسوارات ومكياج بعلبهم.،
ودخلت غرفة الملابس طلعت شنطة سفر.،
وطلعتها لغرفة نوم حطت فيها الكتب وشنطة المكياج وشنطة الاكسسوارات وقفلت الشنطه وطلعتها بصاله الي برا.،
ورجعت لغرفة النوم طلعت شنطه ثانيه وجلست تحط فيها ملابسها الي تبيها.،
بذا الوقت مشعل جاء.،
مشعل يتعذر : قلت اجي اشوف اذا المفتاح هو ولا غلطت واعطيتك ثاني.،
خالد فاهمه : لا طلع هو.،
مشعل تنهد : اها.،
خالد : ماتبي تكلمها؟!.،
مشعل تنهد : ..........
خالد حط يده على كتفه : والله ياخوي انها تحبك ماشفتها يوم دخلنا وش صار فيها.،
مشعل اخذ نفسه وطلعه بقوه ودخل.،
طلع فوق.،
شاف الشنطه باصاله .،
ماستوعب.،
مو متخيل انها كذا بتاخذ اغراضها من بيتها.،
بتروح عنه.،
خلاص بتترك المكان وتاخذ منه اغراضها.،
دخل الغرفه ماشافها.،
سمع صوتها بغرفة الملابس.،
صك باب الغرفه.،
مو متحمل يدخل ويشوفها تلم اغراضها.،
جلس على السرير.،
جالس على السرير من نهايته بنص السرير ورجوله على الأرض مقابل التسريحه.،
بعد شوي طلعت غزل.،
شهقت يوم شافته جالس على السرير ووقفت مكانها .،
مشعل يطالع فيها كيف طالعه وتسحب الشنطه الثانيه.،
قال وصوته باين عليه الضيق : بتطلعين من بيتك؟!.،
غزل تبلع ريقها : ذا مو بيتي.،
وجات تمشي بتطلع من الغرفه.،
مشعل وقف وقابلها يطالع بعيونها : كيف مو بيتك؟!.،
غزل مهي قادرة تقوى اكثر : مدام انه كان يجمعني فيك يعني مو بيتي مو بيتي.،