الــــــــبــــــــــــــــــــارت الــ108
بـــــــــــــيـــــــــــــــــــت ع ـــــبــــــــد الله.،
غزل غزل : وش تبين يعني؟!.،
العنود : كلنا نتجمع نطلع كباين مزرعه.،
غزل: تكفين لاااا.،
العنود : والله فله.،
غزل : اكره المزارع والله اكررها شالية اوك.،
العنود : والله لو نطلع مزرعه وشوي وفله احلى.،
غزل : والله قرف احس تلوث ومارتاح.،
شهد : انا عندي فكره حلوه بس مابقولها لين اولد.،
غزل تبتسم : وشو قولي.،
شهد : لا اخاف تسونها وتروحون من غيري.،
غزل : انا اروح من غيرك؟!.،
شهد تبتسم : لا والله ماتسوينها نطلع كلنا الشلال.،
غزل : واااااااو جد وناسسه يلا اولدي بسرعه.،
العنود : أي تكفين يلاااا معك ساعه.،
غزل: ههههههههههه.،
شهد : انا جعت ماجعتوا؟!.،
غزل : الا بس مدري وش اكل.،
العنود : وش رايكم انا اطبخ لكم؟!.،
غزل : انا ابي اكل مابي ادخل المستشفى.،
العنود : غزل والله اعرف.،
غزل : جد اتعلمتي!.،
العنود : ايه مو انتِ وشهد كلكم لاهين عني مرات اطفش ادخل المطبخ وادبر ويطلع معي.،
شهد : نطلب من ماك.،
غزل : مدري لا ابي شي طعم بس مدري وشو.،
شهد : امممم مدري فكري قولي.،
غزل : قوموا نروح الصاله هنا مو حلو.،
العنود : مدري عنكم وش جلسكم من البداية هنا.،
غزل : ههههههه قلت بلعب ضيوف شوي.،
شهد تقوم : ياشيخه.،
غزل : اممم وش رايكم نجيب بحريات؟!.،
العنود : يمي يمي.،
غزل : نوصي؟!.،
شهد : اوك.،
غزل تقوم : بقوم اشوف خالتي اذا تبي شي واجيب القهوه واجي.،
.،
بـــيــت مــــســـاع ـــــــد وروان.،
روان : ابي نسافر نغير جو.،
مساعد : وين تبين؟!.،
روان : مدري بس نغير جو نتمشي طفشت.،
مساعد : تامرين امر.،
روان تبتسم : .............
مساعد : تبين اجيب لك شي وانا جاي؟!.،
روان : لا بس وين بتروح؟!.،
مساعد : طالع انا وشباب كزنوا حتى خالد معنا.،
روان : خالد ولد خالتي.،
مساعد : أي.،
روان : اها.،
مساعد ياخذ مفاتيحه ومحفظته ويبوسها.،
روان : بتتأخر!.،
مساعد : لا.،
.،
بــــــيـــــــت ع ـــبــــــدالله.،
بصاله.،
غزل جالسه على الأرض وسانده ظهرها على الجلسه (الكنبه) ورافعه يدها عليها ومعها الجوال.،
غزل تسحب مخده وتحطها وراء ضهر شهد : بعدي بحطها وراء ضهرك.،
العنود : هههههههه خطير.،
غزل : يب شوق دايم بي سياتها تضحك.،
العنود : ليه مو حاطه له كفر؟!.،
غزل : من غير كفر احلى صح نزلي لي الثيم ذاك اليوم جلست ادوره مالقيته.،
العنود : الحين انزله لك.،
فاتحين التي في على مسلسل تركي ويتكلمون.،
بس غزل سمعت كلمة لفت طالعت بتلفزيون.،
ابتسمت.،
ورجعت لفت للبنات.،
ارخت راسها على الجلسه وصوتها تغير ونبرتها انخفضت : مره حلوه الكلمه.،
شهد : وشو الحلو.،
غزل : دايم عند سوريا يقولون ولا يهمك وحتى بترجمه التركيه الكلمه مره حلوه تخيلي احد يقولها لك ويعنيها ترمين عليه كل شي وكل ماقلتي له شي معقدك ولا صعب عليك يقولك ولا يهمك ويحله لك.،
العنود ترفع عينها من على الجوال : احسها تصريفه ليه اخذتيها من ذا الجانب.،
غزل تبتسم : والله مرره حلوه انا مو احسها تصريفه بس لو احد قالها لي ماحس اني اقدر اثق ويكون الشي جد مايهمني وخلاص ارتحت ورميت كل شي عليه صعب مافي احد يحبك اكثر من نفسيه صح! انا وش فيني قمت اخرف.،
العنود : بعقلك في الي يضحي بنفسه عشانك.،
غزل : مستحيل تدرون وش اصعب شي؟!.،لمى تعلمين انسان الحب والاهتمام والغيره عشان يسويه مع غيرك يوم تفتنينه بدلعك وحركاتك ويكون مايفهم دلعك وشخصيتك ويوم يفهمها يتعامل مع غيرك وهو فاهم انها دلع وانتِ الي كنتي معلمته يوم تعلمينه الحب ليحب غيرك يعرف وش تحبين ويتعلمه عشان غيرك.،
شهد بتغير السالفه : موكأن الأكل طول؟!.،
غزل : يب بقوم اشوف خالتي واسألها هي قالت بتوصي السواق.،(قبل لا تقوم شافت الاغنية) واااو تجنن.،
العنود : تعجبك؟!.،
شهد : لا تقولين تعجبها قولي كم مره فضحتنا فيها.،
العنود : ههههههه ليه؟!.،
غزل : يادب وش سويت مافضحتك ولا شي.،
العنود : وش صار؟!.،
غزل ببراءه : ولا شي كنت اسمعها بالجامعه بس.،
العنود : ياشيخه؟!.،
غزل : ههههههههه.،
العنود تطالع بشهد : وش سوت؟!.،
شهد : اولا ماكأن في اختراع شي اسمه سماعه فلحتها بوسط المحاضره تحط السماعات وتجلس تسمع بس خلينا نكون ماشين بالجامعه ماشاء الله مسجل ماشي وتغني طبيعي بصوت واطفي فجأه "تقلدها" القاها تقدمتني وتحط يدينها على فمها تحلفين بتصرخ بس طبعا ماتصرخ وتقول.،
غزل : ههههههههههههههههه انا كذا.،
عنود : هههههه بالله كيف كيف.،
شهد : هههههههههههه ولا شي تنسانا وتصير تمشي قدام وطبعا اليدين على فمها زي بالافلام يوم يجون ينادون على احد ضايع وتقول (قول باعلى صوت احبك).،
غزل تكمل وتحط يدينها : واترك الطبع الخجول.،
العنود : ههههههههههههه ماقدرت ماتسوي الحركه.،
غزل تقوم : والله انكم دبب مره عاجبتني اروح اشوف خالتي احسن.،
.،
جات غزل ومعها خالتها.،
وجلسوا يتكلمون.،
غزل : خالتي مو معنى اني على قولك متزوجه يعني اتعامل زي وحده عمرها 50 سنه ترا بس تزوجت مو شي يعني عشان اغير تعاملي.،
نوره : بس لازم تعقلين.،
غزل : وانا مجنونه.،
نوره : غزل تعقلين يعني تروحين معي يوم احد يولد وتوجبين وتروحين زواجات اقاربنا مو الصغيره الي اول بالبيت لو ماراحت عادي محد قايلها شي.،
غزل : ان شاء الله.،
نوره : تروحين زواج نوف.،
غزل : اكيد ابي اروح.،
نوره : ايه هين ماعرفك.،
غزل : ههههههه لالا بروح ان شاء الله.،
العنود : تأخر مره.،
غزل : مشي حالك تدرون وش ودي؟!.،
شهد : وشو؟!.،
غزل : مقلب بسلطان واااا من زمااان.،
نوره : هذي الي بتعقل!.،
غزل : خاله بعقل مو ببطل اعيش سني.،
سمعت صوت عند الباب قامت.،
:اكيد جاء بروح اجيبه هنا باكياسه واقول لتينا تجيب الصحون هنا.،
يوم طلعت من الصاله جالسه ترخي بلوزتها وتعدل شعرها وهي ماشيه.،
رفعت راسها شافت مشعل شايل الاكياس وجالس يصك الباب.،
وقفت.،
مشعل صك الباب وبيده الاكياس.،
لف وشافها.،
غزل مشيت عادي عرفت انها حركة خالتها الي مدبرتها.،
مشعل : مابتاخذين الاكياس؟!.،
غزل مشيت بجهته جات تاخذها كلها :............
مشعل عطاها بس كيس الاكل : لا ذا ثقيل عليك.،
مشعل متقصد يوم يعطيها الكيس يملس اصابعها.،
غزل دخلت المطبخ ومشعل دخل وراها كانت خايفه يقول شي بس حط الاكياس وطلع.،
غزل بنفسها انا الغبيه الي جيت ولا جايه بيتهم وش يعني! اكيد بيقولون له!لا واخذ الكيس منه زيا لهبله اكيد بيقول تراجعت عن قرارها.،
ع ــــــنـــــــــد مــــــشــــــــ ع ــــــــــل
مشعل جالس : يايمه خليها تتعشى مابي اتعشى مو مشتهي.،
نوره بعصبيه : قلت بتجلس وتتعشى يعني بتجلس بفاحل فيك كنك بزر.،
مشعل : يايمه مو على أكل نسوي فيها ذي الحركه.،
نوره : غزل ماتجي بطيب وجلسه قلت بتجلس ولا مالي كلمة كل كلمه بتردها عشر.،
مشعل سكت.،
نوره تطالع بالعنود : قومي أنتِ الثانيه شوفيها وينها.،
جات غزل.،
ووراها تينا جايبه الأكل.،
العنود : يمه وش رايك نحطه على الطاوله هناك.،
نوره عارفه ان غزل الي قالت لها لأن غزل اول تبي الاكل بصاله عند التلفزيون : لا جيبيه هنيه.،
جلست غزل مكانها جمب شهد.،
حطت تينا السفره.،
وحطت عليها الاكل.،
كانت نوره وجمبها مشعل.،
وقدام نوره شهد وقدام مشعل غزل وجمب غزل العنود.،
نوره : جوال مين ذا الي تحت المناديل؟!.،
غزل : جوالي "وقالت قبل لا تطلع تينا من الغرفه" عطيني اياه تينا.،
اعطتها تينا الجوال.،
وغزل بس كذا فتحت شافت الساعه لفت بالقوائم وقفلت الشاشه وحطته تحت رجلها.،
ماتدري هي خالتها قاصده تسوي ذي الحركه قدام مشعل او لا.،
جلسوا ياكلون وغزل بيدها وصلة خبر تحركها.،
نوره : غزل ليه ماتاكلين.،
غزل رفعت راسها وعينها جات بعين مشعل.،
قالت وهي مهي قادره تتكلم جواها غصه : اكل.،
العنود : شهد عطيني بيبسي.،
غزل تحاول تاكل مهي قادره نفسها انسدت وخالتها كل شوي تضغط عليها وتقولها كلي تحس الأكل ماينزل من حلقها.،
ونفس الشي مشعل مو قادر يمنع نفسه مايطالع فيها وشايف وش كثر مضايقه ومجروحه هو بس الي يحب يغصبها ويجبرها لأنه يعرف غزل ماتجي الا بذي الطريقه بس مايحب احد يجبرها غيره.،
مهي قادره تحط شي بفهمها كل ماتاكل يوقف بحقلها مهي قادره تبلع.،
قامت.،
نوره : وين ماكلتي؟!.،
غزل : بطني يعورني شبعت.،
قامت وراحت عند المغاسل (اكرمكم الله).،
اما مشعل بيلحقها بس بيصير شكله سخيف لو قام على طول.،
طلع جواله واتصل على جوال غزل الي قدامه.،
بس يعطيه مقفل والجوال قدامه شغال (شايف لمبة "اضاءه" البي بي تشتغل).،
دق جواله وفرح على طول قام على اساس انه بيكلم حاول يمشي قدامهم انه بيطلع على فوق بس اول ماختفى عن نظرهم راح لها.،
اما نوره الي فقدت الامل انها تقدر عليهم وتخليهم يفتحون الموضوع وتجبرهم بس ماقدرت.،
قامت وطلعت غرفتها.،
وشهد والعنود جالسين.،
راح عند المغاسل "اكرمكم الله".،
شافها واقفة ومكتفه يدينها وساكته لا تبكي ولا أي شي.،
دخل عندها.،
مشعل يطالع فيها : يلا نطلع من هنا.،
غزل طالع فيه مقهوره ومعصبه وكل شي بس و قادره تطلعه الموقف الي صار صعب تحس اللقمه بفمها تجرحها وماتنزل من حلقها تحسها تعورها ببطنها.،
دموعها مهي قادره تنزل.،
مشعل بيحط يده من وراها عشان يطلعون.،
بس غزل حطت راسها على كتفه وهي مكتفه يدينها.،
تحاول قد ماتقدر ماتبكي.،
مشعل حضنها وغزل مابعدت.،
حضنها أقوى لصدر وغزل مافكرت تبعد عنه بس مكتفه يدينها.،
مشعل كل ماشافها مستسلمه يحضنها اقوى.،
غزل بعدت عنه وطلعت ماتبي معل يشوف دموعها راحت المجلس وجلست تمسح دموعها وتمسح الكحل تحاول تاخذ نفسها رجعت تمسح تحت عيونها.،
واقفه وماسكه بالكنب "ماتدري ليه ضعفت ولا و الي صار لها تبي تبكي تصرخ تبي تحس بأمان تبيه يحتويها.،
تعبانه تبي تقوى تبي تقدر تقوى قدامه بموقفهم اليوم الي سوه فيها اتعبوها اكثر تبيه يـ ح ــتويها يحسسها بأمان.،
.،
بــــــــــــيــــــــــــــــت نـــــــــــــــــاديـــــــــــــــــــــة.،
عبد الله : وذا عذر ماتدرين!.
نوف : عبد الله والله كنت تعبانه ومتضايقه.،
عبد الله : من وشو؟!.،
نوف : مدري.،
عبد الله : عشان الوقت قرب؟!.،
نوف : مدري.،
عبد الله : حبيبتي وش فيك؟!.،
نوف خجلت : ولا شي عبدالله لا تخاف الحين احسن الحمدلله مافيني شي.،
.،
غ ــــــــــــــــزالك.،~.
قولى مين شوفت فين واحده نسيت هى مين.،
اصلك انت حلم واحد صعب ييجى مرتين.،
لو ناديت وانت جيت همى تقعد جنب مين،
من الحنين كل عين عايزاك لوحدها.،