الـبــــــــــــــــــــــارت الــــ109
غزل جات بتطلع من المجلس الا مشعل بيدخل.،
وقفت.،
مو متحمله انه يطالع فيها وساكت.،
ماتبي تنهار وتبكي قدامه.،
سكوته يتعبها وهي ماتبي خلاص.،
خلته لين يدخل وطلعت من المجلس راحت عند شهد والعنود.،
ارتاحت يوم شافت خالتها مو موجوده.،
شهد وقفت.،
غزل صدعت : وين جوالي؟!.،
شهد اطالع بالغرفه ادوره : شوفيه.،
ارتخت غزل واخذته.،
غزل : انا بروح عنود قولي لسواق.،
شهد : خالد يوصلك معي.،
غزل : بروح الحين على مايجي نص ساعه السواق هنا.،
العنود : طيب وانا اقول لأمي اني ابي اجيب شي من المكتبه عشان ترضى.،
غزل تطلع من الصاله ومعها عنود وشهد.،
غزل تلبس عباتها : عنود تكفين بندول بروفينال روفيناك أي شي.،
شهد : أشبك؟!.،
غزل تمسك بالمدخل : مرره صداع.،
.،









































بـــــــــيـــــــــــــت مــــســــــــــاع ــــــــد وروان.،
مساعد جالس بصاله على التلفزيون ومنيم روان على يده : ماشاء الله مرة مشعل رجعت ذاكرتها.،
روان ترفع راسها له : جد؟!.،
مساعد : ايه اليوم شفت مشعل.،
روان عشان كذا من زمان قاطعه : بالمستشفى؟!.،
مساعد : لا.،
روان : ابي ازورها.،
مساعد : ان شاء الله كلميها واوديك.،
روان : اوك.،
مساعد يحط بفمها فشار : وش سالفة ذاك الشي؟!.،
روان تاكلها وطالع فيه : وشو؟!.،
مساعد : شفت شي بالحمام.،
روان عقدت حاجبها : وشو؟!.،
مساعد يحط يده على بطنها.،
روان خجلت : ...........
مساعد : نروح لدكتور؟!.،
روان خجلت وقامت قعدت : لا ماسويت تحليل لسى.،
مساعد يرفع حاجبه : وين؟!.،
روان توقف : بشرب مويه عطشانه.،
.،







































بـــــــيــــــــــــــت فــــــــــهــــــــــــد.،~
بغرفة غزل.،
اتروشت ولبست بيجامتها وجلست على سريرها.،
فتحت الاب فتحت الفيس دورت بالنت الشي مالقيت شي تسويه.،
سندت ظهرها على السرير وتذكر الي صار معها اليوم.،
ندمانه انها ضعفت له وانا بكيت على كتفه.،
كرهت نفسها انها راحت.،
اخذت جوالها بتتصل عليه.،
جالسه ادق رقمه واتصلت اول ماضغطت اتصال لغت المكالمه.،
مسحت الرقم على طول من المكالمات الصادره.،
وجلست تبكي.،
بتموت وتتصل عليه.،
حافظه رقمه مهي قادره تنساه مقهوره لآنها اشتاقت له زعلانه عليه بس ليه تضعف له وتشتاق له.،
سابت جوالها وبعدت الاب عنها.،
ونزلت تحت.،
ابوها لسى ماجاء.،
.،



















نزلت اخذت لها بيبسي ورجعت طلعت غرفتها.،
طلعت دفتر محاضراتها.،
وشبكت الطابعة بلاب.،
وجلست على السرير ساندة ظهرها عليه وحطت الاب على رجلها والدفتر جمبها.،
وجلست بتحل واجبها.،
انتبهت لـ "اضاءه البي بي".،
اخذته.،
جلست تفتح بالبي بي قوائم بس كذا.،
ورجعت تدق رقم مشعل ونفس الشي قبل لا يدق عليه الغت.،
صارت تبكي وقالت بصوت ماعندها احد تكلمه بس مهي حاسه بنفسها.،
ابي انسسسسسساه وانسى رقمه ابي انسسساه.،
مسحت دموعها.،
وحطت الدفتر على الاب واخذت القلم.،
وفتحت على الآرقام.،
وجلست تحفظ الأرقام.،
وتكتب الرقم وتعيده بالورقة كذا مره وكتبت ارقام كثيره عايلتها وصحباتها.،
جلست تحفظ اكثر من رقم فوق الـ10 ارقام وعادت رقم مشعل لقيت نفسها حافظته ومو حافظه ولا رقم من الي كتبتها.،
جلست تبكي خلاص انهارت مهي متحمله نامت على المخده والاب عليها والدفتر وصارت تبكي.،
.،

































يــــــــــــــــوم ج ـــــــــديــــــــــــــــــد.,//.،
بـــــيــــــــــــــــت ســــــ ع ـــــــــــود.،
الــســـا ع ــــــــة 9 الصباح.،
عبير وسلطان ووجد بيطلعوون على مكه.،
حصه : سلطان خلها والله خايفه عليها.،
سلطان يشيل وجد : مو صاير لها شي ان شاء الله.،
حصه :ياولدي طول الطريق بيكون مع الخدامه خوف عليه.،
سلطان : لا بيكون معي ومع عبير بس وقت الطواف لأني مقدر امسك عبير واشيله.،
طلعت عبير وحط يديه وراء ضهرها وشادها له لين نزلت الدرجات.،
وحصه تصرخ عليه : وجد ياسلطان البنت امسكها حط يدك على ظهرها.،
وسلطان يضحك : هههههههه لا تخافين ياخالتي يلا سلام.،
عبير : باي ماما.،
حصه : بحفظ الله.،
.،









































بالـــ ج ـــــــــامـــــ ع ـــــــــة.،
غزل : من جد اليوم؟!.،
شهد : أي والله ماشفتي امي تأكد عليك؟!.،
غزل : حسبته قريب بس مو اليوم لو ادري اليوم ماجيت.،
شهد : احسبك تدرين والله.،
غزل : مو مشكله يلا 11 نخلص بس قهر كنت ابي اشوف رينو اليوم.،
شهد : وش بتلبسين؟!.،
غزل : مدري.،
شهد : يبيلك شي حلو وناعم.،
غزل : يب بروح ان شاء الله لزينب تمكيجني.،
شهد : كلميها عندك رقمها؟!.،
غزل : لا.،
شهد : اليوم تلقين زحمة عندها اتصل عليها واقولها.،
غزل : اوك وش رايك البس فستاني الي على نحاسي؟!.،
شهد : حلو بس البسي الوردي الفاتح أح ــلى.،
غزل : ولا ايش رايك البس الأخضر العشبي يطلع واااو صح شكلي اقتنعت فيه.،
شهد : غزل لا وش تبين فيه غير عيون الناس صدرك وبطنك كله برا.،
غزل : عيون وشو عند حريم.،
شهد : وش بيقولون توها قايمه من تعب شوفي وش لابسه.،
غزل : للحين ماقتنعت بلبس واجرب واصور وارسلك والحلو البسه.،
شهد : ان شاء الله يعجبك غيره.،
غزل : ههههههههه.،
.،


































بــــــــيــــــــــــــت نـــــــــــــاديـــــــــــــــة
بــ ع ـــــد الـ ع ــشـــاء.،
بالقصر.،
نوف جالسه تمكيجها الحرمه.،
ورغد جالسه تلبس ريان.،
ريان : يعني اليوم نوف تروح!.،
رغد : ايه تروح مع عبد الله.،
ريان : ليه؟!.،
رغد : هههههههههه لو منت صغير قلت لك واحرجتها.،
الكوفيره ابتسمت.،
ونوف وجها حمر.،
قالت للكوافيره : دقيقه بشرب موية.،
رغد بتفطس على نفسها من الضحك اخذت ريان وطلعت من غرفتها ونزلت تشوف امها اذا تبي شي لأن الناس بدو يجون.،
.،
































بـــــــيـــــــــــــــــت فــــــهــــــــــــــــد.،
مشعل كلم عمه وقله يجيه البيت وان غزل مهي في بتروح مع خالتها زواج نوف.،
فهد : ياولدي انا ماصدقت شفتها قامت قدامي الحمدلله مابي اضغط عليها.،
مشعل : ...............
فهد : هي صح طلبت مني الطلاق.،
مشعل انصدم ويطالع بعمه باين عليه الصدمه : طلبت الطلاق؟!.،
فهد : لا تخاف ياولدي انا قلت لها تشيل ذا الموضوع من بالها.،
مشعل مستغرب غزل قالت لها ماتبي تطلع الموضوع وتوقع انها ماقالت لبوها خاف انها لو قالت له يوافق : متى طلبته؟!.،
فهد : لا تحطه بالك ياولدي .،
مشعل : عمي ان بإذن الواحد الأحد غزل ماطلقها بس بعرف متى فكرت بذا الموضوع؟!.،
فهد : ثالث او رابع يوم طلعت فيه من المستشفى.،
مشعل "بنفسه" يعني كلمت ابوها قبل لا تكلمني ويوم رفض كلمتني وتقولي لو اقول لبويا : اها انا بس كنت انتظر ترتاح شوي واجي اخذها.، "ماقصده انها ترتاح قصده ان النزيف الي عندها يوقف ويستقر وضعها لأن غزل لو بس بيكلمها بتعاند وتصرخ وتتحرك وماراح يخف نزيفها.،
فهد : لا ياولدي انا مابي اجبرها.،
مشعل : بس ياعمي غزل عنيده اعرفها ماراح ترضى تجي بسهوله شخصيتها ماتسمح لها بذا الشي.،
فهد : مشعل وش الكلام ذا لا تلومها انت كنت عندها زي اخوها وفجأه تكون زوجها كانت عايشه حياه وفجأه تعيش حياة ثانيه يبيلها شوية وقت عشان تتأقلم.،
مشعل فهم ان عمه فاهم السالفه ان غزل مو متأقلمـه أو صعب تستوعب ان مشعل زوجها : طيب انا عندي حل وش رايك نـ....
.،







































بــــــــــيـــــــــــت ســــــــ ع ـــــــــــود
حصه : كلمتي أختك!.
اريج : أي تقول سلطان يبي يجلسون يوم ثاني بمكه.،
حصه : قولي لها تقوله يجون البنت تمرض ماتتحمل امس وقالوا بيريحون بعد الطريق عشان عبير اليوم وش فيه بعد.،
اريج : يمه خليهم.،
حصه : اخليهم وشو عبير ماتعرف لوجد واخاف تمرض بسرعه مع تغير الجو والمكان.،
اريج : خلاص شوي واكلمهم.،
حصه : أي وشوي قولي لي نسيت انا اقوم اكلمه احسن.،
.،




























بـــــــيـــــــــــت نـــــــــــورة.،
غزل انجنت لين اقنعت العنود تروح معها شايله هم تروح وشهد مو معها.،
جاها سواق عمها ومعه تينا للكوافيره واخذها ووداها بيت عمها.،
.،


























بــــيــــــــــــــت مــــســــــــا ع ـــــــــد وروان
روان : طيب رقمها مقفل على طول شكلها غيرت رقمها.،
مساعد : تبيني اقول لرجال عطني رقم مرتك؟!.،
روان : تخيل كان ذبحتك.،
مساعد : ههههههه اجل وش تبيني اسوي؟!.،
روان : مدري أنت شوف حل.،
مساعد يطالع فيها بنص عين ويبتسم : حل مثل وشو؟!،
روان : ههههه مدري قوله بنزوركم ولا قوله خلها تكلمني ولا أي شي.،
مساعد يبتسم : تامرين.،
.،






































بــــــــيــــــــــــت نورة.،
وصلت غزل كانت العنود تتجهز لأنها بتروح معهم.،
وخالتها طلعت غرفتها تخلص.،
دخلت غرفة شهد.،
وفصخت لبسها لبست فستان اخضر عشبي غامق.،
الفستان عباره عن برا تلبسها فيها قصب ذهبي وتلبس عليها الفستان الأخضر العشبي ضيق من تحب ومن وراء في فتحه .،
ويتعلق بالرقبه.،
ومفتوح لبداية بطنها يعني من فوق واسع بس من تحت ضيق.،
غزل اعجبت بنفسها.،
عدلت شعرها.،
قربت من المرايا تأكدت من مكياجها تمام.،
جلست على السرير ولبست كعب ذهبي رباط ينلف لنص ساقها.،
وقفت عدلت فستانها.،
اتعطرت.،
وقفت تتأمل نفسها قدام المرايه.،
لبست ساعه ذهبي من ريمند ول.،
ولبست بحلقها سلسلة ذهبي طويلة تنزل لين بطنها مع فتحة الفستان ذهب.،
قلب وفيه كرستاله صغيره.،
ولبست خواتم ذهبي.،
حطت اغراضها جو الشنطه وطلعت من الغرفه راحت لغرفة العنود دقت الباب ودخلت.،
العنود تلف لها وانبهرت بشكلها : وااااااااااااااااااااااااو روعه وش ذا.،
غزل : حلو صح؟!.،
العنود : يجنن وربي مرره روعه بس نصيحتي أمي لا تشوفه بتقولك اجلسي لا تروحين.،
غزل : لا ان شاء الله مابتقول شي مو على قولها صرت حرمة يعني عادي البس.،(وتحط شنطتها على الطاوله الي راحت فيها للكوافيره وحطت فيها ملابسها بنطلونها وبلوزتها) : خلي شنطتي عندك.،
العنود : اوكي..توي خلصت استشوار شعري بلف اطرافه.،
غزل : يب يقبلك يوم تلفلينها تبين اساعدك.،
العنود : لا الحين اخلص بس قوليلي وش رايك وش البس من ذولا؟!.،
غزل تروح لسريرها الي العنود حاطه عليه 3 فساتين.،
رفعت فستان لونه أبيض قصير يوصل لين الركبه وصدر فيه شغل بالخيوط الحرير.،
غزل : هذا مره نعوم ونايس.،
العنود : يعني عادي البسه ولا بسيط على المناسبه.،
غزل : مدري انا عجبني انا اقولك خلصي شعرك والبسيه وقيسي الوردي بعد واختاري وناديني بعد اشوفه.،
العنود : اووكي.،
.،




























طلعت غزل من عند العنود وراحت دقت باب غرفة خالتها بس ماردت عليها قالت يمكن تتروش.،
نزلت تحت قالت للخدامه تسوي لها قهوة.،
وواقفة قدام المدخل تتأمل نفسها وتلف يمين ويسار وتشوف شكلها.،
وتغير بشعرها.،
جابت لها القهوه : فين حطوا؟!.،
غزل تبتسم بشقاوه : هاتيها هنا.،
حطتها على المدخل وغزل صبت لها فنجان قهوه .،
سمعت صوت العنود.،
غزل : هنا ..هنا.،
العنود واقفه على الدرج : وش رايك؟!.،
غزل : ياااي مرره تجننين.،
العنود : يعني البسه؟!.،
غزل : البسي الثاني بعد لسى في وقت واصلا خالتي شكلها تتروش.،
العنود : لسى ماحطيت ميك اب.،
غزل : ترا كله كحل وبلشر ورج يعني بدقايق.،
العنود ترقص حواجبها : ابيك ترسمين لي عيوني.،
غزل : ههههههههه اوكي روحي البسي الثاني بس قبل تعالي صوريني برسله لشهد.،
العنود تنزل وتاخذ جوالها وتصورها ورجعت طلعت.،
وغزل وقفت قدام المدخل بتصوره مكياجها.،
صورت وارسلت الصور لشهد.،
واقفه قدام المرايه وبيدها فنجان القهوه تشرب منه.،
مرره اعجبها شكلها.،
حست بأحد يفتح الباب توقعت عمها.،
لفت للباب وبيدها فنجان قهوتها.،
لقيته يفتح الباب ويدخل انتبه لها ورفع نظره لها.،
ماقدر يبعد عينه عنها.،
صار يسحب المفتاح من الباب وهو عينه عليها.،
غزل انصدمت ابدا ماتوقعت يجي ابدا.،


















































رجعت على وراء.،
ومشعل صك الباب.،
غزل مشيت بتدخل الصاله.،
بس مشعل سبقها ووقف قدامها.،
غزل ارتبكت جات تمشي من الجمب وقف.،
غزل نفسها اضطرب وراخيه راسها.،
تحاول تبعد مهي قادره قلبها زادت دقاته.،
مشعل حط يده تحت ذقنها ورفع راسها.،
غزل غمضت عيونها.،
مشعل ذاب على شكلها وهي مغمضه.،
مكياجها كيف محلي عيونها.،
الروج وكيف محلي شفايفها.،
البلشر المشمشي كلها افتنته.،
قرب بيبوسها وهو اصابعه ماسكة ذقنها.،
غزل تحس بألم بقلبها نفسها مو منتظم فتحت عيونها شافته.،
بعدت بقوة على وراء.،
كانت بطيح بس اتمالكت نفسها.،
وعيونها امتلت دموع.،
مشعل يمشي لها ويوقف قدامها .،
شاف كيف عيونها تلمع بدموع.،
: بتروحين من غير لا تعلميني؟!.،
غزل ترجع على وراء وتبلع ريقها : مالك شغل.،
مشعل يشوف فتحة الفستان كيف صدرها برا والفستان فاتح على بطنها حط يده على بطنها الباين : وبذا اللبس.،
غزل تدف يده وبعصبيه : قلت لك مالك شغل.،
جات بتمشي من جمبه بس مشعل شالها .،
صار بطن غزل على جمب مشعل.،
يعني ماشالها على ظهره او زي الـبيبي .،
لا بطن غزل على جمبه وطالع فيها الدرج.،
غزل مهي قادره حاسه انها بطيح قريبه من الدرج.،
اصلا شعرها يوم يطلع يلمس الدرج.،
خايفه تتكلم.،
مشعل طلع فيها الدرج ودخل غرفته وصك الباب وغزل زي اللـعبة بيده.،
نزلها.،
غزل وقفت تعدل فستانها وتعدل شعرها.،
وجهها حمر لأن لبسها انعدم وبطنها وصدرها بان اكثر.،
مشعل يقرب منها ويرفع حاجبه : تطلبين الطلاق ها؟!.،
غزل ترجع على وراء : أي.،
مشعل يقرب وغزل ترجع على وراء لين اصدمت بسريره وطلعت فوق السرير : ومن ابوك؟!.،
غزل توقف فوق السرير : مشعل لو سمحت بطلع من هنا مو الحين نتفاهم لو سمحت.،
مشعل وهي واقفه فوق السرير يمسكها بيد ويحط يده وراء ضهرها وينزلها من على السرير قرب وجهه منها : احبك يامجنونه.،
غزل شوي وتبكي : بـطلع من هنـا.،
مشعل يقرب من اذنها ويهمس : اشتقت لك.،
غزل تدفه بس مهي قادره : بطلع من هنااا بطــــلع بعـــــــــد.،
مشعل تنهد وتركها.،
غزل جات بتطلع .،
مشعل : مافي روحه بذا اللبس.،
غزل :هه.،
ووقفت بتفتح الباب.،
مشعل من وراها مشي لها ووقف وراها ودخل يديه من وراء وشد بقوة الكرستالاات حقت البرا عشان تنقطع.،
غزل :












غ ـــــــــــ مــشـــ ع ــــــــل ـــــزالك.~~.،،


ماتحسبنيش على ذنب عملته انت يا حبيبى ومتلومنيش.~
طول عمرى بخاف انى اجرح يوم احساسك.،//
ماتسبنى اعيش انا رافضه ارجعلك بعد خيانتك ليا مافيش.~
عمرى ماشكيت لو حتى ثانيه فى اخلاصك.,//
ياما قولت عليك ان انت انانى مابتفكرش غير فى روحك.~
بتقولى عايش لك وانت عايش بس لروحك.,//
انت شوفت عينيك وكمان بتكدب عينى وجاى تقول حكايات.~
كل ما اقربلك تبعد عنى مسافات.,//
منك لله.~
منك لله قلبى بيتألم من اللى انا حساه.,//
ماشيه ومش شايفه انا قدامى ولا حواليا.~
بقى سهل عليك انك تجرحنى وتظلمنى انا هونت عليك.,//
كان نفسى تجرب احساسى صعب عليا.~