الــبـــــــــــــــــــــــــــارت الـــ 110









ووقفت بتفتح الباب.،
مشعل من وراها مشي لها ووقف وراها ودخل يديه من وراء وشد بقوة الكرستالاات حقت البرا عشان تنقطع.،
غزل انصدمت من حركته مسكت حاولت تلمه على صدرها وقالت بعصبيه وهي تصر على اسنانها : حيوان.،
طلعت من الغرفه.،
ودخلت عند العنود وهي مطرطعه.،
لقيت العنود جالسه على السرير بالفستان الثاني.،
العنود : بسم الله وش فيك؟!.،
غزل : ابي ابرة وخيط.،
العنود : ليه وش فيك؟!.،
غزل توريها : مو شايفه؟!.،
العنود تروح للمكتب : دقيقه اشوفلك بإغراض التفصيل.،
غزل : تعرفين تخيطينه؟!.،
العنود تبتسم : سراجه وبس.،
غزل : المهم شي يمسك ومايبان.،
عطتها ضهرها وفصخت البرا ورجعت لبست الفستان برقبتها.،
جلست على السرير والعنود قامت بتجيها وغزل انتبهت لفستانها : احس الي اول احلى.،
العنود تجلس على السرير : أي حتى انا حسيت بس قلت بستناك تشوفينه.،
غزل طالع فيها : جيتي ورجعتي؟!.،
العنود اسكتت وجلست بتخيط قالت وهي تحاول تخيطها : قلت يمكن تتفاهمون.،
غزل تنظم ابره ثانيه وتخيط مع العنود : نخيطه من وراء عشان مايبان.،
العنود : بالله طالعي بخياطة الفستان الاساسيه وخياطتنا.،
غزل : فرق بين خياطة المكينه واليد هذي خياطة مكينه.،
العنود : لا تحاولين مانعرف نخيط.،
غزل : ههههه من وراء مو باين اهم شي تكون ماسكه ماتنفك هناك وتفشلني.،
العنود : اوك.،
غزل : خلاص يكفي .،
العنود : دقيقه بس من هنا.،
غزل تقوم : بعدل مكياجي.،
واخذت من شنطتها.،
شنطة المكياج حقتها وعدلت مكياجها.،
واخذت من العنود البرا ولبستها.،
والعنود لبست فستانها الأول.،
العنود : غريب امي اول مره تطول دايم اول وحده فينا تخلص.،
غزل : أي.،
غزل بنفسها تظن انها فهمت ليه خالتها متأخر هوانها تقصد الحركه مثل ذيك المره عشان غزل ومشعل يتقابلون عشان كذا تأخرت.،
العنود : حلو صح؟!.،
غزل : يب والله تجننين.،(وتحط يدها على كتف العنود) والله وكبرتي يابنتي هههههههه.،
العنود : لا ياشيخه هههههههههههههه.،
غزل : هههههه.،
العنود : يلا نروح نشوف امي.،
غزل : لا حقتك بس بعدل صندلي بينفك.،
طلعت العنود من الغرفه.،
وغزل عدلت صندلها.،
ولحقتها.،
لقيت العنود ماسكه أمها وبتجلسها على الكرسي.،
غزل خافت ودخلت بسرعه : خالتي وش فيك؟!.،
العنود : مدري امسكيها بنادي مشعل.،
غزل تمسك خالتها وتجلسها على الكرسي : سلامتك خالتي وش فيك؟!.،وش يعورك؟!.،
نوره : ماعليك اكيد الضغط يابنيتي.،
دخل مشعل مع العنود : خير يالغاليه وش فيك؟!.،
نوره : مافيني شي يمه.،
مشعل : اخذتي دواك اليوم؟!.،
نوره : لا تخافون مافيني شي تعب عادي لآني من الصبح صاحية الحين اقوم.،
مشعل : عنود روحي جيبي لأمي موية خلها تشرب دواها.،
غزل : خالتي وين دواك؟!.،
نوره : شوفيه هناك (واشرت لها).،
مشعل : يمه قومي ريحي على السرير.،
نوره على الكنبة حقت غرفتها : لا ياولدي تأخرنا على الناس.،
مشعل : مهو بلازم تروحين ارتاحي.،
نوره : مافيني شي تعب عادي اول يوم اني تعبانه كنت منسدحه بفراشي الحين مافيني الا العافيه.،
مشعل طالع بغزل وهي تمشي لهم جايبة علبة الدواء.،
مشعل يطالع فيها : روحي جيبي جهاز الضغط من غرفتي.،
غزل قهرها اسلوبه ونظراته لها طلعت من الغرفه.،
خافت على خالتها .،تحسب ان خالتها هي الي مدبرة كل شي انها تجي من الكوفيره علي بيت خالتها ومشعل يجي وهي تتأخر بترويش.،
ماتدري ان مشعل اصلا ماكان يدري انها بتروح زواج الا من عمه.،
راحت غرفته اول شي فتحت درج الكمدينه ولقيته.،
انقهرت بداخلها ليه ماتعبت وجلست ادور ليه رحت لأول مكان عارفه انه بيحطه فيه وهذي عادته.،
دخلت الغرفة لقيت العنود جالسه جمب امها.،
اعطته مشعل.،
واخذه منها وقاس لأمه ضغطها.،
مشعل يفك الجهاز عن يد امه : ماكلتي شي اليوم!عندك هبوط.،
غزل : خالتي اجيب لك توست وجبنة سايلة الجنبة السايلة فيها ملح كثير.،
نوره : لا مالي نفس بشي.،
العنود : النوري بتدلعين علينا.،
غزل : انزل اجيب لك شي ينوكل واجي.،
.،







































بالــــــــــــــزواج.،
أريج : مدري وش فيهم تأخروا.،
هبه : يمكن غزل عند الكوفيره تعرفين زحمة.،
أريج : يمكن.،
هبه : لو أني من غزل جيت فضحتها قدام كل الناس.،
أريج : هذا كلام نقوله لكن وقت الحقيقه لا.،
هبه : أي يمكن ماجي افضحها قدام الناس بس على الأقل افضحها قدام امها واختها ماخليها كذا.،
أريج : مين قلك عرفت منك.،
هبه : محمد قلي اليوم.،
اريج : اها.،بس انا ماستغربت على غزل انها بتحضر غزل ماتحب تبين ضعفها يعني شوفي وش سويتي فيني وشوفي بقدرة ربي انا قدامك.،
هبه : أي بس الي يقهر نوف يوم تشوفها او تسمع انها جات بتضن انها اوك رجعت لها ذاكرتها رجعت غزل بس ماراح تتوقع لو واحد بالمية ان غزل متذكرة.،
اريج : اصلا اتوقع مستحيل الموضوع يجلس سر فترة طويل السر بين اثنين ويطلع كيف موضوع غزل عايلة كامله من حريم لرجال تدري فيه مستحيل يندس فترة طويلة.،
هبه : من جد والله.،
.،





























































بــــــــيــــــــت شــــــــــهـــــــــد الـ خ ـــــــالــد.،~
بالصاله.،
خالد : وش فيك بعد؟!.،
شهد : مو مرتاحه للحين ماراحوا في شي بس غزل ماتبي تقول.،
خالد : ماتعرفين غزل مستحيل تطلع على الموعد واكيد العنود مهبلة فيهم بعد.،
شهد : مدري بس ساعه خلاص 12 الا.، (عقدت حاجبها).،
خالد الي كان ساند مرجع راسه على الجلسه رفع راسه : وش فيك؟!.،
شهد تحط يدها على بطنها : ولدك تحرك.،
خالد يبتسم ويقرب منها يحط يده على بطنها حس فيه يوم تحرك طالع فيها مستغرب : وش يسوي؟!.،
شهد : هههههه يرقص وش يسوي يتحرك الأخ مو مرتاح على جمبه بينام على ضهره.،
خالد : هههههههههه لبى ولدي والله.،
شهد تمد بوزها : أي انت وولدك وش عليك انا اتعب وانت مبسوط.،
خالد يقوم ويشيلها : فيلتي وش تبي بأي مكان تنام وعلى وشو تنام.،
شهد : ههههههه الحين أي فيله بس صبرك علي لين اولد.،
.،











































وقـــــــــــــت زفــــــــــــــــة.،
عبد الله مارضي ينزف مع نوف مايبي يبداء اول ليلة من زواجهم
انزفت نوف وجلست على الكوشة وصحباتها واقاربها يرقصون لها.،
اما غزل الي انبسطت كثير ان العريس مانزف تعرف كيف تخلي نوف تموت مكانها بأحلى لحضه بحياتها.،
كانوا هي والبنات العنود + اريج + هبه + حسناء
جالسين على نفس الطاولة الي جمب الكوشة .،
غزل كرسيها يخليها معطية الكوشة ضهرها.،
اول ماشافت انه وقت الزفه.،
بطريقة جلسة غزل يخليها تشوف نوف اول ماتطلع وهي تمشي من الممر جمبها بس مايشوفها وهي بتجلس بالكوشة.،
وغزل ماتبي كذا ماهمها تشوف نوف او لا.،
همها نوف تشوفها.،
لو جلست ووجهها للشرفة الي تطلع منها وتشوفها وهي تنزل الدرج وتمر بالممر نوف بيكون تركيزها على المصوره وخطوات مشيها وزفتها.،
بس يوم تجلس اكيد خلاص بتشوف الي يرقصون والي يصفقون وبتشوف المعازيم.،
قامت غزل.،
حسناء : وين؟!.،
غزل : بعدل الكرسي.،
العنود تقرب من غزل : ماتبين تشوفينها.،
غزل تبتسم ترفع حاجبها : انا الي ابي اشوفها.،
العنود استغربت : مافهمت.،
غزل : مو لازم ودي انام.،
العنود : وجامعتك.،
غزل : الله يعين بداوم غصبن عني باقي لي غيابين واكيد بحتاجها بداوم.،
العنود : ياويلي تعب عليك ووراك تروحين معي.،
غزل : ربي يسهلها انتٍ كله ساعتين.،
العنود : تدرين خايفه مانقبل بالجامعة.،
غزل : احسلك ادخلي خاصة لا تشيبين زيي اااه بس على ايام الثانوي.،
العنود : والله في بنات دخلوا دورات.،
غزل : اختبار القدرات بالحظ لا دورة ولا مذاكرة.،
العنود : الله يستر من حضي.،
غزل : لا تخافين اذا ماجبتي بالاول بتجيبين بثاني بنات كانوا معي اكسل من الكسل بالمدرسه وبالقدرات جابو ب80.،
العنود : وناسة والله بس الله يسسستر والله خايفه.،
غزل : ربي يعدية على خير انتِ مو عندي بالفرع الثاني صح؟!.،
العنود : يب.،
غزل : لو سجلتي عندي مو احسن بدال المشوره وانا سيارة الظهر تتعبني وياليت بتوصلني للبيت لا بروح للجامعه.،
العنود : مو انا اتلخبط وانا اسجل احسب عندكم.،
غزل : اها .،(انتبهت لنوف الي جلست على الكوشة ويعدلون لها فستانها).،
صار ظهر كرسي لطاولة الي جالسين عليها.،
كان شكل نوف حلو ومرتب.،
مكياجها كان ناعم وفستانها ناعم.،
وزفها هادية.،
اريج تكلم غزل والبنات : غريب ان زوجها مارضي ينزف معها.،
غزل تلف راسها اطالع فيهم : يمكن مايبي يبداء حياته بأغلاط.،
اريج : محلوه نوف.،
هبه : عروس اكيد مسويه كل شي بدنيا عشان تطلع بذا الشكل.،
اما غزل تعدلت بجلستها اسندت نفسها على الكرسي.،
حاطه رجل على رجل وتحرك رجلها.،
لأن نوف على الكوشه فالي فوق جالس يشوف الي جالسين تحت وحتى رجولهم.،
عشان كذا غزل تبي تقهرها.،
بعد شويا انتبهت نوف لغزل.،
وماقدرت تشيل عيونها عنها.،
اما غزل الي من اول مركزه عليها ابتسمت لها وغمرت لها بعينها.،
نوف انصدمت تحس الدنيا تدور فيها.،
ماتوقعت ولا 1 بالمية تشوف غزل.،
.،
















































يـــــــــــــــــــوم ج ـــــــــديـــــــــــــــــد.،
الـــــســــــــاع ــــــــــــة 12 ونص الظهر.،
العنود تكلم صحبتها بالتلفون.،
وجاء مشعل واقف قدامها يقولها قفلي.،
قفلت : هلا اشبك!.،
مشعل : امي وينها؟!.،
العنود : الناس تجي تقول سلام انت امي وينها؟!.،
مشعل : شكلك فايقه اليوم!.،
العنود : والله مو فايقه ورايا اختبار قدرات.،
مشعل : ووين كتابك؟!.،
العنود : ليه له كتب!.،
مشعل : لا فلحتي.،
العنود : ههههههههههه على قول غزل القدرات بالحظ.،
مشعل : انا اوديك.،
العنود : لا تكفى.،
مشعل رفع حاجبة : خير!.،
العنود : عشان غزل بتروح معي ماعرف شي ومابي اروح لوحدي معي وحده بس من البنات واذا عرفت انه انت بتوصلني اخاف ماترضى.،
مشعل : ليه مومسجلة عند غزل؟!.،
العنود : لا تلخبطت سجلت بالجامعه.،
مشعل : اهـا.،
.،





















































بــــــــــالــ ج ــــــــــامعــــة.،
غزل : ياليتني نمت.،
حسناء : بلا دلـع روحي نامي.،
غزل : مو بيدي الست شهد ماعندها غيبات وتغيب وتخليني واحضر محاضرات لوحدي وفوق ذا نسيت تحضر الدكتورة يعني لو ماحضرت احسن.،
حسناء : خلصتي؟!.،
غزل : أي.،
حسناء : طيب ليه ماتروحين تنامين.،
غزل : اليوم قدرات العنود وتبيني اكون معها.،
حسناء : يوووه الله يعينك.،
غزل : آآآآمين اصلا اتوقع تطلع من اختبارها تلقاني نايمه.،
حسناء : هههههههه.،
.،










































ع ــــــــنـــــــــــد ع ــــبــــيــــــــر الــســـلطــــــــــــان.،
عبير : خلاص نودية لهم ونسافر.،
سلطان : ماعندي مانع .،
عبير : وناسة.،
سلطان : يلا تجهزي نطلع نتغداء وبعدها نمشي.،
عبير : لوحدنا صح.،
سلطان : وجد مع الشغاله حنا على طاولة وهم على طاوله.،
عبير : طيب.،
.،

































بـــــــــالــ ج ـــــــــامــــــ ع ــــــــة.،
على الفون^^.،
غزل : والله دايخه.،
شهد : ياقلبي ماعليك بعنود اسحبي عليها.،
غزل : لا حرام حتى هي شايله هم الاختبار.،
شهد : تذكرين يوم اختبارنا.،
غزل : أي كنت بس ابكي من الخوف.،
شهد : أي تقولين لي وانا كنت بروح الحمام من كثر الخوف.،
غزل : ههههههههههههه والله من الهبال يومها يلا عدت على خير.،
شهد : لو سجلت العنود خميس احسن.،
غزل : ياشيخه يوم ويعدي إن شاء الله بس انا استغربت في احد يسوي زواجه يوم ثلوث!.،
شهد : امال عاوزه كتب الكتاب الخميس.،
غزل : هههههههههه لا بس يعني ايام الدراسه المفروض يكون ربوع ولا خميس.،
شهد : اصلا كنا كلنا متلخبطين بتاريخ زواجها ناس تقول ثلوث وناس خميس وربوع غير امي سألت خالتي حصه وقالت لها.،
غزل : مدري عنهم بس حلو زواجها رايق وهادي.،
.،































بـــــــيــــــــــــــت نـــــــــاديــــــــــــة.،
رغد : أي لو نوف في الضحكه من هنا لهنا.،
ناديه تبتسم : كلكم بناتي.،
رغد : اجل ليه هالبلوز ياأحلى وجة بدنيا.،
نادية : يانيتي انا مالي غيركم لو وحده راحت بخير ان شاء الله اكيد بفقدها.،
رغد تقوم وتجلس جمب امها وتبوس راسها : ياكل الغلا حنا عندك ولك ونوف اول كلمتني تقول بعد المغرب بتجي.،
نادية : الله يخليكم لي.،
.،


































بـــيــــــــــت مـحـــــمـــــــد.،
محمد جالس على السرير : هبهوبه يلا قومي.،
هبه : ...................
محمد : حبيبتي يلا قومي.،
هبه : امممم.،
محمد يلعب بشعرها : يلا ياقلبي مو تبين اوديك لخالتي.،
هبه : حمود بس شوي بنام.،
محمد : ماشاء الله كملتي 10 ساعات نايمه مو عادتك قومي يلا.،
هبه : بس شوي.،
محمد : يلا ياقلبي انا بطلع اوصلك بطريقي.،
هبه : بنااام مابي اروح.،
محمد يقرب منها : عيدي وش قلتي عشان يوم تقومين ماتقولين انا ماقلت كذا،
هبه : محممممد بناااام خلاص.،
محمد : ههههههههه (باسها وطلع).،
.،





































بــالـ ج ـــــــامــــــ ع ـــــــــة.،
غزل جالسه بالكوفي بتموت على نفسها.،
اخذت جوالها وفلوس وخلت شنطتها وكتبها على الطاولة.،
قامت وطلبت لها قهوه.،
طلعت برا الكوفي اخذت لفه بالجامعه ورجعت الكوفي جلست مكانها.،
تشرب قهوتها وتلعب بالجوال.،
شوي ودق جوالها كانت العنود.،
غزل : هلا.،
العنود : والله صوتك رايح فيها وينك؟!.،
غزل : أنتِ الي وينك؟!.،
العنود : اشبي اعرف انا ويني.،
غزل : طيب وش عندك انا اجيك هه يعني شوي اعرف فيها.،
العنود : عند مكتبه وناس وشجر.،
غزل : ههههه ياشيخه جايتك جايتك خليك مكانك باي.،
العنود : باي.،
.،

































نــــــــــــــورة وح ـــــصــــــــــــه .،
على الفون.،
نوره : يوصلون بسلامه يارب.،
حصه : الله يسلمك قالوا يوم غابوا 3 ايام.،
نوره : ههههه اكيد اعجبتهم الجلسه ومن يعوف مكه.،
حصه : أي والله صادقه.،
نورة : خلاص اجل نخلي سلامة عبير يوم الأحد ان شاء الله.،
حصه : ان شاء الله.،
.،










































بــــســـيــــــــــــارة.،
الـ ع ــــنــود + غ ــــــزل.،
عند باب بيت غزل.،
العنود : وش بتسوين.،
غزل : شايله هم وش يطلعني لفوق تقولين وش بتسوين.،
العنود : اضنك بتنامين بملابسك.،
غزل ابتسمت : ههه مره ماتعرفيني يعني.،
العنود : ماتستحين.،
غزل : هههههه (تفتح الباب) باي لا وصلتي طمنيني.،
العنود : اوك.،
صكت الباب ودخلت بيتهم.،
شافت ابوها ينزل من الدرج.،
غزل : سلام.،
فهد : هلا عليك السلام.،
غزل : كيفك!.،
فهد : الحمدلله بخير انتٍ كيفك؟!.،شكلك تعبانه.،
غزل : أي مواصله من امس.،
فهد : وصلتي العنود؟!.،
غزل : لا هي وصلتني قلت لها طمني يوم توصل.،
فهد : اطلعي ارتاحي.،
غزل : تامر شي.،
فهد : سلامتك.،
طلعت غزل غرفتها ونامت.،
.،










غ ـــــــــــزالــــــــــك.~

كل داه كلوا ع ــشـــــــــان حبيت ولا عشان قلت أنـا حبيت.،