الـــبـــــــــــــــــــارت الـــ 113







عبد العزيز : مدري ماقدرت افهم زين ماحبيت احرج مشعل بس الي اعرفه ان رحمها تأذي ومحد اهتم فيها امس دكتورتها بلغت مشعل.،
أريج عيونها امتلت دموع : يعني غزل ماعاد تقدر تجيب!.،
عبد العزيز : الا اذا ربي راد.،
اريج تبكي : هي تحب الاطفال لو شفتها كيف منجنه على ولد شهد اليوم.،
عبد العزيز ينيمها على صدره : الله يعينها ويفرج لها.،
اريج : يعني لا انا ولا هي.،
عبد العزيز يرفع راسها له : قولي الحمدلله أنتِ غير كلها كم شهر وربي ان شاء الله بيرزقنا بس غزل مصيبتها اكبر قولي الحمدلله.،
اريج : الحمدلله.،
.،

























يــــــــــــــــوم ج ــــــــــديــــــــــــــد.،
بالمــسـتــشـــفــــــــــى.،
الــســـــــــــــا ع ــــة 3 ونص الظهر.،
غزل جات بدري قبل العنود وخالتها.،
كان خالد في جلس معهم شوي وطلع.،
لابسه بنطلون جينز كحلي سكيني.،
وقميص رسمي كمه العريان العريض.،
لونه أخضر عشبي قماشها حرير.،
ولابسه عليه سلسلة طويله مفتاحين مفتاح صغير ومفتاح كبير.،
وبيدها ساعه فضي من دايموند هيل.،
وخاتم فضي.،
وبيدها الثانيه مالبست شي.،
وصندل كحلي فلات.،
وشعرها عادي مستشور.،
حطت كحل ازرق غامق.،
وماسكارا سوداء ومن الاطراف كحلي.،
وروج وردي فاتح.،
جالسه على الكنبه وثانية رجلها تحتها ورجل على الأرض وحاطه صحن الحلاوه بحضنها.،
وتاكل : والله بموت على شيين!.،
شهد : لا والله مافي غزل مع نفسك.،
غزل تاكل : ياويلي والله بتخن.،
شهد : احسن.،
غزل تقوم وتاخذ صحن الحلاوه وتجلس جمبها على السرير وتربع وتاكل من الحلاوه وتأكل شهد : اسمعي بقولك شي ومدري كيف بسويه.،
شهد : وشو؟!.،
غزل تنزل الحلاوه الي بيدها على الصحن.،
تنهدت.،
: ودي اشوف احمد مو اشوفه يعني مدري كيف.،
شهد طالع مستغربه وترفع نفسها على السرير وتسند ظهرها : كيف يعني؟!.غزل وش فيك؟!.،قمتي تخربطين بتضيعين نفسك؟!.،
غزل طالع فيها وبحيره : بوشو ضيعت نفسي؟!.،
شهد : اعذار ماتبين تاخذين؟!.،مشعل وماتبين تسمعينه؟!.،والحين بتقابلين أحمد خير؟!.،
غزل : شهد افهميني اول ليش ابي اقابله شهد احمد انظلم معي كثير شهد وربي مو قادره اسامح نفسي انا السبب بالي هو فيه انا رضيت فيه عشان انتقم من مشعل واثبت لنفسي اني مانكسرت من غيره ولا قدر يكسرني بس ياشهد احمد تحملني وعاملني احسن معامله وكان طيب وشهم معي وكان صابر علي ولا لمسني وانا ماكان يلقى مني غير التحقير والاسلوب الزفت وفوق ذا يوم اكتشف اني احب مشعل ولقي اغراضه بدولابي سكت وطلع من البيت وماقلي شي احمد شرب بسببي مستوعبه وش يعني صار يشرب! والي سواه فيني استاهله يمكن افوق من حبي لمشعل وردت فعل أي رجال حر يشوف مرته تخونه.،
شهد : غزل انا فاهمه بس انتي ماخنته.،
غزل : اني افكر بمشعل وانا متزوجة ذي اكبر خيانه الخيانه مو خيانة جسد او خيانة مكالمات بس وربي ماكان بيدي كنت افكر بمشعل غصبن عني كنت مابي احمد يلمسني عشان ماكون حقيره بعين نفسي وبعين مشعل واكون خنت احمد ورضيت له بشي وانا قلبي مو له.،
شهد : غزل لا تقولين على نفسك خاينه.،الخيانه انك تكلمين مشعل وبينكم غراميات وانتي على ذمة احمد الخيانه انك تنـ.،
غزل تقاطعها : برضه ياشهد لا تبررين الله يعلم اني الحرام مستحيل اسويه ويغفر لي انا مو راضيه لا عن الي سويته مع مشعل ولا مع احمد.،
شهد : وش سويتي مع مشعل قصدك زعلك منه؟!.،
غزل : كل شي مع مشعل البداية كانت غلط كلها غلط انا كنت اقابله وسمحت له يمسك يدي واعترافه لي انه يحبني بطريقه (تنهدت)وشوفي وش صار فيني وشوفي انتي كيف مارتحتي بحياتك مع خالد ومن اول اسبوع اطلقتوا ادري ان خالد كان يحبك ويخاف عليك من قلبه ومستحيل يسوي الشي الكبير قبل لا يتزوجك وكان كل الي يسويه من حبه لك بس برضه حرام اننا رضينا نقابلهم اننا ابتسمنا لهم شافوا خجلنا ودلعنا وضحكنا مره نتغطى وعشره لا كنا نزيدهم حرااام لاهم خافوا ربي ولا احنا.،
شهد : غزل ليه تقولين مانخاف ربي وش فيك؟!.،
غزل : شهد كنا متساهلين بذا الموضوع لين شوفي وين وصلنا؟!.،ووين صرنا؟!.،المفروض خالد اول ماشاف انه حب بنت عمه خطبها وملك وسوا الي يبيه ويتزوج على راحته.،
شهد تنهدت.،
غزل مسحت دموعها : المهم الحين كيف اشوف احمد مابي اشوفه بصفته وشو؟!.،واصلا كيف اشوفه!.وحرام وغلط وانا اسمي متزوجه بس لازم.،
شهد : بتشوفيه وش تقولين له؟!.،
غزل : ابي اعتذر له ابي اطلب منه يرجع لحياته ويتزوج ابيه يسامحني ابي اقول له اني يوم تزوجته مافكرت ارجع لمشعل كنت افكر بطلاق لأني حسيت أنـي خاينه له ولنفسي ولمشعل .،
شهد تمسح دموعها : طيب كيف بتكلمينه؟!.،
غزل : فكرت اروح بيتهم بس برضه صعب.،
شهد : ليه ماتتصلين عليه.،
غزل : صح بس من وين اجيب رقمه؟!.،
شهد : دوريه عندك ولو مالقيتيه اجيبه لك من جوال خالد.،
غزل طالع بشهد وتمسك يدها : ادري ان مشعل اخوك بس أنتي فاهمتني صح حاسه فيا وعارفه ليه بكلمه؟!.،
شهد تحضنها : ياخبله أنا اختك وفاهمتك وحاسه فيك فكري بالكل انه مايفهمك الا فيا انا لا تحسبين امس يوم جايه ماكنت ادري ايش فيك ادري انك تنتظرين مشعل يطلع من المستشفى وادري انك جايه وانتي متقطعه بكاء.،
غزل تحضنها : الله لا يحرمني منك.،
شهد :ولاااا يحرمني منك ياااااااارب.،
قامت ومسحت دموعها بالمناديل وعدلت كحلها وصبت لها ولشهد قهوه ورجعت جلست على السرير.،
وربعت.،
جاء مشعل وشافها وهي تصب قهوه لها ولشهد استغرب من صوتها باين انها باكيه.،
غزل : ماصدقت نحفت شكلي برجعه كله.،
شهد : مدري وين بتوصلين بالنحف.،
غزل : هههههههه كلها يومين وارجع اتخن ماعليك.،
شهد : انا الي خايفه جسمي مايرجع زي ماكان.،
غزل تحط الشوكولاته بفمها : بس خلي يعد يلك 15 يوم ونروح نراجع من دكتورة وتسوين رياضه وكل حاجه تصير تمام.،
شهد : ياشيخه.،
غزل : هههههههههههه يب والله مره ودي اسبح.،
شهد : مافي الحين مقدر اسبح.،
غزل : شهد المسبح مابيطير وبعدين أنا اسبح ونتشمس مع بعض.،
غزل : ودي اقول شي لبابا بس خايفه منه.،
شهد : قصدك على الطلاق؟!.،
غزل : لا ودي اسافر لو يومين بس اريح ابعد احس نفسي بعيده بمكان معرف احد فيه.،
شهد : وين يعني؟!.،
غزل : مدري أي مكان بس بابا راح يتعذر بشغل ومدري وشو ادري.،
شهد : طيب خالد؟!.،
غزل : بابا ماراح يرضى اولا ثانيا انا ماراح ارتاح ثالثا انتِ توك والده لازم يكون معك.،
شهد : طيب وش رايك بعد مارتاح من العملية نسافر انا وانتي وخالد يومين ونرجع.،
غزل : لا ياقلبي ماح باكون عذول.،
شهد تضربها : عذول وين والسفره كلها عشانك.،
غزل : مابي.،
وجلست تشرب قهوتها : وش بتسوين ولدك مشعل؟!.،
شهد : اذا بتسمين خالد.،
غزل : ههههههههه يادبا خذيه ان مشعل اخوك مو .،
شهد : مو وشو؟!.،
غزل تمد لها لسانها : دب.،
شهد : ماباقي شي على الفاينل ماودي اداوم.،
غزل : خلاص كله اسبوع وبعده فاينل والله شكلي بجيب العيد مو طالعه الا محملة مواد.،
شهد : ليه لا ان شاء الله.،
غزل : مدري مره حايسه وتشوفين اذا ماطلعت اقل شي بمادتين محملتهم نفسيتي زفت مالي خلق دراسه.،
شهد :طـيـ.،
قاطعهم مشعل الي دخل : سلام.،
شهد ابتسمت : وعليكم السلام.،
غزل صدت صار وجهها جهة شهد : ................
مشعل يقدم لهم لين صار واقف قدام غزل يعني غزل ماتقدر تقوم الا لمى يوخر عنها شوي.،
مشعل يبتسم : كيفك؟!.،
شهد : الحمدلله أنت كيفك؟!.،
مشعل : الحمدلله.،
طالع بغزل وابتسم : كيفك؟!.،
غزل مو قادره ملتفته جهة شهد عشان ماتقابل مشعل وماتقدر تنزل من على السرير الا مشعل يبعد شوي.،
شهد ابتسمت : انا بقوم اصلي ماصليت.،
غزل ترفع حاجبها :...........
شهد تبتسم وهي منسدحه : ماصليت.،
غزل مهي قادره تتكلم تحس صوتها اختفى.،
شهد نزلت من الجهه الثانيه لسرير.،
وغزل رجعت على وراء عشان تنزل زيها.،
بس مشعل مسك يدها.،
غزل طالعت بيدها الي ماسكها ورفعت نظرها له.،
كان يطالع بشهد الي مستعجله بخطواتها عشان تتركهم على راحتم.،
التفت لها وابتسم قال بحركة شفايفه : اشتقت لك.،
غزل الي على السرير وطالع فيه تبلع ريقها.،
وترخي نظرها.،
رفعت نظرها طالعت فيه.،
وطالع يمينه ويساره نظراتها مشتته.،
قامت من مكانها.،
تحاول تسحب يدها منه الي من اول ماسكها ومازال ماسكها.،
مشعل : مشتاق لصوتك بسمعك.،
غزل مهي قادره تتكلم تبي تمشي حاسه جسمها مافيه القوة الي تقاومه وتدفه عنها ولا تصرخ فيه.،
بلعت ريقها : مشعل بطلع.،
مشعل يوم سمع اسمه منها.،
غمض عيونه.،
وجرها بيدها الي ماسكها وحضنها.،
غزل اول شي سكتت ثواني حاولت تبعد مشعل ماسكها.،
غزل وصوتها جدي مخنوق : مشعل بعد
مشعل حاضنها ومايتكلم.،
غزل ارخت نفسها على تحت.،
وبعدت عنه قبل لا تمشي مشعل مسكها وواقف قدامها : وبعدين!.
غزل : مشعل لو سمحت خلاص.،
مشعل : انتِ الي خلاص.،
غزل مافيها : بجد تعبانه خلاص.،.،
مشعل : تعالي نروح مكتبي شوي.،
غزل طالع فيه : مشعل بجد مافيا نقاش ابد ولا لشي مو اليوم تعباااانه بجد.،
مشعل : ترا جالس لك هنا ولا بطلع قلت لهم برا مايدخلون أحد لأن شهد عندها دكتوره بتكشف عليها.. وشهد بتصلي وعندها الصاله.،
غزل : يعني!.،
مشعل : ممكن نروح المكتب شوي بس.،
غزل طالع فيه : ليه؟!.،
مشعل : تعالي وتعرفين.،
غزل : مابي.،
مشعل : غزل ممكن بهدوء نروح مكتبي.،
غزل فاهمته انه مايبي احد يجي ويشوفهم بذا الحال..تنهدت : اجيب عباتي.،
ودخلت الصاله لبست عباتها وحطت المسفع برقبتها واقفه ماتبي تضعف له.،
ومافيها تعصب عليه ولا تقاومه مشتاقه له وتعبانه نفسيا محتاجته.،
مشعل فتح الباب وابتسم : كل ذا لبس عبايه!.،
غزل طالعت فيه.،
.،

























بـــــــــيــــــــــــــت ابــــــــــو ع ــبــــــــــد العــزيــــــــز.،
حصه : كان ماجيتوا قلتوا بنروح يوم وليله من شهر.،
سلطان يبوس راس خالته : هههههههههه عاد الله يهداك شهر كلها كم يوم.،
حصه : ها ست عبير اعتمدتي على نفسك ابنتك ولا لا؟!.،
عبير ابتسمت : افا عليك كل شي اعرف اسويه لها.،
حصه : ايه ودليل بنتك ماصارت تبي ترضع الا رضاعه.،
عبير : يمه والله احسن لها مو لازم طبيعي خلاص.،
حصه : وشو احسن! فيك مرض يوم ماترضعينها من صدرك؟!.،احد يعوف نعمة من ربي أنت.،
عبير تقاطعها : يمه تكفين لا تزعلين خلاص كذا ولا كذا ماراح ترضى وش اسوي!.،
.،

























بالمـــســتــــشـــــــفـــــــــــــى.،
مكتب مشعل.،
غزل دخلت مكتبه حطت المسفع برقبتها.،
جلست على الكرسي الي قدام مكتبه.،
ومشعل جلس قدامها.،
مشعل بعد ماجلس طالع فيها وابتسم بحزن : تذكرين؟!.،
غزل طالعت فيه وطالعت بكرسي المكتب الي جلست عليه.،
مشعل قام وجلس على الطاولة الصغيره الي كانت بينهم.،
: اشتقت لك.،
غزل تبعد نظرها عنه.،
نظراتها مرتبكه مشتته.،
مشعل مسك يدها وباسها : اشتقت لكل شي فيك.،
غزل تسحب يدها بهدوء :..............
مشعل : ماكفاك بعد.،
غزل تاخذ نفسها : مشعل أنت عـ..
مشعل يحط يده على شفايها : وأنتِ عارفه اني مابرضى.،
غزل : بس ذا شي يخصك ويخصني.،
مشعل : تمام وأنا مو راضي.،
غزل : وانا بعد مو راضيه.،
مشعل ابتسم : يعني اتفقنا.،
غزل ماتبي تبتسم تبعد بنظرها عنه وترجع طالع فيه.،
تتنهد.،
تحس بألم بقلبها.،
غزل : مشعل بجد تعبانه.،
قامت.،
مشعل وقف : وين؟!.،
غزل : ولا مكان.،
مشعل شافها طالعه.،
مشي لها وحط يديه حولين خصرها.،
وصار يرجع على وراء ويسحبها معه.،
غزل تحط يدها على يديه : مشعل بطلع مشعل.،
مشعل يسحبها .،
غزل : مشعل لو سمحت بطلع مشششعل.،
مشعل وصل لسرير المرضى رفعها وجلسها عليه ووقف قدامها.،
غزل تصد عنه .،
مدت بوز : قلت لك بطلع.،
مشعل يطالع فيها ومد زيها يقلدها وباس خدها.،
غزل رجعت على وراء .،
مشعل : قولي ماشتقتي لي!.،
غزل تبعد نظرها عنه.،
مشعل وهو واقف قدامها مسك وجهها بين ايديه : طالعيني.،
غزل مغمضه عيونها.،
مشعل يبوس خدودها.،
غزل تبعد وترجع على وراء : مشعل بعد خلاص بنزل لو سحمت.،
مشعل يعلي السريـــر شوي.،
ويبعد الدرجه الي تطلعين لسرير منها ويجلس جمبها.،
غزل طالع فيه.،
وطالع بالمسافه مو عاليه مره .،
تضغط بيدها على السرير عشان بتنط.،
مشعل حط يده على كف يدها.،
غزل خلاص مو متحمله تصرخ عليه ولا تقسى عليه محتاجه له ودها تشكي له منه.،
مشعل يحط يديه من وراها ويضمها لصدره.،
وغزل ماقالت أي شي سكتت.،
وتركت دموعها تقوله وش كثر تعبانه وتشكي لها ضياعها واحساسها التايه.،
.،

























ع ـــــــــنـــــــــــــد شـــــــــــهــــــــد
بــالــ غ ــــــرفــــــــة.،
العنود : وش القصه خالد توه طالع من عندك وغزل عند مشعل.،
شهد تبتسم لها وتاخذ من جمبها قاروره الموية : ذي القصة.،
العنود : وجع زين.،
نوره : بس وراعين منتم حريم.،
العنود : شوفيها كل ماقلت لها شي عن ولدها اعطتني على راسي.،
شهد : لحد يصدق براءتك بس.،
دق الباب ودخلت غزل.،
: سلام.،
نوره + العنود + شهد بأصوات متفاوته: وعليكم السلام.،
غزل تسلم على خالتها والعنود وتفصخ عباتها وترميها على سرير شهد وتجلس.،
نوره : وين كنتي شنطتك جوا؟!.،
غزل طالع فيها.،
ابتسمت.،
: ر..رحت أيـوا رحت للكفتيريا ابي قهوه بس مالقيت ورحت دورت عمي من زمان عنه وجيت.،
نوره : اهاا.،
غزل طالع بشهد عارفه انها تورطت ماكانت تدري ان في احد بالغرفه.،
دق الباب.،
ودخلت روان.،
روان : سلام.،
غزل وقفت ونطت : ياهلااااا والله .،"وراحت لها وسلمت عليها" وحشتيني.،
روان تبتسم : وأنتِ اكثر وربي.،
غزل استحت وبعدت عشان تسلم.،
سلمت على نوره والعنود وشهد.،
وجلست.،
روان : الحمدلله على السلامه ومبروك ماجاك.،
شهد : الله يسلمك يارب ويبارك فيك.،
روان : كيف حالك ياخالتي؟!..،والحمدلله على سلامة شهد.،
نوره : الله ييسلمك أنتِ كيف حالك وش اخبارك؟!.،
روان : الحمدلله يمكن ماتعرفيني أنـا مرة مسـاع ـد صاحب مشعل.،
نوره : حياك الله يابنتي وشلون ماعرفك مشعل قالي انكم بتنورنا.،
غزل : كيفك؟!.،ايش اخبارك؟!.،وربي مرره وحشتني.،
روان تبتسم : الحمدلله وربي أنتِ اكثر وين اختفيتي.،
غزل تقوم من على سرير شهد وتاخذ دلة القهوة وتصب لخالتها.،
وبعدها لروان ولشهد والعنود.،
وهي تقولها : والله رقمي راح وماعندي رقم ولا احد عشان كذا.،
.،
بـهـذا اليوم.،
رجعت ع ـبير ووجد بيتها.،
شهد طلعت من المستشفى على بيت اهلها.،
روان وغزل تبادلوا ارقام بعض وتواعدوا بطلعه مع بعض.،
.،

























بــــــــيــــــــــــت فــــــــــهـــــــــــــد.،
بغرفة غ ــــــــــــزل.،
قلبت الدنيا تدور رقم لأحمد مكتوب على ورقه ولا على أي شي مالقيت.،
طلعت جوال لها قديم اول مشعل ماسافر.،
ودورت شاحنه وشحنته ودورت فيه مالقيته.،
: اوووف وين راح!.،
قامت على سرير اخذت جوالها فتحت محادثة حسناء بالبي بي.،
متردده تطلب منها الرقم.،
اتذكرت هي الي سجلت لبوها الأرقام بجواله.،
ويوم سجلتها اخذتها من جواله القديم.،
قامت راحت لغرفته وفتحت الدرج الي يحط فيه الشاحن ولقت الجوال اخذته وفتحته ولقيت الارقام مسجله على نفس الجهاز على طول سجلت الرقم وقفلت الجوال ورجعته مكانه.،
وطلعت.،
دخلت غرفتها.،
جلست على السرير.،
تطالع بالرقم متردده تتصل ولا لا.،
خايفه!.،
مشعل طيب!بس هو وش دخله؟!.،طيب احمد كيف بتكون ردة فعله؟!.،وش بيقول؟!.،
قامت وقفت قدام المرايه.،
طالع بنفسها اخذت نفسها وطلعته بقوى.،
: وش صار فيك ياغزل!ووش سويتي بناس!.،
حطت الجوال وطلعت من الغرفه.،
.،

























بـــــــيـــــــــــــــت ع ــــبـــــــــــــــــد الله.،
العنود : أنـا اقول عشان نوفر نسوي سلامة عبير وشهد بيوم واحد.،
شهد : لا والله !.،احلفي بس!.،لاصارت من فلوسك تكلمي.،
العنود : يمه اكلتني ان عشان مصلحتك!.،
شهد : ين مصلحتي بالموضوع كله وبعدين سلامتي وانا ماخلصت 40 ارتاحي بس.،
نوره : عنود قومي جيبي حفايظ لولد اختك.،
العنود : اقول سموه واخلصوا اخرها كل ماسلمت عليه حرمه وسألت وش اسمه بيقولها سمينا بنفسك.،
شهد : ههههههههههههه انقلعي.،
العنود : حلوه صح قولي حلوه ادري انها حلوه.،
شهد : هههههههههههههه
نوره : ههههههههه روحي جيبي يلا عاجبك الورع جالس كذا.،
العنود : طيب رايحه.،
.،

























ع ـــنـــــــد غ ــــــــــــزل.،
دخلت غرفتها .،
جلست على السرير.،
طالع بالفراغ متردده.،
قامت وزادت برودة المكيف.،
تعطرت.،
حطت ليدينها كريم.،
مسكت جوالها شافت الساعه كم.،
ورجعت حطته على التسريحه.،
مستصعبه انها تكلمه.،
بس مو عارفه كيف تعتذر منه وتوضح له.،
ولا عارفه كيف تنصحه يرجع عن الشرب ويسامحها.،
كل ماتتذكر مشعل تبطل تتصل.،
رجعت واتذكرت احمد وكيف يوم جاء البيت وهو سكران وكيف مشعل ضربه.،
اتصلت عليه.،
كان جالس بإستراحه من اصوات الرجال ماسمع جواله.،
غزل تنهدت براحه .،
الحمدلله مارد ياويلي وش بقول!.،
بس لازم اكلمه.،
فكرت ترسل له رساله بس تراجعت ورجعت اتصلت مره ثانيه.،
أحمد : ألـو.،
.،

























يـــــــــــــــــوم ج ــــــــــــديــــــــــــــــد.،
بــــيـــــــــــت ع ــبــــــــــدالله.،
شهد : رقمها بأسمها.،
مشعل : متى طلعته؟!.،
شهد : مدري بس اول ماطلعت من المستشفى وبدت تطلع وتداوم.،
مشعل : اهاا.،
نوره دخلت الصاله : انت هنا قلت لختك تناديك من فوق.،
مشعل :لا هنا امري.،
نوره : لا تنسى تتصل على الطباخ تأكد عليه 10 ونص يكون جايبه.،
مشعل : ان شاء الله.،
شهد : الا صح يمه تركي وش اخباره من زمان عنه؟!.،
نوره : اليوم تجي حصه واسأليها.،
مشعل : لا انا قريب مكلمه بينزل اجازه قريب بس متى بضبط مدري.،
شهد : والله حركات تروك الله يوفقه.،
نوره : امين.،
مشعل : آمين يارب.،
.،