ربعت وجلست
غزل مهي الشاطره العبقريه ولا دافوره بس هيا مهي قادره تحفظ
مهما طولت ومسكت الكتاب ماتقدر تخلص لو ربعه ومرررره تطول
بالحفظ ولو جلست كذا بتحمل اكثر من مادة غير الماده الي هي
متأكده انها حملتها.،
مسكت الورق تحاول ما تبكي.،
بس ماقدرت.،
حاسه نفسها مخنوقة.،
قامت دارت بالغرفه اتعطرت جلست على السرير.،
ماحست بنفسها الاودموعهاعلى خدها.،
رمت نفسها على مخدتها وجلست تبكي يمكن ترتاح شوي من الي تحسه
بداخلها.،
.،
بـــــــــيـــــــــــت مـــســــــــــا ع ــــــــــد وروان.،
بــالـصــــــالـه.،
مسـاعد : اوف متحمسه لطلعه لبعد اسبوع.،
روان : أي احب اطلع مع غزل.،
مساعد يبتسم : وليه ماتتحمسين لطلعات ثانيه كذا.،
روان : مدري والله بس معاها كذا انبسط ونتكلم ياخي ارتاح معها بس.،
مساعد يحط يده وراء خصرها ويقرب منها : الله الله ذا كله فيها.،
روان تبتسم وترجع على وراء شوي : وشو غيران؟!.،
مساعد يقرب وجهه منها : مايحق لي وانا عندياك.،
.،
بــــــــيــــــــت ع ـــبـــــــد الله.،
غزل طلعت من الغرفه بتنزل تحت.،
حست بدوخه ووقفت بدرج عشان لو نزلت ماطيح.،
مشعل الي جالس بصاله قدام الباب يشوف الي ينزل من الدرج.،
شاف غزل وقام.،
طلع من الصاله ووقف قدام الدرج.،
مشعل : غزل فيك شي؟!.،
غزل تبتسم : لا بس جالسه اتذكر وين جوالي عشان اذا بالغرفه اجيبه قبل لا انزل.،
مشعل ابتسم : يلا تعالي.،
غزل نزلت وهي ماسكة بالدرابزين وبنفسها ..كل يوم انزل الدرج
ذا واحس بنفس الودخه واوقف نفس الوقفه ولا احد سألني معقول لآنه يحبني وذا شي نابع من الحب.،
تنهدت ونزلت اخر درجتين.،
غزل بتضيع السالفه ونظرات مشعل : جاء الاكل؟!.،
مشعل : أي ياقلبي.،
غزل تدخل الصاله.،
وتجلس على الكرسي بتعب.،
شهد : يااهلين ها وين وصلتي.،
غزل بسخريه من نفسها : محاضره ثانيه من ساعه 2 الظهر لـ 10 بالليل بمحاضره وحده.،
العنود : غزل طيب حاولي تقري تفهمي مو لازم تحفظي.،
غزل : ومين قلك اني احفظ نصاَ وربي احاول افهم الشي الي اتوقع انه مهم والباقي كله قرايه بس يوم ارجع اسمع نفسي القى مافي كلمه ولا حرف بمخي اقول يمكن معرف اسمع نفسي اكتب بورقة نفس الشي اجلس ساعه ماسكه القلم مو عارفه اكتب شيء اسمع بقلبي من غير صوت ماينفع وانتي شفتي بنفسك يوم ناديتك تسمعيني مافي ولا جملة قادره اقولها.،
مشعل : طيب لا تحطين ببالك انك مو قادره تحفظين خلي ببالك اني بتحلين وانه بتخلصين.،
غزل تميل راسها لمشعل وهي مريحه على الكرسي : مشعل كل الكلام ذا وربي جربته وربي يعني ياناس تزيدوني على الي انا فيه يعني بالله عليكم لو حاسه انه في حل ماسويته خلاااص تكفون وين الأكل باكل بسرعه وانام لو ساعه.،
العنود قامت: الحين اجيبه.،
شهد : توقعتك بتجوعينا اكثر زي أمس.،
غزل : ماكلتوا؟!.،
شهد : لا.،
غزل : ياربي قلت لكم لا تستنوني.،
جات العنود وجابت الفطاير.،
غزل تاخذ العلبه وتجلس على الارض جمب الطاوله : شطوره جبتيه بسرعه.،
العنود تجلس على الأرض وتحط علب الفطاير وبيبسي ومويه لهم على الطاوله(طبعا طاوله مو طعام طاولة الي بصاله العاديه لصحن حلاوه او تحف او مزهرية الي بنص الغرفة).، : شفتك قبل امس يوم اتأخرت سويتي شي بس خليني ساكته.،
غزل : النار ماتحرق الا رجل واطيها يابنت خالتي.،
العنود تعطيها البيبسي : والله حاسه فيك بس مابيدي شي.،
غزل اكلت قطعة زعتر.،
ووشربت جغمتين بيبسي.،
واكلت قطعة بيتزا.،
وقامت وانسدحت على الكنبه الكبيره.،
غزل اعطتهم ظهرها بس لفت راسها : احد يعطيني جواله.،
العنود تعطيها جوالها وهي جالسه على الارض تمد نفسها لها : خذي.،
غزل تاخذه: بعد ساعه ارجعـه لك.،
دخلت الشغاله : مدام ئــزل جاب اغراض نصيف.،
غزل بنفس وضيعتها معطيتهم ظهرها بس لافه وجهه لهم (يعني نايمه على الكنبه وجسمها ووجهها للكنبه بس هي لافه وجهها تكلمهم).، : اوكي حطيها هنا.،
مشعل حاس نفسه ضايع مو غزل بس اسبوع غاب عنها حتى اقل من اسبوع ايش صار لها : اغراض ايش؟!.،
مشعل شاف ان الاكيس كيس صيدليه.،
غزل : ادويه فيا لوز.،
ولفت وجهها بتنام.،
وهي لافه وججها وجسمها : عنود عطيني شرشف الي جمبك.،
اعطتها العنود الشرشف وغزل تلحفت فيه وحطت الجوال ونامت.،
مشعل مستغرب.،
شهد حست فيه واشرت له ياكل.،
مشعل الي اتعذر وجلس جمب العنود عشان يشوف كيف الادوية.،
شرب موية.،
واخذ كيس الادويه وشافها.،
كانت (مضاد حيوي كبسولات..ومسكن بروفينال..وبنادول..وبندول كولد اند فلو).،
مشعل حط الكيس.،محتار مو فاهم شي وش الي غير غزل فجأه وكيف عرفت الادويه ذي
وليه مهي قادره تذاكر!!.،
.،
بـــــــيـــــــــت ع ـــــبـــــيــــــر الـســلطـــــــان.،
عـبـير شالت جود وبتدخل الغرفه .،
سلطان : وين؟!.،
عبير : لا تخاف مابموتها امك توها مروشتها ومأكلتها بحطها بسرير ولا تبي ارجع خالتي اقولها ياليت تحطين بنتي بسريرها.،
سلطان يرفع حاجبه : احشمي نفسك وانتي تتكلمين على امي.،
عبير طالعت فيه (واشرب له بيدها كأنها تقوله (ياشيخ روح) : ودخلت غرفة النوم .،
وقفلت الباب.،
.،
بـــــيــــــــــت أبــــــو ع ــبـــــد الله.،
مشعل طلع جاب أمه من بيت سلطان ورجعوا.،
نوره : من الي مطفي نور الصاله الحين؟!.،
مشعل : غزل نامت.،
نوره : اها نومه العافيه وين شهد؟!.،
مشعل : مدري يمكن تذاكر.،
نوره : الله يوفقهم.،
مشعل : اللهم امين ..وين طالعة يمه مابتتعشين؟!.،
نوره : لا اكلت بيت اخوك بطلع انام صاحيه من بدري.،
مشعل : بالعافيه تصبحين على خير.،
نوره : الله يعافيك وانت من اهله.،
طلعت نوره لغرفتها ومشعل دخل الصاله بيشوف غزل.،
كانت نايمه صار لها ساعتين.،
يوم جاء يطلع دق جواله.،
غزل حست وتحركت بسرعه.،
مشعل الي كان بيطلع بسرعه بيقفل جواله حس انها تحركت.،
طلع برا قفل الجوال.،
ودخل بيطمن على باله انها رجعت نامت لآن مامداه دق.،
بس شاف غزل منسدحه بس تدور!!.،
كانت تدور الجوال.،
قامت جلست وترجع شعرها على وراء مهي لاقيه الجوال.،
مشعل : غزل فيك شي؟!.،
غزل طالع عند الباب : شغل نور بالله.،
مشعل يمشي ويفتح نور : اشبك؟!.،
غزل تعقد حواجبها من النور وتدور الجوال : كم الساعه ومن قفل النور؟!.،
مشعل : انا قفلته عشان تنامين وترتاحين.،
غزل لقيت الجوال داخل تحت الجلسه وشافت الساعه 12.،
غصبن عنها نزلت دموعها.،
مشعل خاف انها شافت شي بالجوال زعلها مشي لها : اشبك؟!.، وش صاير؟!.،
غزل تبكي.،
مشعل يجلس جمبها : وش فيه غزل؟!.،
غزل : ليه ماقومتوني وقت تأخر.،
مشعل : كل الي نمتيها ساعتين.،
غزل : طيب.،
وقامت وهي تبكي طلعت فوق.،
دخلت الغرفه جلست على السرير.،
حاسه نفسها مخنوقه.،
ومهي قادره توقف بكى كل ماتقنع نفسها انها ليه تبكي .،
ترجع وتبكي اكثر.،
قامت ودخلت الحمام غسلت وجهها وغيرت ملابسها.،
وطلعت اتعطرت.،
جلست على السرير.،
ياربي مني قادره اذاكر يارب لو اقدر امسكه بس شوي.،
قامت ومسكت الملزمه لسى بالمحاضرة الثانية
تنهدت.،
فتحت اول صفحة بالمحاضره تحاول تراجع مافي بمخها ولا شي.،
نزلت على الارض وسندت ظهرها على السرير.،
وتحاول ترجع تحفظ.،
مهي قادره تحس بضيقه والم بقلبها تحس نفسها مخنوقة.،
جلست تبكي وهي ماسكه الورق.،
مشعل دق الباب ودخل.،
شافها جالسه على الارض صك الباب وراح جلس جمبها.،
مشعل : غزل اشبك؟!.،ترا كل الي نمتيها ساعتين.،
غزل تمسح دموعها وترجع شعرها على وراء : ادري والله.،
مشعل يمسك كف يدها : اجل اشبك؟!.،وش الي يبكيك؟!.،
غزل تاخذ نفسها وطلعه بقوه : ولا شي.،
مشعل : وشو ولا شي انا ابي افهم اشبك؟!.،
غزل : ولا شي.،
مشعل : انا مااسألك عشان تقولين لي ولا شي.،
غزل : طيب.،
مشعل يتنهد : غزل حبيبتي بس فهميني.،
غزل رجعت تبكي : انا مخنوق هانا مدري وش فيني احس بضيقه بصدري ونفسي اخذه بتعب واطلعه بتعب مشعل احس شي على صدري مو مريحني ولا قادره حتى اذاكر ولا احفظ فيني شي موتني متعبني انا الحين محمله ماده ومتأكده ماحليت ولا شيء والماده ذي من امس عليها مشعل ماخلصت والحين مو طايقه مو طاايقه.،
وجلست تبكي.،
مشعل يحط يده وراء ضهرها ويحط راسها على صدره : بسم الله عليك ياقلبي.،
غزل تبعد عنه ترفع رجولها عند صدرها وترجع شعرها على وراء وتضم رجولها بيدينها على صدرها : خلاص مشعل خليني.،
مشعل : اخليك!.،
غزل تحاول تعدل صوتها : أي.،
مشعل : طيب خليني اجرب اذاكر معك.،
غزل عيونها امتلت بدموع : والله مابينفع صدقني كل شي جربته.،
مشعل : ماجربتي معي يلا.،
غزل نزلت دموعها .،
مشعل يمسح دمعتها ويمرر اصابعه على خدها : انسي الزعل الحين يلا.،
مسك الملزمه : بس ذا؟!.،
غزل : لا انا مفككتها عشان ماحسها كثيره.،
مشعل يتعدل بجلسته ويشوف فوق سرير دفتر ومرسام سحبها.،
وربع بجلسته : ياحياتي..يلا.،
غزل تنهدت وجلست وحاولت تحفظ مع مشعل.،
جلس ساعتين ونص يحاول يحفظها او يفهمها.،
بس غزل ماقدرت تحفظ لو تعريف واحد..
مشعل مو مستغرب وبس منصدم من غزل قبل كذا كان يذاكر لها مستحيل يقراء لها يحاول يفهمها يشرح لها يبسط لها المعلومه يحاول يخليها لو تفهمها بس وتشرحها له بفهمها بس غزل كل ماحاول يقول لها شي يبيها تعيده او يحاول يفهمها يحس ابدا مافي ولا شي ببالها.،
غزل ترجع راسها على السرير وترجع ترفعه.،
حطت يدينها على عيونها : ياربي.،
مشعل : اشبك؟!.،
غزل : عيوني تحرقني بقوم اجيب بندول وموية واجي.،
مشعل يحط يده على فخذها : اجلسي انا اتصل عليهم يجيبون.،
جلس مشعل يحاول الف مره يخلي غزل تقدر تذاكر او تحفظ او حتى لو تفهم بس من غير حفظ بس عجز.،
بعد ساعتين.،
شاف غزل عصبت.،
مشعل : اسمعي الحين انسدحي بسرير واجبلك عصير واجلسي اقري بس اقري قراية.،
غزل : باقي اقل من 3 ساعات على الاختبار.،
مشعل : عشان كذا على الآقل اقري.،
قام وقف.،
وهي لمت كل الاوراق وجلست على السرير.،
مشعل جلس على ركبه قدامها.،
مسك يدها : لا تضايقين كل شي ربي كاتبه انتي سويتي الي عليك والي ربي كاتبه بيصير.،
غزل تنهدت : الله يعين.،
.،
يـــــــــــــــوم ج ــــــــديـــــــــــــــد.،
بـــيــــــــــــــــت أ ح ـــــمـــــــــــــد.،
حسناء : الحمدلله.،
احمد : خلاص خلصتي؟!.،
حسناء : لا بعد بكرا.،
احمد : الله يوفقك..الا ماشفتي غزل؟!.،
حسناء : لا والله من اول الاختبارات ماشفتها مره.،
احمد : اها.،
.،
بـــــيـــــــــــت أبـــــــــــو ع ـــــــبد الله.،
العنود : ياسلام انتم تخلصون وانا ابدا.،
شهد : ههههههههه تهون ان شاء الله.،
العنود : وين بابا صاير مره مايجي.،
شهد : ايه ماسمعتيه امس على الغداء يقول مره مشغول.،
العنود : مشتهيه اكله بس مدري وشو.،
شهد : من برا؟!.،
العنود : مدري كذا اكله مدري وشو.،
شهد : انا مشتهيه انام وبس مره تعبانه.،
العنود : طيب نامي.،
شهد : أي بنام واصحى على 12 اذاكر.،
العنود تقوم : اجل انا بطلع بجلس على الاب شوي وبعدها اذاكر.،
شهد : طفي النور معك.،
العنود : اوكي (طفت النور وراحت اخذت لها عصير وطلعت غرفتها).،
.،
الـــســــــــــــاع ــــــــــة 8 الصباح.،
بـــــيــــــــت أبـــو ع ـــبدالله.،
شهد : اشبك؟!.،
غزل تعبانه لابسه تنوره سوداء وبلوزه سوداء ومخليه شعرها مفتوح
ومو حاطه غير كحل اخضر وقلوس وردي ماسكه الكتاب وباين عليها
تعب وجمود مافي أي تعبير على وجهها : ولا شي.،
نوره : افطري خلي الكتاب عنك الحين.،
غزل : مو مشتهيه مرره.،
نوره : لو لقمتين.،
غزل : والله خاله مافيا بطني يغوش واحس نفسي بطلع الله يكرمك.،
قامت : بروح اجيب شنطتي واجي.،
.،
بــــــيـــــــــــت ع ــــبــــد الــ ع ـــــزيز وأريـــــــــــــج.،
الـســــــــاع ــــــة 9 الصباح.،
اريج تحط الفطور على طاولة طعام .،
أريج حطت الصحون الي بيدها : هههههههه أي تعودت على الدلع.،
عبد العزيز وهو جاي لطاولة يحط يدينه على خصرها وهو وراها ظهرها له ووجهها على طاولة الطعام.،
: وانا اتعودت على الجلسه معك طول اليوم.،
اريج : هههههه ياحبيبي والله احلى شي عندي.،
عبد العزيز يجلس واريج جلست : متى بتجي عبير اليوم؟!.،
اريج : مدري يوم كلمتها تقول انتي تعالي للحين مدري عن عبير.،
عبد العزيز : قوليلها بلا دلع خليها تجي الحين تتعذر تعبانه ومدري وشو.،
اريج تأكله : هههههههه مدري عن عبير.،
.،
بــــــــــالــ ج ـــــــــامــ ع ــــة.،
الـســـاع ـــــة 11 ونص.،
شهد : يالله أخيراً خلصنا.،
غزل تبتسم بس باين التعب والحزن عليها : الحمدلله.،
شهد : مشعل عازمنا على الغداء وكلمت خالد يجي.،
غزل ماهي طايقه تروح بس ماتبي تسدها بنفسهم صايره بس تبي تكون لوحدها : طيب.،
شهد : ماتبين!.،
غزل : لا عادي يو بروح اجيب لي مويه اجبلك!.،
شهد : لا مابي.،
دخلت غزل الكفتيريا.،
واشترت لها مويه وهي طالعه كانت تدخل محفظتها بشنطه وبيدها الثانيه مو منتبهه وهي طالعه للي داخل الكفتيريا.،
موده بفرحه: يـــا أهلـــيـــن.،
غزل طالعت وابتسمت : ياهلا والله.،
وسلموا على بعض.،
موده : وينك ماتنشافين!.،
غزل : انتي الي وينك خدمتك بالبي بي مفـصـوله وهنا مره ماشفتك من بدت الاختبارات.،
موده : يوم اطلع مالقاك يادبا وحشتيني أي صح قبل لا انسى غيرت البي بي خذي بني الجديد.،
غزل تطلع البي بي حقها وتعطيها : خذي ضيفي نفسك مافيا.،
موده تاخذه : هههه الكسول.،
وموده تضيف بنها دق جوال غزل كانت شهد.،
موده : شهد .،
غزل تشرب مويه : ضيفي والحين نروح لها اكيد جاء.،
على ماضافت موده وطلعوا من الكفتيريا.،
غزل تتصل على شهد : هلا وينك......ها!......ليه طيب!.....يعني بتقنعيني مو اتفاق.....شهد!.....خلاص طيب باي.،
موده : اشبك؟!.،
غزل : راحت وسابتني.،
موده : طيب تعالي انا اوصلك.،
غزل : لا في برا بس قصدي مو مع بعض بنروح.،
موده : اها.،
غزل تسلم عليها : يلا ياقلبي لازم اطلع لا اتأخر.،
موده : اوكي ولازم نشوف يوم نطلع فيه.،
غزل : أي أن شـاء الله.،
راحت غزل لبست عباتها وطلعت وهي عارفه انها من يوم تخلص اختبارات راح يبدون بأسلحتهم عشان يرجعون غزل لمشعل.،
الي صار ان خالد ومشعل اتفقوا انهم يطلعون البنات يتغدون بعدين قالوا كل واحد يروح الجامعة ياخذ مرته ويطلع معها شهد ماكان لها دخل بالموضوع خالد وصل واتصل عليها وقلها تطلع وان غزل بتروح مع مشعل تتغداء يبونهم يجلسون مع بعض.،
ركبت ...وهي تصك الباب: سلام.،
مشعل يبتسم : وعليكم السلام.،
انتظرها لين تعدلت بجلستها.،
مسك يدها : كيف اختبارك؟!.،
غزل مخليته يمسك يدها بس ماهي مبادلته الاحساس ولا شدت على يده كأنه ماسك جثه.،
غزل : الحمدلله.،
مشعل شاد على يدها ويحرك صباعه على كف يدها : الحمدلله وخلصنا السنه ذي.،
غزل طالع بطريق قدامها : اممم.،
.،
بــــســـــيـــــــــارة خ ــــــــــالـــــد~
شهد : حرام والله شكل غزل زعلت.،
خالد : لمصلحتها.،
شهد : بس انت عارف غزل ماتحب كذا وبعدين مو اليوم هي مرره تعبانه.،
خالد : شوفي لنا فتره قلنا بسفر ابوي تتقرب من مشعل بس ماصار شي بيكمل شهر وابوي ماجاء.،
شهد : يعني عمي راح عشان غزل؟!.،
خالد : هو صح في شغل له وله اوراق يبي له يخلصها بس كان يقدر يرسل احد او انا اروح هو متفق مع مشعل.،
شهد : أهـا والله مدري انا كل يوم ازيد جهل بغزل بدل ماعرفها.،
خالد يمسك كف يدها ويرفعه له ويبوسه : خلينا من غزل متى ترجعين خلاص ماعاد اتحمل.،
شهد : ياحبيبي انت خلاص والله اسبوع وارجع.،
خالد : انا قلت بتقول اليوم.،
شهد : ههههههه والله بس بجلس مع غزل بعد الاختبارات ويومين كذا وارجع.،
.،
غ ــــــــزال المـــشــــ ع ـــــــــل.،
وصـلــوا للمطـ ع ــم.،
مشعل يقفل السياره ويفتح الباب بينزل.،
غزل تنهدت وفتحت الباب ونزلت.،
وقفت شوي.،
بعدين صكت الباب.،
ومشيت خطوتين تنتظر مشعل عشان يدخلون.،
مشعل قـفـل السياره وجاها : يلا.،
غزل تتلفت : شكلهم ماوصلوا.،
مشعل يمسك يدها .،
دخلوا.،
استقبلهم الجرسون.،
مشعل: وين تبين نجلس؟!.،
غزل : عادي.،
مشعل يأشر لها بنظره : وش رايك هنا!.،
غزل : ماشي.،
دخلوا وحط لهم الجرسون البارتيشن.،
غزل تتعدل بجلستها.،
توها بتفك طرحتها رجع الجرسون وجاب لهم المنيو.،
يوم طلع غزل فكت طرحتها.،
وخلتها برقبتها.،
سحبت الشباكه ورمتها على الطاوله.،
ترجع شعرها على وراء.،
وتمسك راسها.،
مشعل : يعورك؟!.،
غزل تكذب : لا.،
مشعل يتعدل بجلسته ويسند نفسه على الكرسي وماد يده على الكرسي الي جنبه.،
ورجع سند راسه على يده.،
ويتأمل غزل.،
غزل ارتبكت.،
حاولت تصد حاسه بنظراته لها.،
ارخت راسها.،
رجعت شعرها على وراء.،
طالعت فيه.،
ابتسم ابتسامه بسيطه مره.،
رجعت صدت.،
نظراتها مشتته .،
بلعت ريقها : امم ط..طولوا صح!.،
مشعل عقد حواجبه : من؟!.،
غزل طالع فيه : شهد وخالد.،
مشعل يعدل جلسته "فهم انها فاهمه غلط وتحسب انه بس كل واحد بسياره" : خالد مشتاق لشهد ويبي يطلع معها.،
غزل : اهااا.،
مشعل شافها كيف راخيه راسها.،
وهو جالس على الكرسي قدم جسمه شوي على الطاوله ورخى راسه شوي : مـثـل ماأنـا مشتاق لك.،
دق عليهم الجرسون.،
غزل لبست طرحتها واتغطت.،
مشعل : وش مشتهيه؟!.،
غزل : مالي نفس بشي بس ابي مويه.،
مشعل طالع للجرسون : 5 دقايق واقولك الطلب.،
طلع من عندهم الجرسون وقفل البارتيشن .،
مشعل يمسك يدها : يلا اختاري.،
غزل : والله مو مشتهيه.،
مشعل : أنتي عارفه ان ذا الكلام مايمشي معي.،
غزل : بس انا مابي.،
مشعل يطالع فيها.،
غزل صدت عنه وطالع بالمكان ورجعت طالع فيه : طب مالي نفس.،
مشعل : يمكن تنفتح نفسك يلا.،
غزل تنهدت .،
مسكت المنيـو قلبت فيه بطفش : اطلب على كيفك بس ابي مويه الحين.،
مشعل : تامرين.،
غزل ابتسمت بتعب وابتسامة مجامله.،
دق مشعل محد جاه.،
طلع لهم.،
وغزل ماصدقت طلع فتحت شنطتها تدور مسكن.،
طلعت الجوال وحطته على الطاوله.,
لقيت بنادول.،
خلت شريط البنادول بشنطه عشان مشعل مايشوفه.،
مسكت جوالها لقت مسج فتحته.،
كان من!.،
كيفك؟!.،طمنيني عليك طول الفتره الي فاتت بالي مشغول عليك بس ماحبيت اشغل بالك.،
غزل انصدمت مره متوقعت يرجع ويرسلها ثاني لو احد قراء الرساله محد راح يفهم.،
وهي بنفسها شايفه ان ذا الشي غلط بس هي بتحاول تكفر عن غلطها معاه.،
مسحت المسج.،
دخل مشعل وغزل بان عليها الخوف.،
مشعل : اشبك؟!.،