أتصل بندر ب عبد الله أول ماوصل كان يبي يقوله عن الي صار معه في الرحله ,,
بندر : هلا عبد الله , كيف حالك ؟
عبد الله : هلا بندوور تمام اخبارك انت ياقاطع وين الغيبه ؟
بندر : بعدين بقولك بس أبيك اليوم تجيني البيت اذا تقدر
عبد الله : ايه خلاص اجيك ان شاء الله
بندر : تمام انا انتظرك

أما في الشاليه أحمد نايم ويهذي في حلمه كانه شايف كوابيس ,, وراكان ورائد ومنصور جالسين في الصاله ويحاولون يفكرون في المصيبه الي صارت لخويهم
وكيف يتأكدون من كلام هذي البنت خصوصا انها تكذب كثير بس بعد اذا كانت صادقه فأمر احمد بيكون منتهي نهايته الحجر الصحي وتدمير مستقبله

رائد : أنا لقيتها
منصور : شلون لقيتها هات قولنا ؟
رائد : عندي ولد خالتي ,, دكتور مخبري , بكلمه في الموضوع , واخليه هو يتدبر الامور
راكان : بس يا رائد اخاف اذا الولد فيه شي ,, ولد خالتك هذا يروح يعلم بالسالفه ,, وخوينا ترى ينتحر ولا احد يدري عنه أو يحجرون صحيا عليه

رائد : لاتخاف هو رجال مثلنا متحرر شوي وبيفهم علينا
منصور : طيب خلاص كلمه ,, وأول مايصحى احمد بنرجع من هذي الرحله الي كلها مشاكل ومصايب

...........
وصل عبد الله بيت بندر ,, ودخله بندر بسرعه وهو يشد يده بقوة ,, كأنه يبي ينتقم منه
عبد الله : هي يالدب شبلاك شاد يدي
بندر : أقول امشي ادخل معي وانا بعلمك

بندر : تدري انا وين كنت ؟
عبد الله : أيه ادري اتصل بي محمد وقال لي
بندر : طيب وتدري انا ليه رحت ؟
عبد الله : أيه ادري عشان غدير
بندر : وتدري يالغالي من شفنا هناك ؟ وش صار
عبد الله : لا والله مادري !! بس لازم الحين ادري وش صار ؟
بندر : شفنا احمد هناك ,, ولقانى جالسين أنا وغدير سوا
عبد الله : ههههه بالله عليك
بندر : وش يضحكك يامال الوجع
عبد الله : لان هي بتكون اكيد متصله فيه وتبي تسوي فيه هذا الشي انتقام او تحرك غيرته غدير واعرفه اكثر من نفسي

بندر : لا يالغالي هل مرة كانت فعلا صدفه
عبد الله : طيب وشصار؟
بندر : تضاربنا انا وهو
عبد الله : اوف اوف والله ؟
بندر : ايه والله ,, وكل السبب اأنت ,, انا وشو الي علقني معكم ,, بس تدري غدير شكلها طيبه

عبد الله : ههههههاي غدير طيبه ؟ والله ماحد طيب الا انت

,,,,,,,,,,,,,,
يوم صحى احمد من النوم ,, وحس بجسمه مكسر كله
خلال ثواني تذكر كلام غدير الي للحينه يرن في اذانه
نزل من على السرير وكسر كل شي في الغرفه وهو يصارخ بصوت عالي : بموووت موتي صار قريب ,, والله لاذبحك ياغدير ,,

دخلوا عليه رائد ومنصور بسرعه
رائد : احمد هدي وشفيك ؟ سمي بالله ياخوي
احمد : خلوني بحالي ,, لاحد يلمسني
منصور : هدي شبلاك ترى هي كذابه تقول هذا الكلام لان حست بانك بتتركها
احمد : خلووووني واطلعوا برا لاتخلوني الحين اذبحكم واذبح نفسي

رائد : اقول منصور خلينا نطلع الحين وبس يهدى نكلمه

طلعوا منصور ورائد وتركوا احمد بحاله هستيريه

دخل راكان الشاليه وسمع صراخ احمد والتكسير الي جاي من غرفته : شباب شفيه شصايرله
منصور : من اول ماصحى من النوم وهو على هذي الحاله
رائد : راكان انت ادخل عليه انت اقرب واحد له ويسمع منك

دخل راكان على احمد ,, بدون مايستاذنه
راكان : احمد اجلس ابي اكلمك
احمد : راكان تكفى اطلع وخلني بروحي
راكان : اجلس ابي اكلمك
احمد بصوت عالي : راكان قاعد اقولك اطلع

راكان ضرب احمد على صدره بقوة وجلسه غصب : اسمع هدي بقولك كلمتين
يا احمد شفيك انت كل هذا يصيبك من كلام وحده كذابه ,, وانت تدري انها تكذب
أحمد : ياراكان هذا ايدز ماهو مزح
راكان : طيب ,, ادري ,, بس الي قالك الخبر انسان كذاب
أحمد : شلون كذاب وهي تقولي اذا مو مصدق تعال بشوفك التحاليل
راكان : ليه ياحمد الي يسوي تحاليل ايدز ويكون حامل للفايروس يتركونه كذا يمشي ويسوي الي يبيه ,,؟ ليه مافكرت انهم بيحجرون عليه ,, عشان مايعدي ناس ثانين ؟
احمد وحس ان كلام راكان فيه شي من المنطق : ايه صح ,, بس ياخي يمكن قدرت تفلت من الموضوع ؟
راكان : طيب خلاص بتروح انت تحلل ,, وتتاكد من نفسك
احمد : أنت مجنون ؟ أروح احلل تبيهم يحجرون علي ؟
راكان : لاتخاف ,, انا متاكد ان مافيك شي ,, بس خلاص بناخذ عينه من دمك ونخلي احد بيروح ويوم تطلع نتيجه التحاليل بنقولك

احمد : خلاص موافق ,, بس الله يخليك بسرعه ترى ماعاد فيني اتحمل اكثر
راكان : لاتخاف ,, خلاص الحين بنرد لبيوتنا ان شاء الله وبكرة من الصبح ,, بنسوي كل شي

احمد : طيب ,, طيب

منصور يكلم رائد : فعلا ماحد يقدر يهديه غير راكان ,,

طلع احمد وراكان وقعدوا مع منصور ورائد وسئل راكان منصور متى يمشون ؟
منصور : الحين ان شاء الله بعد نص ساعه