شبكة همس الشوق - عرض مشاركة واحدة - روايه أحظان رومنسيه جريئه من واقعنا هذا لاتخلوا من مؤامرات البشر

31 - 10 - 2024, 05:04 AM

طول الطريق وهم راجعين ,, احمد شارد ولا هو في هذا العالم سارح في عالم ثاني يتذكر لحظات حياته كانه شريط فيديو يمر عليه بشكل سريع ,,
والشباب كانوا حزانين عليه وعلى حالته ,, فما حبوا يكلمونه بأي شي ولا يزعجونه فالتزموا كلهم الصمت في هذي الرحله

وصلوا بع مرور 5 ساعات تقريبا في الطريق وكانت كانها 5 شهور بالنسبه لهم
نزل احمد وراكان في بيت راكان ,, وأول ماشغل احمد السيارة يبي يمشي يروح البيت جاه راكان : اقول احمد مافي روحه اليوم بتنام عندي

احمد : لا راكان بروح البيت برتاح شوي
راكان : قاعد اقولك مافي روحه ,, يالله انزل ابي اتونس معك اليوم , وبكره عندنا شغل سوا بنطلع
احمد : طيب ,,
راكان : يالله انزل والحين اكلم خالتك اخليها تسويلك عشى ,, ههه بس مو معكرونه
احمد :ههه لا ماله لزوم مالي نفس اكل شي
راكان : براحتك لا تاكل باكل بروحي

دخل احمد وراكان البيت واتصل احمد ب اخوه سعد وبلغه انه وصل بس بينام اليوم في بيت راكان

الصبح الساعه 8 تقريبا ,, احمد يصحي راكان : راكان يالله قوم
راكان : احمد شبلاك انت ,, ياخي خلني نايم شتبي بي
احمد : قوم خلنا نروح الحين للمخبر
راكان : ياخي طيب كمل نومك الحين ,, نام لك بس ساعه
احمد : راكان انا مانمت ولا بنام ولا بيجيني نوم الا اعرف النتيجه

راكان : طيب ,, طيب

لبس راكان ملابسه وفورا طلع هو واحمد ,, وراح للمخبر الي قاله عليه رائد حق ولد خالته
أتصل راكان بالدكتور : الو صباح الخير دكتور عماد
دكتور عماد: هلا صباح النور ,, من معي ؟
راكان : انا راكان صديق رائد ,, مادري اذا رائد كلمك في الموضوع البارح
دكتور عماد:ايه صح ,, هلا رائد ,,كيف حالك
راكان : الحمد لله بخير دكتور ربي يطول بعمرك ,, بصراحه انا واحمد الحين بنجيك ,, مادري اذا بتسقبلنا

دكتور عماد: اكيد حياكم الله ,, انا الحين طالع للمخبر ان شاء الله نص ساعه وبكون هناك
راكان : خير انشاء الله ,, مشكور

دخل احمد وراكان المخبر وجلسوا ينتظرون الدكتور لين مايجي ,, وفعلا بعد عشر دقايق دخل الدكتور وسلم عليهم : راكان صح
راكن : ايه وهذا احمد
دكتور عماد : هلا فيكم تشرفت بكم والله ,, تفضلو ادخلوا

بعد مادخلوا ,, داخل مكتب الدكتور احمد يقول للدكتور : دكتور الله يخليك الموضوع هذا ابيه سري ما ابي أي احد يدري فيه

دكتور عماد : شفيك الله يهداك ,,, انشاء الله مافيك الا العافيه , بلا وساوس ,, ترى بتتعب بدون أي سبب
عطني ايدك خل اسحب دم,,,,

راكان : دكتور متى بتطلع النتيجه ؟؟
الدكتور عماد : انشاء الله بكرة الظهر ,, لان باخذه لمخبر ثاني مختص هنا مافي تحالليل هذا المرض ,, بس انا حبيت اني انا اسحب الدم حسب طلبكم وعشان مايخاف السيد احمد ههه

أحمد : دكتور مافي طريقه يطلع اسرع ترى والله مافيني شدة لبكرة
الدكتور عماد : ههه شفيك عاد انت رجال ,, وبعدين أبي اسالك انت كيف تشك ان فيك المرض ,, تحس بعوارضه شي ؟

احمد : لا والله
راكان : بصراحه دكتور .. احمد يعرف وحده ,, وهي قالتله ان معاها المرض
الدكتور عماد: طيب هي وينها الحين في حجر صحي ولا كيف
احمد : لا هي في بيتها وعايشه حياة طبيعيه
الدكتور راكان : احمد مايصير يخلونها الظاهر هي مخترعه لك السالفه ,, صدقني مافيك شي وبلا وساوس

احمد : الله يخليك يادكتور طمن قلبي ابي النتيجه ,, مابصدق كل كلامكم لين ماشوف النتيجه

الدكتور عماد : خلاص انشالله بكرة العصر تقدرون تجون تستلمون النتيجه ان شاء الله

راكان : مشكور دكتور ماقصرت
الدكتور عماد : هذا واجبي ,, اخوي راكان
احمد : مشكور دكتور

طلع احمد وراكان من عند الدكتور عماد ,,, وقتها احمد حس بشويه راحه من كلام الدكتور عماد ,, كانت كلماته له فيها شي من الواقع ,,بس رغم ذلك ماكان بيصدق الا بيتاكد من نتائج التحاليل