وصل رائد وراكان مطار هيثرو في لندن ,, وخلصوا الأجرائات ,, واول ماطلعوا من المطار ماعرفوا وين يروحون ,,
خطرت ببال راكان فكرة
راكان : أقول رائد شرايك نروح على شارع الي يقولون فيه عرب كثير ,, بدايه لين مانتعلم زين في لندن ونغير مكاننا
رائد : والله فكرة ,,
راكان : ماتعرف اسم الاحياء الي فيها عرب ؟
رائد : مادري بس اسمع بشارع فيه عرب كثير اسمه على ماعتقد " ادجور رود "
راكان : خلاص خلنا نوقف لموزين ونقوله ياخذنا لهذا ادجور رود

وفعلا طلعوا مع اللموزين ,, وطلبوا ياخذهم الى هذا الشارع

واول ماوصلوا المكان .. لمح راكان مطعم اسمه((منقله)) ,, مطعم عراقي فاخذ راكان من ايده ودخلوا المطعم

راكان : السلام عليكم
عامل المطعم : وعليكم السلام
راكان : بالله لو تسمح نبي شقق ننزل فيها , وحنا تونا واصلين من السفر , ولا نعرف شي بلندن
عامل المطعم : يابا ماكو مشكله اقعدوا هسى نشربكم شي
راكان : مشكور والله
عامل المطعم : اهلين عيني

جاب عامل المطعم كاستين شاي عراقيات لرائد وراكان وقالهم :
أخوتي انتو شنو بالضبط تريدون شقق
راكان : شقق مفروشه اذا في نجلس فيها كم يوم
عامل المطعم : طيب انتو شكثر تريدون تكلفتها , يعني هوايا غاليه ولا شنو ؟
راكان : لا يعني متوسطه اذا ممكن
عامل المطعم : طيب ياخوي هسى ادلكم على شقق صايرة في اخر الشارع ,, بتلقون طلبكم فيها
راكان : ياليت تقولنا الحين ,, لاننا تعبانين وناوين نريح شوي
عامل المطعم : شوف اخويا ,, هسى تطلع من المطعم هنانا وتروح تمشي لاخر الشارع وبعدها تروح يسار تمشي خمسين متر تقريبا تلاقي قبالك شقق مفروشه

راكان : شكرا ماقصرت ,, تسلم
عامل المطعم : ولا يهمك اخويا واي شي تحتاجه باوع ترى لاتتردد تعال وانشالله اقدر اخدمك فيه
رائد : اشكرك

وطلعوا رائد وراكان من المطعم وراحوا يمشوون يدورن عن الشقق الي قالهم عنها العامل الي في المطعم
وفعلا وصلوا المكان الي قالهم عليه العامل ,, كان في شقق اسمها الاسعدي
ودخلوا عليها وحجزوا لهم
ودخلوا اخذوا شاور سريع وحطوا روسهم وناموا بعد تعب كان معتليهم بشكل كبير

,,,,,,
احمد يكلم منصور : شفيهم ماتصلوا ولا قالو لنا اذا وصلوا او لا ولا شيسوون
منصور : يارجال اكيد الحين بيكونون تعبانين من السفر ويبون يرتاحون , انا متاكد اول مايرتاحون بيتصلون فينا ويكلموننا
احمد : يمكن
منصور : طيب شرايك اليوم وين نروح ؟
احمد : والله مادري ,, بس مالي خلق اروح لمحل
منصور : طيب شرايك نروح للبحر ؟؟
احمد : لا تكفى كل شي ولا هذاك المكان
منصور : طيب شوف لنا حل نبي نطلع نروح مكان
احمد : والله مادري ,, خلنا نروح نجلس في البيت نسوي شيشه ونجلس نشاهد لنا فلم
منصور : كذا تقول
احمد : عندك اقتراح ثاني
منصور : لا والله
احمد : اجل امشي ,, وانت ساكت