(17)
دقايق ووصلوا...
ناصر فتح لها الباب ومسك يدها...
ركبوا درج طويل شوي...وصلوا..........
كان القسم الثاني عباره عن صاله كبيره وفيها بلكونه واسعها وكبيره تطل على بركة السباحه..
ساره:؟؟؟؟؟؟؟؟؟؟
ناصر: وهو يحوط كتوفها... ش رايك...
حط طاوله بوسط البلكونه وعليها العشا(الغريب ان كل الموجود تحبه ساره.. شلون عرف الأصناف اللي تحبها).. وطبعا منثور على الطاوله ورد وشاعل شموع.. وفي البركه ورق ورد احمر...
سحب لها الكرسي... تفضلي حبيتي..
جلست.. شكرا..
وجلس قدامها......وحط يده على خده.........
طبعا هي منزله عيونها على الطاوله.......
وهو.....عيونه عليها... يتأملها........ مسك يدها...
تحس برعشه.. احساس غريب يتملكها.. قلبها ينبض بسرعه..........ماتقدر توصف مشاعرها.. لكن الأحساس الغالب هو الخوف من بكره....
ناصر... مايقدر يتحكم في مشاعره تجاهها.. وكأنه يبي يسعدها بأي طريقه...
لكن في شي مشترك بينهم.. مستحيل احب ........
ناصر.. مستحيل احب مره تستغل حبي لها..لأن الحب بالنسبه له ضعف,,,,,
ساره.. مستحيل احب رجال لأنهم كلهم مثل بعض.......وبكره يبان وجهه الثاني...
ناصر: حبيتي... ليش ماتاكلين...والا تبين ااكلك انا...
ساره:........لا انا ........ طيب..
ناصر: ههههههه..
اخذت الشوكه والسكين....اممممم ...
ناصر: اذا مو عاجبك شي اقوم اجيب الي تبين........
ساره: لا بالعكس.. كل الموجود من الأصناف المفضله عندي..
ناصر: والله.. والله طلبت على مزاجي.. حلو.. يعني ذوقنا واحد.. ياذوق انتا ياعسل..
ساره: نزلت عيونها...هههه الظاهر..
ناصر: طيب كلي يلا..
ساره: هذا انا اكل..
ناصر: ماكلتي شي... طيب.......اخذ قطعة بيتزا.. بتاكلين او ااكلك بيدي... وقربها لفمها..
ساره: لفت الجهه الثانيه.. لالا خلاص باكل..
ناصر: ايه حريم مايجون بالعين الحمرا..
ساره: ههييي ضحكت بسخريه.....
ناصر: ايش عيديها عيديها تكفين......
ساره: تعال بكره........
ناصر: رفع للسما و.....هههههههههههههههههههههههههههههههههههههههههههه ههههه
ساره: ............
ناصر: تدرين ... خفة دمك مزوده حلاك......
ساره: رفعت كتوفها.. ادري.......
ناصر: لالا حرام عليك بموت ..
ساره: بعيد الشر........
ناصر: تلاشت ضحكته... وناظرها بنظرات.. كلها حنان.........تخافين علي..
ساره: ......اكيد.........
ناصر: يابعد عمري انتي.....ومسك يدها وباسها وحط على خده اللي عطته في كف,,,,,, هاليد من اول مالمست خدي وانا اعشقها واعشق صاحبتها.. الله يطول بعمري ويقدرني اسعدك واعوضك عن كل شي.....قولي آمين.......
ساره: آمين يارب.........
بدوا يتعشوا...........
ناصر يطالع فيها وهي تاكل.. تجنن.. فمها صغير... وتاكل قليل وبشويش..
ساره: انتبهت انه يتأملها.. تركت الشوكه..
ناصر: ليش وقفتي,,
ساره: تكتفت ورجعت على ورا.. ولفت وجهها الجهه الثانيه.. ماحب احد يطالعني وانا اكل..
ناصر: طيب وانا احد.......
ساره: .................
ناصر: هههههه طيب طيب كملي اكلك وماراح اطالعك......
كملوا اكل..... وناصر كل مايقول كلي تقول شبعت خلاص.......
بعد ماخلصوا اكل... قالها لحظه..
جاب كيكه على شكل قلب ومكتوب عليها اسمه واسمها.....الف مبروك......
وجاب كاميرة فيديو وثبتها ..
وطبعا عصير......
ساره:هههههههههههه... هذا المفروض من شوي..
ناصر: انا ماحب احلي قبل العشا......وبعدين قدام الناس ماراح ناخذ راحتنا.. وحرك حواجبه.. ومال عليها ..والا اش رايك......
ساره: بعدت شوي... ايه..
ناصر: طيب قومي وقفي عشان اشوف الكاميرا مثبته او لا..
وقفت.. وهو راح عند الكاميرا ووجها جهتهم.. وهو حاط عينه بالعدسه.. عطنا وجه ياحلو..
ساره: ابتسمت...
ناصر: اوكي كذا.. جا ووقف جنبها..يلا... مسك يدها واليد الثانيه لفها على خصرها.. وقطعوا الكيكه.....
حطت ساره قطعتين كل وحده بصحن.....
اخذ شوكه ومدها لفمها.. وهو يقول يلا بابا اكلي..
ساره: بعدت عني.. بزر قدامك........
ناصر: ههههههههههههههه طيب يلا.. ودخل الشوكه بشويش في فمها..
ساره: اخذت شوكه.. ومدتها لفمه.. هو يضحك ومو قارده تدخلها في فمه..
يعني ماتبي .. كيفك.. ورجعت الشوكه في الصحن..
ناصر: لا خلاص... يلا..
مدت يدها ..ومسكها....... بعد مااكل.. حط الشوكه في الصحن... اخذ كاس العصير وشربها شوي...... وعطاها اياه... يلا دورك..
ساره: ههههههه.. طيب.. طبعا مسك يدها وهي تشربه العصير..وهي خلاص لاصقه فيه بقوه... والجو بارد.....
ناصر: باس جبينها.. الف مبروك ..
ساره: وانت بعد الف مبروك..
ناصر: وهو يسمح على شعرها.. ويطالع بوجهاا...... ياربي هالبنت مدري ايش سوت فيني.. حركت قلبي اللي كان صخر..
ساره: اللي كانت حاطه ايدنها على صدر ناصر.. ومنزله عيونها.. شنو هالأحساس الغريب.. معقوله اكون حبيته. . لالا مااعتقد.. طيب انا ماحبيت من قبل.. ولا اعرف شنو الحب....... رفع ذقنها.. ماقلت لك لا تنزلي راسك لأحد.. وهو يطالع بعينها..
ساره: .....................
هبت نسمة هوا بارده.. وارتجفت ساره.. ناصر : حبيبتي بردانه؟
ساره: لا..
هبت نسمة هوا ثانيه.. ساره بعدت عنه وحضنت نفسها..
ناصر: وتقولين مو بردانه.. لحظه.. راح السياره وجاب جاكيت اسود... ووقف قدامها وحوطها بأيدينه ولبسها الجاكيت......
ساره: شكرا.. كانت ريحته تجنن.. عطر رجالي رهيب....... عدلت الجاكيت عليها..
ناصر: العفو..
ساره: طيب وانت......
ناصر: انا شنو؟؟
ساره: مو بردان .. الجو بارد..
ناصر: مو مهم انا ..... المهم انتي..
ساره: نزلت راسها....... تسلم.........
طيب يلا نمشي.......
ساره يلا....... شالت جاكيته وعطته اياه.. ولبست عبايتها.. ومسك يدها ونزلوا الدرج......
ركبوا السياره...
ساره: ماراح تسكر الكشف..
ناصر:هههههه.. الا.. اذا قربنامن الباب..
طلعوا من الشاليه وسكر الكشف....... طبعا الشاليه بعيد شوي......
طول الطريق ساره ساكته..
وناصر: ش فيك حبيبتي ساكته.....
ساره: ولا شي........
ناصر: طيب.........
سكت وكمل الطريق........ وصلوا بيت ساره.. نزلت ونزل معاها..
ساره: ماله داعي...
ناصر: لا بوصلك للباب .. وقرب لأذنها بعدين ينكسر الكعب وتتطيحين وتتعوري.. مااقدر مااقدر...
ساره: نزلت راسها........
ناصر: ههههههه اموت على الخجل انا... عطيني المفتاح..
واخذ المفتاح و فتح الباب دخل معاها ووصلوا لمدخل البيت..
ساره: ان شاءالله ناوي يدخل البيت..
وقف عند المدخل ومسك كتوفها..
ناصر: حبيتي نامي زين.. امممم وماعندي مانع تحلمين فيني......
ساره: ههههه مو علي كيفي..
ناصر: هههههههه.. طيب.. باس جبينها.. يلا حبيبتي تامرين شي..
ساره: سلامتك..
ناصر: اممممممم سلامتي.. وحط ايده على ذقنه.. سلامتي تجي هنا.. وهو يأشر على خده..
ساره: ............. من وين جتها الجرأه.. ضربته على خفيف على خده..
ناصر: يضحك بقوه..هههههههههههههههههههههه
ساره: لا شعوريا حطت يدها على فمه وهي تقول.. لا تفضحنا اهلي نايمين..
ناصر: وقف ضحك ومسك يد ساره وباسها.. طيب يلا باي.
ساره: باي..
وطلع وسكر الباب... ساره ظلت واقفه عند المدخل........وتطالع الباب.........سمعت صوت السياره تمشي........ دخلت بيتهم.. لقت اخوانها واماني وفيصل بالصاله.....
سلمان: وهو يصفر.. احلى سارونه ركبت موستنج كشف.....
ساره : ههههههههههههههه.. حركات..
تركي: طيب اختي ساره حبيبتي..قولي حق ناصر ياخذ بي لفه..
ساره: بشوف.......بخمسين..
تركي: لا عاد.....نصب
ساره: يعني انت تنصب علي عادي اما انا لا..
سلمان: ماعليك منه خليه يولي......المهم متى بيمر علينا النسيب...
فيصل: انا انا بعد خاله..
ساره: انت حبيب قلبي وجلس جنبها
في بيت ابوناصر....... كانوا عماته وحريم عمه هناك...
ام نايف عمته: والله انكم غلطانين كيف تركتوه يتزوج وحده مثل هاذي ومن هالعايله..
ام فهد : ش سوي.. ابوه مخليه على كيفه والله انا ودي ماازوجه الا وحده على كيفي بنت بنوت واهلها حموله.. لكن وش اقول بس.....
ام عبدالعزيز(مرت عمه الكبير): ابي اعرف شنو شايف فيها مدري.. طالعي بنات العايله كل وحده تقول الزود عندي... جمال ودلال واصل...
نوره: اسمحي لي خالتي.. لكن ناصر مايبي جمال وبس..
ام عبدالعزيز: اجل ش يبي ياروح امك..
نوره: يبي وحده متعلمه وفاهمه ..
ام نايف: اسكتي بس.. وش فايدة العلم والشهاده مردها تقعد في البيت..
ام عبدالعزيز: يعني مافي متعلمه وفاهمه الا هالمطلقه..
نوره: وش فيها المطلقه......
ام فهد: بصراخ.. نوره اسكتي..
قامت نوره راحت الصاله لفت ندى لحالها وماسكه جوالها وتكلم..
ندى: لما شافت نوره.. طيب يلا باي..
نوره: ليش قاعده هنا.. كل بنات عمي وعماتي هناك وانتي هنا لحالك..
ندى:.....ها.. لا ... اكلم صديقتي..... وبعدين من زين قعدتهم.. كلها حش وكلام عن الموضه والماركات.. وآخر الجوالات النازله.. وكل وحده ماسكه جوالها وترسل للثاينه بلوتوث.....ماعندهم ماعند جدتي..
نوره: ههههههههه اقول ناصر للحين ماجا......
ندى: لا...... شكله غرقان في العسل.........
دخل ناصر.. السلام عليكم..
وعليكم السلام..
ندى: وهي تلكز نوره وتطالع ناصر.. اقول نوره شفيك شاقة الأبتسامه..
نوره: ههههههههههه طحت وماحد سمى علي..
ناصر:هههههههه
ندى: الحب ومايسوي..
ناصر:وهو يحك راسه من ورا.. لا موحب حب...
ندى: وهي تغني.. على مين تقدر تداري هواك وعينيك حاكيه الغرام جواك..
ناصر: والله انك فاضيه.. وين الباقين..
ندى: في المقلط.. يحشون في زوجتك..
نوره: لكتزها بقوه.. اسكتي ياغبيه..
ناصر: خلهم يقولوا اللي يقولوه... ماهمني...
ندى: ايوووووووووووااااااا ياشديييييييد..
ناصر: وانا ليش واقف اتكلم مع وحده خبله مثلك.. اكلم قلبي احسن.. وطلع جواله وركب الدرج........
في بيت ساره......
اماني: اقول يمه شوفي وجههها مبين عليها مبسوطه..
ام عبدالرحمن :الحمدلله ........
رن جوال ساره.. طلعته.. ناصر..
ساره : يلا بقوم انام..
سلمان : علينا علينا .. قولي بروح اكلم خطيبي كلنا سمعنا جوالك يرن..
ساره: رمت عليه مخده... مو شغلك.. وراحت.. وهي علي الدرج.. ردت : الو..
ناصر: هلا حبيبتي وعمري وقلبي وروحي وحياتي كلها..
ساره: بدلع ....... ناصر ..
ناصر: آه ياقلبي... خلاص ..
ساره: سلامت قلبك
وصلت غرفتها..
وهي تكلم ناصر.........
ساره: ناصرممكن تتصل بعد عشر دقايق...
ناصر: طيب.. عشر بس حاسبهم..
ساره: اوكي..باي.. سكرت من عنده بدلت ملابسها.. لبست دشداشه لونها اخضر فاتح وفيها شريطه لونها ازرق كم فوق.. وشبشب ازرق.. طالعت الجوال توها كملت 10 دقايق دق......
ناصر.....احب كلامها.. هادي وعقلها كبير.. لكن داخلها طفله.. هذي هي اللي ادور عليها من زمان..
ساره.. كلامه يعجبني واحسن انه يكلمني وكأني ملكة العالم.. هذا هو اللي اتمناه .....
نامت ساره.. وهي حاضنه مخدتها......وتفكر في ناصر و كأن انسانه جديده انولدت بداخلها لكن كلها احساس ومشاعر.. بعد ماكانت بدون مشاعر او قلب...
صحيح هو جرئ لكن جراته تعجبني.. مو مثل راشد....هههههههههه تذكرت لما باسها على رقبتها... حط يدها مكان البوسه وابتسمت .. مجنووون... لكن ممكن يكون مثل راشد او ماهر.. لالا مستحيل اعطيه مجال راح اقاوم قد مااقدر......
ناصر حاط يده ورا راسه.. ويفكر في ساره......معقوله.. احس اني طاير بالسما.. هذا حب اكيد...... لكن ممكن تكون مثل هيفا.. تخونني وتستغل حبي.. لالا مااتوقع.. انا ماقلت لها (احبك ) لسه.. ماراح اقولها الا لما اتأكد انها تساتهلها......
ناموا........
يوم ثاني الصباح......الساعه 9
ساره... صحت من النوم ....على صوت موبايلها يرن الساعه 9.. كل هذا نوم.. قامت وقعدت على السرير..
ناصر : صباح الخير..
ساره: صباح النور...
ناصر: اووه صحيتك من النوم؟
ساره: لا عادي..
ناصر: امون يعني..
ساره: اممم تقدر تقول....
ناصر: هههههههه..طيب حبيبي انا عازمك على غدا......
ساره: وين؟
ناصر: مفاجأه..... خلاص الساعه 1 امرك.. اوكي..
ساره: اوكي.....
قامت واخذت لها شاور... استشورت شعرها... امم البس بيجاما وبعدين اشوف شنو البس ......
ناصر.. قام من السرير وهو يمغط ايدينه حاس بنشاط.. ومزاجي عال العال...
نزل لقى عبدالله وحمله وهو يبوسه..
عبدالله: متى بتجي امي؟
ناصر: قطعت قلبه كلمة ولده.. امك ... من 9 شهور ماسألت عنك حتى بالتلفون.. وين تجي.. مو فاضيه لك ابد..ليش حبيبي؟
عبدالله: كلهم عندهم امات الا انا؟
ناصر: باس خده.. خلاص حبيبي بيصير عندك احسن ام..
عبدالله: زي هيفاء تضربني......
ناصر: حضنه.. لا حبيبي.. راح تحبك اكيد..
عبدالله: اييييييه راعية الأسكريم.
ناصر: ضحك رغم الألم اللي بقلبه.. ايه حبيبي..
عبدالله : زين موافق... وراح يلعب..
ناظره ناصر وهو يلعب.. كلامه يبكي الصخر.. من حقه يسأل عن امه.. لكن وينها امه.. صحيح هو مو قصر ولا اخواته و ام فهد لكن مستحيل احد يحل مكان الأم.....
راح الصاله..و المطبخ مالقى احد... معقوله كلهم نايمين...
سوى له كوفي.. جا له عبدالله.. ابغى كورن فليكس..
ناصر: حمله وحطه على الطاوله.. تامر امر يابوناصر..
عبدالله: لا اسمي مو ابوناصر.. في ابوناصر كبير في البيت..
ناصر: اجل شنو؟
عبدالله: اممممم.. ش سمها امس الي لبستها خاتم.. ايه ابوساره..
ناصر:ههههههههههههههه حضنه وبوس فيه اموووووووت فيك وفيها........
سوى له كوفي .. تذكر لما طلب منها تسوي له وطنشته.. كل مره يشرب يتذكرها.. وعبدالله ياكل الكورن فليكس: بابا ليش تضحك؟
ناصر: ههههههه ولا شي حبيبي افطر..
صحوا اخواته..
ندى: وشعرها محيوس.. اوووف المعرس صاحي بدري اليوم..
ناصر: اي بدري انتي مع كشتك.. بعد شوي بيأذن لصلاة الجمعه......
نوره: صباح الخير...
ناصر: هلا صباح النور.. ماتدرون وين ابوي؟
ندى: اممم اتوقع راح المزرعه هو قال بيروح من الصبح مع امي والتوأم..
عبدالله: ليش مااخذوني معهم...وبكى...
ندى: كله من ابوك ماصحاك بدري...
ناصر: وهو يحط عبدالله على حضنه ...خلاص حبيبي انا اوديك لهم.. ندوا ان قلتي له هالكلام مره ثانيه بذبحك.......
ندى: زين وطلعت......
نوره: اتركها عنك.. بشرني......
ناصر: لا تمام...
نوره :الحمدلله...
ناصر: طيب شلون الحين .. انا اليوم عازم ساره على غدا..
نوره: ولا يهمك انا وندى وعبودي نروح المزرعه مع السواق بعد شوي..
ناصر: تسلمين يارب.......
الساعه 12 الظهر.. ساره صلت الظهر..
اممم شنو البس.......
اوكي..... لبست بنطلون جينز فاتح.. وتي شيرت لونه بنفسجي غامق.. فيه كريستال من فوق.. وطبعا المكياج الخفيف.. ظل بنفسجي وغلوس وردي طبيعي والكحله والماسكارا..
وجزمتها الكعب ......
ناصر بعد صلاة الظهر طلع من المسجد ورجع البيت.. بدل ثوبه ولبس بنطلون ابيض وقميص اسود...وطبعا جزمه تلمع.. ودق على ساره..
ناصر: عمري جاهزه؟
ساره: ايه.....وينك؟
ناصر: بالطريق......
دقايق ووصل بيتهم..
فتح له سلمان الباب وطبعا طالع السياره. . اووف جاي بالهمر.. ماجا بالموستنج كان قلت له ياخذ بي لفه..هههههه واحد فاضي,,,,,
دخل الصاله سلم على ابوعبدالرحمن وسعد وتركي طبعا فتح وياه سالفه عن السيارات..
ناصر: يضحك ويسمع له... صحيح مثل ماقالت عنه ساره راديو..
جات ام عبدالرحمن وسلم عليها وحب راسها..
ام عبدالرحمن : فيصل يمه روح نادي خالتك........
قام فيصل : دق باب ساره..امي ام عبدالرحمن تبيك.....
ساره: كانت ماسكه جوالها .. وينه ماوصل... طيب نازله..
نزلت من على الدرج وهي تغني..
تحب احبك حبة حب احب من حب الاحباب
ولا تحب احبك حب حبيب لحبيبي و احباب لاحباب
شوقك شقشق شق الشوق شوقني من شوق على شوق
والا شوقك لا شقيق شوقي ولاشقشق ولا شق الشوق
..وصلت الصاله..
شافته.........
سعد: كملي يا ساره نصري.....
ساره: نزلت راسها....انحرجت
ناصر: وهو يبتسم..كيفك.....
ساره: الحمدلله.......يلا بروح البس...وراحت..
سعد :ههههههه انحرجت منك...
ناصر: لا عادي.....
ابوعبدالرحمن: اقول ياولدي دير بالك عليها...
ناصر: في عيوني.......
لبست ساره ونزلت.......
ناصر لما شافها جات.....
حتى بالعبايه تجنن..قام وقال: اسمحوا لنا ياجماعه.. سلم عليهم وطلعوا...
ساره: اووف جاي بالهمر.. عاليه واخاف اطيح..
ناصر: جا جنبها وفتح لها الباب.. تفضلي.......
ساره: اممم .. اخاف اطيح.. السياره عاليه......
ناصر: هههههههه.. طيب.. مسك يدها.. وركبت.. سكر الباب وراح ركب من الباب الثاني..
ناصر: بعد مامشوا... خلاص ماراح اجي لك مره ثانيه فيها اجيب بالثانيين..
ساره: ليه كم وحده عندك؟
ناصر: في بيتنا 6 سيارات.. انا 3 وابوي 2 والأخيره للسواق,,,,
ساره: اهاا...الله يزيدكم من خيره آمين.......
ناصر: آمين........ ماقلتي لي وين تحبي نتغدى......
ساره: مو قلت سر.....
ناصر :هههههههه... طيب نروح ستيك هاوس..
ساره: هذا بيجنني.. ومن قالك اني احبه..
ناصر: محد.. احساس..
ساره: اوكي.......
وصلوا وطلبوا لهم غدا... طبعا هذا المطعم يطول على مايجي الطلب..
ناصر.. مشبك ايدينه وحاطهم تحت ذقنه ويطالعها..
ساره: منزله عيونها ووجها يقلب جميع الألوان..
ناصر: سارونتي.. ش فيك؟
ساره: ولا شي..
ناصر: اها فكره.. سوى نفسه معصب.. وبعدين معاك انتي ماتسمعين الكلام؟
ساره: خافت ياربي ليش معصب.. بصوت يرجف.. ليش ش سويت.. ورفعت وجهها تطالع فيه.. شنو....... يبتسم .........
ناصر: هههههه.. كم قلت لا تنزلين راسك..
ساره: تلعب علي يعني.. طيب.. وقامت..
ناصر: وهو يمسك كتفها.. وين وين؟
ساره: انت يوم الملكه وانت تضحك... ماخذني مضحكه يعني؟
ناصر: خلاص حبيبتي حقك علي...وباس جبينها.. وهذي بوسة ..
ساره: ..........
ناصر: خلاص عاد..
ساره: مدت بوزها.. مابي......
ناصر: حس انه بينفجر ضحك مثل الأطفال..لكن مسك نفسه.. شدعوه عاد؟
ساره: ..........
ناصر: طيب......باس خدها........
ساره: خلاص.......وقعدت.....
ناصر: حريم ماتجي الابالبوس......وهو يبتسم......
ساره: ضحكت بسخريه..ههههههههه
ناصر: اذا انتي كذا ماتبيني اضحك.....انتي تذوبين الحديد.....
ساره: نزلت عينها ...... كلامه يخجلها اكثر واكثر....
جابوا الغدا.....
ساره تاكل بشويش... وناصر يقطع لها الأكل......
عنده ذوق ويعرف الأتيكيت..
ساره مبسووطه منه ... يعاملها مثل الأميره.. يأكلها بشوكته اذا مااكلت.. طبعا برضاها..
ناصر.. ياربي مثل الأطفال لكن عقلها كبير واموت في كلامها ..... وخفة دمها اللي تسحرني.. اما خجلها قصه ثاينه..
خلصوا اكل... وركبوا السياره طبعا ناصر ساعدها تركب....
ناصر: مره ثانيه اذا طلعنا بالهمر اقولك عشان ماتلبسي كعب عالي....
ساره: اتذكرت كلام ماهر لما منعها من كل شي.. ليش ماتبيني البس؟
ناصر: لا حبيبتي لا تفهميني غلط.. انا اموت عليك وانتي تمشين فيه لكن بالهمر لا تلبسيه عشان ماتطيحين ويصير فيك شي اموت بعدين...ولف عليها........
ساره: لالا بعيد الشر.. طيب مثل ماتقول..
ناصر: لا ياقلبي انا ما أ أمرك.. اذا عجبك كلامي سويه .. انتي بعد لك راي....
ساره.. كل ماتشوفه كيف يكلمها ويعاملها والأحساس بقلبها يكبر ويكبر.....
وهو يحس انها مثل الصوره اللي رسمها في خياله.. قلبي تعلق فيها اكثر واكثر....
وصلوا الشارع الأول......
ناصر: امممم هذا سعدالدين.. ننزل ......
ساره: اوكي..
نزلوا وطبعا ساره طلبت شيزكيك .. وناصر ماصدق خبر اخذ لها كيكه كامله..
ساره: ليش هذا كله لمنو؟
ناصر: لك كليها كلها......
ساره: لالا بعدين اصير دبه.......
ناصر :والله لو تصيرين قد الباص بعد امووت فيك.. وهو يرفع حواجبه..
ساره: نزلت عيونها......تسلم......
طلعوا من سعدالدين
في السياره
ساره: شلون عبودي......
ناصر: بخير.. تذكر اليوم لما سأل عن امه.. وتغيرت ملامح وجهه
ساره: انتبهت له.. ناصر اش فيك.. عبدالله فيه شي؟
ناصر: لا مافيه شي.. بس اليوم سأل عن امه...
ساره: طيب .. ووينها امه؟
ناصر: تزوجت من 9 شهور ولا سألت ولا تدري عنه شي....
ساره: تأثرت .. ناصر كان يتكلم بقهر.. حطت يدها على يده... لا تضايق نفسك ان شاءالله انا بكون له احسن ام,..
ناصر: يطالعها ووده يصرخ ويسمع العالم كله صوته ويقول احبها ياناس ...طيبة قلبها تأسرني مافيها خبث هيفاء.....اخذ يدها وباسها.. تسلمين يابعد عمري..
ساره: الله يسلمك..
ناصر: طيب نروح البيت نشوفه.. ساعه بس......
ساره: اوكي......
وصلوا بيت ابوناصر......
طبعا ساره انبهرت بحجم البيت ...... الحديقه كلها مزروعه.. وفيها جلسة عباره عن كراسي وطاوله في الوسط خيزران ومغطاه بأطار اخضر..
وعلى جنب كراج كبير.. وفيه خمس سيارات..وجنب الكراج ملحق للخدم والسواقين..
فتح ناصر الباب..تفضلي,.,
ساره: شكرا ودخلت..
البيت كله رخام ابيض.. والأثاث على الطراز الأيطالي.. بيج ومذهب.. وفي نهاية الصاله.. درج من كل جهه مايل لتحت.. وفي الوسط بينهم ثلاث صور كبيره..
جد ناصر.. وهو لابس بشت وشماغ مفتوح.. ابوناصر نفس الشي لكن البشت على ايده.. انا الثالثه ناصر,, الصوره مختلفه... كل الصوره وجههه وهو حاط يده على جنب على شعره.. وطالع يجنن......
دخلت ودخل وراها ناصر.....
ابوناصر وام فهد واخواته والتوأم وعبدالله كانوا بالصاله توهم جايين من المزرعه....
عبدالله راح يركض لأبوه.. وحمله. .
ناصر: ها حبيبي انبسطت في المرزعه....
عبدالله: ايه..... راعية الأسكريم وهو يأشر على ساره.....
ساره: هههههههه..
ناصر:ههههههه ايه .. وهو يهمس بأذنه عيب بابا اسمها ساره..ونزله.. سلم عليها يلا..
عبدالله : مد يده.. مرحبا ساره راعية الأسكريم....
ناصر:هههههههههههههه خلاص صار اسمك الثاني....
ساره:ههههههههه وهي تسلم عليه.. هلا حبيبي......
راحوا لأهله ... ساره سلمت على ابوناصر وحبت راسه..
ابوناصر: الله يبارك فيك يابنتي..
جات بتسلم على ام فهد... مدت يدها بدون ماتقوم بدون نفس... طالعت ناصر.. وحرك راسه يعني اوكي.. سلمت عليها..
وجلست جنب ناصر......
ندى: اقول سارونه.. قومي نروح فوق ابيك بسالفه..
ناصر: بدينا بالمغثه..
ساره: تطالع ناصر....
ناصر: طيب قومي روحي معها.... بس لاتطولين....
ندى: وهي ماسكه يد ساره.. ماراح اكل منها شي...
ناصر: تسويها.ههههههه
قامت وراحت معها وهم طالعين الدرج... انتبهت انها تطالع صورة ناصر.....
ندى: تطالعين خطيبك .....
ساره: مستغربه ليش مو لا بس شماغ....
ندى: امه هي صورته وهو في بريطانيا.. قلنا له صور بشماغ.. قال لا g3 بصير غير... على باله جوال..ههههههه
ساره: هههههههههههه
راحوا الصاله فوق.. شوي وجات نوره.. وقعدوا يسولفوا...
ناصر: فهم حركة ندى عشان امها ماتقط عليها كم كلمه من اول زياره لهم.......
بعد رربع ساعه طلع فوق لهم...
ساره كانت جالسه جنب ندي في كنبه مزدوجه.. وندى جنبها في الزاويه .....
ندى: لما شافت ناصر.. انا لو تقوم الحرب ماراح اقوم من مكاني....
نوره: قومي بلا سخافه.....
ندى: وهي تطالع ساره.. اقوم؟
ساره: براحتك..
ندى: لفت على ناصر.. شفت ماتبيك.. روح هناك بعيد.....
ناصر: تكتف وهو يطالعها بنظرات.. اقول وين جوالك..
ندى:كأن احد نفضها.. تدور بجيبها.. مدري وينه ليش؟؟
ناصر: سمعته يرن من شوي.....
نىدى: قامت على طول والله؟
ناصر: تحت شوفيه..
قامت ومشت.. جا وقعد مكانها... اجل تقولين الحرب ها..
ندى: اوووووف منك.. وهي تكلم ساره... الله يعينك على ثقل دمه..
ساره: هههههههه...
ناصر: مالك شغل فيها.....
بعد ساعه....
ناصر وصل ساره بيتهم......
نزلت وهي مبسووطه لكن قلبها مو متطمن من ام فهد......
ناصر.. احس اني اسعد انسان بالدنيا....
رجع بيتهم..
ابوناصر: تعال لحظه ياولدي......
ناصر: سم يبا.....
ابوناصر: اقول ياولدي متى ناوين تتزوجوا؟
ناصر: تو الناس......
ام فهد .: وليش... العروس ماتبي الحين.......
ناصر: مو قصدي.. لكن على الأقل بعد شهرين ثلاثه.. على بال ماالقى بيت او شقه..
ابوناصر: شنو... لالا ماتطلع تسكن هنا....
ناصر: لا يبا سمح لي....وهوو يناظر ام فهد.. ابي اخذ راحتي انا وزوجتي.....
ام فهد: وليش ست الحسن تبي فيلا لحالها متعوده على القصور.....
ناصر: انقهر من كلامها..تنفس بقهر.. لا يايمه..
ابوناصر: اسمع ياولدي انا مالي غيرك.. فهد اخوك ماندري متى يرجع.. وانا شغلي وسفراتي كثيره.. مايصير تترك خواتك واخوانك لحالهم.. انا اقول الدور الثالث.. يبي له شوية تعديلات.. ويصير احسن شقه.. شقلت..
ناصر: نزل راسه..اللي تشوفه.....وقام..
راح غرفته.. وضرب الجدار بأقوى ماعنده.. لين نزفت يده.. حط عليها مناديل..
ونام على السرير.....ليش يايبا ........
ساره: ليش ام فهد تعاملني كذا؟؟
رن جوالها مسج........
يارب .. اللي في قلبي وف قلبك...
اوعى يكون قد حبي يكون حبك...
الله يعلم مااتمنى من الدنيا الا حبك..
اعذرني بدعي عليك ..عسى الي فيني يجيك..
اعذرني بدعي عليك.. يارب يارب يجيك..
لو نص حبي فيك.. ماتنام وربك.....
نفسي اكون ف حياتك.. ابو واخو وكل شي.....
ابترك العالم عشانك.. اقلها حس بي..
ساره.. ابتسمت تعرف هالأغنيه......
وارسلت لها المقطع الثاني منها..
انت الأمل اللي جاني.. غيمة مطر بعز الجفاف..
خلك معي باقي العمر.. اخاف من دونك اخاف.....
اعذرني بدعي عليك.. يارب يارب يجيك..
لو نص حبي فيك.. ماتنام وربك.....
ناصر.. قرا الرساله وابتسم.. محد يهون همي الا انتي ياساره...ابيك جنبي اليوم قبل بكره....