تابع
وصلوا الشاليه..........
نزلوا..
ناصر: روحي هناك الحريم قاعدين..
ساره: تتركني لحالي..
ناصر:هههههههههه ماراح ياكلوك..
ساره: انت وعدتني.. تجي معاي..
ناصر: مايصير حبيبتي هناك حريم عمامي.. وحريم عيالهم..انتي روحي قعدي معهم شوي وانا اسلم على الرجال واجي اخذك نتمشى لحالنا..
ساره :وعد........
ناصر: تنهـــــــد.. وعد...
راحت دخلت مجلس الحريم.. راح لها عبودي يركض.. ساااااااره..
حملته وبوست خدوده... هلا حبيبي.. شلونك..
عبدالله: زين.. جبتي لي حلاوه..
ساره : اكيد.. نزلته وراحت تسلم على ام فهد وبناتها..
ام فهد حتى ماقامت .. ساره سلمت عليهابالأيد بس..بدريه كانت جنبها وقامت سلمت عليها وبوستها..
جات لها نوره.. سلمت عليها وبوستها.. شلونك ياعروسه..
ساره: نزلت راسها.. الحمدلله...
ندى: شوفي انا ببوسك واحضنك وقولي حق ناسسر(تقوله كذا كأنه بالأنجليزي) عشان ينقهر..
ساره: لالا مابي..
ندى: هههههههههه تعالي بس.. حضنتها ..
ام فهد: لوت فمها.. مو لايق..
راحت جلست مع ندى ونوره في زاويه وعبود على حضنها ياكل حلاوه..
ام عبدالعزيز: اقول ام فهد.. الا هيفاء وامها مالهم خبر ابد...
ام فهد :مدري والله آخر مره سمعنا عنهم... لما ناصر جاب عبدالله من عندها قال انهم تزوجوا.. امها بكندا وهي بالكويت .. وبعدين انقطعت اخبارهم....
ام عبدالعزيز: ماتسأل عن ولدها؟
ام فهد : لا والله..
ام نايف: بتربيه هاذي.. وهي تأشر على ساره..
ام فهد : تخسى الا هي... هو معانا بالبيت وانا اللي بربيه..
ساره انتبهت انهم يأشرون ويتكلمون عليها.. سوت نفسها تضحك وتلعب مع عبد الله ..
ندى: اقول مرة اخوي.. اذا جييتي عندنا.. عطي نصورطاف زين..
ساره: وليش؟
ندى: اقعدي معاي مليت من هذي.. وهي تأشر على نوره..
نوره: لا انا اللي ميته عليك.. ماعليك منها هاذي خرابة البيوت...
ندى: انا زيين...
ساره: هههههههههههههههه
رن جوالها.... ناصر: حبيبتي تعالي لي برا..
ساره: اوكي.. وقامت طلعت.. وطلع معاها عبدالله...
ناصر: هلا وغلا... عبدالله سلمت على ساره..
عبدالله: ايه وسوت لي بوسه هنا وهنا..وهو يأشر على خدوده..
ناصر: يعني اهو تبوسيه اما ابوه لا..هااا
ساره: نزلت راسها.. ناصر..
ناصر: ههههههههه.. طيب.. شال كاب ولبسه عبدالله ونزل شعره على وجهه.(.جنت عليه ساره قال براد بيت قال.. خطيبي احلى منه).. وقال.. عبودي حبيبي روح العب مع ريان ونواف.. راح..
ساره: ليش خليته يروح..
ناصر: مسك يدها وقربها لعندها.. وهمس باذنها عشان استفرد فيك..
ساره :خلاص انا برجع جوا..ورجعت
ناصر: هههههههههههههه .. مسك يدها.. تعالي.. امزح معك لا تخافي.... نبي نروح نفس المكان اللي تعشينا فيه ليلة الخطوبه.......
ساره : اوكي...
مسكوا ايدين بعض.. ووصلوا للمكان لكن تحت عند البركه...
وقفوا عند نخله عاليه..
ناصر.. مسك ساره من خصرها.. وسندها على النخله...واليد الثانيه فتح شيلتها ومسح على شعرها..
ساره.. دق جرس الأنذار عندها... شنو راح يسوي..
ناصر: ابي اعرف ليش تخافين مني...
ساره: في نفسها(لأنك في النهايه رجال)............
ناصر: افتحي عبايتك..
ساره: تطالعه بخوف.. ليش؟؟
ناصر: هههه خفتي.. ابي اشوف شنو لابسه...
ساره: لالا الجو بارد..
ناصر: يعني مابتسمعين الكلام .. طيب..
قرب لعندها وبحركه سريعه فتح كل ازرار العبايه..
ساره: جمدت مكانها ولا حركت ساكن من الخرعه.......
ناصر: يصفر........ اوووووووه ايش هالحلاوه فستانك رووعه.. انتبه للخلخال... وخلخال بعد.. لالا اروح فيها انا..
ساره: مسكت عبايتها تبي تسكر الأزرار.. قرب لعندها ودخل يده داخل عبايتها.. ومسك خصرها بيد والأيد الثانيه مسك ايدها.. باس جبينها...
ناصر: وبعدين معاك.. ليش تخافي مني؟
ساره: منزله عيونها وتطالع في تفاحة آدم اللي تطلع وتنزل بحنجرته... مو صايره قصيره قدامه بدون كعب..
ناصر:هههههههه.. طيب.. ليش لابسه قصير مو بردانه..
ساره : لا عادي.. الجو حلو........
ناصر: باس خدها... حب يحرجها اكثر.. عضها على خفيف في خدها..
ساره: أي.. اش فيك..
ناصر: جوعان..وهو يرفع حواجبه..انتي كلك على بعضك سكر.. ياسكر..
ساره: نزلت عيونهاوهي تدف كتفه.. وبعدين..
ناصر:ههههههههههه.. .. سكر ازرار عبايتها ومسك يدها ومشوا...
مروا على ورد.. قطع لها ورده وعطاها اياها..
ساره.. مبسووطه ع لآخر.. ونست الخوف من شوي..
تضحك وتتكلم معاه..
ناصر.. بعد اسبوعين بتكونين لي.. ملكي...
ناصر.. رن جواله..
عبدالعزيز ولد عمه...
عبدالعزيز: اقول يالحبيب اترك المره عنك وتعال نبيك.....
ناصر: هههههههههه طيب جاي...
وصل ساره مجلس الحريم...
راح مجلس الرجال.. جايبين عود...... ابتسم..
نايف ولد عمته : يلا نبي شي حلو...
ناصر: طيب....
عند الحريم.. رن جوال نوره.. اووف هذا ريانوه.. اش يبي..
ردت عليه: والله.. طيب جايين...
نوره: فيه طرب.. وكلهم قاموا...
ساره :ايش صاير..
ندى : غمزت لها .. خطيبك المملوح بيغني الحين...
طلعوا الرجال الجلسه الخارجيه.. والبنات واقفين بعيد شوي..
ناصر: انتبه لساره.. وغمز لها..
ساره: ابتسمت ونزلت راسها....
نواف: ها اخوي شنو راح تغني لنا بعد اعتزال ثلاث سنوات..
ساره: نوره ايش يقصد..
نوره : من تزوج هيفا. . كره العود والبيانو والأغاني وكل شي....
ساره : معقوله ليش؟؟
نوره: اقولك بعدين...
ندى: اوووف اسكتوا...
نواف: يلا شنو بتغني؟؟
ناصر: امممممممم نبدا بموال عراقي قديم...
صفروا الشباب...... احلى ابو عبيد.......
ناصر:هههههههه مسك العود وبدا يغني..
موال قديم لناظم الغزالي...
لابسه الفستان تصرخ يالطيف..لابسه الخلخال تصرخ يالطيف..
لاني مجنونه ولا عقلي خفيف..
من ورا التنور ناوشني الرغيف..
يارغيف الحلوه يكفيني سنه.. يارغيف الوالده.. يكفيني سنه..
يا ام العيون السود ماجوزن انا..
خدج القيمر انا اتريق منه...(وهو يطالع ساره)
.. ميحانه ميحانه..ميحانه ميحانه.. غابت شمسنا الحلو ماجانا..
حياك.. حياك بابا حياك.. الف رحمه على بيك..
هذولا ال عذبوني. . وهذولا ال مرمروني..
وعلى جسر المسيم سيبوني..
ساره: يقصدها بالأغنيه اكيد.. تبتسم له.. وقلبها مثل الطير..
الشباب يصفروا... احلى ابو الشباب........
نايف: لو ندري قلنا لك اخطب من زمان...
ناصر طول ماهو يعني يطالع ساره ويبتسم...
ريان: راح خلي..
ناصر: طيب.. يلا شباب .. مسكوا الطيران .
وبدا..
ياليل...
انا من يوم فرقاك .. مالدن جفوني سنا..
اضحكتني ساعه.. وبكيت عيني سنه..
بهواك يازين.. بهواك يازين.. محد مبتلي بس انا...
ياما قعدنا بلذات المحبه شهر..ياليت سيفك على روس الأعادي شهر..
انتا تمر عليك السنه بحسبة شهر..
وآنا علي بكل ساعة الم .. آآآآه يبا بسنه...
ياحبــــــــيــبي..
راح خلي مني من يجيبه.. ويل قلبي وين يلقى حبيبه..
ضاع مني والفرقا صعيبه..ماخذن قلبي وفكري معاه..
ياضوى عمري ياشوق حالي.. ياهوى روحي ياراس مالي..
غالياً والله بالحيل غالي.. ياشقى قلبي والله بغلاه..
حافظاً وده.. بدموع عيني.. صاينً عهده لو مايبيني..
لو يطول الصد بينه وبيني..عايشن عمري دوم بهواه..
قالوا لي حبيبي مانساني.ذاكرنً ودي مانساني..
راجعً.. خلي بالشوق جاني..ياهنا عيني والله بلقاه..
عاشواااااا..
خلص الأغنيه... والشباب يصفرون... بعد وحده ابوعبود..
ام فهد : ابتسمت على جنب.. وقالت..ههه يقصد هيفا..
ساره: سمعتها وتغيرت ملامح وجهها..
ندى: ماعليك منها.. هاذي ريانوو دووم يقول له غنيها..
ساره.. في بالها معقوله لسه يحبها.. ونزلت راسها..
ناصر يشوفها ... شفيها؟؟؟
نايف: بعد وحده تكفى..
ناصر: طيب لكن هاذي مو عشانكم.. عشان عيون الغاليه..
الشباب..احلا.......حبتين..
طبعا بنات عمه نظرات الغيره... ويطالعون ساره من فوق لتحت... اش شايف فيها ماندري.....
ناصر: طالعها شافها ابتسمت.. مسك العود..
انت عندي حاجه غير..هاذي مافيها كلام..
عمري وحبي الكبير..منت واحد والسلام..
يعني خذ مني ضمان بأختصار وكلمتين..
انت حاجه ف هالزمان ماتكرر مرتين..
وحدك اللي من تغيب.. ماتغيب ومن غلاك..
لو سأل عنك قريب جاوب عيوني لقاك..
تدري اني ياغلاي صرت اشوف الدنيا فيك..
من كثر طيبك معاي.. خايف احسدني عليك..
يعني خذ مني ضمان بأختصار وكلمتين..
انت حاجه ف هالزمان ماتكرر مرتين..
نواف... حيوووووووو اخوي...
قام ناصر..
عبدالعزيز: وين لسه السهره بأولها...
ناصر: مو فاضي لكم... راح مكان البنات ماهم واقفين... مسك يد ساره .. نمشي..
ساره: نزلت عيونها ايه..
ومشت معاه..
ناصر قاصد عشان يقهر اللي قهروها..
مسك يدها وركبت السياره...
ناصر: انبسطي حبيبتي ....
ساره: ... ايه...
ناصر: مسك يدها... ابيك تكونين اقوى ولا تسمحي لأحد منهم يهينك او يقلل من مكانتك.. انتي زوجتي... مو اي احد.. ولا تصدقي أي كلام تسمعينه منهم..
ساره: سبحان الله... فرق عن ماهر اللي كان يتعمد يهينها قدام اهله.. ان شاءالله..(ام فهد بس تبي تقهرني.. هو حتى مايحب طاريها)
وصلوا بيت ابو عبدالرحمن..
وصلها للباب..ووقف عند المدخل..
ناصر: يعني ماراح اشوفك الا بعد اسبوعين..
ساره: اممم... ايه..
ناصر : حرام عليك.. اتعذب ..
ساره: كلها اسبوعين وبكون لك العمر كله...
ناصر: ابتسم ... عجبه كلامها بقوه.. حضنها..وقال بصوت هامس احبك..
ساره: سوت نفسها..ماسمعت.. ايش..
ناصر: هاا......... ولا شي... قلت بشتاق لك...
ساره: نزلت عيونها...
ناصر: بما ان هذي آخر مره راح يشوفها قبل العرس.. حب يتنيذل شوي..
جلس على العتبه اللي عند المدخل..
ساره: مستغربه.. ايش فيه؟
ناصر: شوفي ماراح اطلع من هنا الا ببوسه هنا.. واشر على خده..
ساره: ايش؟؟؟؟؟؟
ناصر: اللي سمعتيه؟؟ وانتي اختاري انا تبوسيني او بنام هنا ليوم الزواج...
ساره: ياربي ايش اللي بلاني بهالمجنون...
مرت ثواني...
ناصر: ايش قلتي.. اي او اي..
ساره: ناصر بلا نذاله... قوم روح بيتكم بتتاخر..
ناصر: تكتف لا.. اخذ بوستي وبعدين اطلع...
ساره: تنهدت بقوه وهي تطالع المجنون اللي بيصير زوجها وهو مبتسم ويرفع حواجبه..
ساره :زين...على طول قام..
ناصر: قرب خده لعندها.. قربت شفايفها لخده.. شمت ريحة عطره الرجالي .. يدووووخ.. باسته بسرعه.. وبعدت.. مسك خصرها..
ناصر: الثاني..
ساره: وبعدين معاك..لا يجي ابوي او حد من اخواني..
ناصر: اذا جو بقول لهم بنتكم بخيله ماتبي تبوسني.......
ساره: الله يصبرني عليه.. باسته على خده الثاني بسرعه.. حط عينه بعينها.. وحضنها... ساره تمسكت فيه لا شعوريا.. كأنها تودعه.. ناصر.. انبسط لما حس فيها مسكت كتفه...
بعد وباس جبينها....
ناصر: اشوفك بعد اسبوعين....... انتبهي لنفسك.. اوكي.. ونامي وكلي كويس..
ساره: ان شاءالله.. وانت بعد,,,
ناصر: ابتسم... انا شنو....
ساره: انتبه لنفسك ولا تسوق بسرعه.. ودير بالك على عبودي..
ناصر: في عيوني.. يلا توصين شي..
ساره: رفعت وجهها تطالع وجهه... سلامتك.......
ناصر: مثل ماقلت لك.. في امان الله..
ساره: امان الكريم.. وطلع......
تنفست بقوه.. باقي اسبوعين واكون معك بروحي ملكك.......... خايف ياقلبي خايف...
ودعتها والشوق بيني وبينها بحور..
ودعتها.. رغم خوفي والوله مجبور..
الحزن في ايدها..قاسي يشدني..
وكل درب عنها بعيد يصدني..
مدري المحبه ضيعتني والا انا ضيعتني..
ماحكت والحزن بيني وبينها..
في صمتها تضيع ادور وينها..
فجأه اختفى كل الكلام..
تاهت حروفي في الظلام..
اللي سكن في عينها...
كل الأماني وقتها ردت لقلبي اشتقتها..
لو سنين عمري تضيع والسنين تنسى الربيع..
ماانساها ابد..
لو يصير الشوق دمي .. او سواد الليل همي..
ماادور احد...
انا ويش ادور بعدها.. لو نساني وعدها..
..........