(32)
رن جوالها..
عقدت حواجبها.. رقم غريب.. ردت: الو......
جمدت ملامحها.. طاح الجوال في حضنها......
بدريه : ساره...... هزت كتفها.......ساره .. منو المتصل......
ساره : .........................
بدريه: اخذت الجوال.. الو,,,,,الو؟؟
اوووه منو هذي......طوووووووووط
سكر الخط........
بدريه تهز كتفها.. ساره منو اللي متصل؟؟؟؟؟؟؟
ساره : فاتحه عيونها.. وتطالع قدام.. هذا هذا..........
بدريه : منو؟؟؟؟قولي بسرعه وقفتي قلبي؟؟؟؟؟
ساره : بقعت ريقها..... هذا اللي كان زوجي..........
بدريه : ولد عمتك؟؟
ساره : لا...........ماهر......
بدريه : ليش متصل؟؟؟؟؟؟؟
ساره : ماادري.......لكن من وين جاب رقمي؟؟ انا غيرته.......
بدريه : شلون عرفتيه..
ساره : صوته....حتى قالي كلمته....يابنت صالح عبدالرحمن...... لفت عليها ومسكت يدها.. بدريه انا خايفه......
بدريه : من شنو؟؟
ساره : ماادري يسوي لي مشكله مع ناصر....
بدريه : ليش؟؟؟؟؟؟
ساره : ماتعرفينه هذا واحد وسخ يسوي اي شي عشان الفلوس...
بدريه : ماراح يقدر يسوي لك شي.. ولو فكر ناصر ماراح يسكت.. عنده واسطات توديه ورا الشمس..
ساره : لكن.............. رن جوالها.. طالعت نفس الرقم....ارد عليه؟؟
بدريه : ردي......
ساره : لاماراح ارد...........
سكت الجوال........ بعد دقيقه رن مسج.....
فتحته (ردي يابنت ابوعبدالرحمن..)
ساره : بدريه شوفي......شوفي وعطتها الجوال.....
بدريه : انتي ليش خايفه منه لهالدرجه؟؟؟؟؟
ساره : نزلت راسها....انتي ماتدري هذا شنو سوا فيني....
بدريه : حطت يدها على كتف ساره.. ش سوا؟؟؟
ساره........نزلت دموعها...........وحكت لها كل شي صار من يوم خطبها الى يوم تطلقت......
بدريه :؟؟؟؟؟؟؟؟؟؟؟؟؟؟؟؟ كل هذا صار لك؟؟؟؟؟
ساره : هزت راسها.....ايه.......
بدريه :ناصر يدري؟؟؟
ساره : لا مايدري عن شي......ولا ابيه يدري........
بدريه : حسبي الله عليه.....طيب شنو يبي منك الحين....
ساره : ماادري ومن وين جاب رقمي؟؟ هذا اللي محيرني.....
بدريه : اسمعي ردي عليه وحطي سبيكر.. و تكلمي وانتي واثقه من نفسك.. واضح من كلامك انه ماعنده شخصيه.. ردي .......
ساره : طيب........حطت سبيكر...نعم........
ماهر: هلا هلا..... شلونك.....
ساره : اخلص اش تبي؟؟
ماهر: اووف صايره قويه.. ايه يحق لك موظفه.....
ساره : موظفه ..... وش عندك......
ماهر : ومنو هالدلخ اللي تزوجك بعدي....لا ومسكنك بفيلا......
ساره : انت شنو تبي بالضبط....
ماهر : ابي 50 الف....بس....
ساره : ايش؟؟؟؟؟؟؟؟؟؟؟؟؟؟؟
بدريه :؟؟؟؟؟؟؟؟؟؟؟؟؟؟؟
ماهر: اللي سمعتيه......والا بخرب حياتك و تتطلقي مره ثالثه.....
ساره : ماتقدر تسوي لي شي.... ولو فكرت زوجي ماراح يسكت لك.. فاهم..
ماهر : ضحكه خبيثه..هههههههههههههه.. عجبتيني واثقه من نفسك.. المهم متى اخذهم.....
ساره : اقول....ضف وجهك...... وسكرت الخط بوجهه..
بدريه : شنو هذا؟؟؟؟؟؟؟؟؟؟؟؟ حقير وتافه وماعنده ذرة رجوله..
ساره : خايفه..
بدريه : اتركيه عنك .... من كلامه مبين انه كمخه.. مافيه الا لسانه ناصر بكف واحد يطيره.. حطت يدها على يد ساره.. لا تخافي منه..
رن جوالها مسج.......(ماشي يانت صالح .. عندك اسبوع.. واذا ماجبتيهم ورقة طلاقك الثالثه تنتظرك..)..
ساره : بكت انهارت خلاص.......
بدريه : اخذت الجوال؟؟؟؟؟؟؟؟؟ تحاول تهديها.. ماعليك منه.. قولي حق ناصر بس وهو......
ساره : قاطعتها..لالا.. مابي ناصر يدري......
بدريه : ليش؟؟؟؟؟
ساره : مابي مشاكل.....واللي يخليك لا يدري..
بدريه : لكن........
ساره : هذا واحد كذاب وحقير يمكن يقوله اي شي.. لالا تقولي له...
بدريه : براحتك......... طيب شنو راح تسوين..
ساره : ماادري......
بدريه : طنشيه احسن.. واذا زودها غيري رقمك....
ساره : اوكي.....انتفضت...رن جوالها.... ناصر....
بدريه : ردي عليه .. هذا ناصر....
ردت بصوت يرجف.. هلا..
ناصر: هلا فيك... شنو فيه صوتك....
ساره : مافيه شي.. وينك جاي؟
ناصر: ايه .. انا عند الباب......
ساره : طيب طالعه.. نادت عبود ووصلتها بدريه للباب...
بدريه : وهي تسلم عليها.. نصيحتي قولي لناصر.. وخليه يتصرف معاه..
ساره : لا ...... مابي مشاكل او كلام.. اطنشه احسن..
طلعت.. ركبوا السياره..
ناصر يسولف مع عبودي....
ساره .. ساكته وسرحانه.......
ناصر: مسك يدها.. وضغط بشويش.. ساره..
ساره : انتفضت.. ولفت عليه نعم....
ناصر: ش فيك...ليش نظراتها خايفه.؟؟
ساره : نزلت عيونها.. ولاشي...
ناصر: ليش سرحانه؟؟
ساره : ولاشي..
ناصر: ولاشي ولا شي.... براحتك..
ساره : اووووف منه.. مثل الجني يدري ان فيني شي على طول..
ناصر: مشكلتها ماتقدر تكذب علي او تخبي .. عيونها تفضحها..
وصلوا البيت...
عبدالله كان نايم.. حمله ناصر.. ووراه ساره..
حطه في سريره وهي راحت لغرفة النوم..
شالت عبايتها.. وطلعت جوالها.. مسج منه (فكري في الموضوع..)
ساره : ياربي استر.. مسحت المسج.. وظلت جالسه على السرير..
جا ناصر.. جلس جنبها.. وقرب منها.. همس.. ساره..
ساره : انتفضت بقوه.. ولفت عليه.. ناصر..
ناصر: ناصر.. عقد حواجبه اجل منو؟؟ ش فيك اليوم منتي طبيعيه ابد؟؟؟
ساره : هاا......ايه........يمكن من الدوا.. الدكتوره غيرت الدوا اليوم..
وقامت....
ناصر : وين بتروحي..
ساره : اغير ملابسي.. راحت وجوالها في يدها......
ناصر: غريبه؟؟؟؟؟؟؟
بدلت ملابسها.. لبست بيجامها ساتان وردي فاتح... بنطلون برمودا وبلوزه بدون اكمام وفتحتها واسعه من فوق.. قفلت جوالها..
طلعت لقته نايم على السرير ببنطلون بس زي عادته..
ناصر: يبتسم لها... ايووه ياوردي...
ساره : ابتسمت ونزلت عيونها.. هههههههههههه
ناصر: تعالي هنا.. وهو يأشر جنبه..
مشت بشويش وجلست جنبه.. على طول حضنها.. تمسكت فيه.. خايفه .. تدور الأمان عنده هو وبس.. بعد عنها وهي لسه حاطه راسها على كتفه..
ناصر: حبيبتي.. ش فيك..و هو يمسح على شعرها وظهرها..
ساره : مافيني شي..
ناصر: بعدها.. حط جبهته على جبتها.. ماراح تقولي..
ساره : نزلت عيونها.. متضايقه عشان موضوع ال.......
ناصر: فهم عليها.. موضوع العيال.. قلبي هذا بيد رب العالمين.. لاتتضايقي عشان خاطري..
ساره : ان شاءالله.. خاطرك عندي بالدنيا..
ناصر:اووووووه .. هذي اللي بتخليني اتهور..
قرب منها باس خدها .و,,,,,,,,,,
الصباح.. صحت ساره..
ناصر: جنبها.. يحرك شعرها.. سارونه.. قومي حبيبتي.. تأخرتي..
ساره : هممممممممم... شنو......
ناصر: حك خشمها بأصبعه.. قومي متأخرين الساعه 6......
ساره : قامت مفزوعه....ايش؟؟؟؟
ناصر: ههههههههههه.. شكلك يضحك... اقولك 6... ماقلت 9
ساره وهي تقوم : اوووف انت ماتدري اني اصحى من 5..
ناصر: ماادري عنك.. جوالك حتى مارن..
ساره : اهاا......طفيت جوالي من امس وتركته في غرفة الملابس...
راحت غرفة الملابس اخذت لها ثياب وتروشت وجهزت..
بعدين راحت تلبس عبودي......
وهي تعدل ثيابه.. جا ناصر... حبيبتي جوالك يرن وهو ماسكه...
ساره : قامت بسرعه. واخذته من يده..
ناصر: عقد حواجبه... ش سالفه؟؟
ساره : مسج منه (عندك اسبوع 50 الف او ........ اخرب حياتك)
بعدماقرت المسج... حست انها بنتهار.. كان واقف جنبها وشاف وجهها..
ناصر: من عند منو الرساله؟
ساره : رفعت.. ها....... وحده من البنات.. ومشت عنه..
ناصر: متأكد في شي..........
وصلها دوامها.. طول الطريق ساكته وسرحانه..
وهو يفكر. شنو فيها..
...........
في شركة ابوناصر......
المحاسب: استاذ محمد .. وضع الشركه مادي سيء اوي..
ابوناصر: وين فهد ؟
المحاسب : الأستاذ فهد ماجاش الشركه من اسبوعين.. وكمان كان فيه اجتماع مع شركات بخصوص مشاريع كبيره وحضرتوا ماحضرهاش.. وخسرنا المشاريع وكل المناقصات بتاعة الشهرين اللي فاتوا خسرناها كمان..
ابوناصر: فتح ازرار ثوبه.. وشنو بعد؟؟
المحاسب: نزل راسه.. البنك يافندم.....
ابوناصر: شنو فيه؟
المحاسب : ارسل لنا انذار ... الاستاذ فهد اخد قرض بضمان الشركه ومادفعش منو ولا قسط.......
ابوناصر: حط راسه بين ايديه.... لاحول ولا قوة الا بالله......
المحاسب : نكلم استاذ ناصر.....
ابوناصر: رفع راسه..لا..... اطلع برا انا القى حل......
طلع المحاسب... دق على فهد.... مارد....زمره ثانيه وثالثه مارد....
نادى السكرتير.......يازفت وينك.....
جا السكرتير : نعم طال عمرك....
ابوناصر: بصراخ.... اتصل على جوال فهد لين يرد عليك.. واذا رد قوله يجيني ضروي ....فاهم؟
السكرتير : حاضر طال عمرك.. وطلع..
جلس على مكتبه وهو يضحك.. اذا رد.. مسكين يامديرنا.. وينك ياناصر..
..............
مر اسبوع......
ساره متوتره وعلى طول جوالها معها.. ماهر لسه يرسل لها مسجات تهديد.. وجوالها اما صامت او مقفل..
ناصر.. حاس ان فيها شي.. الا متأكد.. ويشوفها دوم متوتره وجوالها في جيبها .. وكم مره يتصل لها ماترد ولما يسألها تقول كان صامت ويعصب.. ومل من كثر مايسألها فيك شي.. في مشكله.. وهي تجاوبه لا مافيني شي..
واغلب الوقت ساكتين والجو متوتر بينهم.....
بعد العشا جالسين يشربوا قهوه..
هز جوالها في جيبها.. قامت بسرعه وراحت المطبخ..
ناصر : طالعها وهي قايمه وبعدين معها.....
ساره : اوووف صار يلاحظ علي كل شي.. مسج منه (ماشي ياساره.. انا ادمر حياتك..)..... حست انها بتبكي.. مره ثانيه .. دقت علي بدريه..
بدريه : طيب شنو تتوقعي يسوي؟؟
ساره : ماادري.. خايفه..
بدريه : ماقلتي لناصر..
ساره : لا وماابيه يدري..
بدريه : اسمعي .. انا احاول اخلي زوجي يشوف حل.. عطيني اسمه الكامل.. وانا اشوف..
ساره : ايه واللي يخلي لك عيالك.. حاولي تحليها مابي ناصر يحس بشي.. او يشك..
ناصر: كان جاي... اشك بشنو؟؟
ساره : فتحت عيونها.. ها.......
ناصر: منو تكلمين؟؟
ساره : أ......أ......بدريه...
اخذ الجوال من يدها بقوه.. طالع المكالمه بدريه..
كلمها : هلا اختي..
بدريه : هلا اخوي شلونك؟
ناصر: الحمدلله.....خير وش عندك مع ساره ..
بدريه : ها...ايه...... كنا نبي نسوي لك مفاجأه.. بس انت خربتها..
ناصر: شنو هي؟
بدريه : عيدميلادك بعد اسبوع وكنا نبي نسوي لك حفله صغيره .. لكن انت الله يهداك.. وتعيب على ندوا ملقوفه..
ناصر: هههههههه... شنو حفله .. بزر شايفتنني..
بدريه :هههههههه خلاص راحت عليك.. عطيني ساره اشوف..
عطاها الجوال....... وراح عنها..الصاله...
ساره : بصوت يرجف.. هلا.....
بدريه : لاتخافي رقعتها.....
ساره : تسلمين يارب.. حاولي تخلصي الموضوع بسرعه.. حسيت انه بدا يشك فيني..
بدريه : تطمني..
.. بعد ماسكرت من عندها.. راحت وجلست جنبه كان يطالع التلفزيون
حطت راسها على كتفه وهو حوطها بيده وصار راسها على صدره..
ساره : حبيبي..
ناصر: وهو يطالع التلفزيون.. نعم..
ساره : اوعدني بشي..
ناصر: حس نبرة صوتها فيها شي متأكد.. لكن عنيده ماتبي تقول لي.. اخذ الريموت ولغى الصوت.. لف عليها.. وصارت عينها في عينه.. اوعدك بشنو..
ساره : نزلت عيونها..
ناصر: حط يده الثانيه على خدها.. ماراح تقولي لي شنو فيك...
ساره : حست دموعها بتنزل.. انا خايفه..
ناصر: من شنو حبيبتي..
ساره: من كل شي......
ناصر: حضنها.. متى راح تبطلي خوف.. انتي معي.. ومافي شي يفرقنا الا الموت..
ساره : تمسكت فيه...الموت.......
ناصر: بعدها عن حضنه.. وباس خدها.. قرص خدها بخفيف... انا احبك ياخوافه.. ومافي شي يمكن يفرقني عنك.. قاعد لك على قلبك..
ساره :ههههههههههههههههه.. حياك مااقول لا.........
ناصر: تسلم الضحكه.. ايه الحين حلو..
ساره : الله يسلمك يابعد عمري.. باست خده بوسه طويــــــــله...
........
يوم ثاني الصباح.......
صحت على صوت جوالها يرن...... رقم غريب...
طالعت ناصر جنبها.. يتحرك يمكن صحى ويسمع.. راحت الصاله.. وردت..
ساره : الو.........
ماهر : يعني ماراح تدفعين....
ساره : لا وليش ادفع؟
ماهر : اشتري راحة بالك..
ساره : انا مرتاحه قبل لا اشوفك..
وسكرت بوجهه..
ماهر.. والله لأخليك تندمين..
ساره : كانت خايفه وترجف.. رجعت نامت جنبه وتمسكت فيه قد ماتقدر..
ناصر: صحى.. شفيها....حركها.. شفيك ؟
ساره : بردانه....
ناصر: بردانه... اخفض المكيف....
ساره : لا...خليك جنبي....
ناصر: حبيبتي.. قومي بنتأخر ..
ساره : استنى شوي..
ناصر: قام وقومها معاك.. انتي ش فيك الييوم.. وهو يدغدغدها..
ساره : وهي تضحك..ناصرههههههههههههههه....يامجنون....هههههههههه هههه
ناصر: وهو يدغدغدها..ماراح اوقف لين تقولي احبك....
ساره : هههههههههههه احبك والله.هههههههههههههههههه خلاص.....
ناصر: وقف.. باس رقبتها بقوه.... ختم وزارة التجاره... هههههههههه
ساره : قامت وهي حاطه يدها مكان البوسه.. يامجرم... ومن قالك محتاجين تصديق من وزارة التجاره.....
ناصر: هههههههههههههه شغلك مأثر عليك...
ساره : اذا بينت بزعل منك... ومدت بوز.
ناصر:ههههههههه قرب منها وهو يحرك حواجبه.. احب على قلبي تزعلي واراضيك... ياعسل انتا.....ومسك خدودها..
ساره : تبعد يده.. ياثقيل الدم.......
ناصر: ههههههه.. يلا لا نتأخر.....
وهم رايحين يوصلو عبدالله الروضه..
تطالعه.. وتبتسم.. يارب.. لا تغير علينا..
بعد ماوصلوا عبدالله........
لف عليها...
ساره : تطالعه.. يجنن بكل شي.. وهو لابس النظاره الشمسيه يذوب.. كأنه براد بيت..ههههههههههه... هو احلى..
ناصر: شفيك تضحكي...
ساره : وهي حاطه يدها على فمها.. براد بيت...ههههههههههه
ناصر: منو؟؟؟
ساره : انا كنت اسميك براد بيت في الشركه......
ناصر: ضحك..اييييه.. الله يذكرها بالخير ايام الشركه والتهزيء وحط يده على خده..و الكفوف..
ساره : كله كف واحد........
ناصر: قرب منها.. والله ذاك اليوم لما شفت الشباب وقفوا قريب منك.. حسيت قلبي طلع من مكانه.. ولو لمسك واحد منهم ذبحته..
ساره : نزلت عيونها... لهالدرجه ..
ناصر: اروح فيك اعدام انا......ياروحي انتي......
ساره : ناااااااصر.. امشي.. قبل لااحد يشوفنا..
ناصر: وهو يحرك المقود.. الوعد في البيت...
ساره :ههههههههه...
وصلت الدوام وهي مبسوطه ومروقه... احبك ياناصر اكثر من كل يوم.. بدت شغل ونست ماهر وتهديده.. ناصر يحبني ومستحيل يصدق كلامه...
.............
في بيت بدريه..
بدريه : تكلم زوجها..متاكد؟؟؟؟؟؟؟؟؟؟
ابوسلطان : والله العظيم.....
بدريه : الله يستر..
ابوسلطان : هذا واحد نصاب ولعاب..
بدريه : طيب شنو اقول لساره؟؟
ابوسلطان : قولي لها تطنشه احسن.. هذا واحد معروف عنه انه نصاب وكذاب وحتى لو قال شي لناصر ماراح يصدقه اخوك اعقل من كذا بكثير..
بدريه :ان شاءالله... طيب اتصل على ساره..
ابوسلطان : طيب كلميها وطمنيها.. مع السلامه..
بدريه : مع السلامه.. ودقت على ساره..
ساره : مشكوره حبيبتي طمنتي قلبي..
بدريه : واذا مابطل مسجات.. غيري رقمك..
ساره : اممم اشوف..
بدريه : اهم شي تطنشيه وعيشي حياتك..
ساره : خير ان شاءالله..
وقت الغدا.. دقت على ناصر..
ناصر: هلا وغلا بالصوت وراعيه..
ساره :هههههههه تسلم.. مشغول..
ناصر: حتى لو مشغول.. افضى لك كم سارونه عندي..
ساره :اممم عازمتك على الغدا..
ناصر: هههههه على حسابك؟؟
ساره : انت وضميرك..
ناصر: ههههههههههه.. انا وضميري ها.. طيب اجهزي دقايق وانا عندك..
ساره : تسلم لي يارب..
عشر دقايق.. وهي جنبه في السياره..
ناصر: وين راح تغدينا..
ساره : امم.. اي مكان.. اهم شي مو المطعم الصيني..
ناصر: ههههههه جاتك عقده ..طيب..
تغدوا.... وصلها الشركه..
ساره : مع السلامه..
ناصر: اشوفك في البيت..
نزلت.. وهو يبتسم.. احبها ياناس.. تذوبني...
ساره : وهي داخله الشركه.. ركبت الأصانصير وهي مبتسمه... احس انه يحبني اكثر من انسان في الدنيا......... قلبي تطمن ان ماهر ماراح يقدر يسوي شي..
..........
وصل الشركه وهو مروق..
السكرتير : استاذ ناصر.. في شخص طلب يقابلك..
ناصر : منو؟
السكرتير : ماادري قال انه فاعل خير..
ناصر: عقد حواجبه.. فاعل خير؟؟ منو طيب.. عطاك اسمه؟؟
السكرتير : لا .. قال بيرجع بعد نص ساعه..
ناصر :طيب اذا جا اسأله عن اسمه.. وشنو يبي..
السكرتير : ان شاءالله..
دخل مكتبه وجلس.. فاعل خير.. شنو يبي؟؟ مع ان هالزمن مافي فاعل خير.. نشوف.......
بعد نص ساعه.. دق عليه السكرتير..
السكرتير : وصل الرجال....
ناصر: ماقال لك اسمه؟
السكرتير : لا.....قال يبي يقابلك ضروري..
ناصر: طيب خليه يدخل..
دخل.. السلام عليكم ورحمة الله.. ومد يده..
ناصر: وقف وسلم عليه وعليكم السلام.. تفضل...
جلس.. زاد فضلك..
ناصر : تشرب شي؟
ماهر : لا شكرا..
ناصر: في نفسه..واحد ملتحي..و شكله من هذولا المطاوعه.. مالي خلقهم.. سم.....
ماهر: سم الله عدوك.. في موضوع لازم تعرفه..
ناصر: من كلامه شكله الموضوع جدي وخطير.. تفضل..
بعد ماخلص كلامه.. وقف ناصر..
ناصر: ايششششششششش؟؟؟؟؟
ماهر : والله يشهد علي.......
ناصر: بصراخ....اطلع برااااااااااااااااااااااااااااا...
ماهر : هذا جزا الخير جاي انصحك من وحده ماعندها شرف..
ناصر: مسكه من رقبته.. اللي ماعنده شرف انت .. اطلع برا ورماه برا مكتبه..
ناصر: يكلم السكرتير.. طلعوه برا لا اذبحه.. طلعوه برااااااااااا..
رجع ورمى نفسه على مكتبه.. وهو يتنفس بسرعه.. حقير ..
ساره.. مو عارف بشنو يفكر.. حط يده على راسه.. استغفر الله.. هذي زوجتي..
طلع من عنده وهو يعدل ثوبه..
حتى لو ماصدق.. بيفكر في كلامي.. وهذا يخلي اي رجال يشك فيها..
انتهى الدوام.. ناصر ماسوى شي بعد ماطلع من عنده ماهر.. جالس على مكتبه ويفكر في كلامه.. معقوله يكون صحيح...
جاه السكرتير..
استاذ ناصر..
ناصر: يطالع قدام.. ويتنفس بقوه..
السكرتير : استاذ..
ناصر: بدون مايتحرك.. نعم.....
السكرتير : خلص الدوام.....
ناصر: طيب.......
طلع السكرتير.. وهو لسه على حاله ماتغير..
قطع تفكيره... صوت جواله.. طالع المتصل.. فتح عيونه ع لآخر.. وغلى الدم في عروقه.. ساره.. رد نعم..
ساره : حبيبي وينك الساعه 8.....
ناصر :ببرود.. جاي..
ساره : فيك شي..
ناصر : لا.......يلا جاي الحين.. باي..
ساره : باي؟؟؟؟؟؟؟؟؟؟؟؟؟؟؟؟؟
شفيه.. شكله معصب...
وصل البيت.. نظراته بارده..
ساره : تطالعه وهو داخل.. عادة يجي ويحضنها.. يقولها مشتاق لك.. وحشتيني.. ويبوسها .. لكن اليوم يطالعها ببرود..
ناصر: السلام..
ساره : وعليكم السلام.. ليش تأخرت..
ناصر : طالع الجهه الثانيه.. مشغول.. وراح الدرج..
ساره : مشت وراه .. ماتبي تتعشى..
ناصر: وهو يركب .. مالي نفس..
ساره : شفيه؟؟؟؟؟؟؟؟؟؟؟؟؟؟؟؟؟؟؟
بدل ملابسه.. وراح الصاله .. جلس ..
هي كانت في المطبخ.. جات وجلست جنبه.. وهي تمسح على شعره.. شفيك حبيبي..
ناصر: جامد ويطالع قدامه.. مافيني شي..
ساره : طيب ماتبي قهوه؟
ناصر: لا مابي شي..
ساره : غريبه.. متأكد مافيك شي؟
ناصر: قام.. اووووووووووه.. وهو يصرخ.. وبعدين معاك.. الا تنكدين على الواحد...اوووف منك...
وهو ماشي.. عيشة كلها نكد في نكد...
ساره : تطالعه وهو ماشي.. انا منكده عليك.. ش سويت؟؟ معقوله يكون ماهر قال له شي.. لالا.. مااتوقع وحتى لو قال.. ناصر مستحيل يصدقه..
راحت غرفة النوم.. لقته نايم..
جلست جنبه.. وهي تطالعه..
لما حس انها جنبه.. انتفض وقام..
ساره : وين بتروح؟
ناصر: مو شغلك.....وطلع من الغرفه..
ساره : ؟؟؟؟؟؟؟؟؟؟؟؟؟؟؟
راح الغرفه الي جنب غرفة عبود.. نام على السرير.. موقادر انام جنبها..
ساره.. طلعت من غرفتهم.. شافت الأنوار في الغرفه الثانيه..
نايم هنا؟؟؟؟؟ طيب ليش؟؟؟؟؟؟
فتحت الباب.. هو كان توه بينام..
ساره : قربت منه وجلست على طرف السرير..
ناصر: اللهم طولك ياروح.. بدون مايطالعها.. ش تبين؟؟
ساره : يتنام هنا؟
ناصر: ايه.. طفي النور وانتي طالعه......
ساره :؟؟؟؟؟؟؟؟؟؟ طيب ليش؟؟؟ انا زعلتك بشي؟؟
ناصر: لا........
ساره : طيب انام هنا جنبك..
ناصر: لا.....وقومي عني .. مالي خلقك....
ساره : تطالعه مصدومه.....مالك خلقي.. قامت قبل لاتبكي قدامه..
ناصر: طالعها وهي طالعه.. اكيد بكت.. غصبا عني ياساره .. مو قادر على قربك مني.. قربك يتعبني.. مجرد التفكير في كلام زوجك السابق.. يخلي الف حاجز بيننا..
ساره : جلست على السرير.. ودموعها على خدها. . ليش ياناصر.. مالك خلقي.. ش سويت؟؟؟؟؟؟؟حتى ماتبيني جنبك.. حرام عليك..
نامت.. تطالع مكانه الخالي.. اخذت مخدته وحضنتها ونامت بصعوبه..
.............
يتبع