(34)
ناصر: ابيك.. انا ابيك اليوم قبل بكره جنبي.. ولو بيدي رجعت الزمن لورا ولا زعلتك بكلمه وحده..
ساره : ايه كثر منها ماعنده الا هالكلام اللي يصفه وانا اصدق , لكن من اليوم ورايح بتشوف ساره ثانيه.. طيب.. متى بتجي؟
ناصر: بفرح اجيك الحين؟
ساره : لا.....تعال بكره..
ناصر: مايبي ياخذ ويعطي معها عشان ماتعند وتغير رايها.. طيب متى تبيني اجيك؟؟ ش رايك اخذك من الدوام؟
ساره : لالا.. تعال بعد الدوام.. خذني قدام اهلي..
ناصر: ش سويت فيها ياسعد.. اوكي مثل ماتبين..
ساره : مع السلامه.....
ناصر: الله يسلمك....
سكر من عندها وهو مبسوط.. لكن قلبي يقول في شي راح يصير.. لكن اخاف تردني مره ثانيه......
لوفرضنا كنت انا البادي بخطاي.. واعترفت بذنبي كله وغلطتي..
اعذريني واسمعي صوتي ونداي.. باتعذر لك واعاند عزتي..
من بعدتي وانا في همي وشقاي.. ضيعت دربي السعاده..
درب السعاده خطوتي..
ان رضيتي شرقت شمسي بسماي.. وان زعلتي فيني ضاقت دنيتي..
فوقك الله.. لاتزيدين بعناي.. لاترديني وقدري عنوتي..
مايغرك ياشقى قلبي وهناي.. لو سمحتي لي اوضح كلمتي..
اعتذاري كان اثبات لهواي.. ولا تخليني اعيش بحسرتي..
ساره.. كرهت كل شي.. ذليت نفسي له .. لكن هذا اللي يبونه اهلي.. كلمه والثانيه الرجال شاريك.. ليش سياره من سياراته شاريني من الوكاله.. الله يسامحكم ياسعد وعبدالرحمن..
ماقدرت تنام.. خايفه من بكرا..
ناصر.. مو قادر ينام.. مبسووط ومستعجل ليجي بكره.. لكن خايف يروح لها وترده مره ثانيه..
................
في بيت ابوناصر..
هيفاء تكلم مشعل..
هيفاء: شنو تبي اكثر.؟؟
مشعل : في واحد من ربعي عجبتيه ويبيك..
هيفاء : ايش؟؟؟؟؟؟ واحد من ربعك؟؟؟
مشعل : ايه.. متى بتجي؟
هيفاء : مشعل.. انت قلت اطلع معاك وبتعطيني كل الصور.. شنو سالفة ربعك بعد..
مشعل : امم.. بس كذا.. اش قلتي جايه او لا؟؟
هيفاء : بعد يومين.. امي ملاحظه علي ..
مشعل : ماشي ياهيوف.. راح اصبر يومين بس.. واذا ماجيتي ياويلك..
وسكر الخط بوجهها..
هيفاء : ش سوي الحين.. انا اللي عمري ماراح اتعلم.. كل مره اقول آخر مره.. ارجع وامشي في طريق الغلط مره ثانيه.. ماتعلمت من السجن.. ياربي.. اروح لمنو يساعدني.. ماعندي احد.. خالي لو عرف راح يذبحني.. وعمامي تبروا مني.. وابوي.. الله يرحمه.. اروح لمنو؟؟؟؟؟؟؟؟؟
.....................
يوم ثاني الصباح..
ساره : صحت من النوم.. مالها مزاج اي شي.. لبست ونزلت..
ام عبدالرحمن : ساره .. يمه افطري كلي شي..
ساره : وهي طالعه مالي نفس ..
وصلت مكتبها..
؟؟؟؟؟؟؟؟؟؟؟؟؟؟
باقة ورد كبيره على مكتبها..
اكيد منه.. طالعت الكرت كبير.. مكتوب فيه..
متى نرجع مثل اول..حبايب عن بعض نسأل..
وننسى كل شي صار.. ومهما يصير مانزعل..
متى نرجع مثل اول..
خذتنا هموم وجابتنا..ومدري وين ودتنا..
صحيح الفرقا هزتنا..وكل ايايمها تنمل..
متى نرجع مثل اول..
تعال وخلنا نرجع..تسمع وانا لك اسمع..
ترى هالغيبه ماتنفع..ياليت لحلها نوصل..
متى نرجع مثل اول..
بعد ماقرت الرساله:هههههههههههههههههههه
هذاك اول ياناصر تجيب راسي بالكلام الحلو والهدايا.. لكن الحين لا..
.. حتى لو رجعت معاك .. ماراح ارجع ساره القديمه.. تغيرت ياناصر انا مو مثل اول..
.....
الساعه 5 العصر.. دق عليها..
ساره : ش يبي بعد.. مابرد عليه.. اخلص شغلي عشان اروح البيت.. والله ماودي اروح.. لكن.. جات في بالها فكره..
طلعت شغل كان مأجل.. اسويه عشان مااخلص بدري.. لاحقه على الهم..
ناصر : بعدك على عنادك..لا تردي.. الليله انتي عندي...
طلع من بيته وراح بيت اهل ساره...
جلس مع سعد وابوها..
سعد : الحين تجي..
ناصر: لف على سعد.. شنو قلت لها..
سعد : ضحك..انا ماقلت .. عبدالرحمن هو اللي عطاها كم كلمه وماقدرت ترد عليه..
ناصر: في نفسه.. بعد راجعه لي غصب عنك..
الساعه 7...... ماجات.. ادق عليها.. ادري عنها تعاند..
سعد : يطالع ساعته.. تاخرت.. ادق عليها.. دق عليها وحط سبيكر..
ردت : هلا سعد..
ناصر: تتكلم بدون نفس.. ياحبني لها..
سعد : وينك تأخرتي؟
ساره : اكيد مستعجلين على فراقي.. انا في الطريق كان عندي شغل..
سعد : طيب ..
وصلت البيت.. اوووف سيارته عند الباب..
دخلت مافي احد في الصاله.. ركض للدرج..
وقفها صوت ابوها يناديها..
لفت وهي على نص الدرج.. نعم يبا..
ابوعبدالرحمن : تعالي يابنتي زوجك في المجلس..
ساره : اممم .. دقايق وانزل..
ابوعبدالرحمن : طيب يابنتي لاتتأخري..
راحت غرفتها اخذت شاور سريع ولبست بنطلون اسود وقميص ابيض.. وخلت شعرها مفتوح.. حت غلوس وردي وكحل..مالي خلق اكشخ له.. ونزلت..
تمشي لباب المجلس.. تجر رجولها جر.. دقت الباب..
انتفض من مكانه.. اكيد هي..
سعد : تفضل..
فتحت الباب ودخلت وهي منزله عيونها.. السلام عليكم..
ناصر: وقف وعليكم السلام.. طالعها.. نظراتها مكسوره.. اكيد مغصوبه ترجع لي.. مشتاق لها..
سعد :ضحك..ههه ادخلي ليش مستحيه..
ساره : في نفسها.. مستحيه..ههه الا مو طايقه اشوفه.. دخلت وجلست على كنبه مفرده..
سعد : هههههه قرب لناصر.. الله يعينك على عنادها.. وقام.. اشوف على خير يالنسيب.. وطلع..
ساره : حست ودها تطلع وراه.. ريحة عطره تخنقها.. بعد ماكانت تذوبها..
ناصر: يطالعها.. ناويه شي.. اعرفها.. قام وقرب منها..
ساره : اوووووف منه..
جلس لأقرب كنبه لها..
حطت رجل على رجل وصارت تهز رجولها..
ناصر: ابتسم.. شلونك؟
ساره : بخير.. وهي تطالع الجهه الثانيه..
ناصر: مسك يدها.. سحبتها بقوه.. بدينا عناد..
ساره .. انا..
لفت عليه..انت شنو؟؟
ناصر: ؟؟؟؟؟؟؟ انصدم من نظراتها.. حاقده علي بقوه.. نزل عيونه.. رفع.. لسه نفس النظرات..
ساره : حست انها زودتها.. لفت عينها..
ناصر: ساره.. اسمعيني بس..
ساره : وقفت.. اسمعك في البيت..
ناصر:وقف جنبها..حس وده يحضنها لكنه تراجع.. قربه منها يضعفه.. في البيت؟؟ يعني..
ساره : مشت ايه.. بروح اجيب اغراضي..
مسك كتفها.. رفعت عينها عليه.. وجات في عينه.. حست ودها تبكي من نظراته.. كلها ندم واسف..
ناصر.. عيونها تقول حاقده اكثر من قبل.. ساره ابي اعتذر لك..
ساره : تبي تفك يدها.. مو وقته وبعدين مافي فايده ..
ناصر: ليش؟؟؟؟؟؟؟؟
ساره : خلاص.. كل شي تغير.. اتركني بروح البس..
ناصر: تركها.. وهو مصدوم من كلامها..
رجعت ... وهي تعدل شيلتها بدون ماتطالعه.. يلا نمشي..
ناصر : وقف قدامها.. مسك كتوفها وقربها منه.. ساره اذا انتي راجعه لي غصب عنك .. خليك هنا احسن..
ساره : تطالعه.. انت شنو تبي بالضبط.. مو هذا اللي تبيه.. انت واخواني..
ناصر: انا مالي علاقه باللي سواه سعد وعبدالرحمن..
ساره :.. مو تبيني ارجع لك..
ناصر: مسك خصرها.. وباس جبينها.. يعني سامحتيني..
ساره : قربه منها يعذبها.. ايه..
ناصر: ماقدر يقاوم اكثر حضنها بقوه... وحشتيني..
ساره : ماسوت اي ردة فعل..
بعد.. مسك يدها .. يلا نمشي..
................
ركبوا السياره..
ساره .. ساكته..
ناصر : كل شوي يلف يطالعها وهو مبتسم.. مو مصدق انها معاي..
وقفوا عند اشاره.. مسك يدها وباسها..
سحبتها بشويش.. وهي تهمس.. اصبر للبيت ش فيك..
ناصر: هههههههههههه..
ساره : هين ياناصر نوصل البيت ويصير خير...
وصلوا البيت..
فتح لها الباب.. تفضلي نورتي البيت..
ساره : شكرا ودخلت..
عبودي كان مع المربيه جاها يركض.. ماما ساره..
حضنته.. وهي تبوس خده.. كيف حالك حبيبي..
عبدالله : يضحك زين.. ابوي مايعرف يسوي حليب مثلك..ههههييي
ناصر: نزل عيونه وهو يضحك..
ساره : طالعت ناصر.. ورجعت تكلم عبدالله.. تبي اسوي لك الحين؟
عبدالله : لا.. بعد العشا..
نزلت عبدالله.. وراح للصاله.. قرب منها.. حبيبتي..
ساره .. ولا تأثرت.. نعم......
ناصر.. تعالي تعشي..
ساره .. طيب لحظه.. شالت عبايتها وعطتها الشغاله..
شافت طاولة الطعام.. اووووه جايب كل شي احبه.. هههه..
جلسوا يتعشوا.. ناصر على راس الطاوله.. المفروض ساره على يسار وعبود يمين.. لكن.. جلست عبود بينها وبينه..
ناصر: بدينا عناد..
يتعشوا بهدوء.. اثنينهم ساكتين.. ماعدا عبود يسولف لساره عن الروضه..
وهي تضحك او ترد بكلمه او كلمتين..
ناصر.. ساكت ويطالعها..
بعد ماخلصوا عشا..
قامت ساره وراحت على طول فوق.. مسك يدها..
ناصر :وين رايحه؟
ساره : نظراتها قدام.. وين يعني فوق.. بنوم عبدالله.
ناصر: وهو يسحب يدها .. المربيه موجوده.. تعالي ابيك شوي..
مشت معه... اوووف شنو يبي..
جلس جنبها.. بعدت عنه..
ناصر: وهو يمسح على شعرها.. ش اخبارك..
ساره : سؤاله سخيف.. الحمدلله..
ناصر: ش سويتي في الأيام اللي بعدتي عني..
ساره : لفت عليه.. انت اللي بعدتني.. ورجعت تطالع قدامها.. كنت بأحسن حال..
ناصر: ساره.. انا مهما اعتذر ماراح اقدر اسامح نفسي.. لكن ابي تعرفين شي واحد.. اني حبيتك ولسه احبك..
ساره : ماله داعي تجاملني اكثر.. تلاقيك مرتاح وانا بعيده عنك..
ناصر : لا من قال..
ساره : ......................
ناصر: قام وراح فوق..
ساره : فكه منه..
دقيقه ورجع.. في يده عود..
ساره : مجنون هذا..
جلس قدامها ومسك العود..
ش سولف لك عن اخباري.. وش الدنيا عقب فرقاك..
حشى والله ماتسوى.. لاالدنيا ولا اخباري..
حبيبي كم تصبرني .. على الفرقا صدى ذ****..
وانا لامن ذكرت الحب..يرد الحب لك طاري..
ورب البيت مااجامل.. قليل ان قلت انا اهواك..
انا عندي كلام اكبر.. يهز الحب واقداري..
احبك ايه متأكد ..و لايطري علي انساك..
انا وشلون انسى .. اللي رسمته درب مشواري..
طالعها وابتسم.. هذا تذكرينه..
حبيبي..كلها يومين.. واجدد بالهوا لقياك..
واهني بشوفتك عيني.. واسولف عن اخباري..
ترى هالدنيا ماتسوى.. اذا ماعشتها وياك..
عليك الله وامان الله.. تطفي بشوفتك ناري..
ش سولف لك عن اخباري..
ساره.. طول ماهو يعني.. تطالعه ببرود.. ولا تحرك فيها شي..
خلص وهو يعدل العود.. حطه على جنب ورفع عينه..
وينها؟؟؟؟؟؟؟؟؟؟؟ لف جهة الدرج.. لقاها طالعه فوق..
ناصر: تنفس بقوه.. قلت اكيد ناويه على شي..
راحت غرفة النوم..
ساره : وقفت عند الباب؟؟؟؟؟؟؟؟؟؟؟؟؟؟؟
الغرفه كلها ورد روز احمر.. ومنثور على السرير بعد.. والمكان تفوح منه ريحه تجنن.. وعلى كنبه جنب السرير فستان احمر جديد وجنبه علبه ..
حست فيه واقف وراها..
يبي يتقرب منها.. وقف وراها.. وهو يشم شعرها.. لمس كتفها..
بعدت.. وراحت غرفة الملابس.. بدلت ملابسها.. لبست دشداشه قصيره للركبه لونها ابيض.. واخذت مخده ولحاف ومشت للباب..
كان واقف .. مسك يدها : شنو هذا؟
ساره : اللي تشوفه.....بدون نفس.....
ناصر: طيب ليش؟؟؟
ساره : بنام في الغرفه الثانيه....
ناصر: انصدم.. ليه؟؟؟؟؟؟
ساره : تحاول تفك ايدها منه لكنه ماسك عليها بقوه.. احسن لي ولك..
ناصر: ساره.. عارف انك للحين زعلانه مني لكن.. عطيني فرصه.. ماراح نحل المشكله وانتي تتصرفي كذا..
ساره : ماتقدر تصلح اللي انكسر.. خلاص.. لاتحاول.. مهما سويت ماراح ارجع ساره اللي كنت تعرفها..
ناصر: يطالعها كيف تتكلم ببرود ولا مبالاة.. طيب انتي نامي هنا وانا انام في الغرفه الثانيه..
ساره : مو بس مابي انام حنبك.. الغرفه هاذي مابي انام فيها..
ناصر: غمض عيونه .. ترك يدها.. براحتك.. وطلعت..
راحت الغرفه الثانيه.. نامت على السرير.. اوووف هذي ريحة ناصر.. متى نام هنا؟؟؟
دخل الغرفه.. طالع كل شي سواه.. الورد والفستان.. حتى الهديه اللي جايبها لها.. مااستغرب كل شي تسوينه ياساره..
نامت.. مو قادره اتنفس.. كأنه موجود جنبي.. اغير الشرشف احسن..
قامت.. راحت غرفة نومهم.. فتحت الباب بشويش..
كان جالس على الكنبه وحاط راسه بين ايديه..
رفع... شافها واقفه عند الباب.. غيرتي رايك..
ساره : لا جايه اخذ شي.. اخذت شرشف وطلعت..
ناصر: فهم ليش... قال وهي طالعه.. على فكره.. انا نمت هناك وانتي ببيت اهلك..
ساره : لفت وطالعته .. ايش؟؟ نمت هناك؟؟ وليش؟؟
ناصر: ماقدرت انام هنا......
ساره : تطالعه بنظره.. وطلعت...
ناصر: ابتسم.. ماتتنازل بسهوله.. اصبر واشوف نهايتها معك ياساره..
راحت الغرفه.. رمت الشرشف على السرير وجلست.. اووف الحين ش سوي؟؟؟ انام بالصاله.. لالا اخاف يجيني.. امم مافي الا غرفة عبودي او مكتبه.. انام في المكتب وامري لله.. اخذت الشرشف والمخده واللحاف..
الكنب جلد اسود.. مو مريح ابدا..
فرشت الشرشف ونامت..
ناصر.. لسه جالس مكانه.. اروح لها اشوفها.. راح الغرفه ودق الباب..
ماردت...مره ثانيه.. بعد ماردت.. فتح الباب.. عنادها مو علي.. وينها؟؟؟؟؟؟؟؟؟ وين راحت.. غرفة عبدالله.. مو موجوده..
نزل تحت.. بعد مالقاها.. دور البيت كله.. مالقاها.. وين راحت ؟؟؟؟
رجع فوق.. مالقاها..
حس رجوله ماقدرت جلس على الدرج.. حس بهوا بارد جاي من تحت باب غرفة المكتب.. معقوله نامت هناك.. فتح الباب بشويش..
نايمه هنا.........
قرب لها.. وجلس قدامها يطالعها.. كأنها طفله وهي نايمه...
بعد شعرها عن وجهها.. ولمس خدودها.. فتحت عيونها.. شافته..
قامت بسرعه..
طالعها.. ليش نايمه هنا؟
ساره : بس كذا.....
ناصر : اسمعي كلامي وروحي نامي بالغرفه.. والله ماراح اقرب لك..
ساره :قلت لك مابي انام هناك.. ولو سمحت اطلع ابي انام.. عندي بكره دوام..
ناصر: ساره.. ماكنتي بهالقسوه...
ساره : رفعت عينها وطالعته بحقد.. تعلمتها منك..
ناصر:؟؟؟؟؟؟؟؟؟؟ طلع بدون مايقول شي..
راح لغرفة النوم.. نفض اللحاف اللي فوق السرير بقوه.. وطاح كل الورد على الأرض..
نام.. ومحتار.. يارب تصبرني ..
الصباح... صحى على صوت عبود..
عبدالله : وهو يهز كتفه.. قوم بابا..
ناصر: لف عليه.. زين زين.. قام .. بعد ماطلع من الحمام.. لقى ملابسه جاهزه مثل العاده.. ابتسم.. حلو..
لبس ونزل تحت.. لقاها.. على طاولة الطعام مع عبدالله..
ناصر: صباح الخير..
ساره : بدون ماتطالعه.. صباح الخير..
فطروا .. بعد ماخلصوا.. قام ناصر مسك يد عبدالله.. يلا استناك في السياره..
ساره : وهي تسكر عبايتها.. بروح مع السواق..
ناصر: ؟؟؟؟؟؟ اللهم طولك ياروح..وليه؟
ساره : انا ابي كذا..
وجت بتطلع من الباب
مسك كتفها بقوه.. تكلم وهو يشد على اسنانه.. ساره.. ماله داعي تثوري اعصابي من الصبح..
ساره : ببرود..مو شي جديد هي دوم ثايره..
ناصر: تنفس بهدوء.. يلا قدامي السياره..
ساره : تحاول تفك يدها.. قلت لك بروح مع السواق..
عبدالله : انا بعد بروح مع السواق.. مع ماما ساره..
ناصر :طالع ولده.. ترك يدها بقوه وطلع..
ركب سيارته.. فتح النافذه وازرار ثوبه.. لي متى يعني هالعناد..
...............
في بيت ابوناصر..
هيفاء : يمه ابي اطلع الليله..
امها : وهي ماسكه جوالها.. وين بتروحين؟
هيفاء :انا وصاحباتي نبي نتسوق شوي..
امها : طيب .. لاتتاخري بعدين خالك يسوي لنا سالفه.. كلها كم شهر ونطلع من هنا..
هيفاء: صدق يمه.. اشتريتي بيت..
امها : لا ياعمري .. راح اتزوج..
هيفاء: تتزوجين؟؟ منو؟؟
امها : بعدين تعرفين... وقامت طلعت..
هيفاء : تطالع امها وهي رايحه.. انتي سبب ضياعي يايمه.. من يوم كنت طفله ماتدرين عني.. لاهيه بالحفلات والأسواق.. ماحسيت انك امي ابد.. المربيه هي اللي كانت امي.. ولما صرت ام.. سويت مثلك.. ولدي ماادري عنه شي.. مرت ابوه هي اللي تربيه.. وانا يخاف مني....طاحت دموعها.. سامحني ياولدي.. سامحني ياناصر...... ناصر.. ايه مافي غيره.. هو الوحيد الللي راح يساعدني.. اتصلت فيه..
ناصر.. كان جالس في مكتبه.. يفكر.. ش سوي معك ياساره..
رن جواله.. عقد حواجبه.. منو هذا.. مابرد مالي خلق..
رن مره ثانيه... مارد........
وصل مسج.. فتحه .. ناصر انا هيفاء.. رد علي ضروري..
ناصر..ش تبي.. مالي مزاج مشاكلها وهذرتها الفاضيه.. اطنشها احسن.. اللي فيني كافيني..
رجع البيت الساعه 7....
جاه عبود يركض.. حمله وبوسه.. وين ماما ساره؟
عبدالله : يأشر على المطبخ.. هناك...
طبعا المطبخ مفتوح على الصاله..وشافها.. وهي تجهز العشا ولا كأنه موجود..
وقف وراها.. حضنها وصار ظهرها على صدره..
ساره .. حست بشي..لا مابي احس بأي شي.. جمدت مكانها ولا تحركت..
ببرود.. بعد عني..
ناصر.. حط وجهه على رقبتها.. وهمس باذنها.. حبيبتي.. مااشتقتي لي.. ولا لحضني..
ساره: لا.......ولو سمحت بعد ابي اجهز العشا بسرعه..
ناصر :غمض عيونه.. وبعد عنها بشويش.. جلس في الصاله مع عبدالله..
عبدالله : باب شوف خطي حلو..
ناصر :.............يطالعها وبس.. حتى لو ماعبرتني.. المهم اشوفها..
ساره : ودي اخذ اي شي وافقع عينه.. يطالعني مثل مراقبات المدراس(حلوه....خلصت الأختبارات)
عبدالله : يهز كتفه.. بابا...
ناصر: الفتت له... نعم..
عبدالله : عطاه الدفتر.. شوف..
ناصر: اووه حلو خطك..
عبدالله : ماما ساره علمتني من شوي..
ناصر: طالعها وابتسم..
كانت جايه.. العشا جاهز..
قام مع عبدالله..
ناصر :؟؟؟؟؟؟؟؟؟؟؟؟؟
وين صحنك؟
ساره : تعشوا انتو..
ناصر: وانتي؟؟
ساره : مالي نفس وراحت..
ناصر: تنفس بقوه..
جلس على طاولة الطعام..
عبدالله : وهو ياكل.. بابا تعشى..
ناصر: كل انت بابا..
خلص عبودي عشا.. وهو مالمس صحنه..
قام معه عشان ينومه.. حطه في سريره .. راح غرفة نومهم.. لقاها هناك.. توها طالعه من الحمام.. وتمشط شعرها..
لما شافته.. تركت المشط.. وطلعت..
ناصر.. طالعها ببرود.. انا تعبان اليوم.. مالي مزاج اراضيها واترجى فيها..
لبس بيجامه.. ونام على السرير.. طالع مكانها الخالي.. ليش ياساره تعذبيني وتعذبي نفسك.. ليش...... رن جواله..........هذي هيفاء.. شنو تبي.. مارد عليها.. ونام بصعوبه..
ساره.. كانت نايمه في المكتب.. كسر في خاطري اليوم.. طيب ل متى بظل كذا معه.. اشتقت له صحيح.. ماتوقعت اضعف بسرعه.. وين اللي قلت بطفشه من حياته وراح اخليه يندم.. يومين ماقدرت اتحمل.. يمكن وانا بعيده عنه.. لكن هنا.. معاه.. واليوم لما حضنني.. غمضت عيونها وحضنت نفسها.. تتذكره لما كان يحضنها بقوه.. نامت.. وماتدري شنو راح يصير بكره..
الصباح صحت .. اووف اليوم الخميس.. حرام اصحي عبود عشان يقومه.. طيب ش سوي.. فتحت باب غرفة النوم بشويش.. بعده نايم.. اخاف اطنش ويتأخر يسوي لي سالفه بعدين.. مشت على اطراف اصابعها.. قربت من السرير.. طالعته وهو نايم زي عادته صدره مكشوف .. مبين على ملامحه انه متضايق..مسكت يده.. فجأة رن جواله.. المنبه..
فتح عيونه لقاها قدامه.. وماسكه يده.. جات بتقوم.. شد على يدها بقوه..
ساره : كانت واقفه جنب السرير تطالع قدام..وهو ماسك يدها.. كنت ابي اصحيك..
ناصر: ابتسم.. طيب مشكوره.. وباس يدها..بشويش...وطولها شوي..
ساره : تحاول تفك يدها.. كأنه طولها.. ناصر.. بنتاخر..
ترك يدها وقام وصار جنبها.. تامري امر.. مسك يدها ومشى معها لغرفة الملابس..
راح الحمام.. وهي بدلت ملابسها وجهزت له ثيابه.. اخذت عبايتها ونزلت تحت.. سوت لها كوفي.. اووف اسوي له احسن الحين يشم الريحه ويتميلح ابي اشرب من كوبك مالي خلق من الصبح..
نزل وهو مرووق.. تدرون ليش..عطى السواق اجازه..هههه..
كانت جالسه في الصاله.. حطت الفطور جلس جنبها..
الكنبه لشخصين.. يعني قريب منها.. ساره.. ليتني حطيت الفطور على طاولة الطعام.. شوي بيلصق فيني..
ناصر.. مبسووووط.. صباح الخير..
ساره : صباح الخير... صبت له كوفي وهي تعطيه وياه.. تفضل..
لف عليها.. حوطها بيده والثانيه اخذ الكوب فيها.. باس خدها.. وهمس في اذنها.. تسلم ايدك..
ساره : بعدت عنه شوي.. الله يسلمك.. وقفت ..
ناصر: وين بتروحي؟
ساره : وهي تعدل شيلتها.. وين يعني الدوام..
ناصر: ابتسم.. مع منو؟؟
ساره : طالعته.. ابتسامته معناها مسوي شي فيه نذاله.. مع السواق..
ناصر: ضحك..هههههه.. السواق اجازه.. رجع على ورا وريح.. بتروحين معي والا مافي دوام..
ساره : تطالعه... مافي الا هو.. اخاف اقول بروح مع ليموزين.. يعصب ويضربني.. اوكي..
ناصر: قام واخذ معه كوب القهوه..
طلعوا برا.. ناصر.. لف على ساره.. نروح بالهمر..
ساره : لا بالشارجر.. يبي يمسك يدي..
ناصر: ههههههههه.. تامري امر..
فتح لها الباب وركبت.. مسوي جنتل..
ناصر: ركب السياره و الأبتسامه على وجهه..
ساره : يارب نوصل بسرعه..
شغل الراديو.. اغنية مروان خوري وكارول سماحه.. يارب..
ناصر : يغني مع الأغنيه...
ساره : ياكرهي... مسوي رومانسي يعني..
وصلوا شركة ابواحمد..فتحت الباب.. وجات بتنزل..
مسك يدها..
ساره :نعم ..
ناصر: انتبهي لنفسك..
ساره : اوكي.. في شي ثاني.؟
ناصر: لا.. الساعه 1 انا هنا.. انتظرك..
ساره : طيب.. ونزلت..
يطالعها وهي تمشي.. بتجنني ياناس..
................
ام هيفاء :الساعه 11 صحت.. طالعت جنبها.. وين هيفاء؟؟
نزلت تحت مالقتها..
يتبع