تابع
نزلت تحت مالقتها..
ندى : وهي طالعه الدرج.. عمتي وين هيفاء.؟؟
ام هيفاء : ها....ايه نامت عند صاحبتها..
رحت الغرفه .. ياويلي وين راحت.. انا البارح رجعت من العرس الساعه 4 ونمت وماانتبهت انها مو هنا(امحق ام)
اتصلت على جوالها مقفل.....وين راحت..
...........
في شقه مفروشه.. صحت من النوم.. وهي مو طايقه نفسها..
طالعت يمين يسار.. مشعل نايم جنبها..
قامت بصعوبه.. لبست ملابسها.. راحت لمشعل.. مشعل قوم..
مشعل..اوووه انتي اش تبين
هيفاء: وصلني البيت..
مشعل : روحي في ستين داهيه..
هيفاء : بكت.. مشعل حرام عليك.. صوري وينها..
مشعل : اووف ترا ازعجتيني.. مسكها من يدها وطلعها برا.. روحي عني يا.......
طاحت على الأرض.. مشعل حرام عليك..
مشعل : اطلعي برا.. ولا اشوفك هنا..
طلعت وركبت اول ليموزين.. طول الطريق وهي تبكي على نفسها..
وصلت البيت.. دخلت من باب المطبخ الخارجي.. وراحت تركض للدور الثاني..
...................
الساعه 1 الظهر.. ساره في مكتبها تجهز اغراضها..
رن جوالها.. ناصر.. ماردت.. الحين نازله ارد ليه..
نزلت لقته واقف.. ركبت السياره..
ناصر : هلا وغلا..
ساره : هلا فيك..
ناصر: شلون الشغل..
ساره : ياثقل دمه.. الحمدلله..
مشوا.. هذا مو طريق البيت..
ساره : وين رايحين؟
ناصر: عازمك على غدا..
ساره : روح البيت مالي مزاج..
ناصر: ولا كأنها قالت شي.. كمل الطريق..
ساره : اوووووووف منه..
وصلوا بيتزا كومباني..
ناصر: طفى السياره.. ولف عليها.. يلا انزلي..
ساره : مابي..
ناصر: بلا عناد انزلي..
ساره : قلت لك من الأول مابي اجي..
ناصر: نزل من السياره.. وراح جهتها وفتح الباب..
ساره : تطالعه..صارت تخاف منه.. نزلت بشويش.. سكر الباب بقوه.. ومشت جنبه..
جلسوا.. ساره اختارت لها بيتزا عشان تخلص بسرعه..
ناصر.. فهم عليها.. اختار ستيك.. يطول على مايخلص..
اخذ الجرسون الطلب.. وهو تكتف ويطالعها وهو يبتسم..
ساره.. تطالع اي شي ثاني.. حطت يدها على خدها.. جن عليها..
ناصر: مليتي؟
ساره : ايه.......
ناصر: ههههه وليش؟
ساره : حضرتك طالب ستيك عشان يطول..
ناصر: ايه النفس وماتهوى..
ساره : هههههه
ناصر: امووت على الضحكه انا..
ساره : اسكت احسن لي..الا عبدالله مع منو؟
ناصر: اممم.. مع بدريه.. رايحين شاليه ابوي واخذته معها..
ساره : ومتى راح يجي؟
ناصر: ابتسم على جنب.. ليلة السبت.. ليش تسألي؟
ساره : ليلة السبت.. يعني بظل معاه يوم ونص لحالنا.. بس اسأل..
ناصر: طيب..
مرت ربع ساعه.. ساره ساكته.. وحاطه يدها على خدها ...
ناصر: عينها عليها وبس.......فجأه.......
ساره : اييي.....ليش؟؟؟
ناصر: هههههههه.. حبيت اذكرك بأيام الشركه.. المتك؟
ساره : ايه.. حطت رجل على رجل وشالت جزمتها ومسكت رجلها..
ناصر: جلس جنبها ومسك رجلها.. وين يألمك.. هنا وهو يضغط على رجلها..
ساره : تبيه يبعد عنها ولا يلمسها.. بعد يدك عني.. انت اللي ضاربني.. وتبي تشيل يده من عليها..
ناصر: لالا.. وين يألمك..
ساره : خلاص.. اتركني.. احنا مو في البيت..
ناصر: حس انها منحرجه.. ترك رجلها وجلس على يمينها بعد ماكان جالس قدامها..
جابوا الأكل.. وتغدوا بهدوء..
بعد ماخلصوا غدا..
ناصر :نمشي حبيبتي...
ساره : ايه........ولاتقول كلمه انت ماتقصدها..
ناصر: عقد حواجبه.. ش قلت ؟؟
ساره : حبيبتي.. من متى؟؟
ناصر: تنفس بقوه.. يلا نمشي..
ركبوا السياره..
ناصر: ساكت ومصدوم من كلامها..
ساره : حست بالذنب.. كلمتها اثرت فيه..
وصلوا البيت..
جلس في الصاله وهي راحت فوق..
اخذت لها شاور.. ولبست برمودا جينز.. وتي شيرت برتقالي كت..
ونزلت.. لقته نايم في الصاله بثوبه.. حتى مابدل ملابسه..
قربت منه.. كان مفتح عيونه.. طالعها وابتسم.. نعيما..
ساره : الله ينعم عليك... اممم بسوي قهوه احسب حسابك..
ناصر: قام وجلس.. وهذي يبي لها كلام.. اكيد..
ساره : ابتسمت .. اوكي..وراحت...
اول مره تبتسم من رجعت.. الله يهديك ياساره.. ويحنن قلبك علي..
وهي في المطبخ.. كسر خاطري .. ادري انه يحبني وهو الحين يتعذب.. لكن .. امم انا بعد مليت.. من بعده..
جابت القهوه وجلست جنبه.. موعارف شنو يسوي من كثر ماهو مبسوط..
مدت عليه الفنجان.. تفضل..
ناصر: اخذ وهو يطالعها.. تسلمي يارب..
ساره : الله يسلمك..
ناصر: وهو يشرب القهوه.. اممم يااني اشتقت لقهوتك...
ساره :ههههههه.. فيه العافيه..
حس انها هدت شو.. حتى نظراتها له وكلامها...
ساره .. خايفه ارجع واندم بعدين..
بعد ماخلص قهوه.. قرب منها.. حست برعشه.. حوطها بيده وباس خدها..
غمضت عيونها..تنفست عطره.. وهو يمسح على شعرها وخدها.. لفت عليه.. جات عينها في عينه.. انا ندمان صدقيني ونزلت دمعه من عينه..
ساره لا شعوريا حطت يدها على خده ومسحتها..
الحزن ماهو لعينك الحزن خله علي.. خلني باشيل همك.. يابعد ناسي وهلي..
ناصر: حبيبتي..
ساره : نعم..
ناصر: يعني تدرين انك حبيبتي..
ساره : نزلت عيونها..
ناصر: اموت على الخجل انا..
ساره : رفعت عيونها.. كم مره قلت لك لا تقول هالكلمه..
ناصر: انبسط.. ليش تخافين علي؟
ساره : ايه.......
ناصر: وهو يحضنها.. يابعد عمري انتي..
ساره : حطت يدها على صدره.. تبي تبعده لكن ماقدرت..
بعد عنها وباس جبينها..وخدها.. شافها ماعندت.. حب يزودها حبتين.. نزل عن شفتها.. بعدت بسرعه..
ساره : لاتستعجل..
ناصر: ابتسم.. طيب براحتك.. وقام انا بروح انام .. تجين معي..
ساره : ها....لا.. بشوف التلفزيون..
ناصر :امم.. ممكن تصحيني المغرب..
ساره : حط المنبه في جوالك..
ناصر: يمكن مااسمعه.. ممكن..
ساره : تكتفت.. افكر..
ناصر:ههه.. طيب وراح ينام..
................
في بيت ابوناصر...
ابوناصر : في غرفة المكتب.. حاط يده على راسه.. ياربي شنو اسوي.. الشركه راح تفلس وتعب السنين يمكن يضيع.. شنو الحل..
في مكان ثاني..
كانت حاضنه نفسها وتبكي..
في الصاله..
ندى : وهي تعطي نوره ولدها.. امسكي ولدك.. يجرب اسنانه فيني.. لو مو ولدك كان عضيته..
نوره : وهي تاخذ ابراهيم.. عطيني اياه حبيبي شبيه ابوه.. وهي تبوس فيه..
ندى :اقول .. مالت عليه هو وابوه..
بدريه : اقول ندووش.. ورا ماتبطلي رجه.. في حريم اليوم جايين لأمي..
ندى : طيب وانا اش دخلني فيهم..
بدريه : لاتسوي نفسك عبيطه.. جايين لك..
ندى : قامت.. ايششششششششششش؟؟؟؟
نوره : اللي يسمعها جايين يذبحوها.. مو يخطبوها..
بدريه: ش فيك..
ندى : لا انا مابي اتزوج.. وتخصرت..
بدريه : بلا خبال..
نوره : راح فيها الرجال..
...........
في بيت ناصر..
ساره : في الصاله.. اذن المغرب.. يعني اقوم اشوفه صحى اولا.. اووف مالي مزاج.. قامت وراحت فوق غرفة النوم..
في غرفة النوم.. كان صاحي.. لكن بشوف تجي تصحيني او.. هذي جت.. كمل الدور..نايم.........
دخلت بشويش.. كان ظلام.. اوووف منه يطفي النور... فتحت الأباجوره على اقل درجه.. جلست جنبه وهو نايم... تأملت وجهه..
ذقنه مهمل .. غريب هو مايجب يتركه.. ومع كذا كانت وسامته طاغيه.. حركت يدها بشويش على شعره.. فتح عيونه ومسك يدها..
اخترعت وجات بتروح.. سحبها.. وين وين..
ساره : اتركني مو صحيت..
ناصر: ههههههههه ماراح اتركك الا ببوسه..
ساره : هذا بعدك..
ناصر: ههههههه ترك يدها عشان ماتحقد عليه اكثر..
قام واخذ له شاور وصلى المغرب ونزل..
لقاها في الصاله جالسه تشرب شاي..
ناصر: جلس جنبها.. حطت الكوب على الطاوله .. اخذه وشرب منه..
ساره : تطالعه.. ولفت على التلفزيون..
ناصر: كملي كوبك..
ساره: بقرف.. مابيه خلاص..
ناصر: اخذ الكوب ورجع على ورا وحط يده على الكنبه.. يعني تقريبا محوطها وهي ماتدري..
ساره : ياكرهه..
رن جواله.. عبدالعزيز ولد عمه
عبدالعزيز :هلا ابوعبدالله وينك؟
ناصر: هلا فيك.. في البيت ليه؟
عبدالعزيز : في البيت؟؟؟ نسيت العشا الليله عندي في الأستراحه.. احنا متفقين من الأسبوع الماضي..
ناصر: اييييييه.. نسيت والله.. معليش اسمع مااقدر اجي..
عبدالعزيز : شنو ماتجي.. علي الطلاق اذا ماجيت..
ناصر: وش طلاقه الله يهديك..
عبدالعزيز : اجل تجي..
ناصر: لاحول ولاقوة الا بالله.. طيب جاي..
ساره : منو هذا اللي يحلف بالطلاق..
ناصر:ههه عبدالعزيز ولد عمي.. عازمني على عشا في الأستراحه..
ساره : طيب روح
ناصر: قرب منها.. تبين فراقي؟؟
ساره : بعدته..لا عشان ماتتطلق الحرمه.. مو الزواج والطلاق سهل عندكم..
ناصر: حس بقسوه في كلامها.. بعد عنها.. طيب قومي البسي بوديك بيت اهلك..
ساره : مابي اروح..
ناصر: بتقعدي لحالك..
ساره : عادي..
ناصر: تنفس.. اوكي انا بروح.. وقام..
ناظرها.. عيونها على التلفزيون.. طلع من البيت وراح الأستراحه..
نواف : هلا وغلا بولد العم.. وينك يارجال ماتبين..
ناصر: ههه.. مشاغل..
بعد ماطلع ناصر....
اووووووووف فكه منه.. هو اذا راح يطول مايجي الا الساعه 1 او 2...
سوت لها بوب كورن.. وجلست تتابع فيلم في mbc2 ...
الساعه 11:30 انتهى الفيلم.. نعست بروح انام..لكن خايفه...
راحت غرفتهم.. امم شنو البس.. بما انه مو هنا.. لبست بيجامه.. شورت وردي قصير وفيه فتحات على شكل مثلثات من جنب.. وتي شيرت ابيض وفيه رسمه في الوسط بوردي.. طبعا مفتوحه من الصدر وسيور..
فتحت شعرها ومشطته.. قامت بتروح المكتب.. وهي ماشيه وهي ترفع شعرها.. طاحت المسكه على الأرض نزلت جابتها.. رفعت..
الا هو بوجهها.........
ناصر : يطالعها.. حس ان قلبه طلع من مكانه... كأنها طفله..
ساره : حست ان نظراته حرقتها.. ومشت عنه.. مسك كتفها.. وين رايحه..
ساره : تبي تفك يده.. بروح انام..
ناصر: نامي هنا..
ساره : مابي.. وليش انام هنا..
ناصر: عصب.. ليش تنامي هنا.. انتي زوجتي..
ساره : شكل بس قدام الناس.. لكن هنا كل واحد في حاله..
ناصر: شد على يدها.. ايش قلتي؟؟؟؟؟
ساره : اللمها.. اللي سمعته.. اترك يدي المتني.. لو كل شي عندك بالقوه.. وناظرته بنظرة حقد..
ناصر: ترك يدها.. وراحت..
جلس على طرف السرير وهو يتنفس بسرعه.. ماعاد يقدر على قسوتها.. كلما حاولت اقرب منك خطوه.. تبعدي الف خطوه عني.. ش سوي تعبت والله تعبت.......
ساره .. راحت المكتب.. ونامت على الكنب.. مو مريح ابدا.. تذكرت لما مسك يدها.. المني.. مايطلع قوته الا فيني..
فجأه.. دخل ناصر.. قامت على طول..
ساره : وهي تغطي نفسها.. ش تبي..
ناصر: بصراخ.. قومي نامي هناك..
ساره : قلت لك مابي..
ناصر: ليش؟؟؟؟؟؟؟؟
ساره : بس كذا.. مابي اي شي يذكرني بالماضي اللي اكرهه..
ناصر: يعني شنو؟؟
ساره : افهم مثل ماتبي..
ناصر: مثل ماابي ها..
قرب منها وحملها على كتفه.. وهي تصرخ اتركني.. وتضرب ظهره..
راح غرفة النوم.. وحطها على السرير... ومسك ايديها..
ساره : اتركني.. شنو تبي تسوي..
ناصر: انتي تدرين انا شنو ابي..
ساره: ماتقدر تجبرني..
ناصر: ومن قال مااقدر..
ساره : حطت عينها في عينه.. سويها.. سويها وراح اكرهك اكثر من قبل..
ناصر: انصدم من نظرتها.. ترك يدها..
جات بتهرب من الجهه الثانيه مسكها من خصرها وصار جسمها ملاصق لجسمه وظهرها على صدره.. وماسكها يأيدينه الثنيتن..
ساره : تبي تفك منه ماقدرت.. اتركني..
ناصر: ماراح اتركك...
ساره : اتركني.. اكرهك..اكرهك..
ناصر: اكرهيني.. مثل ماتبين.. لكن خليك جنبي..
ساره : اتركني..
ناصر: نامي جنبي بس.. ماراح اسوي لك شي..
ساره : خلاص ماقدرت تقاومه اكثر والم ايدها من كثر ماهو شاد عليها.. زين بنام لكن اترك يدي المتها..
ناصر : رخى يده وظل ماسك خصرها..
ساره : حست بأحساس ماتدري شنو.. مشتاقه لحضنه.. لكن اكرهه..
كانت تحس بأنفاسه على رقبتها.. غمضت عيونها ونامت........
الصباح... صحت وتحركت بملل.. وينه مو هنا..
فتحت عيونها.. شافته داخل غرفة النوم وهو حامل صينيه.. جلس جنبها وحط الصينيه على السرير.. باس خدها.. صباح الخير ياحلوه...
ساره : نزلت عيونها.. ههه صباح الخير..
ناصر: نمتي زين..
ساره :....اممم عادي..
ناصر: انا ماقدرت انام
ساره : ليش؟
ناصر: صوت شخيرك مزعج..
ساره : انا اشخر.. تستاهل محد قالك تغصبني انام جنبك..
ناصر :ههههههههههه.. طيب تعالي افطري.. جاب الصينيه..
ساره : طالعتها وابتسمت..
شيز كيك فراوله و سلطة فواكه.. وشوكولاته.. وكوبين كوفي..
ناصر: اخذ قطعة فراوله وقربها لفمها.. اكلتها وهي تضحك..
ليش تضحكين؟
ساره : امم.. ولا شي..
اخذ يدها وباسها..
ناصر: آسف ياعمري اذا المت يدك..
ساره : نزلت عيونها.. حصل خير..
رفع ذقنها.. حبيبيتي.. ساره : نعم.. وعينها في عينه..
ناصر :خلينا نبدا صفحه جديده.. انا تعبت .. ادري عمرك ماراح تنسي اللي صار لكن اعطي نفسك فرصه.. وخليك معاي..
ساره : وانا بعد تعبت .. احاول اكرهك واخفي احساسي لكن ماقدرت.. واكبر دليل البارح..
ناصر: البارح؟
ساره : استسلمت وانا بين احضانك..
ناصر: قرب لها.. يعني كنتي مبسوطه..
ساره : امم.. يعني..
ناصر: تعرفي تمثلي اشوف..
فطروا وهم مبسوطين..
ساره :..ناصر..
ناصر: عيونه...
ساره : انا خايفه...
ناصر: حضنها.. كم مره قلت لك لاتخافي..
ساره : خايفه بكره يصير شي يفرق بيننا..
ناصر :لاتخافي.. مافي شي راح يفرق بيننا.. طمني قلبك..
ساره : رغم احساس الأمان اللي تحسه في حضنه.. لكن.. خايف ياقلبي خايف..
ناصر: بعد.. باس جبينها.. شوفي اليوم اجازه.. ش رايك اعزمك على غدا..
ساره : اوكي ليش لا.. بس خليني اصلي وابدل ملابسي..
ناصر: يطالعها من فوق لتحت.. ش فيهم ملابسك..حلوين..
ساره : اقعد قدام عبود كذا يعني.. قامت ماعندك سالفه..
ناصر: هههههه
الظهر.. راحوا تغدوا في المارينا.. بعد الغدا وهم لسه في المارينا..
ناصر :امم.. خليكم هنا.. انا بروح شوي وبرجع..
ساره : وين بتروح.. تتركني لحالي اخاف..
ناصر: ماراح اطول خمس دقايق وراجع..
عبدالله : بروح معك بابا..
ناصر: لا خليك مع ساره.. انت رجال.. صح..
عبدالله : ايه.. رفع صدره..رجال
ناصر: ههههه وقام..
ساره : لاتطول..
ناصر: ان شاءالله..
راح ورجع بعد خمس دقايق.. يلا مشينا..
ساره : وهي تقوم.. وين رحت؟
ناصر: بعدين اقولك.. مسك يد عبدالله ورجعوا البيت..
.............
في بيت ابوناصر..
ابوناصر: حاط يده على راسه.. ش سوي.. يارب .. مافيا لا هو..
في مكان ثاني..
رن جوالها.. مسج..
من مشعل.. ابيك تجين الليله..
هيفاء : قرت المسج... دقت عليه..مشعل متى راح تعطيني الصور؟
مشعل : شوفي انا مجهزهم.. لكن اذا ماعدلتي مزاجي الليله.. بطول السالفه شوي..
هيفاء : حرام عليك..
مشعل : انتي تعرفي الحرام انتي.. المهم الليله.. الساعه 9..
وسكر الخط..........
نزلت تحت ماتدري وين تروح ولا شنو تسوي..
ندى ونوره في الصاله..
ندى : شفيها؟
نوره : الله اعلم.. المهم ندوو اليله نروح السوق؟
ندى : وليه ان شاءالله؟
نوره : ابراهيم حبيبي يكمل سنه بعد اسبوعين وابي اشتري لي وله بدله..
ندى :اوكي.. لكن نروح الراشد او فينيسيا مول.. ملينا من الشاطئ والمارينا..
نوره : اوكي.. خلينا نشوف ساره تروح معنا..
ندى : جبيتيها واحشتني هالدبه ماشفناها ابد بعد مارجعت بيتهم..
خلاص العصر اكلمها..
................
وصلوا البيت..
عبدالله اح يلعب بلايستشن..
ناصر: مسك يد ساره.. تعالي ابيك فوق..
ساره : اوكي.. وراحت معه..
وصلو غرفة النوم.. جلسوا على طرف السرير..
ناصر: حبيبتي.. وطلع علبه صغيره من جيبه.. وفتحها..
ساره : ؟؟؟؟؟؟؟؟؟
اخذ الدبله من العبه ولبسها اياها.. وبعدين باس يدها.. مابيك تشيلينها من يدك ابد..
ساره : نزلت عيونها.. ان شاءالله..
ناصر: ابتسم..قرب منها...و,,,,,,
رن جوال..
اووووف منوه المزعج.. طالع الجوال؟؟؟؟؟؟؟؟؟؟؟
ساره : منو المتصل؟؟
ناصر:نزل راسه.. ابوي؟
ساره :ابوك...طيب رد عليه.....
ناصر: رفع وجهه.. ارد عليه.. بعد كل اللي صار وتبيني ارد عليه..
ساره : حطت يدها على كتفه.. مهما كان هذا ابوك .. لاتقسي قلبك ..
ناصر: تنهد .. طيب.. ورد هلا يبا..
ابوناصر: كلمته مثل الخنجر في صدره.. بعدك تقول لي يبا بعد كل اللي سويته فيك.. هلا فيك شلونك؟
ناصر: الحمدلله.. انتو اخباركم..
ابوناصر: الحمدلله بخير.. اقول ياولدي..
ناصر: سم يبا..
ابوناصر: نزلت دموعه.. تقدر تمرني الليله؟
ناصر: وين في البيت؟
ابوناصر: ايه..
ناصر: ان شاءالله.. متى تحب اجيك..
ابوناصر: بعد صلاة العشا..
ناصر : صار.. تامر امر..
ابوناصر: فمان الله..
ناصر: امان الكريم.. لف على ساره... لقاها مبتسمه.. ليش تضحكين؟
ساره : باست خده.. مبسوطه..
ناصر: قلبي يقول صاير شي.. كلام ابوي مو طبيعي.. وانا اعرفه زين.. في مشكله كبيره صايره ومو قادر يحلها..
ساره : اذا رحت له تعرف..اجي معاك..
ناصر: لالا.. خليك هنا..
رن التلفون.. رد ناصر
ندى : هلا اخوي شلونك؟؟
ناصر: هلافيك..
ندى : اقول لايكثر عطني زوجتك الحلوه..
ناصر: ههههه اكيد حلوه اجل وجهك..وهو يطالعها..
عطاها السماعه..
ساره : هلا ندوا..
ندى :هلا وغلا شلونك اخبارك ماتنشافين ..
ساره : اووف .. ش فيك .. انا بخير الحمدلله.. مشتاقه لسوالفك..
ندى : اسمك مشتاقه تعالي معنا الليله رايحين الراشد..
ساره : امم.. اليوم متغدين في المارينا.. لكن اقول لناصر وارد عليك..
ندى : قولي له الحين وردي علي.. اكيد معسكر جنبك..
ساره:هههههههه.. ناصر حبيبي خواتك رايحين الراشد اروح معهم؟
ناصر : مع منو رايحين؟
ندى: سمعته.. قولي له مع حمد ونوره..
ساره : تقول مع حمد ونوره..
ناصر : اوكي روحي وخذي عبدالله معاك..
ساره : اوكي.. متى تمروني؟
ندى :اتوقع بعد صلاة العشا..
ساره :اوكي..
بعد صلاة العشا..
ناصر : لبش ثوبه ونزل..
لقى ساره مع عبودي في الصاله.. وهي تعدل ملابسه..
ناصر: حبيبتي انا رايح..
ساره : وقفت قدامه.. وحطت يدها على خده.. حبيبي لاتعصب ولا تقسي قلبك..
ناصر: ابتسم.. باس خدها.. ويلوموني فيك..
ساره : نزلت عيونها..ههه..
طلع.. وهي راحت تجهز..
ساره : وهي رايحه.. عبود حبيبي انا بروح البس لا توسخ ثيابك..
عبدالله : زين.......
..............
في بيت ابوناصر..
دق الجرس.. فتحت له الشغاله الباب..
دخل بيت ابوه اللي مادخله من سنه..
شافته ندى : ناصر؟؟؟؟؟؟؟؟
ناصر: ايه ناصر.. شايفه جني مع وجهك.. بدل ماتسلمي واقفه..
ندى : سلمت عليه.. وين ساره؟
ناصر: في البيت.. متى رايحين..
ندى :الحين.. نوره في الطريق..
ناصر: وين ابوي؟
ندى :ابوي؟؟؟؟في المكتب..
ناصر: طيب.. وراح.....
دق الباب..
ابوناصر : تفضل........ودخل ناصر...
ناصر :؟؟؟؟؟؟؟؟؟ شفيه ابوي.. معقوله يكون مريض؟؟
ابوناصر :طالع ولده.. غطى وجهه بأيده.. وبكى..
ناصر: يطالع ابوه مو مصدق.. هذا ابوي الهيبه .. شكله مكسور..
فرب منه وباس راسه.. خير يا يبا..
ابوناصر :لف وجهه ومسح دموعه.. استريح ياولدي..
جلس وهو يطالع ابوه.. خير يبا..
ابوناصر : أي خير.. الله عاقبني على ظلمي لك.. وماعندي احد الجأ له بعد رب العالمين غيرك ياولدي.. الشركه راح يبيعها البنك في المزاد..
واخوك له شهرين غايب.. وام فهد.....نزل راسه..
ناصر: ش فيها ام فهد؟؟؟
ابوناصر: مع انها موصيه مااقول لأحد.. عندها ورم في الصدر.. ولسه ماندري اذا كان خبيث او لا..
ناصر: تنفس بهدوء.. وقام.. اخذ ايد ابوه وباسها.. ابشر يايبا.. انا موجود.. وراح اسوي كل اللي اقدر عليه..
ابوناصر :الله يرضى عليك ويوفقك..
في مكان ثاني..
كانت تبكي على نفسها.. ضيعت كل شي .. فتحت النافذه.. خلاص راح انتحر مافي شي يسوى اعيش عشانه.. مشعل راح يفضحني..
انتبهت.. هذي سيارة ناصر.. هو الوحيد اللي يقدر يحل مشكلتي..
بعد ماخلص كلامه مع ابوه..
وهو طالع.. دق على ساره.. هلا حبيبتي.. طلعتوا.
ساره : وهي تركب سيارة حمد.. ايه..
ناصر: طيب انتبهي لنفسك ولعبدالله..
ساره : ان شاءالله..
ركب سيارته..
طالع جنبه..
ناصر: هيفاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟