(35)
بعد ماخلص كلامه مع ابوه..
وهو طالع.. دق على ساره.. هلا حبيبتي.. طلعتوا.
ساره : وهي تركب سيارة حمد.. ايه..
ناصر: طيب انتبهي لنفسك ولعبدالله..
ساره : ان شاءالله.. توصي شي؟
ناصر : امم والله انتي وذوقك...
ساره : هههه طيب..
ناصر: اوكي حبيبتي .. لا تطولي.. ترا مشتاق لك..
ساره : ناااااصر...
ناصر: عيونه.....
ساره : اوكي يلا باي..
ناصر: هذي تصريفه.. او ندوا جنبك..
ساره : الأثنين..
ناصر :ههههههه.. اوكي اشوفك في البيت.. باي..
ساره : باي..
ركب سيارته..وهو يبتسم.. احبها.. تنفس بشويش .. شغل السياره..
طالع جنبه..
ناصر: هيفاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هيفاء : نزلت راسها..
ناصر: يطالع قدام.. ش تبين؟؟
هيفاء : بصوت يرجف.. انا محتاجه لك.. واللي يخلي لك ولدك لا تردني..
ناصر :ابتسم على جنب.. ولدي بس.. قومي انزلي..
هيفاء : اسمعني بس.. والله اني صادقه..
ناصر : ماراح اسمع شي.. وقومي انزلي..
هيفاء : بكت.. ناصر والله العظيم انا بمشكله كبيره.. وماعندي احد يساعدني غيرك..
ناصر : غمض عيونه وتنفس بشويش.. اللهم طولك ياروح.. اخلصي ترى مو فاضي لك..
هيفاء : ناصر.. لا تعصب... المشكله كبيره..
ناصر: غلى الدم بعروقه.. تكلم وهو يشد على اسنانه.. قولي بسرعه..
هيفاء : اوعدني توقف معاي..
ناصر: اذا اقدر..
هيفاء : السالفه ان.............
.................
لسه ماطلعوا من الدمام.. رن جوال حمد..
حمد : ابشر.. لا شدعوه.. مع السلامه..
نوره : خير.. صاير شي؟
حمد : مال عليها.. حبيبتي ماراح اقدر اوديكم الخبر.. واحد من زملائي مسوي حادث ويبيني احل محله الليله ..
نوره : يعني..
حمد : نروح المارينا او الشاطئ..
ندى : اوووف.. امرنا لله..
ساره : اش فيك..
ندى : مليت منهم اثنينهم..
حمد : اسمحي لي ندووش.. خيرها بغيرها..
ندى : طيب لكن هذي مو محسوبه..
حمد :ههههههه تامري امر.. ولف على المارينا..
................
في بيت ابوناصر..
ام فهد : نايمه وهي تتألم..
ابوناصر : كان جنبها.. خذي المسكن..
ام فهد : مافي فايده..
ابوناصر : لو تسمعي كلامي وتسوين العمليه..
ام فهد : ابي اشوف ولدي.. وراح اطيب ..
ابوناصر : وين القاه لك.. الله اعلم وينه الحين.......
تحت عند البوابه...
ناصر: فتح عيونه .....ايششششششششششششششششش؟؟؟؟؟
هيفاء : بكت........
ناصر: شلون اخذ صورك.؟؟
هيفاء : ا.......ا.........
ناصر: بصراخ.. تكلمي لا اعطيك كف.. او اذبحك .. تكلمي؟
هيفاء : وهي تبكي وتشهق.. انا تعرفت عليه في النت.. والله ماكنت ادري انه صاحبك انت وعبدالعزيز.. وهو سرق صوري بالبرنامج اللي يخترق الكاميرا.. وبعدين لما عرف اني بنت عمتك.. صار يهددني انه راح يفضحني ويعطي صوري لك او لعبدالعزيز او نايف.. وقالي اطلعي معاي وراح ارجعهم لك.. وطلعت معاه..و.,,,,,,,
ناصر: عطاها كف.. حقيره..
هيفاء : حطت يدها على خدها..وهي تبكي.. وصورني.. وبعدين صار يماطل. كل مره يقول هالمره ولا رجع الصور ولا شريط الفيديو..
ناصر: اش تبين مني الحين؟
هيفاء : ابيك تاخذهم منه.. تعبت من تهديده.. و,,,,,,
ناصر: وشنو؟
هيفاء : صار يبيني اواعد ربعه.........
ناصر :خلاص ماعاد يقدر يسمع اكثر.. مسك رقبتها وضغط عليها.. اذبحك وارتاح انا وولدي منك..
هيفاء : مسكت يده.. ن....ن.........نا....صر...
ناصر: عمرك ماراح تتعلمي ابد.. ترك رقبتها وهي تكح..
ناصر: اعوذ بالله من الشيطان الرجيم.. طيب وين شقته ذا الزفت؟
هيفاء : امشي وانا ادليك..
مشى.. والله العظيم لو انتي زوجتي كان ذبحتك وقطعتك..
هيفاء : بلعت ريقها.. خافت منه..
...............
في مكان ثاني........
طلع يركض وهو يصرخ لالالالالالالالا... ماااااجد..
كان بدون جزمه يركض في الشارع وكانه فيه مس..
مايدري وين يروح... مشى مايدري كم مشى.. مسافه طويله..
وصل محطة بنزين.. شاف مسجد.. دمعت عيونه مادخلت مسجد من اكثر من عشر سنوات..... راح توضا.. و دخل المسجد.. وقف يصلي.. مايدري شنو يقول.. مايذكر حتى الصلاة.. جلس على الأرض وهو يبكي بصوت مسموع......يارب تغفر لي.. يارب .. اغفر انا عبدك العاصي.. انا عبدك الضعيف.. قضيت عمري في المعاصي ... يارب احسن خاتمتي يارب..
وقف مره ثانيه.. كبر.. وبعدين.. يبي يقرأ الفاتحه.. حس لسانه ثقيل..
رجع جلس في زاويه من زوايا المسجد وبكى بحرقة..
فتح عيونه ع لآخر.. وهو يتذكر رفيق عمره .. وصاحبه في كل المعاصي..
شافه يموت قدامه بسبب جرعه زايده.. تذكره كيف تصلبت اطرافه.. وجحظت عيونه.. حاولوا يلقنوه الشهاده.. لكن كل مره يثقل لسانه.. حتى لفظ الجلاله ماقدر يقوله.. بكى على نفسه وهو يقول.. اغفر لي يارب.. اغفر لي يارب...... دخل واحد المسجد.. شافه على هالحال.. قرب منه..
عسى ماشر ياولدي.. ش فيك؟
فهد : طالعه.. رجال كبير في السن.. لكن وجهه منور.. نور الأيمان.. غطى وجهه بايديه..
مسك كتفه.. فيك شي ياولدي..
فهد : بدا يحك جسمه واطرافه ترجف..
الرجال : لا حول ولا قوة الا بالله.. طلع ونادى رجال من برا المسجد ونقلوه المستشفى..
.....................
وصلوا شقة مشعل..
هيفاء : دقت الجرس..
طلع لها مشعل.. وكل ازرار قميصه مفتوحه وفي يده كاس.. هلا وغلا بهيوفتي.. ادخلي..
دخلت وتوه بيسكر الباب.. فتح ناصر الباب ومسك رقبته..
مشعل : طاح الكاس من يده.. ناصر.. هلا فيك..
ناصر :وهو ماسك رقبته ويده.. هلا فيني.. وين الصور والفيديو..
مشعل : هاا...
ناصر : بصراخ.. وينهم بسرعه لا اذبحك الحين....
مشعل : هدي خلينا نتفاهم..
ناصر :نتفاهم.. عطاه بوكس.. وطاح على الأرض.. اخلص وينهم..
مشعل : كان جسمه ضعيف وشبه سكران.. وماسوى له شي.. اشر بيده على ظرف على الطاوله..
ناصر :وهو واقف قدامه.. روحي شوفيه..
راحت هيفاء.. فتحت الظرف؟؟؟؟؟؟؟؟؟؟؟
طاحت دموعها..
ناصر: نزل لمشعل.. ومسك ياقة قميصه.. وهو يهزه.. اذا تدق عليها او تحاول تسوي لها شي بذبحك.. يلا نمشي..
مشت وراه وهي منزله راسها..
مشعل : يطالعهم وهي طالعين.. والشيطان في راسه.. هين ياناصر.. قام وهو يتمايل..
...................
في المارينا..
ندى : وهي حامله ابراهيم.. اقول.. امحق جيه.. تاركه ولدها عندي ورايحه مع زوجها يختار لها فستان.. الرومانصي..
ساره : ههههههههههه.. ش فيك انتي..
ندى : يااختي قاهرني.. مسوي رومانسي.. بالله عليك في سعودي رومانسي..
ساره : ايه فيه.....
ندى : مو زوجك مع وجهك.. ومن قالك نصور سعودي.. الغلاف الخارجي بس لكن جوا.. لا انجليزي..
ساره : ههههههه.. شوفي هاذي الساعه..حلوه؟؟
ندى : امم.. الحين انتي مااخذتي لك شي.. بتشتري له ساعه؟؟
ساره : ايه.. ش قلتي حلوه؟
ندى :ايه واكيد راح تعجبه..
ساره : اوكي.. اخذتها وحاسبت وطلعوا..
ندى : اممم.. ابراهيمو تعب يدي..
ساره : امسكي يد عبدالله وهاتيه..
ندى : شوفي هذا الفستان.. دخلوا محل..
ساره عجبها فستان فضي ناعم.. لنص الركبه.. ومفتوح من فوق بدون سيور.. اخذته وكانت ناويه تلبسه الليله..
راحوا فوق...
ساره: ندخل نعومي..
ندى : لا حبيبتي ادخلي انتي.. انا بروح اجلس مع البزران تعبت..
ساره : طيب.. انا ماراح اتاخر..
دخلت واخذت لها روب نوم جديد لونه اسود..
مشت وهي تبتسم.. اكيد راح يعجبه كل شي..
وصلت لمكان ندى..
ندى : اوووف منكم يالمتزوجين..
ساره : ش فينا..
ندى : ماعندكم سالفه..
ساره : هههههههههه نشوف اذا تزوجتي.. تعالي ماقلتي لي عن اللي خاطبك..
ندى : نزلت عيونها.. ها..ايه.. لسه ماصار شي..
ساره : اول مره اشوفك مرتبكه .. قولي ليه كيف شكله وشنو اسمه.. والخ..
ندى : الخ........
ساره : ضربت يدها.. بلا مصاله.. يلا اسمعك..
ندى : امم..سالم ولد عمي ابوعبدالعزيز.. توه مخلص دراسة طب واشتغل عمره 27.. واكيد وسيم..
ساره : اهاا.. الله يبارك ويتمم على خير..
ندى : وهي خجلانه.. آمين..
ساره : والله وصرتي تخجلي..
ندى : ساروه وبعدين..
ساره : خلاص قومي.. هذي نوره وحمد جو..
ندى : خلينا نتعشى..
نوره : وهي تحمل ابراهيم.. مافي وقت.. حمد مستعجل..
ندى : اوووف .. متى اتزوج واجي مع زوجي واخذ راحتي..
طلعوا من المارينا..
..........
في مكان ثاني...
ناصر: يسوق السياره وهو معصب.. وده يذبح هيفاء.. اسمعي.. والله العظيم.. اذا اسمع بس انك مسويه.. راح ادفنك حيه..
هيفاء: ..ا...
ناصر: بس ولا كلمه مابي اسمع صوتك.. اوووف هذا الشارع زحمه صاير حادث.. لف وراح على الشارع الثاني..
هالمره الله ستر وماسوى شي.. لكن مره ثانيه ماراح اساعدك.. انتي لي متى راح تتعلمي..
هيفاء: منزله راسها وتبكي.. واللي يخليك.. لا يدري احد..
ناصر: ومن زين الخبر عشان احد يدري..
...........
في سيارة حمد.. وقف عند اشاره..
ساره : ابتسمت.. ذكرت ناصر..لما شافته عند نفس الأشاره وهو مريض..
نوره : حمد وقف عند صيدليه.. ابراهيم ماعنده حليب..
حمد : طيب ولف على الصيدليه..
عبدالله كان جنب ساره.. فجاه صرخ.. بابا..
ساره : لفت عليه.. بابا وينه؟؟
عبدالله : اشر على الشارع المعاكس لهم..هناك.. شوفي
ساره : طالعت...فتحت عيونها .. منو هذي اللي معاه..
ندى : معقوله تكون؟؟؟؟
نوره : هيفاء؟؟؟؟؟؟
ساره : طلعت جوالها ودقت عليه وهي تطالعه..
ناصر: رد هلا حبيبتي..
ساره : وينك؟
ناصر : طالع من بيت ابوي.. انتو وين؟
ساره : احنا وين.. نزلت النافذه.. طالع يمين....
ناصر : عقد حواجبه.. ايش؟؟؟؟
ساره : طالع يمينك..
ناصر : لف..
كانت سيارة حمد واقفه معاكسه لهم.. وهي تشوف هيفاء جنبه..
طالع نظراتها.. مو عارف شنو يقول.. وهي لسه تطالعه.. ونظراتها كلها عتاب..ابتسمت..وهي تقول في نفسها شنو بشوف اكثر ياناصر..
سمع صوت بوري السياره اللي وراه..
ساره : سكرت نافذتها وقفلت جوالها..
ندى : مسكت يدها.. اهدي ولا تعصبي.. اعرفي منه الموضوع بالأول..
ساره :هههههههههه.. ماله داعي اعرف.. ويكذب علي بعد.. يقول انه رايح بيتكم ويطلع معها..
ندى : شفيها تضحك.. جا بيتنا.. وانا شفته..
ساره : قصدي الحين.. انا اشوفه قدامي ويكذب علي..
نوره : لا تسوي بينكم مشكله.. اسمعي ليش كانت معاه..
ساره : سكتت ولفت على النافذه.. غمضت عيونها.. مابي اسمع منه شي.. كافي كذبه اللي سمعته..
جا حمد ومشوا..
ناصر: كان يسوق بسرعه وجواله في يده.. يدق عليها وجوالها مسكر...
وصل بيت ابوه.. بصراخ.. انزلي..
نزلت بسرعه ونست الظرف اللي فيه الصور وشريط الفيديو..
مشى بسرعه للبيت.. وهو في الطريق دق على ندى..
ندى : وهم لسه في السياره.. طلعت جوالها.. وهي تطالع ساره.. ردت هلا..
ناصر :انتو وين؟
ندى : راجعين البيت..
ناصر : عطيني ساره اكلمها..
ندى : قربنا لبيتكم..
ناصر :اقولك عطيني اياها..
مدت عليها الجوال..
ساره : طالعت الجوال.. منو؟
ندى : ناصر..
ساره : اخذت الجوال..نعم..
ناصر: ساره حبيتي صدقيني ما......
ساره : بصوت واطي,, نتفاهم في البيت.. وسكرت الجوال وعطته ندى..
وصلت البيت ونزلت وهي حامله عبدالله..
ندى : بعد مامشوا.. قلبي يقول بيصير شي..
نوره : ابي اعرف ليش كان مع هيفاء.. انا انقهرت كيف هي..
حمد : لاتحكموا قبل مانعرف الحقيقه..
ندى : في بالها.. هذي ماوراها الا المصايب..
في الأسعاف..
الدكتور : انتو اهله؟
لا احنا شفناه في مسجد وهو بهالحال..
الدكتور : هذا مدمن.. ولازم نحوله على مستشفى الأمل..
..........
دخلت بيتهم وهي مو قادره تنفس.. عطت عبدالله المربيه توديه سريره.. وهي ظلت واقفه عند الباب وفي يدها الأغراض ..
غمضت عيونها ونزلت دموعها.. مقهوره.. ليش ياناصر ليش؟؟
تكذب لي وتخونني.. طالعت الأكياس ورمتهم بأقوى ماعندها.. نتثرت الأغراض والساعه طاحت من علبتها.. سمعت صوت سيارته,, وصل مابي اشوفه.. راحت تركض على الدرج ودخلت المكتب وقفلت الباب..
دخل البيت وهو يفكر شنو يقول لها.. ويمكن ماتصدقني..
شاف الأغراض المرميه عند الدرج.. غمض عيونه وتذكر نظرتها لما شافته.. شلون اراضيها انا ماصدقت متى رجعت لي.. حسبي الله عليك ياهيفاء..
راح يركض فوق.. ويحس انه قلبه بيطلع من مكانه.. مالقها بغرفة النوم.. ولا غرفة عبدالله.. وين راحت؟؟ معقوله راحت بيت اهلها.. وقف في الممر بين الغرف وهو محتار.. سمع صوت نحيب خفيف جاي من المكتب.. وقف عند الباب وسمع صوتها تبكي..فتحه .. مقفول.. دق الباب .. ساره.. ساره.. افتحي الباب..
ماردت .. حبيبتي اسمعيني بس,, انتي فاهمه غلط,, حبيبتي..
ساره : بصراخ وهي تبكي.. مابي اسمع منك شي.. انت كذاب.. شنو بتقول.. شفتك بعيوني.. وانت تقولي انا ببيت ابوي.. ليش رجعتني من بيت اهلي.. ليش ماتركتني هناك وقضيت وقتك معها دام للحين تحبها..
ناصر :عصب.. لكن حاول يتكلم بهدوء .. ساره كذا ماراح ينفع افتحي الباب و نتفاهم..
ساره : مابي اشوفك.. روح عني ياكذاب ياخاين... روح لها.. واتركني لحالي..
وهي تبكي وحاضنه نفسها.. كل مره اقول هالمره تضحك لي ارجع ابكي اكثر من قبل.. كل مره احس اني اسعد انسانه في الدنيا معاه انصدم فيه اكثر.. تتهمني اني ماعندي شرف وانت تخونني مع وحده خانتك من قبل.. ليش انا ش سويت...........والمشكله شفتك بعيوني.. لو احد قالي يمكن مااصدق فيك.. لكن انا اللي شفتك..
شفت بعينا..يعني عايزني اصدقك واكذب عينيا..
شفت بعينا.. بقى يعني كل العمر دا.. بتضحك عليا..
يمكن تلاقي عندها اللي انت مالقيتهوش بيا..
يمكن تحس بحبها.. بحاجات ماحسيتاهش ليا..
وانت من لي.. وانت جنبي.. انا منه حرمتني..
شفت بعينا..
اخدت قلبي بأيديا.. ودموعي اللي بعينيا..
ماتت جوايا حاجه.. كان نفسي ف يوم تعيش..
ماقدرتش حتى اتكلم.. كل اللي عرفته اتألم..
ولقيتني غصب عني.. بضحك عشان ماابكيش..
ناصر :غمض عيونه.. خلاص ماعاد يقدر يسمع اكثر.. جلس وهو منهار عند الباب.. استند على الباب ورجع راسه على ورا.. غمض عيونه.. القاها من وين والا من وين... ساره اسمعيني.. انا تعبان.. والله العظيم ماخنتك..
سمعت صوته.. كان قريب من .. مشت بشويش لعند الباب.. لصقت اذنها.. حست بانفاسة التعبانه.. جلست على الأرض وحطت اذنها عند الباب..
ساره.. انا مستحيل اخونك.. انا احبك.. ليش ماتبين تصدقيني.. كان عندها مشكله وتبيني اساعدها.. ساره..
ساره .. ماردت عليه.. وهي تبكي.. مو قادره.. جرحتني مرتين.. مستحيل اصدقك..
حس انه خلاص تعب ومافي فايده.. قام وراح غرفتهم.. رمى نفسه على السرير واستسلم للنوم......
ساره.. بعد ماحست انه قام.. نامت على الكنبه وهي تبكي.. خلاص قررت وماراح اتراجع.. نامت بصعوبه من كثر التفكير..
...........
في بيت ابوناصر...
ندى : ماشفتي هيوف؟
نوره : لا.....
ندى :اموت واعرف شنو كانت تسوي مع ناصر..
ودي اكلم سارونه اشوف اش صار.. شفتيها حسيتها شوي بتبكي..
نوره : من حقها..ولو انه اخوي.. لكن انا لو شفت زوجي مع وحده مااضمن شنو اسوي.. ابوي مارجع مع امي؟
ندى : ماادري.. امي فيها شي؟
نوره : ماادري.. لكن مو طبيعيه دوم تعبانه.. شكلها مريضه وماتبينا ندري..
ندى : اكيد.. دوم حاطه ببالها ان الناس يشمتوا فيها..
في مكان ثاني..
دورت في شنطتها مالفت الظرف .. وين راح.. اكيد بسيارة ناصر.. لالا ماراح ادق عليه.. هو شكله كان معصب.. يمكن زوجته زعلت.. لكن الحمدلله ريحتني من الهم..
..........
الصباح.. صحت وهي مصدعه وتعبانه.. اخذت لها ملابس وراحت تاخذ شاور في حمام الغرفه الثانيه..
بعد ماخلصت.. صلت الفجر.. امم.. اصحيه.. لا... ماراح اتنازل او اضعف.. حتى ولده.. ولدها بعد.. خلاص لازم اطلع من حياته هالمره.. للأبد.. ومستحيل ارجع لك ياناصر.. طلعت من البيت وراحت الشركه..
صحى من النوم ومو قادر يقوم.. حاس بتعب.. اكيد نمت زياده.. طالع الساعه
؟؟؟؟؟؟؟؟؟؟؟؟؟ 10...... ساره ماراحت الدوام؟؟ راح بسرعه المكتب مالقاها.. نزل تحت لقى عبدالله يطالع التلفزيون.. والمربيه معاه..
ناصر : وين ساره؟
المربيه : مدام ساره يروح شغل..
ناصر :فتح عيونه.. راحت الدوام ولا صحت لا انا ولا ولدي.. ادق على جوالها.. اكيد ماراح ترد.. دق على مكتبها..
ساره : الو.....
ناصر : بصراخ وهو معصب.. انتي عاقله او شنو؟؟؟؟
ساره : ببرود.. تبي شي.. عندي شغل..
ناصر: خلاص انفجر.. اذا رجعتي البيت يصير خير..
ساره : ومن قالك برجع بيتك..
ناصر: ؟؟؟؟؟؟؟؟؟؟؟؟؟؟؟ ايشششش؟؟؟؟؟؟؟
ساره : اللي سمعته.. خلي ام ولدك تنفعك.. انا خلاص شيلني من راسك.. وسكرت الخط.....
ناصر :؟؟؟؟؟؟؟؟؟؟؟؟ جنت هاذي؟؟
جلس على الكنب وهو حط ايده على راسه.. ش سوي ياربي تعبت..
العصر بعد ماخلصت دوام.. طلعت جوالها.. كان صامت.. 30 مكالمه من ناصر.. و 5 مسجات..
ساره.. ارجعي البيت.. وماله داعي تكبري الموضوع..
ساره .. صدقيني السالفه مو مثل ماانتي متخيله..
سكرت جوالها وماقرت باقي المسجات.. نزلت وركبت مع سواق الشركه وراحت بيت اهلها..
ناصر : يكلم سواق البيت.. وينك ماجيت؟
السواق : مدام يركب مع سواق شركه..
ناصر: ايش؟؟؟؟؟؟؟؟ ماشي ياساره..حس اعصابه احترقت خلاص..
دق علي بيت اهلها..
رد تركي : هلا ناصر.. ساره.. لحظه توها دخلت..
ناداها.. وهو يعطيها السماعه.. ناصر..
ماعرفت شنو تسوي.. اخوانها وامها وابوها.. اخذت التلفون وراحت لعند الدرج.. الو..
ناصر : ارجعي البيت الحين.. ترى والله العظيم بتشوفين شي ماتبينه..
ساره : بلا مبالاة.. شنو بشوف يعني.. قلت لك.. اللي بيننا انتهى..
ناصر: يعني شنو؟؟؟؟؟؟؟
ساره : اللي فهمته.. كل واحد فينا يروح في حاله..
ناصر : جنيتي انتي.. ساره.. وحنن صوته.. اسمعيني.. والله كان عندها مشكله......
ساره : طيب شنو هي المشكله؟
ناصر : هي ماتبي احد يدري..
ساره : اذا الموضوع كذا. مابي اعرف شي.. ولا ابيك تكلمني..
ناصر: انا جاي الحين.. واتفاهم معك قدام اهلك..
ساره : لا تتعب نفسك ماراح اغير رايي.. ولو يذبحني عبدالرحمن ماارجع لك,, طووووووووووووط
ناصر: ؟؟؟؟؟؟؟؟؟؟؟؟؟؟؟؟؟؟؟؟ هين ياساره الظاهر الطيب والتدليع ماينفع.. اجيبك واكسر راسك عن جد.. بتشوفين وجه ثاني بعد اليوم على قل احترامك لي.. طلع من البيت وركب سيارته.. قبل مايمشي.. رن جواله.. منو هذا بعد.. رد نعم..
مشعل : هلا ابوعبدالله..
ناصر: شب نار.. انت شنو تبي؟؟؟؟
مشعل : عندي صور تهمك ..... تعال خذها..
ناصر : صور منو؟؟؟؟؟؟؟؟؟
مشعل : تعال وشوف..