(36)
ندى : اخذت البطاقه.. ايه هذا فهد اخوي.. ش فيه؟؟؟
الدكتور : هو في المستشفى من يومين.. يحتاج علاج ادمان طويل.. ممكن تكلمي الوالد او احد من اهلك يجي..
ندى : ايه.. طلعت جوالها ودقت على ابوها..
ابوناصر: وقف.. ايششششششششش؟؟؟؟؟ ناصر وفهد في المستشفى؟؟؟
ندى : وهي تبكي.. يبا تعال بسرعه..
ام فهد : سمعت ابوناصر .. قامت وهي تمشي بتعب.. فهد. فهد.. شفيه؟؟
ابوناصر: مسك يدها.. ارتاحي هنا وانا اروح اشوف..
ام فهد : لا بروح اشوف ولدي.. وتركته وراحت تلبس عبايتها..
ابوناصر: لاحول ولا قوة الا بالله.. الله يستر..
في غرفة ناصر..
حست بيده بردت.. رفعت راسها..
ساره : ناااااااااااااااااااااصر...؟؟؟؟ تهزه ماتحرك.. انتبهت للشرشف مكان الجرح.. رجع ينزف..
طلعت برا.. دكتوووووووووووووور
برا الغرفه.. حمد كان واقف مع نوره..
نوره : ساره ش فيك؟؟
ساره : مسكت يدها.. ناصر ينزف..
حمد : تركهم وراح جاب الدكتور..
جا الدكتور ومعاه الممرضات.. ساره بتدخل معاهم..
الممرضه : لو سمحتي.. ممنوع تدخلي وسكرت الباب..
ساره : انهارت على الكرسي.. وهي تبكي..
نوره : كانت واقفه جنبها.. حطت يدها على كتفها.. اهدي ان شاءالله بيكون بخير... يارب تشافيه..
طلع الدكتور..
حمد : طمننا يادكتور..
ساره : زوجي اش فيه دكتور..؟؟؟؟
الدكتور : ابتسم.. مافيه شي بأذن الله.. بس هو تحرك وانفتح الجرح ونزف.. خيطناه مره ثانيه.. وهو الحين بخير..
ساره : دخلت الغرفه.. وجلست جنبه .. باست جبينه.. ياليت فيني ولا فيك.. مسكت يده وهي تطالعه.. كيف نايم..
نوره : دخلت.. وهي تهمس.. ساره قومي روحي البيت.. ارتاحي..
ساره : لا بظل معاه لين يقوم..
حمد : المستشفى ماراح يسمحوا لك.. قومي نوصلك البيت وبكره تعالي ..
ساره :.....................
نوره : انتي بعد تعبانه.. ولاتنسي عبدالله مع المربيه في البيت..
ساره : انتفضت من مكانها.. عبدالله.. اليوم ماشفته..
نوره : يلا نمشي..
ساره : طيب انا جايه وراكم..
طلعوا نوره وحمد..
ساره : مسكت يده قربت منه وباست جبينه وخده.. وهمست.. اشوفك بكره.. وطلعت..
نوره : هذا ابوي وامي..
حمد : ايه..
ابوناصر: عيالي اش فيهم؟؟؟
ام فهد : فهد اش فيه؟؟
نوره وحمد :فهد؟؟؟؟؟؟؟؟؟؟
ابوناصر: ندى دقت علي تقول ان فهد وناصر هنا.. ش فيهم؟؟
نوره : ماندري عن فهد.. وناصر واحد طعنه بسكين..
ام فهد : شلونه الحين..
حمد : بخير.. عمي تعال نسأل الأستقبال عن فهد..
ام فهد : شلونك ساره؟
ساره : طالعتها.. معقوله هذي ام فهد..شكلها مريضه وتعبانه.. قربت منها وباست راسها.. الحمدلله بخير.. الله يطمنك على ولدك..
ام فهد : مشكوره يابنتي..
ساره : تفضلي ارتاحي..
عند الأستقبال..
ندى : شافت ابوها وحمد جايين..
ابوناصر : ندى وين اخوك؟
ندى :ماادري.. هذي غرفة الدكتور.. نسأله..
راحوا غرفة الدكتور..
حمد :حنا اهل المريض فهد محمد..
الدكتور : اهلا وسهلا..
ابوناصر: ولدي اش فيه..
الدكتور : ابنك.. لقوه من يومين في مسجد وحالته لله.. ودلوقتي محتاج علاج طويل للأدمان,,
ابوناصر :حط يده على راسه.. لاحول ولا قوة الا بالله..
حمد : حط يده على كتفه... خلك قوي.. هذا امتحان من رب العالمين..
ابوناصر : عيالي اثنينهم في المستشفى.. وتقولي خلك قوي.. ماعاد فيني قوه..
حمد : شده وتزول ياعمي..
وقع اوراق عشان نقل فهد لمستشفى الأمل.. وراح مع الدكتور يشوفه..
دخلوا الغرفه...
ابوناصر :؟؟؟؟؟؟؟؟؟؟؟؟؟؟؟؟؟؟؟
كان وجهه اصفر وذابل مرره.. وتحت عيونه اسود.. وايديه مربوطه في السرير..وشفاته ترجف..
حمد : لا حول ولا قوة الا بالله..
ابوناصر: قرب لعنده.. حط يده على راسه.. وطاحت دموعه.. ليش ياولدي ليش.. ضيعت شبابك وعمرك..
الدكتوره : قدرنا نسيطر عليه بصعوبه..ابنك بحاجه لعلاج طبي ونفسي..
ابوناصر : ماسك يد ولده ويبكي.. دخلت ام فهد الغرفه ومعها نوره وندى..
ندى : شافته.. حطت يدها على فمها وبكت..
حمد .. وقف جنب نوره.. مسك يدها.. وهي حطت راسها على كتفه وبكت..
ام فهد : تطالعه وهي فاتحه عيونها.. قربت لعنده.. ليش رابطين ولدي.. حطت يدها على صدره وهي تهزه.. فهد قوم يمه.. وهي تبكي.. قوم يمه من النوم.. فهد.. فتح عيونه بشويش.. شاف امه قدامه وعيونها مليانه دموع..
فهد : يمه.........
ام فهد :اي يمه.. انا امك..
فهد : غمض عيونه بقوه.. ماكان ودي احد يشوفني وانا بهالحال..
حمد : نوره اطلعوا برا انتي وندى ..يلا..
ندى : راحت لعند فهد.. مسكت يده.. الله يقومك بالسلامه انت وناصر..
جا الدكتور.. لو سمحتوا ممكن توقفوا برا... حالة المريض ماتسمحش..
طلعوا كلهم.. وهم يبكون..
ابوناصر : حمد.. وين غرفة ناصر..
مشى معاه لغرفة ناصر.. ودخلوا.. كانت ساره جنبه وماسكه يده وتقرا قرآن.. شافت ابوناصر.. قامت وسلمت عليه..
لما شاف ولده.. غمض عيونه وطاحت دموعه.. قرب لعنده.. وحط يده على جبينه.. سامحني ياولدي.. ظلمتك اول وتالي..
حمد : قرب من ابوناصر... عمي خلينا نطلع عشان يرتاح.. نوره قولي لزوجة اخوك تطلع ..
طلعوا كلهم.. وساره ماطلعت الا بالغصب..
ابوناصر : ساره يابنتي اي شي تحتاجينه مايردك الا لسانك..
ساره : ماتقصر ياعمي.. والله يقوم فهد بالسلامه وتقر عينك وعين ام فهد ..
ام فهد : نزلت عيونها... هذي تدعي له من قلب.. وهو اللي موت ضناك.. صحيح اني كنت غلطانه..
ساره : حست في نظرات ام فهد.. راحت وحضنتها.. وباست راسها..
ام فهد : سامحيني يابنتي..
ساره : ابتسمت.. اسامحك على شنو.. انتي مثل امي.. ومافي قلبي شي عليك ان شاءالله..
راحوا البيت... ساره مع نوره وحمد..
وندى مع امها وابوها
في سيارة حمد..
حمد : اخت ساره.. اي شي تحتاجينه في اي وقت .. اتصلي..
ساره : تسلم مامنك قصور..
وصلت البيت وهي تعبانه.. جاها عبدالله يركض..
حملته وحضنته.. حست بالذنب.. حقدت عليه وهو طفل ماله ذنب.. بعدته.. وبوست خدوده.. شلونك حبيبي..
عبدالله : زين.. وين ابوي؟؟
ساره : تغالب دموعها.. ابوك عنده شغل..
عبدالله : اوووف شغل شغل.. هو قال لي اليوم بيروح معاي نشتري اشرطة بلايستيشن..
ساره : لا تزعل انا اروح معك..
عبدالله : لا هو الللي قال يروح معي.. كذب علي.. وراح جلس وهو حاط يده على خده,,, مسوي زعلان يعني..
ساره : جلست جنبه... وتكلمت معاه لين رضى.. وقامت تنام..
دخلت غرفة النوم.. حست انها ضيقه ومو قادره تنام فيها.. جلست على السرير.. قميص ناصر مرمي عليه.. اخذته.. وشمت ريحته بقوه.. حضنته وبكت ... طالعت مكانه خالي.. نامت فيه.. وهي حاضنه ثيابه.. مو طايقه المكان بدونه........
انا من دونك انا.. عين ومافيها نظر..
انا من دونك انا.. غيمه ماتحمل مطر..
انا من دونك انا.. قلب وماعنده دقات..
انا من دونك.. دنيا ومافيها بشر..
من قبل وجود الحب.. ياعمري حبيتك..
من قبل اللحن .. غنييه غنيتك..
ولاحب بياخدني عنك.. ولا قوه بتبعدني عنك..
تأكد ياحبيبي انك.. في عمري القدر..
من قبلك كان .. ضايع بأوهامه..
لاحب ولا امان.. عم تمرق ايامه..
صرت بعمري كل وجودي.. وايام الحب الموعوده..
انت فيها عطر ورودي.. يااحلى البشر..
الصباح صحت وعبدالله يصحيها..
عبدالله : وهو يهز كتفها.. ماما ساره.. وين البابا..
ساره : قامت .. وحطته في حضنها.. حبيبي البابا تعبان شوي وهو في المستشفى.. بعد مانفطر نروح نشوفه..
عبدالله : ابوي مريض؟؟
ساره : ايه حبيبي... يلا قوم معاي ..
كلمت مديره واخذت اجازه اسبوع...
بعد الفطور.. اتصلت على ندى..
ندى : هلا ساره..
ساره : هلا بك.. متى رايحين المستشفى؟
ندى : بعد نص ساعه... نمرك؟
ساره : لا انا رايحه الحين.. اشوفكم هناك..
ندى : طيب ... مع السلامه..
وصلت المستشفى مع عبدالله.. راحت غرفة ناصر..
فتحت الباب بشويش,,
ناصر: كان يطالع التلفزيون... لف على الباب وابتسم.. هلا وغلا..
عبدالله : قرب للسرير ومد يده يسلم على ابوه..
ساره : وقفت جنبه .. شلونك اليوم..
ناصر: يطالعهم اثنينهم.. الحين صرت بخير..
عبدالله : بابا شفيك؟؟
ناصر: تعبان شوي.. تعال اجلس هنا..
جلس عبدالله على السرير.. وساره جابت كرسي وقربته لناصر وجلست..
عبدالله : متى بتطلع من هنا؟؟
ناصر :بكره......
ساره : بكره؟؟؟؟؟؟؟؟؟ الدكتور قال ثلاثه ايام؟؟
ناصر : ماعنده سالفه.. مافيني شي..
ساره : مسكت يده.. حبيبي.. ارتاح بعدين تتعب مره ثانيه..
ناصر : حط عينه في عينها.. وهو يرفع حواجبه.. حتى لو تعبت انتي موجوده..
ساره : نزلت عيونها.. ههههه..
دخلت ندى... صباح الخير..
صباح الخير..
ندى : لالا الوجه ينور اليوم... مسوي نفسه مريض وهو مافيه شي.. اقول اخوي عن الدلع.. تراك رجال مايلوق..
ناصر :مسك يد ساره.. انا شفت قلبي وصرت تمام.. ولما اطلع من هنا.. دواك عندي يامرجوجه.. اطلعي برا يلا..
ندى : هههههههههههه.. اهم شي تقوم بالسلامه ان شاءالله..
ناصر : الله كريم..
ساره : جيتي لحالك؟
ندى : لا امي وابوي عند فهد.......
ناصر :عقد حواجبه.. فهد؟؟؟؟؟؟؟؟؟؟؟هنا؟؟؟؟؟وليش؟؟؟
ندى : اممم.. ولاشي...
ناصر : ندوا قولي السالفه بسرعه...
قالت له..
يعني هو هنا قبلي.. تحرك من السرير..
ساره : قامت.. وهي ماسكه يده.. وين يتقوم..
ناصر: وهو يقوم.. بشويش.. بشوف فهد..
ندى : لاتتحرك بعدين ينفتح جرحك مثل امس..
ناصر: لا ماراح يصير له شي.. وهو يوقف.. يلا نروح غرفة فهد..
ساره : مسكت يده.. ناصر عشان خاطري.. طيب اجلس على كرسي متحرك.. مابي تنزف مره ثانيه مثل البارح..
ناصر : جلس على السرير.. عشان خاطرك بس.. ماعليكم منه مو قادر يوقف من التعب..
ندى : انا بروح اجيب كرسي..
دقايق ورجعت ومعها كرسي متحرك..
ساره ساعدت ناصر يجلس..
حبيبي انتبه للجرح..
ناصر : تامرين ياقلبي..
ندى : وهي ماسكه الكرسي ورا ناصر.. مطولين عزل..
ناصر : المشكله ان هي اللي ماسكه الكرسي.. والا ذبحتها.. امشي يلا..
عبدالله : بجي معكم..
ندى : لالا لا خليك مع ساره..
ناصر: ليه؟؟خليه يجي..
ندى : نزلت لأذن ناصر.. لاتخليه يجي..
ناصر :فهم ان فيه شي خطير.. خلاص حبيبي خليك مع ماما ساره ..
ساره : مسكت يده..تعال عبودي نروح نجيب شي نشربه..
وراحت معاه كافتيريا المستشفى..
ندى : وهي تدفع الكرسي.. متأكد تبي تشوفه..
ناصر :ايه..
وصلوا الغرفه.. كان الدكتور وابوه وامه معاه.. يخلص اجراءات الخروج..
ام فهد : ناصر؟؟؟؟؟؟؟؟
ناصر: يطالع فهد مصدوم؟؟؟؟؟؟؟؟؟؟؟؟؟؟؟؟
قربي للسرير..
ندى قربت الكرسي للسرير..
ناصر.. مسك يده المربوطه بالسرير.. فهد.. اخوي تسمعني..
فتح عيونه بشويش..ناصر؟؟؟؟؟؟؟
ناصر : سلامتك ماتشوف شر..
فهد : غمض عيونه بقوه ولف الجهه الثانيه... شر.. انا الشر بعينه.. ياليت اموت وارتاح...
ناصر :استغفر الله.. شنو تقول.. ان شاءالله تتعالج وتقوم بالسلامه..
فهد : طالع ناصر وعيونه كلها دموع.. ناصر انا تعبان واتألم من برا ومن داخل.. ادري عمرك ماراح تسامحني لا انت ولا,,,,,,,, وبكى بقوه..
ناصر: شد على يده.. انت شنو تقول.... انت اخوي مهما صار..
فهد : انا مااستاهل تقولي هالكلمه..
جا الدكتور ومعاه ممرضين عشان ينقلوا فهد مستشفى الأمل ..
الدكتور : ممكن تتفضلوا برا لو سمحتوا..
طلعوا... ندى رجعت مع ناصر غرفته.. وام فهد راحت البيت..
بعد يومين..
في المستشفى..
ناصر جالس على طرف السرير..
ساره : وهي تسكر ازرار قميصه.. حبيبي بعدك تعبان.. خليك لبكره..
ناصر :مليت.. ومافيني شي..
ساره : لكن خايفه تتعب في البيت..
ناصر : مسك خصرها وقربها.. ماراح اتعب وانتي معاي..
ساره : حطت يدها على كتوفه.. ناااااااصر.. احنا مو في البيت..
ناصر : قام....هههههههههههه.. يلا نمشي..
ساره : بعد مادخلوا البيت وجلسوا..
نور البيت..
ناصر :ابتسم.. وقرب لها وباس خدها.. هو منور فيك.. تألم..
ساره : ارتاح.. قوم نطلع فوق..
ناصر :وقف بشويش.. لحظه..
ساره : وقفت جنبه.. وين بتروح..؟؟
ناصر : سيارتي جابها حمد البيت.. بروح اشوفها شلونها..
ساره : ؟؟؟؟؟؟؟؟؟؟؟ سياره شنو راح يصير فيها..
ناصر :هههههه.. انا بخير... سيارتي وكيفي.. ادري انك ماتحبيها.. لكن انا احبك..
ساره : ههههه نزلت عيونها.. اممم.. مسكت يده.. بجي معاك..
مشوا للكراج..
ناصر :وهو يلمس سيارته الهمر.. وحشتيني..
ساره : كأنها زوجتك الثانيه؟؟ وتكتفت ..
ناصر :ههههههههه.. تغاري من سياره.. قرب منها ومسك كتوفها من ورا.. انتي ومافي احد بعدك..
ساره : لفت عليه وحضنته.. انت اللي وحشتني..
ناصر: حضنها بقوه.. آآآيي..
بعدت ساره.. المتك حبيبي..
ناصر: حط يده مكان الجرح.. لا.. انا حضنتك بقوه.. تعالي
فتح الباب وركب السياره هو وساره..
ناصر : تمام مافي شي ناقص.. انتبه تحت رجوله.. ظرف؟؟
نزل بشويش وجابه..
ساره : شنو هذا؟
ناصر : مد عليها الظرف.. افتحيه وشوفي.. عشان تتأكدي اني ماكنت اخونك مع هيوف..
ساره : تطالع الظرف.. ناصر انا نسيت السالفه خلاص..
ناصر : لا ابيك تتأكدي.. خذيه شوفي..
اخذت الظرف بخوف.. طلعت الموجود فيه..
شريط فيديو.. صور.. شافت اول صوره..
ساره :؟؟؟؟؟؟؟؟؟؟؟؟؟؟فتحت عيونها علآخر.. شنو هذا؟؟؟
ناصر: انا ماشفت شي..
رجعتهم بسرعه الظرف..
ناصر :شوفي باقي الصور..
ساره : لا كافي اللي شفته..نزلت راسها.. انا آسفه..
ناصر : خلاص انسي كل شي..
نزلوا من السياره.. ناصر اخذ جاز وحرق ظرف بالموجود فيه..
جلس وراحت ساره تجيب له ماي عشان ياخذ الدوا..
رجع على ورا .. وهو يفكر.. الحين اتفرغ لكم ياماهر ومشعل..
اخذ جواله ودق على حمد..
ناصر : طيب اجيك بكره المركز..
ساره : وهي تعطيه الكاس.. ليش؟؟
ناصر :عشان اللي طعنني.. لسه مافتح محضر ..
ساره : طيب.. ونزلت عيونها..
ناصر :اقولك السالفه..........
بعد ماسمعته..
ساره : في ناس بهالحقاره..
ناصر : اوووووه ياكثرهم...
يوم ثاني الصباح.. ناصر وهو يعدل شماغه.. انا بخير لاتخافي..
ساره : خايفه تتعب او جرحك ينزف..
ناصر : لا تطمني.. باس جبينها.. ماراح اطول..
ساره : حطت يدها على خده.. روح مع السواق.. عشان خاطري.. لا تسوق..
ناصر : ابتسم..وتنفس بشويش..مافي اغلى من خاطرك عندي...
نزل معها وهو ماسك يدها..
باس خدها وطلع..
ناصر وهو في السياره.. والله لأوديكم ورا الشمس ياماهر ومشعل.. انا تتكلموا عن زوجتي..
وصل المركز... كان حمد ينتظره ..
دخل معاه مكتبه.. وبعد ماخلص تحقيق.. ارسلوا ضابطين لشقة مشعل..
والقوا القبض عليه وهو سكران.. ولقو في الشقه اشرطة فيديو ومئات الصور لبنات.. بعد ماجابوه المركز وحققو معاه.. اتلفوا كل اللي اخذوه من شقته..
حمد : والثاني...
ناصر :هذا تكلم في شرف زوجتي..
حمد : تقدر تتهمه بالقذف..
ناصر : ايه وهذا اللي ابيه.. جيبوه وماله داعي اوصيك الله الله فيه..
حمد : ابتسم.. طيب تبينا نحبسه..
ناصر : سووا اللي تبون.. ولا تكلموني انتازل.. ماراح اتنازل...
حمد : طيب براحتك..
طلع من المركز وهو مرتاح...
رجع البيت..
ساره كانت في غرفة النوم.. دخل ونام على السرير..
جلست جنبه.. وهي تمسح على شعره.. تعبان حبيبي..
ناصر :طالعها.. لا.....ساره..
ساره : عيونها..
ناصر : ابتسم.. تسلم لي عيونك.. انتي اهم شي في حياتي واللي يجرحك بذبحه..
ساره : خافت من كلامه.. ليش تقول هالكلام؟؟
ناصر :ولا شي ابيك بس تعرفين.. وغمض عيونه..
ساره : اكيد سوا شي..
في بيت ابوناصر.......
هيفاء كانت تبي تعرف شنو صار في ناصر,.,. نزلت الصاله وجلست تنتظر..
بعد مارجعوا من المستشفى
هيفاء راحت لأبو ناصر.. خالي شلون ناصر,...
ابوناصر: وهو ماسك ام فهد.. الحمدلله بخير.. يلا نروح فوق عشان ترتاحي..
ندى : هيفاء..
هيفاء : نعم..
ندى : ليش تسألي عن ناصر....
هيفاء : ابو ولدي وولد خالي..
ندى : الا حاسه بالذنب.. كل اللي صار له من تحت راسك.. انتي متى بتوبين.. دخلتي السجن وولدك ماتدرين عنه شي,, واخوي عرض نفسه للخطر عشانك.. لي متى يعني... ومشت عنها..
هيفاء : طالعت ندى وهي ماشيه.. ونزلت دموعها..
في عيد زواجهم الثاني......
ناصر : وهو يحضن ساره.. كل عام وانتي حبيبتي..
ساره : وانت حبيبي.......
ناصر : تفضلي... ومدعليها ورقه كبيره..
ساره : اخذت الورقه وفتحتها؟؟؟؟؟؟؟؟
اشترى ارض كبيره وسجلها بأسمها..
تطالع ناصر.. وهي مو مصدقه.. لكن هذا..
حط اصبعه على فمها... لاتقولي كثير.. مافي شي يغلى عليك..
باست خده.. الله يخليك لي ولا يحرمني منك..
اممم.. ناصر..
ناصر : عيوني..
ساره : انا جبت لك هديه.. لكن لسه ماجهزت..
ناصر : شلون يعني..
ساره : حطت يدها على بطنها..توصل بعد ثمانيه شهور تقريبا..
ناصر :فتح عيونه.. وقرب لها.. ومسك كتوفها.. انتي حامل..
ساره : نزلت عيونها.. ايه..
ناصر: حملها وصار يدور فيها.. احببببببببببببببببك..
ساره : وهي متمسكه فيه بقوه.. يامجنون لا يصير شي في الولد..
ناصر: ايه.. نزلها بشويش.. باس جبينها.. مبروك حبيبتي..
ساره : وهي حاطه ايديها على صدره.. الله يبارك فيك..
ناصر : اممم.. ابيها بنت دلوعه وزعوله مثلك..
ساره : رفعت عينها عليه.. تطالعه.. وانا ابيه ولد يشبهك..
ناصر :هههههههههههه.. وهو يحضنها.. اهم شي يكون بخير..
بعد 8 شهور..
ساره : وهي جالسه على السرير.. تهز كتف ناصر..
ناصر قوم شكلي راح اولد..
ناصر : بدون مايفتح عيونه..حبيبتي .. كل ليله تقولي نفس الكلام.. رحنا المستشفى ثلاث مرات ورجعنا.. قرب منها.. نامي ياعمري واراتحي..
ساره : عصبت.. انت ش فيك.. اقولك بولد..
ناصر : فتح عيونه وقام.. كانت تبكي وشكلها تتألم بقوه.. مسك يدها وحوطها بالثانيه.. حبيبتي تعبانه صحيح..
ساره : وهي حاطه يده على ظهرها.. ايه.. والله بولد..
ناصر : طيب لا تخافي اقوم ابدل ونروح المستشفى..
راحوا المستشفى..
الدكتوره : في ولاده ان شاءالله..
ناصر : وهو ماسك يدها وهي نايمه على السرير... الله يقومك بالسلامه..
ساره : وهي تبكي وتتألم.. خايفه..
ناصر: باس جبينها.. لا تخافي .. الله معاك..
ساره : وهي تشد على يده.. خليك جنبي..
ناصر :انا جنبك وماراح اتحرك من هنا الا اذا تطمنت عليك...
دخلوها غرفة الولاده..
ناصر رايح جاي عند الباب...
بعد ساعه..
طلعت الممرضه... مبروك......
ناصر : ابتسم.. والمدام..
الممرضه : كويس.. وراحت.......
مرت الأيام..
ناصر: اشترى شركة ابوه من البنك لكن ماغير الأسم.. حاول يقتع ابوه يظل مديرها.. لكنه رفض وقال انت المدير الحين..
فهد : يتعالج.. وابوناصر وناصر اسبوعيا يزرورنه.. لكن لسه حاس بالذنب تجاه ناصر وخاصة اللي سواه في زوجته...
ام فهد .. سوت العمليه وصارت احسن..
ابوناصر: بعد ماخلص فهد علاج .. اخذ العايله كلها وراحوا العمره..
هيفاء .. بعد اللي صار.. امها تزوجت وسافرت لكن هي بقت في بيت ابوناصر.. ودوم في غرفتها تقرا قرآن وتدعي رب العالمين يهديها.. وتحاول تحسن علاقتها في الكل وخاصة ولدها..
ندى .. ملكت على ولد عمتها.. وتجهز لزواجها..
نوره.. تنتظر مولودها الثاني..
بدريه.. حياة زوجيه مستقره..
عبدالله : دخل المدرسه.. بالصف الأول.......
ساره وناصر......حياتهم كلها حب وسعاده......
بعد سنتين....
ساره وناصر في حديقة فيلتهم جالسين ..
ناصر محوط ساره وهي نايمه على كتفها..
وعبدالله ووليد الصغير يلعبوا كوره..
ناصر : حط يده على بطنها.. انتي بالشهر الخامس ماعرفتي ولد والا بنت..
ساره : الا عرفت.. بنت..
ناصر : ابتسم.....بنت.... يارب تطلع مثل امها..
ساره : ش فيها امها؟؟ وزعلت مثل الأطفال...
ناصر : ههههههههههه.. قرب منها همس في اذنها.. شنو مافيها..
ساره : اممم.. شنو نسميها..
ناصر: نسميها ساره..
ساره : هههههه مجنون..
ناصر :لا احبك وطول عمري راح احبك......
تمرنا ايام الزمان وتعدي .. كل شي يروح وينتهي به زمانه..
الا انت .. حبك ثابتاً دوم عندي.. حاشاه ماغير وبدل مكانه..
وحبك جرا مثل الدما يم ودي.. في قلبي اللي منتشي من حنانه..
تمرنا ايام الزمان وتعدي .. كل شي يروح وينتهي به زمانه..
دفئ المشاعر كلما ماثار وجدي.. يصير شوفك هو مناه وامانه..
ويثور.. شوقــي.. لولمستك بيدي.. شوق القلوب اللي تعادي الخيانه..
كـأن حبك حلم في العمر وردي.. خيال شاعر ع القصيده رهانه..
مادمت احبك واعشقك وانت وعدي.. يبقى غلاك يدوم لآخر زمانه..
النهايه
..........................
انتهت روايتي الأولى.. اشكر كل المتابعين بأستمرار وعلى ردودهم اللي كانت تشجعني دووم.. واتمنى انها نالت اعجابكم..
انتظروني في روايتي الثانيه.........قريبا......