شبكة همس الشوق - عرض مشاركة واحدة

16 - 11 - 2024, 05:41 PM

في بيت ابو ياسر ..

الباب كان مفتوح .. كالعاده .. ياسر وناصر واقفين يستقبلون ..

اول ماشافتهم هنوف ضحكت .. يجننون وهم كاشخين ومشخصين ..

ياسر وعرف شكل هنوف : تعالوا داحل

ناصر : داحل داحل , تعالوا

ضحكت روان وسألت ناديه اللي كانت قريبه منها : هذول اخوانها ؟

هزت راسها بإيه .. وتقدم ياسر مسوي فيها للمجلس : تقول ولاء ادحلو هي بتجي

ناصر : ولاء بتجي وتقول ادحلو

دخلوا كلهم للمجلس .. ولان هنوف تمون فصخت عبايتها .. وقلدوها البقيه .. اما روان اللي كانت مستحيه .. بس نزلت طرحتها على كتفها

ثواني ودخلت ولاء فاتحه يديها على وسعهم : ياهلااااااااااااااا يالله تحيهم طريق طريق (وسلمت على اول وحده اللي كانت ناديه )

.... : وينه عزوز ماجبتيه وياج ؟ ابي اشوووفه ..

..... ضحكت : لا خفت يزعجني عندكم , تشوفينه ان شاء الله قريب

فهمت ولاء قصدها وحمرت خدودها .. : يمممه من ذي ؟

هنوف باحراج : وجع نسيتي شكلي ؟

ضحكت : لا والله بس .. (وضحكت ) .. بس .. اقول اولدي بسرعه ترا شكلج يفشل

.... : تعالي ياحماره بس بسلم عليج .. وحشتيني

وضموا بعض بحراره وهم يضحكون .. وصلت ولاء لريهام وسلمت عليها .. اخيرا وصلت لروان اللي كانت مستحيه ومنزله راسها .. وقالت ولاء بمرح : وهذي الحلوه مين ..

جات بتتكلم هنوف .. لكن ريهام نطت ومسكت روان من كتوفها : لحظه لاتقولون .. خلونا نشوف بتعرف هي ولا لا .. ارفعي راسك روان

رفعت روان راسها .. حاولت ولاء تعرف بس تعبت وهي تعفس وجهها تحاول تعرف .. تركت ريهام كتوف روان ووقفت جمب ولاء : من عيلتنا .. بس ماقد شفتيها قبل ..

ابتسمت روان على جمب نفس ابتسامة عبد الملك .. وصرخت ولاء مفزوعه وهي تتخبى ورا ريهام : يممممممممممماااااااااااااااااااااااااااه

انفجعت روان ورجعت على وراها .. اما البقيه ماتوا من الضحك .. حتى هنوف سندت ظهرها لورا وراحت فيها من الضحك

ولاء وهي تأشر بصبعها على روان : هذي .. هذي .. هذي .. شسمه هذي

ناديه وعيونها تدمع من الضحك : بسم الله عليك .. ايه هذي اخت عبد الملك

صنمت ولاء بمكانها .. بعدها ضحكت وهي تحك راسها : حمارات تضحكون علي هاه ؟

روان بحيا : خوفتيني والله

قربت ولاء منها وسلمت عليها : سوووري يعمري مو قصدي بس انا انصدمت والله ..

حست ولاء بأن روان تتأملها .. فابتسمت هي الثانيه باحراج

.... : خلاص عاد لاتضحكون .. روان مازعلتي صح ؟

روان بضحكه : وانا اقدر ؟ انا اصلا جايه معاهم ابي اشوفك ..

..... : ياقلبي انتي .. اقوووووووووووول (والتفتت لهم ) بنات خالاتي بالصاله ابيهم يشوفونكم

ريهام : لااا فشله مانعرفهم

حطت ولاء يدها على خصرها : لا ياعمتي هذا عيد .. مافيه شي اسمه مانعرفهم .. تعرفوا وش المشكله .. لححححظه والله وحده تقوم ياويلها .. انتي (وتكلم ريهام ) ترا البيت بيتكم صبيلكم اللي تبون .. وهالمسكينه (تأشر على هنوف ) شفتي الفازه اللي ع الطاوله ..؟ شيلي الورد اللي فيها واترسيها قهوه يادوب تكفيها .

ضحك الكل .. فقالت هنوف بتهديد : والله لو فيني اركض كان ماسلمتي مني .. روحي ناديهم يللا مانقدر نطول

ضحكت ولاء وطلعت

ناديه علطول التفتت لروان : ها وشرايك فيها ؟

روان ضحكت : تهبل , هي اسلوبها دايم كذا ؟

..... : ايه , بس تدرين لو احنا قايلين لها من الاول انك اخت عبد الملك كان والله تنزل عليها سكينه مو طبيعيه .. وبتحسين انها ثقيلة دم ..

..... ضحكت روان : حتى طريقة كلامها حلوه .. واستهباليه شوي ... مثل عبد الملك احيان .. تجيه حالات استهبال .. بس مو مثلها كذا يعني هي فرفوشه طول الوقت ..

ريهام : طيب بدون مجامله يعني .. تحسينهم مناسبين لبعض ولا لا ؟ امي عجزت وهي تقول مايناسبون

..... : بالعكس .. احس فيه توافق بينهم .. زي اللي يقولون تجاذب الاضداد

ضحكوا البنات ودخلت ولاء معاها بنات خالاتها .. اللي رحبوا بحراره .. قامت بنت خالتها تمسك الدله : يؤ لويلو تاركتهم ماصبيتي لهم قهوه ؟ شفيج انتي خبله ؟

طلعت لسانها : امون .. ماعليج منهم

صبت بنت خالتها القهوه لهم .. ولما وصلت لهنوف مدتها لها : تدرين ولاء ان مافيج خير .. شوفي صديقتج شكلها تعبانه ومخليتها هي اللي تجي .. مااالت عليج كش هاااج

ولاء بدفاع : شسوي لها والله تعبت وانا اقول لها ابي اجي اشوفج وهي تحلف ان هي تجيني قبل .. تحب الشقا

خزتها هنوف .. فضحكت ولاء : بس احبها ..

شربت هنوف شوي من القهوه وتركته على الطاوله وزفرت بتعب .. زفره طويله .. مسكت بعدها بطنها

قامت ولاء : هاي انتي قومي طلعي برا .. لاتولدين عندي هنا ابتلش فيج ..

ضحكت هنوف : مارح اولد ياغبيه اقعدي مكانك

رجعت ولاء على كنبتها وهي تراقب هنوف بخوف : احسب بعد

ناديه قالت باستكشاف : الحين ياولاء .. انا اول مره اسمعك تتكلمين شرقاوي

هنوف بعصبيه مصطنعه : ايه ماتتكلم , بس اذا طلبتي منها تتكلم .. او اذا حست انها بجو شرقاوي .. زي الحين مثلا ( وتأشر على بنات خالاتها )

ضربتها بنت خالتها : ماعليكم منها خبله ذي على مزاجها .. احنا احيان اذا جات عندنا الدمام او الحسا .. تقعد تقول شفيكي عليكي ابيكي

ضحك الكل على طريقة بنت خالتها وهي تتكلم ..

فقالت روان بضحكة وهي داخله جو معاهم : حتى عبد الملك يحب الشرقيه , ويحب اهلها

احترق وجه ولاء وقاموا بنات خالاتها يعلقون .. مع ان روان ماكان قصدها تحرجها ابد ..

بعد دقايق حلوه قضوها سوى .. رجعوا البنات لبيت طيبة .. وجلسوا

بمجلس الرجال ..

دخلت سيستي الشغاله ... يقال لها جايبه صحن موالح .. مشت لعند الزاويه اللي جالس فيها عبد الملك .. وحطته ع الطاوله اللي قدامه : بابا عبدوملك .. انا يبي كلام مشتاق هزبند

انحرج عبد الملك .. وشتبي ذي جايه تكلمني انا : روحي كلمي ماما طيبه

ضاقت الشغاله : بابا انتا كلام (وتتملحس) انتا كلام ماما طيبه

ماحب عبد الملك يفشلها .. بس برضو انحرج منها .. تمون وهي تتكلم معاه : بعدين

صرخ بندر : وبعدين معاك انتي ؟ قال لك بعدين يعني بعدين

..... : طيب بابا مافي سوي صراخ , خلاص معلوم
كشها بندر بيده : ضفي شكلك برا يللا

طلعت الشغاله برا مقهوره .. نطق نايف كاتم ضحكته : كان خليتها شكلها معجبه بعبد الملك

رمى عبد الملك عليه مخده .. اما راشد ومازن ضحكوا .. وبندر ضحك معاهم وهو يقول : مايجون الا بالعين الحمرا

طالع مازن ساعته ... وينهي روان قايل لها تلبس عبايتها .. (والله خايف زوجته بتلعن شكله الحين )

لما سمع صوتها قريب من المجلس ناداها تدخل ..

كانت لابسه عبايتها ومتبرقعه .. لكنها استحت تدخل لما لمحت نايف جالس .. هو شافها واشر لها بيده : انتي روان ؟ تعالي تعالي

انحرجت منه بس دخلت ووقفت عند بندر .. ضحك لها نايف : شخبارك روان ؟ حلوه القعده هنا ؟

ابتسمت بخجل : ايه , وناسه ..

مازن قام : يللا انا استأذن , تأخرنا .. ها روان قعدتي مع بنات عماتك ..؟

روان بخجل يصبغ كلامها : ايه يهبلون .. خاصة هنوف نايف ,, بس انا مدري ليه هي الوحيده اللي ينادونها باسمها واسم ابوها .. ؟

ضحك الكل .. , اما نايف راح فيها من الضحك : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه

تفشلت روان : ليه تضحك ؟

نايف : اول شي ليه متغطيه انتي كبيره ؟ شكلك صغير

بندر رجمه بمخده : صغيره بعينك ,, بتروح الثانوي

نايف يطلع لسانه : طيب عادي انا متزوج مايهمني,,, افتشي عادي عادي انا حسبة اخوك

انحرجت روان ولزقت ببندر زياده من كلامه .. فقال لها يضحك : ماعليك منه قليل ادب ذا ..

روان همست : ومين هذا ؟

.....اشر بيده : هذا ابو شعر ناعم .. هو نايف هنوف

اخيرا ضحكت روان على نفسها لما فهمت اسم هنوف نايف .. وخطفت نظره لولد عمتها .. وسيم وشعره حلو .. بس مايشبه اخواني .. كل واحد له شي يميزه

نايف : يالله يالحسد , هذا وانا قاص شعري الحين .. اجل لـــ ...

قطع جملته والتفتوا السته على اصيل اللي دخل المجلس يفحححط : نااايف الحق .. قوم ود هنوف المستشفىىىىىىىىى

انفجع نايف وقام طاير من مكانه .. لدرجه صقع بالطاولات الصغيره اللي قدامه .. وطار يركض زي المجنون وهو يبعد كل شي عن طريقه , وقابل امه وخالته اسماء ماسكين هنوف معاهم

نايف يصارخ بخوف : السياره السياره

طلع راشد وراه وهو يضحك .. وكلهم يضحكون على شكله وهو مختبص .. واصلا الكل كلن قلقان بسبب ان هنوف شكلها بتولد اليوم .. والحين بعد ..

اخيرا وصلوا المستشفى .. كل البنات كانوا يبغون يجون .. بس طيبه بسلطتها منعت ان احد يروح مع هنوف غير امها وخالتها .. خير تبون تسوون لنا حفله هناك بالمستشفى ؟ لاولدت بالسلامه كلنا نروح لها

وجلسوا على اعصابهم ... يروحون ويجون .. والافكار تدور في راسهم

حتى نايف اللي كان بالميتشفى واقف عند باب الغرفه .. يقعد على الكراسي جمب امه وخالته شوي .. ويقوم ويمشي .. وبحركته هذي وترهم زياده

..... : يمه , خالتي .. كنهم طولوا !

اسماء : نويف اقعد

اشرت له اعتدال الثانيه انه يقعد .. وتوه بيجلس .. سمع صوت صياح طفل .. يصدر من الغرفه

وقام زي المهبول .. : هذا هو هذا هو

ضحكت اعتدال عليه واسماء برضو .. وهم يشوفون وجهه والدنيا مو سايعته من الفرحه .. وشوي يسمع صوت ثاني .. وهو واقف بالسيب الطويل : جو .... جو كلهم جووو

فتحت النرس باب الغرفه .. ماسكه معاها بيد ولد .. وباليد الثانيه بنت .. ومبتسمه بسعاده : مااابرووووك

اسماء واعتدال مافيهم صبر .. كل وحده بتسابق الثانيه بتشوف احفادها .. لكن كلهم ماكانوا اكثر حماس من نايف اللي تقدم بهدوء للنرس وطالعهم بوجه يضحك .. بوجه منور يشع سعاده : are they ok ?

.... : ya they are healthy

... ماصدق نايف وبغى يطير من الفرحه وهو يشكر ربه .. مدت النرس يدها له بحركه يعني امسكهم .. طالع في وجيههم يفكر مين يشيل اول .. يتشابهون مو مبين اصلا .. اخيرا قرب للبنت وحرك يدينه بكل الاتجاهات . مو عارف كيف يشيلها , اول مره يشيل احد بهالحجم , حتى عزوز كان اكبر .. وهو ماشافه الا بعد ماكبر

التفت لهم : شفتوهم حقّونا ؟ شوفوهم يهبلون ماشاء الله

ضحكوا وتقدموا له .. وكل وحده شالت واحد ..

بعد وقفتهم هذي .. دخلوا على هنوف ..و كانت نايمه بارهاق .. لان شكلهم عطوها مخدر .. مبين على وجهها تعبانه حيل .. ابتسم نايف غصب عنه وهو يتقدم لها : ياحبي لها سلحفاتي .. جابت عيالها ونامت ..

تقدموا لها اعتدال واسماء .. وبكل حذر عشان ماتصحى .. رتبت اعتدال شعرها بحنان .. واسماء صلحت لها الغطا ...

اعتدال تكلم نايف : ماخترتوا لهم اسامي

اسماء : ايه وش بتسمونهم ؟

لكن نايف مارد .. كان سرحااااان وهو يطالع في عياله بسعاده ويتأمل اجسامهم الصغيره وابداع الخالق في كل شي صغير فيهم ..

نايف بفرحه : هذي البنت .. وهذا الولد .. شوفوا مبين من اشكالهم , اذا دققتوا يبين

ضحكوا وهم يتأملون سعادته الكبيره بعياله .. وحمدوا ربهم الف مره ..

وبعد وقت طلعوا .. وتركوا نايف لحاله معاها ,, راجعين يبشرون البقية اللي ينتظرون على نار ..

همهمت بتعب .. وهي تسمع حس احد حولها لكن ماهي قادره تميز الصوت , صار لازم تفتح عيونها عشان تشوف هي وين ؟ والساعه كم , وتتذكر وش اللي صاير ..

فتحت عيونها ببطء .. على صوت نايف اللي كان يغني لها بهدوء : انتـــــي في عيني جميله , وانتي في قلبي اصيــــله .. وانتي قصة ألف ليلة .. من حكايات الخيال .. وانتي قصــــــة الف ليــــلة .. من حكايات الخيال

غصب عنها ابتسمت والصيحه واصلتها , فيه احلى من انها تصحى على صوته يغني لها .. ؟ فتحت دارت عيونها ببطء تدوره وتتبع صوته .. لكنها فجأه شافت قدامها باقية ورد كبييييييرة .. كلها ورد جوري .. احمر واصفر .. وورود بيضا صغيره تتخلهم ..

رق قلبها له علطول .. اول ماشافته يطل بوجهه الحلو من ورا الباقه ,,, آه .. أحبه والله ..!

تقدم لها نايف وترك الباقه على الطاوله لما شاف وجهها تغير .. وصب لها كاس عصير وعطاها اياه ... : عطشانه صح ؟

ابتسمت بحب واخذته منه : اعطش عشانك بس .. !

ضحك لها وجلس على السرير بكل فرحه .... : هنوفي شفت العيال

هنوف حطت الكاس بسرعه وكأنها تذكرت : عيال ؟ (وطالعت نفسها ) ايه وينهم ابي اشوفهم ,, فيهم شي ؟ بخير هم وينـــ...

قاطعها نايف وهو يجلس جمبها ويمسك يدها : بخير والحمد لله ..

ظلت هنوف تطالع في الفراغ وهي مو مستوعبه .. وكلمه وحده تطلع من فمها : الحمد لله

قرب نايف اكثر وقال بحميميه : ها حبيبتي .. شنسميهم ؟ تختارين انتي اسم البنت ,, وانا الولد ..؟

طالعت هنوف بوجهه .. وعلطوووووول صاحت وهي تدفن وجهها بصدره .. : آآآآآهئ .. ماني مصدقه .. إإهئ ال..الحمد لله ..آآآآآآآآآآآآآآآآآآهئئئئ ,, مابغوا يجون

ضحك نايف وهو يشد عليها : ههههه الحمد لله , والله لو شفتيهم ياهنوف نايف .. يجننون يجننون .. (ويحرك يده يرسم شكل طفل ) صغار كذا واشكالهم مدري شلون سبحان الله يهبلون

رفعت هنوف راسها : مالي شغل قوم جيبهم , ابي اشوفهم ..

حب نايف يهبل فيها : معليه ياحبيبتي كلها اسبوع وتشوفينهم

انصرعت هنوف وتلقائيا رجعت عيونها تدمع .. حس هو بالذنب فابتسم بخفيف وهو يمسح دموعها : يعمري انتي امزح معاك لاتصدقين ,, الحين بقوم اجيبهم لك ..

عصبت هنوف .. وزي الاطفال زمت شفتها وضربته على صدره .. : ليه تضربين ؟

هنوف بدلع : كذا .. اضربك

..... : لا جد والله ,, فيه شي يدور براسك ,, عارفك انا قولي شتفكرين فيييييييه ؟

انحرجت : يعني .. بسألك انا انفشّيت ؟

ضحك : شلون يعني ؟

..... : يعني خف وزني شوييييييه ؟ وماعدت سلحفاه مثل اول ؟

..... : لا ماتغيرتي نفس الشي , ويمكن سمنتي زياده بعد

على انها عارفه انه يلعب عليها بس خافت تلقائيا وتحركت تبي تقوم تدور اقرب مرايه تتأكد ..

..... : ههههههههههه اجلسي .. مازلتي حلوه .. وشكلك الحين احلى بعد

ضحكت هنوف : صوااااااااريخ , عاد انا ماطلبت منك تجامل .. عارفه ملامحي ضايعه , والحين اكيد شكلي يجيب الهم يبي لي على الاقل كحل ولا قلوس ولا ...

وسكتت لما احترقت خدودها وهي تشوف نايف يتأملها بحب .. واخيرا يقول : لا ما أجامل .. لأني احب هنوف بكل تغيراتها .. احبها الطفله .. واحبها المراهقه .. واحبها هنوف خطيبتي .. واحبها زوجتي .. لحظه (وقام بسرعه .. للحضانه وجاب معاه العيال مع النرس ) واول مادخل عليها وهو ماسكهم ,, قال بعشق : واحب هنوف ام عيالي .. !

دمعت عيونها ثانيه وهي تمد يديها بلهفه تبي تمسكهم .. جات النرس اول وهي تشيك على هنوف وتسألها .. بس هنوف مو معطتها وجه بالمره .. تبي تمسك عيالها ..

ومارتاحت الا لما شافتهم في حظنها .. وظهرت بهاللحظة .. وضمتهم بوله لها وهي تطالع فيهم .. وتبوسهم وتتلمس اطرافهم

هاللحظة .. شاف نايف .. الجانب اللي ماشافه بهنوف ..

أمّ ..!

اخذ الولد منها : هنوفي .. شرايك .. نسميه احمد ؟

ضحكت له : حلو وبسيط .. (وفكرت شوي ) وادري انك تحب هالاسم .. لانه خفيف , وكشخه بعد

...... يكلم ولده ... : احمد .. حمودي .. شوفني .. انا هنا ..

ولما قضى لحظات يتأمل ولده .. رجع يرفع راسه لهنوف : والبنت ؟ اختاري لها اسم ؟

دارت عيون هنوف على الغرفة كنها تفكر .. : امممممم ليان؟

..... : حلو .. ذوقك حلو .. (ورفع راسه ينقل نظراته بينهم ) اسماءهم متناقضه .. بس حلوه !
..... ضحكت : الحمد لله .. مرحله وعدت .. الصراحه كنت خايفه... نتهاوش على الاسامي ..

غمز لها : هنوف نايف .. ونايف هنوف .. مايتهاوشون

وهنا ابتسمت له هنوف .. والحب يطفر من عيونها .. وهالمره هي اللي تتأمله هاللحظه ..

صار أبو ..!

فقالت بعدما شافت النرس طلعت .. وبهمس : ابو احمد ..

انشرح صدره لمن سمعها تناديه بهالاسم , ومن كثر ماكانت الكلمه ترن في اذنه بسعاده .. ماتكلم .. بس ابتسم احلى ابتسامه , ابتسمت عليها معاه ..

مر هاليوم بسعاده على الكل .. ولما دخل يوم ثاني ,, كانوا كل البنات مقررين يزورون هنوف ويشوفون التوأم .. حتى ولاء معاهم ..! مو قادره لازم تشوفهم .. بالرغم من ان هنوف كانت عندها امس ..

احس لما اقول ولاء .. لازم يجي عبد الملك براسي علطول ..

كان يسوق سيارته .. متجه لكودو .. هناك كانوا الشباب متفقين يتغدون سوا .. اتصلت عليه روان تسولف معاه .. وباكبر ابتسامه رد عليها : ياااااااااااااااااااااااااااامرحبا

روان بمرح : مرحبتيييين , اول شي مشغول ولا لا ؟ ادري داقه عليك بوقت غلط بس والله استغليت فرصة ان ماما نايمه .. اخاف لاقامت وشافتني تهاوشني

..... : لاخطأ ولاشي ,, ومتى ماتبييني دقي علي ... اصلا انا واقف استنى الشباب ماجوّ .. وانتي جيتي بوقتك ..

ضحكت بخبث : لا بس انا كنت بسولف لك , امس رحت مع بنات عماتي وشفت ولاء

فز قلبه عبد الملك : والله ؟

...... : ههههههههه بشويش على نفسك ,, ايه شفتها وسولفت معاها شوي بعد

ضحك عبد الملك من قلبه ,, مايدري ليش ارتاح لاخته وعلطول صارت تسولف معه ,, يمكن لانه كان محتاجها كثير .. ويبيها بكلللللل شي

..... : زين انتي شفتيها .. شرايك فيها ؟ حبيتيها ؟

..... تستهبل : عاديه , يعني هه حليوه .. بس هي شكلها ثقيله دم , وماتسولف

استغرب عبد الملك , واول ماشافته سكت ضحكت بقوه : الووووو شفيك عبد الملك والله امززززززح

..... : تستهبلين ؟ اشوفك قمتي تمونين ..!

ضحكت : لا بس كنت بشوف شتسوي ,, تدري انا رحت معاهم وهي ماتدري انا مين ,, وبعدين ريهام قالت لها حزري هذي البنت تشبه مين ,, عبد الملك هي قد شافتك تبتسم من قبل ؟

استغرب ,, بس غصب ابتسم وهو يسمع سوالف اخته عنها : مدري ,, اتوقع , ليه ؟

< لا ياشيخ ؟ قال اتوقع قال .. !

..... ضحكت : لاني ... ههههههههههههههه , لاني هههههه , لاني اول مابتسمت لها صرخت وتخبت ورا ريهام

عبد الملك بس قالت اخته (صرخت ) تذكر يوم يشوفها امس وتصرخ وتنحاش , وبدون شعور دخل في نوبة ضحك هستيرية .. اتوقع حتى الناس اللي يمشون برا يتحمدون ربهم عليه

ضحكت : لهالدرجه السالفه تضحك ؟

........... يصرف : هاه ؟ لا بس اتخيل شكلها وهي تصرخ وتتخبى

...... : وتراها حلوه بعد

لاشعوريا : آآآآآآآآآآآآآآه ...... ادري

صرخت باستهبال : لاااااااااااااااااااااااااااااااااااااااااا والله ؟ مااااشااااء الله

انحرج عبد الملك على زلة لسانه : امي طيبه تقوله

..... : ايه طيب

..... : روانوه ..! اعقلي عاد .. والله عطيتك وجه ..!

..... : طيب بس مردي بعرف شلون شفتها

...... هز راسه : كلام كبار مايصلح لك ,,

ضحكت : طييييييييب , اقول اسمع بابا يقول هنوف نايف ولدت صح ؟ جابت توأم ؟

ابتسم : ايه , اهلي بيروحون لها اليوم , اذا تقدرين تعالي مع ابوي

اكتئبت : لا ماتوقع ماما بترضى , صح بسألك .. شمعنى هم بس اللي تنادونهم باسماء بعض ؟ ناديه وريهام متزوجين طيب ؟

ضحك وهو يهز كتفينه : مدري .. ! يحبون بعض من وهم صغار ..! وشكله الاسم مشى عليهم .. وبصراحه هم الوحيدين اللي تمشي اسماءهم على بعض

..... : اهاااا

انتبه عبد الملك لواحد يأشر له وعرف انه خويهم ... فقال لروان بسرعه : روان معليش اخوياي جو .. مابغو يوصلون جوعاااااااان ابتغدى ..

ضحكت : عادي خذ راحتك , بالعاااااااااااااااااااافيه

..... : تسلمين , يللا فمان الله

سكر عبد الملك منها وهو مبتسم وناسي نفسه .. وينها روان .. من زمان ..! ليتها تسولف لي كل يوم عن ولاء ..!

بندر لما شافه يدخل لهم قسم الافراد : لا لا ارجع السياره .. لا لا ارجع ارجع خذ راحتك عادي .. بدري ماكان جيت ..

..... : وش اسوي ؟ ساعه عشان حضراتكم توصلون ... (وانتبه لضاوي وتقدم يسلم عليه ) أووووه لقيت ضاوي ..ياشيخ انفض الغبار عن نفسك , حسيتك قديم وبقووووه ..

ضحك ضاوي وسلم عليه : شسوي انشغلت والله ومثلك عارف , بس ماقدرت افوت مثل هالجمعه الحلوه .. والله من زمان ماجلسنا سوا ,, وكل واحد عليه التزامات تخليه مايقدر حتى يطلع بر ولا استراحه ولا زفت

..... : صدقت

سحب ضاوي كرسي جمب بندر وجلس ,, وعبد الملك قبالهم .. وجمبه ثنين من اخوياهم ..

...... : شخباره نايف ؟ معدت اشوفه ؟

التفت بندر على ضاوي : الحمد لله , جاه توأم .. امس بالليل

انفجع ضاوي بفرحه : والله , وياحمير ورا ماتقولون ؟ لحظه لحظه بكلمه

وضحكوا على ضاوي وهو يكلم نايف ويبارك له .. عبد الملك كان يراقبه وباين ضاوي طبيعي من ناحية موضوعه الاولي مع نايف وهنوف .... الحمد لله ..!

طلبوا الغدا .. بندر ضاااايق وياكل بدون نفس ,, مو عاجبه المطعم .. فضرب الطاوله بيده : ابوها من عزيمه ذي .. ! كودو عاد .. كان رحنا البحصلي ولا ماريز ولا شي كشخه ... مب وجبات سريعه .. (ويطير المنيو بيده )

ضحكوا الشباب عليه : وش فيه هذاك كنت تحبه ؟

..... : مدري زهقت منه .. شبعت فاست فود ابي اكل جدتي

ضحك ضاوي : هذاك كل يوم تغدى عندها .. ! ماشبعت ..؟

...... : لا ,, اصلا انا مقهور .. كلكم بتتزوجون وتذلفون .. وانا العزابي باكل تراب لين اقول امين واتخرج من هالجامعة .. واقابل وجيه ذليه (يأشر على اخوياهم الثنين اللي ضحكوا على عصبيته .. هو صح يحب يقعد معاهم .. بس مو مثل عيال عايلته ,, وخاصة ضاوي صديق عمره .. )

كانوا يتساءلون .. ضاوي صار له فتره خاطب ليه هالتأجيل كله ,, بس انحرجوا يسألونه .. يمكن ظروف خاصه فيه .. او ظروف خاصه بالبنت .. حتى بندر اللي اساسا كان متضايق بسبب ضاوي وحاس انه مو مرتاح ,, مو قادر يتشجع ويسأله ..

اما عبد الملك .. منظره مضحك بشكل .. سرحان وهايم .. اكل ربع الساندوتش حقه ,, وفارش قدامه البطاطس .. ماسك حبه بيده يهزها يمين يسار .. شكله كان بياكلها وسرح ..

خويهم اللي بس يمشي ويصور , ماقدر يفوت هاللقطه .. فصوره علطول .. اول مانتبه له عبد الملك عصب عليه وهو يضحك : ياشينك ,,, مايمدي الواحد يختلي مع نفسه

ترك الكل اكله وضلوا يضحكون ويعلقون على شكل عبد الملك وهو يسبهم بعصبيه ..

وصح ماطولوا سوا , لكن جمعتهم هالمره كانت حلوه , المطعم فااااضي الا منهم ..و خصوصا الضحك اللي ضحكوه .. اما عبد الملك سرح فجاه ورجع يقول : اقول ياحمير خلاص وقفوا ضحك , فيني قصيده (ويسوي حركه بيده يعني كنه بيطلع شي من قلبه ) فيني قصيييييييييييييييييييييده بطلعها ..

ضاوي وهو يشرب الببسي : اسدحها يللا ,, خلينا نشوف ابداعك

طلع لسانه : مهوب ابداعي ,, ابداع عبد الرحمن بن مساعد هذا .. الله يحفظه .. يللا بقوووول