شبكة همس الشوق - عرض مشاركة واحدة

16 - 11 - 2024, 05:43 PM

عشــــــــــــ بس ..!ـ ـــــــــــــانك _29_

يديها ترجف وهي ماسكه الجوال .. خايفه ومرتبكه .. بس لازم تتشجع , وتخطي هالخطوه ..

اخيرا دقت .. دقه دقتين .. مارد .. جات بتسكر بسرعه .. وصلها صوته اللي تسمعه لاول مره : مرحبا

انتفضت روعه ونشف الدم بعروقها

راشد باستغراب : الووو , قلنا مرحبا

ارتجفت : اااااه ,, راشــ... راشد ؟

استغرب راشد من سمع صوت بنت , ومو سلمى : أي نعم راشد , مين معاي ؟

....... : .......

......... : الو ! مين ؟

خافت انه يسكر ,, فقالت بكل صعوبه : راشـــد .. انا روعــ....ـــه

دق قلبه واتسعت ابتسامته غصب : ياهلا روعه , الله يهديك عصبتيني .. كان قلتي لي من الاول ..! حياك

ابتسمت غصب وهي تحاول تجمع الكلام : انا .. داريه .. اني .. ازعجتك .. وعارفه خطأ اني اتصل فيك بس .. والله .. كان .. لازم اقول .. اقول لك شي .. مهــ... مهمممم

استغرب راشد لكنه كان ضايع بنبرة صوتها , والاهم ضايع حيره بكلامها وكأنه يبي يتأكد انها هي : لا ازعاج ولا شي .. قولي

....... : راشد انا .. انا

...... : انتي ايش ؟

ضعفت روعه ..! ومن متى اصلا كانت قويه ..؟ لا وبعد بمثل هالموقف وشلون تتصرف .. : انا والله ماكنت بتصل فيك.. والله ادري .. مالي داعي .. بس انا قلت.. لهنوف وناديه .. يقولون لك .. بس محد محد ..محد راضي يعلّمك .. محد راضي

حس راشد بالخوف في نبرة صوتها .. : يعلمني بإيش ؟ وش الموضوع

...... ماعرفت كيف ترتب كلامها : راشد انا وراي مشاكل كثيره.. ومابي اضايقك معاي

..... ضحك بهدوء مايدري ليه : وضحي اكثر

...... :....

......... حس انها مستحيه فقال وهو يسند ظهره للسرير ويحاول يربط صوتها بشكلها : شوفي انا بسكت ومارح ارد عليك .. قولي كل اللي عندك .. واذا خلصتي بتكلم .. عشان ما أحرجك كل شوي .. طيب ؟

سكتت روعه وكأنها رضت.. واستطردت بعدها : راشد والله ماقدر اقول لك وشهي مشاكلي ,, بس صدقني انت بتزهق معاي ,, بتطفش وبتكره حياتك وبتكرهني .. واكيد بيجي يوم وتوصل معاك .. مابي اظلم احد معي واحسسه بثقل .. كفايه خالي واهله مو مقصرين معاي .. بس انا عارفه مارح توقف السالفه لهالحد .. وارجوك لاتفهمني غلط .. انا مايحق لي افكر بالزواج مثل أي بنت غيري .. ومو رافضتك انت بالذات .. وانت عارف حالتي ,, اهلي مو مصدقين وطايرين من الفرحه .. من قدهم .. ! فيه احد فكر فيني مع اني مقعده وما أتحرك .. ووالله اني مقدره هالشي .. وانت يمكن ماتدري شكثر يعني لي انك تقدمت لي انا بالذات .. بس اعذرني ياراشد .. مارح نقدر نكمل ونعيش مبسوطين سوا .. اهلي مستحيل يرفضونك .. مستحيل ! خلها تجي منك ياراشد .. ضميري يأنبني .. مو قادره أسكّته .. مو قادره..

قالت كلمتها الاخيره بارتجاف ,, هي ماتدري من وين جابت الجرأه لمثل هذا الكلام ,, بس راشد لازم يعرف ..

اما هو ذاب من تكرارها لاسمه .. ماتوقع ابدا كل هذا فيها ؟ توقعها انسانه عاديه ..! مشاكلها تزول بدقيقتين .. وخلافاتها مع اهلها تزول اسرع .. بس اكيد هي ماتصلت وقالت له .. الا ان الموضوع فعلا كبير بالنسبه لها ..!

اخيرا نطق .. : روعه .. تدرين انتي .. اني رسمتك اول ماشفتك .. وبهالطريقه قدرت اعرف انتي مين لما وريت الوالده الصوره , (وضحك بيلطف الجو) طبعا هزئتني .. وانا برضو حسيت انه مالي داعي يوم ارسمك .. بس ماقدرت .. لان هذا الشي احساس بالنسبه لي .. في البدايه كنت امرّن يدي وارسم أي شي تطيح عيني عليه .. بس الحين صاير ارسم بدون ما أحس .. ومهما سويت ماقدر اشق ّ أي رسمه , الا اذا كنت فعلا معد احمل لها اي مشاعر تجاهها .. (وتنهد لما تذكر سلمى ) وبكذا اكون انهيت حياتي معاها ..

سكتت روعه شوي .. مو بس لانها مو عارفه شتقول ..! لانها تمنع دموعها تنزل ,, وتغطي على صوتها .. عشان ماينتبه راشد .. اخيرا تماسكت وقالت بهدوء : جرب شقّها ..

..... : لا

..... ارتجف صوتها : راشد جرب شقها .. عشاني بس ..!

..... : آسف مستحيل اجرب حتى !

سكتت روعه وماقدرت تمسك نفسها .. سمعها وهي تصيح بهدوء .. وتكتم شهقاتها .. رفع ظهره بسرعه : روعه ...تصيحين ؟

......... : .....

حس بالذنب لانها صاحت بسبب كلامه .. غصب عنه قلبه لاااااااان لها .. هذي اول مره تطلبه مفروض مايردها .. بس مايقدر .. صعب اللي تطلبه والله صعب !

...... : روعه , ارحميني شوي .. كلميني .. ممكن اعرف انتي ليه تظنين اني ممكن ما أحميك وادافع عنك

.... : لاني خايفه ياراشد .. خايفه

..... : من ايش ؟

..... : من العالم .. هو كبيييييـــــــــــر .. وانا صغيره .. صغـــــــــيره ..!

....... : انا ما أخاف ..! ويمكن لو جربت أقدر اطمّنك ..!

سكتت روعه .. كانت متصله تبي تقنعه .. وشكلها هو اللي بيقنعها .. حاولت ماتيأس .. وقالت بكل امل : تراني ما أستاهل .. انك تتعلق فيني !

بعد جملتها اللي حسها راشد متواضعه لأقصى حد .. تحرك فيه شي بقلبه .. وقال بكل جديه : متى يناسبك تكون الملكه ؟

..... < مدري ... بس سمعت كثير .. ان بعض الرجال يحبون يكونون مصدر امان !

عذبه اختها .. مصدر خوفها الاكبر .. كانت ببساطه طفشاااانه .. ومقهوره من خالها .. هي ماتقتنع ان كثر الدق يفك اللحام , عادي خالها بياخذها معاه واخرتها بيرجعها ,, زهقت .. روعه على كثر ماتاكل ضرب منها , الا انها تحاول تكون صديقه لها وتسولف معاها ! وغير عن كذا لازم برضو هالمره تصلح غلطها .. عشان اذا عرفت العيله الكريمه كلها عنها .. بيعرفون ان هي السبب ..

راحت عند التلفون واتصلت ببيت خالها .. دقايق ورفع نايف السماعه : الووو

انبسطت بسماع صوته ,, وقالت بمياعه : الووووو , اهلين نايف

نايف ميز الصوت وغصب قطب حواجبه : أف , نعم ؟ بغيتي شي ؟

استغرب عذبه ,, نايف طول عمره ذوق معاها ..! ليه الحين يكلمها كذا ؟ ..

بحزن مصطنع : عسى ماشر ليه معصب ؟

..... : اخلصي علينا وش بغيتي ؟ عارفين وراك شي ..!

..... عصبت : انت وش مشكلتك ؟

..... : مشكلتي انك بنت عمتي ! تبين شي ترا عطلتيني بطلع انا

..... : مادقيت ابيك اصلا , ابي روعه بكلمها

...... بسخريه : ابوي قال مانخليك تكلمينها ,, يلله توكلي

..... : خيييير , اختي هذي بكلمها ..! خالي على كيفه يمنعني

...... باسلوب صارم : اللهم طولك ياروح ! روعه ومنتي مكلمتها وشتبين بعد ؟

..... : انت وشفيك علي , لاتنفخ ترا ماني اصغر عيالك تصرخ علي , وش مسوية لك انا

..... : ابد ! ماسويتي شي .. بس انا اكلم كل واحد على حسب قدره ,, واخلصي علينا عذبه ترا ماحب اسكر بوجه احد طيب ؟ فسكري انتي احسن

...... انقهرت : بسكر ,, بس سلم لي على روعه , وعلى هنوف .. ومبروك وشجابت ؟

تأفف نايف : اف , الله يبارك فيك .. توأم

حاولت عذبه تكون حبوبه : مااااشاء الله يتربون في عزكم

بدون شعور : وبعيد عنك ان شاء الله

..... : نعم ؟

........ : اقول تأخرت .. مع السلامه

..... انقهرت : باي

وسكرت السماعه بكل قوتها .. الا نايف ماتوقعت ان حتى هو يبغضها ويكلمها بهالطريقه .. ! وبعد يضمون روعه لصفهم ويبون يقلبونها علي ..

والله ما أخليهم ..! والله يشوف وش بسوي ..! نشوف لاي درجه حبه لهنوف ..! صار يصارخ علي انا ..!

ومين هو حتى يصارخ علي ..!

وانتي ياروعه .. والله تشوفين شغلك ..! وش عليك مرتاحه .. راشد وخذتيه مني ..

اكرهكم اكرههههههههكم .. بتشوفووووووون ..!

بالمستشفى .. وصلت ولاء مع امها يمشون بهدوءه .. عرفوا انهم مو غلطانين بالدورمن الشباب اللي واقفين عندها بس بعيد شوي .. كانوا كثار .. وكأن بعضهم جاي يسلم ويروح .. مثل سالم وسلطان اللي تعرفوا على بعض ووقفوا يسلمون .. ويسولفون شوي .. سلطان ماكان يقعد كثير معهم .. وعشان كذا هو غامض بالنسبه لهم ...

مشوا شوي لين وصلوا .. رفعت ام ياسر عيونها تدقق بارقام الغرف .. ولاء من حست بالشباب خافت ان عبد الملك يكون معهم .. فنزلت راسها علطول .. هو عرفها وابتسم .. بس رجع يسولف معاهم .. وهم دخلوا الغرفه

ريهام تكلم ناديه : هاااااااااي انتي شيلي ولدك شوفي شيسوي حرام عليه

ضحكت ناديه وهي تبعد عزوز عن احمد وليان .. : تعال حبيبي لاتعوّرهم

عزوز يصرخ : دادا ..... دادا (ويمد يدينه لقدام الا يبغي يلمسهم )

ضحكت هنوف :خليه

ناديه : صاحيه انتي اخاف يفغصهم بيدينه , جفس ذا .. دقيقه بعطيه سالم (وشالته وسكرت الستاره .. وفتحت الباب بهدوء : سالم تعال شوي

استأذن سالم منهم ودخل ووقف داخل .. واول ما (شافها بعينه ) ابتسم لها : هلا ندّو

مدت عزوز له : الله يخليك امسكه شوي ,, بيموّت العيال

ضحك سالم وشال عزوز له اللي كان يضحك ويأشر ورا الستاره : بابا دادا دادا

...... : بننزل الكافتيريا شوي نتقهوى , اذا صاح علي بجيبه ..

..... : اوكي

ابتسم لها سالم .. وقال بصوت واطي وعينه تستغل كل لحظه تبي تشوف ناديه , كأنه خايف انه يرجع اعمى مره ثانيه : اهم شي الواحد يقدر يشوف .. هالضحكه الحلوه ..

استحت ناديه وفتحت له الباب .. وطلع لهم ,, ومشوا نازلين

سلطان من شاف عزوز بيد سالم .. قرب له : ماشاء الله هذا ولدك ؟

ضحك سالم وقرب عزوز له لكن عزوز خاف من شكل سلطان ولصق في ابوه .. وقبل مايلحق سلطان يحس .. قال اصيل وهو يطل بوجه عزوز : ماعليك تراه مايتعود بسرعه على الناس , شوف هذا وانا من زمان اعرفه ومايرضى لي اشيله

ابتسم سلطان .. ونزلوا كلهم تحت ..

ريهام : ماشاااااااااااااااااء الله ,, بنات انتبهتوا ؟ قالت له سالم الله يعافيك خذ عزوز وخذه ..! ماقال ولدك ماعرف له ..

ناديه ضحكت باستغراب : وش فيها طيب ؟

..... : مدري , بس احس الرجال مايحبون يمسكون البزارين كثير .. يختي الله يخليكم لبعض .. وهــ بس

ضحكوا كل الموجودين ,, اما هنوف قالت بخوف : لا مالي دخل والله يمسكهم نايف معاي .. وش اسوي فيهم لحالي وهم ثنين .. ؟

اسماء : ماعليك انتي بتكونين عندي لين تطلعين من الاربعين ان شاء الله .. واعاونك

اعتدال : وش دعوه وانا موجوده بعد ..

نوره : وان بغيتي شي ترا كلنا موجودين

طيبه بعصاتها تبعد ريهام عن وجهها عشان تشوف هنوف زين : اجل انا وين رحت هاااااااااه ؟

ضحكت ولاء : يللا بنات ترا شكلها بتصير جمعيه .. كل شهر على وحده

الكل : هههههههههههههههههههههههههههههه

قربت ولاء ومسكت ليان : وقلبييييي بسم الله عليها ,, (وحطتها ورجعت تشيل احمد ) هذا يزنن بعد (وتدخل اصبعها بقبضة يد احمد الصغيره ) اقول هنوف اسماءهم ماكنهم توأم .. حلوه يعني بس كان اخترتوا اسماء متشابهه

..... : زي ايش

تذكرت ولاء فلم الكرتون وطلعت لسانها : مدري جول وجولي ..!

عفست هنوف وجهها : اطلعي برا ...برا

ضحكت ولاء : امزح معك .. بالعكس انا احب يكونون مختلفين بما انهم بنت وولد .. بيكونون سبشل .. سح ؟ (وتكلمهم بطفوله ) سح ولا مو سح ؟

حست ولاء بيد طيبه على ظهرها وهي تقول : عقبال مانشوف عيالك ان شاء الله , انتي وريهام ..

وابتسمت بخجل .. وشوي الا داخل عليهم اصيل يفحط .. يضحك احيان يسوي نفسه ثقيل واحيان غصب تطلع طفولته اللي لسى ماندفنت .. خاصة ان عمره صاير بين الطفوله والمراهقه , وقف عند احمد وليان وهو يضحك بسعاده : هاي انتم ! انا خالكم طيب ؟ يللا قولوا معاي : يو آر أنكل أصيل ..

ضحك الكل ,, وخاصة اسماء اللي نادرا ماتسمعه يتكلم انجليزي : والله لو ندري كان خلينا نايف من زمان يدرسك .. هذا هو مادرسك غير سنه وأسسك صح ..

هنوف وهي تلم شعرها : يازينك بس خال صغير ,,

تنط ريماس على السرير : وانا خاله صغيره بعد .. هنوف هنوف ابي اشيلهم ابي اشيلهم

..... : لااااا ريماس ماتعرفين هم صغار حيل

ريماس بعناد وهي تطالع ناديه : طيب عزوز كبير ابي اشيله هو , وينه ؟

ناديه ضحكت .. : لا والله شكل الاخت تبي تتعلم في ولدي ..مايصلح حبيبتي حتى عزوز لسه صغير ..

استسلمت ريماس ورجعت تتأملهم من بعيد ..

وسط سوالفهم .. كانت اسيل ماسكه جوالها ترسل لدلع .. كالعاده ... اذا ماكلمتها بتسولف معاها بالمسجات .. لازم !

نغزتها ريهام بكوعها : اسيل

عصبت :ووجع , نعم ؟

..... : ترا امي طيبه من الصبح تطالع فيك ,, خلي الجوال شوي

..... : شدخلهم فيني من زين سوالفهم عاد , بكيفهم

تنرفزت ريهام : كيفك , خليهم يتحلطمون عليك .. مالي شغل ..

لفت ريهام على ولاء اللي كانت تلبس عبايتها وهي واقفه جمب امها , وقالت بقهر : يوووه بتروحون ؟

ضحكت : أي والله مانقدر نطول .. اخواني بالبيت عند خالاتي ..

.... : اها

وسلموا ومشوا لبرا .. كانوا يسولفون بهدوء وهم ماشين للمصعد .. اول مانفتح كانوا واقفين على جمب .. طلع منه عبد الملك وكان رافع يديه يصلح شماغه .. واول ماشافهم ثبت على حركته وضحك : هلا والله

ام ياسر طبعا تكفلت بالرد بكل رحابة صدر .. وولاء سااااااكته .. طبعا هو وقف وسلم عادي كنه ولد جيرانهم مابتسم لها على انه خطيبها .. لان امها واقفه يعني ومالها داعي هالحركه .. بس لو عليه كان وقف يطالع للصبح .. بعد مامشى عنهم دخلت المصعد مع امها .. وهي تتسائل ,, تحاول تتذكر .. خلاص اغلب الاشياء صارت واضحه بنظرها .. صارت تتذكر اغلب الاشخاص .. امها ماخلتها .. وحتى ابوها .. واخوانها الصغار يذكرونها بكل شي .. ويعلمونها بكل الناس ,, حتى بنات خالاتها اول ماجاو .. كانت ناسيه اعمار بعضهم ,, وناسيه مثلا فلانه باي تخصص , وفلانه تحب كذا وماتحب كذا ..

لكن الشي اللي ماقدرت تتذكره او تعرفه ... شي في نفسها ماتقدر تسأل امها عنه ..

هي تذكر انها كانت خايفه من فكرة الزواج .. بس ليه ؟

مرضها كان اكبر سبب .. ! بس الحين هي سوت العمليه والحمد لله ..

فيه شي ثاني ..

هذا اللي ماهي قادره تتذكره .. !!

ركبوا السياره .. وسندت راسها للنافذه .. ومافيه غير كلمه وحده .. تتردد في بالها .. ((ياليت . ))