شبكة همس الشوق - عرض مشاركة واحدة

16 - 11 - 2024, 05:46 PM

عشـــــــــــــــ بس ..! ـــــــــــــــانك _31_

ابتسم عبد الملك لما عجبته حركتها .. ودق قلبه بقوه وهو يراقبها لأول مره يشوفها زين .. زي البزر مشت عليها .. لما حسّت وسبت نفسها على غباءها .. رجعت تضحك .. ورجع يضحك هو معاها

بالمجلس ..

روان وهي تجلس بأنوثه وترفع رجل على رجل : فيه اشاعه تقول انه يصير اخوي

اسيل : ادري اخوك بس يرفع ضغطي .. عمى يقهر مايحسّ ,, الله يعين البنت عليه

عصبت روان وهي تتأمل لبس اسيل .. اللي عباره عن بنطلون جنز غامق .. ومعاه بدي رصاصي لمااع .. وشعرها اللي طال شوي مستشور لبرا .. طبعا مكياج مافيه ..

هذي اسيل .. احسها مختلفه عنهم كلهم ؟ ليه كذا كنها ولد ..؟

قطعت ريهام تفكيرها وهي تسحبها : اررررررقصي يللاااا

روان بخجل : لا ماعرف

..... : خربطي أي شي ..

بعد محاولات قامت روان .. ومابقى احد جالس .. كلن يرقص .. شوي وشافوا ولاء تدخل عليهم وصرخوا كلهم : كلولولولولولولولووييييييييييييييييييييييش الف الصلاة والسلام عليك ياحبيب الله محمد

ولاء في مكانها : بنات امسكوني بطيح ,, خلاص تجمدت مدري احترقت .. مدري مدري

اسيل بسخريه : ليه وش سوا لك ؟

طيبه من وراها تمشي ولاء تبي تجلسها بكرسي بوسطم : من دخلت عليهم وهم يتضحكون الحمد لله والشكر

ضحكت ولاء على نفسها : ياربي شفيكم وقسمن ماعرف وش صار فيني

طيبه بسخريه : ولا مليك ماكني معطته دروس امس ..

ضحك الكل ورجعوا البنات يرقصون

روان لطيبه : يمه بندر مشى ؟

..... : لا قاعد مع الشباب ..

.... : وبابا وينه ؟ بتصل فيه

..... : ماعليك منتي رايحه الحين .. اقعدي وسعي صدرك واذا مشينا اخذناك معانا

..... : لا , اخاف امي تهاوشني .. هي ماتدري اني جيت .. وكلمتني تهاوش ..

طيبه بأمر تمد يدها : دقي عليها وهاتي الجوال ..

خافت روان من ردة فعل امها .. لكنها ماقدرت ترفض طلب طيبه .. فمدت لها الجوال .. خذته طيبه وابتعدت .. وكلها ثواني رجعت ترده لها بعد ماكلمت : بتسهرين مع البنات .. كلنا بنجلس للفجر , الا اذا كنتي انتي ماودك ..؟

قالت بسعاده غااامره : لا والله ابي اجلس

ربتت على كتفها : روحي .. وسعي صدرك

حبت روان على راسها ودخلت فرحانه

اسيل بعد ماطلعوا الحريم للغرفه الثانيه .. راحت وجلست جمب ولاء : بنات ,, حرام خلونا نقول لها

ولاء استغربت : تقولون لي عن ايش .. ؟

اسيل بجديه : عن عبد الملك

ريهام وهنوف : وش فيه وش نقول لها ؟

اسيل بجديه اكبر : شوفوا .. حرام البنت تتزوجه كذا على عماها خلونا نوعيها .. اسمعي ياحبي.. عبد الملك هذا انسان بس جليد .. يعني باختصار مايحس .. اظاهر انك انتي اللي لازم تقدمين على الخطوات كلها .. يعني تتجرأين وتتلصقين فيه ويالله بعد .. لاتتوقعين بيجي يقول لك كلام حلو من نفسه .. طلعي كل شي من نفسك , ولا ترا زواجكم حطي عليه إكس

انصرعت ولاء من هالكلام وتغير وجهها , فردت هنوف بدفاع : لا يختي حرام عليك مو لهالدرجه .. اكيد بيتصرف معانا بطريقه .. ومعاها بطريقه

ريهام : انا بصراحه مع اسيل .. بس يمكن هي تبالغ شوي .. (وتحط عيونها بعيون ولاء ) عبد الملك من عرفناه .. صح وسيع صدر ويحب يستهبل .. بس اذا كان مع ربعه واخوياه .. اما معانا والله ثقيل دم .. ومايعبر ولايعطي اهتمام لأي احد .. هو صح طيوب وحبوب .. بس مدري تحسينه جامد ومو بسهوله يعبر عن مشاعره ..

طبعا ولاء سكتت .. والخوف بان في عيونها .. طريقة كلامهم خوفوها وهي مو ناقصه .. لو هي جريئه كان اوكي مافيه مانع .. بس هي بعد تستحي

روان اللي محد انتبه لوجودها : حرام عليكم .. والله هو يستحي بس ..

التفت الكل لها ..

اسيل : عشانه اخوك بتقولين كذا

روان بدفاع : لا .. صح هو مايشبه بندر وانا ماعرفتهم الامتأخر .. بس انا ما أشوفه كذا .. عادي والله وانتوا شفتوا كيف سلم علي ..

اسيل بعدما سرحت شوي في اسم بندر : انا اصلا يوم شفته يحبك على خدك ماصدقت .. قلت الولد دخله جني

ضحك الكل وسط عصبية روان الخفيفة : بسم الله عليه .. وبعدين حرام عليك .. اصلا من اول مره شافني .. وصورت معاهم ثنينهم وعادي جلست بوسطهم .. وماكشّ مني .. عادي كني من زمان اجلس معاهم

اسيل مصره على رايها وتقول بتحدي: طيب انتي اخته .. مدري بس اتوقع لو مثلا يعني مثلا .. تجين بتضمينه يمكن يدفك مايبي

سكتت روان والكل انتبه لها تقوم , اخيرا تكلمت وهي تصلح فستانها بثقه : لا , ضميته مره وما أبعدني .. بالعكس .. شدني له

سكتوا البنات وهم مصدومين

هنوف وكنها ماتبي تخوف ولاء : ترا والله ماهو قاسي لهالدرجه .. شفتي روان بنفسها قالت لك .. لانها اخته شي طبيعي بيكون حنون معاها .. هو كذا قدام الناس يستحي .. بس اذا مافيه غير ناس شوي عادي

ولاء بلعت غصتها وهي تركز وتحاول تتذكر كل مواقفه معاها : خلاص بنات لاتقولون شي عنه .. (وسكرت اذانها ) من زيني انا عاد والله اني افشّل .. .. خلاص اسكتوووواااا

ابتسمت لها روان ومشت .. وهي مقهوره من البنات ..

ريماس اللي كانت تلعب من بعيد .. جات ولصقت بولاء : ولاء انتي بتتزوجين عبد الملك .. صح ؟

ضحكت باحراج : ايه

لصقت فيها وهي تطالع اسيل وريهام بحقد : طيب ماعليك منهم انا سمعتهم ,, هو ترا مايخوف .. بس بيجلس جمبك

ضحكوا البنات .. واكثرهم هنوف اللي تذكرت يوم تقول لها ريماس نفس الكلام بملكتها

< ياليت كل البزارين هذي فكرتهم .. ولا يحرجوننا بأسألتهم ..

ولاء : خلاص طيب مارح اخاف

اسيل تكش ريماس بيدها : قومي تلايطي يابزر .. قليلة ادب تتسمع بعد .. محد طلبك تجين تدافعين عن عبد الملك من زينك انتي وياه

عصب ريماس وحطت يديها على خصرها : مالك دخل .. اصلا انا احب عبد الملك وهو مايخوف ... (ورجعت تلتفت لولاء ) ذاك اليوووووم انا ضعت في الشارع وهو اللي لقاني .. ماخلاني امشي بروحي قال لي تعالي انا بروح معاك البيت , وقلت له ماتخلي احد يلحقني يخوفني ..؟ قال لي لا انتي اذا صرتي معاي لاتخافين .. بعدين انا مسكت فيه وهو ماقال لي وخري ..

وبعدييييين (وتطالع اسيل بقهر ) يوم كنت بروح لبيتهم (تأشر على ولاء ) رحت اركض وجات سيارتهم كانت بتصدمني بس هو مسكني بقوه عشان ماأتعور وهو اللي طق في الرصيف وتعور مسكين. وجا ابوهم خلاه بالمجلس عشان يشوف ظهره وهو اصلا مارضى يدخل .. بعدين ابوهم قال لازم تدخل .. وانا جلست اصيح عشاني غبيه خليته يتعور .. بعدين هو قال لي خلاص لاتصيحين انا ماتعورت .. آآآآصلا عبد الملك احسن منك تفهمين .. ؟ احسن منك ..

سكتوا كل البنات مصدومين .. ريماس دخلت وسمعت اخر كلامهم ,, وشافت الاعتراض على عبد الملك بوجه اسيل ,, وماقدرت تسكت .. وبعضهم مايدرون عن سالفته الاخيره معاها

هنوف قامت لها بهدوء : خلاص اسكتي لاترفعين صوتك ,, اسيل تمزح ترا ..

اسيل خافت ان الخالات يوصل الكلام فضحكت : هههههههه امزح كلنا نحب عبد الملك .. بس انتي ليه كنتي تصارخين ؟ ترى لو درت امي طيبه انك قلتي هالكلام بتلشطك بعصايتها

خافت ريماس وغطت فمها بيديها .. ورمت لها نظره وطلعت

اسيل بقهر وهي تطالع هنوف : صح اختك ,, بس ماحبها ملقوفه خل تنقلع

ابتسمت هنوف وسكتت .. والتفتت على ولاء اللي باين سرحااااااااااانه في عالم اسمه عبد الملك .. بعد كل كلامهم عنه .. حست انها ربطت شي .. يوم تشوفه بالمجلس وريماس جاتهم تصيح .. كانت هذي السالفه اللي صايره .. !!

اهاااااا .. فهمت ..!

بس مين انت ياعبد الملك .. كل واحد يقول شي عنك ..؟

< ميـــــن انت .. ؟

وشهو احساسك .. ! وش اعنيك انا ,, من وسط ناسك ..!

دخلوا بنات خالتها وقطعوا عليها تفكيرها .. وقاموا يكملون رقص ,,

اخيرا انفتح الباب ودخل اصيل بزفره كبيره : اخيـــرا .. ! اخيرا لحقت على هاليوم ..! اخيرا .. الحمد لله ,, الحمد لله .!

هنوف ضحكت : يالله يا أصيل .. قليل ادب تراك اطلع تكفى

اصيل بعناد : مااااانيب ,, امس اترجى امي اقول لها لايتغطون اول اشوفهم كلهم .. واحضر ملكة او عرس ولاء ..

غرق الكل بضحكاته ,, اما بنات خالاتها كانوا بيتغطون بس انتبهوا انه صغير .. ,, وهو مسك عقاله يرقص رقصه الاماراتي الحلو

هنوف تأشر على ولاء : البنت بتموت حرام عليك

ولاء باحراج : ياشيخ والله استحي اطلعععع

تقدم اصيل ومد يده يصافحها : مالي دخل , حالف ارقص بملكتك مثلما رقصت بعرس هنوف ,مبروك .. لأ لأ بصيح والله بصيح .. (وغطى وجهه بشماغه بشكل مضحك ) ..

ضحكت وصافحته ..

نفخ صدره والتفت للبنات : اقول وش رايكم بكشختي اليوم ؟ ها تخطبون لي ؟

ريهام : ههههه نخطب لك بس انت اختار

وقف ودار عليهم كلهم .. وحده وحده .. : يللا بنشوف مين احلى فستان فيكم

وقف اصيل مقابل ريهام يراقب فستانها الاسود الناعم : إيوه ,, ياحركات انتي .. دوري دوري اشوفه من ورا ..

ضربته على ذراعه وضحك رايح لناديه : اشووووف .. اموت ع الأصفر انا .. (وتلفت حولها وضحك لروان ) والليموني بعـــد ..

ناديه دفته : خلاص زودتها ترا,, اطلع ..

..... : لحظه لحظه .. (واشر على اسيل ) ماصبغتي وجهك ليه ؟ أها واثقه بجمالك الطبيعي ؟ (وضحك بسخرية ) ع الألق حطيتي ذيك السمكرا مدري شسمها

ضحك الكل .. اما اسيل قالت بعدم اهتمام : اسمها ماسكار ياحظي .. بعدين مالك شغل عطنا مقفاك

ماعطاها وجه وابتسم : طيب بطلع بس ام التفاحي اللي متخبيه ورا هنوف منهي ؟

هنوف ضحكت : هذي بنت خالة ولاء ..

اصيل يتكتف : اطلعي اشوفك

بعناد : مــــابي استحي .. مابي مابي مابي

ضحك : خبله مثل بنت خالتها ..

ولاء بيدها : يامعوّد اطلع

ريهام : والله لو درى عبد الملك انك دخلت شفتها بيذبحك ذبح .. وبيعلقك هنا بالاستراحه

خاف اصيل وضبط شماغه : لا لا تكفون لاتقولون له .. بطلع خلاااص .. (والتفت لروان ابتسم لها ,, وبعدها صرخ مقهووور ) ليه كلكم اكبر مني ليييييييييييييه ..

لين بدا الكل يرجع بعدما تأخر الوقت .. راحت روان ررركض لولاء .. وهمست لها : عادي لو عندك جوال تعطيني رقمه ..

ابتسمت لها : طبعا عادي ياحلوه , بس انا ما أقدر اطول ع الجوال يضرني .. فعندي خط ثابت بعرفتي .. بعطيك رقمه

فكرت شوي : طيب عادي تستخدمين الكمبيوتر ؟ يعني تحبين المسن اقدر اسولف معاك فيه ؟ لان بصراحه .. يعني (وانكمشت على نفسها متفشله ) احيان امي تتسمع على مكالماتي فما آخذ راحتي ..

ضحك لها : ياحبيبتي بالعكس بنبسط ,, بس هاه ! مو أي كلمه اقولها تروح لعبد الملك ؟

ابتسمت وكن فيه شي براسها : افكر

ضحكت : خلاص طيب .. انتي عطيني ايميلك واضيفك او العكس , عادي اللي تبين ..
ابتسمت روان ولفت بتمشي .. بس رجعت همست لها : ماعليك منهم .. امانه لايضايقك كلامهم طيب ؟

فهمت ولاء ان قصدها كلامهم عن عبد الملك .. فدخلت يدها فشعر روان وحاسته : ماعليج ياعسل انتي ,,

ابتسمت و لبست عبايتها واتصلت في بندر : هلا بندر .. ايه تجي تاخذني لاني اتصل على بابا مايرد ..

بندر : ياهلا ,, ايه يللا اطلعوا عند الباب

ردت بعدما أشرت لها نوره : تقول لك عمتي نوره عادي توصلهم لى طريقك ؟

.... : كم انتوا ؟

.... : بس انا .. وعمتي نوره واسيل

ابتسم بندر بألم غصب عنه : يلا انا برا ..

والتفت على ضاوي : تجي معي ؟

.... : وين ؟

.... : بوصل الاهل بعدين نمر مطعم ونسهر .. في شقتنا يعني لان شكل الاخ ما أكل زين . واذا قعد هنا بينهبل من سرحانه (يقصد عبد الملك )

ضحك ضاوي : مايخالف وصل الاهل اول , اخاف احراج عليهم ..

بجديه : ياشيخ المشوار ثلث ساعه حرام عليك .. ! وبعدين انت جاي معي بلا هبال .. قوم قوم ..

قام ضاوي وطلعوا سوا ..

في السياره .. اسيل بقمة سعادتها .. وبنفس الوقت .. قمة قهرها .. تبي بندر وماتبيه .. بي تكلمه وماتبي تكلمه .. تبي تكون قريبه منه وتبي تبعد بأي طريقه ..

< أبـــــيك لي .. وأبيني لك .. ! وأبي ترحل .. وأجي معك ..!

.. .. وبدون ماتسلم وتنتبه للشخص اللي جالس جمب بندر .. سكرت الباب واعتدلت بجلستها

بندر من المرايه بابتسامه : سلمي ترانا مو يهود

ابتسمت وهي تطالع ضاوي باستغراب وكنها مشبهه عليه : سلام

بندر لف راسه وابتسم : اسيل عادي .. هذا ضاوي ..

يبست اسيل في مكانها .. اما ضاوي ارتبك .. بس قال بدون مايطالعها : هلا اسيل شلونكم ؟

..... : الحــ... الحمد لله ..

نغزتها امها بكوعها لانها حست ان بنتها اشتغلت بالقز ومو حلوه ينتبه لها ..

اخيرا وصلت روان .. وخافت لما شافت ضاوي جالس ,, لكن بندر طل براسه : اركبي ..

فتحت الباب اللي ورا ضاوي وركبت بكل خجل : السلام عليكم

رد الكل عليها , الا ضاوي اللي ماعرف مين هي فرد بصوت واطي .. ومسكوا الخط وبندر مشغل الراديو ويسولف مع ضاوي .. لأنه لو حاول يسولف مع خالته مابتعطيه وجه .. ومايبي روان واسيل يتكلمون قدام ضاوي .. صح مايقدر يوديهم ويرجع لضاوي .. بس عادي لو جمعهم .. مايدري ليه .. بس حس كذا

رفع بندر راسه للمرايه يراقب اسيل اللي صار لها ثواني تكح : فيك شي ؟

هزت راسها بلأ .. وبنفسها تلعن غباءها ..

تستاهلين .. عندك ربو وتدخنين بعد .. !!

بدت كحتها تزيد .. بندرفاهم ليه وهي الفتره الاخيره بس تكح .. فلفّ بالسياره ووقف عند محطه بنزين : اسيل اجيب لك مويه ..؟

ماردت عليه .. اسمها على لسانه عمل صدى في اذانها .. قهرها وخلاها تكح زياده

يسألها يعني مهتم فيها ؟ ولا شلون .. ؟

احتار بندر ووده يضرب اسيل مو وقتها تسكت وتعاند ,, ومسك الباب : بجيب

ضاوي فتح بابه : خلك انا اقرب ..

ونزل .. يمكن كان حاس انه غريب عنهم ,, وخصوصا وجود اسيل الغير متوقع اربكه شوي ..

نوره اول مانزل ضاوي قالت بقهر : وشلون تجيبه معنا احرجت البنت .. شف حتى هو مستحي مننا

بندر لف لها : هو جاي معاي وشلون اروح واخليه .؟ وبعدين اسيل بسم الله عليها مهيب منحرجه ولا شي .. عادي عندها الموضوع

انقهرت اسيل ورمته بنظره , ابتسم لها ببرود , لما وصل ضاوي مد علبة المويه .. وكملوا طريقهم ,,

ولما حس بقسوة نظراتها ,, وعنادها واصرارها كلما طاحت عينه بعينها من المرايه .. دخل سي دي ,, وترك الاغنية تشتغل .. رفع صوتها بندر .. وبنظرات ماقدر يفهمها ويلحظها غير اسيل .. قامت تركز في الكلمات ,, وكل احاسيس غريبه تحاوطها وتطوقها .. وتمر عليه هو الثاني .. تخليه يحط عينه على الشارع ,, وباله مع اغنية زياد برجي ..

أنا قلــــــبي عليكــ ..

مش منكــ خايف لا والله .. أنا خوفي عليكــ ,,

خايف عن قلبكــ تتخلى وأكتر من هيكــ ..

أنا قلــــــبي عليكــ ..

هالقسوه اللي طلت بعيونكــ جاااي من مييين ؟

من دنيا احلوت بعيونكــ مع ناس ثانيين

لكن ماعليكــ ببقى من بعيد بغني ..

أنا قلبي عليكــ ..

مشتاق كثير

مشتاق لحنية قلبكــ صدقني كثير

اكثر من حالي عم حبكــ أكثر بكثير ..

طمــــني عليكــ ..

طمني قلبي عليك يا أسيل .. ليه هالقسوه بعيونك ؟؟ من مين .. !

من دنيا احلوت بعيونك ,, مع ناس ثانيين ,,

احلوت دنيتك معاها ,, وسويتي كل اللي براسك ,, ومحد يدري ,, غيري انا ,, !

لاني غلطان .. لاني كاتم بصدري وماتكلمت .. وانتي ماتبين تريحيني ..

لاني بين نارين .. بنت عمتي .. ورفيقي ..!

تبين دنيتك تحلى زياده ,, وتسودين دنيتي .. مو كفايه كل ما أشوفك .. ودي اخذك لمكان مافيه غير انا وانتي .. ؟

اعاتبك وتعاتبيني .. ! نصارخ على بعض ونلوم بعض ..

قولي انا الغلطان .. قولي انا المذنب ..

قولي ان مالي حق اتحكم فيك ..! قولي مالي حق اراقب تصرفاتك ..

قولي اني مافيه شي يبرر تصرفاتي ..

غير اني احبك .. ! ومابي احد يتكلم عنك .. !

انا غيّرت عشان أحب ..! ماحبيت عشان أغير ..!

قولي مابينت لك هالحب .. لأنك انتي دفنتيه ..

لانك تحاولين تخمدينه بداخلي ,, تخبينه وتقصرين عمره ..

الحب مايقبل ..! يا إما أحب ,, وتحبين .. أو اجرح وتجرحين ..!

ماقدر اني اكون حبيب في بعض أحوال .. أنا أجي كلي .. أو أروح بعزتي كلي .. !

لا يابندر .. !

صح انا بنت عمتك .. بس .. مايحق لك .. مايحق لك تعاتب وتتهمني ..!

انا اللي حبيتك قبل .. !

ولما كسرتني .. حبيت دلع ..

ادري انت ضد فكرة حبي لها ..

لكني حاولت اسد فراغي بها .. وانا اشوف ان هذا مافيه شي ..!

وتعمدت احبها واطيح .. ! ولا ابغى اقوم .. !

مو بكيفك يوم انت حبيت .. جيت .. !

لانك بكلامك .. وبتسلطك , وبعنادك

تخليني اعاند ..!!

تخلي كل ذره فيني كانت تعشقك .. وتهيم بك ..

تكرهك .. !

ضاوي متلثم وتارك راسه للشباك .. بدون مايحاول يهتم بأحد .. مايدري ليه .. ؟