البارت التاسع

طارق" لااا وأنا أقدر....تفضلي جدتي

أم عبد الرحمن" وشو ذا ...

طارق".........

أم عبد الرحمن ترمي بالكيس على الأرض وتصرخ"

آآآآآآآآه أيا إبن ال.....

نواف يصرخ فيه " وش صار ... وش جايب إنت

طارق وهو يبتسم"؟؟؟؟؟؟؟؟؟؟؟؟؟؟؟؟؟؟؟؟؟؟؟

\\

//

\\

فوق في غرفة نوره

نوره" هلا

ماجد" هلا بقلبي وحياتي

ماجد" علومك؟

نوره" مو طيبه

ماجد" أفا بس ... بيعيني بالسوق

نوره" هاهاهاي ...يا واثق...تفكر بتجيب شي

ماجد" لو ما أجيب يكفي إني خليتك تضحكين

نوره تبتسم" ايي صحيح

ماجد" عشووووق

نوره" أمر

ماجد " ما راح تقولين لي اسمك... بجد دوختيني يا بنت

الناس

نوره بحيرة" وش يهم الاسم يا ماجد...

ماجد" خليني أعرف مني هذي البنت الي صوتها حارمني

من النوم

نوره" هاهاهاي .... يا رومانسي

ماجد بلهفه" أحبك وميت فيك وربي

نوره" .......

ماجد" عشوق.... تحبيني؟؟

نوره" ما أدري....أنا تعلقت فيك ...لكن حب؟؟

ماجد" لو سؤالي محرج لا تجاوبيني ... ولا تزعلين مني

نوره" أنا ما أزعل منك أبد

ماجد بشوق" يا حبي لك....أنا راسم لك صوره في مخيلتي

نوره" وشنو هذي الصورة

ماجد" أنا أعطيك 22 سنه وأتوقع إن بشرتك شفافة البياض

وشعرك لونه أسود وطويل وحريري مررررره

نوره" هاهاهاي .... مدري

ماجد" إلا ... قولي أي

نوره بدلع " أممممم .. بصراحة وكأنك شايفني وجالس

توصفني

ماجد" ياويل قلبي ويلاه .... طاح ومحد سم عليه

نوره" هاهاهاهاي

,,

تحت عند طارق ومصيبته

نواف" وشو هذا؟؟؟؟؟ أيا الخبل

أم عبد الرحمن تكورت على الكرسي " الله لا يبارك فيك

يا لأملح....هين علي

طارق يضحك" وش صار .... والله فكرتك تحبينه

نواف" ما أدري إنت مجنون ولا إنجنيت

طارق" هههههههه قسم بالله ما أدري إنك تخافين منه

أم عبد الرحمن" خوفك عزرائيل وهو يمصع

روحك.....يمييييييي شيلوه من يمي

صيته إلي كانت على الطاولة" طارق تكفى شيله ارميه بره

طارق" طيب طيب ....صحيح خوافين ...كلها ضب صغير

تناقزوا إلي على الطاولة والي حاضنه الكرسي

أم عبد الرحمن" عساه ياكل خشمك يا الدثوي

طارق وفي يده الضب" سحوره وش ها لرشاقه .... لا بالله

أراهن إنك تدربتي عند هيفا..( ماإلك إلا هيفا)

أم عبد الرحمن" يمـــــــــــــــه شيله بره

طارق باستعباط" عندك أم عايشه وما قلتي لي؟؟

نواف وهو يضحك" لا بالله إنك مو صاحي ...طلعه بره

طارق يغمز له" وش رايك نشويه وناكله

نواف بصرخة" طااااااارق.... صحيح مقرف

استسلم طارق وحط الضب بالقفص وصار نواف يهدي في

ام عبد الرحمن وهي ماضل فيها ولا نفس

\\

//

في بيت أم تركي

أم تركي" هلا والله شلونك يا خوي ...عساك طيب

بو راشد" هلا بإختي وش أحوالش

أم تركي " وش دعوه يا خوي وش هالغيبه الطويلة هذي

بو راشد" والله ياختي لو بعدت الدروب تراها القلوب

موصوله

أم تركي" إي بالله اكيد...بس بعد نبغي نسمع صوتك

بو راشد" سامحينا يختي والله مقصرين

أم تركي" ترى العتب على قد المحبة

بو راشد" إي والله ....إلا أقول

أم تركي " آمرنا يا الغالي

بو راشد" ما يامر عليك عدو ..... هذي تراها زهور زواجها إسبوع الجاي

أم تركي" لا بالله ..خلصتوا عليها ...ومنو بياخذها

بو راشد" والله بياخذها جاسم ولد ال.... من أصل طيب وهو

نعم الرجال

أم تركي " الله يبارك لها ... ويبلغك في راشد وطروب وحمد

بو راشد" وإنت معي يا ختي.... هاااا لا تخلون

أم تركي" لا أفا عليك جايين أكيد

بو راشد" ولا تنسين بيت بو نواف بعد ..

أم تركي" إن شاء الله يبلغ

بو راشد" في أمان الله

أم تركي" الله يحفظك

سكرت ام تركي من عند اخوها وهي تتحسب وتدعي على

تركي الي كان مسمى لها لكن بعد تصرفاته هذي...مافي

وحد عاقله بتقبل فيه

\\

//

في بيت بو نواف...

أم عبد الرحمن" آآآآآه يا يمه ...بغى يموتني ذا الخبل

نواف" هههه بسم الله عليك يمه

أم عبد الرحمن" والله لولا إنت و اختك و امك ...ما كنت

جلست بذا البيت ....يبغي يموتني هالحمار

أم نواف" لا يمه لا تقولين كذا ...إنت الخير والبركه

صيته" ههههه والله يا جدتي هذا طارق يحبك كثير بس

تدرين عنه مزوح

أم عبد الرحمن" مزح معه ملك الموت قول آمين

أم نواف" يوه يمه بسم الله على ولدي

أم عبد الرحمن بنظرة استصغار" يعني تفكرين حالك تحبينه

أكثر مني ؟؟؟ ما أدري منو مربيه على كتافه ....بس هو الله

يهديه يبغي يجنني وغصب عني اطلع من طوري

طارق يدخل عليها وهي باعترافها الخطير

طارق يصفر" يلعن على الرومانسيات

أم عبد الرحمن تلوي بفمها" ليتني طريت الجنة

طارق بنبره رومانسيه"ومتى بينصلح حالنا يا بعد الروح

أم عبد الرحمن توها بتدعي عليه مثل عادتها يقاطعها نواف

نواف" هدنه الله يخليكم نبغي نرتاح

أم عبد الرحمن " أقول يمه اليوم بروح مع امك ...نطلب لك

نوف... لازم ناخذ شي بيدنا ولا كيف؟؟

نواف اعتفس فوق تحت" لا يا جدتي مو وقته

الكل تفاجأ من ردة فعله؟؟

صيته" وش صار؟؟؟ غيرت رايك؟

نواف" لاااا بس أجلت الموضوع

أم عبد الرحمن باستغراب" وليه؟؟

نواف بيتركهم من غير ما يرد عليهم...لكن امه مسكته من

يده.. صار يطالعها بعيون حايره

أم نواف" وش صار يمه؟؟ وش ها لتغير المفاجئ

نواف بنبره حاده" وش تبغون مني هاااا ....أتزوج وأجيب

عيال حتى عيالي وزوجتي يشوفوني أنضرب من الوالد

قدامهم

طارق بحنان" لا تكبر الموضوع وانا اخوك

نواف" أي أكبر الموضوع ...أنا اليوم عمري 28 سنه وأبوي

جالس يمد يده علي .... والله خوش أنفع اصير مسؤول وأفتح

بيت ...هااااا

تركهم نواف وصعد غرفته وحالته حاله صاروا الكل

يطالعون ببعض ...تركتهم أم نواف وراحت المطبخ ...

صيته تبكي" مسكين أخوي حبيبي

أم عبد الرحمن بحده" مو بكيفه ...لين يصير كل شي على

هواه.... دام انه يحب نوف والله والله لآخذها له

طارق" لا بالله سحوره قولي قسم ....أجل بكيف منو؟؟

أم عبد الرحمن بحنان الأم المفقود بالنسبة لطارق" ولدي

حبيبي....عيوني انت

طارق بذهول" هاااااا

صيته تحول بكاها لضحك" ههههههههه

أم عبد الرحمن تتحايل عليه وتمسح على شعره" إلا أقول ...

طارق يتصنع التوتر" سحر أنا طارق مو بو عبد الرحمن

صيته تنزل دموعها من الضحك" هههههه

أم عبد الرحمن" الله يرحمه ...من خلف ما مات ...

طارق يطالعها وهي تترجاه ويتصنع الخوف" لا يكون

تفكريني نواف تراه صعد فوق يا سحر

أم عبد الرحمن" إنت ونواف واحد ....إثنينكم عيالي

طارق" وش له التمصلح سحوره

أم عبد الرحمن" أبغيك بشغله ...إذا مافي مانع

طارق يجلس ويحط رجل على رجل" والله ما أدري أشوف

جدولي شلون عندي شغل او فاضي وأرد عليك

أم عبد الرحمن ترجع لإسلوبها بعد ما نرفزها طارق

وتضربه على كتفه" لين قالت لك ام عبد الرحمن شي قول

تم.... سامع ولا لا

طارق يفز واقف " على هالخشم والله

صيته" ههههههه

\\

//

في بيت بو تركي

أم تركي " والله تو ما نور البيت يا خالتي

أم عبد الرحمن" ههههههه هذا نورك والله

أم تركي" وراها أم نواف ما جت

أم عبد الرحمن" والله تدرين عنها .... بو نواف دوم يتطلب

...وهي ما تقدر تخليه خصوصا في العصريات

أم تركي" إييييي بالله....إلا أقول

أم عبد الرحمن" سمي

أم تركي " سم الله عدوينك...هذا اخوي بو راشد دق علي

...يقول زواج زهور اسبوع الجاي وقالي اخبركم

أم عبد الرحمن" بالبركة ...والله يهنيها يا رب ...لكن روحه

والله ما اقدر ..رجيلاتي ماتشيلني

أم تركي" يوووه تبغين بو راشد يزعل منك تدرين إنت خالتنا

الوحيدة... والله يزعل لو ما تروحين

أم عبد الرحمن" خلينا ندرس الموضوع مع العيال ونشوف

ام تركي" على خير

نوف و ميثه" السلام عليكم

أم تركي" هلا والله ببناتي ..شلونكم

ميثه " طيبين والله ...وليه البنات ماجوا يا خالتي

أم عبد الرحمن" تدرين نوير ماعاد نشوفها ... وصيته بعد

عمري شاطه عمرها في العشا

نوف تجلس" ههههه وش جاها اليوم بتسوي عشا

أم عبد الرحمن " ههههه والله أنا قلت خاطري بثريد على

العشا ...قالت لي بتضبط لي الامور وبتسوي لي عشا على

الكيف هههه والله يستر بس

ميثه" يووووه والله بيجيكم تسمم

الكل" هههههه

أم عبد الرحمن" يالله كل وحده تقوم تشوف لها شغله...

وخلوني اجلس شوي مع نوف

الكل"؟؟؟؟؟؟؟؟؟

أم تركي" خير يا خالتي

ام عبد الرحمن " خير خير ...كل خير بس طلعوا منها انتوا

أم تركي" يالله بقوم أسوي لنا قهوه

\\

//

في الشرقية

مرام " والله من زمان ما تجمعنا

شيماء" ايي بالله وين ذيك الأيام

مرام " تدرين الأوضاع كلها مكهربه من بعد موت مسعود

شيماء" ايي والله الله يصبركم ....ويصبر اختي بعد

هذي أمي بعد خاطرها كثير ان شيخه تجي عندنا البيت

...تقول انها تحاتيها

مرام" لا تكفون لا تغلطون ها لغلطه ...كان تبغون امي

تروح فيها..يكفيها موت مسعود ....وحالة مالك

شيماء من جا طاري مالك فز قلبها من مكانه" ليش خير وش

به مالك؟؟؟

مرام" والله يا شيماء لو تشوفينه ما راح تعرفينه .... ما هو

مالك الاولاني حاله متغير

شيماء وكل تفكيرها فيه" الله يكون بعونكم

,,

في شقة مسعود

أم طلال" والله يا يمه ما اقدر أشوفك بذي الحالة

شيخه تمسح دموعها" غصب عني والله هذا شي فوق إرادتي

أم طلال" وموضوعنا

شيخه" مستحيل ...تبغين عمتي تنجن؟؟

أم طلال" يا بنتي الشي صعب بالبدايه لكن بعدين خلاص

شيخه" لا يمه تكفين ....ولا عاد تجيبين لي هالطاري

,,

يدخل مالك على البنات في الصاله

مالك" مرام....

مرام إيي لحظه لحظه

شيماء تتغطى بسرعه وقلبها يدق مليون دقه

مرام" حياك هلا والله

مالك" السلام عليكم

الكل" وعليكم السلام

مالك" مرام جيبي لي شاي الغرفه

شيماء" شلونك مالك ....عساك طيب

مالك مرتبك" هلا فيك والله

مرام " هذي شيوووم يا مالك نسيتها؟؟

مالك ببرود" هلا فيها .... بسرعه لا تتأخرين

مرام" بإذن الله

راحت مرام تجيب الشاي لمالك .... وشيماء دموعها متجمعه

بعينها ....بسبب طريقة مالك في السلام ورده الحاد

في غرفة مالك ....

مالك" هلا والله

ماجد" هلا فيك .... وش هالغيبه

مالك" أدري عنك ؟؟ شوف وش شاغلك عنا

ماجد" هههه ماحد يشغلني عنك

مالك " وش أخبار البنت؟؟

ماجد" أي بنت؟؟

مالك يمزح" الي بدون اسم

ماجد تضايق" مالك... لا تتدخل بشي ما يعنيك

مالك بضيق" أفااا أنا؟؟

ماجد" أنا عارف حركاتك هذي إنت خايف إني أرتبط

وانشغل عنك بحياتي

مالك" هههه أنا ....ياحبي لسعادتك

ماجد" هذاك اول اليوم إنت غير...

مالك تنرفز" وش قصدك؟؟

ماجد" دوم تحاول تنفرني من البنت ...لا يكون تغير منها

مالك" صاحي إنت ؟؟

ماجد" ..........

مالك" لا يكون بنت من الشارع تفرق بيننا وبين علاقتنا

ماجد تنرفز" إكل تبن ولا عاد تجيب طاريها بالشينه

مالك بذهول" ماجد؟؟

ماجد متندم" عذرا بس ...لا تغلط عليها

مالك متضايق كثير" يالله الله يهنيك.... مع السلامه

ماجد حس بغلطته" لا تسكر ما سمعت اخبارك

مالك بقهر" أخباري ؟؟؟ ممتازه الحمد لله ....يالله اشوفك

على خير

ماجد"...........

سكر مالك الخط وصفع الجوال على الجدار ورمى نفسه

على السرير وراح في سابع نومه

\\

//

أم عبد الرحمن" تعالي يمه يمي

نوف" ههه خير خالتي

أم عبد الرحمن تمسح على شعرها" كبرتي يا قمر

نوف"...........

أم عبد الرحمن" انا جايه أخطبك لولدي

نوف بذهول" نع.... نعم

أم عبد الرحمن" نعم الله عليك.... أقولك نواف يبيك عروسته

نوف فزت من مكانها" نوااااااااااف

أم عبد الرحمن تمسكها من يدها وتجلسها" إييي نواف....

وش رايك يمه

نوف".............

أم عبد الرحمن" والله يابنتي مو على شان نواف ولدي بس

لو صيته يجيها واحد مثله ما ترددت دقيقه عليه

نوف الدموع متجمعه بعينها" أنا ما ابغي اتزوج

أم عبد الرحمن" وليه يا بنيتي ...في بنت ما تبغي تتزوج

نوف إنهارت" إييي أنا ....وبالذات من نواف

أم عبد الرحمن بإستغراب" والسبب يمه؟؟

نوف تبكي"...........

أم عبد الرحمن " أنا ما بعتمد الرد .... بخلي لك مجال

تفكرين ... ولما توصلين لقرار بلغيني ...إتفقنا

نوف منزله راسها" إي بس....

أم عبد الرحمن" لا تبسبسين..... قولي صار

نوف بهدوء " صار يا خالتي

\\

//

نواف" وينك فيه .... سيارتي متعطله بالشارع...تعالي ولا

أرسل لي راجو

طارق" أنا ما أقدر أجيك الحين بودي جدتي البيت ولما

اوصلها امرك..

نواف" وينكم انتوا بعاد.... ما اقدر أنتظر في الشارع شكلي مو حليو

طارق" إحنا جنب بيت عمي الحين بنروح البيت

نواف إنقبض قلبه" وش تسوون هناك؟؟

طارق " هاااا ما أدري قالت لي سحر ودني ...ووديتها

نواف متضايق على الآخر" الوعد بالبيت

\\

//

على السفره ...كانت ام عبد الرحمن جالسه وحاطه يدها على

خدها وما نطقت بكلمه من رجوعها من بيت بو تركي

صيته" يمه هذا العشا الي طلبتيه ....وش بلاك ما تاكلين

أم عبد الرحمن تقوم من السفره" مالي خاطر بروح انام

الكل".................

يدخل نواف بسرعه" السلام عليكم

الكل" وعليكم السلام

نواف" وين جدتي

صيته"تريح بغرفتها ...خير؟

نواف يتركها ويروح لعند جدته ويدق الباب

نواف" يمه ....إنت نايمه

أم عبد الرحمن" لا يمه حياك

نواف" خير يمه وش فيك؟؟؟ لا يكون تعبانه

أم عبد الرحمن مو راضيه ترفع عينها بعينه" لا انا بخير

نواف" وين كنت يمه مع طارق

أم عبد الرحمن"............

نواف بحده" سويتي الي خاطرك فيه هااااا

ام عبد الرحمن تعطيه ظهرها" أنا ابغي سعادتك

نواف تضايق كثير" سعادتي؟؟؟ تخطبين لي من دون علمي

.... وتدبسيني بالموضوع

أم عبد الرحمن تطالعه" لا تخاف ما تدبست بشي ....

نواف متفاجئ" وش قصدك؟؟

أم عبد الرحمن" مافي نصيب

نواف مو مصدق " وشوووووووووووو