23 - 11 - 2024, 10:34 AM
|
#25 |
 
 |  عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية »
اعزب
| مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | |
رد: رواية كبرياء رجل وشذوذ إمرأه
البارت الرابع والعشرون طلعت نوف من عندها لكنها لما توجهت للدرج بتنزل حست بأحد يشدها لعنده وعندها صرخت صرخة لكن ما حست إلا إن نواف هو إلي سحبها من يدها ودخلها لغرفته وقفل الباب عليهم نواف ماسك يد نوف" هلا بنبض قلبي هلا بدنيتي نوف بضيق" نواف افتح الباب نواف"؟؟؟؟؟؟؟؟؟؟ \\ // \\ في الشرقية .... مالك نايم على سريره وعيونه مجافيهم النوم كان يطالع بالساعة بنظرات مخيفه ولو الساعة تحس كانت بالتأكيد بتوقف من خوفها .... قام من سريره وراح على طول على النافذة وصار يطالع بره ....لكن ما أتوقع إن مالك شاف حديقة كبيره مليانه ورود بالعكس لقى شارع أغبر عمال النظافة ما تمر من جنبه وأطفال يلعبون بالكره وأشكالهم بالموت تتوضح من الغبرة ومع كل هذا كان يطالعهم ويبتسم .... مو سهله عليه انه يشوف أطفال يلعبون لأنه كان محروم من كل هذي الأشياء ...إييي أكيد لأنه كان من نعومة أظفاره كان يروح من مكان إلى مكان بعربية الببسي كان يتجول من حارة لحارة حتى يقدر يشتري له جزمه يروح فيها المدرسة بعد الاستهزاء إلي جاه من أصدقائه بالصف طبعا هذي الأفكار تخلي مالك يجن ... على جدران غرفته كانت صور كثيرة لخيول أصيله شاركها حزنها ومعاناتها وفرحها بمولود .... والي يشوفه يعطيه أربعين سنه من الهموم إلي هو منغرس فيها فضل انه يلبس ثوبه ويطلع من الغرفة لأنه لو ظل فيها يمكن يكسر جدرانها من طاقة الحزن إلي يمر فيها طلع بره وكانت مرام بالصدفة ماره من جنبه مرام بتردد" مالك مالك ولا كأنه يسمعها "............. مرام توقفه" لحظه اسمعني مالك وعيونه كأنها جمر يطالع فيها" صوتك لا عاد اسمعه يكلمني فاهمه أو لا ؟؟ وحتى لين مت ما أبغاك توقفي بعزاي مرام تبكي بحرقه" لااا تكفى يا خوي مالي غيرك لا تقول كذا انت جنتي وناري مالك يروح من عندها وما بقلبه رحمه عليها ...لأنه شايل كثير منها والي سوته مو شي سهل مرام تمنت ساعتها الموت ....لكن ما باليد حيله ما في قدامها إلا إنها تنتظر لأن الزمن هو الكفيل بالتئام الجروح \\ // نواف ماسك يد نوف" هلا بنبض قلبي هلا بدنيتي نوف بضيق" نواف افتح الباب نواف يطالعها بحب" خايفه مني ؟؟ نوف تبعد عنه" نواف ما أحب هذا الأسلوب نواف يبتسم" ما سويت لك شي .... وثانيا لو جيتي للحق انت زوجتي نوف مرتبكة"......... نواف بزعل" وش بلاك ...لا يكون بآكلك أنا نوف تصد عنه" لا بس ما في حاجه لهذي الحركات وزواجنا بعد أسبوع نواف " هذا رأيك نوف منزله راسها " إيييي نواف يروح لعند الباب ويفتحه " تفضلي بس تأكدي لا يكون أخذت منك شي نوف تطلع" لازم تفهمني نواف" في أمان الله طلعت نوف وسكر نواف وراها الباب من غير ما يطالع فيها حتى ..نوف وقتها حست إن نواف تضايق ...وبينما هي واقفة مكانها مقابل غرفة نواف إلا بنوره بوجهها عندها شهقت نوف نوره باستغراب" وش كنت تسوين بغرفة نواف ؟؟ نوف بخجل " هاااا نوره باستفزاز" حبيبتي بلاه الحفل دامكم مرتبين أموركم ولا بس مظاهر نوف تركت نوره وما ردت عليها وصارت تبكي وتحط اللوم على نواف إلي حطها بهذا الموقف بعد ساعة كانت نوف جالسه جنب المسبح وكانت ترتبه وتحط فيه الشموع العايمه والورد لأن الحفلة راح تكون بالحديقة شوي إلا بخطوات من ورآها ....نوف ما أبدت اهتمام لأنها عارفه انه نواف وأكيد حاس بغلطته وجاي يعتذر نواف يلمها من ورآها علها روحي تفدي روحك بدون مقابل ولو كانت بسمة ثغرك مناي سأواصل يعجبني ميل روحك للعفة وبيعك للباطل لو كانت روحك تطلب من روحي التنازل ****** أتعلمين كم عانيت من ألما؟؟ أكنت أنوي من كلامي سلّما؟؟ أم خالني قلبي أن حبك ملهما؟؟ أتفكرين لهفتي عليك كالأسهما؟؟ أتعتقدين أعشق جسدا كالصنما؟؟ ****** تتبعي نظراتي ورددي بشفافك أحبك واسقيني الشهد المكرر من نبع حبك ولميني بعشقك حتى لا أبرح حبك ورويني ساعات من جنون حب حبك وأطلقي صوبي سهاما امتلأت بحبك عندها سمي على قلبي من شوق حبك وارثيه شعرا فلقد مات اليوم من حبك *غروب* نواف يبوسها" زعلتي مني؟؟ نوف تلتفت له" نواف تكفى ابعد لا أحد يشوفنا نواف " منو بيشوفنا كلهم لا هين؟؟ أم عبد الرحمن تجيهم من بعيد" الحمد لله نظري ضعيف نواف ونوف التفتوا عليها أم عبد الرحمن" وش بلاكم كأنكم شفتوا عفريت نوف تبتسم وتروح لأم عبد الرحمن " هلا بالغالية كيفك؟؟ أم عبد الرحمن" هههه تراها تتهرب منك لأنها مو توها تشوفني ..لا وجت ترحب بعد نواف" هههه تقولين لي أعرف حركات البنات أم عبد الرحمن" الله الله وش ها لزين ....بصراحة المسبح صاير حلو كثير نواف" أنا من رأيي تجربين المسبح مع ماي الورد والورود والله ما ينتفوت نوف" لالالا جدتي تكفين يخرب كل النظام أم عبد الرحمن" وانت تصدقين كذا بسرعة شايفتني خبله ؟؟ نوف تطالع نواف وودها تذبحه عندها غمز لها نواف وابتسم ابتسامه ساحره انعكست على شفايفها ,, في غرفه صيته حست إن أحد معها بالغرفة استدارت لقت نوره فاتحه دولابها وكأنها تدور على شي صيته" نوره؟؟ نوره" هلا نوم العوافي ما حبيت أصحيك صيته" لا حبيبتي عادي ...خير فيك شي أو ودك بشي نوره" أبد ...بس كنت أدور للربطة الفضية ما شفتها عندي صيته" إيييي هي عندي أنا بلبسها اليوم نوره" كيييف ؟؟ لا كذا تعفسين علي كل ترتيباتي صيته" إييي بس إحنا متفقين إنها تلوق لفستاني وأنا بلبسها نوره" اوووف يعني أنا وين أدور لي ربطه تناسب فستاني؟؟ تدخل نوف عليهم" خير وش صار ؟؟ نوره صوتك آخر الدنيا نوره" اششش ...انتي آخر وحده تتكلمين يا ... نوف بضيق" يا شنووو تكلمي صيته بصراخ" لا قوموا كل وحده تمسك شعر الثانية وتشده ...يعني حرام أنا أرتاح شوي ؟؟ نوره" لا مو حرام ...الحين أنا إلي متوهقه وما عندي شي البسه نوف" أنا الحين أشوف إن شعرك جاهز وما يبغا لك شي ...وفستانك من شوي صاعده وهو بيدك نوره " إيييي من شوي يوم تشوفيني وانتي طالعه من غرفة نواف ؟؟؟ نواف" خير خير ليش صوتك لبره ... وش بلاك ويا نوف هااا صيته تقوم بسرعة من مكانها وتفتح الدرج وتطلع الربطة وتعطيها نوره " خذيها أنا ما عاد أبغاها بس تكفين ريحي راسي ساعتين نوره خذت الربطة وطلعت من الغرفة ولا هامها أحد عندها صارت صيته تبكي نوف" كيف تعطينها الربطة انت انجنيتي ؟؟ صيته تبكي بحرقه " خليها تاخذها مليت خاطري ارتاح صيته" بس هذي الربطة أنا إلي جبتها لك نواف" خليك كذا سلبيه ...ما أدري لين متى بتوقفين قدام الناس وتقولين هذا حقي هااا نوف تغمز له حتى يهدي عليها" خلاص مو مشكله حبيبتي لا تبكي ..وإحنا رايحين الصالون راح ناخذ لك ورد وصدقيني اليوم موضتهم نواف معصب" جهزوا حالكم إذا ناويين تروحون الصالون نوف" يا لله ثواني بس ,, في غرفة نوره كانت جالسه قدام المرايه وتطالع بحالها وكلها رضى ...دق جوالها وردت بدون تردد عشوق" هلا بيبي خالد" هلا قلبي ....وينك؟؟ عشوق" ويني ؟؟ خالد" ما اتفقنا إني أشوفك في مجمع المملكة؟؟ عشوق " والله وش أقول لك خالد" خير يا بعدي عشوق" كل الخير بس اليوم خطبة بنت عمي وهي من حبها لي ومن إيمانها بذوقي ما تقدر تاخذ شي من غير ما تستشيرني خالد" ومنو يقدر يستغني عنك بالله؟؟ عشوق" هههه مدري خالد " عقبال ما تجهزين حالك لي عشوق" هه يصير خالد" حبيبتي أنا العشق أخذ مني نبضي ...كل دقه من دقات قلبي تصرخ احبك عشوق" هاهاهاي يلوق لك الغزل خالد بحب" آآآآه و يلوق لك الدلع يا بعدي \\ // في الشرقية وفي بيت بو طلال كانت شيماء تبكي من قلب لدرجة إنها حست بضيقه بقلبها وبغى يغمى عليها ... لكن بسرعة شيخه فتحت أزرار بلوزتها وأم طلال تركض تجيب لها ماي .. شيماء تصرخ من قلب " تكفون لا تغصبوني انتوا كذا تذبحوني بو طلال" يا ليتك تموتين ونرتاح منك يعني أنا وش أقول للعالم لو سألوني وش فيها بنتك ترفض العرسان إلي يجونها هااا شيخه تبكي" تكفى يبه خلها ترتاح بو طلال يصرخ من راسه" لا يكون غلطتي مع أحد يا بنت ال////// والله لو لك علاقة مع أحد ذبحتك بيديني شيخه تروح لأبوها " يبى الله يخليك شيماء بتموت بو طلال" والله لو تموت أريح لنا يعني وش تسمين رفضها للزواج نهائيا هااا شيماء" والله ما بيني وبين أحد شي بس ما ابغي أتزوج وخلاص بو طلال " انطمي وما ابغي أسمع صوتك أم طلال جابت كاس الماي وسحبت بو طلال لعندها وخذته لبره وهو كان يتحلطم وشيماء تبكي من قلب لدرجة إن الماي إلي شيخه تحاول تشربها إياه ثلاث أرباعه على ملابسها شيخه" خلاص خلاص لا تتكلمين شيماء" لا تلوموني ما أقدر إني أكون من نصيب أحد ثاني غيره ما أقدر شيخه عصبت" بس هو مو معبرك فهمي يا بنت شيماء تبكي" ولو... لو شو ما كان لكني ما ارمي راسي غير في حضنه شيخه تصرخ فيها " هذا حلم يا شيماء افهميني أنا أختك واعرف أكثر منك شيماء " تكفون خلوني احلم ...الحلم مو حرام ترى حتى الفقارى يحلمون خلوني أحلم بمالك إلي سكن روحي ... حبيبي وغلا قلبي شيخه لمت شيماء لعندها وصارت تبكي معها ,, في بيت أم مسعود كانت مرام تخيط فستان العرس بيدها وكانت تترجى يوم من الأيام يرتاح مالك ويرضى عليها وطلال من وقت للثاني يدق ويستفسر يحجز أو لا لكن للأسف كان الرد على طول لا وهذا الشي خلاه يتأزم لكن وش يسوي ما عنده غير انه ينتظر والي يحب الحلو يصبر على مره مرام" يمه أم مسعود" إييي يمه مرام " شلون مالك ؟؟ أم مسعود" تسأليني وكأنك ببيت ثاني ما كأنك معنا مرام ودموعها متجمعة بعيونها " أنا اقصد صوته وطريقة كلامه إلي انحرمت منهم أم مسعود" والله أنا الله مو راضي عني مرام" لا يمه لا تقولين كذا ...إنت شفتي وعشتي حياتك بكل مرها .. الله بيقدر لك صبرك بإذن الله أم مسعود دموعها على خدها" اييييه صالح راح وما شاف عياله يكبرون قدامه ومسعود بعد قطعة من روحي فقدته بعز شبابه والحين مالك إلي بيلحقهم بعد مرام ترمي الفستان" لا يمه لا تقولين كذا أم مسعود تبكي" أنا ما أقول هذا واقع الولد بيروح من يدنا بسبتنا مرام حطت يدها على وجهها وصارت تبكي بحرقه \\ // في الرياض وفي الصالون نوف" وااااو تسلم يدك بصراحة إبداع مايا" الله يسلمك أنا ما عملتلا شي هي حلوه وأنا بس برزت جمالا بكم لون نوف" لا والله هي مو ذاك الزود عندها صيته ضربتها على كتفها نوف" ههههه لا صحيح كلامك هي حلوه من زمان صارت نوف تمسك كتفها من الألم صيته تطالع بحالها وفي عيونها نظرة إعجاب" من جدك شكلي حلو ؟؟ نوف تطالع المرايه" ههه انت وش شايفه ؟؟ صيته بصوت واطي" روووعه صرت أحبني هههه نوف" هههه لا والله ماجد بيوقف قلبه من الجمال صيته" بسم الله عليه لا تقولين كذا إذا وقف قلبه أنا وش أسوي بدونه نوف تغمز لها" اوووف على الحب والله انك مو سهله ما مداك حبيتيه صيته" ما ادري يمكن مو حب بس استلطاف نوف تلمها لها "حبيبتي انت الله يهنيكم صيته " يااااااااارب والله أتمنى إني أكون قدها وأسعده نوف" شنووو؟؟؟ بيحصل أحسن منك ؟؟ ونواف قال انه كان مبسوط كثير وقت الخطبة وشكله مرتاح لنسبكم صيته" إن شاء الله ....بس على طاري نواف نوف بخجل" شنووو؟؟ صيته" انتي قولي شنووو... وش كانت تقصد نوره اليوم انك طالعه من غرفة نواف؟؟ نوف" اممم يوم طلعت من عندك ما حسيت إلا نواف شادني من يدي وساحبني لعنده صيته" اوووف نوف بخجل" ودخلني غرفته صيته شهقت شهقة كبيره لدرجة إن الناس صاروا يتلفتون عليهم ...عندها ابتسمت لهم وكأن ما في شي صار صيته" الله لا يبارك فيك ...لا يكون لمسك نوف بعشق" يآآآآآآآآآليت صيته مستغربه" من جدك؟؟ نوف تهمس لها " كان قريب مني مره لدرجة إني كنت بتصرف تصرف مجنون وألمه لي وأقوله تفداك روحي صيته فاتحه عيونها على الآخر" بلاك انجنيتي ؟؟ قولي لي وش هببتي ؟؟ نوف" ههه ولا شي أنا صديته وما خليته يقرب لي ...وضايقته بكلامي وبعدها فتح لي الباب وطردني بس بأسلوب حلو هههه صيته" والله مجانين وشافتك نوره وانت طالعه هاا ؟؟ نوف تهز براسها وهي مبتسمة يعني اييي صيته" أقول الله يخلف بس على ها لتصرفات المجنونة نوف" آآآآآه وش أسوي أموت فيه ... وأنا بشوف بعدين على قولة المثل إلي بالقدر يطلعه الملاس صيته" يا لله وش ها لبنت هذي المغبرة حتى أمثالك زي وجهك ؟؟ نوف صارت تضحك عليها ....صيته بدورها قامت وخلتها بروحها ,, في الحديقة كان واقف طارق يطالع المسبح وشكله الخيالي البالونات إلي بوسطه والشموع العايمه والورود شي بصراحة يبهج القلب ويعيش الواحد غصب بالرومانسية أم عبد الرحمن من ورى طارق" بخخخ طارق تروع" بسم الله الرحمن الرحيم أم عبد الرحمن تجلس على الكرسي" الله يعينك على قلبك الرهيّف ... طارق يروح لها ويجلس جنبها" قولي قسم سحوره ؟؟ يلوق لك بجد الكلام المصري بس لو لابسه فستان بترتر وحاطه منديل على راسك كان صرت شي أم عبد الرحمن" مالت أقول ... أنا البس ثوب بترتر ...الحمد لله على نعمة العقل .... بس غريبة طويرق كاشخ ولابس ثوب ها لمرة طارق يقوم يوقف ويدور قدامها" من جدك ؟؟ هاا قولي لي وش رأيك فيني ؟؟ أم عبد الرحمن" يعني بصراحة... هه مقبول طارق مستغرب" قولي قسم؟؟؟أنا مقبول ؟؟ تكفين تعبنا من ها لكلمه متى بصير ممتاز ؟؟ قامت أم عبد الرحمن من قدامه يعني كأنها بتشوف شي عندها لقاها طارق تحرك بجلابيتها والمحزم إلي يبرق وجالسه تعدل السبحة وكأنها تقول شوف يا عمي العيون طارق يصفر" اووو سحوره وش هالاناقه ؟؟؟ أم عبد الرحمن تلف له" هااا بين علي اني ضعفت ؟؟ طارق يطالعها " ضعفتي وبس؟؟ طالعه منووره والله لو أشوفك وأنا ما أعرفك ما أعطيك أكثر من ستين سنه بصراحة رووووعه أم عبد الرحمن" عساني أحادد عليك كثرهم طارق" ما أتوقع ...يعني انت الحين تقريبا عمرك 72 سنه وبتحاددين علي ستين سنه يعني مجموعهم يساوي اوف 132 من جدك ودك تعيشين ها لقد؟؟ أم عبد الرحمن جن جنونها ونزلت تاخذ من الأرض حجره صغيره بترميها عليه عندها سمعت صوت طارق يطالعها وهي تطالعه ما وقفت إلا والمحزم يطيح في المسبح عندها بس علا صوت البكي في المكان طارق وده ينبط من الضحك لكنه يعرف انه لو ضحك فبيكون الله يرحمه طارق" هدي يا لغاليه يفداك مليون زيه أم عبد الرحمن" الله لا يبارك فيك تدري انه هديه من بو عبد الرحمن يوم الصباحة طارق يغمز لها "اووو وناسه بس وش المناسبة؟؟ أم عبد الرحمن بكامل صوتها" طارق انزل جيبه من المسبح طارق" والله لو تحجين مية حجه ما راح أطلعه أم عبد الرحمن" أنا قلت لك بتطلعه وراسك فوق رقبتك طارق" قولي قسم ؟؟ لا يكون تفكريني عامل عندك ... أم عبد الرحمن" بتجيبه ولا شلون؟؟ طارق" لا وإذا عندك شي سويه والي مو عاجبه يبلط البحر ...بس أقولك انت عندك 72 سنه بلطي المسبح لأنك ما فيك حيل يا لله السلامة ,, فوق في غرفة نواف نواف" إييي هلا والله ...لا ما نسيت ...خلاص أنا خالص البوفيه على وصول وطارق بيكون معهم لا تشيلي هم ....إن شاء الله المسكه على طريقي ....لا خلاص كل شي اوك قلت لك لا تحاتين ....بإذن الله بجيب المسكه وبجيكم...في وداعة الله ...أقول أقول....بوسي لي القمر إلي جنبك ....ههههه مع السلامة سكر نواف وأضاف اللمسات الأخيرة من كبكات وعطر ونزل وهو يصفر والله لا يوريكم وش شاف ؟؟؟ نواف " طارق طارق وش بلاك ؟؟ طارق يمر من عنده ولا كأنه يسمعه ...شوي إلا بدخلة أم عبد الرحمن وفي يدها المحزم نواف" وش صار يمه وش فيه طارق؟؟ أم عبد الرحمن تبكي" العن //// تسأل عنه اسأل عني أنا نواف" أسأل عنك ؟؟؟أنا أشوفك بخير بس طارق إلي متبهدل وملابسه كلها ماي أم عبد الرحمن ضحكت لين بانت ضروس الذهب" هههههههههههه...أنا أقول جزاه نواف يضحك على ضحكها ومو عارف وش القصة ... بالموت طلعت منها كلمه من زود الضحك نواف" الله يهديك يمه...كنت ناديتي السائق أم عبد الرحمن بحده" يجيبه وراسه فوق رقبته نواف بس معنى إن المحزم ينقطع هذا دليل انك ما كنتي تسوين حميه ولا كيف؟؟ أم عبد الرحمن" هااا لا والله أسوي نواف" وما تاكلين شي منا أو مناك ؟؟ أم عبد الرحمن" طارق الله يلعنه كل شوي جايب لي باونتي ومن كم يوم جاب لي آيس كريم وبصراحة أنا ما ابغي أقول له لا وازعله نواف يطالع فيها وفوق راسه علامة استفهام "؟؟؟؟؟؟؟؟؟؟؟ ,, راح نواف بالفعل واخذ اخته وزوجته من الصالون وما ضلت كلمه ما قالها لهم لدرجة انه قال لهم قصة أم عبد الرحمن وطارق وصيته كانت تترجاه انه يسكت لا يسيح مكياجها من كثر الضحك ...لكن وش يسوي كان الطريق زحمه موت ولا كأن احد في بيته وصلوا لعند البيت ونزل نواف حتى يساعد صيته إلي كانت ترجف من الخوف بعد ما شافت البيت كيف كان شكله كان مزين والإضائه فيه روعه ولوحه كبيره في الحديقة مكتوب فيها يا بلسم الأشواق يا نظرة كلها سعادة اليوم يومي و الحلى بروحه سكر زيادة تهدي على قلبي لا توقف بهمسك دقاته يلومون قلبي يوم صار قربك قمة السعادة *غروب* ((حبيبك ماجد)) نوف " من هنا نواف نواف" يا لله يا لله دخلوها غرفة النسا ونواف واقف عندهم مثل العسكري وكأنه ينتظر شي ..ونوف تعدل فستان صيته وما فتحت حتى لثامها نواف" نوف تعالي أبغيك شوي نوف" بعدين نواف ...روح المجلس كله رجال وش عندك جالس عندنا نواف بزعل" تذكري نوف هذي المرة الثانية طلع نواف وعندها نوف شالت غطاها وهي معصبه صيته" لا تخافي شوي وبيروق نوف ابتسمت لها ورجعت ترتبها من جديد عندها دخلت عليها ميثه ودلع ..... دلع تبوسها" وااااو وش ها لجمال طالعه روعه صيته" مو أحلى منك يا قمر ميثه" اهااا الحين عرفت ليه ما خذتوني معكم حتى أشوف ها لجمال كذا مره وحده صيته تهمس لها" من جد؟؟ ميثه" وجد الجد ...إنت تفكري انك شوية إنت ملكة جمال ما شاء الله وكان صيته" ههه مشكورة قلبي بس مو أحلى منك وش ها لنعومه ميثه تلف حوالين نفسها" صحيح؟؟ كانت ميثه لابسه فستان ليموني قصير وحاطه مكياج خفيف كثير باينه فيه ناعمة مره دلع بعد كانت قمة في الجمال كانت لابسه فستان أحمر حريري فيه حزام كريستال وفي الجنب فيونكه وماكياجها كان لبناني هادئ وشعرها كان طويل ومفيرته ومخليته على راحته بس حاطه لها ربطه بشعرها بنفس لون الفستان نوف اليوم صايره ناعمة بسبب إن زواجها قريب فما حبت إنها تحط ماكياج فخم أو تلبس فستان متكلف وتروح زهوة العرس منها زي ما يقولون ..... كانت لابسه فستان أزرق نيلي كان مايل بقصه مثيره من جنب ولابسه بوت قصير فضي وشعرها مجعدته ومخليته على راحته وحاطه فيه ورده على جنب أما العروسة ..... فكانت ملكه كانت لابسه فستان ممزوج بين اللون الأصفر واللون الفوشي وكان فيه شغل يدل على ذوق مميز وكان مليان بكريستالات على شكل ورود وشعرها مسويته بف كبير وباقي الشعر ملفوف على بعضه بطريقه عجيبة ..وحطت لها على جنب شعرها ثلاث وردات وحاطه تحت شعرها طرحه صغيره ماكياجها كان قمة في الجمال خليجي ممزوج بين الفوشي والأصفر والأخضر وعدسات رمادي مخليه نظراتها من أجمل ما يكون وحاطه روج وردي فاتح والبنات مبسوطين وكل وحده جالسه تمتدح غيرها وتسألها من وين وبكم ...إلا تدخل عليهم نوره نوره" هااااي البنات التفتوا عليها بس شافوا شي مو طبيعي كانت لابسه فستان أسود (مشهورة بحبها للأسود) كان نازل على جسمها المنسق ولا كأنه إلا شلال لا تعرجات ولا انحناءات طبعا على الصدر طوق كريستال ونازل على خصرها على شكل ثعبان .... وشعرها كان فضيع بشكل إني ما أقدر أوصف لكم طريقته كيف كانت كان متشابك كثير ومتغلغل الثعبان بين خصل شعرها نازل على جبهتها ...ماكياجها ولا كأنه إلا ماكياج عروس ...راسم ملامحها بدقه كانت بالفعل ملاك بصورة إنسان راحت نوره للعروس" مبروك حبيبتي الله يهنيك ... تصدقي ما تغيرتي كثير بس طالعه حلوه ميثه" والله يا نوره ما يحتاج الواحد يصير شكله متكلف لدرجة انه ينعكس سلبا عليه نوره " هه ...أنا المعنية بهذا الكلام ؟؟؟ دلع بإعجاب" لا طبعا ....ما شاء الله عليك ولا كأنك إلا عروس بليلة عرسها نوره بابتسامه صفره" ميرسيي صيته" نوره ....وين الربطة ما لبستيها؟؟ نوره"؟؟؟؟؟؟؟؟؟؟ | | |
 | |