23 - 11 - 2024, 10:43 AM
|
#33 |
 
 |  عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
163يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية »
اعزب
| مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | |
رد: رواية كبرياء رجل وشذوذ إمرأه
البارت الثاني والثلاثون طلع مالك وهو تعبان من اللي صار ...صادفته صيته صيته بخوف" وش صار؟؟ مالك تنحى عنها ودار وجهه راحت هي بسرعة لفوق دخلت وشافت ماجد لام نوره في حضنه وراسه ملطخ بالدم ماجد" تكفين لا تروحين عني ...تدرين عني بدونك ما أسوى شي ,حبيبتي كلميني نوره أنا ماجد حبيبك طالعيني حتى ترد روحي لي صيته وقتها؟؟؟؟؟؟؟؟؟؟؟؟؟؟؟؟؟ \\ // \\ مالك يمشي في الاستراحة وخطواته سريعة كثير ويكلم حاله معقولة ماجد يتهمني اتهام مثل هذا ؟؟ يعني هذي الملاك هي نوره اللي هلكت ماجد بحبها؟؟ كان مالك مخنوق من كل اللي صار ويفكر بنوره اللي كانت تصارع الموت قدام عيونه وكيف انه ما حس بحاله إلا بوسط البركة يحاول ينقذها ونظراتها اللي كانت تتوسله انه يتركها ويبتعد عنها ؟؟ ما تخيل في لحظه إن هذي الفاتنة تكون نوره اللي عايشه على حساب غيرها ...واللي ما يهمها غير حالها حتى لو كانت بتدوس على مشاعر أقرب الناس لها لكن كل هذا مو مهم .... المهم هو ماجد وكيف انه فكر فيه انه ممكن يتصرف تصرف مو عقلاني مالك يلتقط باقي أنفاسه ويمسح دموعه اللي غرقت خده مالك" أنا لها يا ماجد مستحيل أسامحك بعد هذا الموقف ؟؟؟؟؟؟؟؟؟؟؟؟ ,, في الاستراحة وفي البركة بالذات ماجد جالس على الأرض ونوره بحضنه .... صيته واقفة ومو مصدقه عينها وهو بعد منشغل عنها بنوره .... انتبهت صيته بحالها وبالموقف اللي قدامها ورجعت خطوتين ورى وتعمدت إنها تضرب الباب وتدخل ....عندها بس وقف ماجد على طوله وصيته راحت ركض لنوره صيته تبكي" نوره ....حبيبتي أنتي بخير؟؟ ماجد مرتبك" الحمد لله هي الحين بخير .... الله سترها صيته ولا كأنها تسمعه " ماجد روح ناد لطارق ونواف حتى يودونها المستشفى ماجد بلهفه" أنا بحملها للسيارة وبوديها المستشفى صيته تطالعه بنظرات غريبة" إنت مو محرم لها يا ماجد ماجد انتبه لحاله وراح عنها وقتها ما قدرت صيته تمسك حالها وصارت تبكي من قلب نوره تفتح عيونها وتلاقي صيته لامتها لها وتبكي نوره" صيته لا تبكي أنا بخير ودوني البيت صيته" لا لازم تروحين المستشفى....أنتي تعبانه بسرعة يدخل نواف وطارق ورآه نواف بلهفه" خير حبيبتي وش صار نوره تبكي" زلقت رجولي وطحت بالمسبح صيته" الحمد لله انك بخير وهذا بفضل مالك ولد عمي نوره بذهول" ولد عمي؟؟ نواف" قومي أوديك المستشفى نوره" لا أنا بخير بس أبغى ارتاح نواف يحمل نوره بين يدينه ويلفها بعباية صيته وينزلها لعند غرفة النسا حتى تغير ملابسها وترتاح...طبعا من وصلت نوره الكل تجمع عليها.....حتى الجدة أم عبد الرحمن كان طاير قلبها عليها وفي لحظه نست كل اللي سوت لها إياه نوره بسنين نوره كانت قويه وتطمنهم غيرت ملابسها وصارت تشرب شي دافي الكل يبغي يعرف وش قصتها نوره" ابد تركتني دلع حتى تناديكم جلست أنا وحطيت رجيليني بالبركة غصب عني اختل توازني وعلقت ملابسي بالسور الحديد ف.... ما قدرت نوره تكمل لان صيته انهارت وصارت تبكي الكل تجمع على صيته حتى نوره كانت تطمنها وتقول لها إنها بخير...والحمد لله على كذا ولولا ستر الله ولا ما كانت هي الحين موجودة بينهم صيته كانت تبكي من قلب وماسكه يد نوره وكأنها مو مصدقه اللي شافته بعيونها واللي سمعته بإذنها ماجد ونوره على علاقة ببعض معقولة ؟؟؟؟؟؟؟؟؟؟ ,, في بيت بو تركي... كان تركي جالس في الصالة وقلبه ياكله من الخوف ... كان ينتظر بأي لحظه إن يجيه تلفون من الأهل يبلغونه بوفاة نوره شوي إلا وتدخل أم تركي وميثه أم تركي" لا حول الله...مسكينة يا بعدي والله ما تستاهل تركي بحذر" منهي اللي ما تستاهل؟؟ منو مات ؟؟ ميثه" بعيد الشر إن شاء الله بس صيته تعبانه كثير تركي ارتاح نوعا ما" ليش وش صار؟؟ أم تركي" لا ابد بس نوره علقت في البركة وهي من نعومتها يا عمري ما قدرت تتحمل الموقف خافت عليها وأنقلب حالها فوق تحت ميثه" يمه أنا بروح ارتاح والله جسمي تاعبني مره تركي" هيييي وين؟؟؟ ميثه" مثل ما سمعت تركي" لا تروحين مكان أنا ابغي عشا ميثه تجاريه" زين الحين بسوي لك بيض تركي" لا أنا طلعت كيستين لحم سوي لي فيهم كبسه أم تركي" وجع ببطنك كبسه بالليل ..... وش له كيستين اللحم بعد؟؟ ميثه" يدوب يمه كيستين هو ياكل لحم بالرز مو رز باللحم تركي" وكأن كلامي مو عاجبك؟؟ ميثه" أنا؟؟ منو قال ...من عيوني كلها ساعتين والعشا جاهز تركي" اييي عفيه عليك خليك آدميه راحت ميثه وهي تنفخ ... تركي جلس على الأرض وفتح التلفزيون.. ومدد رجليه على الكنبة ,, في المستشفى كان نواف وماجد وأم عبد الرحمن ينتظرون صيته اللي انهارت واضطروا انهم يحطون عليها مغذي ماجد" شكلها حساسة كثير نواف" يا بعد قلبي عليها ....والله بتتعب بحياتها لو ظلت كذا أم عبد الرحمن تبكي بحرقه " والله أنا خايفه عليها شكل البنت استضرت من اللهم يا كافي نواف" وش ها لكلام يمه ...للحين انتوا بهذي العقليات؟؟ أم عبد الرحمن" يا عمري عليها بنيتي يعني وش فيها اختبصت كذا؟؟ ماجد" لا تحاتين يا عمه شكلها خافت على نوره وهذي ردة فعل طبيعيه الممرضة" خلاص مدام صيته بخير تقدرون تاخذونها وتطلعون أم عبد الرحمن" الحمد لله رب العالمين دخلوا كلهم عندها وعلى وجهها ملامح تعبانه لكنها من شافتهم مقبلين عليها تغيرت ملامحها إلى ملامح ابتسامه مشرقه الكل " الحمد لله على السلامة صيته بابتسامه " الله يسلمكم ماجد يروح لعندها ويجلس جنبها على السرير ويمسك يدها ويبوسها ماجد" كل هذا دلع تبغين تعرفين معزتك عندنا ؟؟؟ صيته وقتها نزلت راسها وعلى وجهها حمرة خجل أم عبد الرحمن " غالية وربي ما يحتاج كل هذا صيته" ههههه ادري والله ماجد" شوفي يا قلبي لو تبغين تروحين الليلة لبيت أهلك أنا ما عندي مانع صيته تطالعه باستغراب"............. ماجد" إييي بالله أهم شي عندنا راحتك أم عبد الرحمن" وهو صادق يا بنيتي ... ترى بنحطك بعيونا ومكانك ومعزتك ما تغيرت صيته بابتسامه" مشكورة يا جدتي لكني برجع مع ماجد الفندق نواف" كفوا والله ....أنا بصراحة ما بغيت أتدخل لأني عارف منهي أختي ماجد" والله بعيوني يا غالية طلعوا نواف وماجد بره يكملون الأوراق وأم عبد الرحمن ظلت معها حتى تطمنها وتريحها بالفعل كلها ربع ساعة وكل شي تمام التمام راحت الجدة ام عبد الرحمن مع نواف للبيت ...وماجد أخذ عروسته للفندق .. ,, في بيت بو نواف كانت نوف جالسه وحاطه يدها على خدها وأم نواف ماسكه كتاب الأدعية تقرأ وتتوسل برب البيت إنه يقوم بنتها بالسلامة ... ونوره جالسه وحاطه السماعات بإذنها وعقلها مو معها في هذا الوقت يدخل نواف والجدة ...الكل قام وقف يبغي يتطمن على صيته بعد ما طمنهم نواف عليها طلب من نوف إنها تلبس حتى يروحون للفندق لأنه ميت من التعب بالفعل نوف لبست وراحت مع زوجها في هذا الوقت نوره صعدت فوق حتى تغير ملابسها وتنام دخلت غرفتها وخذت حمام دافي ريحت فيه أعصابها ومسكت الجوال كانت مترددة إنها تكلم أو لا... أخيرا استجمعت نوره شجاعتها المعتادة ودقت على الرقم مالك بصوت تعبان" هلا نوره بنعومة" مساء الخير مالك مستغرب" هلا أختي مساء النور نوره" كيفك مالك ؟؟ مالك " بخير جعلك بخير .... من معي ؟؟ نوره" ...... مالك" الوووو ....الوووو نوره" ايوه اخوي أنا معك مالك" خير أختي بغيتي شي؟؟ نوره" لو سمحت اخوي تتحملني شوي لأني بصراحة مو متعودة اكلم شباب وهذي التجربة بالنسبة لي أصعب شي يمر علي بحياتي مالك" شوفي يا أختي لو ما قلتي لي وش تبغين مني بهذا الوقت صدقيني راح أقفل الخط واسمحي لي وقتها نوره بتردد ملاحظ" أنا نوره بنت عمك مالك وقتها"؟؟؟؟؟؟؟؟؟؟؟؟؟ نوره" الووو ...مالك مالك ببرود" هلا أختي شلونك عساك ما تأذيتي؟؟ نوره" لا الحمد لله بفضلك طبعا مالك" بفضل رب العالمين ...أنا سويت اللي ممكن أي واحد يسويه لو هو مكاني نوره تحس بإحساس غريب " مالك مالك" عن إذنك يا بنت عمي لأني تعبان والنوم ها لكني نوره بنعومة" ما عاش النوم يا ولد عمي مالك مو عارف كيف جاتها الجرأة إنها تكلمه وتقوله كل هذا الكلام مالك" نوره بغيتي شي ؟؟ نوره هلكت يوم سمعت صوته يناديها ببحة غريبة " حبيت أشكرك و.... مالك يقاطعها " العفو ... مع السلامة سكر مالك الخط وهو بيجن ويتسائل بينه وبين نفسه معقولة تفكر إني بيمشي علي كلامها ....صحيح انك يا نوره ورده مغلفه بالأشواك وما ينلام ماجد يوم انه صدقك نوره سكرت من عنده وهي بعالم ثاني راحت للمرايه وصارت تمرر يدينها على خديها ....كانت تتذكر عيونه العسلية وشعره اللي كان مثل الحرير ...كان يحاول يصحيها وقطرات الماي تقطر من شعره على خديها مالك هو الرجل اللي كل بنت شرقيه تتمناه زوج لها .................. ,, في الفندق عند صيته وماجد ... بعد ما دخلت صيته دورة المياه وتروشت .... لبست بجامه طلعت من دورة المياه وجلست قدام المرايه وهي تجفف شعرها ... كان ماجد جالس على السرير ويتابعها بنظراته ويذكر الله على هذا الجمال الرباني الساحر اللي ما دخلت عوامل خارجية لتضيف لمستها عليه ماجد يقوم من سريره ويروح لها ... ماجد" تحتاجين مساعده ؟؟ صيته تطالعه بالمرايه وتبتسم له من غير ما ترد عليه ماجد يمسك المشط من يدها ويبتدي يسرح لها شعرها صيته ما كانت على طبيعتها مجرد وجود ماجد بجنبها صار يصيبها بالتوتر .... مستحيل تقدر تنسى نظرته لنوره وكلامه لها ..مستحيل تقدر تنسى كيف انه كان اقرب لها من نفسها ... عندها بس وقفت صيته .... ماجد باستغراب" خير يا عمري ؟؟ صيته " عذرا ماجد أنا تعبانه كثير ماجد يقرب منها ويلمها له " لا تعتذرين من اليوم إحنا شخص واحد ...صح ولا لا ؟؟ صيته تهز له راسها وتروح لسريرها .. ماجد بعد راح وتمدد على السرير وقرب منها .. صيته حست بجسمها كله يرجف ماجد يبوسها" حبيبتي أنا أبغيك تكونين هادئة ...ولا تخافين صيته بعفويه" ماجد اسمح لي ما أقدر ماجد مستغرب" ليه ؟؟ صيته " أنا معذورة ... تصبح على خير ماجد تضايق من كلمتها بعد كذا التفت لها لقاها ما عطته ظهرها ...ابتسم وراح بخياله لعند نوره اللي كان يتمناها مكان صيته بهذا الوقت ... بعد ما جات نوره على باله فكر بجديه انه يروح يتطمن عليها ....لو حتى يسمع صوتها ويتطمن إنها بخير قام من على السرير وصيته كانت للحين جالسه وقلبها يدق بصوره غريبه ....وكانت تحاول تهدي أعصابها خايفه إن ماجد من قوة نبضاتها يسمعها طلع ماجد ودق على نوره اللي كان جوالها مقفول ترك الجوال شوي وبعدين فكر بصديقه مالك وانه كان قاسي معه ...كيف يضن فيه هذا الضن لكن هذا الشي مو بيده غصب عنه من دخل عليهم وشاف فم مالك بفمها بغى يجن مستحيل يقدر يفكر إن ممكن تكون نوره من نصيب شخص ثاني ... هذا بالتأكيد راح تكون نهاية الدنيا بالنسبة له \\ // في اليوم الثاني وفي الشرقية طلع مالك من غرفته .... وراح للمطبخ بيشرب له كاس ماي أم مسعود" هلا يمه صبحك الله بالخير مالك يبتسم لها" صباح النور يا الغالية أم مسعود "وش فيك يمه وجهك متغير ....عسى ما شر ؟؟ مالك" سلامتك يمه بس مو نايم زين أم مسعود" يا يمه انتبه لصحتك ...إذا ما خفت أنت على نفسك منو بيخاف عليك ؟؟ مالك" يمه لا تحاتيني ...يا لله أسلم عليك أم مسعود" يمه مالك مالك" سمي يا لغالية أم مسعود" خالك بو طلال بيروح أسبوع مكة والمدينة ..وبصراحة خاطري أروح معه مالك" مو مشكله يمه ...كم تحتاجين فلوس أم مسعود" رحم الله والديك يا يمه ما أبغي شي ...أنا فلوس الشؤون للحين ما صرفتها كلها مالك" تكفيكي يعني ؟؟ أم مسعود" الحمد لله وتزيد بعد مالك" على خير ...يا لله سلام أم مسعود" ايي يمه قبل ما أكلم خالك أبغيك توعدني بالأول يا يمه مالك" خير؟؟ أم مسعود" خواتك يا ولدي ...هالله هالله فيهم الله وحده يعلم إذا كنت برجع أو لا مالك يبتسم لها"لا بترجعين إن شاء الله وثانيا توصيني على روحي ؟؟ مرام ورغد هم كل دنيتي بعدك يا غالية أم مسعود" الله يريحك مثل ما ريحتني يا ولدي طلع مالك بسرعة من عندها وهو خايف من كلامها ... ويقول بخاطره تكفين يا يمه لا تروحين وتتركيني ... أنا مالي غيرك بهذي الدنيا ,, في بيت بو طلال شيماء" هلا والله شلونك حبيبي عساك بخير ؟؟؟ طلال" هلا بغلاي شلونكم عساكم طيبين ؟؟ شيماء" والله إحنا بخير ونتمنى شوفتك طلال " أنا جاي بعد أسبوع شيماء بفرح" صحيح ؟؟ الحمد لله رب العالمين ....آه لو تدري شكثر مشتاقين لك ؟؟ طلال" ههههه والله ما تغيرتي أقول.... إلا وش أخبار عروستي ؟؟ شيماء" بخير وعافيه ... وتنتظرك على نار ههههه طلال" هههههه أتمنى والله ...إلا أقول وين الشيخه ؟؟ شيماء" دقيقه بس ....لا تسكر هااا طلال" شيوووم شيماء" هلا آمرني طلال" للحين إنتي مضربه عن الزواج ؟؟ شيماء تنادي شيخه بصراخ" شيخــــــــــــــه ....طلال على التليفون يبغيك طلال" شيوم سمعيني ...أنا ادري إن أذنك عندي شيماء مرتبكة بس ما ردت".......... طلال" شيماء ....هذا في واحد معاي اسمه احمد كان دارس وياي متوسط وثانوي من عايلة آل..... وهو ولد ناس وأصل شيماء بحده" وش مناسبة الكلام هذا ؟؟ طلال" والله أنتي أم المفهوميه وكلامي ما يبغي له تفسير شيماء دموع بس"............. طلال " ما أبغي رد الحين لا بالنفي ولا غيره ....فكري زين على ما أجي أبغي رد نهائي شيماء تمسح دموعها تدخل عليها شيخه اللي فز قلبها شيخه تاخذ السماعة من شيماء بقوه " طلال خير يا عمري فيك شي؟؟ طلال" سلمي بالأول ... ولا تغيرت العادات لما تركت أنا البلاد ؟؟ شيخه" صحيح طلال أنت بخير ؟؟ طلال" هذي انتي جالسه تسمعين صوتي محلاه ...وش بيكون فيني بالله ؟؟ شيخه" ما أدري شيوووم كانت تبكي وهي تكلمك طلال" ايي ما تدرين عن أختك ...بس كلمتها إن في عريس متقدم لها .... قلبتها نكد شيخه بفرح" صحيح والله ؟؟ احلف انزين طلال" ههههه وليه الحلفان بس ....وربي انك فرحانة بالعريس أكثر منها ....لا يكون تفكرينه لك ؟؟ شيخه" انطم أقول هذا اللي باقي بعد طلال " ههههههههههههههه \\ // في الرياض وفي الفندق ... وعند نواف ونوف نواف " يا لله يا عمري ...بسرعة نوف" إن شاء الله حبيبي ...أنا أشوف انه في وقت ,لسى باقي خمس ساعات على إقلاع الطائرة نواف " نوف بعدي شوي ...أنا برتب الملابس نوف تواخذت من تصرفه وبعدت شوي نواف " الحين تقولين في وقت؟؟؟ بنروح نسلم على بيت أهلي وبتروحين انتي لبيت أهلك وبتجلسين تتسامرين حتى تروح عنا الطائرة ...صح ؟؟ نوف ساكتة"............... نواف" ما يحتاج الترتيب الزايد ...وثانيا ناخذ الأشياء اللي نحتاج لها وبس نوف متضايقة" إن شاء الله نواف يلتفت عليها " زعلتي ؟؟ نوف تصد عنه" لا في شي يزعل ؟؟ عادي ما صار شي نواف يروح لها" أفا بس ...القمر يزعل علي ؟؟ نوف تبعد عنه" نواف ...خلاص رتب الشنطه حتى ما نتأخر نواف" ما ني برتبها ولو رضاك بيطير منا السفرة ما عندي مانع نوف تبتسم وتحط يدها على فمها حتى ما ينتبه لها " اوك ...ما يحتاج نسافر نواف يفتح أزرار بلوزته " عند قولك يا قمر ...ننام أحسن نوف تروح له بسرعة وتسكر الأزرار" لا حبيبي تكفى نواف معند يبغي يجننها" لا ما يحتاج لازم نسافر؟؟ نوف" هههههه نواف لا تصير بزر ...يدوب نلحق على الطائرة ....يا لله عاد نواف يغمز لها" تدرين ؟؟ أنا بصراحة خاطري بشي ... والطائرة لاحقين عليها نوف بتجن" وش سويت أنا بحالي ...تكفى نواف بغلاي عندك نواف يبتسم" لو ما تحلفين بس نوف" ههههههههه ...حبيبي , إلا العرسان جهزوا ولا بعد ؟؟ نواف" لا ماجد يقول إن صيته للحين تعبانه ومو خاطرها تروح نوف" اوووووف لا حبيبي لا تقول نواف وهو مشغول بترتيب الشنطه" للأسف يا عمري إن هذا مو كلامي حتى أغيره بنظره أو لمسه وحده من عندك يا عيون نواف انتي نوف بثقة" وإذا خليت صيته تغير رايها كم تعطيني ؟؟ نواف بسوء نية" ليله ولا أحلى الليالي بسما * فينا * نوف بإحراج" نواف ما تتكلم جد أبد ؟؟ نواف" وش أسوي يا عمري ....ميت أنا بحبك نوف تاخذ جوالها وتطلع بره الغرفة حتى تقدر تكلم صيته وتقنعها ,, في الجهة الثانية من الفندق ...كانت صيته نايمه مثل الملاك وماجد كان جالس بجنبها على السرير ويطالع فيها كان سرحان بملامحها وكأنه يدور شي ...لحد ما وصل بنظراته إلى فمها اللي كان يشبه كثير فم نوره اللي حفظ تقاسيم وجهها في اللحظات القصيرة اللي التقت عيونه بجمالها وسحرها ... عندها بس فتحت صيته عيونها ولقت ماجد وعيونه عليها صيته تواخذت وصارت تطالع فيه .... لكنه وبلحظه قصيرة قدر يسرق بوسه من شفايفها صيته تجلس وهي مرتبكة" صباح الخير ... ماجد" صباح الخيرات يا عيوني ... بشريني عنك عساك ارتحت بنومتك ؟؟ صيته تتثائب" الحمد لله .... ماجد يبتسم لها" كنتي مثل الملاك وأنتي نايمه صيته تمسك جوالها وتشوف الساعة 7 ...فزت من فراشها على طول ماجد" خير يا عمري وش فيك ؟؟ صيته بضيق" الله يهديك يا ماجد ما جلستني للصلاة؟؟ نادرا ما كانت تفوتني لأن جدتي علمتني إني اصحى وأصليها بوقتها ماجد باستغراب" أي صلاه ؟؟ أنتي ما قلتي انك معذورة ؟؟ صيته ودها تموت "هااا ...إييي صحيح نسيت ماجد" هذا وانتوا متعودين على ها لشغلات ونسيتي صيته ما ردت عليه وراحت لدورة المياه وهي حايره كيف تصلي وهي كذبت عليه وقالت له إنها معذورة ؟؟؟؟ دخلت صيته دورة المياه وتروشت طلعت وماجد للحين جالس بمكانه ما غيره ...بس جواله كان قدام عيونه وما شاله أبد في هذا الوقت دق جوال صيته صيته بفرح" يا صباح الخيرات نوف بزعل" لا تكلميني ...أصلا أنا من جد زعلانه عليكي صيته" لاااااااا ...وليه كل هذا ؟؟ نوف" ليه ما بتروحين معنا النمسا ...يقول ماجد ما راح تروحون معنا خسارة والله راح نستانس كثيييييييير صيته" هااا ...ما أدري يمكن ماجد مشغول أو شي نوف" لا يقول إن أنتي اللي رافضه صيته بزعل" ايوووه ...خلاص على شانك بروح نوف" هههههههه والله جبتها صح ...يا لله جهزي حالك بسرعة طيب؟؟ صيته " ههههه طيب طيب سكرت صيته الجوال وهي متنرفزه بقوه صيته" ماجد... راح نسافر مع نواف ونوف ؟؟ ماجد مرتبك" لا أنا اعتذرت من نواف ...لأنك إلى الآن تعبانه ولازمك راحة صيته وهي تسرح شعرها" لا تحاتيني ...أنا صرت بخير ماجد وقتها ما قدر حتى انه يرفع عينه بعينها لأنه منحرج منها ومن حاله وش يقولها يعني ؟؟ يقول لها انه ما وده انه يروح حتى ما يبعد عن نوره وعيون نوره ولا لحظه وحده ؟؟؟؟؟؟ ,, في بيت بو نواف ...راحت صيته مع ماجد ونوف ونواف حتى يسلمون عليهم في مجلس الرجال تدخل أم عبد الرحمن على الشباب وهي تتعكز بعصاتها ينقال لها بتسلم على ماجد ماجد يقوم يوقف لها ويبوس راسها" هلا وغلا بعمتي أم عبد الرحمن" هلا فيك يمه ... عاد ما أوصيك على الغالية يا ماجد ....لازم تنتبه لها عدل , بنيتي ما تحب الأكل زود لازم أنت تتوصى فيها وتأكلها ماجد يبتسم لها" في عيوني صيته يا عمتي طارق" ايي بالله يا لنسيب امسكها مثل البطة وزغط بعمرها لين تنبط هههههههههه أم عبد الرحمن" انبطيت بين جدران جهنم يا الخسيس ...لا تدعي على بنيتي أقول... تراها تسواك وتسوى طوايفك بعد فاهم ولا لا ؟؟ نواف" هههههه والله راح نشتاق لك يا الغالية ولسوالفك اللي ما تنمل أم عبد الرحمن " هههه ما تشتاق لغالي يا بعدي ولو أنكم ....... ما قدرت أم عبد الرحمن تكمل لأن دموعها سبقتها وخانتها العبرة نواف يروح لها ويبوسها " له له له ...ما يسوى لك الزعل يا يمه , قولي لا تسافرون واحنا عند قولك أم عبد الرحمن تبكي" لا يمه روحوا واستانسوا وعيشوا حياتكم ....والله البلد من غيركم ما تسوى شي ....يعني معقولة لا صيته ولا نواف ؟؟؟ وربي هذا الموت بعينه نواف يهديها " صدقيني يا عسل ... إحنا ما راح نطول كلها أسبوعين وراجعين طارق " بذمتك يمديك تستانس ؟؟ روح حبيبي وعيش بالعسل , وطنش البلد وأهلها أم عبد الرحمن تتطاوله بعصاتها" إنطم انت ... لو الله يحبك كان تطلع شوي على وجهك وسخرك لي... أقول يمه روح استانس هناك وبعد عن هالبلد اللي فيها مثل طويرق... روح شوف الشقران و ههههههه نواف" ههههه بشتاق لها ولريحتها وربي ...بلدي وما في أغلى منها أم عبد الرحمن" اييي بالله بس لو ما نظرة الناس لنا بزيادة ومفكرين إن إحنا نتسبح بالبترول من زود الغنى , بس تدري ما ينلامون والله يلوم اللي يلومهم لين شافوا من شاكلة ها لأملح ...بيفكرون فينا كذا طارق" قولي قسم سحوره؟؟ الحين أنا ما أعجبك ؟؟؟ شوفي وغلات جدي بو عبد الرحمن اللي بفضل الله خلاني شبيهه .... وربي إني بحطك بعيوني وأخلي طلباتك كلها أوامر وأنسيك نواف وجد نواف انتي بس آمري يا عيوني أم عبد الرحمن ابتسمت ابتسامه عريضة لحد ما بينت رحي العقل عندها حطت الشيله على فمها طارق يغمز لها" ينقال لك مستحيه سحوره ؟؟ أقول يا قمر تخسي بوسي تجي يمك وربي انك أحلا وأصغر منها أم عبد الرحمن " انطم قطع الله لسانك ...لين أكون أنا كبرها أصلا هي أكبر من أمي أم سعد بسنتين عندها بس ما قدروا الشباب يمسكون حالهم من الضحك وهذا الشي أحرجها عدل ..تركتهم وطلعت من عندهم وهي تدعّي وتتحسب على طويرق ألف مره ,, في الجهة الثانية من بيت بو نواف وفي الصالة كانت نوره وأم نواف وصيته ونوف جالسين يسولفون صيته جالسه بجنب نوره وعيونها ما انشالت من عليها تبغي أي شي ينفي اللي صار حتى ترتاح وتعيش حياتها نوره بصوت واطي " صيته صيته بابتسامه صفره" هلا عمري نوره " مو عاجبتني كلش صيته" ههه لا عادي نوره " علي ها لكلام ؟؟ صيته " لا بس تدرين أنا دخلت حياه جديدة وهذا الشي مو سهل نوره" هههه أنت أقوى من كذا يا عمري ... وزوجك شوي شوي بتاخذين عليه بس أهم شي لا تبينين له انك مو مرتاحة معه صيته باندفاع" لا أنا مرتاحة كثير بس يعني بعدكم صعب نوره تطبطب على يدها تطمنها صيته خاطرها ترمي حالها لنوره وتلمها لها وتقول لها أنا أحبك موت يا نوره لكن ليه سويتي فيني كذا ؟؟ ,, نص ساعة ويدخل نواف ويطلب منهم يغطون حالهم لأن ماجد يبغي يدخل يسلم على عمته أم نواف لبسوا عباياتهم وصيته كان قلبها يدق وعيونها ما شالتهم من نوره اللي كانت هي بدورها ملهيه حالها بالجوال ومو مبين عليها ارتباك من دخول ماجد دخل ماجد وعيونه جهة نوره وصيته تطالعه وهو مو حاس فيها كلش ماجد" يا لله أسلم عليكم وأطلبكم براءة الذمة أم نواف" مع السلامة يا يمه وما أوصيكم على حالكم ماجد" إنشاء الله .... لحظة سكون وبعدها بصوت متقطع ماجد" شلونك نوره نوره ترفع راسها له " الحمد لله بخير ماجد وعيونه بعيونها" خفنا عليك البارح الله لا يعود الشر نوره بابتسامه" الحمد لله على كل شي وكله بفضلكم ولا كنت انا الحين مت وصرت تحت التراب ماجد بخوف واضح" لا بسم الله عليك ما عاش الموت يحوشك يا نوره عندها ما قدرت صيته تتحمل ووقفت على طولها ونظراتها لماجد ؟؟؟؟؟؟؟؟؟؟؟ | | |
 | |