23 - 11 - 2024, 10:57 AM
|
#47 |
 
 |  عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية »
اعزب
| مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | |
رد: رواية كبرياء رجل وشذوذ إمرأه
(الفصل الثاني) كانت أم عبد الرحمن جالسه على الكرسي وهو جالس على السرير ويطالعها وهو مبتسم لكنها متضايقة منه كثير أم عبد الرحمن" ما هقيت ترخص فيني يا القاسي طارق " مو بيدي ما أقدر أرده عني أم عبد الرحمن" ارجع يا ولدي لبيتك وأهلك وحياتك طارق" لا يمه وش أرجع؟؟؟الحمد لله اللي أخذني من دنيتكم أم عبد الرحمن" مرتاح انت هناك ؟ طارق بهدوء" الحمد لله وقف طارق وراح جهة الباب لكن أم عبد الرحمن نادته أم عبد الرحمن" وين يمه طارق" تأخرت يا الغالية لكني اشتقت لك وقلت بجي أشوفك أم عبد الرحمن تبكي" خذني يمه وياك طارق" لا خليك لخواتي وأمي وأبوي ... راح جهة الباب لكنه التفت لها مره ثانيه طارق" الغالية.... ابغي منك شي أم عبد الرحمن" عيوني لك يا كل دنيتي طارق" أبغي دعواتك انتي وحده خيّره ودعواتك مستجابة أم عبد الرحمن تبكي" أنا ما وقفت وأنا أدعي لك طارق " صحيح يمه لكنك ترجعين تحرقينهم بكلامك ونوحك واعتراضك على امر الله ... تكفين يمه انا محتاج دعائكم أكثر من البكي راح طارق من قدامها عندها فزت من نومها وهي تشكر الله وكلها فرح إنها شافت طارق وحست انه بخير ,, في المزرعة عند مالك ونوره وقتها ما قدرت نوره تصده عنها عندها صرخت فيه نوره" لاااااا تركي تكفى برحمة والديك يا تركي ارحمني عندها مالك صار يطالعها مذهووووول من اللي سمعه مالك " تركي !!!تركي!!! بعد مالك عنها وهي خايفه منه ومن ردة فعله كيف تناديه بإسم تركي وليه تركي بالذات ؟؟؟؟؟؟ مالك جلس على الأريكه وهو مو مستوعب كان الدم متجمع بوجهه نوره تحاول تبرر له لكن لسانها عيا يطاوعها وقف مالك وكأنه بركان مكبوت ممكن ينفجر بأي لحظه نوره بخوف" مالك اسمعني التفت لها مالك وعيونه كلها دموع لكنه ما نطق بكلمه اخذ قميصه المرمي على الأرض وطلع من عندها وقفل الباب ونوره تناديه وتترجاه يسمعها لكن مالك صار يصرخ من راسه ويكسر بكل اللي حواليه مالك بحده وصراخ" أكرهك يا نوره لو قلبي يعترض راح انزعه وأدوسه برجولي انهار وجلس عند بابها وهو يسمع بكيها اللي يقطع القلب وكانت تتمتم له لكنه ابد مستحيل يسمع شي وهو بهذي الحالة في اليوم الثاني ............ كان مالك عند بابها ما ذاقت عيونه النوم وهو يفكر باللي صار ...عقله مو تارك مجال لقلبه انه يقدم الأعذار قالتها وبوجهي ...معقولة يا قلبي تحب هذي الشيطانه ؟؟ وقف على رجليه فكر انه يدخل لعندها لكنه صد عنها وترك لها المزرعة وطلع ,, في بيت أم مسعود... مرام" يمه أسوي لك شي تاكلينه؟؟ أم مسعود وهي تمسح دموعها" من وين الواحد يقدر يحط لقمه بحلقه ؟؟ اليوم مات مسعود مرام " يمه تعوذي من إبليس ..من كلم نواف وانتي حالتك حاله..هذا أمر الله أم مسعود" والنعم بالله...إن لله وإن له لراجعون دخل عليهم مالك وحالته حاله... وسعت له أمه بجنبها وطلبت منه يجلس جلس عندها مالك من غير ما يتكلم وحط راسه على رجليها..حس انه محتاجها كثير بهذا الوقت ما فكر انه يروح مكان ثاني ..رجليه هي اللي جابته لعندها أم مسعود" مرام سوي لقمه لأخوك مالك " مالي خاطر بالأكل أم مسعود" ما يصير يمه ...انت وراك تعب اليوم والطريق مو سهل مالك" خير ؟؟ أي طريق؟؟ أم مسعود بهدوء" ما دريت بولد عمك ؟؟ مالك جلس" أي ولد عم ؟؟ أم مسعود تهديه" تعوذ من إبليس يمه بس الله اختار ولد عمك طارق وعطاك عمره مالك يفز واقف" متى !! وكيف؟؟ أم مسعود" العلم عند الله بس نواف اتصل يسأل عنك ويقول انه مات من أول البارح مالك حط يده على راسه" يا الله ...والحل؟؟ كيف أخبر نوره بهذا الخبر ؟؟ أم مسعود " خذ مرام معك وحاولوا تعلمونها الخبر بهدوء لا يجيها شي مالك نفخ نفخه من قلب" لا خليني بتصرف طلع مالك من عندها وهي تدعي له إن الله يحفظه ويحرسه ,, بيت نواف طلعت أم عبد الرحمن من غرفتها وبيدها المسباح لقت ام نواف جالسه على الكنبة وهي بحاله يرثى لها ودموعها على خدها أم عبد الرحمن" قومي يا لله ...مسحي دموعك وإذا كان قلبك عليه صلي ركعتين له أم نواف تطالعها وهي مستغربه ... جلست أم عبد الرحمن وهي تدعي وتستغفر لطارق دخل عليهم نواف ووجهه شاحب مليان حزن..سلم على أمه وجدته وباس راسهم وصعد غرفته دخل غرفته لقى نوف ترتب السرير ...من شافته صيته ابتسمت له لكنه ما بادلها بالمثل قربت منه عندها لمها بحضنه وصار يبكي من قلب ونوف صارت تبكي معه كان كل أملها انه يبكي ويفضفض حتى يرتاح من الحمل اللي على ظهره نواف" تعبان يا نوف ...مو قادر أتخيل حالي من غير طارق ,تدرين اشتقت له ؟؟ تعبت وأنا اقوي حالي قدامهم ..تخيلي اصّبر أبوي وأمي وجدتي وأنا بداخلي بركان وده ينفجر ...طارق مو اخوي طارق ولدي نوف" ابكي حبيبي ..البكي مو عيب الواحد محتاج يعبر عن اللي بداخله بالطريقة اللي تريحه طارق راح وارتاح وتركنا لهذي الدنيا الدنيّة ............. ,, مالك واقف بره الغرفة وهو يسحب أنفاسه ...جمع قوته وفتح الباب لكنه هلك يوم شاف نوره نايمه على الأرض وملابسها ممزعه ومتكومه على حالها من البرد ...وقتها كره نفسه وصار يلوم حاله على تصرفاته معها مالك بهدوء" نوره نوره فتحت عيونها لكنها من شافت مالك فزت على طولها وصارت تلم ملابسها المقطعة على حالها مالك ببرود" لبسي هذا وغسلي وجهك وتعالي لي بره أبغيك طلع مالك من عندها وهو يفكر كيف يفاتحها بالمصيبة اللي جاتهم ...هو نفسه مو قادر يصدق اللي صار ولا كيف صار ربع ساعة وطلعت نوره عنده والخوف لابسها لبس جلست بعيد عنه وكحت كحه رقيقه وكأنها تبغي تشد انتباهه رفع مالك راسه لها لكنه بسرعة حول نظره عنها وكان عقله يردد على قلبه لا تنسى اللي صار البارح نوره ما تستاهل منك ولا حتى ابتسامة رضى مالك بهدوء" نوره ...اسمعيني نوره بصوت متقطع" انت اللي اسمعني يا مالك مالك بحده" يكفيني ما سمعت نوره تروح لعنده وتجلس عند رجليه وترفع راسها له طالعني يا مالك واسمعني مالك يطالعها" خير ؟؟ عندك كذبه نسيتي ما قلتيها ؟؟ تكفين أنا مو فاضي...وعندي كلام أهم بقوله لك رفع حاله مالك يبغي يوقف لكن نوره مسكت يده وحاولت تجلسه ...بمجرد ما التفت لها وحط عينه بعينها جلس من غير تردد نوره بحده " ما في شي بالدنيا أهم من الكلام اللي لازم أقوله لك ولازم انت تسمعه مالك التفت لها من غير ما يتكلم وكأنه ينتظر الكلام المهم اللي راح تقوله نوره تحاول تتكلم وتنظم أنفاسها" مالك أنا آسفة إني ناديتك بإسم تركي مالك يطلعها وهو متحير من جرأتها ".......... نوره" تركي يعني لي الكثير ...هو اللي غير حياتي كلها مالك بيموت من القهر" وتقولينها بوجهي بعد ؟؟ نوره تصرخ بوجهه" اسمعني بس مالك بزعل" راح اسمع بس تأكدي إن هذا آخر حوار بيني وبينك نوره ودموعها بعيونها ...وقفت ودارت وجهها عنه لأن الكلام اللي بتقوله ما تقدر تقوله بوجهه نوره" مالك .... تركي هو أساس الدمار اللي أنا عايشته تركي هو من هدم حياتي وخلاني اكره الدنيا وحتى إخواني تركي هو اللي هدم أحلى ضحكه صادقه بوجه نوره وحولها لثعبان بصورة إنسان يبث السم على اللي حواليه تركي الشيطان اللي أسرني وهلكني مالك" نوره وش تقصدين ؟؟ نوره تلتفت عليه وعيونها جمر من البكي" تركي حاول يغتصبني مرتين ولولا ستر رب العالمين كنت أنا اليوم احمل عار بسبب جرم ما سويته مالك فاتح عيونه لها" ما راح يسوي كذا من غير دافع ..مو ممكن انتي مهدتي له الطريق؟؟ نوره تصرخ" حرام عليك يا مالك حرام ...كيف أمهد له الطريق وأنا كان عمري عشر سنوات ؟؟ من يومها وأنا كل همي أحطم كل الرجال اللي من شاكلة تركي اللي همهم اللعب على البنات بكلامهم المعسول وما يفكرون إن في شياطين غيرهم ممكن يضحكون على خواتهم ويبهدلون شرفهم في الأرض كلام نوره ريح مالك كثير لكن هذا ما يمنع إنه يعاملها بقسوه لأن بداخله غصه ومو ممكن يسامحها على اللي سوته بهذي السهولة مالك يتحاشاها" أنا ما يهمني كل الكلام اللي تقولينه نوره" بس أنا زوجتك وانت حبيبي مالك" لو فيك ذرة أخلاق كنتي اعترفتي لي من قبل وما خليتيني انخدع وآخذك نوره بهدوء" وش تقصد؟؟ مالك بصوت متقطع" لبسي عبايتك يا نوره أنا أنتظرك بالسيارة نوره بخوف" على وين ؟؟ مالك يحط عينه بعينها وكأنه يتودع منها" بعدين تعرفين طلع مالك ولحقته نوره بعد خمس دقايق وركبت السيارة كان الصمت يعم المكان ...ما في صوت غير صوت المؤشر اللي يدل على إن مالك تجاوز السرعة المحددة فتح مالك النوافذ حتى يشرب خامس سيجاره التفت عندها لنوره اللي كانت مثل الصنم ولا حركه بس دموع تتساقط مالك ببرود مصطنع" تبكين؟؟ نوره تصد عنه" لا بس الهوا جرح عيوني مالك يقفل النوافذ وقلبه يهمس لقلبها بكلمات كذبيني لو قلت لك بيوم إني ما أغار من الهوا لين يتجرأ ويلعب برموشك ويوم الشمس ينعكس ضواها بعيونك ويوم دمعتــك تكتسح سطــح خدودك ويوم تعتــلي البحــة جمـال صوتك ** كذبيني لو قلت لك بيوم إني ما أغار من عيوني يوم تكتسب نورها من نورك ومن بسمــتي يوم تنعكس بطيف عـيونك ويوم لساني بالعشق يردد صدى صوتك ويوم يدي بالغصب ترتمي على خدودك تكفين أنا ميت بهواك ومجنون بجنونك *غروب* نوره بضيق" ابغي اخبر أهلي إني جايه ممكن يكونون بره وبعدين أنا أتبهدل كلام نوره ضايق مالك كثير وصار يطالعها باستغراب كيف تفكر إني ممكن اتركها كذا من غير ما اتطمن عليها ؟؟ مالك" لا تخافين يا بنت عمي أهلك عندهم خبر نوره صارت تبكي بصوت لأول مره من ركبت السيارة مالك بتوتر" وش الحاجة للبكي ؟؟ يتهيأ لي إن فراقي عيد مو هذا اللي كنت تتمنينه من يومين ؟؟ نوره تبكي من غير ما ترد عليه"........ مالك بهدوء" لو انتي خايفه من كلام الناس أنا مستعد إني أقول إن الخطا خطاي ومو مهم نظرة الناس فيني مهما صار تبقين انتي بنت عمي لحمي ودمي نوره فضلت السكوت وهذا الشي ضايق مالك كثير كان يتمنى يسمع صوتها حتى ولو كانت بتصرخ كعادتها لأن هذي اللحظات بالتأكيد هي آخر اللحظات اللي راح تجمعهم مع بعض بعد تعب أربع ساعات بالطريق وصلوا للرياض ...نوره مغمضه عيونها ومالك مو عارف هي نايمه أو لا مالك بهدوء" نوره .. نوره تلتفت له وتطيح عينها بعينه" نعم مالك" وصلنا ... نوره تعدل جلستها " الحمد لله على السلامة لحظة صمت كسرها مالك بكلمه هزت نوره من أعماقها وصارت تطالعه مالك يتنهد" من جد يا نوره أنا أبغيك تسامحيني على كل شي.... ممكن ما أكون أنا الزوج المناسب لك وبالتأكيد انك مو الزوجة اللي ممكن تسعدني أو على الأقل اللي أنا أتمناها لكن تصرفي ممكن يكون مو مدروس وحاد نوره تصد عنه" الله اللي يسامح ويغفر.. لكن أنا ما بيدي شي وأنا السبب في كل اللي صار مالك يطالعها بحنان ويدعي ربه انه يصبرها على المصيبة اللي للحين ما عرفت عنها شي لما قربوا البيت دق مالك على نواف وخبره إنهم قريبين مروا عند بيت أهلها وهو أسود من الحريق شهقت نوره " هذا بيتنا ؟؟ مالك" ذكري الله يا نوره نوره بخوف" وش صار ؟؟ مالك ما عنده الشجاعة انه يخبرها لكن من قربوا لعند بيت نواف كانت هناك لوحه كبيره عند البوابة فيها صورة طارق ومكتوب عليها رحمك الله يا زينة الشباب واسكن الله فسيح جناته ما لحق مالك انه يوقف السيارة إلا وتفتح نوره الباب وهي تصرخ صراخ متواصل طاحت وعلى طول قامت وهي تركض للبيت ومالك ورآها ويناديها كانت نوره مو مصدقه وتتبع اللوحة, تلقاها نواف من عند الباب ولمها بحضنه وهي كانت تقول كلمات مو مفهومه ...أخذها نواف للداخل مالك وكأن جبل جلس على صدره مو قادر يتنفس وهو يشوف هذا الموقف جلس عند باب البيت وحط يده على راسه وجسمه كله يرجف ما حس إلا بيد تطبطب عليه التفت ولقى ماجد ودموعه بخده رمى حاله بحضنه وكأنه كان ينتظر أحد يشكي له ويبوح له بهمه ماجد ودموعه على خده " اشتقت لك يا خوي مالك يمسح دموعه بكمه ويروح لعند السيارة ولا كأنه يسمع من ماجد أي كلمه ماجد بتردد" مالك ...وين؟؟ مالك يلتفت له وبعيونه عتب كبير" رايح للمكان اللي جيت منه ماجد بصدق" محتاج لك يا مالك مالك يبتسم " مو أول مره يا ماجد ماجد يقرب منه" بس أول مره احتاجك وما تلبي لي مالك بضيق" بجد أنا الحين متضايق خليني ارتاح ماجد" راحتك عندي مالك يطالعه" والله وواثق من حالك ...هذاك أول راحتي عندك لكن الحين راحتي بالبعد عنك وعن بيت عمي ماجد" من ورى قلبك وأنا عاذرك مالك يتركه ويروح يركب السيارة ركب ماجد بجنبه ماجد" عطني من وقتك ربع ساعة مالك كان سرحان لعند رجلين ماجد وعلى طول مد يده ورفع ساعة نوره من الأرض طالعها شوي وبعدين شالها بجيبه وشغل السيارة وصار يمشي ويمشي وماجد ساكت لحد ما وقف على جانب الشارع مالك يطالع بماجد" وين نروح؟؟ ماجد بابتسامه" ما عندهم بحر هاا مالك ابتسم له أخيرا ...ابتسامة مالك كفيله ببث الأمل والسعادة بقلب ماجد ماجد طلب من مالك انه يسوق عنه وبالفعل أخذه لكوفي هادئ...دخل مالك وهو ساكت ماجد بتردد" هلكك الهوا يا خوي مالك طالعه بنظره حادة" ماجد ماني فاضي لسوالفك ماجد يسكت شوي بعدين يتابع" مالك انت اخوي وحبيبي ومستحيل أفكر انك تتحاشاني مجرد التفكير يذبحني مالك باستهزاء" انت بعتني علشان بنت يا ماجد ماجد" والبنت هذي إلى الآن ما أرضى عليها الأذى ولو كان الأذى منك مالك بضيق" لا تنسى إنها زوجتي ماجد بهدوء" وهي أختي مثل ما انت اخوي مالك مستغرب من كلامه لكنه ما علق وفضل انه يكمل كلامه ماجد بصدق" مالك أنا يمكن تصرفت تصرف غبي يوم حبيت وحده ما أعرف عنها شي لكني من خذت صيته ملكت كل حياتي وخلتني أؤمن إن الحب اللي يجي بعد الزواج هو الحب الصادق ....صيته هي الأخت والزوجة والأم وكل شي لي بالدنيا , مجرد ابتسامتها ترجع لي الأمل بهذي الدنيا ..زعلها يعني الموت ورضاها هو الفرح والسرور كان ماجد يتكلم وكله أمل وابتسامته ما فارقت وجهه وظل يسترسل بكلامه ماجد" تدري لو خيروني افدي قلبي ولا صيته وربي فديتها بكل قطره من دمي من غير ندم ولا خوف .. صيته ...هي أحلى هديه من ربي وعساني ما أفارقها إلا على موتي مالك ساكت كان يسمع كلام ماجد وهو مبتسم وكأن ماجد كان يقرا الشعور اللي بقلب مالك تجاه نوره لكن ماجد أقوى منه لأنه قدر يعترف لكن مالك إلى متى راح يسكت ؟؟؟ ماجد بفرح" مالك ..أنا بعد كم شهر راح أكون أب مالك من سمع كلام ماجد ما قدر انه يتمالك نفسه وسبقت فرحته قلبه قبل ما توصل لشفايفه وترسم جمالها عليها شعور رائع بالنسبة له كان يتمنى هذا اليوم ويحلم فيه مع ماجد من أيام الدراسة ابتسم مالك ابتسامه جميله واخذ أخوه بحضنه وبارك له ............... ترك مالك الرياض وقلبه متعلق في نوره ,تركها وهو ما يدري كيف راح يكون مصيره ومصيرها وهل قراره بالانفصال راح يكون الحل المناسب لهم ؟؟؟؟؟؟؟؟؟؟؟؟؟؟؟؟؟ بعد شهرين وفي بيت أم مسعود ...... مرام " والله اشتقت لك يمه أم مسعود" تشتاق لك العافية يا بعد عيني ...ها بشري عسا أمورك طيبه مع طلال ؟؟ مرام" الحمد لله ...بصراحة الأسبوعين اللي جلسناهم بالمدينة كانوا أحلى أسبوعين بحياتي رغد" ليه رايحين المدينة ؟؟أنا هذي ما أحسها سفرة شهر عسل أم مسعود" في أحسن من انهم يروحون لعند الرسول الأعظم زيارة وتسفاره مثل ما يقولون مرام " هههه ما أدري عنها رغد" بكيفكم ....على العموم أهم شي انك ارتحتي مرام" الف حمد وشكر ...وطلال بعد عيني ما قصر عني بشي لفينا المدينة لف أم مسعود" أنا عارفه ولد اخوي ما تطلع منه العيبه بس أهم شي انتي قمتي بواجبك ناحيته؟؟ مرام تغير الموضوع "وين مالك ما أشوفه ؟؟ أم مسعود " والله أخوك على حاله من البيت للشغل ومن الشغل للبيت مرام بضيق" وموضوعه ما انحل؟؟ أم مسعود" لا والله ... والله يساعد اللي يجيب طاري نوره بالزينة أو بالشينه مرام تتنهد" هو بغرفته الحين ؟؟ أم مسعود" قال من شوي انه بيدخل يريح لكن سمعي الموسيقى ما وقفت معناها صاحي في غرفة مالك ...كان حاط صورة نوره قدامه وساعتها بيده وكان يكتب في دفتره نجوم الهوى أرسم قبلاتي على خدها رسالة مني للغلا اللي غاب عني ,تردد عيوني صور عشقه المرسومة بقلبي , فؤادي غدى ينزف شلالات الوله والشوق, معذور قلبي وما بيوم ألومه , مناي اختلي بحضنه وما غير الهوى شاهد علي , يا قمر انخاك وما هقيتك مثل النجم توعد وما توفّي , ابعد ووصل سلامي المدموج بالغرام لعيون أحبابي . وهو مندمج بكتاباته سمع دق الباب اللي أرعبه وصاح بصوت عالي "إن شاء الله مرام " خلاص حبيبي فكرتك جالس مالك يقوم يفتح لها الباب وعلى وجهه ابتسامه " هلا وغلا مرام " هلا فيك ...هاا بشرنا عنك مالك" أنا بأحسن حال..تفضلي مرام تكح" أكيد؟؟ مالك" حياك أفا بس مرام تطالعه " أكيد انك بأحسن حال؟؟ مالك" الحمد لله ماكل وشارب وأشتغل وأروح البحر ...يعني مو ناقصني شي مرام تتحرك في الغرفة وهي تتكلم معه " بس هذا اللي الإنسان محتاج له ؟؟ مالك فاهم قصدها" بالنسبة لي على الأقل مرام تنتبه للصورة اللي على الطاولة وترفعها" شو أخبارها مالك وكأنه مو فاهم" منهي؟؟ مرام تلف له الصورة" نوره منو غيرها مالك" ما أدري... بس تأكدي طالما أنا بعيد عنها أكيد راح تكون بخير , وأنا بعد بخير طالما هي بعيده عني مرام تطالع فيه " مو مصدّقتك مالك يفتح الدرج ويحط الصورة فيه" مشكلتك مو مشكلتي مرام" طيب أخليك...شكلك مشغول مالك" لا مو مشغول جلسي طمنيني عن حالك واحكي لي عن شهر العسل مرام تبتسم له" أنا بخير ...وقبل ما أحكي لك تعال نروح جنب أمي هي مجهزه لنا الشاي مالك" خلاص اسبقيني وأنا لاحقك مرام" على خير وهي بتطلع إلا بدخلة رغد عليهم " مالك ...ماجد على الباب مالك باستغراب" من جدك ؟؟ رغد بخوف " ما ادري بس كأنه صوته طلع مالك بسرعة ورحب بماجد أحلى ترحيب مالك" حياك ادخل ماجد" لا أنا مو جاي اجلس أنا جيت آخذك وأرجع مالك باستغراب" وين؟؟ ماجد" تعال معي وبعدين أخبرك مالك" لا ما راح أروح إلا لما تخبرني ماجد بضيق" نوره تعبانه كثير وانت من تركتها ما سألت عنها مالك بيموت" ليه؟؟ ماجد " ما في وقت أشرح لك البس وتعال مالك دخل وغير ملابسه وهو خياله يجول في ذكرياته مع نوره ...وكان يدعي ربه إنها تكون حركه من ماجد حتى يرجعهم لبعض ركب السيارة وهو ساكت كان خايف من سؤاله ...وماجد بعد مو عارف كيف يخبره باللي صار خايف من ردة فعله العكسية ماجد يدخل بموضوع ثاني" إلا ما قلت لك ؟؟ مالك ببرود" خير ؟؟ ماجد" مو راشد سوى العملية والحمد لله نجحت والحين بيكمل جلسات العلاج الطبيعي وبيرجع بعد شهر من الآن مالك بفرحه" لا بالله؟؟ طمنتني يا شيخ الله يعطيه العافية ويرجعه سالم غانم معافا بإذن الله ماجد" صحيح ما خبرتك... الفرع الجديد اللي بدبي قريب افتتحه ..وش رايك تجي معي وتترك شغلتك اللي ما توكلك عيش ...بالله هذي عيشه جالس لي طول يومك مع البهايم ؟؟ مالك يطالعه بابتسامه سطحيه".......... ماجد يسترسل" وأحلى شي بالموضوع إن صيته مو معارضه أبد وتقول لي لو بالصين أفكر إني افتح فرع راح تكون معي, يا بعدي والله ما تستغني عني ...شفت كيف أخوك ساحر للقلوب والعقول ؟؟ مالك بهدوء" وش بلاها نوره ؟؟ ماجد ساكت "..... مالك بحده" ما سمعتني؟؟ ماجد يتنهد " والله ما أدري وش أقول لك مالك يطالعه" قول كل شي تعرفه من اليوم اللي أنا تركت فيه نوره ماجد " والله نوره صابها انهيار عصبي وجلست في المستشفى أسبوعين مالك بذهول" معقولة؟؟ كل هذا يصير ومحد يخبرني؟؟ ماجد" والله نواف رفض إن إحنا نخبرك مالك بضيق" ليه؟؟ ماجد" يقول ليه انت تركتها وما سألت...وثانيا ما تركت رقم نتصل لك عليه مالك متضايق" عجيب والله ....هم يقدرون يطلعوني لو أنا بالبحر ,بس تدري حجه جديدة ماجد اكتفى بالسكوت"....... مالك" والحين هي كيف ماجد" والله موجودة ومو موجودة .....صاحية ومو صاحية الدكتور طمنهم إنها راح ترجع طبيعيه بس هذا يحتاج إصرار منها ...لكنها للأسف هي مستسلمه مالك مو مستوعب"............. ماجد" لهذا السبب أنا جيتك ...أنا فاهم انك تموت فيها ولو ما قلت أنا اقرأ عيونك وأفهم أسرارها مالك ساكت وكأنه يأكد كلامه ....في راس مالك أسئلة كثيرة ومن أهمها هل نوره سألت عنه أو لا ؟؟ لكن طبيعة مالك الكتومة تغلب عليه وتغصبه على السكوت وصلوا الرياض ووقفوا عند بيت بو نواف اللي رمموه بسرعة رهيبة بسبب توفر المادة ماجد يطالع بمالك اللي جالس بمكانه وما تحرك" ما راح تنزل؟؟ مالك" إلا ماجد" أنا بروح مشوار وراجع مالك ببرود" مع السلامة دق الباب وفتح له نواف اللي استغرب من وجوده مالك بهدوء" السلام عليكم نواف" وعليكم السلام...تفضل دخل مالك وعيونه تدور بالحديقة اللي تغيرت عن قبل ....الزرع باين عليه انه جديد لسه ما طلع والمسبح فاضي والسكون يعم المكان نواف يأشر لمالك على المجلس" حياك مالك بجدّية" أبغي أشوف نوره نواف" هي تعبانه الحين وما تقدر تشوف أحد مالك" بس أنا مو أحد ....أنا زوجها ولا نسيت؟؟ نواف" لا ما نسيت يا ولد عمي ..بس الظاهر انت اللي كنت ناسي , زوجتك عندنا صار لها شهرين وانت ما سألت عنها ولا عن حالها مالك" عندي أسبابي .. مو ضروري أفسر لك نواف" والله انت حر....لكن نوره ما تطيق تشوف أحد مالك" خبرها إني موجود ولو قالت ما تبغي تشوفني ما راح أجلس هنا نواف" آسف.... تبغي تجلس حالك حال الناس بالمجلس ولا براحتك مالك تنرفز وبدا يرفع صوته..طلع بو نواف وهو حالته لله مر من جنبهم بو نواف" السلام عليكم مالك ونواف" وعليكم السلام بو نواف" خير ؟؟ مالك" ابغي أشوف زوجتي ...ولا مو من حقي بو نواف بهدوء" من حقك ونص....هي بغرفتها إذا تحب اصعد شوفها مالك مستغرب من وضع عمه" لو ما ودي أشوفها ما جيت نواف" أي بس يبه نوره مو متحملة صدمات بو نواف" هم زوجين وأدرى بحالهم خليهم يتفاهمون تركهم مالك ودخل داخل البيت بعد ما نادى لزوجة عمه أم نواف حتى تسوي له طريق وتصعده لعند غرفة نوره وقف عند الباب وكأنه ينتظر إن الباب ينفتح لوحده استجمع قواه وفتح الباب بهدوء...لقى نوره نايمه على السرير ووجهها لعند الباب من أول ما شافت مالك فتحت عيونها عليه وكأنها مو مصدقه ....لكن ابتسامته خلتها تتأكد انه موجود وإنها بعلم مو بحلم كعادتها من تركها مالك جلست على السرير من غير ما تتكلم دخل مالك وجلس عندها لكن السكوت في هذا الوقت أبلغ من الكلام , كانت عيونها للأرض ما رفعتهم من دخل لكنه كان يطالع بجدران غرفتها اللي كانت مليانه من صور طارق بكافه الأحجام والأشكال مالك بابتسامه" وين أنا داخل بإستديو ؟؟ نوره"............... مالك يطري الجو " يعني ما في لي صوره بينهم .... صدقوا أهل أول يوم قالوا إن بغيت الناس تحبك تغرّب ولا موت نوره عند كلمة الموت رفعت راسها له وعيونها مليانه دموع مالك يبتسم لها" الله يسلمك يا بعدي نوره تطالعه بإستغراب"........ مالك " وربي سمعتها بقلبي نوره بضيق" وش سمعت مالك" مو قلتي بسم الله عليك في قلبك؟؟ نوره تلف وجهها عنه لكنه يحط يده على كتفها بوقتها حست نوره بإحساس غريب وبحركة لا إرادية رفعت يده من عليها مالك ما علق على حركتها" ما اشتقتي لي؟؟ نوره تطالعه من غير ما ترد"......... مالك" انتي وحشتيني موت لو هذا سؤال عيونك نوره وصوتها مو واضح" لا تفسر نظراتي مالك" طيب خلي لسانك هو اللي ينطق نوره بقوه" ما عندي شي ....أنا خلاص ولا شي مالك" وين قوتك يا نوره ؟؟ وين حبك لنوره نوره تبكي" نوره ماتت ...خلاص أنا أكره وجودها مالك يمسك يدها" لكني ابغي نوره ترجع ...نوره اللي هلكتني بحبها وخلتني ما أشوف بالدنيا غيرها نوره تبكي".......... مالك" قومي رجعي لي نوره توقف" لا ...خلاص مالك منصدم" نوره أنا أتكلم جد أنا أبغيك ترجعين نفتح صفحه جديدة لحياتنا ونعيش بسعادة وحب نوره بصوت متقطع" صعب, أنا أشوف كل شي أسود ..... إنساني يا مالك مالك بضيق" ما أقدر ....وكأنك تغصبيني أمّزع صدري وأنزع قلبي منه نوره" أنا ما أصلح لك مالك يقرب منها" انتي قدري ...انتي زوجتي انتي كل شي بالنسبة لي نوره بعصبيه" مالك لو تحبني صحيح إنساني ...أنا كتله من الحزن,أنا أدمر حالي وأدمر اللي حوالي مالك يلمها له" انتي كياني ....أروح فدوه لروحك يا عمري نوره تبعده عنها بقسوة وتصرخ فيه" خلااااص روح من حياتي أنا تعبانه تعبانه مالك ساكت لكن قلبه جالس يتقطع من كلامها"........ نوره تبكي" الله وياك يا مالك ....وأشكرك على الزيارة مالك يطالعها ونظراته كلها عتب...ما قدرت نوره إلا إنها تتصدى لنظراته بدموعها اللي غطت نظرها مالك يروح للباب لكنه التفت عليها مالك" نوره نوره "........... مالك" ما أقدر أنساك وتأكدي إني بحاول مره وثانيه وعاشره لين ترجعين معي لبيتي ولقلبي اللي صاروا يفتقدونك من تركتي البيت طلع مالك وصفع بالباب من ورآه ونزل بسرعة لتحت ونوره وقفت عند النافذة وكأنها تودعه طلع مالك ورفع راسه على فوق وهو يطالعها طاحت عينه بعينها كانت عيونه تقول أشياء كثيرة صعب تترجم بكلمات.... غصب عنها صدت عنه لأنه سلب كيانها وروحها بكلماته البسيطة ويكفيها شموخ وعزه إن مالك مغرم فيها جلست على تسريحتها وصارت تطالع حالها والذبول مالي وجهها وعيونها وجودك رجع أنفاسي وهداها لطريق الروح كلامك غير إحساسي ونسّاه البكي والنوح احبك ..وأحبك لا ما أحبك .. وربي أموت فيك سحبت دمي وروحي وسلبت مني كلماتي أعشقك لين تمل الروح أعشقك لين تنحبس أنفاسي *غروب* تمـــــــــت | | |
 | |