فــــي مــــــــــكــــــــــانــ آخـــــــــــر
دكتور أرجو منك ان الموضوع مايطلع لبرى يعني غبو السالفه او صرفوها بأي شي
الدكتور / بس هاذا مو شئ سهل ابد وشلون تبيني اغبيه ....؟؟؟؟
عارف والله يادكتور بس سمعتنا بتتاثر بالسوق وعند الناس وانت ماترضاها لنا
الدكتور بحيره بين واجبه وبين صلة القرابه اللي بينهم / يصير خير يصير خير
........................
فـــــــي وقـــــتــــ آخـــــــــــر
صحيتي كل هذا نوم ؟؟
هههههه ندى من متى انتي هنا خبري قبل مانام كانت فيه الجوهره عندى .....متى جيتي ؟؟؟
ندى / أفا ماتبين صديقتك ترافق عندك ولا وشلون ؟؟؟
ملاك / لا مو القصد ؟؟؟ انتي الخير والبركه .....على العموم الله يعطيكم العافيه كلكم تعبتكم معاي والله بس انتي عارفه اني مااقدر اخلي احد من اهلي يرافق عندي
ندى / انتي اللي مسويه فيها روميو وجوليت ولا تبين تعلمين اهلك
ملاك / ندى انت ماتعرفين اهلي صدق انهم كانو قاسين علي ولا يسألون عني إلا خواتي بس لو احد مسني بكلمه ماتعرفين وش بيسون فيه
وعندي اعمام وخوال وعيالهم مابيسكتون عن حمد وعادي عندهم لو يذبحونه ويروحون بدمه وانا ماابي حمد ينذبح لو سوى اللي سوى فيني
سوى اللي سوى فيني
ندى / معني مااقتنعت بس يالله ......خواتك كل شوي يدقون علينا ونقولهم مثل ماقلتيلنا انك مسافره انتي وحمد تعالجين بس كنهم ماصدقو
ملاك / يالله ......الله يصبرنا ونطلع من المستشفى وادق عليهم .....اف مليت متى يطلعوني ابكمل اسبوعين ولا طلعوني ؟؟؟
ندى / خليك هنا اريحلك نزفتي كثير وجسمك يبيله راحه وهنا بيعتنون فيك ازين من البيت وبعدين وش مستعجله عليه ..؟؟؟!!
ملاك / ههههههه ياختي وش عليك وحده مشتاقه لبيتها ورجلها
ندى باستغراب / نــــــــعـــــــــــم مشتاقه لبيتك ورجلك .....لا يكون بترجعين لحمد ؟؟؟
ملاك / أكيد برجعله أجل وين اروحله ؟؟
ندى بعصبيه / ملاك انتي صاحيه شكل الضرب قلب راسك ....أرجعي لأي مكان غير بيتك تبينه يذبحك عشان تفكرين تطلعين من البيت .....
حتى الزياره ماكلف نفسه يزورك ولا يسأل عنك وحده فينا عنك وبالأخير مشتاقه له وبترجعيله مجنونه انتي ملاك ولا تستهبلين ....عمري ماتوقعتك ممسوحة الكرامه بهالشكل
هذا وانتي وراك ظهر وعارفه انهم باشاره منك بيوقفون حمد عند حده بس انتي راضيه بالذل وساكته
ملاك وهي تكتم تجريح ندى لها بقلبها هي ماهي ممسوحة الكرامه بس تحبه وتخاف عليه حبها يمنعها من انها تاذيه بس مااحد يفهمها لأنهم ماهم بمكانها ويتكلمون وماهم عارفين شعورها وصعب موقفها
لازم ارجع مابي اطلع من البيت واخلي كل شئ معلق لازم انهي كل شئ بنفسي
سكتت ندى يوم حست بالأصرار بصوت ملاك والتفكير بعيونها وكانها تخطط لشئ